مساعدتكم اخواني رجاءا_بيانات الولادة_برنامج ال siv

[koka75]

 السلام على جميع الاعضاء الاعزاء
   ارجو ان تساعدوني في موضوع بيانات الولادة
 انا وكما يعرف البعض واصل الى مرحلة ال nvc حيث اقوم حاليا بتكملة اوراقي لارسالها لمكتب ال nvc وتوقفت لاستفسر عن بيانات الولادة حيث يجب ان ارسلها مترجمه مع بقية الاوراق- ولكن المشكلة انه عند رجوعي الى العراق الجريح وعند اكمال هوية الاحوال المدنية لابنتي التي لم تكن عندها هوية احوال مدنية ولكوني اضعت بيان الولادة التابع لها وعند مراجعتي لدائرة الاحوال المدنية والمعروفة بالجنسية جلب صورة قيد ولادة من المستشفة التي ولدت بها وعند ذهابي الى المستشفة مستشفة الراهبات لانها ولدت هناك قالو لي باني يجب ان اذهب الى المركز الصحي التابع لها المستشفى وهو مركز الزوية ذهبت الى هناك لجلب صورة قيد لبيان الولادة الاصلي قالو لي بالمركز بانه لايجوز اعطاء اي صورة قيد الة بوجود كنتاب رسمي من الجهة التي تطلب صورة القيد لبيان الولادة وعند رجوعي الى دائرة الاحوال المدنية وذكرت لهم هذا كله قالو صحيح يجب ان تجلب تاخذ معك كتاب رسمي من دائرة الاحوال المدنية لكي يعطوك صحة صدور بيان الولادة اخذت الكتاب وطبعا سالتهم لماذا لم تقولو لي هذا من البداية فقال الموضف يعني معقولة مكنالك بس اكيد انت ممنتبه المهم سويت الكتاب ورحت للمركز الصحي وهناك لكيت وحده بنت حلال وكالتلي همة طالبين منك بالكتاب تجيب صحة صدور لبيان الولادة المرقم كذا والصادر بتاريخ كذا وهذا طبعا لانني عندي استنساخ لصورة القيد الاصلي فموجود بيه رقم البيان وتاريخه المهم قالت لي الموضفة الله ينطيها الصحة والعافية ان صحة الصدور بيها دوخة ووجع راس كلتلها شلون كالت صحة الصدور ممنوع ننطيها باليد يعني لازم ندزها بالبريد ومن ندزها بالبريد فانت وال3 شهور هاي اذا جنت مجنص وعندك حض اذا مطولت 6 اشهر علمود توصل لدائرة الاحوال المدنية مو اكيد تعرفون انه البريد بالعراق الي يسلمه ويستلمه مو مثل قبل متعهد لا صارو يدزوه وية السلحفاة وانتو تعرفون السلحفاة سريعة وتوصل بسرعة فخطية الطريق شوية بعيد عليها يعني من المركز الصحي بالزوية للقادسية الى دائرة احوال الكرخ اكيد  الطريق بعيد عليها --- المهم نرجع لموضوعنه فكلتلها والحل شنو كالت راح اسويلك صورة قيد لبيان الولادة مو صحة صدور علمود تكدر تاخذه باليد بلكت الله يمشوها ومينتبهون كلتلها سوية ورحمة علوالديج المهم سويت صورة القيد ورحت ومشيت المعاملة وطلعت الهوية مال بنتي والحمد الى الله والمفاجاة  قبل ماستلم الهوية اجاني الموضف وكال هاي شنو انت ليش جايب صورة قيد كتلة بيان الولادة الاصلي ماعندي وضايع وانتو كلتولي جيب صورة قيد جان يكول هاااا ميحتاج صورة القيد كتلة ليش ميحتاج جان يكول هااا مو احنة مصدرين هوية احوال مدنية لبنتك وموجود رقمها بالسجل كتلة اخوية العزيز اني ممطلعلها هوية ولامستلم هوية كال لا مستلم كتلة عمي هية بنتي لو بنتك كتلة لو مستلم هوية خو جان كتلك ضايعه وسويلي بدل ضايع ومادوخ روح للمستشفة وللمركز الصحي جان يكول شمدريني لعد يجوز امها مطلعتلها هوية كتله اكلك رحمة علوالديك بياسنة هية هويتها صادرة جان يكول بسنة 2007 كتلة واذا اكلك بسنة 2007 اني جنت بالخارج ولاواحد من عدنه موجود بالعراق لا اني ولا زوجتي ولااطفالي ولاوالدي ولا والديت ولااخوية يعني المهم ولا واحد بالعراق منو قابل الي جاي ومطلع الهوية المهم ماطولها عليكم هسة اكيد واحد منكم يكول شنو هاي كل هالحجي وداكول ماطولها عليكم -- المهم كلي تعال اكتبلنة تعهد انه الهوية ضاعت بالسفر ووقع عليه وابصم علمود نسويلك هوية جديدة كتبت وبصمت ووقعت ونطاني الهوية وصورة القيد الي دخت بيها 3 ايام يلة صدرتة من المركز وهسة نجي علسؤالي بس بداعيت لدوخون ولتكولون دوختكم بس اني حبيت احجيلكم كلشي بالتفصيل علمود الاخوان والاخوات يستفيدون من تجاربنه المهم فسؤالي شلون راح اطلع بيانات ولادة الي ولزوجتي ولبقية الجهال وميصير ينطوني صورق قيد الولادة الة بكتاب رسمي زين هالمرة منين اجيبلهم كتاب رسمي من السفارة الامريكية لو من مكتب ال nvc رجاءا افيدوني وانصحوني شسوي طبعا الي مسويها قبلي رجاءا يحجولي شنو الفلم وشلون راح اطلع بيانات الولادة من المركز الصحي التابع للمستشفة الي نولد كل واحد بيها وشكرا للجميع واسف عالاطالة
  اخوووكم ابو محمود

