اميل من NVC وما هي الاجرات المتبعة رجاءً

[كراميش]

أخواني في البداية وقبل لا ادوخكم اني محددين اليه موعد سفر الى برنامج IOM يوم 21-3-2010 .
اليوم اجاني اييل من NVC يطلب بيه ارسله معلوماتي بعد حصولهم على موافقة USCIA وكلشي تمام . زين شكد يستغرق الوقت على ما اقابل وحصل على فيزا واتمام اجرأت ال SIV . لو اغلس على الموضوع ولف راس وارتاح واعتمد على ال IOM  . استخدم مبدأ عصفور باليد خير من 102345465698774210100 على الشجرة .

شنو رأيكم ارجو الرد لا تخلوني دايخ 

كراميش [/b]

[silver_d]

عيني كراميش بالنسبه لشغلت السفر اني من يمي اكلك اتوكلو على الله
 جماعه ال NVC راح يطولوها وراح اتطب مرحله بحر الضلمات وما بعد المقابله راح تدخل مرحله المراجعه الاداريه وهاي هم دوخه راس
واني من تاريخ ارسال اول ايميل للNVC هاي 4 شهوور وسويت المقابله قبل شهر واني هسه بمرحله المراجعه الاداريه مابعد المقابله
فوكل على الله وانشالله الموفقيه
سلفر

[vincenzo]

بالله هو هذا سؤال!!!!
اكو واحد يضحي بفرصة الاس اي في وبرجليه يروح كلاجئ وينحصر بامريكا

بابة استعجل دز اوراقك وجمد موضوع اللجوء (دزلهم ايميل كلهم اني اس اي في... شكو مستعجل على فد شي راح تضل نادم عليه طول عمرك) واذا ابو الرد اللي قبلي شغلته كيست بالاس اي في فهاي حالات نادرة لان معدل اللي بقالك فد تلث اربع اشهر وتحصلك كرين كارد وتكوم تلعب لعب

[أبو بشير]

اخويه كرموش الورده000 غلس وجنك ما مستلم الايميل وتوكل على الله يوم 21 ومحروس بالف سلام وبالك واياك تفكر بهالشكل تره تفاحتين ما يلزمن بأيد وحده واتمنالك التوفيق والنجاح بكل خطوه0

تحياتي
اخوك أبوبشير

[ريم عبد]

اخي كراميش اتوكل على الله وسافر الله وياك ماكو شي يستاهل اتاجل سفرك
والي اخذوا الكرين كارت مزاد شي عليهم غير كارت اضافي بالحفظه
واذا اخذته وره شهر او وره سنه مراح تفرق شي
بينما التاخير هنا بعد كم شهر مجهولة المصير
وحتى مضامن موافقه عليها وترجع على نفس القلق والتفكير
هذا شي مؤذي وايجوز ايفوت عليك فرص اخرى هناك تكسبها بالوقت
وان شاء الله بالتوفيق يارب

[silver_d]

اخويه العزيز vincenzo الشغله لا مكيسه ولا شي انته اذا لكيت واحد بهاي الفتره خلاال 3 شهوور اخذ الفيزا  من اول تقديم اله لل ان في سي اني الغي معاملتي
اخويه الغالي هسه اكو تشديدات بالمراجعات الاداريه لان اغلب الي يقابلوون ومن ضمنهم اني وابو رامي مابعد المقابله دخلنه مرحله المراجعه الاداريه زين نفرض هذا الشخص اجتيله شغله تايه شراح يسوي ؟؟ هم راح يخسر السفريه مالته وهم راح يبقه مشتوول عالا اس اي في مو لو اني غلطان ؟
يا اخويه العزيز وانته اول الناس شكد تاخرت بالمرحله الاولى ؟ 8 شهوور وانته هم مضامن شكد راح تتاخر بالمراحل الجايه
وبالنسبه للكرين كارد هيه فرصه ومتتعوض بس الشغله مامضمونه خلاال 3 شهوور يخلصها

تحياتي الك الواحد بالعقل يحسبها مو بالكلام
اخووك سلفر

[vincenzo]

