استفسار ضروري جداً جداً (ارجو المساعدة) من اخواني ........

[عراقية و افتخر]

السلام عليكم شلونكم اخواني الاعزاء اني سوالي هو  (اولاً ) الي ذاكر بقصته انه دافع فدية عن ابنه الي كان مختطف .                                                                           (ثانياً ) والي كان معتقل عند القوات الامركية لمدة شهرين في 2003    هل يكون مرفوض من قبل المحلفين مع العلم احنا قابلنا المحلفين وصارلي خمس سنوات من خروجي من العراق ارجو الرد لان اني جداً قلقة وارجو من الاخوة الاعزاء اجابتي على استفساراتي لان يكلولي العراقيين  الي يمي ايسي لان انت مرفوضة لان ماكو واحد دافع فدية او كان معتقل موافقيله هل هذا صحيح . ولو طولتها عليكم الف شكر الكم                                                     

[عراقي وافتخر 4]

اخت عراقيه لا حاجه للخوف او القلق انا شاهدت وسمعت قضايا كثيره بهذا الخصوص وامورهم تيسرت والحمدالله وانتي قابلتي محلفين ماعليكي سوى الصبر والدعاء بنتيجة القبول وانشاء الله مقبولين مع كل الموفقيه

[ابو الحسن]

عمي لاتخافون توكلوا على الله وربنا مايكطع بعباده
الله يسهل على الجميع
ابو الحسن - ماليزيا

[عراقية و افتخر]

السلام عليكم شلونك اخت انجي حبيت اشكرك على كل الاجوبه القيمه الي دساعدينه بيها  وارجو منكي ان تشوفين اذا اكو احد مثل وضعي وانقبل وشكرا جزيلا

[عراقية و افتخر]

حبيت اشكر كل من عراقي وافتخر والاخ ابو حسن على اجوبتهم

[مهاجرين بلا حدود]

والله يا اختي قياساتهم عجيبة غريبة لهذا الموضوع (الفدية)
يعني احنه نبيع الاول والتالي علمود انطلع ابنه لو ابونا من اللعصابات الاجرامية ولو يطلع ولو مايطلع واذ ا طلع عايش بعد دفع الفدية هذا انكتبلة عمر جديد ...وفرحة العمر تصير

ولكن الاثر النفسي هو الاصعب بعد الخروج من هذه المحنة  والله المستعان لكل من مر بهذه التجربة المريرة ... وانتم احد هذه العوائل والله يصبركم وتنسون
والمفروض تعتبرون حالة خاصة ولابد من مساعدتكم بالخروج على الاقل نفسيا من هذه المحنة  الصعبة
ولكن ..تقيدراتهم وسياستهم ليس لها مثيل بدول العالم ...وارجوا من الله ان تكون نقطة ايجابية لقضيتكم ...وتساعدكم بالقبول ...

اختي الكريمة ......سؤالي هو ... كيف كانت نهاية المقابلة نفسيا (المحلف ) وانتم ؟
انت تكدرين تحكمين هل هو وافق او لا ؟

تحياتي

[ال رداد]

اخي الي ميثبت علي شي  يعني مو مدان  عادي معليهم بس يدخلون بتفاصيل القضيه يتاكدون


وموضوع الفديه هواي ناس انقبلو وسافرو وهما دافعين فديه وكالو للمحلفين  احنه دفعنا فديه


وكولشي بيد رب العالمين الله يسهل اموركم انشالله

[شجرة الدر]

اختي العزيزه من ناحية الفديه لاتخافين وتوكلي على الله اقسى شئ سوه هو وضعك قيد الدراسه والتحقيق لفتره بعدين يقبلوكم لكن بشأن الاعتقال ما عندي علم بالشغله عذريني وان شالله بالموفقيه للجميع

[أبو بشير]

عراقية الورده 000 بالنسبه لدفع الفدية يعتبر مخالف للقانون الاميركي بس اذا كان تحت الاكراه والتهديد بالموت فيكون الامر مبرر وهذا لا يعاقب عليه القانون لان احد اصدقائي في بيروت قابل المحلف وكان موضوع الفديه هو سبب تأخير الموافقه فأستلم موافقة المحلف بعد 4 اشهر من المقايله وهسه يسمع حسي بولاية انديانا باميركا نعم يسبب تأخير بس بالقرار بس بعدها الكيس تمشي وهذي القضيه شائعة جدا بطلبات اللجوء وبالتوفيق مقدما اختنا العزيزه 0

تحياتي
ابوبشير

[عراقية و افتخر]

اشكركم اخواني على الاجابات وتعبتكم ويايا بالنسبة لوجه المحلفة كان كلش زين ومقابلة سهلة مدري ليش مع العلم الناس كلش خوفونه منهم يكولون صعبة كلش بس من قابلنا تعجبنة يعني على القصة الي انت كاتبها عدهم ومرة ثانية اشكر اخواني الاعزاء واني حاضرة لاي سوال