[ســـرى]

اخونا هو بس هذي بنتك الله يخليها اللي ما جانت عدها هوية احوال مدنية؟ يعني انت وزوجتك وبقية اولادك عدكم هويات احوال مدنية لو لا؟ حتى اكدر اجاوبك

س------------------------------------------------------------رى

[ســـرى]

شوف اخونا العزيز ولو اني انتظرك تجاوبني عالسؤال بس مختصرا بيان الولادة مايريدوه ببرنامج الاس اي في الا للي ما عدهم هوية احوال مدنية لان اذا ترجع للموقع مال السفارة الامريكية راح تلكاهم كتبيلك (بيان الولادة) من ضمن المتطلبات بس بعدين ذاكريلك ملاحظة انه البطاقة الشخصية او الجنسية هي تعوض عن بيان الولادة وهذا مختصر مفيد لجوابي عن سؤالك واذا عندك سؤال اخر تفضل

المهم انتو كلكم تكون عدكم هويات احوال مدنية وهاي هية


اختك
س-------------------------------------------رى

[koka75]

 الاخت العزيزة شكرا لسرعة جوابك اني عندي 4 اطفال ---3 بنات وولد واحد ربي يحفضلج جهالج نشالله ويحفضكم كلكم وحدة من بناتي جبيرة وعمرها 14 سنة وعدها هوية احوال مدنية والاخرى وهية 4 سنوات والي  جنت احجي عليها وهذي طلبو مني بيان ولادتها لانه هية مولودة في العراق في سنة 2005 اما ابني  فهوة مولود في مصر وبنتي الاخرى مولودة في بلغاريا فبيان ولادتهم ارسل من قبل السفارة العراقية في مصر وفي بلغاريا الى اعتقد وزارة الصحة  والدائرة هية الموجودة في ساحة عدن فاول مااجيت رحت لهناك وسويت معاملتهم بس بقت هاي المولودة اهنا لازم اجيب صورة قيد لبيان ولادتها او صحة صدور بيان الولادة فصار الي صار وياية واما عن زوجتي فاكيد عدها هوية احوال مدنية وشهادة جنسية وشكرا لكي وانتضر جوابك
 اخووج ابو محمود

[ســـرى]