حبيبي ماجلان
انت ما مستفاد من الكرين كارد وخاله بمحفضتك فلا تعمم عالعالم لان عندي اصدقاء استلموه وسافروا لغير دول او حتى رجعو للعراق بينما اللاجئ ميكدر واللاجئ لازم يروح على ولاية معينه هم يحددوهه اله ولازم ولازم وماكو داعي هسه نكعد نقارن الثرى بالثريا لان صالنا سنين نكتب مواضيع وردود بهالسالفة
وابسط شي زملائنة الاعضاء اللي طلعوا لامريكا بوكت اللي انت طلعت (تتذكرهم لو تحب اعددلك الاسماء من جدة وعتيك) تتذكر شلون جمدوا معاملاتهم مال اللجوء وكملوا عالاي او ام ؟؟؟
ليش هالتناقض؟؟؟

حبيبي روك الجواب الك هم

وبالنسبة الية لو اموت بالعراق العظيم ولا اسافر كلاجئ
شنو هاللذة من هالفكر
لعد شكو اشتغلنه وياهم وميت موته متنه

[كراميش]

اخواني الاعزاء اني ممنون منكم . شكرا على كل رد لان بصراحه ردودكم توحي لصدق المشاعر .
خواني اني اجاني موعد سفر و حددولي الولاية جنت متردد بس بعد ما جيكت الولاية والمدينة شوية اطمئنيت ( Tennessee- Chattanooga )
بالنسبة الية احنه عائله متكونه من 3 افراد اني وزوجتي وبنتي وحياتي بخطر مستمر لان اني اداوم ويا الامريكان بنص مدينتي والكل تعرفني حتى الزعاطيط . الوضع بالعراق من سيء الى اسواء و محد يعرف شنو راح يصير بعد الانتخابات لا يجينه واحد بالحكم من جماعة محاربة المحتل تاليها يمنعنا من السفر حتى لاثيوبيا !!!! شباب اني مشيت بمعاملة سنة بدون راتب اليه ولزوجتي لان اثنينه متعييين والحمد لله كملة بعدين هيه فرصه نشرد من الحر الطبيعي والسياسي . اني ممنون منكم اخواني بس اني قررت اسافر باقر فرصه سانحه لان بالعراق ماكو ضمانتات ولا حتى 01% .
اني متوكل على الله والله كريم .
اخي الغالي vincenzo اني ممنون منك على مشاعرك لان انت حرصك على ان يحصل كل اخ من اخوانك على حقة وياريت تنطيني الفروقات المادية والمعنوية بين اللاجى والمهاجر .

الف شكر لكل من شارك تحياتي الكم

كراميش

[silver_d]

اخويه كراميش عين العقل واتوكل على الله
واكو ناس متحسب هالحساب
والحياة مو سهله
تحياتي الك

[vincenzo]

حبيبي
خلي ببالك انه محد ينطيك فلوس بدون مقابل غير بس بالبداية كم شهر متحس بيهه وهية من الويل فير ومتساوية بالبرنامجين بس بالاس اي في انت عندك خيار انه تستغني عن قرض السفر وتختار التاريخ اللي يعجبك والمدينة والولاية اللي تعجبك (بعض المدن ممنوعة عاللاجئ مثل ولايات مشيكان وكاليفورنيا اللا عندك كرايب درجة اولى هناك علساس على حورهه) وتختار الخطوط الجوية اللي تعجبك (واكيد تكدر تختار الارخص) وهم اكو عروض خاصة تقدمهه بعض شركات الطيران بينما اللاجئ همه يختارولة كلشي ويرجع يوفيهم اول وتالي
اهم فرق كتلكياه فوك (راجع ردودي) هو مال الكرين كارد اللي اول ما توصل تحطة بجيبك و وراهه وين ما تريد سافر محد يحاجيك
فاذا تكدر تنتقل لغير منطقة (للامان) او حتى دولة مجاورة بس حتى على ما يكمل الفيزا مالتك احسن مما تروح لامريكا منضمة تجيبك ومنضمة توديك ومتكدر تتنفس سنة كاملة من عمرك يالله تكدر تقدم عالكرين كارد ومحد يدري شكد يطول يالله تستلمة (وبهالسنة شوف انت شكد صارف فلوس)
وانت بكيفك بعد... اكو واحد تجيه هيجي فرصة (ان يكون عنده شروط الاس اي في وواصل لهالمرحله بيه) ويعوفهه!!!

