اجازة السياقة الدولية

المحرر موضوع: اجازة السياقة الدولية  (زيارة 9602 مرات)

0 الأعضاء و 1 ضيف يشاهدون هذا الموضوع.

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
اجازة السياقة الدولية
« في: 01:40 05/03/2010 »
سؤالين زغيرة:
1. هل صحيح انه يوجد مكان ببغداد وتحديدا بمنطقة المنصور يطلع بالوقت الحاضر اجازات سوق دولية للعراقيين ؟؟؟ واني سمعت انه يطلع الدولية للي اصلا عنده اجازة من قبل الحرب ب50 الف واللي اصلا ماعنده اجازة ب150 الف

ارجو من اي اخ او اخت هنا من الاعضاء ان يؤكدلنا او ينفي هاي الشغلة ومصداقية الوثائق اللي صادرة بهيجي مكان و وين صاير بالضبط في حالة كونه رسمي

2. هل فعلا في بعض الولايات الامريكية مثل نيو جيرسي وميريلاند وماساشوستس لا يستطيع القادم الجديد استخراج اجازة سوق اللا بعد شهور من تقديمة اللا اذا كانت عنده اجازة دولية ؟؟؟

اكدوا على "بعض الولايات"...وعلى الساحل الشرقي تحديدا ...يعني قريب من العاصمة واشنطن دي سي

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
    • مشاهدة الملف الشخصي
رد: اجازة السياقة الدولية
« رد #1 في: 01:51 05/03/2010 »
اخونا العزيز فنجنزو بالنسبة لاجازة السياقة الدولية هسه موجودة وبفلوس لان اذا تريدها قانونية ما اعرف اولا شنو الاجراءات مالتها وبشكد تطلع ولازم تقدملهم اجازو السوق الاصلية القديمة مالتك (وهاي اغلبنا ما عدنا) بس اكو بفلوس ومرة احد الاخوان ذكرها بالمنتدى بس لو الكي الموضوع

بالنسبة لاستخراج اجازة السوق في امريكا احنا قدمنا الدولية (من تروح للدي ام في راح يطلبون منك فد شي صادر باسمك من الحكومة اامريكية وبيه صورتك مثل الكرين كارد هذا اللي صار ويانة) هم قبلوها وكالوا بس تدخل امتحان vision test يعني فحص بصر وبسيط جدا وبعدين ينطوك كتيب تقرا بيه وتمتحن وزوجي شاف الاسئلة كلش سهلة وهو امتحان العلامات مال السياقة يعني الدولية تعفيك من الامتحان الكامل وتخفف.

غير متصل worldgold

  • عضو فعال جدا
  • ***
  • مشاركة: 185
    • مشاهدة الملف الشخصي
    • البريد الالكتروني
رد: اجازة السياقة الدولية
« رد #2 في: 01:57 05/03/2010 »
الى الاصدقاء بالمنتدى كل المودة

اود ان اسال الاخت سرى .. هل هي نفس الاجراءات اللي ذكرتيها بخصوص اجازة السوق الدولية بولاية كالفورنيا - الكاهون .. لو تختلف ارجو التوضيح مع التقدير


اخوكم


                                     WORLDGOLD

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
    • مشاهدة الملف الشخصي
رد: اجازة السياقة الدولية
« رد #3 في: 01:59 05/03/2010 »
اخونا العزيز هاي بفرجينيا بس ان شاء الله جماعة كاليفورنيا يجاوبون لان اللي شفناه انه الولايات تختلف بقوانين المرور وترة حتى الاسئلة مال الامتحان مال السياقة كل ولاية الها طبيعتها وقوانينها


غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
    • مشاهدة الملف الشخصي
رد: اجازة السياقة الدولية
« رد #4 في: 02:12 05/03/2010 »
هسه تأكدت من زوجي هو من رايح سائليه على اجازة السوق العراقية (المحلية مو الدولية) وطبعا هو ما عنده لان الدولية هي كلاوات فكاللهم ما جبتها عفتها بالعراق فكالوله لو موجودة كان طلعنالك اجازة سياقة دائمية permanent فاختبروه مثل ما كتلكم vision test وبعدين امتحان بالعلامات المرورية وانطوه اجازة سياقة مؤقتة لمدة 30 يوم اما انه يجيبلهم الاجازة المحلية مال العراق او لازم يدخل امتحان يسموه الroad test وسمعنا من ناس عرب هنا انه هذا الامتحان بس تكعد بالسيارة ينتبه عليك شلون دتسوق واذا شافك اوكي يكوللك هاي هية وينطوك الدائمية

