المرحلة الثانية بالSIV اسألة للنقاش

[vincenzo]

اصدقائي
سويتلي بحث بالمواضيع القديمة عن هالمرحلة واكتشفت انه اكو نقص رهيب بالمعلومات والمشكلة ما كدرت احصل ولا واحد من اللي اتوقع عدهم اجوبة مقنعة لا Show ولا فالكون ولا شبح بغداد ولا التكساسي ولا ماجلان ولا حتى الجدد مثل szsz لو ابو رامي ولا حتى الكاوبوي العراقي لو حيدور لو نور2 فقررت اسويه مو موضوع معلومات وانما موضوع نقاش
اخوان
اني لا اريد اختلف ولا هية شغلة استعراض عضلات وتفياك بس صدكوني كل ما اصفن بشغلة ارسال معاملة مكونة من كم ورقة بالبريد لغير دولة ممكن تكلفني:
# 3 تفويلات بانزين...لو
# زوج دبلات وية شدهن...لو
# زوج تايرات...الخ
اشوفهه عبالك مغلوب

طبعا اني عند وعدي اللي يتذكرة بعض الاعضاء انه لازم اتعارك واسوي هوسة بيوم الفحص الطبي... اذا وصلتله
لانه تقفيص علني

همه جماعة نبراسكا ميستقبلون ايميلات
اوكي
بس ما طالبين اي شي اصلي و/او ما يهمهم منو دازهه طالما لصالح صاحب الطلب
فلذلك:

1.   يصير ادزهه بالبريد العادي (العراقي مثلا)؟؟؟؟ علمود الرخص (لا تشيلون هم التأخير لان ما يهمني)  لان ما بيهه ورقة مهمة واصلية غير بس ال I-360 وهاي احنا نطبع ونوقع منهه شكد ما نريد.
2.   ممكن اسوي scanned copies من كلشي وادزهه لصديق بغير دولة (اردن المانيا او حتى امريكا نفسهه) وهمه يطبعوهه ملونة ويدزوهه لنبراسكا بالبريد ؟؟؟ .... اصرف

·   هي اصلا اسعار ايصال الاوراق بالبريد شكد من العراق او الاردن او غير ولاية بامريكا الى نبراسكا بالDHL  وبالFedex وبالبريد الحكومي العراقي ؟؟؟

·   اتوقع من العراق كلشي غالي (مثل اسعار تذاكر الطيران مثلا) لاسباب معروفة مثل عدم وجود شركات تأمين في العراق حاليا وأسباب مشابهه.

3.   هل طبع النسخ يجب ان يكون ملون ... اقصد كل الاوراق المطلوبة ... لان عندي مثلا طابعة ليزرية عادية مو ملونة ؟؟؟ وهل قياسات الاوراق المطلوبة كلهه A4 ؟؟؟

4.   نجي على استمارة ال I-360 والكم شغلة الغريبة بيهه:
هذه الفورم مقسمة الى اجزاء (parts)  عددهه 10 منه اربعة منهه ترك (بالنسبة الية 5 لان سنكل وهي 5,6,7,8,11) فما راح اناقشهه.
الجزء الاول:
بيه الاسم الثلاثي مو فد مشكلة بس الشركة شنو قصدهم بيهه؟؟ يعني الشركة الامريكية اللي المتقدم اشتغل بيهه فد يوم من الايام (او لا زال) واللي شغله وياهه رشحه للحصول عالفيزا...لو اي شركة حاليا ديشتغل وياهه...لو اصلا هيه ما تخص صاحب الطلب ؟؟؟؟؟؟؟؟؟؟؟؟؟؟؟؟؟؟؟؟؟؟؟

شغلة ثانية بهالجزء وتتكرر بغير اجزاء هي سالفة ال C/O الحزورة...شنو يعني C/O ؟؟؟؟ هل Adress-C/O هو عنوان المتقدم ؟؟ لو فد شخص ثاني؟؟ لو عنوان الDHL مثلا اللي الواحد يدز منه؟؟؟...المعلومات اللي وره العنوان خاصة بالمتقدم لو بغير واحد (بامريكا مثلا) ؟؟؟ نتركهه فارغة ؟؟؟

الجزء الثالث:
هم السطر الاول مبين بس رأسا وراه يطفرون لهذا ال C/O اللي راح يخبلني... زين ليش هالخلط؟؟؟
“Apt” يعني (رقم الشقة او رقم الدار بالعراقي) ؟؟ هي اصلا مالة منو ؟؟؟
   
الغريب انه اذا هو ديحجي على شخص لاخ مو صاحب الطلب لعد ليش يرجع بنفس الجزء (الثالث) ويسأل على تاريخ ومكان الولاده لابو الطلب (احتمال اني غلطان) !!!!!!!!!!!!!
اقوى حزورة بهالجزء هي ال "A#"  هههههههههههه.... هاي شنو معناهه بالله ؟؟؟

الجزء الرابع:
القنصلية ومكانهه سهلة ومينرادلهه شي... بس المصيبة هي هذا الشخص اللي مدري C/O مدري مو C/O اللي يريدون اسمه وعنوانه....نتركة فارغ؟؟؟ لو شنو نحط بالاسم والعنوان؟؟؟

الجزء التاسع:
بالنسبة لافراد العائلة وتفاصيلهم هم مبينة...بس اللي ما عنده عائلة يتركهه فارغة ؟؟ لو يكتب بكل الحقول N/A ؟؟؟ (وهذا السؤال لغير حقول راح تنترك فارغة لان اكو حقول مبينة تنترك فارغة لان راح يمليهه موضف بعدين بس بالنسبة للي المتقدم يمليهه ... لازم يكتب N/A ؟؟؟)

الجزء العاشر:
التوقيع والتاريخ والايميل...وبالنسبة لتوقيع واسم وتاريخ الموضف نتركه فارغ ...مو؟؟؟

5.   اذا اكو اخطاء بهالاستمارة ينرفض الطلب لو يطلبون تصليحات بالايميل لو يطلبون استمارة جديدة hard-copy بالبريد ويشتغل التوريق النوب ؟؟؟

اصدقائي
اللي عنده رأي او جواب بالاشياء اللي طرحتهه رجاءا ينورنا بس بدون شقة وشاكرين تعاونكم معنا خدمة للاس اي في

[siv2007]

حبي ابو الفناجز
حسب ما اتذكر انه الc/o هو عنوان شخص صديق او معارف في اميركا وتعني (عن طريق)
أما ارسال الرسالة بالبريد العراقي العادي فهو كللللللللللش عادي لانه لا الدي اج ال ولا فدكس الهم علاقه بالموضوع
الApt اكيد هو رقم الشقه او مثل ما موجود بالعراق العظيم  رقم الدار
#A هلو   Alien number  هذا اتركه لا تدوخ بيه
SSN هذا هم اتركه اذا مر عليك
اي حقل ما يخصك اكتب N/A
والبقيه الاخوان اكيد يجاوبوك على الاسئله لانه اني ناسي التفاصيل وانت تعرف اني شكد قديم من قدمت على ال اس اي في تقريبا نهاية 2006!! 

[show]

اخويه فنسنت
اني مشيت على التعليمات الي بالملحقات و مواجهت اي مشكله بملاء الاستماره
اذا جيكتها و شفتها متجاوب على اسالتك اذكر الحقل الي عندك بيه مشكله و اني حاضر

اما بالنسبه لارسال الاوراق بالطرق الي ذكرتها فاعتقد تصير و كلش عادي

ملاحظه: اكو ملف ورد جوا يشرح الرموز
بالتوفيق للجميع

[ابو عبد الله التكساسي]

هلو فيني
يعني لازم تشلع كلوبنه ؟؟ ادري قابل امتحان بكالوريا هو ؟؟

الجزء الاول هو للشركه الي تشتغل بيهه
الجزء الثاني هو اختيار المربع المطلوب
الجزء الثالث هو معلوماتك
الجزء الرابع مكان السفاره الامريكيهخ الي راح اتقابل بيه
الخامس واسادس والسابع والثامن كليتهن تتركهن (( كلشي ما تكتب بيهن نهائيا))لان خاصات بطلبات هجره من نوع اخر
التاسع معلومات العائله والاطفال

هسه نجي
CO هو مجرد ديطلبون العنوان مال  واسم الشركه الي جنت بيهه US armed forces , ,  وهو خاص بيهم انت مالك اي علاقه بيه

وهسه اقرا الاشياء الباقه واجاوبك لان الاسئله مو مال انمر عليهه مرور الكرام

[المهندس سيوفي]

شلونك اخوية
راح ارد على اسئلتك اللي مسببتلك ارق ولو جنت اتمنى اكو ترك بالاسئلة بس هاهية راح اجاوب واشرب فوكاها كلاص ماي  

1.   يصير ادزهه بالبريد العادي (العراقي مثلا)؟؟؟؟ علمود الرخص (لا تشيلون هم التأخير لان ما يهمني)  لان ما بيهه ورقة مهمة واصلية غير بس ال I-360 وهاي احنا نطبع ونوقع منهه شكد ما نريد.
2.   ممكن اسوي scanned copies من كلشي وادزهه لصديق بغير دولة (اردن المانيا او حتى امريكا نفسهه) وهمه يطبعوهه ملونة ويدزوهه لنبراسكا بالبريد ؟؟؟ .... اصرف
 ج/ بالنسبة لفقرة البريد العراقي بصراحة ممجربها ولاسامع احد مسويها --- بس بالنسبة لفقرة ادزها لامريكا نفسها فهاي ممكنة جدا لان عندي اثنين من اصدقائي دزوها بالايميل لجماعتهم والجماعة منك دزوها مناك لنبراسكا ---- روح والهوه بظهرك

