الاخوة والاخوات الكرام
لدي بعض الملاحظات البسيطه لتقديم المساعده لمن هم خارج الوطن
1_ خلي ننتبه على اجوبتنا وردودنا ان الشخص السائل ما يتعرض للاحراج ويكدر يقراه الجواب بحريه وكلكم تعرفون ان الدول المجاوره للعراق نظام الانترنت عدهم مرتبط بنظام مراقبه من قبل دوائر معينه واكو بعض الردود او المواضيع تتعرض لما يمس هاي الدوائر وبالتالي الي ساكن هناك راح يشعر بالقلق من هيج مواضيع ومراح يستفاد منها او تسببله مشكله بدون ما نقصد (طبعا الضيافه بهاي الدوائر عربيه اخر كرم .. ناس طيبين اوي ) طبعا اني اقصد الردود الموجهة شخصيا الهم في تلك البلدان
2_ اتمنى من اخوتنا واخواتنا ان ما ينسون ان الانترنت في تلك البلدان يكون مكلف ماديا على الاغلب فاهلنا الي هناك يحاولون يختصرون الوقت باكبر قدر ممكن من الفائده
3_لا ننسى ايضا ضعف الخط مال الانترنت سواء الي ببغداد او الدول المجاوره والرابط الي نفتحه اهنا احنا بثواني او دقائق هناك يكدرون يتغدون بالعافيه ويشربون الشاي يله يطلعون عليه ولو بعض الردود تتطلب بيها روابط لان كم المعلومات الي تجاوبه على تساؤلاته حتكون اكثر فائده
4_مسالة فرق الوقت بين بلد وبلد مابيدينا حل الها يعني الاخوان الي ينتظرون رد سريع لمشكلته او استفساره خلي يعرف فرق الوقت ياثر على سرعة الرد ولو بعض الاحيان واكثرها اكو اخوان حتى ساعات متاخره هم موجودين يردون على استفسارات الاخوه والاخوات وبارك الله بهم جميعا
5_ الي هي اهم نقطه ان خلصت موضوعي بس اتمنى لو اكو خطا اخواني واخواتي يصححولي او اذا اكو اضافه فنذكرها حتى نستفاد منها جميعا
كريكت
لاس فيغاس
