مأسآتي مع توم ( الجزء الثاني)

[slimmy10]

الجزء الثاني : فد يوم قررت اروح لتايتن اسلم الباج لأن باقية به رواتب 15 يوم تقريبا. كلت استفاد منها بتمشية حالي.
و الله و صلت لباب تايتن جان اشوف ولد صديق من الاعدادية... كللي شدتسوي هنا؟كلتلة هيج و هيج السالفة.
كاللي ليش ماتخللي الباج يمك ...ترة يفيدك.
و الله ما ادري ليش سمعت كلامة و اجرت تكسي من جوة الى باب التخطيط.
اثناء ما كنت بالتكسي ويه السايق حجاية منا و حجاية منا ... اخذني لشركة محتاجة مهندسين.
ثاني يوم باشرت بالشغل بالشركة.
من شهر الرابع 2004 الى شهر الواحد 2006.. تمت ترقيتي الى رئيس مهندسين.
بشهر الواحد 2006 طلع تعييني بواحدة من الوزارات ... باشرت بالدوام .. و ما عرفت بالقواعد الجديدة للاس اي في و الاي او ام اللا بشهر الثامن 2009.
بلشت و كملت الاوراق مالتي . و دزيتها .الاي او ام كاللولي ملفك كامل .. الاس اي في يريدون ريكمنديشن لتر.
بعد عناء طويل ... بس واحد جاوبني ودزلي اللتر.اللي هو توم.
دزيتها لجماعة الاس اي في و الاي او ام...
بشهر العاشر دزوله طلب تأكيد على اللتر مالته... ما جاوبهم... و بشهر الواحد2010 هم دزوله .. وهم ما جاوبهم .. وراها بكم يوم ... دزولي جماعة الاي او ام يكولون ما كدرنا نأكد عملك...
دزيت ايميل لشخص يشتغل بنفس الشركة اللي يشتغل بيها توم... و تكلم وياه بخصوص موضوعي.. و ماكو فايدة.. ما يجاوب.... خابرته على التلفون اللي باللتر.. طلع صحيح تلفونه و مال الشركة... و تركتله مسج على الانسر مشين .. و هم ماكو جواب...شأسوي.؟؟؟؟
نسألكم الدعاء بالصبر... و الفرج.

[سبع صنايع]

اخي انت موضحت الشركة عراقية لو امريكية حتى نجاوبك

[ضـاع الوطن]

يارب ان شاء الله تفرج عليك وع كل الاخوان العراقين

[y.a.r.a]

بهاي الحاله لازم ادبرلك غير مسؤل يكتبلك التزكيه وايكون عندك علاقه زينه وياه حتى ايجاوبهم

[echo 9]

اخي العزيز اولا الله يساعدك وان شاء الله تهون مشكلتك وتلاكي الها حل
بالنسبة لصاحبك هذا توم اذا ما زال يعمل بالعراق فماكو مشكلة تكدر تروح لمقر عمله وتحجي وياه هذا اولا وثانيا اذا ماكو نتيجة او طلع الاخ توم خارج العراق تكدر تروح لل HR الكنت تشتغل بيه سواءا تايتن او هسه ال GLS وتطلب من عدهم ريكومنديشن على ضوء الباج اللي انته لهسه محتفظ بيه واعتقد انه ال GLS عدها الداتا بيس لكل الموظفين الكانوا يشتغلوت لتايتن وتمشي شغلتك على الريكومنديشن مال ال GLS و اذا تكدر تتصل باي واحد من جماعتك اللي بتايتن او انه تقوم بابلاغ ال SIV انه هذا توم ما يقبل يرد عليهم ما اشوف غير هاي الحلول لك والله الموفق انته حاول بيهن وآخر شي تخليه هو ابلاغ ال SIV انه هذا ال توم مو خوش توم .
اتمنى لك التوفيق يا رب

[Cpt_Ali]

اخي العزيز اولا الله يساعدك وان شاء الله تهون مشكلتك وتلاكي الها حل
بالنسبة لصاحبك هذا توم اذا ما زال يعمل بالعراق فماكو مشكلة تكدر تروح لمقر عمله وتحجي وياه هذا اولا وثانيا اذا ماكو نتيجة او طلع الاخ توم خارج العراق تكدر تروح لل HR الكنت تشتغل بيه سواءا تايتن او هسه ال GLS وتطلب من عدهم ريكومنديشن على ضوء الباج اللي انته لهسه محتفظ بيه واعتقد انه ال GLS عدها الداتا بيس لكل الموظفين الكانوا يشتغلوت لتايتن وتمشي شغلتك على الريكومنديشن مال ال GLS و اذا تكدر تتصل باي واحد من جماعتك اللي بتايتن او انه تقوم بابلاغ ال SIV انه هذا توم ما يقبل يرد عليهم ما اشوف غير هاي الحلول لك والله الموفق انته حاول بيهن وآخر شي تخليه هو ابلاغ ال SIV انه هذا ال توم مو خوش توم .
اتمنى لك التوفيق يا رب

ترة الGLS ماعدهم الداتا بيس مال المترجمين القدماء, بس شركة L3 عدها الداتا بيس مال المترجمين الي اشتغل وية تايتن.