بالنسبة لاسعار ايصال الاوراق --- اكو هواية من اصدقائي دزوها منا عن طريق فدكس او دي اج ال واتوقع كلفتهم بين الخمسين الى الستين دولار ----- بالنسبة من ادخل امريكا اكيد راح تكون هواية اقل مثل اسعار تذاكر الطيران بين الولايات

3.   هل طبع النسخ يجب ان يكون ملون ... اقصد كل الاوراق المطلوبة ... لان عندي مثلا طابعة ليزرية عادية مو ملونة ؟؟؟ وهل قياسات الاوراق المطلوبة كلهه A4 ؟؟؟
ج/ الافضل انه يكون ملون ومااتوقع ذيج التكلفة عليك حبي اذا سويتهن ملونة واكيد طبعا قياس الاوراق يكون A4 ---- والله خبلتني يعني تريدة حار ومكسب ورخيص  

الجزء الاول:
بيه الاسم الثلاثي مو فد مشكلة بس الشركة شنو قصدهم بيهه؟؟ يعني الشركة الامريكية اللي المتقدم اشتغل بيهه فد يوم من الايام (او لا زال) واللي شغله وياهه رشحه للحصول عالفيزا...لو اي شركة حاليا ديشتغل وياهه...لو اصلا هيه ما تخص صاحب الطلب ؟؟؟؟؟؟؟؟؟؟؟؟؟؟؟؟؟؟؟؟؟؟؟
ج/ نعم الشركة اللي اشتغلت بيها او مازلت تشتغل بيها بغض النظر عن هي اللي رشحتك للحصول عالفيزا او لا --- واذا جنت مشتغل بعدة شركات فاكتب الاخيرة منها فقط


شغلة ثانية بهالجزء وتتكرر بغير اجزاء هي سالفة ال C/O الحزورة...شنو يعني C/O ؟؟؟؟ هل Adress-C/O هو عنوان المتقدم ؟؟ لو فد شخص ثاني؟؟ لو عنوان الDHL مثلا اللي الواحد يدز منه؟؟؟...المعلومات اللي وره العنوان خاصة بالمتقدم لو بغير واحد (بامريكا مثلا) ؟؟؟ نتركهه فارغة ؟؟؟
ج/ شوف اخوية --- لو جنت بعدك تشتغل وية العمام ف بهذا الحقل راح اتخلي عنوان الشخص الامريكي اللي راح تستلم الظروف مال نبراسكا عليه وهو ال APO Address لان همة ميدزون الاظرف بس للاشخاص اللي عدهم خاصية هذا البريد لان يعتبر اصرفلهم هواية --- وفي حالة ماعندك شخص امريكي حاليا فتخلي بهذا الحقل عنوان الفدكس او دي اج ال اللي راح ادز منة ---- او تخلي عنوان الشخص اللي بامريكا اللي راح يرسلك هاي الاوراق علمود توصلة لعنوانة هناك وبعدين هو بدورة راح يسويلك سكان لهاي الاظرف ويشوفها الك علمود يرتاح كلبك وتفضنة عاد
في حالة خليت اسم الدي اج ال او الفدكس (جماعة بغداد) راح يجاوبوك همة بالايميل ويكولولك ممكن اتخلينة عنوان شخص عندة APO انت كوللهم لا لان ماعندي بصراحة --- وهمة بدورهم راح يدزولك الابروفد عن طريق الايميل ويكولولك Congratulations


الجزء الثالث:
هم السطر الاول مبين بس رأسا وراه يطفرون لهذا ال C/O اللي راح يخبلني... زين ليش هالخلط؟؟؟
“Apt” يعني (رقم الشقة او رقم الدار بالعراقي) ؟؟ هي اصلا مالة منو ؟؟؟
ج/ حبي اتخلي نفس الفقرة ال كتلك عليها اعلاه ونفس الترتيب وبالنسبة لرقم الشارع والشقة هاي تخلي عليها None مثل ماسويت اني وكل جماعتي


الغريب انه اذا هو ديحجي على شخص لاخ مو صاحب الطلب لعد ليش يرجع بنفس الجزء (الثالث) ويسأل على تاريخ ومكان الولاده لابو الطلب (احتمال اني غلطان) !!!!!!!!!!!!!
ج/ لاادوخ وردة --- بالضبط اتخلي نفس مواليدك ومكان ولادتك مثل ماخليت بالفقرة الاولى وبالنسبة لسبب التكرار انصحك انه تشوف الموقع الالكتروني للسفارة اللي ذاكرين بيه شنو سبب اعادة هاي المعلومات بمكانين مختلفين


الجزء الرابع:
القنصلية ومكانهه سهلة ومينرادلهه شي... بس المصيبة هي هذا الشخص اللي مدري C/O مدري مو C/O اللي يريدون اسمه وعنوانه....نتركة فارغ؟؟؟ لو شنو نحط بالاسم والعنوان؟؟؟
ج/ اخوية مكان واسم الشخص تكتب بيه N/A مثل ماسويت اني وكل جماعتي وهسة يسمعون حسك بامريكا


الجزء التاسع:
بالنسبة لافراد العائلة وتفاصيلهم هم مبينة...بس اللي ما عنده عائلة يتركهه فارغة ؟؟ لو يكتب بكل الحقول N/A ؟؟؟ (وهذا السؤال لغير حقول راح تنترك فارغة لان اكو حقول مبينة تنترك فارغة لان راح يمليهه موضف بعدين بس بالنسبة للي المتقدم يمليهه ... لازم يكتب N/A ؟؟؟
ج/ نعم تكتب بكلها واقصد بكل الحقول اللي مالك دخل بيها N/A


الجزء العاشر:
التوقيع والتاريخ والايميل...وبالنسبة لتوقيع واسم وتاريخ الموضف نتركه فارغ ...مو؟؟؟
ج/ طبعا اكيد تتركة فارغ -- لان هذا مكان توقيع الشخص الي راح يسوي ابروفد لقضيتك هناك بنراسكا ويدزوها بعدين لل NVC


5.   اذا اكو اخطاء بهالاستمارة ينرفض الطلب لو يطلبون تصليحات بالايميل لو يطلبون استمارة جديدة hard-copy بالبريد ويشتغل التوريق النوب ؟؟؟
ج/ طبعا اذا اكو غلط راح يراسلوك بالايميل ويكولك صححنة ودزلنا هارد كوبي ويشتغل التوريق من جديد --- ادري بيك بكت هوه هسة لذلك على كيفك وشوية تركيز من تمليها وان شاء الله ماكو اي غلط لان مسمعت فد يوم احد انرفضت قضيتة هناك ابد او دزوا على تصحيح

اتمنى اكون افدتك وافدت الاخوة البقية

تحياتي
المهندس

[vincenzo]

حبيبي SIV2007 مشكور عالمساهمة ولو انت تقريبا حتى ربع الاسألة ما جاوبت  

اخوية شو ابو اسوأ انترنت بالعالم  
ليش هو الموضوع اللي نقلتلياه منو كاتبه !!! مو بوكتهه اني سألته كم سؤال وتغلس عليهن

مشكورين واريد نشاط اكثر

[ابو عبد الله التكساسي]

زين هسه سيوفي جاوبك واجوبته حلوه

عني مراح ازيد اي شي بس انتضر الاستفسارات البقيه
.   يصير ادزهه بالبريد العادي (العراقي مثلا)؟؟؟؟ علمود الرخص (لا تشيلون هم التأخير لان ما يهمني)  لان ما بيهه ورقة مهمة واصلية غير بس ال I-360 وهاي احنا نطبع ونوقع منهه شكد ما نريد.

بس هاي النقطه اريد اكلك عليهه صحيح وتوصل وميه ميه
بس انت اتامن بالبريد العراقي مينفتح ويباوعون الجماعه معلوماتك وبيهه كل البلاوي الزركه من النسخ الخاصه بالمعلومات مالتك
يعني الجنسيه والشهاده والاوراق المترجمه وغيرها من الاشياء الي اتدل عليك وانت بالعراق ؟؟

هي مساله امن البريد قبل التكلفه والسعر . اني بوكتهه لو كايليلي 500 دولار هم ادزهن لان ما جنت ناوي ابقه دقيقه وكل يوم بالعراق جنت احسبه خساره من عمري والصراحه ما جنت اامن بالبريد العراقي ابد

[vincenzo]

همزين محد خرب ضحك علية وعلى اسألتي هههههه مال واحد يلم فلسان ويسوي ملايين

سيوفي
والله انت بطل
شنو هالرد المعدل
اني مرة عاتبتك لان من اخذت الابروفال اختفيت (او اني هيجي اعتقدت) بس والله الظاهر انت مضموم للكلفات
وبناءا على كلامك وكلام ابو عبود (لان الباقين لحد الان عبالك رايحين لفاتحة ديدفعون واجب ويجون   ) فارخص واسهل طريقة هي انه سكانر وادزهن لنفس الشريف الامريكي اللي اصلا على اساس دا اكتب عنوانه ويدزوله الوصل مال الاستلام...بعد عليمن ... هو يدزهن كورق ويستلم الوصل وعود يبلغني

