معلومة مفيدة لل SIV والذين كانت لديهم مقابلة امنية في بداية عملهم لغرض العمل

[GoldenEgle]

 
 اخوان معلومة صغيرة ...

 اي فرد عندما يعمل مع اي شركة امريكية او موقع امريكي راح يعملون معاه مقابلة امنية وبعدها يعطون تصريح بانه شخص موثوق لحد ما ويمكن له العمل معهم ...وهذه الورقة يسموها ( Level 2 ) ..

 وتعتبر هذه الورقة كلش مهمة جدا جدا جدا وتساعد صاحبها على الحصول على الكوم ابروفل بسرعة وفي حال اخذ الفيزا راح يشوف في الجواز هناك نجمتين على الفيزا وهي اولوية في ال ( Clearance ) .
 
  لذلك للذي عنده هذه المقابلة الامنية خلي يعمل على اخذها او نسخة منها لانه تفيده مثل ماذكرت انفا .

  واللي مسويها وحاليا في امريكا يمكن ان يرى جوازه بان هناك نجمتين على الفيزا .
  
 مع الموفقية للجميع

    تحياتي
  النسر الذهبي
 

[ســـرى]

عاشت ايدك عالمعلومة وان شاء الله تفيد بيها اخوانك

س--------------------------------------------------------رى
************************************

[silver_d]

عاشت ايدك حبيب على هاي المعلومه
بالنسبه الهاي الفقره هم اتفيد اني النسبه الي اشتغل ويا جماعه السكرين بأحدى القواعد الامريكيه
وهاي الورقه يسموها سكيورتي كليرنس 2 الي هيه نسخه منها ترووح للمقر العام في مطار بغداد الدولي باياب لمكتب (باجنك اوفس ) ونسخه الخ  ترووح لوزاره الدفاع الامريكيه ونسخه ترووح لعده مارجع امنيه امريكيه
وشباب لتنسون اكو نسخه ترووح للحكومه العراقيه لوزاره الداخليه بالذات

تحياتيت للجميع واسف على الاطاله

سلفر

[GoldenEgle]

 وعاشت ايدك سلفر ...

 بس ملاحظة صغيرة هاي الورقة اللي تطلع منهم فهي داخلية اي بين الامريكيين فقط عزيزي لانها تخصهم هم وليس العراقيين ... بس ممكن ياخذون من العراقيين معلومات عن اللي يشتغل احتمال .

  تحياتي
النسر الذهبي

[silver_d]

اخويه العزيز اني حجيلك كلام موثوق منه وهاي اسرار عمل ما اكدر انطيها بس خلي افهمك شغله وحده ورده انو الحكومه العراقيه تتوقعها متعرف انته تشتغل مع الامريكا ما بعد الاتفاقيه الامنيه ؟
 راح اكلك مثال
احد الشركات الاميريكيه الي هيه GLS
من تعين اي مترجم في اي الشركه اكو نسخه من السكرين مالته والعقد مال الشركه واسم الشخص بالكامل الي تشمل معلوماته ترووح الى احد الاقاسم في وزاره الداخليه
اخويه العزيز اذا انته مترجم هسه او تعمل لدى اي شركه امريكيهف ي العراق
جرب وقدم على عمل في وزاره الداخليه ورووح قدم على قسم التحقيقات الفدراليه في الوزاره اثناء المقابله راح اترووح على قسم يسموعه الادله والمعلومات في هذا القسم يعني ياخذونمعلوماتك وبصمات اصابعك
ويجيك اسمك الكامل في الحاسبه
وراح يكلك انته ميحقلك تشتغل لان انته بعدك مستمر في الشغل في فلان شركه ومديرك الفلان الفلاني
جرب وراح اتشووف كيف معلوماتك في الوزاره
تحياتي الك ورده واسف على الاطاله

كل هالحجي بعد اتفاقيه الامنيه خليك على اطلاع بالموضوع

[GoldenEgle]

 اخوي العزيز سلفر ...

 اولا بس لاتصير عصبي حبيبي ..

