الكوم ابروفل تتاخر جدا وماكو رد

[confident]

شباب والله دخت صارلي مقدم من يوم 9 ديسمبر 2009 ولحد هسة كل شي ماكو هسة اتمنى انه ايدزولي ايميل ايكولولي كل شي كملنا بقت بس من ايصير مجال ننطيك اياها مثل ما خبروا اخي ايكو وسلفر والله ما ادري يا اخي هسة همة اخر ايميل انطوني اياه كان بنتاريخ 12 اذار كالو انطينيا ايميل مديريك ومثل ما تعرفون انطيتهم ايميله الثاني الي هو يختلف عن ايميل الريكومنديشن والله كريم انشوف بس شدكولون اغير الريكومنديشن ويخلي ايميله الجديد بس هذا يختلف عن ايميل الشركة الي كنا نعمل بها لان هسة هو مبطل منهم من زمان والله ما ادري محتاج دعائكم

[alazawi]

مساء الخير

اخ confident كلش عادي هي الcom تتاخر مثل ماصار معي تحتاج وقت بس تحتاج صبر انتظر بلكي يرجعون جواب بهذه الفتره ان شاء الله ماطول اخذو ايميل مديرك وماتحتج تغير ريكومنديشن

تحياتي
alazawi

[echo 9]

السلام عليكم
اخوية الغالي confident مثل ما كال الاخ alazawi صدك المسالة هاي مال الكوم تتاخر وتاخذ وكت
لان انا والعياذ بالله من كلمة انا قدمت بشهر العاشر 2009 ولهسه ما كو ما حصلت هذا الكوم العجيب
بطرك الرسالة اللي ارسلوها للسوبر فايزر والرجال جاوبهم مرتين وبههم لذلك وارسل لي سي سي من اجابته الثانية لهم مع العلم انا على اتصال مباشر مع البي او سي مالتي لان ما زلت مستمر معاهم
وايضا اكو احد الاخوان القدماء جدا بالمنتدى صار له تقريبا 8 اشهر يا الله اجاه الكوم قبل فترة بسيطة
فانته اصبر شوية واذا علاقتك قوية مع السوبر فايزر اللي ارسل الهم ايميله خلليه هو يراسلهم للتاكيد على حالتك ويسالهم .
اتمنى لك الموفقية
Echo 9

[maitham70]

اصبر ان الله مع الصابرين
اني مقدم من الشهر السادس 2009 ولحد الان ماكو شي بس قبل اسبوع دزولي رسالة وكالوا عمي مستمسكاتك كاملة وحولناها للسفارة في بغداد حتى ينظروا في امرك لو ينطوم الكوم لو يخلوك سفير والله اعلم

[unfaithfull]

اخويه الغالي
دزلهم كل اسبوع اميل

[confident]

شكرا جزيلا شباب خصوصا ايكو ميثم ان فيثقل واخوية العزاوي على هاي الردود الجميلةواني كل اسبوع جاي ادز الهم ايميل وجانوا ايجاوبوني بس صارلهم من يوم 12 شهر الثاني ماكو شي ودزيت الهم ايميلين وماكو شي وعلى فكرة هواية اصدقائي بغير شركات يعني ما طولت عليهم الكوم ابروفل هواية يعني بالكثير شهر واني كل التاخير الي صار اشوية اكو نقص كان بال لورقة 157 والايميل الي بالريكومنديشن صار اكسباير لمديري لان ترك العمل بالشركة وراح لامريكا وانطيهم ايميله مالشركته الاستشارية لان ما رضوا على ايميله الشخصي على الجي ايميل وكتبوا الي اخر شي انطيني ايميلة العسكري او ايميله corporate وهاي الكلمة وعلى فكرة دزيتلة ايميل كلي كل شي ماكو ما جاوبوني والله كريم احنا صابرين وشوفو هاي الصورة من جامعة ايو

[confident]

شباب بس اريد اعرف همه كل اشكد ايدزون ايميل للشخص يعني اني جانوا ايردون علي كل 2 اسبوع او 25 يوم هسة هالمرة صار الهم هواي حيل يعني الاخوتن الاعضاء تقريبا كل اشكد دزولكم خصوصا الاخ فنزو او ايكو او ميثم او فيثنفل ومثل ما كتلكم اني اخر ايميل رادوا بي ايميل مديري الجديد معقولة ايطوا اكثر من شهر يالله ايجاوبون
تحياتي

[المسكينه]

اخي العزيز انا مثلك صارلي من الشهر الثامن 2009 ولحد الان ماكو كم ابروف والمشكله الرئيسيه تكمن وحسب اعتقادي من اجابه المدير او السوبر فايزر اذا كانت اجابه مثلما يريدون وبشكل دقيق وسريع اكيد سوف ياتي الكوم بسرعه وانا الكوم تاخر لحد الان بسبب غباء مديري جاوبهم سته مرات ولكن ليس بالجواب اللذي هم يريدوهه 0 اما هذه الايام فتره الاجابه اذا سالتهم يتاخر 21 يوم تقريبا 0 وانا اتوقع المساله تتعلق بالسوبر فايزر مالتك بعدها يرسلون اوراقك الى السفاره وتنتضر شهرين ياتيك الكوم وقد تتفحص السفاره وترجع تسال اذا كان لديها اي سوال وشكرا

اختك المسكينه

[confident]