بس تبقة فد شغله...اذا طباعة وسكانر وبعدين طباعة لخ يجوز تصير ما واضحة فعندي فد اقتراح وما ادري راح توافقوني عليه لو لا:
اني عندي توقيع خازنه بالحاسبة كصورة...شتكولون لو الزكه عالفورم بالمكان المناسب (بعد تحويل الفورم لغير صيغة) وبعدين ارجعهه بي دي اف وادزهه ؟؟

يبقى سعر ارسال اوراق بالميل بامريكا بين الولايات شكد تقريبا حتى اعرف اني شكد مكلف صديقي وما تصير ملحة...هاي اكثر واحد ممكن يفيدنه بيهه هو ابو عبودي

عالجزء الاول اكتب اسم اخر شركة امريكية حصرا حتى اذا مبطل منهه من زمان؟؟؟

بالجزء الثالث اذا عندي رقم شارع وبيت هذا المريكي اللي راح يدزلهم الاوراق لحسابي...املي هالحقول؟؟ لو هم اكتبلهم None ؟؟؟

5. هو هذا المدوخني!!!!!!!!!!! شنو الناس كلهه عباقرة ومحد يغلط بهالاستمارة بحيث ماكو موضوع extensive و detailed بالمنتدى عليهه ؟؟ بحيث داحس بنقص مو طبيعي 

[المهندس سيوفي]

اويلي يابة هم وجبة جديدة !!! بس كولي بال DS-230, DS-234 شراح تسوي لعد!!

شوف حب

اني عندي توقيع خازنه بالحاسبة كصورة...شتكولون لو الزكه عالفورم بالمكان المناسب (بعد تحويل الفورم لغير صيغة) وبعدين ارجعهه بي دي اف وادزهه ؟؟
ج/ هاي تبقى بعد براحتك --- بس اذا انت ساحبهن من طابعة مضبوطة وترسلها وهو مناك يسحبها من طابعة مرتبة مااتصور راح تتعب النسخ او شي --- وعموما القرار الك وبالحالتين Go ahead

يبقى سعر ارسال اوراق بالميل بامريكا بين الولايات شكد تقريبا حتى اعرف اني شكد مكلف صديقي وما تصير ملحة...هاي اكثر واحد ممكن يفيدنه بيهه هو ابو عبودي
ج/It has been directed to Mr. Abu Abdulla

عالجزء الاول اكتب اسم اخر شركة امريكية حصرا حتى اذا مبطل منهه من زمان؟؟؟
ج/ بالضبط --- اخر شركة امريكية --- بوكتها بالمقابلة راح يسالك هاي اخر شركة اشتغلت بيها؟ كولة اي راح يكولك بعدك؟ كولة لا بطلت ومن هاي السوالف


بالجء الثالث اذا عندي رقم شارع وبيت هذا المريكي اللي راح يدزلهم الاوراق لحسابي...املي هالحقول؟؟ لو هم اكتبلهم None ؟؟؟
ج/ بهيج حالة نعم --- راح تذكر عنوان البيت والشارع والتفاصيل المطلوبة منك بالاستمارة


تحياتي

[echo 9]

السلام عليكم
فعلا اخوان موضوع مفيد وخصوصا احنا هسه بانتظار الكوم بروفل والوموضوع هذا يفيدنا لما بعد الكوم
بس يا ليت تضيفةن له شنو الاوراق المطلوبة لهذه المرحلة غير هذا الفورم واللي لابد من ارسالها بالبريد الى نبراسكا او غيرها
ويا ليت الاخ فنشيزو الله يبارك بيه يفيدنا شنو الاوراق المطلوبة منه يكملها بالعراق علمود يرسلها بالبريد
بارك الله بالجميع - شلع بدون استثناء
Echo 9

[ابو عبد الله التكساسي]

البريد بامريكا مو كلش مكلف
يعني مساله طوابع بس الوقت راح يختلف
يعني وصول الوراق من ولايه الى اخرى ياخذ وقت وبس
التكلفه مثل ما كتلك طوابع وما تكلف اكثر من 50 سنت الى دولار بالبريد الامريكي

تسلم سيوفي وعاشت ايدك

فيني
اترك شغلت التوقيع مال الحاسبه وسوي الي كتلك عليه

قلم ستدلر اسود ينطيك خط كلش نضيف بالكتابه وابد ما يكطع

[chaky44]

السلام عليكم
اخواني اني رجعت من ماليزيا حتى اسوي مقابلتي مع عائلتي في السفارة الامريكية في بغداد يوم 29-12-2009 و الحمد لله مرت سلامات و كل القنصل اسبوعبن تكمل شغلتك
اليوم صار الي 56 يوم انتضر و الجوازات يمهم و لا اني مسافر و لا اعرف راس من رجلي
الي احب اعرفة اكو سقف زمني للمعاملات لو لا؟؟؟؟؟؟
ارجو الرد من من يعرفrose.group@yahoo.com

[vincenzo]

سيوفي دتبدع
بس انت شورطك وياية  
اكلك الجزء الرابع اخر شي اكو اربع check boxes وره الذكر لو نثية هاي كلهه اجكجكهه NO لو شنو ؟؟؟
وشغلة اللخ
هاية مال كل حقول العائلة كلهه اجرخهه بN/A شو هم ما جاي تخش بدماغي المحجر
لو اعوفهه فارغة مو احسن ؟؟؟

ابو عبودي اشكرك عالجواب
هاي طلعت متسوة اكلله بالطلاك منا واصل  

ايكو صديقي اليردونة يجيك بالرسالة اللي بالابروفال وهم تلكاهه بالتعليمات اللي تجيك بالاوتوريبلايات كلهه وما تحتاج اي تحضير لان هيه الجواز والجنسية وترجمتهه (نسخ ملونة) وهالاستمارة اللي دنسولف عليهه والتزكية الاستعملتهه بالابروفال والابروفال نفسه

حبيبي جاكي
انت هم جاينة من همبولي ؟؟؟
هذا ردك يمكن شفته فد سبعطعش مرة بفد سبعطعش مكان اليوم بالمنتدى
هذا الموضوع خارج نطاق اللي دتسأل عليه
ارجو ان تكتب الشي المناسب بالمكان المناسب مستقبلا
هلو وردة

[vincenzo]

يابة يا ولد
شو عفتوني عالنص ومدري وين رحتو
بالله سيوفي بالعراق والانترنت موزين ومن هالسوالف
بس ابو عبودي والباقين !!!
لو هيه بس حجي ومن واحد يحتاج اجوبة لازم ينتضرله فد اسبوع يالله بالصدفة واحد يعجبه يجاوب

[untitled.man]

صديقي فنجوز...

اني حبيت اشارك وادلو بدلوي، بس بالبداية حبيت بس انوه على انه الردود اللي ذكروهه الاخوان بخصوص الفورم I-360 بصراحة اول مرة اسمع بيهه مع كل احترامي لردودهم، وادري كل واحد بيهم هسه كاعد بامريكا وعنده اصدقاء نفس الطريقة مالينهه وواصلين، بس اني بصراحة مو نفس ما همه ذاكرين مسوي وهسه راح ابينلك رأيي بالموضوع.

اول 3 اسئلة اني ويه رأي الاخوان. اما السؤال الرابع فجوابي:

القسم الاول من الاستمارة اكو عبارة تكول (Information about person or organization filing this petition) وماكو داعي نترجم لانه مفهومه، يعني المعلومات المطلوبة منك بهذا القسم تخصك انت.
الـ C/O معناها (Care of) اي "بعناية" او "بواسطة" وبهذا الحقل تذكر اسم وعنوان الشخص اللي تريده يستلم الرسائل من الـ USCIS واعيد "اسم وعنوان كامل" في هذا الحقل فقط. وباقي الحقول تنزل عنوانك.
بما انه انت ما عندك U.S. Social Security# ولا عندك A# ولا IRS Tax# فكلهن تسطرهن N/A.

هسه نجي على فقرة الـ Organization
اذا تقرة بمقدمة القسم الاول ورة العبارة اللي ذكرتهه ليفوك راح تلكه هذه (Individuals should use the top name line; organization should use the second line.) وهمين حاطيهه بين قوسين، يعني الحجي شنو؟ انت اكيد Individual فلذلك راح تستخدم السطر الاول وتكتب الاسم الثلاثي لحضرتك وتسطر N/A بقسم الـOrganization. يعني مالهه علاقة بالشركة اللي تشتغل بيهه او اخر وحدة اشتغلت بيهه.

هسه نجي على القسم الثالث من الاستمارة.
بداية القسم كاتبين (Information about the person this petition is for) ومعناها واضح، فاكيد انت مراح تملي الابليكيشين لابن الجيران، راح تمليهه الك فلذلك كل المعلومات اللي بهذا القسم راح تكون كوبي وبيست من القسم الاول.
العنوان يريدون عنوانك انت ومو عنوان الـC/O.
الـ C/O نفس ما ذكرته بالبارت الاول تعيده هنا همين فقط. الباقي تنزل عنوانك انت. هاي اهم فقرات القسم الثالث.

