(( العراقية ذهب ))

[مهند الكانون]

(( العراقية ذهب  ))

حلوة وجريئة العراقية والعيون چتالة

بنظرتها اتبوگ الگلب چنها ادگول غزالة

اللي يشوف سحرها ينجن وحالتة تصير حالة

عذاب وسهر واحلام و النوم ما يجي على بالة

احتار بيها الوصف وبسببها الگمر ذب استقالة

ونوبات البحر مينام يخاف عيونها تصير امبدالة

وحتي الورد الجوري  زعل لان اخذت دلالة

صح تفاح الشام حلو و كرز لبنان معروف بجمالة

بس رغم كل الاوصاف مايلحگن تمرنا استحالة

العراقية ذهب تعيش وياك للموت على خبز النخالة

وشما تقسى الظروف حبل العشگ ما تگطع وصالة

من كل شي اخذت شي ما خلت من العراق اچمالة

الطول بصراوي والدلع مصلاوي وبغدادية الاصالة

الگلب اللي يحظى بيچ محظوظ والف مرة هنيالة



كلمات / مهند الكانون
3/3/2010

[Ehab_Thommas]

الشاعر المتألق مهند الكانون شاعر الرومانسية
انا لن اطيل الرد امام هذه الكلمات السحرية
فأهنيء العراقية على هذا الوصف الرائع وكاتب هذه  الكلمات الاكثر من رائع
تحياتنا للعائلة الكريمة
دمت متألقا يا شاعرنا

[Ghada Bandak]

الاخ مهند الكانون

تحياتي لك و للعراقية ..كلماتك عطرتها..

دمت بسلام
غاده

[بابا عابـــــد]

   شعر شعبي بديــــع !
      تحياتي لك ولآختنــــا العراقيــــة العزيــــزة على قلبنـــــا !
         

[**وفاء**]

الاخ مهند
............


تحيه معطره بالـــــورد والفـــــل ,,,, كلمات روعه تسلم .

دمت فخرا للعراقيه

وفـــاء

[السفير80]

عاشت الايادي

[MUNIR_QUTTA54]

       مهند اخي العزيز امنياتي مع الود 00

           ياغالي يابو الوصف الذهبي يالمدللنه بكلامه ويريحنا بحنانه صاحب قلم رومانسي

           وكلمات غيره ابد ماتحلالنه ونردنه نحب من حب غير اشعاره نتغازل بيه الغزاله ومن

          عيونها يبرج علينه سلامه 00 ياشاعر الحرف وبالكلمه تغير علينه الحاله من الم

          وحزن تبتهج الروح من نقراء كلامه 00 اتمنى ان راق لك ردي فاعذرني ماكان

          ودي لكن الحب الي بكلبي لازم الك اندي التحيه والسلام يامهند منه الك نودي 0

 
           سلام الرب معك


         منير قطا   

[الشاعر الصغير]

والله ملكيت غير اكلك شُكرا جزيلا

[مهند الكانون]

اخوتي الاعزاء

اشكركم من كل قلبي على مروركم العطر
معكم اتنفس المحبة

لكل من تواجد في صفحتي المتواضعة وردة من بستان الروح

تحية ومحبة واحترام