الى الاخوة المحترمين ارجو الاجابة بسب اخذ بصمات الاصابع

[bobon]

الى الاخوة المحترمين ارجو الاجابة عن سوالي سابقا اني كنت محكوم بجنحة بسب زوج والدتي وليس  عيب في قول ذلك ولا اقول اني برئ وسبب الجنحة هية اخذ اوراق بيتنا بسب تعداد 57 الجأر فضطرت والدتي لتسجيل البيت بأسم زوج والدتي وادى الى سيطرته في البيت وبذلك قمت  بأخذ الاوراق البيت مما اقام علية دعوة سرقة وتم حكمي خمس سنوات وانا لست الذي يعمل مع الامريكان فقط اخي                               
 1_ هل اترك البرنامج بسب بصماتي المخوذة سنة 1995
2_هل اقول عن محكوميتي ام لا
3_ لدي اثبات ان البيت كان ملك لنا مثل الاقساط
ارجو من الاخوان النصيحة واكن كل الاحترام للجميع بأدئ الرأي وشكرا لكم وللمنتدى المحترم  وشكرا مرة اخرى الى الاخت يارة المحترمة لنصيحتها لي المرة السابقة

[عراقي وافتخر 4]

اخي العزيز خلي الامور تاخذ مجراها لاتسبق الاحداث وقم بالاجابة على قدر السؤال واذا اضهرت نتائج الاصابع الجنحه القديمه جاوبهم بصراحه وتوكل على الله بالتوفيق

[bobon]

شكرا أخي العزيز عاقي وافتخر بس اني اكول الهم احسن بس الي سويتا اتجاه عائلتي وهم فخورين بهذا الشئ بس المشكلة مافكر بس بنفسي لازم افكر بعائلتي أخاف لا يأثر عليهم وانتة تعرف العراقي من وين ينلزم مو من شواربة لا من عائلتة هاي وحده الشغلة الثانية قرئت بل المنتدى انو سابقا هم شخص يقدم على البرنامج وانرفض بسبب انو كان محكوم سنة مقال الهم  وبعدين كالو اله انو انتة كنت محكوم وتم رفضه بسبب عدم صدق اقوالة مع احترامي الشديد الة الذي تم رفضه بس اني وياة لانه بسبب خوفة على قضيتة تم رفضه             
شكرا مرة اخرى الى الاخ الغالي المحترم عراقي وافتخر لاعطاء رأيك في الموضوع   ربي يسهل امورك لأن أتمنة الى اي مترجم ان يبقة بل العراق حتى اذا عدم صدق اقوال او اي شئ لان اني اخوية انقتل وما اريد انو ينقتل اي مترجم شريف مثل ما انقتل اخوية
 يجوز خسرت اخ بس صار عندي الف اخ شكرا اخي عراقي وافتخر

[angie-dawood]

اخي العزيز اني برئي تحجي كلشي الصراحة من البداية احسن الك اولا حتى لا تظل تفكر انه لا تنكشف وثانيا اثناء المقابلة تكون متوتر ومرتبك بس لو كلشي تكوله من البداية بالصراحة راح تكون اثناء المقابلة شخص عادي وما مرتبك ولا خايف من ان تنكشف او يفاجئك  وانت متعرف شون ادبرها فيا اخي العزيز اذا عندك قسمة بالسفر والاستقرار لو شما كانت قصتك تاخذ نصيبك بالسفر واذا ما عندك قسمة بالسفر لو هم شما كانت قصتك بيها اضتهاد وتعذيب ما راح ينولك السفر صدكني كلشي بحياتنا هو قسمة ونصيب بكل خطوة نخطوها بحياتنا سوى بالسفر او بالعمل او بالزواج او بانجاب الاولاد او اي شي بحياتنا اذا ما عندنا نصيب بيه ما ناخذه
سلم امرك على اللة وقدم اوراقك وكول كلشي بصراحة والرب هو يتكفل بالباقي وربي هو يكون دائما معك ويوفقك بكل خطواتك امين يارب العالمين

[ال رداد]

عيوني انته احجيلهم الحقيقه ولتخاف هما مالهم علاقه بهاي السوالف هم شغلت الارهاب فقط يدققون بيها وامن الولايات توكل علا الله وبلتوفيق

[alaakato]

اخي انت احجي الحقيقه ولا تخاف بس شنو كولهم مو جانت شخله جبيره من وراها اني انحكمت لا جانت شخله عادي وبسيط وان شاء الله خير

[ابو عبد الله التكساسي]

اخويه العزيز اني هم ويا راي الاخوان

النجـــــــــــــــــــــــــــاة في الصدق

تحياتي

[البصراوي 75]

اخي اني قابلت والحمد لله اجاني قبول بس احب اكولك شي بانو همه  ياكدون على مرحله سقوط النظام السابق يعني بعد 2003 اكول لو تغلس احسن وراح تتاكد من كلامي لما تقابل الحجي كله على مابعدد السقوط وانته بكيفك

[nores]

اتمنى من الخوه الطيبين ان يقولو كيف ان اذه الى النرويج وأنا عماتي وبيبيتي كلهم في النرويج والا يقبلو ان يطلعوني ماذا افعل