محافظ نينوى يمتنع عن الإجابة على أسئلة الموقع

[ankawa com]

محافظ نينوى يمتنع عن الإجابة على أسئلة الموقع

الموصل – عنكاوا كوم - خاص


امتنع محافظ الموصل اثيل النجيفي عن الاجابة على اسئلة مراسل موقع "عنكاوا كوم" في الموصل والتي تمحورت حول الاحداث الاخيرة التي طالت مسيحيي المدينة، متذرعاً بضيق الوقت.
وكان النجيفي حاضراً في فعاليات المهرجان التربوي الاول الذي اقيم، صباح الاحد 28 شباط الجاري في مدينة الموصل عندما تقدم منه مراسل الموقع، طالباً اجاباته حول بضعة اسئلة بشأن الاحداث الاخيرة التي طالت ابناء شعبنا في المدينة غير ان المحافظ امتنع عن الاجابة، متذرعاً بضيق الوقت وانشغاله بلقاء القنصل التركي في الموصل.

[fadifadi]

اكيد يمتنع

[iraq7abibi]

يعني اذا يجاوب شراح يكول ....
السيد المحافظ لايحب الكذب على الذقون ويعلم اذا يجاوب فاكيد راح يكذب
معقوله كل هالقتل بالمسيحين اللي صاروا كالحملان ماكو ولا دليل على القتله
تبا لكم وتبا على كل من انتخبك ياسياده المحافظ

[الاسترالي australian]

لنكن جميعا يدا واحدة وقلبا واحدا كمسيحيين للتصدي لكل المجرمين والارهابيين الذين يحاولون طمس هويتنا ومحو تاريخنا العريق وحضارتنا التي رفدت الانسانية بكل ماهو خير ويجب ان تعلموا ان الشجب والاستنكار لايكفي لوقف هذه الاعمال الاجرامية بحق الابرياء ..........

[faissliwa]

ميجاوب احسن   لان اذا جاوب  راح يصفط   جذبة ورا جذبة

[hoznaya09]

والله يا مراسل موقع عنكاوه يعني !!! ليش تسال الافندي هيجي اسئله ؟
يعني ما تعرف ما يكدر يجاوب ؟
يا اخي ما يرادلها سؤال لان الجميع يعرفون الجواب ,,, يعني إلا هو ينطي الجواب ؟
مو ما يكدر يجاوب ولا على سؤال واحد ,,,
لانه هو يعرف الشغله من طقطق للسلام عليكم ,,,
حرجته الرجال وخليته بموقف حرج ,,,
هسه بينه وبين نفسه كال يوم اسود إلي شفتك بي منين طلعلي هذا ؟
يا اثيل النجيفي !!! معقوله تموت وتاخذ وياك سر اضطهاد المسيحيين للقبر ؟
احجيها وريح ضميرك ما سبب اضطهاد المسيحيين ومن هو وراء قتل الابرياء ؟
يجيكم يوم ونشوفكم بقفص الاتهام لان انتم مو اشجع واقوى من ابو عدي وشفتم بعينكم شكانت النتيجه ؟
على كل حال اكو الله هايي اذا تعرفون الله وهو يجازي ,,, الله كريم احنا هم عدنا الله ,,,
 

[ساوفيلوس]

 يعني هو لقائك مع القنصل التركي اهم من الاجابة على هاي الاسئلة الي ما اعتقد انت عندك اجابة واضحة الها لان من المستحيل انتو تضحون بواحد من جماعتكم وكشفه من اجل هذه القضية والتي سيحاسب عليها بالمستقبل المحرض قبل المنفذ انشالله . وثانيا لقائك مع القنصل التركي اكيد لايخلو من عقد الصفقات التجارية والمصالح والتي ستدر عليكم بالكثير من الدولارات الله لايشبعكم. والقنصل التركي بيه رائحة من اجدادكم العثمانيين التي تتمنون ان تعود سيطرتها عليكم. انتو مو القيت القبض على واحد من المجرمين المشاركيين بالجريمة وينو طلعوه بالتلفزيون خل نسمع منو نشوف منو هو بلكت نعرفه . او اقلك لالا روح القنصل دينتظرك بعدين من تتأخر راح تطير الصفقة من ايدك.......................................................