هسه القسم الرابع
طبعا السفارة والبلد هاي واضحة بس الوراهه يكولون: (If you gave a U.S. address in Part 3, print the person’s foreign address below… etc) وهاي همين ما ينرادله دوخه، اذا ذاكر بالقسم الثالث عنوان بامريكا فاذكرلنه عنوان الشخص ببلده الاصلي. زين احنه اتفقنه انه بالبارت الثالث هو عنوانك بالعراق، يعني بهالحاله الـ N/A راح تزهو بهالحقلين، مو؟  لو انت شتكول!
والمربعات الوراهه كلهه NO. ويخلص القسم الرابع.

القسم التاسع بس تكتب الـ N/A بالجزء A والباقيي عوفه فارغ.

اما سالفة الشقة فهاي بالقسم الاخير، تكتب اسم واحد من عدنه اللي ردو بموضوعك هذا وتدزلهم الابلكيشن علمود يوقعوهه لانه احنه اللي ملينالكياها. 

تحياتي وردة

[vincenzo]

الزلمة البلية اسم
هاي شنو انته
صدك مكانك باليابان 
التعليمات مال الفورم رغم انه من تقرأ اول صفحة يجيك انواع الشقيقة والصداع وتكوم تشلع شعر وتحقد على شي اسمه امريكا بس اني قريتهه ودخت لان هواي مفاهيم غلط عد جماعتنه...زين شلون كملوا و وصلوا؟؟؟ هذا اللي راح يخبلني

كملت تقريبا على طريقتك بس بقت كم سؤال اخيرة

اول شي شكد الzip code مالة العراق

ثاني شغله
بالتاسع اخلي N/A بس بالمربع الاول لو بالسطر الاول كلله لو بالسطرين الاخيرة

الجزء 11 اخليه فارغ لو هم الزكه بN/A

[vincenzo]

ايييييييييييييييييييه
اخيرا
دزيتهن
لامريكا بايميل ومناك يطبعوهن ويدزوهن لنبراسكا حسب طريقة اخوية سيوفي الوردة اللي يطلبني لو عزيمة لو طلي عدل لان بنصيحته حصلتلي بحدود ال 60 دولار
يا جماعة هذا منتدى عينكاوا والله مفيد
ليش يحجون عليه هههههههههه

طبعا الباكج مالة نبراسكا تشلع الكلب الله يساعد كل اللي سووهه قبلي واللي راح يسوونهه وراية

اودعناكم

[ROCK]

فينسو .. بس اكو ملاحظة اخيرة يمكن الاخوان ما كالولك عليها ..

انه ردود نبراسكا تجي عن طريق البريد .. والردود هيه ثنين ... رسالتين

الاولى اعلام بالاستلام ... والثانية هيه الموافقة .. اتصور هاي الرسالتين راح تندز لصاحبك الي بأمريكا .. ولو ما شفت انه بيهن فائدة ... لان ما مطلوبات بالمراحل القادمة ..

بس ... حبيت ابينلك المسألة ..  ها .. واكو شغلة ثانية .. تكاليف الـ FIDEX  بالعراق لامريكا بخصوص نبراسكا هيه خمسين الف عراقي .. اني مشيت بالاجراء ..وجان كلش بسيط ..

ROCK

[ماجلان]

.

[vincenzo]

حبيبي مو عددتلك شنو ممكن اسوي بخمسيــــــــــــــــــــــــــــــــــــــــــــــن دولار
وهسه هم تذكرت خمسين دولار بالشهر الانترنت المضحك مالتنه
لعد المن نريد الاصدقاء الامريكان
that's what friends are for

[ماجلان]

.

[vincenzo]

مو حاتم الطائي هم فرند 

[ســـرى]

اني هم هسه شفت الموضوع يعني ما صدكت انت تسأل عالzip code مال العراق لان اشهر من نار على علم 00964 والله عبالي دتشاقه

[untitled.man]

اني هم هسه شفت الموضوع يعني ما صدكت انت تسأل عالzip code مال العراق لان اشهر من نار على علم 00964 والله عبالي دتشاقه

اختي العزيزة سرى...

يعني صدك جاي تحجين على الـZip code لو شقة؟؟؟
 
زين لعد الـ Country Code المستخدم بالتلفونات لدولة العراق شنو ؟؟؟؟

تحياتي...

[ســـرى]

انتو قصدكم الAPO Zip code؟

[ســـرى]

اكو هذا الرابط
http://www.map-of-iraq.com/zipcodes.html

[untitled.man]

الاخت العزيزة سرى...

شكرا على الموقع، بس احنه جان حجينه على عنوان السكن (محلة وزقاق ودار) للاخ فنجوز...
ومثل ما تعرفين انه العراق ما يستخدم الـ Zip Code فلذلك يترك الحقل المخصص اله فارغ او تخلي خمس صفارة (00000).

تحياتي

[vincenzo]

هو لعد اني ليش دا اسأل!!!!!!!!!!!!!!!
مو اني ادري بيه 00964
وكتبته هيج
بس ردت اتاكد
شمدريني يرجعلي اخوية من البو "مان" اللي بيه سولة مال تصحيح الاخطاء الشائعة وال misconceptions مالة العالم ويطلعلياه غلط

وهنا نرجع للشغله اللي مدوختني
وهي
اشو نبراسكا ولا تعترض على ملي هالفورمة مع انه ياهو اللي اسألة يطلع فاهم كل او بعض الحقول غير شكل
وكلمن ماليهه باجتهاداته او باللي سامعة او مثل ما ملوهه ربعة
وكلهه دتمشي رغم اختلافاتهه !!!!!!!!!!!

زين اخوية البلية اسم
انت عاصرت اول خمس صفحات بالارشيف (الفترة الذهبية اللي اني دائما اتحصر لان ما جنت مقدم بوكتهه لان جانت خوش لمة) واعتقد تتذكر اكثر مني
يا فورم اللي جانوا يلحون بيه ويومية طالبين من جماعتنه يصححونه
ال DS157 لو ال230؟؟؟؟ لو شنو؟؟

[untitled.man]

صديقي فنجوز...

اني اللي ادري بي انه هذا الكود مستخدم للتلفونات ويرمز بي العراق.
بس الـ ZIP Code هذا نظام مستخدم في امريكا والفلبين فقط وماكو غير دولة تستخدمه، غير دول تستخدم ما يسمى الـ Postal Code والي هو شي مختلف عن الـ ZIP Code.
وهماتين ماكو ZIP Code لدولة، الـ ZIP Code يكون لمنطقة معينه في الدولة، يعني انطيك مثال: هنا بدنفر اكو 75 ZIP Code لكل مناطقهه وهي مدينة صغيرة نوعا ما بالنسبة للمدن الامريكية المعروفة.

وللامانة، سنة 2004 رادوا الربع يرجعون نظام الـ Postal Code بالعراق ويجددو، وهاي معلومة للي ما جان مطلع عليهه، قسموا على اساس المحافظات والمناطق التابعه الهه وخلوا رقم محدد لكل منطقة عدا بغداد اللي قسموهه الى احياء (جمع حي) وخلوا نضام الـ ZIP Code لهاذي الاحياء ووزعوا الارقام على هذا الاساس.
بس مثل متعرف انه العراق بعد الـ 2003 قام بخطوات جبارة نحو التطور والتقدم واستخدام وسائل الاتصال الحديثة كالايميل والانترنيت للتواصل والمراسلة، لذلك هذه الخطوة جوبهت باسوء انواع المقاومة كونها بنظر القائمين خطوة رجعية شوفينية تعيد العراق وما احرزه من تطور الى زمن العصور الغابرة والمتخلفة (شلوني من اكتب فصوحية  ).
فلذلك يا صديقي بقت هذه الخطوة حبر على ورق وبس نشروهه جماعة سلطة الائتلاف المؤقت وعلى الويكيبيديا ويمكن اللي سمعوا بيهه وكتهه نص كية ما يقبطون...

اما سالفة نبراسكا وما تعترض، فاني اتصور (رأي شخصي) انه اهم شي انه اسمك مطابق للجواز والـ COM وللفورم وعنوان C/O يكون صحيح وجم سالفة ثانية مهمة، اما عنوانك بالعراق فهو خريط وما اتصور يحتاجوه، ومثل ما كتلك هذا رأي الشخصي...

الفورم DS-157 اكثر شي جانوا يرجعوهه بالخطوة الاولى، والـ DS-230 همين جانوا يرجعوهه بمرحلة الـ NVC واني من قدمت، الفورم DS-230 اللي مليته لبنتي رجعولياه وكاتبين اذكرلنه عدد مرات الزواج، والغبي اللي دزلي هذه الملاحظة ما كلف عيونه يحركهه يمكن انج واحد ويشوف انه عمرهه سنة وحدة. 
سواااااااااااااالف

اما سالفة السولة فخليني ساكت علمود لا ازعل احد 

http://www.cpa-iraq.org/pressreleases/20040525_Postal-handout.doc

http://en.wikipedia.org/wiki/List_of_postal_codes_in_Iraq

تحياتي

[vincenzo]

شنو انت؟؟ موسوعة هههههههه هسه تطلع جنت تشتغل بالبريد  

دزيت ايميل لصديقي الامريكي اللي دزلي الاوراق قبل يومين لان شو غط وما جاوبني وكتله وين رحت دزيتهن لو بعد
فهسه جاوبني وحبيت اضحككم:

They open the mail, saw your name, took a good laugh, burned your papers and said "we ain't letting that fool in this country!!!  I'm so funny

I will scan your receipt and send it to you.