[ابو هبه]

اخي العزيز كراميش
كان الله في العون هو قرار كلش صعب اني هم مثلك مخلص فحص طبي ومحلفين من شهر السابع 2009 لل IOM
ومعاملة ال SIV في الموافقه الاداريه ماقبل المقابله وبأنتظار المقابله
المهم اللي اريد ابدي رأي بي هواعطيك اللي عندي هو اني سألت جماعتي الواصلين كلهم نصحوني بترك ال IOM مثل ماهمه عملوا بس أرجع اكلك مو كل الظروف متشابهه ويمكن اني لو صرت بمكانك هم راح ادوخ لان الظرف الامني حيل تعبان وماكو حالتين متشابهه 

ولو انت تعبان في التفكير بس ردت اسألك شنو المراحل اللي بعد المحلفين وردهم لان كان ردهم الي Further Review واشكد اتطول؟؟

اخوكم ابو هبه

[National]

أخواني الأعزاء السلام عليكم
عندي سؤال بلكي اتساعدوني بيه وأكون ممنون الكم
أني أستلمت اميل من الNVC وبعد اسبوع هم أستلمت ايميل ثاني هذا الحجي قبل عشرين يوم تقريبا بس اني مارديت عليهم ليهسه لأن اول شي همه بنهاية الاميل كاتبين No replayوالشغله الثانيه اني كنت امسافر خارج بغداد كنت ب دهوك بكردستان ولمن اجيت اطلع الوثائق اللي طالبيهه اللي هيه مال تعداد ال 57 وعقد الزواج وشهادات الولاده والترجمه وتصديق الخارجيه طولت الشغله عندي ويحتاجلي فد 12 يوم اخرى ياله تكمل هل هذا التعطيل من عندي راح ايأثر على المعامله مالتي واشتنصحوني وتقبلو تحياتي

[National]

بس اني نسيت اذكر انه اني SIV و تقبلو تحياتي

[ROCK]

اخوية كراميش ..

راح تدوخ اذا اكلك كل كلام الولد صحيح .. كلهم اصحاب خبرة .. بس محد يقدر حالك الا انته .. اذا تشوف نفسك راح تضيع فرصة السفر عليك فتوكل على الله ..

vincenzo.... حبيبي تره مو كل الناس مرتاحه وعندها مجال تنتظر .. اكو هواية ناس امورهم تعبانة وصعبة يكملون بهذا البلد .. ومثل ما كال الاخ تره ماكو ضمانات بالعراق .. تحياتي لرأيك

كراميش .. اكولها الك للامانة تره الـ SIV احسن من اللجوء .. وتبقه انته الي تقدر وضعك

تقبل مروري اخ كراميش ((لو بس اعرف هاي الاسماء شنو .. تطلعلكم باللوتو !!!))

ROCK

[untitled.man]

اخي العزيز كراميش...

صديقي حددوله موعد سفر بشباط الماضي على الـ IOM ومعاملته مال SIV جانت واصله للـ NVC مثل معاملتك، طلب من الـIOM تأجيل بحجة ما مصفي اموره وبالفعل اجلوله السفر وبهاي الفترة استلم الفيزا وسافر على الـ SIV، وللامانة حتى قبل ما يسافر اتصلوا جماعة IOM مرة ثانية وحددولة موعد ثاتي بس هو بلغهم انه استلم الفيزا وكنسلهم.