[nenb com]

اذا جاوب الرجال راح نرد ونكول مو صحيح اذا ميجاوب راح نكول اتهرب يعني بكلا الحالتين احنا منرضا مدكلولي بشنو نرضا احنا احنا بطرانين ما عدنا شغل عمل بس نلوم ناس ما الهم علاقة بالموضوع.اكو واحد سئال كال وين ممثل شعبنا بالمحافضة ليش ممداو م صارلة سنة و ليش او شنو الاسباب هوة يدعي بانو ممثلنا بالمحافضة بس للاسف هوة يمثل يلي ذبحونا اوهجرونا


   nenb com

[عاشق الكومبيوتر]

هو شنو راح يكول ليش ؟؟؟
مراح يكدر يحجي يعرف كل الناس تعرف بيه هو و جماعته اكبر چذابين
لا تعذبوا حالكم على اي شي ما يسوى .. اصلا لا الحجي يفيد هسة و لا الاستنكار
احنا المسيحيين چنا و لحد هسة ندفع الثمن غالي بدمنا

[basil alqatona]

وماذا كانت الاسئله ؟
لكي نحكم بالعقل والمنطق ولانردد كالببغاء ما يقوله الآخرون
بالتأكيد ان الرجل لديه موقف من موقع عنكاوه الديمقراطي

[MosulChrist]

أكيد ما راح يجاوب لان ما متوقع الى حد الأن أكو واحد ما يعرف الجواب
أخواني الجواب واضح مثل عين الشمس لا البعثيين يهجرون المسيحيين ولا حتى القاعدة لو كانو يريدون يهجروهم كان هجروهم من زمـــــــان مو هسة قبل الانتخابات بأيام هذا كله يرجع لأجندات حزبية تهدف الى تهجير المسيحيين الى سهل نينوى لاقامة أقليم طائفي يظم المسيحيين وأنفصال سهل نينوى عن مدينة الموصل.
هل انفصال سهل نينوى عن الموصل يصب في مصلحة المحافظ؟؟؟
المحافظ وأسامة النجفي لهما مواقف قوية ضد من يقوم بتهجير المسيحيين وهم من يدفعون الحكومة المركزية المتواطئة الى كشف التحقيقات التي تقوم بيها
اذا كان المحافظ لم يجيب مراسل عينكاوه كوم عن أسئلته التي ربما جائت بدون لقاء رسمي ولم نعرف من المراسل ماذا كانت تلك الأسئلة فهذا لا يعني انه المحافظ ساكت عن الاجرام ضد المسيحيين لانه أدان هذه الأعمال مرارا وتكرارا على الفضائية الموصلية وقام باتخاذ اجرائات فعلية شهدناها نحن المسيحيين في مدينة الموصل قبل تحرك حتى رجال الدين المسيحيين

أخواني المسيحيين الأنتخابات قادمة وليس من مصلحتكم أبدا انتخاب اي حزب طائفي
أسف على الاطالة بس الظاهر الى حد الأن أكو ناس بعد ما داتعرف شنو الطبخة

[عوديشو مهومنا]

كانى يه ئنجومه نى مللى كلدانى سريانى آشوري ( المجلس الشعبي الكلداني السررياني الاشوري ) مانه خوو دحسيبكه تن وه كو نينه رى ملله تى لناف به رلمانا كوردستان بريزه ى 3 كورسيك. ئه رى حه تا ئه فرو ج شيايه بكه ته ن بوو ملله تى مه بتنى دشيتن زه خت وزرى بكه تن لكورين ملله تى مه دا كو ده نكَى خو نه ده نه هيج ليستين ديتر وبتايبه ت ليستا رافدين 389... ئه رى ئه و نازنانن تشته كى بكه ن بتنى باسى بزافا آشورى بكه ن ئه رى ما ج تشتى ديتر نينه لجيهانى دا بتنى كاك يوناذم كنا... ئه رى كارى وان باسى ليستين ديتره بتنى... بلا به ر هه مين خو دياركه ن ييت باقز ئه كَه ر هه بيتن بس دزان خركرنا بارة وليدانا وان ... ئه رى شكيفه وان باره تينن... بلا جاره سه ريا كوشتارا مه سيحيين نينوى بكه ن جيتره شكو هه فدزى لكَه ل ليستين ملله تى مه بكه ن... بلا بيرو باوه ريا فى ئنجومه نى ئه وبيتن خزمه تا كَه لى ملله تى مه بيتن نه خزمه تا لايين دوزمن دا كه يفا خو بمه بينين...