Wait dude, Rome wasn't built in a day

هههههههههههههههههههههههههههههههههههههههههههههه
هذا غير حشاش
يعني مستلم ريسيبت وبيومين
بس حبيت اعرف شكد الواحد يطول بالطريقة التقليدية (يعني يدزهن كورق من العراق-الطريقة ام الفلوس  )
حتى يحصل هذا الوصل والرقم؟؟

[SARA CALIFORNIA]

موتتني بالفلوس اي دصرف شوية,,, طلع الدفن

[siv2007]

شنو انت؟؟ موسوعة هههههههه هسه تطلع جنت تشتغل بالبريد 

دزيت ايميل لصديقي الامريكي اللي دزلي الاوراق قبل يومين لان شو غط وما جاوبني وكتله وين رحت دزيتهن لو بعد
فهسه جاوبني وحبيت اضحككم:

They open the mail, saw your name, took a good laugh, burned your papers and said "we ain't letting that fool in this country!!!  I'm so funny

I will scan your receipt and send it to you.

Wait dude, Rome wasn't built in a day

هههههههههههههههههههههههههههههههههههههههههههههه
هذا غير حشاش
يعني مستلم ريسيبت وبيومين
بس حبيت اعرف شكد الواحد يطول بالطريقة التقليدية (يعني يدزهن كورق من العراق-الطريقة ام الفلوس  )
حتى يحصل هذا الوصل والرقم؟؟

حبي نصيحه لله لا تجي لامريكا دير بالك لان تموت من القهر من كثر ما تصرف مثل ما كتلك وانت بعد بكيفك..الافضل تمتع بشبابك بالعراق قبل ما تجي هنا وتشوف يوميه بريدك بيه Bill هالمره تروح تنجلط لو يصير بيك سكر منو يفيدك؟؟؟؟؟؟

ههههههههههههههههههه

[مظلومه سوادي]

السلام عليكم
اخواني اني رجعت من ماليزيا حتى اسوي مقابلتي مع عائلتي في السفارة الامريكية في بغداد يوم 29-12-2009 و الحمد لله مرت سلامات و كل القنصل اسبوعبن تكمل شغلتك
اليوم صار الي 56 يوم انتضر و الجوازات يمهم و لا اني مسافر و لا اعرف راس من رجلي
الي احب اعرفة اكو سقف زمني للمعاملات لو لا؟؟؟؟؟؟
ارجو الرد من من يعرفrose.group@yahoo.com

شلونك خويي الغالي ابو نور 
وشلونهه ام نور والجهال
شلونه قداوي ومؤمل ان شاء الله بخير وصحه وسلامه
خويي مشتاقيلكم هينوووووووووب

خويي
بس اريد اعرفن
يعني انت شغلتك مومال ترجع للعراق ابدا ابدا
بسبب التهديد الواقع عليك
خويي فدوه اروحنلك مويوميا اكوللهه لام نور
ليش مايقدم خويي من ماليزيا
جان هسه انتوا طالعين من زمان بدل هالبهذله
يوميا جيب الليف وودي الليف
وتاليهه صفيتوا بالعراق تتانون المنظمه

الله كريم خويي
ان شاء الله الخوان يجاوبوك ومايقصرون
ولو انه سمعت اخبار انه راح ترجعون لماليزيا
اذا يصير تنقل معاملتك لماليزيا ليش ماتجون خويي انت

وبالنهايه سلامي لام نور وقداوي ومؤمل ونور
والله ينطيكم العافيه
وترجعون بالسلامه

خويتك

مظلومه سوادي فلك حثل مسحوول كمبوش مطشر
ماليزيا كوالالمبور 

[مظلومه سوادي]

للرفع فقط

[vincenzo]

ابشركم اصدقائي
الصديق الامريكي استلم اليوم التبليغ من الUSCIS بانه استلموا اوراقي وبيهه رقم يبدي بLIN يمكن جماعتنه يسمونه كيس نمبر (اني دزيت اوراقي الهم قبل 12 يوم)

يعني نجحت ههههههههههههه

وما خسرت فلوس عالدي اج ال مدري شنو هههههههههه

شوفو هاي اول الدعافيس

[ROCK]

على الخير حجي .. بعدلك ورقة الابروفل مال نبراسكا .. وراها تنتظر ايميل الـ  NVC

شايف الخير .. ان شاء الله يوم السفر

[vincenzo]

جان بدربك كلتلي شكد للابروفال مال نبراسكا وشكد لايميل الطلبات مال الان في سي
يعني كمعدل
او اللي صار وياك
الله يوفقك صديقي روك

[Bobby]

عزيزي فنسنزو بالنسبة للجزء الاول سؤال رقم 3 اسم الشركة هل كتبت جي ال اس ام كتبت يو اس ارمد فورسز
وشكرا مقدما

[vincenzo]

صديقي
اسف تأخرت عليك من دزيتلي عالخاص ليهسه
بالنسبة لهالسؤال
اذا تقرأ الموضوع زين
وموضوع اخوية شبح بغداد اللي اشارله Show وموضوع الخطوة الثانية مالة موسوعة فالكون اللي حمادة خابصنه بيه يومية يمسح رده ويكتبه حتى يرجع للصفحة الاولى على الرغم انه هو ميعرف شنو اس اي في
فراح تلكه انه اني هم دخت بيهه بوكتهه
والاتفاق مال الاخوان انه اخليهه N/A وهذا اللي سويته
بوكتهه قنعوني الجماعة بهالشي بس ما اتذكر شنو حجتهم يمكن لكوني مبطل من شغلي وية الامريكان اللي اعتمدت عليه بالتقديم من زمان
بس انت اقرأ هاي المواضيع اللي كتلكياهه وقرر

[ســـرى]

بلكي هاي البي دي اف تساعدكم بشي لان شوية مفصلة

[ســـرى]

هاي البي دي اف المحدثة مال شهر الواحد 2010

[vincenzo]

هاي شدتسوين عيني ؟؟؟
هاي قلة التركيز من الاستعجال
هاي قارينهه من زمان
ودتحجي عن الدي اس 157 وبداية التقديم للابروفال
بينما احنا دنسولف على الاي 360 ونبراسكا
هاي وين رحتي ؟؟؟

[ســـرى]

ادري هي 157 عندي عيون واقرا زين الحمد لله

بس نزلتها لان الموضوع ممكن الاعضاء يستفيدون منه وهاي البي دي اف المحدثة مال شهر الواحد 2010

[ســـرى]

هسه كوللي كمل موضوعك لو بعد اكو اسئلة؟

[ســـرى]

http://www.russianwomenabroad.com/petition/360steps.pdf


هذا للروس بس بيه شرح مفصل

[vincenzo]

اي نزليهه بالمكان المناسب   لتدفعين  

لا ما كمل بالنسبة الية اني
لاني عبرت هاي المرحلة
بالوراهه بعدني ما متأكد الويلكوم مرتبط بالتقديم عالبنفتس لو لا؟؟
وشغله ثانية
اذا قدمت وما محتاج اي شي من المنظمات غير الويلكوم بالكامل (وميخالف قرض الكروة) والكاش والاجار والفود ستامب والميديكال شأسوي (علما انه اني عندي صديق اكعد يمه بس نكلهم اني مأجر يمه وما احتاج يشترولي اي شي او يساعدوني عالتقديم على اي شي لان هو راح يساعدني على كلشي)

[ســـرى]

زين هسه بس اخذ هاي البي دي اف بيها التعليمات لملئ الفورم 360 وخطوة بخطوة وحتى كاتبين انه من ضمن المشمولين بملئ هاي الفروم هم جماعة الاس اي في


http://www.ilw.com/forms/i-360instructions.pdf

[ســـرى]

(((بعدني ما متأكد الويلكوم مرتبط بالتقديم عالبنفتس لو لا؟؟ )))

اني تقريبا تأكدت انه مرتبط بالبنفتس لأن اتصلت باختنا اوماها عالخاص والظاهر هم جانوا عالبرنامج القديم ومجان اكو تقديم عالبنفتس بس جان اكو فقرة انه انت تتصل بالمنظمة اللي بامريكا وهي الل مرتبتلهم البيت والايجار وحتى الاثاث ومن رايحين مستلمين الويلكوم من نفس المنظمة اذننننن هذا يساوي التقديم عالبنفتس لأنه اللي ما يقدم شيسوي يروح للمنظمة؟؟؟ وعلى اي اساس تنطيه الفلوس؟؟؟ يعني هو جاي وحده وما مرتبط بيهم هذا جوابي على سؤالك اخوية العزيز

[ســـرى]

شنو ميديكال؟ انت رايح لكاليفورنيا؟

[vincenzo]

عيني هاية التعليمات نعرفهه كلش زين بس احنه ندور حجي بالعراقي
ولو اني عبرت هالمرحلة

بالنسبة لشغلة اوماها فانتي هسه دتقصدين انه جماعة البرنامج القديم اوتوماتيكيا يقدمون وهذا تناقض لان جماعة القديم ما الهم اي بنفتس وهذا فد شي مثبت ومعروف
اللي اني متأكد منه انه جماعة القديم جانوا من يوصلون يقدمون عالويلفير بالضبط مثل اللي ما مقدم عالبنفتس بالجديد
احتمال همه مستلمين الويلكوم من الويلفير؟؟
او يجوز الويلفير محوليهم على منضمة معينه وناطيهم ورقة فقط لغرض استلام الويلكوم؟؟
حاولي تتأكدين اكثر

منو كال مديكال مال كاليفورنيا
اني قصدي الرعاية الصحية اللي للاجئين والعبارة هي مديكال اسستانس بس انس اختصرتهه وهي بكل الولايات
الله يبعدنا ويبعدكم عن كاليفورنيا ومشيكان وكل المحافضات العراقية

[untitled.man]

صديقي...