كلام الاخوة ماجلان وفسنجون صحيح...
اذا انت اكو ببالك رجعة وطبه وطلعه من امريكا فالـ SIV احسن. بس اذا ناوي تستقر فاي برنامج تطلع بي ماعندك اي اشكال بي لانه مثل ما ذكر اخوية ماجلان، الكرين كارد هوية ومحطوطة بمحفظتك. وهمين الـ SIV يخلصك من دوخة الفحوصات الطبية والالتزام بمواعيدهه على عكس الـ IOM.

صديقي سلفر...
اني واحد من العالم اللي استلم الفيزا بشهر ونص من اول تقديم للـ NVC.
قدمت اوراقي يوم 4-4 واستلمت الفيزا يوم 22-5. هههههههه
هسه تدزلهم ايميل وكوللهم يابه اني بطلت بعد ما اريد اروح 

تحياتي

[silver_d]

هههههههههههههههههههههههههههههههههههههههههه
يونايتد شنو السالفه صدكت!! راح الغي المعامله على منو منو الي يسوه 
اخويه العزيز كلامك صح قبل هالشي جان سهل بس هسه تعقيد بالمعاملات وتدقيق شديد يا ابن عمي
والرفض بطد الزبل
الله كريم كل واحد وقسمته من هالشغله لان هيه مثل لعبه القمار يا ربحان يا خسران كلشي
تحياتي واشواقي الك يونايتد مشتاقين والله 
اخخوك سلفر

[Abo Rami]

اخوي العزيز اني راح احسبه الك
اولا -مو اقل من شهرين او 3 اشهر هاي عند NVC
ورا مايايدزون الك موعد مقابلة شهر بالتمام والكمال
اذا دخلت مراجعة ادارية ورا المقابلة شهرين الى 3 اشهر
ورا ماتستلم الفيزا شهرين ونص على موعد السفر
هسه نحسبه كله
 يعني ايدك وال 8 اشهر اكثر او اقل بشويه فشلك بهاي الدوخة الله يخليك سافر وتوكل على الله

 على فكرة اخ سلفر مو بس اني وياك اني الي اعرفهم اكثر من 10 اشخاص قابلو ودخلوا مراجعه ادارية والحبل على الجرار

ابو رامي

[vincenzo]

حبيبي ماجلان اني مستحيل ازعل وبالذات من اخ عزيز مثلك
بالعكس اني استفاد من معلوماتك ومن رأيك المختلف عن رأيي
اني صحيح مثل ما تفضلت قديم بالمنتدى واناقش هواي بس انتو غالبيني بكلشي...بالتقديم وبالوجود بامريكا كلمن بمنطقته فمعلوماتي كلهه منكم (يعني انت وناس مثلك)
وهاي التفاصيل اللي حضرتك طرحتهه هسه هم كلهه اعرفهه وهي مطروحة سابقا بالمنتدى بس اني بردودي ما فتت بالتفاصيل لان صاحب السؤال اذا فعلا مهتم يكدر يدور بالمواضيع (المثبته خصوصا فالوصول الهه اسهل) ويلكه كل الاراء والتفاصيل واذا احنا نسولف التفاصيل كل ما يسأل واحد جديد هاي متخلص وتتحول حياتنه الى كتابة ردود

بالنسبة لكلامك الاخير فانت خوش سويت مقارنه بين الاس اي في بدون رابسنت والاس اي في وية الرابسنت وال DS-234 واللي اني اتفق وياك عليهم بس هم اكول انه برأيي المتواضع وبالنسبة لضروفي وضروف هواي من اصدقائي من خارج المنتدى هواااااااااااااااااااي احسن من الاي او ام

تتذكر بفترة اللي انت سافرت بيهه جان اكو رأيين بالمنتدى واحد مثلك يفضل التقديم عالمساعدات وهو صحيح و واحد ميفضل مثل سيف وساسي وغيرهم (نزلت قصصهم بموضوع وتثبت) وهذا هم صحيح
وكل ما هنالك انه اني من جماعة الرأي الثاني

بس نرجع ونكول انه الاس اي في افضل وفرق السما عن الكاع من الاي او ام

[vincenzo]