يعني بس انت وزوجتك وبنتين عندك عدكم هويات؟ والبقية بس بيانات ولادة؟

[koka75]

الاخت العزيزة سرى اني قريت الموقع الي دتكوليلي عليه وشفت الملاحضة انه اذا عندك هوية احوال مدنية وشهادة جنسية ميحتاج بيان  ولادة بس رحمة علوالديج ممكن توضحيلي الحجي الي اجاني برسالة  nvc  والي هوة

Applicants will need to send scanned copies of the following documents:
􀂷 Their U.S. military I.D. and or their U.S. government I.D.,
􀂷 Their civil documents (birth certificates, marriage certificates, please also include
the Iraqi national and personal identification cards (Bitaqa Shakhsiya / Hawiyya
and Bitaqa Jinsiyya) and all pages of the family book)
􀂷 Documents for any accompanying family members (i.e., spouse and/or children
under the age of 21),
􀂷 Police certificates,
􀂷 Biographical data page of their passport.
Scanned copies of these documents should be sent to the NVC via e-mail to
NVCSIV@state.gov.
Please provide our office with translations of all documents not in English. Your
translation must include a statement signed by the translator that states the following:
􀂷 Translation is accurate, and
􀂷 Translator is competent to translate.
The applicant must submit a police certificate from any country where they or
accompanying family members have lived for six months or more. Please check the
reciprocity table at the following Department of State website to see if a police certificate
is available: http://travel.state.gov/visa/fryi/reciprocity/reciprocity_3272. Police
certificate are only required from those countries that indicate that they are availabl

واذا تلاحضين حتة عدم المحكومية مطلوبة وحتة اذا جنت خارج العراق وعايش بدولة لاكثر من ستة اشهر هم لازم اجيبلهم عدم محكومية مع العلم اني سالت بالمنتدة هواية من جنت عايش في بلغاريا وكالولي الاخوان انه لازم اكون عايش سنة ومافوق ولهذا اني مسويت عدم محكومية من بلغاريا لكوني لم اعيش لفترة كاملة اكثر من 8 اشهر وشكرا الج اختي العزيزة وياريت تقرين المتطلبات الي رايديها مني يعني اهنا بالرسالة ممكتوبة الملاحضة الي تكول اذا عندك هوية احوال مدنية لو شهادة جنسية ميحتاج بيان الولادة وشكرا الج اختي دوختج بسالفتي
  اخوج ابو محمود

[ســـرى]

A copy of the passport, birth certificate (((or))) national identification card showing that the applicant is a national of Iraq, along with a certified English translation, if the document is in a foreign language.

وهاي من موقع السفارة نفسه وشوف هذي الجملة همين

If no birth certificate is available, the Iraqi national identity card (bataqa shaksiya) may be used instead of a birth certificate;


س----------------------------------رى

[koka75]

لا اختي العزيزة اول مارجعت للعراق سويت للجميع هوية احوال مدنية وشهادة جنسية بس جان قصدي انه ابني وبنتي الصغيرة الي نولدو خارج العراق محتاجيت اجيبلهم بيانات ولادة لانه اصلا بياناتهم موجودة في ساحة عدن هناك اكو وزارة الصحة او دائرة تابعه لوزارة الصحة الي ينولدون خارج العراق بيانات ولادتهم تروح لهناك فراسا اروح لهناك واجيبها منهم بس وحدة من بناتي احتاجيت اجيبلها  صورة قيد ولادة من المركز  الصحي الي بالزوية لانه هية نولدت اهناك فمختصر مفيد حاليا الجميع عدهم هوية احوال مدنية وجنسية عراقية وجوازات عراقية ولكني اسال هل بيانات الولادة مطلوبة لو بس هوية الاحوال المدنية وشهادة الجنسية كافيين وشكرا الج
 اخووج ابو محمود

[ســـرى]

اخونا العزيز ما اعرف انت منو سالت بس لو سائلني جان كتلك عدم المحكومية مطلووووووووووبة يا ناس اني كل مرو اكولها بالمنتدى وارجع اكولها

ومطلوبة منك بكل بلد عشت بيه مدة من 6 اشهر فما فوق

[koka75]

