المقابله الاولى

[BlindSniper]

[/b][/color]الحمد لله بعد ما اتصلو بيه وكلتلهم اني بالشغل واجلو المقابله رجعو اتصلو بيه بعد 5 ايام  و اول ماكلولي تكدر تجي باجر كلت نعم اكدر اجي بعدها رحت للمقابله الساعه وحده ونص دخلت للمعسكر  الازدهار  وكانت المقابه عاديه جداا ماطولت اكثر من نص ساعه بس اني جنت لازم ورقه وقلم كل سؤال يساله ادونه عندي بالورقه وكل التواريخ طبعا الاسله هو اسمك اسم افراد العائله حالتهم الاجتماعيه السكن وهل كنت بالحزب وشكد جنت تدفع اشتراك وشنو درجتك الحزبيه وشوكت انتميت للحزب وبعد ماخلصت وقعت على اقوالي وكلي اتوقع نتصل بيك ان بالمستقبل بس ماكال اشوكت
 واحب اكول انه الموضف اللي اخذ المعلومات كان كلش متعاون ومتفائل وسهل جداا وجه دائما مبتسم وكل الموضفين الموجودين كانو جدا متعاونين وجاوبون على كل سؤال بكل امتنان .
 اخوان والله اني لمن وصلت لمكان الانضار كلت اكيد راح الاكي احد الاخوان بالمنتدى بس مع الاسف ماكان اكو وقت يعني اول مادخلت الحمد لله سويت المقابله وطلعت
وعندي سؤال شكد تطول حتى يخابروني على المقابله الثانيه .
وان شاء الله اخواني المنتضرين المقابله يتصلو بيهم عن قريب .

[sniperpain]

حبيبي بليند سنايبر مبروك على حصولك ع المقابلة الاولى ويا ربي المقايلة الثانية عن قريب وانشاللة يوم الي نسمع بيك باريزونا ......تحياتي الك

[Mazen Al-Baghdadi]

الف الحمد لله اخوي العزيز
وزين لان خابروك بسرعه بعد ما اجلتهم الله يحبك
يوم المقابله الثانيه وترتاح ........والحمد لله من طلع الموضف متساهل حتى شويه يبرد قلبك

      اخوك:اربد

[ريم عبد]

اخي BlindSniper  الف مبروك على نهاية المقابله الاولى وان شاء الله المقابله الثانيه اتكون اسهل
وعادة انتضر 3 اشهر الى مقابلة المحلفين واحتمال الفحص الطبي يجيك بالفتره الي بين المقابلتين او بعد المحلفين
وياربي ايسهلها عليك وتخلص واتحصل موعد سفر يارب

[ابو عبد الله التكساسي]

الحمد لله على المقابله الاولي
بالنسبه للمقابله الثانيه مال المحلفين
اهلي قابلوا الاولي بشهر العاشر يمكن
واليوم قبلوا الثانيه والاخيره وبعدلهم فحص طبي ورا ان شاء الله السفر

اذا اني مو غلطان

[العامري2]

حبيبي الحمد لله على تمام المقابله الاولى
وطبعا ريم كلعاده كفت او فت على جواب سؤالك بس خلي بأعتبارك ممكن قبل 3اشهر وممكن ازيد
ممكن شهرين يعني مو سوه والله يسرعلك امورك وترتاح

                                                                                              عمار العامري