جماعه كندا اخوكم اريد وطن موعد الدوره الثقافيه يوم 2+3+4 من شهر شباط بس بدون موعد سفر

[اريد وطن]

اخواني واهلي الطيبين

ابشركم اخواني اتصلو بيه اليوم ب 25/1/2010  وحده اسمها عبير وكالت اكو الكم دوره بي 2/2 ولمده 3 ايام في الشميساني في عماره طيران الخليج  وحظور العائله كامل عدا اطفال بس اني عندي طفل كالت مو مشكله تعال وبعدين انشوف

سئلت على موعد السفر لم يحدد بعد بس كالت احسب 5 اسابيع من تاريخ تسليمك الجواز الى اي او ام
يعني اتصور نهايه شهر 2  اذا شاء الله

اخوان والف حمد لاعرف كيف اشكركم جميعا وبدون ذكر اسماء اخاف انس احد بس الكل بارك الله بيهم من معلومات قيمه ومفيده جدا ويارب اتمنى للمسافرين حياه سعيده وخير والي ينتظرون يقرب عليهم فتره السفر

اخواني اذا اكو اي شخص عنده استفسار اني حاظر وان شاء الله انقل لكم احداث الدوره والمره الجايه بلكت الله يتحدد السفر ونخلص
بس اخوان اذا اكو احد وياي بالدوره يكلي لكي نعرف

اخوكم / اريد وطن

[احمد عباس]

مبروووووك اخويه الغالي الله عليك من تدخل للدوره التثقيفيه ادعيلنه نجي وراك لهذا المكان

لان اني هسه اول مقابله الي باليو ان بخصوص التوطين باجر وصراحه قلق كلش

خايف متمشي الامور خايف من التاخير انشتل هوايه واني مشتول 3 سنين مابيه حيل انشتل اكثر واكثر

واني اريد كندا لان اقاربي هناك وخايف ميحولوني كندا او اتحول كندا ومانقبل

ولان مستقبلي كله متعلق بسفري اريد ادرس خلصت سادس بغداد وهاي هي اريد اكمل جامعه بره


ادعيلي لتنسى وننتضر اليوم الي تكول بي وصلت لكندا ومرتاح وان شاء الله نشاوف هناك


وفد سؤال الله يسلمك شنو الشروط الي يحولوني اني واهلي على كندا

عدي عمي ولده بكندا من زمااان

وابويه مريض بالقلب

واخويه تهدد بغداد

[اريد وطن]

اخويه احمد عباس

شاكر اهتمامك ودخولك وتهنئتك
اخويه اولا في اليوان عند التقديم  وضح انته عندك ناس في كندا ممكن يساعدوك ويوجهوك ودائما خليك بكل مقابله نفس الكلام

اخويه اذا كالولك امريكا لانها هي دائما تاخذ اعداد اكثر كلهم بحجه وهي حقيقه لديك مبدء عدم ذهابك الى امريكا بسب غزو بلدنا وحاله الحرب وتركنا على ماهو عليها نحن الان نطلب مساعده وحمايه بعد مرور 6 سنوات طبعن اذا لحوا ويكلولك ماكو بس امريكا هذا مبيد خيار بعد بس انته اصر وحاول الى كندا
طبعن بكل المقابلات لازم واكيد نفس الكلام بدون اضافات او نقصان او خربطه
وخويه بس يحولوك الى كندا يعني اتعبي الفورم تقريبا كندا مقتنعه بقستك وضرفك بس بعدها تدقيق واجراءات
اخي كندا او اسراليا او غيرها تاخذ وقت بس يمن يقبلون القضيه مالتك تقريبا كول قبلوك وطبعا ماكو شي اكيد ماريد اهبط معنوياتك هيه شغله حظ ونصيب ويرادلها صبر 
 
اخوك اريد وطن

[احمد عباس]

اني كلش اشكرك على ردك
وان شاء الله راح نصر على كندا

بلكي يقتنعون

[alasmer]

الف الف الف مبرووووووووووووووووووووك اخوية العزيز وتستاهل كل الخير
اتمنالك كل الخير وان شاء الله يخابرونه وياك لان احنا لحد الان محمد اتصل علينا
وان شاء الله يوم السفر القريب للاخوان المنتظرين الاتصال من السفارة الكندية

[اينشتاين العراقي]