  الالخت العزيزة سرى والله العضيم فاهمج وقريت الي مكتوب واني قاريه سابقا ومفتهمه وحتة بوكتها من قريته كلت يالله سهلة لان هوية الاحوال المدنية موجودة وشهادة الجناسي هم موجودة وللجميع بس من شفت رسالتهم اتفاجت انه ماكاتبيلي الملاحضة الي مكتوبة بالموقع مالتهم الرسمي والي تكوووول

(((or)))

  يعني لو هاي لو هاي والعبارة كلها ومثل ماحضرتج كاتبتها تكووول

A copy of the passport, birth certificate (((or))) national identification card showing that the applicant is a national of Iraq, along with a certified English translation, if the document is in a foreign language

بس برسالتهم الي دزوها الية ماكو هاي العبارة الي هية لو بيانات الولادة لو الهويات والجناسي فاني كلت يمكن المتطلبات متغيرة حالها حال عدم المحكومية الي جانت بالبداية يريدوها وبعدين لغوها وكامو ميطالبون بيها وهسة رجعو ديطالبون بيها فياريت الي عدهم خبرة والي مرو بنفس الي دنمر بيه هسة يساعدونه ونشالله الفائدة والموفقية للجميع
 اخووكم ابو محمود

[ســـرى]

ما دام كلكم عدكم هويات توكل على الله وما مطلوبة بيانات الولادة انت ما فهمتني وضعكم شنو من البداية كوللي كلنا عدنا هسه هويات اكوللك هاي هية هذا هو المطلوب

[koka75]

 اختي العزيزة اني اخوية جان مقدم من مصر علبرنامج الاي او ام وهاذا البرنامج ماكدر اقدم عليه لكوني لاجيئ اصلا في بلغاريا ولهذا في وقتها سالت اخوية اذا جان اكو برنامج اكدر اقدم عليه وطبعا لانه اخوية شوية مطفي كلي لا ماكو اي برنامج تكدر تقدم عليه وبمساعده احد الاخوة الاصدقاء والي جان في وقتها هم موجود في مصر دلاني علموقعنا العزيز عينكاو وعلى منتدة الهجرة والمهجرين ودخلت للموقع وتعرفت في وقتها على اخونة العزيز الحاضر الغائب اعانه الله ووفقه شبح بغداد والي في وقتها جان بعده موجود بالعراق الجريح وهوة الي دلاني وعلمني شلون اقدم  مشكورا وفي وقتها هوة الي كلي عدم المحكومية غير مطلوبة الا اذا جنت عايش لمدة سنة كاملة في دولة ما ولهذا مسويت عدم محكومية من بلغاريا والله اليعلم اذا رحت للسفارة عند المقابلة اذا الله سهل وعرقلو شغلتي  لان يمكن يطلبون مني عدم المحكومية مال بلغاريا طبعا ورة مراح يشوفون جوازي البلغاري والي بيها اني عايش في بلغاريا لمدة 8 اشهر وبقت يم رب العالمين وشكرا الج تعبتج وياية اختي العزيزة والتساهيل من الله
 اخوووج ابو محمود

[ســـرى]

اخوية العزيز عدم المحكومية ما انلغت بس ترة اكو ناس بالمقابلة جنصوا لا اكثر ولا اقل وكالوا للموظف اللي قابلهم ترة ماكو عدم محكومية ومشت شغلتهم بس الحقيقة ترة هي مطلوبة اني اكوللك بس يمكن من فجروا الدائرة مال الادلة الجنائية انلغت فترة قصيرة وهسه هم رجعت من جديد واسمع نصيحتي وروح طلعها وامشي بشغلتك بسرعة والله يوفقك واي شي تحتاج احنا حاضرين

س-------------------رى

[koka75]

يخليج الله ويحفضج الله وشكرا لجوابج وانشالله اذا الله خلانه عايشين راح اخذ  زوجتي واروح اطلعها يوم الاربعاء القادم لكوني مشغول جدا غدا وبعد غد وشكرا الج اختي العزيزة
   اخوووج ابو محمود

[ABO SARAH]