ابو رامي حبيبي وين الوعد ؟؟؟
انت ترة حسبت حساب اسوأ احتمال لان فعلا شغلتك طولت مثل شغلتي
بس ترة عندي هواي اصدقاء طولو من تاريخ اول تقديم الى السفر تلث اربع اشهر فتره متكدر تحسب هيجي حسابات

تحياتنا
وانتضر ارائك حول المرحلة الجاية

[vincenzo]

ماجلان
الله بو الخير

وصديقي صاحب الموضوع هم

انتقلوا لهنا
http://www.ankawa.com/forum/index.php/topic,390281.msg4474088.html#msg4474088

[ريم عبد]

اخي ماجلان زين طرحت هذا الموضوع لان عندي سؤال وبعد اذن اخ كراميش صاحب الموضوع
لان هوه فتحه وخلانه حرية الطرح

احنا نعرف المنظمه هي الي اتقوم بتاجير الشقه واتكون هي كفيلة الاجئ امام المؤجر
وفي حالة اذا راد الاجئ او المهاجر التاجير عند الوصول وهوه لايملك  اي
اي دي او سوشيل سكيورتي
منو الي يقبل اياجرله اذا راح على حسابه

[untitled.man]

اختي العزيزة ريم...
اني مرة ردت باحد المواضيع بهذا الرد واللي راح اعيده هنا للسؤال اللي طرحتي... ومن رخصة اخوية ماجلان

اخوان...
اني بصراحة قريت هواي بالمنتدى عن اخوان رفضوا المساعدات، وبصراحة كل واحد ووضعيته وهو ادرى بيهه.
بس اني شفت من واجبي ان اطرح نصيحة للي يحب ياخذ بيهه...

مراح اتطرق الى التكتات المدفوعه مسبقا، او الكاش اللي ينطو المنظمة لانه هاي سوالف سهله وشغلته بسيطة، بس الحجي والكول على ايجاد السكن.
اخوان اذا ما عدكم قريب او صديق يعتمد عليه ينتظركم بامريكا، فصدقوني راح تكون مجازفة، وخصوصا للعوائل.
اني قاري باكثر من موضوع بس ما كاتب رد انه نروح ونكعد بموتيل وندور على كيفنه على مكان زين وشقة حلوه... والخ من التمنيات.
ما اعرف اذا انتوا حاسبين متطلبات الشخص المؤجر لو لا؟؟؟ او عدكم علم بالاشياء اللي يريدهه قبل لا يأجر شقته؟؟
راح اذكرلكم بعض الشغلات وانتوا قرروا:
- السوشيل.
- الوضعيه القانونية للمستأجر في الولايه.
- الدخل الشهري (مثلا يريدون اثبات انه انت تاخذ راتب شهري يعادل على الاقل مرتين ونصف من الايجار الشهري للشقة)
- التاريخ المالي.
- الكفيل (او يسموه "Guarantors "Co-signors)
وغيرهه من المتطلبات...

والملف المرفق مثال بسيط على متطلبات المؤجر في احد المجمعات السكنية في مدينة دنفر بولاية كولورادو... واتمنى انه ما يطلع واحد ويكول تختلف القوانين من ولاية لولايه...

نصيحتي: احسبوهه زين قبل لا تقومون بالخطوة... واتمنالكم الموفقية باي قرار انتو تاخذوه...

موقع المجمع السكني:
http://www.carmelapartments.com/silver-reef-apartments

متطلبات التقديم:
https://onlinelease.carmelapartments.com/Documents/R135999/Documents/QualifyingCriteria/Qualifying%20Criteria%20CHAFA8.pdf


تحياتي

[vincenzo]

صديقي الزلمة اللي بلا اسم
هو منو رايح لامريكا واس اي في وماعنده احد يوكفله ؟؟؟؟ لعد مو جان يشتغل وياهم ؟؟؟ ومنين جاب التزكيات ابسط شي....وطبعا هاي مو حالة عامة بس بتقديري المتواضع هي الغالبة...وخصوصا للسنكل
اما بالنسبة للاجئين فهذولة اصلا غصبن عليهم منضمة ومدرسة لغة وتحديد ولاية ولازم تشتغل من يجيبولك اي شغلة....الخ وهم اصلا يأجرولك بمزاجهم وبالمكان والسعر اللي همه يحددونة حسب سياساتهم

