عيوني احمد والله هذا الي صار بيها وهية عدها طفل مريض اسم الله وهية جانت بسورية بس اني كتك هية حرك اعصاب والله
عيوني لتخاف ولتفكر ولتقلق الي الله كاتبه يصير والله ..وين كاتبلك الخير تشوفه صدكني خليها على الله
وبعدين الي يريد لجوء والي يريد يطلع من العراق او دول الجوار ميدور هاي اي وهاي لا المهم يطلع يكعد يتبطر قابل والله هاي الدولة ماريدها وذيجة مدري شبيها هو كله لجوء وكله هجرة وكلها غربة بس نكول انشالله نتوفق بالمكان الي رايحيله هذا اهم شي
واحب اضيف معلومة انه اني وعائلتي قبل سنتين طلعلنة التوطين احنة بسورية وخابرونة كالو حولناكم على استراليا وانتظرو وطبعا لا قابلنة ولا رحنة ولا جينة وسنة ونص وسنطة وكل مانراجع ونسال يكولون انتظرو تلفون من عدنة لما خابرونة كلولنة استراليا ماتريدكم تروحون لامريكا واذا متروحون يتسكر ملفكم كلنالهم يابة امريكا امريكا بس فضونة وقابلنة وهسة بانتظار الامنية ،،،
الله كريم والله يسهل عالجميع انشالله
تقبل مروري،،،
لا والله عادي مخايف بس اكذب عليج اذا اكلج مافكر بيها او ممتوتر
لا متوتر والتفكير ميروح مني
والمشكله الي تخليني افكر اني صارلي 3 سنين ملبوس
يعني 3 سنين واني ممتحول توطين من اساسه فه هسه لمن تحولت قسم توطين وسويت مقابله اولى
اكوم افكر الناس تتاخر بالامنيه وبالمقابلات اذا اني اصلا متاخر 3 سنين اجي هسه همين اتاخر سنه سنتين بمقابلات وامنيه
هاي 5 سنين
و5 سنين من عمر الواحد مو قليله
بس مرات افكر اكول هوه تاخيري يمكن لان اكو ناس تستاهل اكثر مني تسافر لذالك شويه هل موضوع يهون عليه
اكول اكو ناس محتاجه اكثر مني تسافر خلي تسافر على الاولويه
واني كلش اشكرج على ردج واسلوبج الحلوووو
حبيبي الغالي أحمــد عبّــاس :::
ـــــــــــــــــــــــــــــــــــــــــــــــــــــــــــــ
قابل هي هيتــــــــــــة 
.... مــاكـــو هيجـــي حجــــــــــــــي ..... 
صديقك المترجم بألمانيـا ما يدري شديصير بسوريـا وهذا رأيه يجتهد بي لنفسه وآني بسوريا وراح اوضحلك الفكرة وهي كالآتـــي ::
ملفك من يتحول للتوطين ويتم تحديد البلد إنتهى الأمر يعني المانيـا ما تجي تگول آني أريد هذا ما أريد هذا ؟؟
إنته أخذت حقك بالتوطين وما يصير تأخذ حق غيرك .. يعني المانيا من تريد تأخذ تأخذ إللي ملفه ينتظر التوطين وغير موطّن لحد الآن ....
الجماعة إللي حجيت عنهم هذولة يمكن مرفوضين وما مقدمّين إستئنـاف فلهذا يتم تحويلهم أوتوماتيكيــاً لغير بلد ... وراح ازيدك من الشعر بيت ..
طالمـا إتحولت وصار ملفك بقسم التوطين ورفضك البلد كأميركا مثلاً وما تريدها بعد لا تسوي إستئناف بالنظر لطلبك .. يعني مو إنته رفضت الدولة الدولة رفضتك راح تقوم منظمة الهجرة الدولية بفتح ملفك گدام دول أخرى حتى تدرسه كـــ .... كندا والمانيا وأستراليا وفلندا وحتى هولندا سمعت ناس قبلوهم ....
يعني ماكو هيجي حجي مال مقبول بدولة وما عندي رفض يقبلوني غير دولة بنفس الوقت مستحيــــــــــل
تمنياتي إلك بالتوفيق ودُمت بألـف الـف خيـــر ... †
أخــوكــُم / وسـام بهنـام داؤد الخابــوري
وسام بس هذا الكلام مو بس كلام الولد الي بالمانيا
شوف الردود فوك صايره بناس يعني
مو بنيه فوك كالت بنيه حولوها كندا وكالو الها انتضري تلفون من السفاره الكنديه بعدين خابروها اليو ان كالو الها حولناج الالمانيا كالت الهم مو جنت كندا شنو القصه كالو الها مرهمت انتضري هسه تلفون من الالمانيه
انتضرت تلفون وفعلا اجه التلفون وكالو الها احنه السفاره الامريكيه تعالي مقابله
دشوف يعني 3 دول
احنه دنعرف الي ينرفض يتحول دوله ثانيه بس هذوله اصلا ممقابلين حتى ينرفضون ديتحلون من دوله الدوله من البدايه
عرفت هسه شلون