[albabely]

من يسكت عن الجريمة، الجواب اذن هو القاتل والمجرم الحقيقي .. ماهو السر الحقيقي في نينوى بقتل المسيحيين فقط دون غيرهم؟ انا جدا عندي اطلاع وعلم باهل موصل غير المسيحيين انهم بصراحة ناس يكرهون المسيحيين وعنصريين بخلاء جبناء لابوهم مايشعلون شمعة ، مرة بالثمانينات كنت عسكري بالشمال ذهبنا للمطعم كنا تعبانين وجوعانين جاء ابو  المطعم وقال لنا باللجة المصلاوية( ليش تحكون زايد كلوا واطلعوا لاتحكون كثير ) لان كنا نتكلم بالكلدانية  انا واصدقائي وهو ضاج هواية من عندنا ... وعندي كثير سوالف على اهل موصل بس مااريد احجي وازيد الطين بلة.. ونرجو من محكمة الدولية بقبض على السفاح الارهابي مايسمى بمحافظ الموصل وتقديمه للمحكمة لانه مجرم حقيقي بلا منازع لانه له علاقة بمنظمات ارهابية ودولة العراق الاسلامية السلفية الارهابية التي ابادت شعب العراقي الاصيل واللذي سينقرض  بسكوت حكومة دولة الفالتون الحالية... وبارك الله موقع عينكاوة البطل والجريء بنقل اخبار شعبنا المسيحي المظطهد

[sabhi]

كلي شئ واضح !!! فسكوته دليل واضح على اشتراكه بهذه الجرائم فقد توقعت بان هذا الرجل ايديه ليست نظيفة بصورة او باخرى والا لماذا هذا السكوت والتهاون بقتل اخوتنا امام انظار القوات الامنية وعدم مبالاته وكأن شئ لم يكن !!؟؟؟ كافي كافي كذب ودجل علينا ..
فاذا المسيحين المشاركين بالعملية السياسية من كبيرهم الى صغيرهم لايستطيع عمل اي شئ فكيف السيد النجيفي!!!

[the leader]

ليش تلومون النجفي يا اخوان
مو هو الكل الان مشغول بالانتخابات وبالحصول على الكراسي والمناصب
والشعب يطبا مرض منو ديهما حتى لو انقتل عشرة باليوم منو ديهتم؟ من كل الحكومة من اكبرهم الى اصغرهم
والسيد المحافظ اعطى وجهة نظره لعدة مرات وبين رايه والكل يعرف جيدا
حاميها حراميها
ليش انلف وندور؟! ليش الحكومة هاي اول حادثة صارت بالموصل؟
دماء عزيزة وغالية على قلوبنا هدرت والحكومة ودولة القانون تتفرج يا حسافة؟
نحن نعلم علم اليقين ولنا ثقة عالية بان الحكومة لو ارادت فعلا ان تمسك بالمجرميين لامسكت بهم من اول يوم وحافضت على الامن والاستقرار في البلد ولكنها نحن نعلم بانها لاتريد ذلك
والدليل على ذلك هو منذ ان احتل العراق ولحد الان لم نشاهد اي مجرم اعدم او استجوب او حوكم فقط في بعض الاحيان يعلن وبدون اي توثيق بالرغم من الاف التفجيرات والقتل والدمار اللذي يحل بالبلد يوميا
والمشكلة انه نفس القادة رشحو للانتخابات مرة ثانية لكي يكملو ابادة الشعب العراقي عامة والمسيحي خاصة والمهم انهم يملاؤن جيوبهم ولكننا نقول لهم اذا فلتم من عدالة الشعب العراقي فكيف ستفلتون من عدالة الرب ان غدا لناظره قريب

[LANCEofIRAQ]

لا فرق بينه و بين سيده أسامة النجيفي الذي لم يذكر المسيحيين في لقاء قناة الشرقية معه
وكان كلامه يتمحور حول كيفية التحامل على الحزب الديمقراطي الكردستاني
بدون أن يتطرق إلى دور قائمته في قمع مسيحيي الموصل
يدعي النجيفي لوائل الإعلام أن الأكراد ينافسوه
لكنه لا يتكلم عن المسيحيين الذين يعاديهم و يستكثر عليهم حقوقهم
بل ويهددهم بموجة عنف تستهدفهم من ديالى و صلاح الدين و الأنبار و الموصل
وبعد كل ذلك يلوم الكرد بحجة خرق الدستور !

