اكو واحد مثلي الكوم ابروفل مالته اتاخرت شهرين ولحدالان ماكو

[confident]

شباب مرحبا تقريبا صار لي 2 شهر من اقدم على الكوم اوف ابروفل اس اي في ودزولي رسالة كالولي اكو نقص باستمارة 157 وكملتهن وسالوني كالوا الي منطيك الريكومنديشن مو مديرك المباشر بس هو مدير الشركة وسالوني ايضا وين كنت من عام 2000 الى عام 2005 وجاوبت وكان ايميل مدير الشركة الي نطاني الريكومنديشن ما يشتغل اتصلت بي وانطاهم ايميلة الجديد والشخص الي انطاني الاج ار هم موجود اشو ماكو منهم لا حس ولاخبر اكو واحد ديتاخر علي الكوم اوف ابروفل يعني صايرة وي هيج ناس ديتاخر الايميل عليهم هواية لو شنو شكرا الكم يا وردود

[Aram2003]

دز لهم ايميل ولح عليهم
بالتوفيق انشاءالله

[echo 9]

لسلام عليكم اخي العزيز
انا بشهر العاشر 2009 قدمت على الاس اي في والسيناريو المر عليك هم مر عليه ابد لاناقص حرف ولا زايد حرف :
 1- دزولي رسالة كالولي اكو نقص باستمارة 157 وكملتهن ودزيتها لهم
2 - وسالوني كالوا الي منطيك الريكومنديشن وهو الضابط المسؤول المباشر مالتي وكاتبلهم الرجال ايميله العسكري ورقم التلفون ما كاتب انه هو السوبر فايزر بس كاتب انه البوينت اوف كونتاكت وهم الرجال من رحت له ماقصر وغير الرسالو وضاف الها انه السوبر فايزر والبوينت اوف كونتاكت وامي وابوي ايضا وولي امري .
3- وسالوني ايضا وين كنت من عام 1985الى عام 2009 وسويت قصة حياتي بفايل بي دي اف من اكعد من النون لغاية وا اروح انام مرة ثانية وارسلتها لهم .
بالنتيجة كل شي ماكو لا كوم بروفل ولا حاجة ولهسه وداعتك وهاي الكليشة مال المغذيات مالتهم صارت واضحة ومفضوحة بس احنا شبيدينا على كولت ابو المثل ( الحك العيار لباب الدار )
اخوك
Echo 9

[ghost rider]

نفس السيناريو صار وياية بس غير فلم...

[luay safar]

شهرين ................................. اني قدمت بشهر الخامس السنه الماضيه وبشهر الواحد يلله استلمته هاي قبل اسبوع وطبعا من بعد معاناة وقهر فاخي اصبر اشويه...ومن ديدزولك ايميلات على اخطاء معناه انه انته ماشي بالبروسسنج مالته وظبعا اتمنالك التوفيق.

[silver_d]

اخواني  الاعزاء  بالنسبه للخطوه الولى من تقديم على الهجره الخاصه اني  مسوي  موضوع  جديد وبيه كل  الاموور المطلوبه اثناء التقديم يعني  كيفيه ملئ الفورم DS157
وانشالله يستفادونمنه الاخوه
اما بالنسبه للكوم ابروفل  للتاخير  فهذا كلش  طبيعي  انشالله ميتاخر  هسه اكو زخم كبير  على المنظمه وانشالله  متتاخر  الاوراق  الي  بالانتضار الكوم ابروفل 
تحياتي  للجميع   اخوكم سلفر

[vincenzo]

اني هسه كملت 8 اشهر وماكو شي لليوم

[confident]

شكرا اخوان لكن الاخ الي صارله 8 شهر والاخر الي صار اله 6 شهر رجاءا وبدون احراج ليش لازم اكو معلومات عندكم ناقصة او ليش تاخرتوا يعني شنو مدراءكم ما جاوبوا لو شنو تحياتي
شكرا

[vincenzo]

