السلام عليكم
شلونك اخويه الفرج اسف على التاخير في الرد لاني كظيتها نومة طول النهار ورا ما رجعت من البصمات
طبعا اليوم رحت اني والمدام واخذوا البصمات وطبعا جان اكو تقريبا اربع عوائل نفس الحالة كلهم على البصمات والمتاخرين امثالنا بس مكدرت اعرف منهم اي شي لانه يكولون احنا ماعدنا اي علاقة ومنكدر انجاوبك كتلهم طيب شنو هاي الاجرائات يكول يعني يجوز همه يحبون يتاكدرون من شي بس ما اعتقد لانه جان اكو عائلة جانت ماخذة موعد سفر ابشهر 12\2009 ومسوين دورة التثقيفية طبعا هاي ابسوريا وبعدين طلعت الجوازات مالتهم امغيريها من اس الى جي وطبعا هذا السبب الي خلاهم ياجلون السفر مالتهم لانه الرقم مال الجواز من نفس الاولاني وهم جاين ياخذون البصمات فنصيحة يا اخوان الي امقدم على توطين اجواز خلي ليغيره ابدا يبقى على جوازه القديم احسن هاي معلومة جديدة حبيت انقلها الكم وجانت اكو عوائل اهوايه مقابلة الوفد طبعا لاول مرة ها مو اعادة وطبعا مثل مكلتلك مكدرت اعرف منهم اي نتيجة لانه يكولون احنا منعرف اي شي بس اعتقد انه الشغلة خير انشاء الله يعني اكو امل هل المرة بالسفر والله كريم ويا خبر اليوم بفلوس بكرا يبقى ابلاش تحياتي للجميع
اخوكم ابو ديفد