ألا بئس الدستور الذي منحكم حكم محافظة نينوى على حساب سكانها الأصليين

 شتان ما بين حال المسيحيين في إقليم كردستان و حال إخوانهم في الموصل !

[XXsorayaXX]

يا  اثيل  النجيفي  اسالك   فقط . هل  هناك  ضمير  في  داخلكم  .  هل  لديكم  فعلا  الكرامه  .  هل  تعرفون  ونخشونه  الله  . تاكد  بان القاتل  والذي  يتستر  عليهم  هم  مشتركون  في الجريمه  واذا  استطاعوا  ان  يهربوا  من  العداله  اليوم  فانهم  لن  يستطيعوا  ان  يهربوا غدا  من  عداله  الرب

[Ashuraya30]

اكدر اعرف ليش تمسحون كلشي اكتبه؟
هل الموقع كردي؟
لانه كلما تكلمنا و انتقدنا الكرد انتم تمسحون ما كتبنا؟
خلونا نعرف لانه ادا الموقع ما بي حرية الكتابة او الموقع يمول من قبل حكومة كردستان حتي لا نكتب بيه؟
علي العموم الي كتبته صحيح و اعرف ليش مسحتو

[sajed]

الا يكفي ان السيد المحافظ اكد القاء القبض على احد القتلة واحد من ثلاثة؟؟؟؟ تماما كما اعلنت الحكومة عن القاء القبض على قاتل الطران رحو علما انه اكثر من اربعة سيارات شاركت في اختطافه ؟؟؟
اما ان تسالوا من هو هذا الواحد الذي يقبض عليه فذلك ليس شانكم او قل ،،،،لا تسالو عن اشياء ان تبدى لكم تسؤكم،،،،،،
لمن لايعرف تاريخ محافظنا اقول ان والده عبدالعزيز مات مقتولا و عمه عبدالرحمن سجن لفترة طويلة بسبب جريمة قتل ،، كما ان جده محمد النجفي متهم بقتل اثنان من اهالي قرةقوش احدهما من بيت اسطيفو والاخر اعتقد من ال حبش وقيل انه دفنهما تحت معالف حيواناته
فماذا ترجون من هكذا شخص كما انه يجب ان لاننسى ان كشمولة لم يكن احسن منه بدليل انه لم يعتقل اي من المعتدين على المسيحيين واشك في ان يكون اللاحق باحسن من اي منهما
كفاية الركض وراء السراب اعملو على اخراج المسيحيين من هكذا بلدان مع تعويضهم اضعاف ما يمتلكون

[alqoshe lel abad]

سلامي للجميع.يا حبيبي مراسل الموقع،ماكو داعي تتعب نفسك لان اصلن ماكو جواب السؤالك ،صاير المسيحي يمهم حايت انصيص و مصدر حملات و دعاية للانتخابات يكتلون بيهم من جيها و يمشون ابجنازتهم من جيها،بس يضوجون من حزب ثاني يدورون على كبش فداء مسيحي الهوية و يشفون غليلهم بي و يذبون الوم على ذاك الحزب ، العتب مو عليهم العتب على احزابنا و اساقفتنا المحترمين الي هسا دايشوفون الحقيقة المرى بعد ما دفع ثمنها الابرياء سكان الارض الاصليون،الله ينتقم منهم واللعنة تنزل على كل من ينتخبهم.

[جورج توما]

لماذا ننتظر جواب من محافظ الموصل

ومعروف حاله حال غيره

ليش مرشحينا وينهم وين مواقفهم

بس بالانتخابات نسمع صوتهم وراها

رجال الي يسمع صوتهم او يشوفهم

ماشاء الله مئه قائمه والمسيحيين يذبحون بالشارع

منشغلين على سباق الكراسي

[Assyrian Eagle]

ما يجاوب لأنه ما حافظ الدرس

[cancer]

حبيبي مراسل عنكاوا ليش بس المحافظ مسؤول عنا ترى هم احنا عدنا كبار مشاءالله عليهم بس يعرفون يسوون قوائم انتخابيه وصور على شكلهم الحلو كل واحد مسوي بوستر عبالك عنده اللبوم غنائي جديد يعزف ويغني  بيه بدماء المسيحيين. تكدر تسأل اللي انتخبناهم من قبل شنو اللي قدموا للشعبنا؟ واللي دا يسون حملات انتخابيه هسه ولا همهم بدم المسيحي اللي دا يموت كل يوم ؟ ليش ما فكرت تسأل اللي كاعد بمجلس النواب ممثل المسيحيين ابو السفرات العالمية مو راح يصير الرحال ابن بطوطه شكد ما يسوي ندوات لمصالحه الشخصية. المحافظ طبعا ما راح يجاوبك لأن عندنا منو اللي يجاوبك!!!!!!