صديقي
اني لان ابن خالة صديق رجل بيبيتي جان يحب خريبيط ابن شفلحة
يعني متكلي شتريد اسولفلك
هيه نفس القصة وملخصهه
انت دتطلب فد شي من واحد ولازم تصبر الى ان هالواحد يندار عليك
وخصوصا اذا كنت مؤمن بعدالة هذا الواحد وقانونية تصرفاته ... يعني مثلي
اما اخوية ماجلان فهو هسه بمحافضة ساندييكو صارلة شهور وحجيه قديم من جان الكوم ابروفال يطلع بنفس اليوم هو جان حيل ما محظوظ وطول 6 اشهر واعتقد (اذا هو يسمحلي) انه ما عنده رد غير اللي اني سولفته عن نفسي

[confident]

هلوا شباب لحد اليوم ماكو اي ايمي او رد من جماعة الاس اي في على الكوم ابروفل مع العلم انه اني صلحت استمارة 157 وما جاوبوني بس على الحجي القديم يردون مدير الشركة ايكول هو مديري المباشر ومدير الادارة كال اني خاطبتهم وكتلهم اشتردون احنا بالخدمة وايد وظيفتي بالشركة وهم كل شي ماكو اصور الشغلة تعبانه بس اله كريم

[احمد عراق]

طبعا اني قبل كم يوم دزيت للكوم ابروفال معاملتي وبلكي علسنه الجديدة اكو تسرع ماعرف علويش هذا الروتين احنه نحجي على دوائر الدوله طلعو الجماعه اضبط..بس خايف من شغله وحدة مديري المباشر اعتقد بريطاني بس هي الشركة امريكية وال اج ار امريكي ومدير الشركه منطيني فرفيكيشن امريكي يعني السوبر فايزر كاتب ايميله @ الشركه يعني مو ياهو بس تلفونه يبدي ب 01 ماعرف بيا دوله ومامثبت عنوان APOماعرف شنو رجاءا الي عنده توضيح يكولي اني هيج دزيتها وكلت عود بعدين ادوخ بالتصحيحات

[osama5477]

صارلي 7 اشهر بانتظار الكوم ابروفل ، وصارلهم 3 اشهر من كالزلي كل اوراقك كاملة ـ موضوع ال SIV صار حيل بايخ واتعس من ال IOM نفس المدة الطويلة اذا الكوم ياكل سنة يرادلك فد سنتين ياله تكمل ال SIV وتاخذ فيزا ـ بالمناسبة عندي صديق من شهر الخامس2009  مقدم على ال SIV وقبل يومين ياله استلم الكوم ابروفل !!!!! يعني 9 اشهر بس على الكوم !!!!!!!!!!!!!

[confident]

اخي اسامة ممكن تشرحلي ليش اتاخرت عليك هاي الكوم ابروفل 7 شهر شنو ما جاوب مديرك لو الريكومنديشن غلط لو شنو وكم مرة جاوبوك تحياتي

[silver_d]

اني بس اريد افتهم شباب شنو سبب هالتاخير
اخوان اني قدمت على اس اي في يوم 7 بشهر الثامن العام الماضي
واشتلمت الكم ابروفل شهر العاشر يوم 5 يعني اب 58 يووم بس استلمته
تحياتي الكم شباب

[ابو عبد الله التكساسي]

خويه لعد اني هوايه اسرع منكم شلاع
استلمت الكوم وره تقريبا 5 ايم من التقديم
بس شنو المعلومات الي قدمته صدك مرتبه وبالضبط مثل ما مطلوبه لا حرف زايد ولا حرف ناقص

يعني ضبط  العكال
والركمنديسن مال المسؤل جان مرتب وعلى ايدي والولد راسا جان يجاوبهم والله سبحانه سهل

الله يسهل امركم اجمعين
واكيد ان شاء الله يطلع اول واحد بيكم اقدم واحد ويا الكوم ابروفل

اخويه
فيني الايطالي 

[confident]

شباب لا حس ولاخبر وايبين هسة همة من خلال ايميلاتهم كل ما تمر 25 يوم او اكثر تجي رسالة هسة صارلي 1 ايام وماكو الله ينطينا الصبر

[silver_d]