اذا هاذه صاحبك مستعد يساعدك تقدم على كل هذي الحبربشيات...
قدم على البنفتس ووصيي لصاحبك من يتصلون المنظمة بي علمود سالفتك ويطلبون توقيعه، خلي يوقع على كل الفقرات بورقة الكفالة واتصور (بس ما متأكد) حتى الولكم يسلمولهياه...

[ســـرى]

الرسالة الاخيرة من اوماها2:
((لاحبي ماكو اي ازعاج
اي جنا عالبرنامج القديم بس جنا نكدر انقدم على البنفتس

والطيارة علينا))  

الرسائل اللي قبلها كالتلي بيها انه هم من جانوا بعمان اتصلوا بالمنظمة وهي اللي رتبتلهم البيت والاثاث بس مثل ما شفت هي تكول الطيارة جانت عليهم

وتكول من واصلين لامريكا رايحين على نفس المنظمة ومستلمين الويلكوم وبالمناسبة مستلمين من المنظمة همين الفودستامب والميديكيد وغيرها زين هسه هاي شنو؟ مو بينيفت؟

احنا من رحنا لدائرة الخدمات ماكو شي اسمه ويلكوم وحتى الدائرة الجدية اللي رحنا عليها هم سألنا واكدولنا هذا الكلام

وهم اذا اعرف شي جديد ارجعلكم خبر

ملاحظة صغيرة: (الميديكال هو الميديكيد مال كاليفورنيا)

[ســـرى]

اييييييييييييي همزين تثبت هذا الموضوع

[ســـرى]

اخوية العزيز فنجنزو اقرا هاي الوثيقة باللنك وراح تشوف انه اكو مساعدات للاس اي في اللي دخلوا ورة تاريخ معين للولايات المتحدة وجانوا عالبرنامج القديم (هو الجديد صار في اكتوبر 2008)

http://www.acf.hhs.gov/programs/orr/policy/sl08-04.htm

[ســـرى]

شغلة الويلكوم مثل ما كتلكم بس اذا مسجل عالبنفتس تاخذها شوف هذا الموضوع اللي منزله اخونا الكرادي اليوم


http://www.ankawa.com/forum/index.php/topic,401236.new.html#new

[vincenzo]

هسه اشوف اللنكات اللي انطيتينياهه
بس اجتني فد فكرة
خاف اختنا اوماها مثل هواي اعضاء يخربطون بين دائرة الويلفير والمنضمة (الvolags) وعبالهه هية هاي المنضمة
لان اكو هواي ميفرقون بين الاثنين

[ســـرى]

لا اخوية فنجنزو هي حتى كتبتلي اسم المنظمة
هسه شوف هذا الكلام اللي بموضوع اخونا العزيز كرادي وراح تعرف انه الولكوم من ضمن البنفتس


((جدا مهم ............. خصوصا الى اخت سرى حتى نقطع الشك باليقيت بالنسبة الى الوليكم موني


According to PRM, its assistance typically lasts for 30 days; however,
support may continue for up to 90 days if basic needs have not been met.
All refugees automatically receive this assistance, which includes travel
arrangements to their assigned resettlement location, basic housing, food
allowances, school enrollments, and referrals for medical needs, through
the resettlement agencies. As of January 1, 2010, PRM provides the
resettlement agencies $1,800 per refugee to cover the direct and
administrative costs of the assistance. Prior to January 1, 2010, PRM
provided resettlement agencies $900 per refugee. Iraqi SIV holders do not
automatically receive these benefits; they must sign up to receive them
within 10 days of receiving their visas. SIV holders who do not accept PRM
benefits make their own travel arrangements and may resettle anywhere in
the United States. According to PRM data, 1,995 SIV holders (out of 4,634
total issued visas for these years) have participated in the PRM program
since 2007, when Iraqi SIV holders were first authorized to access these
benefits.

))

[vincenzo]

وين الويلكوم بالموضوع؟؟ خاف قصدج الرقم 900 اللي صار 1800؟؟ اقريهه زين عيني هاية اجور للمنضمات عن كل راس يجيهم متشوفيهم ذابحين ارواحهم ومن يعرفون الواحد اس اي في ينعقجون؟؟ يعني فلت منهم وما حصلوا هاية الاجور الادارية؟؟

[ســـرى]

http://iraq.usembassy.gov/faq_benefits.html

https://twitter.com/RefugeeRR/status/2315274545



http://www.dhs.state.or.us/spd/tools/program/ref/c.htm

[ســـرى]

HIAS NC receives a Resettlement and Placement (R & P) federal grant from the Department of State. R&P covers basic services for refugees during their initial period of resettlement

[vincenzo]

واضح
يعني هي البنفتس عبارة عن قرض التكت وال"ويلكوم" وبكيف الواحد اذا اس اي في يقدم لو لا
thnx

[yousef_basra]

السلام عليكم

اخوان اجيتلكم بخبر يمكن شوية فرحكم او على الاقل يجدد الامل عند الي نايمة معاملاتهم


الخبر من مقتبس من جريدة الصباح وهو كالتالي:





 
 
  السياسية الاولى: واشنطن تختزل مدة قبول لجوء العراقيين الى الولايات المتحدة
   
 


بغداد ـ متابعة الصباح
قالت مسؤولة برنامج اللاجئين العراقيين التابع لوزارة الخارجية الأميركية سيمون غريفز إنه تم تكثيف الاجراءات للإسراع في إنجاز معاملات طلب اللجوء التي يتقدم بها العراقيون من داخل العراق وخارجه.





وأوضحت في تصريح صحفي اورده موقع “راديو سوا” الالكتروني: أنهم أدركوا “الحاجة لزيادة عدد الملاكات العاملة في بغداد تحديدا، وعليه تم رفع عدد العاملين هناك بنسبة ثلاثة أضعاف خلال العامين الماضيين.”
وأضافت غريفز: “ربما كانت الإجراءات بطيئة في الماضي، لكننا الآن نعمل من أجل ضمان التواصل مع طالبي اللجوء بأسرع وقت ممكن، مع ذلك، يجب الإشارة إلى ان عدد طالبي اللجوء ازداد في الآونة الأخيرة بنسبة تفوق قدراتنا في إجراء المقابلات بالسرعة المطلوبة، ولهذا فعلى المتقدمين بطلبات اللجوء في بغداد الانتظار بعض الوقت إلى حين توفر الفرصة لمقابلتهم.”
وبشأن المدة التي تستغرقها كل معاملة من معاملات طلب اللجوء، اشارت غريفز الى إنه “يصعب تحديد المدة التي تستغرقها كل معاملة من معاملات طلب اللجوء. فبعض المعاملات يتم إنجازها بإقل من ستة أشهر، وبعضها قد يستغرق عاما أو عامين. ولكن أفضل ما يمكن أن يقوم به طالب اللجوء هو الاستمرار بمتابعة معاملته بالاتصال مع الـ”IOM” إن كان في بغداد أو عمان أو القاهرة.”
اما فيما يخص عدد اللاجئين العراقيين الذين يتوقع قدومهم إلى الولايات المتحدة خلال هذا العام والعام الذي يليه، أوضحت غريفز أنه ليس هناك “رقم محدد، لكن مساعد وزيرة الخارجية أريك شوارتز ذكر ان هناك نية للموافقة على 17 ألف طلب لجوء هذا العام، مضيفة انها تتوقع “إنجاز عدد مماثل من طلبات اللجوء، العام المقبل.”

   
 
   

[ســـرى]

اخوية فنشنزو مو بس قرض الطيارة والويلكوم المكان اللي تسكن بيه هم ياجروه ويدفعولك كم شهر حسب الولاية طبعا زائدا الاغراض اللي يشتروها الك للتأثيث.

[SIVIraqSiv]

السلام عليكم

في البداية احب ان اتقدم بالشكر الجزيل على هذا المجهود الرائع لاصحاب الموقع والمشرفين والاعضاء
في الحقيقة انا سمعت بهذا الموقع قبل يومين وبصراحة تقريبا وجدت ما ابحث عنه.