 واني ايدك الكلام انه بعد الاتفاقية الامنية تغيرت كثير شغلات ومن ضمنها اللي ذكرت حضرتك ... انه حاليا على كل الشركات الاجنبية تسلم اسماء العاملين معها وحتى الباجات اصبحت بيد العراقيين ..
وازيدك من البيت شعر انه حاليا الامريكان نفسهم مايكدرون يدخلون للمنطقة الخضراء اذا ماياخذون اذن قبل يوم من المسؤلين عن البوابات واخطارهم بدخول اي مركبة تخصهم ... هذا فقط للعلم .

بس اكو بعض الشركات لازالت ماتنطي هذه المعلومات وانا ايضا مسؤول عن كلامي .

  مع تحياتي وتقديري لك .

  النسر الذهبي

[silver_d]

على بختك نسوور اني لا عصبي ولا شي هيه الوضعي خربت يعني اذا عرفو معلوماتنه لو معرفها شراح يفيد ؟
احنه من الناس الغير مرغوبين بيهم لا من الامريكان ولا من العراقيين
الامريكان ينضرون على العراقي ارهابي والعراقيين ينضروون علينه عملاء
ومبرووك علينه وهذا شرف النه
تحياتي الك اخويه اني لا عصبي ولا شي الدنيه متسوه صدكني

اخووك الصغير سلفر

[echo 9]

اخوية الغالي GoldenEgle اولا  عاشت ايدك على هالموضوع وبارك الله بيك
بس عندي سؤال لحضرتك وايضا للاخ سلفر ولبقية الاخوان ممن يملكون مثل هاي المعلومة
- شنو الطريقة اليكدر الواحد يحصل بيها على نسخة من هاي الورقة المهمة ؟ يعني الواح شيسوي علمود ينطوه نسخة منها ؟؟؟؟ مع العلم انا مازلت مستمر بالعمل باحدى القواعد
ربي يحفطكم جميعا
اخوكم
Echo 9

[GoldenEgle]

 
  حبيبي سلفر اكيد احنا ماكو اي شيء بيناتنا ونظل اخوة وصدك كلشي اللي ذكرته بخصوص اللي يشتغلون مع الامريكان وشنو هي النظرة الهم من الجانبين .

 واما بالنسبة للاخ ايكو فهذه الورقة لازم تسال بيها المسؤول عليك حتى هو يجيبلك ياها من جماعة الامن او هم ينطون نسخة بالاصل للشركة مالتك او المكتب اللي انت بيه .

   تحياتي
 للجميع بالحب والخير

     النسر الذهبي
 

[ســـرى]

اخونا النسر الذهبي ترة عمنا ايكو echo يزعل علينا

ايشو منو ؟؟؟؟؟؟

ههههههههههههههه

[echo 9]

شكرا جزيلا اخوية الغالي GoldenEgle على ردك عالسؤال
شكرا اخت سرى والله يا عمي انا ما ازعل ولا اصير اعصاب الا من اشوف واحد يدوس بالمصارين
بس انتم لا غير شكل ما اعصب ولا شي ولو انا الليلة سهران وما جايني نوم

[aboryan]

حبيبي كولدن ايكل المعلومة كلش حلوة ومفيدة واني اعتبرها من اهم المعلومات لان تعرف واحد من يكعد يباوع على الفيزا مالتة يباوع هواية رموز و ما يفتهمهه مثل النجمتين بس سؤالي هو اذا واحد ما يكدر يحصل هاي الورقة مال سكيورتي كليرنس لان الشركة مالتة بطلت او انتهت علاقتة وياهم ,اذا قدم على عمل هنا بامريكا وكللولة يحتاجلك سكيورتي كليرنس يكدر يكللهم مثلا انه عندي سكيورتي كليرنس والدليل على هذا هاي النجمتين(يعني راح يفتهمون معنى النجمتين)
ثاني سؤال:شنو معنى SQ1   اللي موجود على الفيزا؟
ثالث سؤال:ليش طفل عمرة سنة وعندة فيزة خالين بالفيزة مالته نجمتين؟
رابع سؤال:اذا واحد خالليلة نجمة وحدة على الفيزة مالته هذا لان هوة مو المقدم الرئيسي للفيزة بس هوة سابقا مسوي مقابلة امنية و كان على اساس راح يشتغل مترجم بس ما صارت بي هوة حصل اوكي على الموافقة الامنية مالته ليش ما طلعت بقاعدة البيانات انه هذا عندة سكيورتي كليرنس حتة لو مو هوة صاحب الكيس الرئيسي؟
ودوختكم وشكرا جزيلا

