الى الاخ عكعك سؤال حول المقابلة اي او ام

[bobon]

الى الاخوة والاخوات ارجو قبولي في المنتدى المحترم  سؤال الى الاخ عكعك المحترم ماهي المقابلة في اي او ام وهل يحتاج اصدار بصمات من بغداد علما اني في عمان وشكرا

[y.a.r.a]

 اهلا وسهلا بيك اخ bobon  ونرحب بسك في المنتدى عضو جديد
راح اجاوبك الى ان يجي استاذنا عكعك
اذا حضرتك في عمان تكدر اتقدم بشكل مباشر على ال  IOM او اتقدم على ال UN  وهمه ايحلوك على منظمة ال IOM
والمقابله تضمن اخذ معلومات شخصيه عن كل شخص بالكيس بالاضافه الى سرد قصة تعرض صاحب الكيس للتهديد
ويتطلب جلب كل المستمسكات الشخصيه بالاضافه الى الاوراق الثبوتيه للتهديد او اذا كنت تعمل مع الامريكان ايكون عندك اورق العمل والتزكيه
وميحتاج اصدار بصمات من بغداد لان همه راح ياخذولك البصمات
واذا اتحب اي اضافه اسال  وممكن انفيدك بشي لحين حضور اخونا عكعك

[bobon]

الى الخ y.a.r.a شكر الى ردكم السريع اني اخي كان يعمل مترجم وليس انا قد عمل اخي 3 سنوات ونصف وتم سحبي من سوريا الى عمان عن طريق usrap والان انا في عمان ومعطيني iz number وعلوا ربط قوي اريد السؤال في حال تم رفضي هل يرفضون العائلة كلها لاني لا اخفي انا كنت جندي في الاستخبارات 3 سنوات وبلاضافة كان لدي مشكلة وتم اخذ بصماتي من كنت صغيرا 1996 فهل سيؤثر في قضيتي او على عائلتي ارجو المساعدة وشكرا اخي y.a.r.a ولكم مني فائق الاحترام

[y.a.r.a]

اخي bobon
خلي نجي عليها وحده وحده
اذا اخوك كان مشتغل مترجم يعني ايحق لكل العائله اتقدم على ال IOM على كيس الاخ
اذا انرفضت احد الكيسات فماللها علاقه بالكيسات الاخرى ومتاثر عليها بالرفض
وليش تعتبر نفسك راح تنرفض حتى لو جنت جندي بالاستخبارات لان اكو شغلات اقوى من حالتك وتم قبولهم
اما عن البصمات
في مقابلة المحلفين راح ايسالوك اذا تم اخذ بصماتك العشره في اي قضيه قبل مقابلة المحلفين
وما اعرف مدى خطورة هاي البصمات عليك  وما اتصور راح ايطلعولك بصماتك من ذاك الوكت وعجبا هي في اي دائره حاليا وهل اتشكل تهديد لقضيتك

اختك يارا

[bobon]

الى اختي يارا لله يسهل عليك السفر وشكرا مرة اخرى الى مساعدتك اني تم اخذ بصماتي في جنحة بسبب زوج والدتي تهمني بل السرقة وقد حوكمت مدة5 سنوات بسب زوج والدتي ولدي اثباتات بسبب يريد اخذ البيت بسبب تعداد 57 الذي سجلت والدتي البيت باسمه وقمت بأخذ اوراق بيتنا منه واقام علية دعوة اخرى للنفراد ببيع البيت وهكذا تم دخولي الى السجن الاحداث اما بل النسبة الى اخي فهو كان مترجم وتم اختطافة من البيت ومن ثم وجدته مقتول في الطب العدلي ولدي توصيات والباج الاصلي لتاتين    اما بل النسبة الى اوراق البيت فموجودة لدي الان مثل اقساط التسديد اما الى دفتر الخدمة العسكرية فتم سرقتة يوم اختطاف اخي من البيت مع بعض المستمسكات    الى اختي يارا اتمنى ان يسهل لكي الرب السفر السريع انشاء وشكرا للمساعدة اتمنى كل الناس ان يكونوا مثلك واولهم انا وشكرا

[y.a.r.a]

اخويه العزيزbobon
الله يرحم شهدائنا وايعافي احيائنا
اخي اي موضوع ميفيد قضيتك حاول تجنب الخوض بي
يعني قضيه قديمه وانت جنت بيها حدث ومتاثر على الامن القومي اذا اتحاول تجنب ذكرها
الا اذا تعتقد اكو سجلات لازالت موجوده ممكن تكشفها
بالنسبه لاخوك الله يرحمه اتكون قضيتكم على اسمه وكلكم العائله مشمولين
وحتى تكدر اتقدم على ال برنامج المترجمين ال SIV
دفتر الخدمه العسكريه اذا مموجود مو مشكله وحتى متذكر انت جنت بمكان حساس بس ادكول جنت بالقلم او وحده غير فعاله بصفة مجند
اخي ان شاء الله ايسهل عليك هذا الوضع ويكتبلك القبول
واكو قضايا اكبر من هاي ومشت واصحابها حاليا بامريكا
 اختك يارا