لا تعليق للرفع فقط
والحبل عالجرار والفرج عن قريب انشالله
تحياتي الكم خوان

[confident]

هلوا شباب اشو هم ماكو شي وهاي الضبط صارلي 3 شهر وكم يوم اكتبونا قصصكم يعني اكو واحد مثلا مديرة مغير الايميل مالته مبطل ورجع خاطب الاس اي في على ايميلة الجديد وابو الادارة هم وافق واله بعد شسوي ما ادري تحياتي

[vincenzo]

    
س:اكو واحد مثلي الكوم ابروفل مالته اتاخرت شهرين ولحدالان ماكو

ج: وين اكو !!!
والله يا اخي لو اني بمكانك وهيجي حال الضيم حالي جان انتحر

[confident]

]دائما خلوني احتار انوب يومية ودازله ايميل وكل شي ماكو هسة دكولي الولد خطية هسة انوب رقمي على الاي او م من شهر الرابع2008 وكل شي ماكو وكل ما هاي وكالوا نتاكد من رسالة التوظيف وانطوني هسة كيس نمبر جديد واحجي وياهم كال نتاكد من توضيفك هسة انوب الشركة طلعت من العراق وبعد محد ايخاطبهم اشلون يا ربي ابقى على الرف مو صار تراب علي هواي ماكو ايميل منهم ايكولون يابة خطية الولد اشوية خلي نمسح تراب الرف عنه شكرا واتمنى للجميع التوفيق

[kunda]

اخوان ترة هي مسألة حظ لا اكثر ولا اقل وبالنسبة للاخ اللي يقول انه حصلها بخمسة ايام فلازم يشكر الله قياما وقعودا لان حظة قوي مو لان عرف يرتب اوراقة مثل ماذكر لان اذا يريدون يطلعوله سالفة ترة من جوا الكاع يطلعون الف سالفة واعتراض وتحقيق بس اني اريد اعرف شنو الاخطاء اللي يوكعون بيها اثناء مليء استمارة157 لان اني هم صار فترة مقدم وماكو شي

[ابو عبد الله التكساسي]

اخوان ترة هي مسألة حظ لا اكثر ولا اقل وبالنسبة للاخ اللي يقول انه حصلها بخمسة ايام فلازم يشكر الله قياما وقعودا لان حظة قوي مو لان عرف يرتب اوراقة مثل ماذكر لان اذا يريدون يطلعوله سالفة ترة من جوا الكاع يطلعون الف سالفة واعتراض وتحقيق بس اني اريد اعرف شنو الاخطاء اللي يوكعون بيها اثناء مليء استمارة157 لان اني هم صار فترة مقدم وماكو شي

اخي الغالي
اذا تعرفني فيا هلا
واذا ما تعرفني (( فالخيل والليل والبيداء تعرفني ... والسهم والرمح والقرطاس والقلم)

اني اخوك ابو عبد اللله التكساسي
من سكنه هيوستن وصالي بامريكا 6 اشهر وحصلت الكوم ورا  5 ايام لان جانت المعاملات اسرع بهوايه من هسه  واكو فد موضوع بيه رحله نضالي المريره ويا الهجره  بلكي اذا صارلك مجال تقراها وبعدين تجاوبني اهنا

اني الحمد لله احمد الله واشكره بالسراء والضراء لا ما عندي امل باي شي بالدنيا غير رب العالمين
هو سندي وكفيلي ووكيلي ونعم الوكيل

اخي الغالي ومن كتلك اني اوراقي جنت مسويهه مضبوطه اني مسؤول عن كلامي لان 90% من المترجمين (( نعم تسعين بالميه) لا مترجمين ولا شي بس هم ناس تحجي انكليزي وكل الي جان يسووه يخلي الواحد يركع راسه بالحايط من يشوف الخرابيط الي بالاوراق

اذا انت كلبك محروك عليهم فاحب ابشرك بانه اني هم مترجم واكثر واحد بالدنيا اتعاطف ويا المرجمين الي اشتغلوا ويا الامريكان وكلامي ياكد هذا الشي