[ســـرى]

اخونا راح اجاوبك على شغلة الSQ1

الSQ اللي شفته هو رمز الSIV العراقي (مو الافغاني) في الوثائق والمخاطبات الرسمية الامريكية والافغان عدهم رمز اخر ما اتذكره

بالنسبة للرقم 1 فهو المقدم الرئيسي للطلب والعائلة تأتي بالترتيب مثلا الSPOUSE وهي الزوجة راح تكون SQ2 ثم الطفل الاول ويكون SQ3 وهكذا

تحياتي
س------------------------------------رى
******************************************************************

[ARMY STRONG]

زين هذا شلون ناخذه كليرنس الي اعتقده انهو مايينطوه لاان هذا خاص بيهم بس راح اسأل ال poc مالتي و اشوف
ا

[GoldenEgle]

شباب ...

 بالنسبة لهذه الورقة ( Security Clearance ) تختلف عن اللي ينطوها في امريكا لانه تكون فيها معلومات اكثر ومدتها اطول كان تكون لخمس او لعشر سنوات ...ويكون الحصول عليها عن طريق الشركة او المؤسسة التي تعمل لديها او التي سوف تعمل لديها وتدفع للحكومة مبلغ كبير كان يصل الى 50000$ خمسون الف دولار او اكثر كي تقوم الاجهزة الامنية بالتحري عنك والتاكد منك وبعد ان يتم التاكيد وانك رجل جيد وفوق الشبهات يعاد المبلغ للشركة او المؤسسة .
وبعدها تسمح لك بالعمل في اماكن مهمة وحساسة ... ولو نظرت في طلبات التعيين تلاحظ الكثير منها يطلب هذه الميزة لانه مهمة جدا وتعمل في جميع الاماكن الحساسة .. وبالمناسبة هناك درجات لهذه الورقة .
 
 اما هذه فهي ايضا مهمة حيث تجعل منك شخصا موثوق به وتساعد في العمل معهم   والسفر  الى امريكا ...

 واكرر انه هذه الورقة تعتمد على مسؤولك او المشرف عليك او مديرك لكي تحصل عليها .

   تحياتي
  النسر الذهي

[vincenzo]

اصدقائي سلفر والنسر الذهبي (ذكرتني بافلام كارتون قديمة تخبل) فد سؤالين

1. اللي مبطل قبل الاتفاقية الامنية بهواي وحتى قبل لا جي ال اس تجي للعراق هم راحت معلوماته للداخلية العراقية ؟؟ يعني هم راح ينعلس 

2. نفسه هذا اللي مبطل من زماااااان  شلون يكدر يحصل هاي الورقة ام النجمتين ؟؟ يعني اكو فد قاعدة معينه لو موقع عالانترنت يراجعه وينطوهياه ؟؟

[silver_d]

اخويه العزيز vincenzo اني راح اجاوبك على سؤالك
وشكرا على الرد الجميل
اخويه العزي الاسماء الي ما بعد الاتفاقيه الامنيه  مناطيتها الشركات الامريكيه الي كانو يشتغلوون بيها العراقيين كعاملين او كمترجمين او في الشركات الامريكيه
والشغله الثانيه  لان انته امبطل يعني اسمك مموجود انو انته بعدك مستمر بالعمل اسمك متجمد من قبل الشركه
ريليس او كوت او ريساين
فمراح تنعلس حبيب
واما بالنسبه للنجمتين هاي ماكو شي اسمه نجمتين بس اثناء اصدار الفيزا الك انو اكو نجمتين على الستيكر مال الفيزا وهذا يعتبر الكليرنس مالتك انو انته موثوق بيك انو تدخل امريكا
واما بالنسبه اشون اتجيب هاي الورقه ابن عمي تكدر انو تراسل ال POC مالتك اذا المعلومات مالتك بعدها موجوده يمه  راح يكدر ينطيك الكليرنس بس مال القواعد الامريكيه وليس للفيزا
واذا ممتواجده
فبهاي الحاله تكدر انو تتعينمن جديد  واتسوي  سكرين واثناء السكرين تكدر ومن كل حقك انو اتريد نسخه من السكرين او نسخه مشابه
مثل كتاب تزكيه من السكريننج اوفس
تحياتي الك اخويه العزيز
باي

