الكرت الازرق

[rihanna_88]

مرحبا يا احلى اعضاء ان شاء الله الكل بخير

اخوني اريد اعرف شنو فائدة الكرت الازرق وما فائدته ويطول حتى استلمه


                 شكرا لكم

[ابن بلاد الرافدين]

اول شي بيه هواية ميزات
 اولا: محد يكدر يقصيج من الدولة اللي نتي عايشة بيها يعني مثل الاقامة او بمعنى اخر اقامة محد يكدر يسفرج
ثانيا:بما انه اخذتي الكارت الازرق معناها انتي مقبولة كلاجئة وكل مينرفض الملف يحولونة لدولة ثانية تلقائيا يضلون يحولون حتى يحصلولج دولة تستقرين بيها
لان اكو بعض الملفات اذا انرفضت من دولة ممجبورين يحولوها لدولة ثانية

انشاءالله اكون وصلت المعلومة بالشكل الصحيح
 

[عراقي وافتخر 4]

بارك الله بيك اخونا ابن الرافدين على توضيح الامور ومساعدة اخوانك الاعضاء

[ابن بلاد الرافدين]

تسلم اخوية عراقي اني بالخدمة
نسيت اكول الفترة اللي تحصلون عليها الكارت الازرق وهي ما الها موعد ثابت بأستلامها اني بالنسبة اللي انرفضت من امريكا يلة انطوني الكارت
بس حاليا الاجراءات اختلفت صار اللي ينقبل توطين وعند تحويلة لدولة معينة راح يتصلون عليج وتجين توقعين وتاخذين وياج صور حتى يضيفوها على الكارت ورة شهر او شهرين تستلمينة
هسة بالنسبة للأبناء اللي جوة سن 18 مينطوه الكارت يضيفوه اما وية ابوه او وية امة
اما فوق سن 18 الة كارت ازرق لوحدة

اي سؤال اني جاهز          اخوكم ابن الرافدين

[rihanna_88]

شكرا اخي ابن االرافدين على توضيحك ما قصرت واني هم بالضبط صار ويايه مثل ما حضرتك حجيت اتصلو وطلبو صورة وقعت تسلم على ردك الجميل واشكرا الاخ عراقي وافتخر على مشاركته


                   تحياتي

[ako1983]

السلام عليكم ممكن اسالكم سؤال ؟

يابة شنو هذا الكارت الازق وشنو فرقة وية الكرين كارت ؟

موضوعكم على امريكا لو غير دولة ؟

لان اني مهتم بامريكا

[hamada2]

مثل ماتفضل الاخ اب بلاد الرافدين واحب اضيف نقطة مهمة
انه الكارت الازرق عندما يصدر من تلك الدولة . اولا انه الشخص امنيته في تلك الدولة جيدة ولاتوجد عليه مشاكل قانونية . وثانيا يتم تصفية جميع مايترتب على الشخص من تجاوزات على مدة الاقامة (اي انه في اي وقت يسافر من تلك الدولة تمسح عنه الغرامات المالية جميعها ) وليس يبعد . لان الكارت الازرق يصدر من وزارة الداخلية
والامم المتحدة هية التي تدفع غرامات ذلك الشخص الى الدولة التي سافر منها

[ام فائز]

اخونا اكو
تره الجماعه ديسالون عن الكارت الازرق الي ينمنح للاجئين الي موجودين ابلد ما يقبل يوطن اللاجئين عنده مثل اخواننا دول الجوار الاردن سوريا لبنان وغيرها وعموما كل الدول العربيه
وهذا كارت ينمنح للاجىء الي موجود ابهكذا دول وما يستطيع الحصول على الاقامه الاصوليه ومن هنا يبدون يحاولون يحصلولا على توطين في احدى الدول الاغربيه الي تقبل توطين اللاجثين
وهذا يختلف عن الكرين كارت الي يعني الاقامه الدائميه في امريكا
تحياتي
ام فائز
عمان

[احمد سلطان]

اشو احنا العراقيين بمصر ماكو احد عندة كارت ازرق كلنا كارت اصفر والكارت الازرق بس عند السودانيين ماعرف ليش

[اريد وطن]

اخوان الكارت الازرق للتوضيح وهذا ماخبوروني بي ال iom امس

طبعن انا في الاردن ومسافر الى كندا
1- ال يوان لاتدفع عنك الغرامات تبقه انته تدفعها بس شنو يوم السفر ال يوان تخاطب الداخليه الاردنيه والاردنيه بدورها تصدر بكتاب مذكور اسماء جميع المسافرين بهذ اليوم عدم ختم ابعاد لهم او مسموح مغادره الاردن بدون دفع على ان هذا المبلغ يبقى بضمت المسافر اذا حب مستقبلا الرجوع للاردن طبعن يحضر ويا اقامه الدوله الذاهب الها بس ميدخل اذا مدفعه