اخواني عندي شكم سوآل اتمنى احصل على اجابة لهن وارجو ممن لديه جواب شافي ومتاكد منه ان يجيبني لاني في حيرة من امري ولا اعرف ماذا افعل خصوصا ان المسألة  مصيرية:

انا اعمل في شركة امريكية وينطبق علي برنامج الاس اي في  ولكن
في التسعينيات سافرت خارج العراق وعدت بعد السقوط مباشرة
وقدمت على لجوء في الامم المتحدة وحصلت على الرفض في احدى الدول التي زرتها وهي لبنان
كذلك زرت اكثر من خمس دول عربية ولم ازر اي دولة اجنبية وفي كل الدول لم امكث اكثر من خمس شهور عدى دولة واحدة
 مكثت فيها اربع سنوات.......
وكذلك خدمت في الحرس الجمهوري لمدة ثلاث سنوات

سوآلي هو: انني عندما قدمت على العمل في الشركة لم اكن انوي السفر وكذلك لم انوي الكذب ولكن الشخص الذي ملأء لي الاستمارة في البداية كان عراقي وقال لي لاتذكر السفر ولا الحرس الجمهوري لانه لايقدم ولايأخر فقلت له انت اعرف وتمت مقابلتي وتم قبولي في العمل وبعد سنة اجريت لي نفس المقابلة وكذلك اجتازيت المقابلة علما اني اعطيت ا اسم وحدة عسكرية  عادية غير الحرس الجمهوري .ولم اذكر السفر كذلك

الان وبعد ان اكملت  السنة  وقرأت شروط التقديم وتابعت المواضيع في عنكاوا وجدت نفسي في موقع المحتار
ماذا اقول بالنسبة للخدمة العسكرية وماذا عن السفر...هل اقول سافرت؟ساكون كذاب لاني  لم اذكر السفر في البداية
واذا لم اذكر السفر ماذا سيكون وضعي؟ هل يستطيعون معرفة ذلك؟
وبخصوص الخدمة العسكرية ماذا اقول هل اذكر الحرس الجمهوري علما اني املك دفتر خدمة عسكرية وكتاب تسريح من الحرس والدفتر مكتوب فيه اسم الوحدة يعني الحرس الجمهوري؟
اذا ذكرت الوحدة التي ذكرتها بالمقابلة وهي وحدة عادية هل سيصدقون وكيف اثبت ذلك؟
ام اذكر الصحيح ؟ هل سيعتبرونني كذاب لاني لم اذكر الحرس في البداية
اخون ارجوكم كل الرجاء ان تجيبوني بما ينفعني جزاكم الله خير الجزاء علما لم يكن قصدي الكذب في البداية لكن وكما تعرفون الجماعة مو مثلنة تحلفله ويصدكك وما ادري ادعي على هذا المترجم الي ورطني بالخير لو بيمن ما ادري؟
على العموم سانتظر الرد بفارغ الصبر من اصحاب التجارب وشكرا
اخوكم SIV

[عراقي هواي]

عمي انت ليش دايخ هههههههه لا الله الا الله محمد رسول الله اني بالصدفه دا ادور على فد شي يهذا الموضوع وقريت موضوعك اخي العزيز شغلتك بسيطه جدا اولا انت اذكرلهم انك جنت بالحرس اني هم جنت بالحرس وبالوحدات اللي عانو منه الامريكان واللي دخلت الكويت بدايه التسعين وكله مذكورة بالدفتر مال الخدمه مالتي اللي ترجمته ودزيته بي دي اف هاي لا تخاف منهه وشغلت السفر اذا جوازك قديم فانت راح تبدله ويجيك واحد جديد بلادي لا اختام ولا شي ابيض واذا لا جوازك ميتبدل هم عادي لان انت ما باقي فترة سته اشهر باي دوله من الدول اللي كنت بيهه بس لا زم تتاكد من من تواريخ الدخول والخروج لازم متكون سته اشهر واذا كانت سته اشهر لازم تجيب عم محكوميه من الدوله اللي بقيت بيه سته اشهر فما فوق وتقبل مرروري وانشالله بيه الخير.

[mamad]

السلام عليكم ..

أرجو أن تقبلوني عضواً جديداً بهذا المنتدى الرائع والمفيد ، لما فيه معلومات قيمة تفيد كل من يروم الهجرة الى USA ، وسأبذل جهدي بالمشاركة لفائدة الجميع بقدر المستطاع ، ولكي تكون المعلومة في متناول الجميع والجدد خاصةً.

أخوكم mamad

[vincenzo]

مية هله

[zack albyatie]

اخوان رحمه لوالديكم اريد مساعدتكم اني كنت اعمل مترجم لمده 13 شهر وراهة قدمت عل الاس اي في وجاني رفض بل com واني عندي مشكله بلشركه اتعاركت ويه مترجم وبطلت رحت للشركه كالولي انته بعد متكدر تشتغل وهسه اني مهدد واريد اطلع لاميركا شسوي بهيج حاله ارجوكم الي عنده اي حل او اي شي يكدر يساعدني خل يردلي خبر واني كلش ممنون منكم[

[المهاجر 2010]

شكو ماكو اخوان  اشو صنطة  
اما خونة zack albyatie  كلش عادي قدم علة iom   دز رسالة الهم وشرح حالتك وشوف شيجاوبوك بس لازم القصة مالتك مرتبة  وبعد مدغير بيهة فيما بعد لان تنحفظ يمهم الرسائل ويطلعون الجذب مالتك اذا اكو جذب , اما شغلة العركة  جان لازم اتفكر سابقا بالمستقبل  وتكون اكثر حكمة  حتلوا جان المقابيل غلطان  لان هذه نعكس عليك هسة
مع تحياتي اخوك المهاجر

[danny usa]

اني جنت شخصيا عندي مقابلة يوم 18-5-2011 وسالت هذا السؤال من عدة اشخاص وياي بالمقابلة وبالاخير سالت القنصل وكال انه الزخم والضغط الي موجود هسه علينا بالعراق من ناحية المهاجرين اهواية والفترة الي نحددها في اصدار الفيزا هي فترة غير معينة تتم فيه التحقيق عن كافة المعلومات والاوراق التي تم توفيرها من قبل الشخص المهاجر ويجب على الحكومة الفيدرالية وشعبة الامن القومي ان تنتهي من التحقيق في معلومات الشخص المهاجر بعدها يتم تسليم الفيزا له . وفي حالة اخرى قال انه اننا سوف تصدر كافة الفيزا قبل الشهر العاشر من السنة الحالية وذلك قبل ان تنتهي السنة المالة والتي تنتهي في 13-10-2011 فيجب اصدار كل الفيزا قبل هذا التاريخ وذلك لاخلاء وفسح المجال للاشخاص الجدد المقدمين على الهجرة للسنة 2012 ووضع الميزانية الجديدة لهم والاتصال بالمنظمات الخيرية والكنائس لغرض فتح مجال للاشخاص الجدد لغرض استقبالهم
وشكرا
قصدي الموظف الي بالسفارة هو الي انطاني هاي المعلومة . واني عندي اصدقاء بالدي ايتش ال يشتغلون وبلغوني انه دا تجيهم فيز كل يوم بمعدل 10 - 12 فيزا باليوم واكثريتهم عوائل وبنات عازبات وبعض الاحيان شبان عزاب .
بس بالفترة الاخيرة كال انه الفيز صايلها متوقفة 3 ايام والله يستر .
احب اوصيكم بعدم التوتر بالمقابلة لان كلش سهلة ومايحتاج توتر او خوف كلش سهلة والموظف يسالك اسئلة عادية المهم من ياخذ منك الجوازات معناها ماعندك خوف لان انت شغلتك مضمونة حتى اذا انطاك الورقة g 221 الي هي الرفض المؤقت لاصدار الفيزا بسبب نقص بالاوراق او بسبب نتيجة الفحص الطبي او كما في حالة ابو سما زوجته حامل وينتظر الفيزا والمولود الجديد راح ينولد بالعراق احتمال قبل صدور الفيز بالمقابلة الموظف راح ينطيه ورقة جي 221 لان زوجته حامل بالفحص الطبي وبعدين يكولك الموظف انه في حالة الولادة المولود الجديد لا يحتاج ملاء فورمات او اي شي كما ذكرت سابقا فقط جواز سفر وشهادة الولادة و الهوية الشخصية للمولود تدزها بالايميل وياخذون منك 165 $ كمصاريف اضافية للمولود الجديد كتذكرة الطيارة وهذا الشي صار وياي
وشكرا

[المهاجر 2010]

شباب شلونكم ,
اشو بعض الاخوان مديشاركون  شنو القصة
اني اخيرا  وصلني  الكوم بروفل  ووصلتني ايميل من nvc يطلبون مني ادزلهم مطاليب اعتقد الخاصة بالمرحلة الثانية ,
لكن عندي سؤال الى الي عندة خبرة  حول
1- عدم المحكومية مطلوبة للزوجة ايظا لو لا ؟؟؟؟؟؟؟
مع تحياتي المهاجر 2010 لا

[(prince)]

شباب شلونكم ,
اشو بعض الاخوان مديشاركون  شنو القصة
اني اخيرا  وصلني  الكوم بروفل  ووصلتني ايميل من nvc يطلبون مني ادزلهم مطاليب اعتقد الخاصة بالمرحلة الثانية ,
لكن عندي سؤال الى الي عندة خبرة  حول
1- عدم المحكومية مطلوبة للزوجة ايظا لو لا ؟؟؟؟؟؟؟
مع تحياتي المهاجر 2010 لا

نعم اخويه  مطلوبه لعدم محكوميه منه واذا عندك اطفال فوق 16 سنه هم مطلوب عدم محكوميه

[المهاجر 2010]

اخوية الورد محمد عزيز
شكرا على جوابك 
مع تحياتي  

[(prince)]

 

اخوية الورد محمد عزيز
شكرا على جوابك ومبين وحسويلهة واحد  :-[لان مالتي كاملة 
مع تحياتي 

  :)أني حاضر اخويه مهاجر

[محمد اعلام]

السلام عليكم  اخي العزيز احب اشكرك واشكر كل الاخوه الذين طوروا هذا الموقع   اخي العزيز سؤالي حول co فقد كتبت عنوان dhl الذي ارسلت منه i-360 وقد اتصل بي مكتب dhl وابلغوني ان هذا العنوان خاطي وسوف تقوم نبراسكا باعادة الاوراق لي ويجب تصحيحها وارسالهل مره ثانيه ارجوا رايكم بالموضوع للافاده