[vincenzo]

ادري سلفور حبيبي
اني كل البي او سيين مالتي هسه لو ماتوا لو بطلوا وبعدين هم ماتوا بزلزال هاييتي 
يعني هم لو هنا وشغلتهم يمي هم يتعاجزون يسووهه النوب مناك
لا هاي صعبة
ثم تعال اكلك ليش هم الباجنك اوفس يتحاجون ؟؟؟ وشحدك تطلب منهم هيجي طلب ؟؟؟ شو حجيك مال واحد حيييييييييل مدلل بالشغل وحيل جماعته يريدون خاطره ؟؟

[ابو عبد الله التكساسي]

سلفوري على كولت فنجوزي
فد سوال الله يخليك انت واخونا النسر الذهبي

ابو النجمه الوحده شنو معناها وابو ال 3 نجوم بالفيزا شنو معناها ؟؟
هاي واحد

تاسعا
هاي الجمله ملتك سلفر شتقصد بيهه لان حيل دخت بالتفسير ((وهذا يعتبر الكليرنس مالتك انو انته موثوق بيك انو تدخل امريكا ))
يعني الي ما عنده نجمه ما يدخل لامريكا لو الي عنده نجمه وحده ما يدخل لامريكا ؟

سابعا
وشنو علاقه الكليرنس الي يحصله العراقي بالعراق من الشركات الاجنبيه او حتى الجيش الامريكي بالنجوم الموجوده بالجواز او حالته الامنيه لحامل الجواز او المتقدم بالطلب للفيزا ؟؟

اني بس هاي اسالتي بلكي اذا تتكرمون علينا بالجواب وبارك الله بيكم شلع
والله يفظ شغله المترجمين الي يشتغلون ويال الامريكان هم شلع لان اشرف ناس واحلى ناس واكدع ناس بالكون

وسلفووري  هاي الك
(( موتتني من القهر من وصفتنه ليفوك لان الحجي جان صدك وكلبت عليه المواجع خويي )) لا عاب حلكك على الحجايه وكلش صدك
احنه من الناس الغير مرغوبين بيهم لا من الامريكان ولا من العراقيين
الامريكان ينضرون على العراقي ارهابي والعراقيين ينضروون علينه عملاء
والله صدك يا عمي وضالين احنا مثل بلاع الموس .... الله واكبر  وعاش المترجمون

تحياتي واحترامي

[vincenzo]

هاي شبيك ابو اعبودي
دخلي الولد يلحك يجاوب علية
شنو نسيت النجمات
الوحدة يعني ما لازم ثاني
والاثنين يعني لازم اول

التاج ونجمة ومسفورة رهيب ركن

هاي لازم صورتك الجديدة مأثرة عليك
اللا اخلي Guns n' Roses  و  Aerosmith  و  ManoWar على العناد  
واحتمال هم Pearl Jam اذا صار مجال
بس غير هو اني اتذكر شلون اصلا خليت التوقيع الاول حتى اروح اغيره ههههههه

[ابو عبد الله التكساسي]

فيني
اني عندي هسه نقيب ؟؟
وبالنسبه  للتوقيع اسال زيوس هو علمني على هاي السالفه !!
و اني باجر راح اغير التوقيع الى
بلاك ساباث لو الس ان جايني ويال الليد الجديد وهم بالعناد 

[ALBERT.]

اخواني الاعزاء:
مثل ماكللكم احد الاخوه ليش همه جماعة السكريننك اوفس يتحاجون.
اصلا اني اخذت الضابط مالتي حتى بس يضيفولي حرف j بالباج حتى اكدر ادخل الجم مقبلوا وحتى الام دبليو ار والبي اكس بعد ممسموح للوكل يدخله....شلون النوب انكلهم على ورقه.

ماعدنه بس انكول الله يسهل.