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
    • مشاهدة الملف الشخصي
رد: اجازة السياقة الدولية
« رد #5 في: 02:20 05/03/2010 »
وهذا رد للاخ علي علي باحد المواضيع المشابهة

((اخوان االاجازة الدولية كلش سهلة بس تروح للمنصور تسئل على دائرة المرور  وتحضر  50 الف

وصورتين وصورة من الجواز  وهوية الاحوال

بنفس اليوم يكملوللك اياها بشرط عندك اجازة سوق عمومية واذا ماعندك لازم تدفع فلوس بالباب همة يرتبوك اياها.))

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
    • مشاهدة الملف الشخصي
رد: اجازة السياقة الدولية
« رد #6 في: 02:33 05/03/2010 »
هاي نصيحة من الاخ m.tony :

(((إجازة السوق العراقية:

المعروف بأمريكا الكل يحتاج اجازة سوق لان ببساطة الي ما عندة سيارة هنا يتعب اجازة السوق ممكن الحصول عليها بعد اجراء امتحان نظري وعملي وتدفع مبلغ معين للحصول على الاجازة وهنا تكدر تستفاد من اجازة السوق العراقية لان راح توفر عليك مبلغ ( 250 الى 300 ) دولار وتسهلك اجتياز اختبار بس لازم تكون الاجازة مترجمة قانونيا ( تكدر تستعين بالمنظمة المتكفلة بأمريكا وهمة يترجموها ويختموها لان تعتبر دائرة معترف بيها حكومياً ) ونصيحة لحد يجيب اجازة سوق مزورة ( كلك ) لان اغلب اجازات السوق المزورة تحمل نفس الرقم التسلسلي وممكن تسببلك مشكلة لان الرقم راح يدخل ضمن قاعدة البيانات وما يهم ان تكون اجازة سوق خصوصي او عمومي او دولية.)))

غير متصل عبسي

  • مبدع قسم الهجرة
  • عضو فعال جدا
  • *
  • مشاركة: 673
    • مشاهدة الملف الشخصي
رد: اجازة السياقة الدولية
« رد #7 في: 02:47 05/03/2010 »
شنو فكنزو انت غير مهندس ادري ما فد يوم رايح لنقابة المهندسين مجدد الهوية مطلع الهوية دافع اشتراك
حاجز قاعة الاعراس
المهم اكو كبالة نقابة المهندسين بالضبط فد شي اسمه الجمعية العراقية للسيارات حسب ما اذكر همة هناك يطلعولك الاجازة الدولية وباجراءات بسيطة
بالله هاي صايرة اني طالع من العراق صارلي خمس سنوات ادليك اووووووف اووووووووف

اخوك عبسي

غير متصل (بغدادي)

  • مبدع قسم الهجرة
  • عضو فعال جدا
  • *
  • مشاركة: 672
  • الجنس: ذكر
    • مشاهدة الملف الشخصي
رد: اجازة السياقة الدولية
« رد #8 في: 03:29 05/03/2010 »
الاخ worldgold

بالنسبة لكاليفورنيا فاجازة السوق الدولية او المحلية لن تفيد باي شيء وانا لدي اجازة سوق دولية جلبتها لنفس الغرض ولا استفاديت اي شيء..
مثلما ذكرت الاخت سرى نفس التفاصيل معمول بها في كاليفورنيا بالنسبة لاستخراج اجازة سياقة والخطوات كالتالي:

- تدخل على صفحة dmv.ca.gov وتحجز موعد اونلاين على الفحص النظري بالقوانين وخلال نفس الموعد سيتم عمل اختبار للنظر واخذ صورة شخصية ..طبعا لازم اتكون دارس القوانين والتي موجودة على نفس الصفحة قبل الامتحان وبالامكان تنزيلهة بنسخة بي دي اف ونتيجة الاختبار تعطى فورا بعدالانتهاء من الاختبار.
- عند النجاح تذهب فورا الى الموظفة المختصة بعمل مواعيد للاختبار العملي "اختبار السياقة" وتحددلك موعد وبيوم الاختبار يجب ان تاتي ومعك سيارة صديق مثلا وشخص مرافق والاختبار يكون بنفس السيارة وسيقوم الممتحن بمرافقتك لمدة 15-20 دقيقة سياقة ويعطيك النتيجة فورا بعد الانتهاء. هناك شخص عراقي في الكهون لديه شركة تعليم سياقة وهو يتكفل بعمل مواعيد مبكرة مع استخدام سيارته وتعليمك بعض المباديء لقاء مبلغ مالي.