تحياتي الك والف شكر للتعليق المميز

تحياتي واحترامي

[vincenzo]

كبل ما يصرح نيوتن تصريحة الخطير انه الكتل تتجاذب هم جانت الناس تعتبر سقوط الاجسام عالارض مسألة حظ (وعلى كولتك "لا اكثر ولا اقل") وهم دوران القمر داير مداير الارض هم حظ وهاي العادة بكل تاريخ البشرية انه من فد ضاهرة بعده العلم ما واصل لتفسيرهه او العوامل المؤثرة بيهه كلش هواية ومعظمهه مجهولة (مثل الكوم ابروفال) هم الناس تكول عليهه حظ
يا ول حظ 

احبائي
من العوامل اللي تؤثر على سرعة الحصول على المكموع الكوم ابروفال (واني اكثر واحد بالعالم وبالتاريخ مطول بيهه عدى بس اكو واحد بزمن حمو راضي جان غالبني قبل كم الف سنة بالعراق العتيك) هي :

دقة المتقدم وقدرته على التعامل وية الوثائق الرسمية بالانكليزي

الوقت اللي يقدم بيه الواحد من ناحية وجود زخم عالتقديم (وهاي ماكو اي احصائيات رسمية بيهه غير تصريحات مسؤولين منا ومنا)

سرعة استجابة ابو الريكومنديشن (اذا اصلا اله واهس يجاوبهم من يتصلون بيه)

سرعة استجابة الشركة (في حالة اتصلوا بيهه للتاكد)

عدد مرات سفر المتقدم لخارج بلده والدول اللي رايحلهه وتاريخه بالعراق الاضلم 

الحالة الصحية لابن خالة جيران الموضف المسؤول وعدد مرات عركاته وية مرته بوحدة
"كيلو عركه per second"

درجة حرارة غرفة المتقدم من ناحية التبريد او التدفأة (اذا عنده كهرباء) وسرعة الريح قبل تلتالاف سنة بس بنفس اليوم واللحظة

الخ

فاحنا حتى نخلص من هالدوخة نكول...هية كلهه حظ او جنص

[kunda]

الاخ ابو عبدالله (العراقي) التكساسي تحية طيبة بديت رسالتك بالسؤال هل اعرفك ام لا؟اخي ليش هو اكو احد يعرف الثاني بهذا المنتدى ليش اكو احد يقدر يكشف شخصيتة الحقيقية للثاني الا اذا كان يعرفه مسبقا وانت تعرف حساسيةالموضوع كوننا(مترجمين)وهذا كلش كافي..اما اذا اعرف النك نيم مالتك فهذا الاسم أشوفة هواية بالمنتدى وأعزي ذلك الى وقت الفراغ الكبير الذي تحظون به في امريكا وايضا قوة النت هناك على عكس من في العراق أعيد واكرر ان شغلة الهجرة تعتمد بشكل اساسي على عامل الحظ والتوفيق ولاتتصور ان الموظفين القائمين على هذا العمل ملائكة منزهين اصلا اذا اكو موظف (غبي وكسول وطايح الحظ )فهم موظفي الهجرةواغلبهم لايحسون بمعاناة شعوبنا المظلومة انطلاقا من مبدأ الشبعان مايحس بالجوعان وهذا الكلام من زمان وليس الان اخوك قديم جدا في امور الهجرة واللجوء اقدر اكولك اني في هذا المجال منذ 16 سنة تقريبا الشيء الوحيد الذي يتغير هو نسبة القبول لكن المعايير لم تتغير كثيرا اخي ابو عبدالله ذكرت انه عندك موضوع عن معاناتك اين هو الموضوع احب ان اطلع عليه لعمل مقارنة بسيطة بين تجربتي وتجربتك مع خالص الشكر والتقدير,

[ابو عبد الله التكساسي]

