مسيحي انا وراسي عالي
مااخجل حتى لو اعاني
اعرف شتردون مني
تردوني انقلع واعوف مكاني
ماتعرفون انه الاصل مني اني
تخسى متكدرون مهما طال زماني
رجعوا للتاريخ فالتاريخ كاتب عني
العرق اصلى واصل العراق مني
شلون تريدون اقلع جذوري
واعوف العراق اصل جدودي
ظلامكم دامس مايكدر على نوري
لان النور مو من عندي اني
من عند الله اللي هو انطاني
حسبالكم ضعيف ومكسور ظهري
ومثل الوحوش تنهشون لحمي
الله وياي وياخذ ثائري
ولله ارفع صوتي وصلاتي
اللهم اغفر لهم لانهم مايعرفون شديسون بي
قتل وترهيب واضطهاد يريدون ينالون مني
لانه ظلامهم مايريد النور مني
اللهم انظر الى خرافك التي يحاول الذئاب نهشها
وخلصهم من بين ايديهم وامنح خرافك السلام
واعطهم الصبر وكل النعم
طلبة ارفعها للمعانيين من خرافك خاصة الذين من العراق وفي العراق
مع تحسرات الالم لمايعانيه اخوتنا بالعراق
اخوكم ما.....
