بعد انتظار الفيزا سنة وتسعة شهور اتصلوا بيه المنظمة سألوني

[BNY]

السلام عليكم اخوان 
طبعا يوم الاحد اتصلوا بيه من منظمة الهجرة الدولية في سوريا بعد انتظار  الفيزا سنة وتسعة شهور وسألوني عن جوازاتي انا والعائلة اذا هيه صالحة ام منتهية صلاحيتها والحمدالله اخبرتهم بانه جوازتنا نافذة المفعول ولم تنتهي مدتها  وكلتله خير اخي اكو شي كلي لا بس دا اسأل شنو هذا الاتصال والله معرفت اذا احد يعرف اخوان خلي ينورني الله يخليكم تحياتي للجميع

اخوكم المخضرم ابو ديفد

ملاحظة 
طبها اخوان اكو واحد جيراني اهنا نفس شغلتي و نفس التاخير وهسه ديسوي دورة تثقيفية واخذ موعد سفر يوم 24\2\2010  يوم الي وللجميع يارب

[ضـاع الوطن]

ان شاء الله خير اخويه بدام خابروك ورادو يتاكدون من الجوازات فمعناها خير ان شاء الله راح تفرج والله كريم

[hassan W]

اخويه هذا معناها انو انت راح تستلم الفيزا قريبا ان شاءالله خير عليك
الله يوفقك

[eboo]

ان شاء الله خير ربي يسهل عليك وعلى كل الاخوان الي بسوريا

[عراقي صابر]

سلام عليكم
الاخ  العزيز  ابو  ديفيد    تحيه  طيبه

انشاءالله  هاي  المخابره  تكون  بشارة  خير  عليك   وادعي   ربي  يسهل  كل  امورك   وهانت  انشاءالله

والله  يوفق  الجميع

[احمد عباس]

حبي اطمن ان شاء الله منا لنهايه ال3 يخابروك بخبر حلو

[maitham70]

اخوية العزيز ابو ديفد بعون الله تعالى ماايامك الا عدد وراح تستلم الفيزا

[BNY]

اشكركم اخوان شكرا جزيلا على ارجاع الامل فيه والله كنت فاقد الامل  بعد هذا الانتظار القاتل وانشاء الله  خير للجميع يارب واشكرك اخويه العراقي انشاء الله اتهون لكل المتاخرين والمتعلقة ملفاتهم  لانه ابصراحة اني كنت سامع ابخبر مال اللجنة الامريكية الي واصلة الاردن بتسريع وتمشية االملفات المتعلقة والمتاخرة وانشاء الله احنا من ظمنهم شكرا مرة ثانية

ابو ديفد من سوريا

[angie-dawood]

انشاءللة تفرحنا عن قريب بموعد سفرك بعون اللة يارب نسمعها عن قريب

[y.a.r.a]

اخ BNY
مادام ديجيكون على الجوازات للتاكيد اذا اوراقك كامله معناها ان شاء الله ديخلوك على جدول السفر
وان شاء الله على شهر الاخ ايكون  عندك موعد سفر بأذن الله

[BNY]

شكرا الاخت انجي والاخت يارا على المشاركة والدعاء
طبعا اليوم خابروني من منظمة الهجرة الدولية وكالولي باجر لازم تجي انت والمدام على اليو ان الي بكفر سوسة طبعا الي ابسوريا يعرفها وين صايرة علمود البصمات والله ما اعرف شنو السالفة واشديصير تالي وقت بعد سنة وتسعة اشهر يلة هسه اجه ابالهم ياخذون البصمات طبعا هاي اعادة للبصمات اشوف باجر راح اروح واشوف شراح يصير وشكرا الكم اخوان مرة ثانية وتحياتي للجميع

اخوكم ابو ديفد 
سوريا

[الناسك]

مبروك اخي
ان شاء الله هذا سؤالهم علمود الفيزا
الله يوفقكم .
الناسك

[راهب الحب]

حبيبي الغالـي BNY :
ـــــــــــــــــــــــــــــــــــــ
أشاطر رأيي مع إخوتي المجاوبين على تساؤلك .. وأطمئنك هذا التلفون هو بمثابة إنتهاء إجراءاتك الأمنية وسيتم خلف ملفك حتى يتصلون بيك لإبلاغك بموعد الدورة التثقيفية وموعد السفر قريباً جداً لأنهُ هذا صار ويا كلنـا مو بس وياك ...
وإذا سؤالهم على صلاحية الجوازات والإقامات والحالة الصحية الجاهزة للسفر فهذا معناه إكتمال إجراءاتك فما ادري بس سألوك على الجوازات ؟؟؟

تمنياتي إلك بالتوفيق يا غالي وراح أكتبلك تلفونات منظمة الهجرة الدولية بالمزّة حتى تتصل بيهم وتسأل عن ملفك إذا إتأخروا عن مخابرتك ....

الهواتف هي ::: 6121370 <<< 6121375 ..
وإذا تخابرهُم من الموبايل فلازم تحـُط 011 قبل ما تدگ هاي الأرقام  .....
إن شاء الله تفرحنـا قريباً جداً ودمت بألـف الـف خيـــر .... †




    
                                      أخــوكــُم / وسـام بهنـام داؤد الخابــوري
                                                دمشـــق / سوريـــا  

[BNY]

شكرا الك اخويه راهب الحب هم خابروني بس على الجوازات  ديتاكدون اذا منتهية او صالحة واكو جماعة جيرانة هم خابرو ابنفس اليوم ديتاكدرون من الجوازات علما انه هو ديسوي الدورة التثقيفية ومحدديله موعد  السفر  الله كريم انشاء الله خير  وشكرا الك مرة ثانية

اخوكم ابو ديفد
سوريا

[الفرج القريب]

بالنسبة الىي ابو ديفد اني موعدي مال البصمة الاسبوع الجاي مو باجر  واني سالت اللي خابرتني هاي الها علاقة بموعد السفر جان تكول ما ادري وكتلها اكو هواية مثلي جان تكول اي اني انطوني هاي الارقام وكلولي اتصلي بيهم وبلغيهم يعني العجيب انه محد ينطيك حجاية زينة ومقيدة بس لا تقلق لان اعتقد السفر كلش قرب
ارجو منك ان تكتبلي باجر يا ابو ديفد عن كل اللي يصير وياك  وهسة هم يا ريت تكتبلي فد شي حتى اتاكد بانك استلمت هاي الرسالة
وشكرا للجميع

[نهاد احمد]

ان شاء الله خير ربي يسهل عليك وعلى كل الاخوان الي بسوريا
والموفقيه للجميع


نهاد ابو علي

[BNY]

اوكي اخي الفرج القريب اكيد باجر راح اكتبلكم اشسويت واشكالولي واشوف وين راح نوصل يمكن بالاخير نوصل للمستشفى الامراض العقلية هههههههه تحياتي للجميع

[الفرج القريب]

شكرا جزيلا  يا ابو ديفد  وانا بالانتظار والقلق