السلام عليكم
اخت سرى بالنسبة لعدم المحكومية : تقصدين اسوي عدم محكومية من كل دولة كنت بيهه لو بس من بغداد
اني كنت بالسعودية وبعمان وبسورية وبدبي وبماليزيا يعني لازم كلهه اسويهه!! ترة شغله شبه مستحيلة.
 شكرا على الرد مقدما

[ســـرى]

لا اخوية العزيز عدم المحكومية مطلوبة منك باي بلد سكنت بيه لمدة 12شهر او اكثر يعني السفرات السياحية والحج والعمرة والسفرة ام الشهر والشهرين هاي عادي ما تحتاج بيها عدم محكومية

اكرر بس البلد اللي سكنت بيه مدة 12 شهر فما فوق وتحياتي

هذا اللي عرفته هسه بعد الايميل اللي وصل لابو محمود

[blood_brothers8]

السلام عليكم شباب ارجو المساعدة.....جتني رسالة من جماعة الsivوالي هي.........
Dear 1LT Greco:

We are currently processingXXXXXX(اسمي)request for Chief of Mission (COM) Approval for the Special Immigrant Visa (SIV) Program at the U.S. Embassy in Baghdad. 

When SIV applications are received, we are required to verify the employment claims of the applicant. The requirements state that the applicant must have been employed by or on behalf of the U.S. government in Iraq, for not less than one year after March 20, 2003, and have experienced or are experiencing an ongoing serious threat as a consequence of that employment.

Please verify the following by replying to this email and indicating yes, no, etc. after each statement.

   


<<Badges.pdf>> <<Letter of Recommendation.pdf>>

Sincerely,
Mandy
SIV Unit
National Visa Center
Serco Inc
Support Contractor

[ســـرى]

اخونا العزيز سؤالك مو واضح بدون زحمة عليك يعني هم بالايميل طالبين منك انه تكون شروط الاس اي في منطبقة عليك بأنه تكون عملت مع/او بالنيابة عن الحكومة الامريكية في العراق وان تون مدة عملك معهم على الاقل 12 شهر وان تكون تعرضت او لازلت تتعرض الى تهديد بسبب هذا العمل ودازيلك بي دي اف يريدوك تجاوب عليها بنعم او لا هذا اللي بسؤالك بس البي دي اف لو انت ما منزلها لاشكل الصحيح لو انت ما تريد تنزلها حفاظا على هويتك نرجو منك انه تكتب ما جاء بالبي دي اف اذا تكدر حتى نكدر نساعدك وهل انت تريد ترجمة للرسالة بالكامل ام لا؟

تحياتي واحنا بالخدمة ان شاء الله

[blood_brothers8]

العفو بس هم ذاكرين اسم الملازم مالتي بالبداية وبعدين جتي رسالة هم من عدهم واتوقع الملازم دازها الهم والي هي تنص على مايلي ....بس اريد اعرف شنو معناها واشكركم
Dear Mandy,

Yes --> applicant must have been employed by or on behalf of the U.S. government in Iraq,
Yes --> for not less than one year after March 20, 2003,
Yes --> have experienced or are experiencing an ongoing serious threat as a consequence of that employment.

I verify that the above information is true and correct to the best of my knowledge.

Respectfully,
A. Paul Greco
1LT, FA
Bravo Battery, 2-29 FA, 4/1 AD

[ســـرى]

هو الملازم مالتك دزلهم الرسالة يأكدلهم المعلومات التالية: انه انت مشتغل مع/بالنيابة عن الحكومة الامريكية + شغلك لمدة 12 شهر عالاقل + انت تعرضت او ما زلت تتعرض الى تهديد بسبب هذا العمل

وهذا شي زين ان شاء الله

تقبل تحياتي
سرى

[blood_brothers8]

هاااااااا......اشكرج اخت سرى......يعني هسا وين وصلت سالفتي...قصدي قربت شي من الكوم لو هم بعد يردون مني شغلت ثبوتية و.....!
اشكركم....

[ســـرى]

هاي علمها يم رب العالمين والراسخون في العلم (يعني السفارة )!! الله كريم وبالموفقية