[echo 9]

شكرا اخ Cpt_Ali على التوضيح والتصحيح بس عموما يا ريت تبين للاخ السائل كيف يستطيع مخاطبة ال L3 والحصول على الامبلويمنت فيرفيكيشن واكيد اكو طريقة للحصول عليها بالعراق . بارك الله بيك

[Cpt_Ali]

شكرا اخ Cpt_Ali على التوضيح والتصحيح بس عموما يا ريت تبين للاخ السائل كيف يستطيع مخاطبة ال L3 والحصول على الامبلويمنت فيرفيكيشن واكيد اكو طريقة للحصول عليها بالعراق . بارك الله بيك

العفو حبي, اني قبل شوية سألته للاخ اذا عنده الباج مالته القديم لو لا او اذا يتذكر رقم الباج مالته لانه رقم باج كلش مهم, بس اشو مجاوبني لحد الان, وطبعا اكو طريقة ان يحصل بيها الEV من L3,  وحتى ماكو داعي يتعب نفسه ويروحلهم اصلا, لانه هيه ال EV راح توصله بالايميل "PDF"  وعليه هو بس يسويلها attach ويدزها الى IOM وهم لازم يطبعها علمود ياخذها وياه للمقابلة.

[vincenzo]

عنوان مراسلة تايتن موجود باحدى صفحات ارشيف الاس اي في بالمواضيع المثبته
بس جيب اليقرا ويدور

[ســـرى]

السلام عليكم حبيت اطرح هذا الموضوع لما اراه من حاجه مهمه لبعض الاعضاء وخاصه الاخوه المترجمين في بداية التقديم لبرامج الهجره الى الولايات المتحد الامريكيه وينقسم المترجمين الذين عملو في العراق الى قسمين القسم الاول الذين كانو يعملون لصالح شركة تايتن (L3) والقسم الثاني المترجمين الذين عملو او ما زالو يعملون لصالح شركة (GLS) وهذا الشرح خاص با القسمين
1- الذين عملو مع شركة تايتن (L3)ارسال رساله الى الاميل التالي



وارسال المعلومات التاليه
الاسم مثل ما مكتوب با الجواز
رقم الباج
تاريخ العمل وتاريخ الانتهاء
المواليد اليوم والشهر والسنه

وتذكر با الرساله بأنك بحاجه الى الــVerification of Employment للتقديم الى برنامج SIV لائن اذا انته محتاج شهر او اقل حتى اتصير سنه همه راح يسووهه سنه لائن يعرفون هذا البرنامج ما يقبل اقل من سنه واذكر ان حياتك مهدده با الخطر با العراق لائنك ساعدهم ( وشويه من هذا الحجي الناعم )


2- الاخوه الذين عملو مع شركة (GLS) الذهاب الى المنطقه الخضراء مقر الشركه الواقع في بوابة ساحة النسور وشرط ان يكون لديك جواز سفر اي نوعيه لائن حين سؤالك الهم عن هاي الورقه راح يطلبون منك جواز سفر وينطوك الورقه خلال دقائق


اما بالنسبه الى الاخوه الي مستمرين با العمل فا تكدرون تحصلون على هاي الورقه من مقرات الجي ال اس الي موجوده بمعسكراتكم


وارجو منك كل الي عنده معلومه يضيفه

ولكم الشكر والتقدير



علي الحلي



هذا الموضوع لأخونا علي الحلي


اختكم س-----------------------------------رى

[ســـرى]

وهذا جواب الاخ ابوعبدالله عالموضوع:

((علاوي الورده عاشت ايدك واريد اضيفلكم معلومات اذا بيهه مجال

الدخول راح يكون للمنطقه الخضراء فتحتاجون هويتين عراقيه  والسبب لان ما ينطون معلومات  الا لصاحب الشان او الاقارب الدرجه الاولى
2- راح يكون الدخول مالتكم من البوابه الي بشارع الكندي وهي بوابه مشاة فقط (نفس البوابه مال IOM قصر المجاور لساحه النسور)
4-الباص يطلع ساعه 8 الصبح وساعه 10 الصبح فحاولو اتكونون قبل هالوكتين والي راح يجيكم هندي وراح ايصيح شركه تايتن او ج ل س انتو روحو وياه الله يوفقكم
 
ايميل جاستن المدير الاقليمي لمنطقه الوسط ((المكتب الرئيسي)) justin.willis@gls-1.com
 ايميل شيري ام التعيينات     sherry.mcgarry@gls-1.com 

الشركه بعدهه موجوده بالمنطقه الخضراء اسم الشركه الحالي هو GLS
اسم المدير المسؤل عن هذا الورقه هو جستن او البنيه الثانيه اسمها شيري خابروهم وانطيهم رقم الباج واسم الشخص   حتى هم ينسقون دخلتكم لهناك
اذا ما كدرتو 