بغدادي

عضو فرقة سان دييغو للحزب تنظيم الرفيق ابراهام لنكن

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
رد: اجازة السياقة الدولية
« رد #9 في: 03:44 05/03/2010 »
اشكرج اختي szsz لان هم حولتي السؤالين مالتي الى موسوعة
اني اعرف هاي الردود اللي نقلتيلياهه وحافضهه واندل وين موجوده بس محد جاوب على السؤالين مالتي بالضبط
ما طلبت من كل واحد يحجيلي على ولايته (لو محافظته) وانما اعيد:
هل احدكم سمع انه الاجازة الدولية الصادرة خارج امريكا تمنع تاخير الحصول على الاجازة الامريكية ببعض الولايات ولعدة اشهر

هاي بالنسبة لجماعة امريكا

اما بالنسبة للكل (السؤال الثاني) فاخوي عبسي حيل لكفهه
بس ما كلتلي يا مغترب صار مدري شكم سنة شنو التفاصيل
لان اللي تفضلت بيه كلناه
يالله بلكي هسه يجي فد واحد من ربعنه يشتغل وياهم وينورنه
(رسمية؟؟؟ وخصوصا للي اصلا ما عنده اجازة؟؟؟ وشكد بالضبط تكلف بالحالتين؟؟؟ وبدون تقفيص وبواري ههههههههه يعني اريد ابين لوتي وخايطهه من اروحلهم)

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
    • مشاهدة الملف الشخصي
رد: اجازة السياقة الدولية
« رد #10 في: 04:10 05/03/2010 »
ارجع لجوابي اخوية فنجنزو اني جاوبتك انه الاجازة الدولية تسرع مو تمنع!!!!!!!!

وكتلك همين كالونا لو جايبين الاجازة المحلية جان بعد احسن

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4470
  • الجنس: ذكر
    • مشاهدة الملف الشخصي
رد: اجازة السياقة الدولية
« رد #11 في: 04:35 05/03/2010 »
حبيبي الورده احنا بولايتنا قصدي بمحافظتنا هههههه محافظة(( مين )) الك حق تسوق بالاجازه الدوليه لمدة سنه طبعا ...وبالنسبه للاجازه العراقيه المحليه لايحق لك السياقه بها ...


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل عبسي

  • مبدع قسم الهجرة
  • عضو فعال جدا
  • *
  • مشاركة: 673
    • مشاهدة الملف الشخصي
رد: اجازة السياقة الدولية
« رد #12 في: 04:56 05/03/2010 »
الجمعية العراقية للسيارات: الإجازة المحلية للسياقة هي الأساس للحصول على الإجازة الدولية
03.02.2009
سعد کامل – بغداد

لاكثر من نصف قرن والجمعية العراقية للسيارات تمنح العراقيين المتواجدين في خارج البلد الصفة الرسمية لقيادة السيارات والتجوال بها في شوارع معظم دول العالم دون التعرض للمساءلة والتجاوز على القانون. تلك الجمعية التي تعود في زمن تأسيسها إلى بداية ثلاثينيات القرن الماضي وأصبحت عضوا في نادي السيارات بباريس عام 1954 انفردت طيلة عقود مضت كجهة غير حكومية معترف بها عالميا في منح العراقيين رخص قيادة دولية للسيارات بحسب رئيس الجمعية العراقية للسيارات صادق جبور.

ومن بين من قصد الجمعية العراقية للسيارات لغرض إصدار إجازة سياقة دولية أو تجديدها كان المواطن أحمد صلاح الذي أكد بأن تلك الوثيقة البسيطة تقدم تسهيلات كبيرة لمن يفكر من العراقيين بقيادة سيارة في شوارع العديد من الدول العربية والأجنبية.

أما المواطن علي ناجي والذي كان ضمن المتزاحمين على شباك إصدار الجوازات الدولية من الجمعية العراقية للسيارات، فتحدث عن أهمية تلك الرخصة التي قد تكون سببا في الحصول على فرصة عمل في الخارج.

