السلام عليكم,
خواااني وخواااتي شلون الصحة ان شاء الله مرتاحيييين, مشتاقلكم بكد رحمة الله, شكُبرهة رحمتة ؟ بلضبط بكدهة مشتاقلكم, شخباركم ان شاء الله مرتاحين ؟ ياربي كل الي ديقدمون مشت معاملاتهُم وكل الي دينتظرون الموعد سافروا, وكل الي بأمريكا مرتاحين وربي رازقهُم راحة البال, شلونكم شخباركم ؟ يـــــابة والله العظيم اني اعتذر وأسف جداً جداً جداً جدأ على الأنقطاع المُفاجئى, بس ملحكت أسلم عليكم لأن خبرة تاج راسي واخوية الجبير ابو عبدالله التكساسي وأخوية الذهب أبو اندرو أن يوصلولكم اعتذراي لأن على غفلة أجاني تلفون من الـ GLS وكلولي باجر الصبح بلـ 6 انت يمنة, ورأساً سديت الحاسبة ورحت داأحضر الملابس وتدرون الخبصة الي صارت واخاف ناسي غرض والفلوس ويبوووو, كومة شغلات, لا اكُلكم ولا اتكلولي, الحمدلله وصلت بسلام, المشُكلة الجبيرة والي داأعانيها بلمُعسكر, لا انترنت ولا تلفون, منقطع عن العالم الخارجي, وبين فترة وفترة مصلوخين هاونات أسم الله عليكم, بس كلها بعيدة ولهذا مشددين الأجراءات, أول مطبيت للمُعسكر, صادروا التلفون والأيبوت, كالوا ممنوع, ومدري شنو, والحمدلله اتلاحكتلهن وقبل لا أجي للبيت استلمتهن, والنوبة جلبوا بياختي بلباب بلطلعة, علمود ساعتي بيهة بوصلة .. يعني حشاكم فد مكان تعباان كلش كلش, بس الحمدلله والشُكر على كلشي, على الاقل اكضي هاي الأيام قبل لا أسافر أن شاء الله, وهمينة انلملنة كم فلس, باجر عُكبة اتفيد ..
أي المُهُم انتوا احجولي شلونكم ؟ عليكمُ الله خوما زعلانين مني ؟
بلـ الله العظيم اني اسف صارت على غفلة, بلدعش ونوص بلليل اجاني التلفون وبلستة الصبح لازم اني بلُمعسكر, يعني أكثر شي عندي 4 ساعات اجهز بيها كولشي ...
المُهم والله حبيت اطمئن عليكمُ بلبداية واطمنكم علية, الحمدلله ماكو شي بس تدرون ماكو انترنت هناكة لأن اولاً اني جديد والثقة مموجودة بعدها بيني وبين الوياية, والأجراءات تعبانة كلش, يادوب نكدر نتنفس, اتخيلوا :
1 – قاعة الحديد ممنوعة علينة
2 – الأم دبليو ار الي هية الانترنت ممنوعة علينة
3 – البي اكس ممنوع علينة
4 – باج مابي اسكورت
شسوي متكلولي
شلون اطمنكُم علية والله اعذروني ...
تحياتي للكُل من الأدارة ربي يحفظها النة, الى ألأعضاء ربي يحرسكم ويحميكم ويستُر عليكم ان شاء الله ...
مرة لُخ اعتذر عن الأنقطاع بس مثل مدتشوفون الوضعية حيل تعبانة, وداأفكر ابطل من الشُغل بصراحة, بس ماأدري شكُللكم, لأن ماكدر اعوف اهلي بعنكاوا, وتدرون اني ماعندي شي مُجرد دانتظر المُعاملة مالتي تكمل,
واخر ايميل وصلني كاتبين بي :
Please provide an explanation regarding how your work with or on behalf of the United States government has resulted in a threat to you.
Upon receipt of the information requested above, we can continue processing your application.
تعال احجيلهُم شلون اتهدتت وهل السوالف, واني نفسيتي مكسورة من سالفة الشُغل, بس الله كريم تنحل ان شاء الله .
اموت عليكم عنكاوا والله لو مو انتوا جان من زمان بلشماعية حشاكم .
تحياتي الكُم مرة لُخ ومشتاقلكم مووووووووووووووووووووووووووووووووووووووووووت ..
اخوكم الصغير,
ريفولفر