رقم جستن هو 0790171515473
رقم شيري هو 07809076338
اشويه اصبرو على تليفوناتهم تره كلش الخطوط تعبانه جووه

وتقبلوا مروري
تحياي الكم ولكل المترجمين المظلومين
والله يوفق الجميع
ابو عبد الله التكساسي ))

اختكم س----------------------------------------------رى

[ســـرى]

وهذي اضافة علي الحلي مرة اخرى:

((اخي ابو عبد الله اتمنه ان كل ما ندخل بموضوع جديد اتنورنه لائن اني نسيت شغلت الدخول بس اريد اضيف بعض المعلومات  وهي ان


جستن انتقل الى غير مكان وحلت مكانه شيري
الشي الثاني مقر الجي ال اس ما يجتاج باص لائن هو على بعد عشرين متر تقريبآ بأي وقت اتروح يجون هذوله الاوغنديين ياخذوك للمقر ))

س-------------------------------------------------رى

[ســـرى]

وهذا الايميل طلع ناسيه :

اخويه ماجلان اشكر على الملاحظه الحلوه بس والله تره اني دايخ هل ايام كلش
حبي وهذا اميل شركة تايتن L3


linda.mclaughlin@L-3Com.com

س------------------------------------رى

[ســـرى]

وهذا الرابط للموضوع الكامل للي يريد يطلع عليه

http://www.ankawa.com/forum/index.php/topic,362975.0.html

تحياتي

س-----------------------------------------رى

[echo 9]

عاشت ايدج اخت سرى على هالابداع وعاشت ايد اخوية ابو عبدالله التكساسي على هالمجهود .
يا الله عمي slimmy10 توكل بالله وراسل تايتن وجيبها لهاي البلوة ( الامبلويمنت فيرفيكيشن ) بالعجل وعوفه لهذا توم بلكي يطلع له واحد مثل جيري ويلكطه عظه يكطم له ذيله بيها عود خللي رده عليهم يفيده اذا جبت انته الرسالة من ال تايتن . هو هذا توم دوم مخربط مثل الفار اليطلع بافلام الكارتون .
توكل بالله عمي وان شاء الله موفق
Echo 9

[ســـرى]

وهاي روابط لمواضيع اخرى ذكرت بها شركة تايتن

http://www.ankawa.com/forum/index.php/topic,354677.0.html

http://www.ankawa.com/forum/index.php/topic,325476.0.html

http://www.ankawa.com/forum/index.php/topic,269566.0.html

س-----------------------------------رى

[y.a.r.a]

بس تعقيب على مراسلات ال GLS

justin.willis@gls-1.com
 بالنسبه لجستن حاليا ميرد ودترجع الرسائل مااعرف اذا متغير

sherry.mcgarry@gls-1.com 
شيري حاليا مجاز

اما العنوان الي ايحب ايراسلهم فهذا العنوان الوحيد هسه الي راح ايجاوبوا

victor.segura@gls-1.com

وبس ينطيهم رقم الباج راح ايردون علي وايكولوه تعال جيب المستمسكات وانزودك بالكتاب الي اتريده
والمكان نفس باب قصر الازدهار
ان شاء الله يستفاد من المعلومات

[vincenzo]

اختي سرى اني استعملت العناوين اللي انطونياهه اختي Banah اللي انشاء الله تكون باحسن حال وبامريكا هسه واخوية ايوكا وذاكريهه باحدى صفحات الارشيف (يمكن السادسة) ومراسلاتي وياهم كانت باشراف ومتابعة صديق امريكي بامريكا

[ســـرى]

اخوية فنجنزو ما افتهمت قصدك اي نقلت مواضيع لأخونا علي الحلي فقط اني ما اعرف شركة تايتن بس لان انت كلت بد سابق انه عنوانهم موجود بالارشيف رحت دورته وجبته بس ما افتهمت ردك الاخير


س--------------رى

[ابو عبد الله التكساسي]

  ان شاء الله تفرج عليك وعلى كل الاخوان المنتضرين الفرج

[confident]

استاذ اني شغلتي اشوي اهون من شغلكتك الريكومنديشن مالتي اوكي ورسالة التوظيف تم تاكيدها وابو الريكومنديشن اتصل بيهم وكالهم اني ازكي للولد بس اني مبطل من الشركة وانطاهم ايميله الشخصيالجديد وتليفونه بس همه هسة لازكيلي بشغلة هو مو مديك المباشر فلازم ايكول هو مديرك المباشر  وهو مدير عام والي اشتغلت وياهم مبطلين وكل شي ما اعرف عنهم اي شي واني صابر على الاس اي في صار 2 شهر والاي او ام صار لي من 2008 شهر العاشر وانطوني رقم وكالو دز الاوراق ودزيتهن وهسة انطوني غير رقم واي مقابلة ماكو والله كريم

[Dr.Ameen]

ان شاء الله تفرج وحاول ولا تيأس ولهذا بعض الحالات الذين لايستطيعون استيفاء شروط الاس اي في فهناك برنامج الاي او ام
ندعو لك وللجميع بالتوفيق