[Habbo]

النجيفي راس الفتنه وطرف اساسي في الجريمه   والا ما كان بقى على هذا الكرسي  بس خل يملاء  حسابه  في البنك ثم يكشف كل شيء  في مذكراته ايام المحافظيه....   ما يرادلها تفسير

[area-soraya]

هل تعرف ؟

هل تعرف ان نائب الثاني المحافظ (اثيل النجيفي) هو (القاضي حسن) وان لديه اخ هو امير في دولة العراق الاسلاميه

لذلك يجب محاكمه المحافظ في محاكم لاهاي بتهمة الابادة الجماعية

[bassamallen]

هذا الشخص هو المسؤول عن عمليات قتل المسيحيين في الموصل
ارهابي

[ماهر كيزو بوداغ]

هو ليش منو  بيهم يكدر يجاوب  بس شراح يكول نحن لسنا مسؤلين بل انا اقول انت يا محافظ وانت يا قائد المعمليات  لمذا انتم نائميين هذا حسب ما كتب في احده الجرائم التي استشهد فيها احد ابطالنا من ابناء  شعبنا كانت الشرطه  قريبه من الحادث اليس ها صحيحا يا محافظ نينوى ويا مدير عمليات الموصل ويا قائد شرطة نينوى .

[salammmm]

السلام عليكم
يا اخوان ليش انتو تاعبين انفسكم حالو حال بقية المرشحين0
وين المنتخبين من قوائمنا المسيحية اذا ناسيهم نذكر اسماء0


اذا جاوب اشراح يحكي انو الحكومة المركزية متفقة مع حكومة الاقليم على سحب العوائل المسيحية لانهم يمثلون اغلب الكفائات اليها اولا0
وبيعدين انتو ما اتلاحضون انو كل انتخبات اصير تهجير النا والمرة السابقة انغدرو الهجرونا لان رجعنا وانتخبنا قوائمنا
بس هل مرة جابوها الجماعة ؟؟؟؟ بوكتها لان

يا اخوان هسة الجماعة يكذبون عادي بدمهم  بس احنا ما انسويها لو انعدينا منهم


                                                                                              سلام العراقي

[yahya xx]

يعني اشراح ايكول وشيجاوب هو عندو جواب.هو مشاكل المدينة كلها يزتها براس الاكراد . لو بزونة تنقتل بالشارع يكول البشمركة قتلوها .اخوان المحافظ متواطأ مع الجماعات المسلحة .ويريد يصدر مشاكلو الداخلية ااى الاقليم او الى المركز .خلي ايشوف المسيحيين بالاقليم اشكد مرتاحين ومقدرين . سلامي للجميع

[كرم العراق]

أكيد ما راح يجاوب لان ما متوقع الى حد الأن أكو واحد ما يعرف الجواب
أخواني الجواب واضح مثل عين الشمس لا البعثيين يهجرون المسيحيين ولا حتى القاعدة لو كانو يريدون يهجروهم كان هجروهم من زمـــــــان مو هسة قبل الانتخابات بأيام هذا كله يرجع لأجندات حزبية تهدف الى تهجير المسيحيين الى سهل نينوى لاقامة أقليم طائفي يظم المسيحيين وأنفصال سهل نينوى عن مدينة الموصل.
هل انفصال سهل نينوى عن الموصل يصب في مصلحة المحافظ؟؟؟
المحافظ وأسامة النجفي لهما مواقف قوية ضد من يقوم بتهجير المسيحيين وهم من يدفعون الحكومة المركزية المتواطئة الى كشف التحقيقات التي تقوم بيها
اذا كان المحافظ لم يجيب مراسل عينكاوه كوم عن أسئلته التي ربما جائت بدون لقاء رسمي ولم نعرف من المراسل ماذا كانت تلك الأسئلة فهذا لا يعني انه المحافظ ساكت عن الاجرام ضد المسيحيين لانه أدان هذه الأعمال مرارا وتكرارا على الفضائية الموصلية وقام باتخاذ اجرائات فعلية شهدناها نحن المسيحيين في مدينة الموصل قبل تحرك حتى رجال الدين المسيحيين