عاشت ايدك عالرد وبارك الله بيك وراح اجاوبك

اني الحمد لله اشتغل فول تايم وعندي عائله بيهه طفل وعندي 3 عوائل اني متكفلهم بامريكا و تقريبا عائلتين لو 3 ما عدهم احد لحد الان المنضمه شالعه كلوبهم ولذلك ما اكدر اذا ما اقدملهم مساعده (( لعد اني اشكد فارغ وما عندي شي ))
 وهذا من فضل الله سبحانه علينا الي عندي لو دقيقه ادخل للمنتدى واجاوب على اساله العالم لان اليعرف شي لازم ايساعد اخوته وانت راح اتشوف بهذا المنتدى الي ما شايفه بغير مكان
الانترنيت اسرع من الشده واقوى من المده واسرع من لمح العين وهذا مو ما اعتقد فد شي ممكن تعيرني به !!
 بالنسبه للموضفين فاني ماجبت طاري الموضفين بس اني اشرت الى (((غباء )))) البعض منهم وبصوره غير محسوسه بالمباشر
زين اني الي اعرفه انه الامريكان دخلونه من 2003 شلون صارت 16 سنه مدا افتهم الا اذا حضرتك مصدك برنامج الهجره العشوائه الي هو عباره عن نصب على العالم علمود 50 دولار واذا ما قاري التعاليمات اقراها وراجعني للمناقشه

بالنسبه للحظ - نعم الي طلعوا مو كلهم مستحقين الطلعه واني اكثر واحد اؤمن بهذا الشي وعدم الاستحقاق من الاشياء الي صدك اتنرفزني وراح تقرا هذا الشي بموضوعي الي بالرابط الي جوه . ولكن
مساله ترتيب الاوراق والتعامل وياها مو حظ ولكن ذكاء ومعرفه بخفايا الاستمارات وكفيه (( تحشيتها )) بالمعلومات
وهذا الي كان ردي ليفوك مو غير شي واكيد اذا انت قديم بالهجره راح تعرف اشكم مترجم سوى معاملات مال بقيه اخوانه ورغم انهم مترجمين والمفروض نفس المستوى والراتب والاستحقاقات والمفروض نفس المستوى الفكري والثقافي (( مو بس يس ونو وياخذ نفس الراتب ويطلع اول واحد.. وهاذا الحظ الي حضرتك تحجي عنه))

اخيرا اعتقد لو قاري جواب الاخ  فنجينزو  جان افتهمت الي اني قصدته بالضبط وحضرتك علقت عليه بتعليق غير مناسب
واستبقت الاحكام قبل المعرفه بالشخص وهاي من سمات العراقيين الاصيله

وهذا موضوع الهجره

وهاي المره صدك اقراه زين قبل لا تجاوبني
وهاف اي نايس داي
Have a nice day


http://www.ankawa.com/forum/index.php/topic,383167.0.html
شوقي العراقي
ابو
عبد الله  التكساسي

واكو فرق مو اني تكساسي ابني التكساسي

تحياتي وهاي هي المشاكل الي تصير عند تعبئه الفورمات
ما تنتبهون للكلمات وبس تحجون عالتاخير الي بدون سبب

تحياتي واتمنالك متعه القراءه

[ابو عبد الله التكساسي]

وكالعاده
فلت الاخ كوندا بدون جواب مثل ما كانت اتصير بعض الحالات الاخلرى من الاعضاء الجدد

تحياتي للاخ كونفيدنت صاحب الموضوع
و لاخونا فيني لتحليله الرائع لمساله التاخر بالكوم ابروفال

[confident]

هلوا سباب اجيايميل من جماعة الاس اي في  كالو هسة الايميل مال مديرك هو غير صالح لان اندز وما يجاوب الي هو ايميل الشركة والمدير داز الهم ايميل بتاريخ 20 شهر الواحد كايل الهم اني بطلت من الشركة من زمان وهذا ايميلي الشخصي الي هو عل الجيميل وتليفونه هم انطاهم اياه بالله بشرفك هذوله شني يعني عقدوها علي حيل زين مديري اشلون ايجاوبهم على ايميله اقديم الي هو ما يشتغل (مال الشركة) والله المستعان والصبر حلوا ادعولي جزاكم الله خير الجزاء بحق محمد وال محمد ع تحياتي للكل