ويبدو أن العديد من العراقيين في الخارج حرموا من فرصة قيادة سيارة أو العمل على متنها لعدم امتلاكهم لإجازة سوق محلية، أكد رئيس الجمعية العراقية للسيارات صادق جبور بأنها تقف في مقدمة الوثائق المطلوبة لمنح العراقيين إجازة سياقة دولية للسيارات، مشيرا إلى أن جزءاً من المسؤولية يقع على عاتق مديرية المرور العامة المستمرة بإيقاف إجراءات منح الإجازات المحلية لقيادة السيارات.

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3927
  • الجنس: ذكر
  • حبيبي ياعراق
    • مشاهدة الملف الشخصي
رد: اجازة السياقة الدولية
« رد #13 في: 05:15 05/03/2010 »
اخويه عبسي انته اخذت الاجازه وارتاحيت بس المشكله عندي الولايه الوحيده في كندا هي كالكري ما تعترف بالاجازه العراقيه دوليه او محلي ولازم تحسب من تاريخ اصدار الاجازه 7 سنه كامله الى ان يحقلك تاخذ الاجازه 5

تحياتي الى صاحب الموضوع

اسف لان اني في كندا ودا اعاني من اجازة السوق



اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
رد: اجازة السياقة الدولية
« رد #14 في: 06:35 05/03/2010 »
اختي
ركزي وياية شوية
اني كلت "تمنع تأخير"
ونفي النفي اثبات
مو؟؟
والشهر اللي تأخرتوه عادي هية اي معاملة تتأخر شهر
اني دأسأل على ولايات اللي ما عنده اجازة دولية بيهه يأخرون اصدار اجازة امريكية اله لمدة مثلا 3 او 5 او حتى 8 اشهر... اكو هيجي شي؟؟؟
اتمنى اسمع رأي بالذات من نيو جيرسي او ميريلاند مثلا ومن واحد متأكد او مار شخصيا بالموضوع

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
رد: اجازة السياقة الدولية
« رد #15 في: 06:42 05/03/2010 »
اخوية عبسي يعني ما سوينه شي
بس  اني سامع انه همه بفلوس يسوون العجايب
بس بلكي فد واحد مجرب يسولفلنه
شكد بالضبط التوريق؟؟؟ وشنو مصداقيتهه اذا بدون اجازة محلية ؟؟؟

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل worldgold

  • عضو فعال جدا
  • ***
  • مشاركة: 185
    • مشاهدة الملف الشخصي
    • البريد الالكتروني
رد: اجازة السياقة الدولية
« رد #16 في: 09:34 05/03/2010 »
الى الاخوة الاعزاء

الى الست سرى المحترمة..
الاخ الغالي البغدادي ملايين القبلات واعطر التمنيات..


ولكل الاصدقاء الذين اغنوا الموضوع بتجاربهم ومعلوماتهم وفقكم الله وحماكم


اخوكم

                                      WORLDGOLD

غير متصل maitham70

  • عضو فعال جدا
  • ***
  • مشاركة: 436
  • الجنس: ذكر
  • Maitham from Dallas
    • ياهو مسنجر - maitham.alkifaey
    • مشاهدة الملف الشخصي
    • البريد الالكتروني
رد: اجازة السياقة الدولية
« رد #17 في: 13:15 05/03/2010 »
حبي فنجوس اشلونك زين
اخويه اني قبل شهرين طلعت اجازة دوليه من الجمعية العراقية للسيارات
اول شي تكص وصل ب 50 الف دينار هذا رسم وجنسية واجازة سوق قديمة وجواز سفر حتى ينقلون اسمك نفس ماموجود بالجواز
اني ربع ساعه وخلصت الاجازة وها لازم هم وياك صورتين

بالنسبة لل ماعنده اجازة سوق قديمة اني سمعت انه انته تتعامل ويه الشباب الي واكفين بالباب بس شكد ياخذون ماادري هاي انته وشطارتك بس الوصل ثابت هوا 50 الف وشكد بعد تنطي فوكاه هاي يمهم

وبالنسبة للي يكلك هاي اجازه كلك ماادري شنو هاي اشاعات مال الطابور الخامس لان اني لكيت سواق جاي يجددون اجايزهم سالتهم هم تسوقون بيه بغير مكان كال اي هواي دول عربيه جاي نستعمل بيه هاي الاجازة
وبالنسبة الى امريكا هاي ماعندي علم بيه لان اني هم طلعته على مود امريكا

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
رد: اجازة السياقة الدولية
« رد #18 في: 16:52 05/03/2010 »
اشكرك حبيبي ميثم عالتجربة
اكلك هذوله "الشباب البالباب" حسب تعبيرك شنو موقعهم من الاعراب؟؟؟ يعني هم موضفين لو عرضحالجية لو شنو؟؟ وما سمعت او من بعيد عرفت شكد الrange مال اسعارهم او عمولاتهم؟؟