أخواني المسيحيين الأنتخابات قادمة وليس من مصلحتكم أبدا انتخاب اي حزب طائفي
أسف على الاطالة بس الظاهر الى حد الأن أكو ناس بعد ما داتعرف شنو الطبخة

هذا الرد خلاني احس انه فعلا اكو ناس فاهمة القصة زين و ما مغسول دماغها من قبل جماعة الحزبين الي ديهجرونا حتى نروح يمهم و ننتخبهم


الى متى راح نبقى غشيمين با مسيحيي يا من دعي اسم الرب يسوع عليكم

الي ديذبحنا هو من فتح لنا ابوباه حتى يعيشنا يمه.

انا لا ادافع عن القاعدة الانجاس و لا عن مسلميي الموصل لكني من الموصل و لا ازال في الموصل و جيراني المسلمين دافعوا عني و عن عائلتي و ما خلوني اطلع اجيب مسواق هم راحوا جابوا طلبات بيتي. خلونا نكون واقعيين مرة وحدة بحياتنا ؟

شنو الس استفدناه من انتخاب قوائمنا المسيحية الطائفية غير حفلات للشباب و كلام في كلام منو منهم يتجرأ و يقول منو قاتل المسيحيين .... اؤكدلكم انهم يعرفوهم و ملصومين لانهم متحالفين مع احزابهم و ياكلون من ايدهم.

و من مثل ما قال الرب يسوع من له اذن للسمع فليسمع.

[layth tna]

اعتقد ان جميع العراقيين يعرفون من هم قتله الشعب المسيحي . ليسوا البعثيين . . ولاهم القاعده . . ولا السيد النجيفي  لكن هم  الأ . . . . وليس غيرهم له مصلحه في تهجير المسيحيين .
                                    فأصحوا أيها المسيحيين .. وكافي أوهام

[ابن النهرين]

الجميع مسؤولون بشكل مباشر بقتل وتشريد وترهيب سكان الرافدين الاصليين من الارهابي نوري المالكي  والارهابي النجيفي الى الاحزاب الكردية الشوفينية الى كافة الاحزاب الدينية المتخلفة وعلى راس هؤولاء جميعا الارهاب الارهاب الامريكي البغيض .




كما ان الذي يعيش بين الوحوش يجب ان يكون اسدا والا اكلته الكلاب.

[new hope]

الى اخواننا المسيحين انني مسلم واحس بجميع معانتكم لان الاحداث الواقع تقع على الجميع لقد فقدت اخواني واقربائي وهم مسلمون من المسول عن قتلهم ومن بين الاشخاص الذين ساعدوني في محنتي صديقي المقرب المسيحي المخلص لا اظن ان راي شخص واحد يمثل الاغلبية 
هل نجعل شعارنا "اننا عراقيون "وننسى اننا مسلمون اومسيحيون او عرب او اكراد

[أبو محمد المصلاوي]

كم سعدت بالعثور على منتدى يضم في غالبية اطيافه ناسي واهلي وجيراني مسيحيو الموصل
احييكم يااهلي وياجيراني
هذه اول مداخلة لي بينكم ...كعضو جديد بينكم
انا ابن الموصل الذي احتضنتني جارتنا ام اسطيفان عندما دخلت امي المستشفى
انا ابن الموصل التي شمرت جارتنا ام اسطيفان عن ذراعيها لتدخلنا الحمام ليلة عيد الاضحى انا واخوتي واخواتي ( لتسبحنا ) يوم كانت امي راقدة في المستشفى الجمهوري
انا ابن الموصل الذي البستنا ام اسطيفان بدلة العيد واخذتنا بيدها لزيارة امي في المستشفى
انا ابن ام اسطيفان ...انا ولدها وهي امنا الحبيبة الثانية
الله ..الله
كم هي جميلة تلك الايام
كم هي نقية ..لان القلوب كانت صافية
اسمع اليوم عن جرائم قتل اتباع امي الثانية
اسمع اليوم عن اضطهاد مسيحيوا الموصل
ماذا جرى ؟؟؟
مالذي يحدث ؟؟
احقا ماتقولون
من يقتلكم يااحبتي ؟؟؟؟
الموصل اليوم بيد الغرباء - ولااقصد المحافظ مطلقا - لكنها بيد غرباء ..غرباء عنا
تشمئز نفسي من اخبار الجرائم التي تحدث لكم يا جيراني  ويا اهلي
تبا لمن تمتد يده لايذاء مسيحيو الموصل
تبا لمن يريد ان يقتل امي الثانية
تبا لاعداء الموصل

