ليش هيج تتعامل متكلي
شيجيب باجر والتقي وياك
واشيلك قلب ساكن بين الضلوع
واذا باجر اجه وما جابك وياه
أكص باجر واشيلنه من الاسبوع
السرالي بمحبتك من اريد انساك
شما انساك احبك اكثر واكثر
انسه وانشغل وبعزة النسيان
اتذكّر نسيتك وارجع اتذكّـــــر
ليش انته ويه اليحبك هيج تتعامل
خل نحجي الصراحة وكافي نتجامل
خل نحجي الصراحة ونحجي بالمكشوف
نفك اصدورنه والقلب حته نشوف
نشوف بلاحرج منهو اليحب ويموت
وتصحه حالته لو مره ولفه يفوت
اوصف حالتي قلبي عبر صبره
يتمنه يموت وببابك يحط كبره
حته من تمر عل الكبر ونته تروح
تحس بهل القلب باقي بعد بي روح
ادوس اعله القلب امرك تره مسموح
بلكي بدوستك مطيب خطيره اجروح
هسه انه عندك هم صدك مقبول
اسمعه بصراحه رايك انته اتكول
كول ولاتمازح رايك انته وياي
رايك لو عسل لو سم اشربه بماي
بلكت بالعسل رايك ورايي ايصير
كالاه القلب بس خانه التعبير
رايك من تسم شربني سم بهداي
بلكت يلمحب قلبي يموت وياي
تدريه القلب عنك فلا غادر
حبك بيه وحبك ذهب نادر
عيش وتحمل هل الحمل مطلوب
هوايه اتحملت هم مثلي هيج اقلوب
ليش انته ويه اليحبك هيج تتعامل
خل نحجي الصراحة وكافي نتجامل
لا تظن يوم انساك واتبره منك
صدكني بس الموت يبعدني عنك
من عمت عين الكال بفراكك ارتاح
ابجي بسواد اليل حته الرمش طاح
ليلي يمر سهران اتمنه ملكاك
ومعارك ويه الروح ماترضه تنساك
تحياتي
ابو العيس الجريــــ؟؟؟؟ــــح
شاعر الحزن وبالحزن شاعر
_*_____*_____$$___*__________
____*_______$$$$_____*_______
__*________$$$$$$__________*_
_______..~$$$$$$$$~..________
_*$$$$$$$$$$$$$$$$$$$$$$$$*__
____*$$$$$ (م؟م؟) $$$$$$*_____
*____*$$$$ (م؟م؟) $$$$$*______
_*___$$$$$$$$$$$$$$$$$_____*_
____$$$$$$$*___*$$$$$$$__*___
___$$$$*____________*$$$$____
__$*__________*_________*$___
الكاتب
