ارجو النصيحة:أظيف ابني معي لو لا

[FDSR]

اخواني ،أخواتي اطلب النصيحة من اهل الخبرة ،حيث انني متزوج من اجنبية(بلدها من الدول الفقيرة ولا يعطون جواز الى الزوج ) ولدي منها ولد عمره 3 سنوات  وحيث انني حصلت على توطين لأميركا لكن الامم المتحدة لم تقبل بأضافة زوجتي وابني لأن جنسيتهم ليست عراقية ولكن ممكن اضافة ابني في حال حصوله على جواز عراقي (هو الان حصل على الجواز والجنسية العراقية).ارجو من اصحاب الخبرة والمعرفة واللي ساكنين في اميركا ينصحوني اخذ ابني وياية لو لا ،لأن صعبة اتركهه مع امه في بلد المعيشة فيها جدا صعبة والى أن احصل على لم شمل للأم مع الشكر الجزيل.

[angie-dawood]

اذا الام موافقة ليش ما تاخذه بس الطفل بهذا العمر يحتاج رعاية الام اذا انت اللة وفقك وصلت لامريكا واشتغلت وين راح تخلي الطفل اذا تخليه دار الحضانة  نصف راتبك راح يروح لدار الحضانة فكر بيها قبل اي شي وانت تكدر تسافر ومن تاخذ جنسية  تكدر تسحب الام واطفل وحرام تحرم الطفل بهل العمر من امه المهم هذة نصيحتي ولك القرار وربي يوفقك باي قرار كان

[FDSR]

شكرا عزيزتي انجي انت دائما السباقة بالنصيحة والمساعدة وعزيزة وغالية

[angie-dawood]

تكدر من تسافر انشاءللة وتشتغل تبعث الهم فلوس تساعدهم الى ان اللة يوفقك وتاخذ الجنسية وتسحبهم اثنينهم احسن ما اولا تحرم الطفل من امه وثانيا تحير انت بالطفل شون تقوم بعنايتة وتربيتة اخي العزيز اني مجرد دانطيك نصيحة وراي وهو بالاخير الراي رايك والقرار قرارك بالتوفيق على اي قرار كان

[ريم عبد]

اخي العزيز
مثل مكالت اخت انجي انت اول تالي راح اتسوي لم شمل بعدين
اذا جانت للزوجه او للطفل هي نفس الشي
اذا تسال قانونا انت ممكن اتضيفه وياك
لكن من ناحيه منطقيه وانسانيه من اتسوي السحب هي معامله وحده للاثنين
وحتى اذا طولت الفتره مالت المعامله هم الطفل مستقر ويه امه
وانت ااتلحك اترتب وضعك بامريكا
وبعد يبقى انت اعرف بوضعك وانت الي اتشوف الاصلح

[FDSR]

شكرا اخت ريم تمنياتي لك بالموفقية وتحية مرة اخرى للعزيزة انجي