باول ونينوي
يا باول ونينوي ما ثليبوخو
دمخلوخو بشنثه ليثن قلوخو
مجمعو ملتَه كيل هونوخو
بيث نهرين دزاله ما بتاو حَلوخو
شنثه يقورتا لكفيدلوخو
اثروخو بزال ومسكر ابروخو
بدمساكر امح كل تخرونوخو
ودما زكايا وهم تشعيثوخو
ريشاند كَبي دُرو لعقلوخو
حوياذا كبخ بكو تخملتوخو
درولن غذا راي ومصبو لبوخو
ميقرو اخذاذ وسهذد امثوخو
وايذن ولبن بتاوي اموخو
رخشو تقاما واخني بثروخو
ودهاو بغذاذ كل بلخونوخو
ولكبخ اوبيشا دكبارشلوخو
لمَن دارخ لوما دكمهَجِلوخو
من بيثا واثرا كمَبقِلوخو
واث عمَا بريخا سنيقيل اللوخو
وحوياذا دييح طليبيل منوخو
يا باول ونينوي لميرلوخو
اتن خا صَورا بدارخ كيبوخو
وشلطانا بدائر بيذد ايلوخو
وشورا ومطالا بتاوي طلوخو.
جبرائيل عيسى زورا
سان دييكو اميركا .
الكاتب
