بانتظار الموافقة الامنية من 5/9

[فيروز تنتظر الامنية]

يا جماعة الخير من استلمنا الظرف يوم 5/9 والى هسة ماكو خبر من الجماعة وكلما اخابرهم يكولون ما جتي الموافقة الامنية مع العلم انه احنا سوينا الفحص الطبي يوم 26/8 وخابروا الكفيل يوم 16/9 طبعا توقعنا انه كلشي خلص بس هذا التاخير ليش، اكو احد يعرف شي يعني اذا مسافرين هواية تتاخر لو شنو السبب. واريد اعرف اكو هواية ناس من جماعة 5/9 بعدهم دينتظرون الامنية؟، وطبعا الله يساعد جماعة 11/7 ويفرجها عليهم وعلينا.

[knight rider]

اني هم نفس مشكتلج اختي فيروز استلمت المغلف 5/9/2009 ومسوي فحص بشهر 8 ولكفيل متصلين بي والى هسة كلشي ماكو
نفس الشي كل ما اخابرهم يكولون ما جاية الامنية.
الله يكون بالعون
حسبي الله ونعم الوكيل

[احمد عباس]

شهر الثاني والثالث راح يمشون هوايه

فه شويه صبر وان شاء الله خير

[knight rider]

اخوية احمد اللهم ربي يبشرك ويبشرنا بالخير ويسمع من حلكك آمين

[فيروز تنتظر الامنية]

شكرا اخوان على الرد وانشاء الله خير ويا ريت لو سمعتو شي تخبرونا

[شجرة الدر]

الله يفرج عالجميع يارب

[y.a.r.a]

ان شاء الله الاشهر القادمه الله يفرجها عليكم وعلينا
احنا جماعة شهر الخامس وهم كلشي مخلصين وماكو لاخط ولا خبر

[جرح الزمن]

السلام عليكم
حبيت اشارك كوني من الجماعه الي استلمو الموافقه في يوم 5-9 طبعن انا في مقابله المحلفين كانت زوجتي حامل والمحلفه سالت زوجتي هل تعتقدين انك حامل زوجتي اجابت نعم وكملنه الفحص الطبي وكل شيء اوكي بس الكفيل ما خابروه ليش مادري المهم بعد فتره يعني شهرين خابرت الهجره وقال لي الموظف ان ملفك متوقف لحد ماتولد زوجتك قلت خير انشاء الله المهم المره ولده وجابت بنيه هم قلنه ميخالف ههههه المهم قبل يومين رحت للهجره اسوي الاضافه مع المحلفين المهم المحلفه قالت قوم اقسم زين انا مخلص ليش الحلفان مادري قالت بس انتا توقف زوجتك مايحتاج
هم قلت اوكي على شنو احلف  حلفت ان هاي البنت هاذا اسمها وعراقيه وعايشه ويانه بالله عليكم ابنيه عمرها شهرين يعني وين تكون عايشه مستئجره بيت بوحدها المهم من الساعه 8 الصبح لساعه 1 الظهر يالله خلصت منهم  المهم امس خابرت الهجره على مود رقم الكفيل لئن الكفيل بدل رقم تلفونه وحبيت اظيف رقم الجديد انا خبرتهم قبل 10 ايام في الموضوع بس حبيت اعرف الاميل وصل لو لا المهم البنيه ردت وقالت انطيني رقم الملف انطيتها وقالت انتا بلمراحل النهائيه لتشييك الامني قلت الها عمي يا امنيه انا جاي على غير موضوع رقم التلفون دخلتيه بملفي لو لا قالت اي الرقم كذا كذا قلت الها نعم ومع السلامه
هاي اخر الاخبار مع تحياتي لكم
اخوووووووووووووووووووووووكم
جرح الزمن

[البصراوي 75]

اول شي الاخت فيروز  انشالله تجيك المنيه وتاخير شي عادي مثل ما جاي اشوفين بالمنتدى واحنه كلنه على هذا الطريق بس اريد اضيف شي ليش احنه بسوريا من تحجي وياهم ينطبق عليهم المثل العراقي المشهور اطرش بالزفه يعني بس ماندري شوكت السفر مانعرف  ليش متاخر مو بدينه واكثر الاخوان هنا يعرفون هذا الشي الي بسوريا قصدي والله مشكله خلصنه من القمابلات نوب الامنيه

[Mazen Al-Baghdadi]

اختي عادي  لان هواي مثلك  بس هسه كاعد
 يتحركون وانشاء الله بشهر ال2 و3 يكولون كل الملفات راح يمشوهه وما عندنه الى الصبر ولتخافين اذا اتأخرت احنه جارتنه خلصت كل شي وبعد 9 اشهر يله سافرت يعني هم يحبون التاخير
  الله يسهل عليك

[فيروز تنتظر الامنية]

شكرا اخوان على الردود طبعا خابرتهم البارحة وهمينة نفس الرد ماكو شي

المهم اخوية جرح الزمن انشاء الله قريبا تكمل معاملتك ومبروك على البنوتة الصغيرة وتتربى بعزك

اخوية اربد عفية صبر مو متنا من الصبر مكتوب علينا الصبر من ولدنا الى هسة ههههههههههه

اخوية بصراوي 75 ليش دتتفول علية تجيني المنية ترة بعدني صغيرة ههههههههه (ادري غلطان بالطبع وما تقصدها) وجماعة سوريا حبلهم طويل هواية ناس من الاقارب صارلهم 3 سنين واكثر وماكو شي الله يساعدكم

انشاء الله الاشهر القادمة تتسهل امور الجميع

يارب

[البصراوي 75]

ههههههههههههههههههه وربي اسف عمرك طويل انه الي راح تجيني المنيه من وره الانتظار الله يوفقك والعمر الطويل يارب بس اريد اسالك انتي مكالولك على الولايه والي منطينه الولايه للي مثلي يعني شغلتنه متقدمه

[فيروز تنتظر الامنية]

بصراوي 75 الله يسلمك من كل شر المهم احنا محددين الولاية ومخابرين الكفيل وراح وقع وكل شي خلصان بس الموافقة الامنية الي مدنفتهم ليش متاخرة وشنو القصة يمكن لانه مسافرين كم مرة اذا هاي تأثر محد يعرف ويمكن العسكرية هو كلها علمود الجهال حتى على الاقل يصير الهم مستقبل

الله كريم يفرجها على الجميع انشاء الله

[أسكندر]

بسم الله الرحمن الرحيم

عدد خلقه وزنة عرشه

[/font][/size][/size]