[windtalker]

انا اتعجب من بعض الاخوة من ان تنضيم القاعدة وما يسما بدولة العراق الارهابية ليست مسؤلة عن قتل وتهجير المسيحيين عجيب هذا الكلام اخواني الاعزاء احنه ليش نعرف ونحرف يعني هسه الارهابيين التكفيريين ما الهم علاقة بهاي الامور زين منو الديقتل المسيحيين ويهجرهم ابن الهور يجي من البصرة والناصرية ويذبح المسيحي ويهجر الباقين ليش منصير واصحين وصريحين ونحجي حجاية الحق اخواني هذه حرامي بيت مع احترامي الكم جميعا هذول الارهابيين من الي ديقتلون ويهجرن من الموصل لان الي يقتل لازم اله مكان يقيم بيه ولازم اله جماعة تساعده وهذول من اهل الموصل مريد اكول من اهلهه بس هذي هيه الحقبقة المرة الي لازم تعرفونهه كولكم هوه الي يذبح ويفصل الراس عن الجسد شنو تترجه منه هل تعفيه من الاتهام والله ثم والله الحكومة العراقيه لن تفيدكم لان المالكي مكتف لايستطيع ان يعمل شيئ لانها حكومة محاصصه ارجعو الى قياداتكم الدينيه اخواني الاعزاء هيه السند والركيزه الاساس وبعثو بوفود الى كل وجهاء العراق من الشمال الى الجنوب لطرح مشكلتم ومعاناتكم ابعثو بوفد الى النجف سوف تلاقون حلولا اكثر انصافا من الحكومة التعبانه وفي النهاية ادعو احبائي واخواني المسيحيين بلثبات والاتكال على الله وتشكيل مجاميع شبابية لحمايت ارواح وممتلكات مناطقم انا اشعر بمعاناتكم وبئلمكم ولاكن هذا هوه واقع الحال سلاما لكم يا ابناء شعبي المظلوم المذبوح بخناجر الارهاب التكفيري الذي لايرحم طفلا ولا شيخا وحتى الحيوانات لم تسلم من التفيخخ الله على هذا الظلم الحاقد الاسود الله يرحم شهدائنا وجرحانا ومفقودينا امين      اخوكم في الانسانية

[من نينوى]

من يسكت عن الجريمة، الجواب اذن هو القاتل والمجرم الحقيقي .. ماهو السر الحقيقي في نينوى بقتل المسيحيين فقط دون غيرهم؟ انا جدا عندي اطلاع وعلم باهل موصل غير المسيحيين انهم بصراحة ناس يكرهون المسيحيين وعنصريين بخلاء جبناء لابوهم مايشعلون شمعة ، مرة بالثمانينات كنت عسكري بالشمال ذهبنا للمطعم كنا تعبانين وجوعانين جاء ابو  المطعم وقال لنا باللجة المصلاوية( ليش تحكون زايد كلوا واطلعوا لاتحكون كثير ) لان كنا نتكلم بالكلدانية  انا واصدقائي وهو ضاج هواية من عندنا ... وعندي كثير سوالف على اهل موصل بس مااريد احجي وازيد الطين بلة.. ونرجو من محكمة الدولية بقبض على السفاح الارهابي مايسمى بمحافظ الموصل وتقديمه للمحكمة لانه مجرم حقيقي بلا منازع لانه له علاقة بمنظمات ارهابية ودولة العراق الاسلامية السلفية الارهابية التي ابادت شعب العراقي الاصيل واللذي سينقرض  بسكوت حكومة دولة الفالتون الحالية... وبارك الله موقع عينكاوة البطل والجريء بنقل اخبار شعبنا المسيحي المظطهد

اشفق عليك