اخواني ممكن معلومات عن مدينة لويل في ماسوشستس

[باسم البابلي]

السلام عليكم

اني من جماعة استلام الظرف يوم 15 -9 -2009
راجعت iom قبل يومين وكالولي الاجراءات مطولة اشهر بس محدديلي الولاية وهي مدينة لويل بولاية ماسوشستس وطلعتها على النت وشفتهه تبجي ارض جرداء وجبال
يا اخوان شتكولون اغير المدينة لو لا اذا احد كاعد بوسطن ويعرف اي شي رجاءا يطينا معلومات
لان مرة اخ بالمنتدى كتب على منظمة غدرت بي ببوسطن وخايف من هاي



                                                                                    اخوكم باسم البابلي

 

[ابو عبد الله التكساسي]

http://www.ankawa.com/forum/index.php/topic,333701.0.html

بلكي يفيدك هذا الرابط عن الولايات الامريكيه
تحياتي
 

[Baghdady73]

اخي العزيز..

مدينة لويل تبعد مسافة 12 ميل تقريبا عن بوستن ويسكنها عدد لا باس به من العوائل العراقية..المدينة صغيرة نسبيا بس اكو شغل والمساعدات بيها تعتمد اذا انته عائلة ف 8 اشهر واذا اعزب ف 4 اشهر..المدينة تعتبر من من اقدم مدن الساحل الغربي واغلب البناء من النوع القديم ويشبه بنايات لندن..بس اطمئن اكو عراقيين هناك واغلبهم عوائل..

بغدادي

[hamada2]

السلام عليكم اخي باسم البابلي
وحد الله عمي . لا اله الا الله
عمي والله الله يحبك وختارولك هاي الولاية ماسوشستس مدينة لويل
راح احجيلك سالفة اولا هاي الولاية من ارقى الولايات واغناها وتصور بيهة 550جامعة
وكل علماء العالم متخرجين من هاي الولاية
وخلي في بالك هاي الولاية بيهة مساعدات كلش قوية وبيهة عراقيين قليلين(مو مثل باقي الولايات)
معلوماتي تقول انه العراقيين الي بهاي الولاية او بهاي المدينة هم من اصحاب ( المشاريع والمحلات والمطاعم ) والكل مرتاحين من جميع النواحي ( بس اويلي عليك من الثلج من شهر 10 الى شهر الثاني من كل سنة
بس هاي لاتشيل همهة )
الشغل مو اقل من 10دولار بالساعة وفي بعض الاحيان تصل الى 12دولار بالساعة

واخاف احجي وناس يزعلون من حجيي ( عمي والله مو اي شخص ينطوه هاي الولاية )

وهاي المدينة تصير شمال المطار الي راح تنزل فيه وهوة مطار بوسطن ( وبيه كل العوائل العراقية فقط )
اما الشباب الي وحدهم الله يكون بعونهم بهاي الولاية ( يوم واحد مايبقون بيهة)لان موقعهم صاير جنوب مطار بوسطن ويكعدوهم في مجمع خاص للشباب فقط ( وكل اربع اشخاص بشقة وحدة) الي يتحمل يتحمل
والي مايتحمل راح يخسر هاي الولاية . لازم يصبر الى ان يستقر وياخذ كل اوراقة وبعدين يطفر يكعد خارج هذا المجمع ( هاي بالنسبة للشباب)

ونشالله اذا الله راد  ممكن اشوفك هناك اذا طلعلي السفر لان اني نفس مكانك
وكفيلي موقع وباقي بس خط الرحلة
تحياتي الك وخلي نسمع اخبارك
لان ممكن نكون جيران هناك

[hamada2]

طبعا ومثل ما كال اخوية بغدادي تبعد 12ميل عن بوسطن ( بس اني ممتاكد من المسافة ممكن اخوية بغدادي يعرف بالمسافة)
واحلى شي بوسطن كلش حلوة
خاصتا البحر boston_revere bach
وهذا الرابط راح تشوف بيه مدينتك لويل وتكدر تقرب وتبعد وتشوف اوضح
طبعا اي شي تريد بخصوص هاي الولاية والمدينة اني حاضر
لان اخوك صارلي سنة يومية اتفرج على الكوكل ايرث وانزل عنوان كفيلي واشوف حتى الشارع الي كاعد بيه
يعني حفظتهة كلهة

وهذا الرابط ادخل وشوف
http://maps.google.com/maps?client=firefox-a&channel=s&hl=ar&source=hp&q=%D8%A8%D9%88%D8%B3%D8%B7%D9%86&ie=UTF8&hq=&hnear=%D8%A8%D9%88%D8%B3%D8%B7%D9%86,+Suffolk,+%D9%85%D8%A7%D8%B3%D8%A7%D8%AA%D8%B4%D9%88%D8%B3%D8%AA%D8%B3&gl=jo&ei=l6dgS8jIE46l4Qa7o83zCw&ved=0CAkQ8gEwAA&ll=42.589489,-71.268311&spn=0.992829,1.766052&t=h&z=9

[باسم البابلي]

الف شكر اخواني Baghdady 73 و    hamada2

على اجاباتكم المطمئنة ...واخ حمادة ان شاء الله نلتقي ..ويا ريت تحجيلي اكثر على المدينة اشو اني شفتهه هادئة هواية واسواقها فارغة يعني خاف الشغل بيها مو هلكد لان مو ساحلية والساحلية تكون سياحية وشغلها اكثر ...والله كريم   المهم اكو ناس طيبة مثلكم ويانة وهذا المهم


                                                                                        اخوكم باسم البابلي

[الحمل]

اخويه باسم البابلي اني هم حدوولي ولايه ماساشوتس بس مدينه وورستروهم كنت خايف لان شفتها غابه وبيها بيوت س الاخ حماده 2 طمني وبعدين اقتنعت وكلت الخير فيما اختاره الله انشاء الله نجتمع بهاي الولايه لان حسب معلوماتي عراقيين قليلين بيها والله يوفق الجميع

[باسم البابلي]

السلام عليكم اخوان

قبل شوية نسيت اشكر الاخ عبدالله التكساسي على اجابته بالاضافة الى البغدادي73 وحمادة2 و الحمل ....واكو كم سؤال عندي اذا احد عندة معلومات  تفيد بهالموضوع  سمعنا اكو منظمات زينة واكو تعبانة  فيا منظمة زينة بهالولاية وممكن واحد يحول عليهه قبل ما يسافر ....وبالنسبة للشغل فاني مهندس بترول بس كالو الشهادة ما تفيد هناك ...واني عندي خبرة بمجال الكيك والنابلسية السورية والكنافة فهالمهنة هناك تفيد لو لا ...وشنو الشغلات الماشية بهالمدينة  ....مع الف شكر

                                                                          باسم البابلي

[Haider ALtaie]

الحمد لله على كل حال وممنون حبي حماده على هذه المعلومات القيمه

اخوكم
حيدر الطائي