الرجاء اخواتي واخواني المساعدة

[عزاز اهلي]

السلام عليكم اخواتي واخواني اعضاء المنتدى

ارجوكم مساعدتي اني في الامارات قدمنا قبل كم يوم على IOM زوجي واني وبنتي وضفنه اخويه ويانه بس هو بالعراق وعمرة 20 سنه حبيت اسئل ممكن اضافت اخويه لو اكو قوانين بالعمر محددة او قوانين اخرى تمنع ياريت من اللي عدهم علم بالموضوع يفيدوني باسرع وقت وياريت اللي يعرف اي معلومات عن جماعه الامارات شلون يقدمون هم يفيدوني وشكرا الكم

[angie-dawood]

اختي العزيزة بالنسبة لمعاملة ال iom ما يصير تضيفين اخوج بالمعاملة لانه المعاملة تكون بس للعائلة مثل انتي وزجك واولادك اخوكج اذا يقدم معاملة يكون له فايل لوحدة بس لازم يكون مع الاب او الام لانه عمره تحت سن القانوني الا يعبر عمر 21 سنة يلى يكون له فايل لوحده واي سؤال اخر تدللي اختي

[y.a.r.a]

اختي العزيزه عزاز اهلي
بالنسب لاخوج ممكن اتضيفوا على قضيتكم وايقدم من يمكم ويحضر المقابلات وياكم
اما اذا راد ايقدم من العراق فلازم تنطبق علي شروط العمل مع الامريكان وتعرضه للتهديد
بس اذا تسالين على شموله معكم ؟؟نعم ممكن ينشمل بقضيتكم لان اخوان الزوجه مشمولين بكيسها
واذا ممكن اتوضحينا امكانية التحاقه بيكم لو ايريد ينشمل وهوه موجود بالعراق؟؟
حتى انوضحلج اكثر

[angie-dawood]

http://www.ankawa.com/forum/index.php/topic,294296.0.html

[عزاز اهلي]

 الف شكر  لانجي ويارا والله متقصرون , دائما متابعين وردكم سريع لجميع الاعضاء الله يوفقكم , بالنسبة للاخت يارا حبيت بس اوضح انه اخوية بعدة بالعراق وردته ينشمل ويانه مناك بنفس الكيس ! بعد ماادري اذا يصير او لا لان حسب مكالت انجي انه ميصير الا يكون عمرة 21 سنه ويقدم وحدة بعد ماادري دخت لان انه اصلا ذكرته ويايه بالايميل اللي بعثته 

[angie-dawood]

اختي الغالية بصراحة قبل ما ارد عليج خابرت المحامي مال هجرة هنا يمنا بمشكن هو كال ما يصير اذا عمره تحت السن القانوني وانتي اسالي الاخ عكعك هو اكثر يعرف من عدنا  تحياتي لك

[عزاز اهلي]

شكرا اختي العزيزة انجي على تعبج ويايه ومتابعتج للموضوع , بس سؤال ولو رح اتعبج زين هسه اني شسوي على حجي المحامي انه ميصير واني اصلا ذكرته ويايه بالايميل اللي بعثته اعوفه والله كريم لو شكلها رح ترفض لو شنو بالضبط ؟؟؟؟؟؟؟

[angie-dawood]

حياتي هما راح يدزون الج ورقة يكولون بيها اذا يصير او ما يصير انتظري منهم اي ايميل واذا صارت خير على خير واذا لا لاسامح اللة راح يرسلون الك ورقة لو على الايميل تحياتي الك باالتوفيق وهم سالي الاخ عكعك بهذا الموضوع موفقة باذن الرب

[عكعك التطوى]

السلام عليكم الشكر للاخت انجي والاخت يارا على ما قدموهد من اجوبه واضيف على كلامهم

اختي الكريمه عزاز اهلي على حسب علمي iom  متقوم باي دور وهذا من ملاحظتي للاخوه
في الامارات يقومون بالتقديم على مكتب عمان ومن المؤكد يجب ان يكون الشخص يعمل او كان
يعمل مع جهه امريكيه سواء مباشر او غير مباشر على العموم اختي بالنسبه لا خيك مشمول
بالتقديم بغض النظر عن العمر والحاله الزوجيه  سواء بالامارات او بغداد ولكن على شرط ان يكون
قرابته درجه اولى من صاحب الكيس وكذلك على شرط ان يقدم في احد الدولتين اي لايجوز
تضيفي بالكيس مالتكم وهو في بغداد او ممكن تضيفي ولكن يجب عليه الحضور فيما بعد لاداء
المقابلات وبصراحه الموضوع يحتاج الى بعض المعلومات لكي تكون الاجابه دقيقه

تحياتي للجميع