سؤال واريد جواب من اخواني اهل الخبره

[Basheer73]

اخوان هل المقصود بالموافقه الامنيه هي الموافقه مال المحلفين بعد المقابله وياهم لو غير حسبه اكو بالسالفه ؟

[جورجيا]

 لا عيني غير حسبه هي موافقه مناك من واشنطن
من وزاره الامن القومي مالتهم وهاي مال محلف اوليه 

جورجيا

[Basheer73]

زين اني كالولي انت مجدول للسفر يعني خلصانه سالفتي لو هم بعد اكو امنيه

[ok_ok755]

ها يابه البارحه تكلي لا توهس ههههههه هسه منو كام يوهس هههههه

اخي العزيز اني هم محتار بخصوص هذا الشي وسالت هوايه ناس وحتى نزلت موضوع بخصوص هذا الشي والي استنتجته بانه الموافقه الامنيه طالعه لانه همه مستحيل مستحيل يحددون موعد سفر الك والامنيه ما طالعه, اخي العزيز اتوكل على الله وانتظر والله يسهل انت شكد صارلك تنتظر من دزولك الايميل مال جدولة موعد السفر؟

[Basheer73]

هلو يا ورده 000 عمي هذا الواهس من وره مرتي سطرتني ساعه تجيب قصه مال صديقة خالتها ساعه وحده من المعلمات بالمدرسه تكول اختها صار سنتين امنيه واني كاعد لا شغل وعمل واسمع سوالف تعبانه مال نسوان وهسه لازم اعترف صار بيه وهواس ولازم اروح لابو المفاصل خاف تصير بيه فقرات من التفكير وشكرا يا  ورده بجاه رب العزه نسمع احلى الاخبار قريبا

[Basheer73]

ok ok الورده 000 صار تقريبا شهر من دزو لي الايميل مال مجدول للسفر

[ok_ok755]

اخي العزيز
ما دام صارت شغلت نسوان فمعناها كل يوم راح تنزل موضوع هههههه

حبي شوف اني بالبدايه دزيتلهم ايميل وجان يجيني ايميل كال انت بالمراحل النهائيه من الموافقه الامنيه وره تقريبا فترة شهر دزيت ايميل الهم وجان يجيني الايميل المفاجئه انت مجدول للسفر وراح نتصل بيك قريبا, اخي العزيز وعندي بشاره الك هسه اتصل بيه احد الاصدقاء الي جان ويايه بالمقابله بنفس الوجبه حددوله موعد سفر بداية شهر ال 3, فلا تخاف انت الامنيه مالتك طالعه وما بقه شي شهر او اقل يتصلون بيك انشاء الله, بس اني معليه اذا خابروك اطلبك عزيمه

[Basheer73]

يابه عزيمه شنو بالعباس اذبح طلي واسوي جدر تشريب بالتاريخ ما صاير ومن عيوني وعلى راسي حاضر للعزيمه ونتشرف 00000 بالمناسبه اني هم كبل هذا الايميل الاخير كالولي انت بالمراحل النهائيه وره شهر دزيت جان يكولولي مجدول للسفر وخبصتالبيت صياح وحركت الامه 000 عمي اي عزيمه حاضر وجميع انواع المقبلات خصوصا البيصل الاخضر والباقي حسب الطلب 000 ربي يجعل خاتمتها خير للجميع بجاه عزته وجلاله

[ابو عبد الله التكساسي]

عمي بشير ضحكتني من الصبح الله يفرح كلبك على سالفه النسوان واليسمع كلامهن
الله يسهل امرك خويه
 
اخوك ابو عبد الله هم انكرص من جنت انتضر الفيزا ويوميه بسالفه شكل
هع هع هع هع
الله يساعدك
ذكرتني بسوالف الانتظار

[Basheer73]

تكساسي الورده 000 بس اوصل امريكا بحيل الله انت معزوم على تشريب يخبل

[y.a.r.a]

اخويه Basheer73  من هسه انكلك الف مبروك بعد متلحك اتنزل موضوع اللاخ الا اتكلنا حددلي موعد سفر
لان عديت مرحلة الامنيه وعديت المرحله النهائيه او وصلت جدولة السفر
بعد ماعدهم فيكة لخ كلها خلصتها
هسه بعد بس خلي تلفونك شغال وراح تجيك رنه كلش حلوه وايكولولك حضر نفسك
وكلها للمره لتسمعين الحجي ميخلص التهي بتحضير الجنط
وان شاء الله عن قريب اتبشرنا
ولتنسانا بالبشاره

[Basheer73]

يارا الورده 000 تدرين هسه اني خدرت وبعد اكدر اتحرك وره مقريت كلامج انا عاوز اعيط كولة عادل امام عمي راح ادز لج كيلو حلقوم يخبل بعد شتردين حاضر

[um faisel]

الله يوفقك اخوية بشير ويسهلك كل امورك وتروح هناك وتكون مرتاح
الله عليك ادعيلنا بلكي يحنون علينا جماعة التوطين اني هم صار بية واهس من وراهم
والله يفرجها علينا وعلى كل العراقيين ياااارب
اختكم ام فيصل

[احمد عباس]

اخي العزيز
ما دام صارت شغلت نسوان فمعناها كل يوم راح تنزل موضوع هههههه

حبي شوف اني بالبدايه دزيتلهم ايميل وجان يجيني ايميل كال انت بالمراحل النهائيه من الموافقه الامنيه وره تقريبا فترة شهر دزيت ايميل الهم وجان يجيني الايميل المفاجئه انت مجدول للسفر وراح نتصل بيك قريبا, اخي العزيز وعندي بشاره الك هسه اتصل بيه احد الاصدقاء الي جان ويايه بالمقابله بنفس الوجبه حددوله موعد سفر بداية شهر ال 3, فلا تخاف انت الامنيه مالتك طالعه وما بقه شي شهر او اقل يتصلون بيك انشاء الله, بس اني معليه اذا خابروك اطلبك عزيمه

من رخصه صاحب الموضوع فد سؤال


شنو هذا الايميل الي ادز عليه رساله ويكلولك بيا مرحله انته

اني استفاد منه وهمين غيري يستفاد

[ok_ok755]

احمد عباس
عيني هوه ايميل اي او ام بغداد (baghdadinfocenter@iom.int)

[البصراوي 75]

خلصااااااااااااان انته وربي ماعندك شي بعد لاتقلق ولاتسمع حجي النسوان

[Basheer73]

ابشرك الزلم طلعت اضرب من النسوان وعلى كولتك خلصان انشالله ونلتقي بالسماوه اقصد اوكلاهوما هههههههه