سؤال اللاخ ال50 الف ماليش اذا دتكول بربع ساعة يطلعوهه...يعني لا اختبار ولا امتحان...لو هي تسعيرة من الدولة (يعني الحجي بيني وبينك بشرفك ما انغثيت من دفعتلهم؟؟؟)

واهم سؤال شنو اصلا اللي دفعك لان تروح لبغداد وتطلعهه؟؟؟ يعني انت عارف فد شي خاص بالمكان اللي راح تروحله بامريكا؟؟؟ مثلا ممكن انت سامع مثل ما اني سامع انه فعلا الحصول على اجازة امريكية ممكن يتأخر ولعدة اشهر بينما وجود هالاجازة ممكن يسهل الامور عليك؟؟؟

ماكو ترك عمي ميثم واذا ما تجاوب كل الاسألة ما ندخلك بكلوريا

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل black cat

  • عضو
  • *
  • مشاركة: 21
    • مشاهدة الملف الشخصي
رد: اجازة السياقة الدولية
« رد #19 في: 18:29 05/03/2010 »
اخويه
اني ذاك الاسبوع جنت بالجمعيه العراقيه للسيارات وجانوا كاتبين اعلان بهالخصوص
الاجازه الدوليه يطلعوها بخمسين الف دينار ويعتمدون اجازه السوق اللي عندك
بس شكد تطول ماعرف لان همه امورهم ومواعيدهم كلش تعبانه
واذا تحب تفاصيل اكثر انشاء الله وره الانتخابات هم عندي روحه واستفسر لك بالتفصيل

غير متصل maitham70

  • عضو فعال جدا
  • ***
  • مشاركة: 436
  • الجنس: ذكر
  • Maitham from Dallas
    • ياهو مسنجر - maitham.alkifaey
    • مشاهدة الملف الشخصي
    • البريد الالكتروني
رد: اجازة السياقة الدولية
« رد #20 في: 19:18 05/03/2010 »
حبي واخوية العزيز اني اسمعت ابو الجاي الي من تدخل للبناية مال الجمعية راح تصير على ايدك اليسرى الكافتريا مالته هذا تكدر تشرب يمه جاي وتكله اشلون بيه اني محتاج اجازة بس ماعندي اجازة قديمة وشوف شنو رده راح يكون واذا غلس حاول على الولد الي واكفين بالباب FBS وهم عيد نفس السؤال والله كريم

حبي 50 الف هذا مال وصل الاجازة والفترة اقصى حد واذا مشغولين ساعه تتاخر بس اذا فارغين ربع ساعه بس يلزكون الصورة ويكتوبه ويختموه وينطوكياهه

وبالنسبة للي دفعني وطلعت اجازة دوليه نفس ماانته سمعت يعني اني ابن عمي بدلاص تكساس هوا الي كالي طلع اجازة هاي شويه تفيدك وتسهل امرك

حبي الي اعرفه والله على مااقول شهيد

غير متصل البحار68

  • مبدع قسم الهجرة
  • عضو فعال جدا
  • *
  • مشاركة: 698
  • الجنس: ذكر
  • بأنتظار الموافقة الامنية
    • مشاهدة الملف الشخصي
رد: اجازة السياقة الدولية
« رد #21 في: 20:28 05/03/2010 »
مثل ما أتفضل بيه الاخ ميثم خمسين ألف وبدون كلشي بس صورة من الجواز .. اني سويتها واني بمصر قبل سنة تقريبا .. وأصلية أكثر من مال رئيس الجمعية نفسه

أمنياتي الحلوة

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
رد: اجازة السياقة الدولية
« رد #22 في: 00:02 07/03/2010 »
اشكركم جدا عالاجوبة والتوضيحات
بلكي هسه يطلعلنا فد واحد من اخوانا جماعة امريكا يكون مار بهالشغلة حتى يأكدلنا اني واخوية ميثم وكل اللي ديدورون على هالشغلة ضرورة هالاجازة الدولية

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
رد: اجازة السياقة الدولية
« رد #23 في: 12:40 07/03/2010 »
وينكم اخوانا اللي بامريكا
مع الاسف
هذا المنتدى ساعد عشرات اذا مو مئات من الاعضاء قبل ما يوصلون لامريكا ويقررون مقاطعة المنتدى كليا او جزئيا
وصاروا يدخلون للمنتدى كضيوف لو بغير اسماء مثل الحرامية بس حتى يستفادون (شنو هالانانية!!)