يعني مثل عمليه عمل المبلغ دين على المسافر والسماح له بالسفر بدون دفع وشرط عدم ابعاد لانه الابعاد لايسمح لك دخول الاردن لمده 5 سنوات وبعد الخمسه هم لازم تدفع
وذه هي تهيلات بدء العمل بها بتوجيات جلاله الملم عبد الله بدايه عام 2009
طبعن الخوان هسه يكولون وينتدقدون وين التسهيلات
لبعض الاخوان واني منهم اعتبره تسهيلات ممتازه لانه جانت كلش صعبه خلفله عليهم احسن من السابق

اخوك اريد وطن باقي ايام للسفر لكندا اذا الله شاء

[hamada2]

اخ اريد وطن
ممكن تعيد معلوماتك لان غير صحيحة
والدليل موجود
وهوة اكو ناس هواية رجعت لعمان وجانوا مجاوزين على الاقامة سنين
ورجعوا ودخلوا الاردن بدون دفع ولا دينار

كل شخص يسافر من الاردن وعليه تجاوزات عن طريق الامم المتحدة يعفى من جميع التجاوزات

اما اذا الشخص مقدم دايركت ( مباشرة على الاي او ام ) له الخيار اما دفع الغرامات . او يختم عليه منع لعدم دفع المبلغ


للتوضيح وشكرا

[rihanna_88]

شكرا اخواني على المشاركة في موضوعي


طبعا اني عندي اقامة سنوية في الاردن يعني عادي ما يأثر يطوني كرت الازرق بالنسبة الى الغرامات ما عندي ابدا   



                                       شكرا يا احلى اعضاء ارجو المشاركة بأي معلومة تخص الكرت الازرق

                                     حتى الجميع يستفاد 

[abo abo]

السلام عليكم احنه هم عدنه اقامه سنويه بل اردن واستلمنا الكارت الازرق هذا شي عادي بس بل نسبه للاقامه سمعت من عدد من الناس انو الاقامه السنويه سوف تسحب منا بل مطار عند المغادره الى امريكيا هل هذا صحصح واذا فكر الواحد بل عوده كيف يمكن الدخول الى الاردن وهو ليس لديه ايقامه

اخوكم ابو علي عمان

[ابن بلاد الرافدين]

اخواني الاعزاء الكارت الازرق مثل مذكرت سابقا حمايتك من الاقصاء يعني احنا سألنا المحامية اللي باليو ان كلنالها شنو فائدتة كالت حتى متتسفر وهذا اقامة مؤقتة لحد ميلكولك دولة وتسافر

بالنسبة للغرامات اعرف شخص قبل اسبوع حجيت وياه جان راجع من امريكا اخذ الكرين كارت ورجع وهو جان عليه غرامات بس لمن سافر شالوها وهسة هو بالاردن يعني اللي يسافر راح تنشال من عندة الغرامات ويكدر يرجع للأردن

[احمد عباس]

السلام عليكم احنه هم عدنه اقامه سنويه بل اردن واستلمنا الكارت الازرق هذا شي عادي بس بل نسبه للاقامه سمعت من عدد من الناس انو الاقامه السنويه سوف تسحب منا بل مطار عند المغادره الى امريكيا هل هذا صحصح واذا فكر الواحد بل عوده كيف يمكن الدخول الى الاردن وهو ليس لديه ايقامه

اخوكم ابو علي عمان

ابو علي بالنسبه للاقامه السنويه ماعتقد يسحبوها اله اذا كانت دراسيه وانت غايب عن الدراسه فتره تنسحب منك بالمطار

بس اذا جانت وديعه فه شي طبيعي انت من تسافر الامريكا راح تسحب فلوسك من البنك فه تسقط الاقامه


ثاني شي انت من تروح الامريكا راح تحصل كرين كارت بعد سنه

ترجع للاردن عادي اطب وتطلع عادي

[abo abo]

الف شكر اخويه احمد عباس الله يبارك بيك ويفرجه عليك انشالله واكيد الاخوه السافرو وكانو مقيمين يكدرون يكدون هذا الخبر اذا كان صح او لا واني اقامتي وديعه وليس طالب شاكر اهتمامك اخويه

اخوك ابو علي عمان

[كآبه]

مر حبا اخواني اني بسوريا واقامتي منتهيه  اكدر احصل على الكارت الازرق من اليو ان  ارجو التوضيح  وشكرا