شكر جزيلا اختي بس اريد اسللك سوال هو مديرك جان ايدزللك سي سي بالايميل من يسالو عنك هم شفته بالايميل الي دزة الج انه هو مديرج المباشر بس اريد اعرف هاي الشغلة واشكرك شكر جزيل

[Nadia2004]

مرحبا
اني قدمت بتاريخ 15/1 واول رد اجاني بتاريخ 4 February يطلبون وثيقة اضافية ودزيتهابنفس اليوم
اجاني الجواب بتاريخ 1 March يطلبون وثيقة اخرى وهم دزيتها بنفس اليوم وهسة دانتظر

نادية

[vincenzo]

صديقي كونفدنت واصدقائي الباقين
كل فترة وخلال ال6 اشهر الاخيرة الاحظ موضوع مشابه لهالموضوع
بيه فد واحد من اخوانه الاعزاء ضايج وديتأفأف لان اتأخر بهالسالفة
بنفس الوقت كلبت بكتب التاريخ واكتشفت انه من العصر الجليدي الاول لليوم اني يمكن اكثر واحد متأخر بهالمرحلة and I'm proud of it  
و ولا مرة اني دزيتلهم استعجلهم او اشتكي عالتأخير او انزل موضوع هنا
جنت بس اجاوب على طلباتهم
شباب ليش مستعجلين
شنو هيه امريكا راح تطير
اللي يدري بنفسة ينقبل ويحصل الابروفال فترة it's just a matter of time
وماكو واحد مات واخذ ابروفاله وياه  
بس اكو شغله وحده جانت مخبلتي
جنت بس اريد اعرف شلون شكل هالابروفال
ولذلك ولان جانت بنفسي نزلت صورته هنا
حتى اللي يعجبه يضل يتأمل بشكلة وجمالة الساحر وعيونه العسلية الى ان يستلم واحد بأسمه
اعتقد وراية السرة لاخوية ميثم فلحد يزاغل
واعتقد هم اللي يطولون وياه بهالمرحلة يسهلوهه عليه بالجايات
واحتمال هذا الاستنتاج هو مجرد تفاؤل زايد مني
بالمناسبة ما جان عندي اي غلط بالتقديم من البداية
بس اكيد اكو اشياء اخرتني لا اني ولا انتو نعرفهه
وماكو داعي للتخمينات او لان ندوخهم بالايميلات
لان ما اعتقد ينسون واحد مقدم حتى نذكرهم
حاولوا تشغلون اوقاتكم بالتخطيط للحياة الجديدة
وكلبوا بمواضيع المنتدى القديمة والمفيدة لان تفيدكم بالتخطيط
واسف لان هسه يالله لاحظت هالموضوع

[confident]

شكرا شباب وشابات اليوم بتاريخ 8 بالشهر اجاني ايميل من الجماعة بليل متاخر وبي سي سي لمديري كايليله انه انت لازم اجاوب هل انت مديره المباشر لو لا وهو ما اصور ايكول لان هو المدير العام للشركة وكلي اني ما اكول قبل بس اصور هو راح يشرح الهم عمل وطبيعة التسلسل الاداري بالشركة فطبعا اني شغلتي اتكنسلت وما ارح اصير لان هو مثل ما كلت المدير العام للشركة ويالله الحمد لله نبقى على الاي او م والله كريم والحمد لله جاوبني اليوم بداء من تاريخ 12 شهر الثاني  يعني صار الهم 22 يوم شكرا
 

[Iron_man]

مبروك اخونة العزيز confident

انشاء الله تمشي معاملتك حسب الاصول وانشاء الله يسهل امور الاخوان المنظرين ايضا .... على كولة فينسزو هيه امريكا قابل طايرة ؟؟؟؟ ههههههه


Iron_man

[vincenzo]

لا مع الاسف عليك صديقي كونفدنت
ليش هالاستسلام
يمعود اني ضليت بالست اشهر بس حتى احصل الورقتين المعضلة:
مالة الشركة ومالة المسؤول
اصلا قبل لا اقدم وادز اول ايميل
وهم جنت مأيس مثلك
متشوفني من استلمت الابروفال الاكشر علكتهه وطلقات


يمعود الرجل الحديدي
شنو هالمناسبة السعيدة
اكول الدنيا اليوم تمطر تزخ وعجاجة بنفس الوقت  
هاي انت وين واني ماكو
غير تمر تكول جماعتي وين صاروا؟

[Iron_man]

والله يا اخوية فنجينزو الوردة مريت بظروف صعبة اول موصلت وانشاء الله محد يمر بظروف صعبة ...

واني حجيت هذاك اليوم وياك ووية اخونة الاشقر هههه بس مجان اكو وكت احجيلك التفاصيل .... راح اراسلك ع الخاص


Iron_man

[kunda]

السلام عليكم اخي العزيز صاحب الموضوع سالفتك تشبه سالفتي كثيرا اني لحد الان مامستلم الابروفال ولو هالايام دااسمع انه انلغت فقرة الكوم ابروفال والله بعد مااعرف واني امقدم من شهر الثنعش الفين وتسعة وطلبوا همين الكوربرت ايميل مال سوبرفايزر ودزيتة نزولا عند طلبهم وماكو اي جواب لحد الان
بس هاي كلها بصفحة وسالفة اخونا فجنزو بصفة يمكن اني جاي اتابع قضيتة اكثر من قضيتي والله راح افرحلة من كل قلبي اذا يحصل الابروفال    ان الله مع الصابرين تحياتي للجميع