[ريم عبد]

شكرا اخي العزيز untitled.man على هذا التوضيح
وهذا الي اني اكوله اذا واحد ميكدر اياجر الا بضمانه شلون من يوصل بدون كفيل ولا منظمه
وحتى اني فكرت اذا ناخذ مستحقاتنه من المنظمه واحنا اناجر هم راح اتواجهنا نفس المشكله
في بداية الوصول
حتى الكفيل ميكدر اياجرنا على ضمانته لان هوه ماجر بضمانة راتبه
ولهذا عدلنا عن الفكره وراح نتركها هي الي اتقوم بالموضوع
مو؟؟؟؟؟؟؟

[vincenzo]

صديقي ماجلان
انت هسه بردك الاخير خبطتهه
ال paragraph  الاولى دتحجي عاللاجئين
والثانية عالاس اي في
لان اللاجئ ميكدر اصلا ان يختار بين ان يقدم على مساعدات او لا

اما الاس اي في اللي ما مقدم عالمساعدات بال DS-234 فميقدم على منظمة من يوصل وانما يقدم عالويلفير كبل
وهم همه يساعدوه بالاجار (ما متأكد من هاي)

هسه عالعموم
وبما انه انت معلوماتك حلوة بهالمجال
ومن السباقين بالاس اي في
وصاير مشرف بهمبولي 
اختنا szsz بذلت خوش مجهود بموضوع رأسا تثبت عالسكن بامريكا للبرنامجين بيه تجميع من هواي مواضيع وموضوعهه واستنتاجاتهه
بس شو اول ما اتثبت بعد محد كلبه
هسه اذا تروحله راح تلكه رد الي بالاخير حول معالجة شغلة السكن للي ميقدم عالمساعدات من جماعة الاس اي في (وراجع الموضوع اللي ثبتوه اللي لخصت بيه تجارب كم واحد من جماعتنه من الما قدموا)
اتمنى منك ان تدلي بدلوك على كولة ابو دجلة واضل ادعيلك طول عمري

مقترح لاخ
ليش ما انت وعلى طريقة szsz تسويلنه موضوع مفصل عن شنو يعني كفيل او صديق بالاس اي في (لان عكعك مغطي الموضوع من ناحية اللجوء)
ونكون حيل ممتنين الك

[vincenzo]

حبيبي روح اقرا ردي النوب شنو واحد يركض وراك؟؟

اعتقد معلوماتك مال اللي بلا اطفال مو صحيحة لان الويلفير هي لمساعدة الامريكان او المقيمين اللي دخلهم قليل والقادمين الجدد اصلا ما عدهم اي دخل وهاي ثابته بمنتدانه من زمااااااااان حتى قبل لا انت تسجل عضوية ذاك اليوم

بالمناسبة باعتبارك دتتعلم اسباني تعرف شنو يعني الكاهون بالعربي؟؟؟
يعني القوطية ههههههههههه

سمعت بالكهوة مال ربعنا اللي يتعاطون المخدرات اللي سدوهه يمكم وطلعوا منهه العراقيين مثل الصرصر من يطلع من البالوعة (واسف على التعبير لانه ادق شي وهو وصف صديق هناك) وترسوا الشوارع
ما اعرف جماعتنه اعضاء المنتدى شلون جارعين هيجي مكان...وفوكاهه كلش غالي هههههههه
يعني ابو اندرو وبيرج ونانا وغسان وانت....الخ
مو امريكا قارة شكبرهه
والله اني من يمي مغثوث علمودكم

[vincenzo]

يابة ناسي هسه اني شيذكرني بعناوين كل اصدقائنه اللي عددهم مو قليل
وعموما اذا انت مو بالكاهون فهي نموذج مصغر لساندييكو كلهه

شوف هذا الفديو حتى تبرد اعصابك
http://www.youtube.com/watch?v=l7qKD-Ph7ds