الف الف الف مبروك خويه اريد وطن
وان شاء لله تبشرنه باجر بتحديد موعد السفر
وانشالله انتم السابقون نحن الاحقون
بس خويه سؤال الي وياك كلهم على نفس المقاطعه واكو فانكوفر لو لا؟؟؟؟
لان اختاريت فانكوفر وولد كال فانكوفر شويه تأخر اكثر من الباقي وبعد ما ادري
يلا صبرنا كل هاي منصبر بعد شويه
وتقبل تحياتي
والف الف الف مبروك مره ثانيه
اخوك اينشتاين

[اريد وطن]

الف شكر اخويه الاسمر ويارب قريب يكون سفرك ونلتقي بكندا

اخويه انشتاين حبيبي ان شاء الله الاسبوع القادم ادخل الدوره واشوف بس حسب علمي وتصوري احنى يوم سلمنى الجوازات جنى 6 كيسات وكلنا تورنتو واكيد احول استفسر على الدورات الورانه وبالاخص فانكوفر
يارب قريبا وتفرحنى بيك وبلكت الله هاي الايام تون فرحتي بيك ونسافر سوى شنو نسيت من اول يوم نكول رفيق الدرب وخلي املك بالله جبير وكول يارب


اخوكم اريد وطن

[اينشتاين العراقي]

لا خويه وطني كندا شلون نسيت طبعا انشالله رفيق الدرب وبطياره وحده بس ما اريد ااخرك لان جنهه سالفتي مطوله
لان هم المقاطعه مالتي ولد كالو تتأخر وهم ما عندي كفيل بكندا
بس يلا انشالله هانت
والف مبروك وانشالله باجر او بعد كم يوم تبشرنه بموعد سفر قريب
وتقبل تحياتي
اخوك اينشتاين
 

[عبسي]

الففففففففففف مبرووووووووووووك اخوية العزيز اريد وطن
نصيحة لا تاخذ حجي الدورة كله راس مال ترة هواي خرابيط عدهم
يلة منتظريك على نهاية الثاني حتى الجو هذا الشتا جان كلش زين

اخوك عبسي

[الفريدو]

الف مبروك اخويه اريد وطن كلللللللللللللللللللللللللللللللشششششششششش

والله فرحتني بهذا الخبر وشايف الف خير وانته تستاهل كل الخير وانشالله مابقى شي على سفرك يعني بنهاية شهر الثاني انشالله واتوقع سفرك يوم 26/2 والف مبروك

اما عن عبير مسؤلة الدورات فهذه انسانه جدا طيبه واما عن الاطفال جدا عادي اخذه وياك لان هنه يكولون لاتجيبون اطفال بس الكل اطفاله معاه عادي
ومثل ماكال اخويه عبسي لاتاخذ بكلامهم كله لان كلامهم يحجولك بالقانون وتصور راح يكولولك لاتاخذ اي شي وياك ويسووها ظلمه عليكم ومع العلم اني اخذت كلشي  كالو عليه ممنوع و ولا واحد سال وانشالله بالتوفيق اخويه وربي  يفرجها على اخوانه الباقين ويفرحونه بمواعيد سفرهم



اخوك : الفريدو

[احمد الغريب]

الف مبروك اخوية اريد وطن انشاءالله تبشرنة بموعد سفرك القريب واتمنالك التوفيق . اخوك احمد الغريب

[dodo micheal]

الف مبروك اخوي اريد وطن ويارب يوم يتصلون ويبلغوك بموعد سفرك

[كندا]

اخي اريد وطن....

مليون والف مليون مبروك..

هانت والحلم صار حقيقه....

يارب توصل الى كندا بالف سلامه ...

ويارب يفرجها على كل المنتظرين....

اختك كنداااااااا

[اريد وطن]

اخواني واهلي

اخويه العزيز  عبسي شاكر جهودك ويارب يكون لقائنا قريب جدا يعني اريد اعرف سر مكناسه كوستي

اخويه الحبيب الفريدو بارك الله بيك واني مثل مكلت حاخذ وياي دخان فد 5 -6 تكات والطفل اخذه وياي بس عارف يقلب القاعه على راسنه

اخويه احمد غريب اكيد انتو اهلي اول ناس ابلغهم موعد سفري

اختي دودي مشكور ويارب قريبا تخلصين ويسرع الايام وتكونين ويانه بكندا

اختي العزيزه كندا الف الف مليون شكر على تبريكج والله اختي الحلم يارب صار حقيقه بس بصراحه مصدق بس تنزل الطياره بتورنتو

واخويه ورفيق دربي العزيز انشتاين الكندي يارب نكون بطياره وحده  وتوكل على الله بلكت يحجون وياك على اقل نطلع بطياره وحده وقريبا تبلغنى ذهابك الى فان كوفر يعني زين عندي كرايب كاركري ( اخونا الفريدو ) وهاي انشتاين اخويه فان كوفر ر  يعني لهلي كلهم بكندا وين واي ولايه عندي اهل واخوان

