اخوان عندي استفسار على SIV

[BlindSniper]

السلام عليكم اخوان
 بالبدايه اريد اشكركم جزيل الشكر لكل شكل ساهم وشارك بهذا المنتدى اللي هو اكثر من رائع  وعلى كل المعلومات المفيده  اتمنى اتقبلوني كصديق الكم بهذا المنتدى الرائع ان شاء الله يا رب يوفقكم للاكثر وان شاء الله الكل تسهل معاملاتهم ويطلعون
 

السؤال هو
اني قدمت لل SIV من اسبوعين ولسه ما اجاني  بس الرد الالي
المشكله وين المشكله اني الجماعه اللي اشتغل وياهم راح يطلعون بعد شهر وماكو احد يبدلهم يعني رايح يديحونا هههه وما اكو احد راح يتابع القضيه مالتي لان مثل ما تعرفون اني ابقى محتاج لاحد يدز اوراقي لنبراسكا وغيرها من الخطوات ف شلون راح ادبر الموضوع

[show]

اولا : اهلا و سهلا بك في المنتدى

ثانيا : تستطيع انت التقديم لوحدك و تستطيع ان تتابع اوراقك بنفسك و هذا ما انا قمت به والكثير من الاخوه قاموا بنفس الشي و خاصا الذين تركوا العمل

بالتوفيق للجميع

[ضـاع الوطن]

مرحبا بيك اخي هسه يدخلك عكعك ويحله الك

[ســـرى]

والله اخونا نتمنالك الموفقية ان شاء الله احنا قدمنا عن طريق شخص بس ممكن تتابع المواضيع القديمة المنتدى وتشوف منو قدم بنفسه وتراسله عالخاص واكد يقصر وياك

تحياتي

[ســـرى]

اسفة قصدي اكيد مايقصر ياك متأسفة جدا

[ابو عبد الله التكساسي]

اخي اذا تريد راسلني عالخاص با مرحله ونحلها سوى
ابد لا تخاف
اهم شي تخلي يمك الريكمنديشن الاصلي ورساله الاج ار وعنوان الايميل مال الي كاتبلك الركمنديشن لان هذولي مت يرجون لامريكا ينسون العراقيين  الي اشتغلوا وياهم

[BlindSniper]

شكرا ياخواني الاعزاء اني جدا اشكركم على اهتماك وقسم بالله اني قلبي جداا انفتح الكم واحسن هذا المنتدى كل  اعضاء متفائلين ويتمنون الخير لكل الناس اني جدا اشكركم ياخواني الاعزاء


اما الاخ ابو عبد التكساسي تحيه خاصه واني جدا اشكرك يا اخي العزيز اني قريت موضوعك اللي يخص ترجمه الوثائق وكان اكثر من رائع وحبيت اقدم خدمه لهذا المنتدى الرائع خدمه واكولهم اذا يريدون ترجمه الوثائق بشكل رسمي بامكانهم يرسلون على اميلي واني اترجملهم ياها لانا اني خريج كليه الاداب الجامعه المستنصريه قسم اللغه الانكليزيه وعضو بجمعيه المترجمين العراقيين اذا يحبون اكون الهم خادم صغير في سبيل الله وادعو لي الله يسهل عليه وتخلص شغله الاس اي في مالتي   

[حمدمد]

الله يسهلها عليك وان شا الله ابو عبد الله يحلها الك
بالخير