اني مخابروني لحد الان

[غربة صعبة]

اخواني اخواتي اني مقدم من 5/8/2008 ولحد الان مصار شي ولا خابروني وللعلم اني خابرتهم وكالولي انتة من شهر 7/2009 طلعتلك الموافقة وفايلك بالتوطين المهم خابرتهم بشهر 12/2009 وكالولي راح نتصل بيك الخميس نرد على استفسارك وخابروني وكالولي انتة بقائمة التوطين وراح يتصلون بيك بس طول من شهر الى 3 اشهر ولحد الان مخابروني شنو الموضوع منو يكدر يريحني تحياتي للجميع .

عمان في 23/2/2010

[echo 9]

اتمنى لكم التوفيق واترك الاجابة لاهل الخبرة لان لا املك معلومات تفيدكم وانشاء الله الفرج قريب
تقبلوا تحياتي
Echo 9

[غربة صعبة]

شكرا يا اخ Echo 9

[مهاجرين بلا حدود]

اخي الكريم (غربةصعبة )

اهلا وسهلا بيك ببيتك الثاني ....

انت مادام حولو ملف للتوطين خليها على الله واخليك صبـــــــــــــــــــــــــــــور ولاتفكر هواية لان راح تتعب وبعدك باول الطريق ونصيحة اخوية عيش حياتك عادية والمشوار طويل وداعتك كلها بيد رب العباد ..ومتعرف على ساعة وليلة تتغير احوال كثيرة ...
انت المهم حافظ القصة مالتك زين وخليك استند باي ( stand by ) لاي طارئ يحدث ..
وممويابلك دائما مشحووووون وخاصة في النهار وان شاء الله يجيك الرقم الخاص يرررررررررن

تحياتي لك

[غربة صعبة]

شكرا حبي على الرد الحلو بس اني المشكلة صار قلق نفسي خاف كل هاذا الانتظار وكلشي ما احصل والعمر ديمشي ونتيه المشيتين شنو  لو شنو رايك

[hamada2]

غربة صعبة
ممكن نعرف حضرتك باي بلد؟

[غربة صعبة]

اخي انا في عمان الحلوة

[ضـاع الوطن]

ان شاااااااااااااااااء الله تفرج عليك وعلينه وكلنه كاعد ننتضر

[غربة صعبة]

حياتنة كلها انتضار مو ملينة وتعبنة بعد واهس هم ماكو يا رب تفرج علينة وعليكم ونرتاح
تحياتي لكم غربة صعبة

[بغداد بقلبي]

السلام عليكم اخي الغالي اني عندي صديق نفس وضعك وكلوله بانه سوف يتصلون فيه بالشهر الثالث وتره مابقه شيء يعني كم يوم وان شاء تتوطن واتسافر واتصير اسوالف واما بانسبه للعمر فاني اكول انه من الافضل ما تفكر  اب عمرك لان راح ايصير عندك احباط ويارب تتسهل امور اخواني العراقيين جميعا وايخلصون من الوضع الي همه بيه واني اسف جدا لتاخري عليك بالاجابه وتقبل مروري والله ولي التوفيق

[aden]

السلام عليكم
اذا انت متحول على التوطين فراح انشاء الله يتصلون بيك باقرب وقتممكن
وخليها على الله ةانشاء الله انته مقبول ومسافر الى امريكا
وتقبل تحياتي

[غربة صعبة]

شكرا اخواني على ردكم علية واشكرك بغداد بقلبي  وانشاء الله تفرج على الكل يا رب
تحياتي لكم

[Mazen Al-Baghdadi]

انشاء الله يتصلون عليك اخويه العزيز هي الشغله ينرادلهه
شويه صبر .وما دام دخل الملف الى قسم التوطين اذن انتظر لان ماعدنه غيره..........
وكلنه كاعدين ننتظر  والله كريم