ارجو مساعدتي للرد عن السؤال

[الواسطي الجريح]

اخواني اخواتي ,السلام عليكم
طبعا اني من رواد المنتدى بس من دون مشاركات لان اقضي وقتي اقراء المواضيع اللي تساعدني
اني واعوذ بالله من كلمة اني قدمت على الآي او ام ومنتظر مقابلة ...خلي اسالكم وبعدين انطيكم التفاصيل:
اذا رحت لامريكا واخذت وياي زوجتي واطفالي اللي همة واحد عمرة 3 سنوات والثاني شهرين اكدر احصل على عناية او مراح ابهذلهم فوق البهذال مال العراق؟
هل المساعدات تختلف وبيهه مميزات عن اللي يروح وحده؟
مع العلم اخوان اني مترجم مع الامريكان واجيد الانكليزية بطلاقة وعندي شهادات تقديرية و صور مع جنرالات امريكان وعراقيين المهم حتى اكو رتب عليا في امريكا يعرفوني ومستعدين يساعدوني...
اخوان ما اطول عليكم ارجو من من سافر الى هناك وقضيته تشيه قضيته يكولي شراح تكون حالتي هناك؟؟؟؟
وشكرا
الواسطي الجريح

[/b][/size]

[ريم عبد]

اخي الواسطي الجريح اهلا وسهلا بيك بالمنتدى وبمشاركتك الاولى
اخويه محد يكدر ايجاوبك جواب على الماشي ايكولك تتبهذل لو لا
بس تكدر اتحدد بعض النقاط حتى انجاوبك عليها
مثل الولايه الي راح اتروحلها ننطيك فكره عنها والمساعدات الي بيها والشغل الي متوفر
بالنسبه للاطفال اكيد راح يبقون بالبيت بهيج عمر ويه امهم لان الحضانات غاليه واذا طلعت اشتغلت الام هم راح اتذبها على الحضانه
وتشملهم مساعدات الويك والولفير اذا كان راتبك قليل
وباول سنه اتكون شويه الامور كلش على الكد يادوب اتجيب الايجار والاكل طالع ودفع الفواتير
فاذا عندك شويه فلوس تاخذ وياك تسندك بوكت العوزه والى ان تلكي شغل مرتب ايحسن وضعكم
لكن خلوا على بالكم اول سنه شويه بيها تضحيه مو نعيم وسعاده
وان شاء الله بعدها تتغير الوضعيه فاذا انتوا من الناس الي تتحمل ورايحه في سبيل هدف قوي اتوكلوا على الله
اما اذا لا من النوع المتذمر وميعجبه اي حال لا خليكم على كعدتكم ولتهجولون نفسكم
لان كل واحد وقابليته وقدرته على التحمل هوه يعرف يكدر ايمشي نفسه لو لا
وا شاء الله ايسهل امركم وتختارون الاختيار الصحيح

[angie-dawood]

اخي العزيز اولا اهلا وسهلا بك ببيتك الثاني بين اخوانك واخواتك وبنسبة الك اخي العزيز الحياة هي فرصة وحظوظ وكل واحد وحظه بالولاية الي تكون مرشحة اله اكو ناس يسافرون من البداية اللة يفتحها بوجهم واكو ناس اللة ما وفقهم وبالنسبة للولايات كلها نفس الشي بس الي يختلف بيها مدة المساعدة والايجارات حتى الايجارات اذا تكون غالية المساعدات تكون اكثر من الولاية الي تكون ايجاراتها ارخص وبما انو عندك عائلة واطفال صغار راح يشملك المساعدات وبعد انتهاء المدة الك الحق تقدم مرة اخرى للمساعدات بحالة لم تجد عمل وعندك راتب الاطفال لغاية عمر 18 سنة ومساعدات الوك يعني ينطون حليب للاطفال لغاية عمر خمس سنوات واذا اشتغلت زوجتك راح يكون اكو حضانة للاطفال  والحكومة تدفع النص اذا كان عملها عشرين ساعة بالاسبوع وبنسبة الك تكدر تقدم هنا عمل مترجم او ممثل بالجيش بس تمثل شون العراقيين عاداتهم وتقاليدهم بالعراق اكو هنا هواية يشتغلون بهاي الشغلة وكل اسبوع راتبها 3000 دولار وهي تكون بالولايات حسب ما هما يرسلوك للولاية الي يحتاجون وكلها هي ارزاق برب العباد وانشاءللة ربي يوفقك باي ولاية كانت

[الواسطي الجريح]

شكرا لكم اخواني الاعزاء والله اني احترم اراءكم وتوجيهاتكم بس ردت اعرف انو فرصتي هناك راح تكون سهله لو لا بس اخليهه على الله واروح هناك احسن ما ابقة متهدد

[angie-dawood]

خليها على اللة وهو يتكفلك وربك هو مقسم الارزاق وين ما تكون

[جورجيا]

اخي العزيز
الاطفال عدهم مديكيت لحد 18 سنه
ومدارسهم احسن مدارس وابلاش فلتفكر بيهم اصلا محد امدومن ابكد الجهال
اما الباقي مثل الشغل فيبقى انته وحظك وتوفيقك وعلاقاتك وانشاء الله موفق بحياتم الجديده
اما بلنسبه انو جنت تشتغل مترجم فامريكا المزعج بيهم ما يفرقون بين لاجيء عراقي قدم تضحيات من اجلهم وعرض حياته للخطر والتهديد والقتل وبين لاجيء من الصومال ميدري شارقه لو غاربه  الكل عدهم سواسيه
وبلاخير التوفيق من ربك
انشاء الله موفق
تقبل مروري
جورجيا