[mamad]

السلام عليكم  اخي العزيز احب اشكرك واشكر كل الاخوه الذين طوروا هذا الموقع   اخي العزيز سؤالي حول co فقد كتبت عنوان dhl الذي ارسلت منه i-360 وقد اتصل بي مكتب dhl وابلغوني ان هذا العنوان خاطي وسوف تقوم نبراسكا باعادة الاوراق لي ويجب تصحيحها وارسالهل مره ثانيه ارجوا رايكم بالموضوع للافاده

طريقة ملئ الأستمارة حسب تعليمات نبراسكا شخصياً

http://www.ankawa.com/forum/index.php/topic,450494.0.html


mamad
 

[محمد اعلام]

طريقة ملئ الأستمارة حسب تعليمات نبراسكا شخصياً

http://www.ankawa.com/forum/index.php/topic,450494.0.html


mamad
تقبل شكري الجزيل على هذا الرد الوافي

[المهاجر 2010]

اخوان شلونكم
 
 شكو ماكو اشو محد ديشارك  شنو القصة

اخوكم المهاجر 2010

[mohannad ahmed]

شباب عندي سؤال عن  ds- 157 ضرورري
بخصوص اذا جنت مسافر بجواز قديم لدول الجوار يعني شرط اذكر وين مسافر لو مو شرط يعني عادي اذا اكتبلهم ممسافر

[المهاجر 2010]

اخوية mohannad ahmed  الورد

لازم تكتب كل السفرات مالتك لان ترة سئلوك باسمارات اخرى  عن سفراتك كلهة وللعلم اني كتبت كلشي وكلاشي لان جنت اسافر مثل السندباد  وترة الشغلة عادي لان سؤلوني  من جان عمري سنة ولحد الان وين مسافر وشكت بقيت وسويت وسبب الزيارة  ومن هيج ائلة ,الشغلة روتينية ولا تخاف  اخوية وحتلو مسافر لايران وعدة مرات كللهم كلش عادي المهم متغلس وجذب ترة تطلع وبعدين ايكاولك ليش مكلت    .
مع تحياتي

[alaa1977]

اخواني استفسار مهم وعاجل
غلطت بستمارة 260 وسويت سبميت وبعد ما اكدر اعدل عليه وبعد شهرين مقابلتي فشسوي
اتمنه احد يساعدني
مع فائق الشكر

[mamad]

اخواني استفسار مهم وعاجل
غلطت بستمارة 260 وسويت سبميت وبعد ما اكدر اعدل عليه وبعد شهرين مقابلتي فشسوي
اتمنه احد يساعدني
مع فائق الشكر

راسلهم يا أخي وكللهم وين الخطا وانطيهم الصح وكلش عادي .... دزها من هسة قبل المقابلة حتى ليصير تناقض بمعلوماتك
وبالموفقية

mamad

[yousef_basra]

السلام عليكم ورحمة الله وبركاته
اخواني الاعزاء قبل البدء اود ان اسأل عن صحتكم وطيب خاطركم واعتدال اوقاتكم واتمنى من الله العلي القدير ان يمن عليكم بالخير والرحمة والبركة وتسهيل الامور وقضاء حاجة كل محتاج ودين كل مدين وشفاء كل مريض وتفريج الهم عن كل مكروب انه سميع مجيب وعلى كل شئ قدير وبالاجابة جدير.

اخواني الاعزاء عندي كم سوآل اتمنى ان تجاوبوني عليهن بدون زحمة عليكم
1-   انا مقدم على البرنامجين IOM & SIV بالنسبة للاي او ام مكمل كلشي وجايني دفرال يعني تأجيل طبيعي هذا الي انتم تعرفوا صار اكثر من 9 شهور ولحد الان ماكو شئ, بالنسبة للاس اي في كملت الفحص والعدم محكومية وبعد كم يوم مقابلتي انشاء الله.. سوآلي هو هم يجبروني ارفض احد البرنامجين لو لا؟ واذا ماجبروني وانا ماردت الغي احد البرنامجين هم بيه شئ على معاملتي لو لا؟
2-   2- في حال ردت ابقي جوازاتي عندي لاني اعمل في شركة وكثير السفر ... اكدر ابقيهن عندي لو لا؟ يعني بالمقابلة اكلهم احتاج ابقيهن عندي
3-   3- في حال قابلت وبعد الماقبلة اجاني موعد سفر من الاي او ام  شلون بهيج حالة اسافر والاس اي في اعوفها لو اكدر اكملها من امريكا؟
4-   4-في حال اجتني الفيزة شلون اقدم على المساعدات بالنسبة للاس اي في اكدر اقدم عليها هسه لو انتظر الفيزة وشكرا؟
اخوكم بالله يوسف البصراوي

[المهاجر 2010]

3تحياتي للجميع
  
لغرض  الفائدة للجميع وحجيلكم  شصار بالمقابلة
اني كملت المقابلة وكانت فعلا قصيرة  30 دقيقة  مع الكتابة الاوراق ساعة  , 
والي عندة جهال ما كو داعي جيبهم وياه ويتعذب , اني دزيت رسالة الى السفارة  وكلولي ماكوداعي اجيب الجهال وهذا الي اني سويتة .
هسة وشد مغذي واكعد انتظر  وية الي قابلوا

اما بالنسبة لاخوية yousef_basra
وحجاوب علة اسئلتك قدر معرفتي
1- محد يجبرك ترفض برنامج واني مثل حالتك بالضبط  ولا تخاف المعاملتين تمشي بس لازم تخبرهم مثل ما اني سويت  يعني جماعة  iom  تبلغهم انت مقدم علة siv    وهسة يكلولك يمة تاخذ الفيزة تخبرنة علمود طيرك بالطيارة هذا ترة كلوليا  شخصيا .
2- شغلة الجوازات لازم يخذوهة  علمود دكولك الفيزة  , وتكدر تبلغهم اذا تكدر بعدين تسحب الجواز مالتك  بيوم المقابلة  وية القنصل  وشوف شيكلك
3- حسب معلوماتي  تكدر سافر وتكمل معاملة siv   هناك اني قريت مثل هاي الحالة بالمنتدى  بس لازم انت مكمل مرحلة nvc  وانت مكملهة 
4- تكدر تقدم علة المساعدات من هسة  او بعد متجيك الفيزة وخلاال اعتقد 30 يوم  اني قدمتهة من قبل شهرين من المقابلة وكلولي استلمناهة  والباقي يمك

اماا بالنسبة الى اخوية  mohannad ahmed   كلش عادي خبرهم بالخطاء بي وبالنسبة للسفرات القديمة  اي لازم تذكرهة 
 اخوكم المهاجر 2010
حياتي  للجميع

[ORCA]

 

[iraqmac]

شباب اني البارحه اجانيcom approval
المهم قريت الايميل لكيت انه ممكن ادز نسخ من الاوراق يالايمل وهذه الاقتباس من الايميل الي اجاني

To submit your SIV package to USCIS' Nebraska Service Center you may scan and e-mail your petition with the required documents

(preferably in pdf format) to the following e-mail address: NSCI360SIVAPP@uscis.dhs.gov

NOTE: If you submit your I-360 by e-mail, you must bring the same original, signed Form I-360 that was submitted to the Nebraska Service Center with you to the consular interview.
 
Otherwise, you may send the original I-360 and required documents by either regular mail or overnight delivery, to the appropriate address below.

Regular Mail:
USCIS/ Nebraska Service Center (NSC)
P.O. Box 87485
Lincoln, NE 68501-7485

Overnight Deliveries:
USCIS/ Nebraska Service Center (NSC)
850 "S" Street
Lincoln, NE 68508

القصد ممكن ادزه بالايمل لو لازم ادز هارد كوبي عن طريق البريد العادي؟

[احلى مهندسة]

اخي العزيز المرحلة الثانية بعد الكوم هية ارسال الاوراق لنبراسكا ومن ضمنها الفورمة تمليها و تسحبها و توقعها و ادزها وية الاوراق و اذا دزيت اوراقك بس بالايميل الالكتروني و طبعا من ضمنها الفورمة اللي راح تسحبها و توقعها و تسويها سكنر و من تروح للمقابلة تاخذ اوراقك الاصلية وياك و من ضمنها الفورمة اللي انت دزيتها سكنر
باختصار اي شي ادزة لنبراسكا تاخذ من عندة نسخة وياك بيوم المقابلة

[Hassan1983]

السلام عليكم اني متقدم للهجرة على IOM منذ 2009 وكنت اعمل سابقا مترجما مع الامريكان ولكن اقل من سنة  ثم عملت مع شركات امريكية ولم تعطيني الشركات توصيات
ولحد الان لم ينتهي التشييك الامني 
الله يخليكم اكو ان انسانة تقبل تزوجني على الورق او حقيقي وان تكون ايضا متقدمة لهذا البرنامج
لذا نستطيع ضم القضيتين وتسريع العملية
عمري 30 سنة ومطلق ولدي طفلة
ارغب بزواج حقيقي او على الورق
هذا ايميلي من رخصة الادمن

hasan_alsabag@yahoo.com
سهلو امري الله يخليكم
كل من يقرا هذه الرسالة
حسن