يارب قريبا جدا نسمع اخبار باقي المنتظرين ويقرب موعد سفرهم جميعا

اخوكم / اريد وطن

[eehab]

الف مبروك عزيزي اريد وطن والله فرحتلك وكلما نسمع هيج خبر نتفائل ويصير عدنا امل ان شاء الله ياربي نهاية الثاني انت مسافر وجميع الاعضاء يسمعون اخبار حلوة

[صابرين]

الف الف الف مبروك ... ويارب تتسهل امورك وموعد سفر قريب
كلمن اقرأ اسمك اقول هذا خطية شوكت راح يلقى وطن
بس الحمد الله الحلم بدأ يتحقق... ويارب بالتوفيق
وادعولنا تنفك المحنة علينا


صابرين

[Mazen Al-Baghdadi]

الفففففففففف الفففففففففففففف مليون مبروك والله شكد فرحتلك هسة يله عرفت وانشاء الله من يحددولك موعد السفر وتوصل بالسلامه
ويصير وطنك كندا ينرادلهه هلهوله الحمد لله والشكر .
الله ما ينسي عبده ما اتضيق اذا ما تفرج
وانشاء الله نسمع اخبار تفرح من اخونه اينشتاين العراقي ويتصلون بي على تسليم الجوازات

اخوك :اربد

[migrant]

الف مبروك اخوية اريد وطن والله فرحتلك وكلما نسمع هيج خبر نتفائل ويصير عدنا امل..الله يسهل امورك و تبدأ حياة حلوة و سعيدة .
وان شالله كل الامور  سهلة كدام الكل
تحياتي

[أ.ج.ت]

الف مبروك وان شاء الله موعد السفر القريب وتفرج على كل الي دينتظرون

[اريد وطن]

مشكورين اخوان ويارب الفرج للكل واتمنى يوم اشوف الكل واصله الى بر الامان بعون الله

وشكر خاص الى

ا.ح.ت

migrant

اخويه اربد اتمنى تخلص وتسوي المقابله وبهاي السنه نستقبلك بكندا دربالاك مو توصل ومتكلي علمود اطلعلك للمطار واسويلك هوسه

اخوكم اريد وطن

[Mazen Al-Baghdadi]

تسلم وتعيش اخويه
طبعن هذا شي اكيد ابلغكم  لان اني ماعندي احد هناك.
 بس انتم اخوتي  وادري بيكم ما اتقصرون اذا اي واحد راد مساعده

انشاء الله توصل وكل هذا الانتظار والتعب يصير سوالف
وانشاء الله يوم الاخونا اينشتاين العراقي والله يفرح قلبه .
حتى انحس انه اكو ناس كاعد تطلع ويمشون معاملاتهم  بسرعه
علمود انكول انتم السابقون ونحن الاحقون (بعون الله)



اخوك :اربد

[y.a.r.a]

الف مبروك اخ اريد وطن على تحديد موعد للدوره وان شاء الله موعد سفر قريب وفرجت بأذن الله عليك
وان شاء الله الفرج للباقين

[Mazen Al-Baghdadi]

شلونك اخوي وطني كندا .......انشاء الله من بعد باجر تروح للدوره التثقيفيه انريدك من تجي تشرحلنه شكو ماكو وشنو صار وياك ....
ونريد تشوف وتسأل الوياك بالدورة اشوكت استلموا الفورمات الى المقابلة يعني اشكد طولت وياهم وهم شافوا حالات انرفضت بعد الفورمات ...اخوي   اخوي لتنسه ولو انت يجوز ما راح تلحك.........بس اي استفسار جديد يفيد
لان يجوز هم ما داخلين على المنتدى ولا شارحين وضعهم.........
ولو دوختك وطولت عليك بس ادري بيك ما اتقصر


                 اخوك:اربد

[there is hope]

الف الف مبروك اخ اريد وطن وان شاء الله توصل بالسلامة والله يوفقك ويفتحها بوجهك وين ما تروح انت والاعضاء كلهم وطبعا اخص اخي الفريدو الورد ويوم لأنشتاين يسهل اله رب العالمين والله فرحتني كلش بس سؤال ولو اني طرحته على الاخ الفريدو قبل فترة وهو الورد ما قصر ويايا وسؤالي هو ان بعدني بالعراق اكدر اطلب كندا بالمقابلة لو لا وبما انه انت بالدورة اذا تكدر تسألي الموظفة عبير؟ واكون ممنون منك يا طيب

 اخوك
there is hope