بس على الاقل من واحد يسألهم مو المفروض يجاوبون !!!!!!!!!!!!!!

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل laser77

  • عضو فعال
  • **
  • مشاركة: 47
    • مشاهدة الملف الشخصي
رد: اجازة السياقة الدولية
« رد #24 في: 09:18 09/03/2010 »
السلام عليكم شباب
 اليوم رحت للدائرة اللي مكانها المنصور مجاور نقابة الجيلوجين واخذت ويايا صورة وحدة وجواز وطبعا اني عندي اجازا سوق قديمة وخمسين الف رسوم .
هاي المستمسكات المطلوبة وماكو عليها اي ازدحام وطلعتها بربع ساعة .وتوكلو على الله وسوها لان سهلة يمكن اسهل معاملة سويتها بحياتي.

بس اكو ملاحظة؟؟؟؟طبعا الموظفة تكولك دير بالك علينا لان احنا اثنين وتزركها  بخمسة وبعدين تكولك استريح بلصالة يجيك حجي يكولك شتشرب جاي لو حامض هم تنطي الف وبعدين من تكمل الاجازة يجي واحد يجيبها الك ويكولك اتاكد من الاسم بلانكليزي ويكولك دير بالك علي دزركة بجم الف؟؟؟؟؟ لان صدك شلون الراتب مايكفي لان هاي الدائرة ما بيها مراجعين وحقهم ؟؟ههههههههههههه

اخوكم laser77

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3927
  • الجنس: ذكر
  • حبيبي ياعراق
    • مشاهدة الملف الشخصي
رد: اجازة السياقة الدولية
« رد #25 في: 20:40 09/03/2010 »
اخوان السلام عليكم

مبارح اتصلت على صديق يحب سوالف التعقيب ويشتغل مثل الطماطه وين متريده يتخشخش وسالته عن الاجازه وكال حاليا اكو بس الدوليه وهي جدا سهله اذا عندك اجازه قديمه ولكن اذا ماعندك تجيك الاجازه وفوكاها بوسه ورسميه بس السعر ينظرب في 6 يعني تصير 300$ واصله الى الاردن وبدون اي عرقله واما عن الاجازات العمومي والخصوصي فهي محتمل في الشهر القادم يبلشون بيها
يعني الي عايش في بغداد يكدر يرتبها اقل من هذا المبلغ وانته وشطارتك




اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
رد: اجازة السياقة الدولية
« رد #26 في: 00:20 10/03/2010 »
حبيبي ليزر اشكرك على ذكر تجربتك بس اذا كلهه تريد توريق راح تطخ المليون  ;D ;D

اخوية الفريدو
توصلك للاردن بتلثمية (اذا اصلا ما عندك اجازة طبعا) فما عرفت شكد للي يروحلهم للمنصور؟؟

هسه اهم شي جماعتنه اللي بامريكا اللي مغلسين يفتولنا باهمية او فائدة هالشغلة
لان اذا مو كلش مفيدة بعد عليمن هالدوخة
مو؟؟

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3927
  • الجنس: ذكر
  • حبيبي ياعراق
    • مشاهدة الملف الشخصي
رد: اجازة السياقة الدولية
« رد #27 في: 00:33 10/03/2010 »
والله ياخويه ما اعرف لان اني حاليا في كندا وسابقا في الاردن يعني ما اعرف شي عن العراق من سنة 2005 وبالنسبه للمنصور اذا تروح هاي تتبع شطارتك شكد تدفع حسب الشخص (القفاص) الي تتعامل وياه  :D :D

وعلى كلامك اذا ما بيها فايده ليش تسوييها انشالله جماعة امريكا يصحون من نومهم قريبا ويردون عليك

بالنسبه لكندا ماتفيدك الدوليه غير بس اول 3 شهور تكدر تسوق بيها وبعدها ماتاكل





اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل ابو مسك

  • عضو فعال جدا
  • ***
  • مشاركة: 113
    • مشاهدة الملف الشخصي
    • البريد الالكتروني
رد: اجازة السياقة الدولية
« رد #28 في: 06:12 10/03/2010 »
اخوية العزيز

اني قبل شهرين سويت وحدة لصديقي عن طريق واحد اعرفه يشتغل بهاي الامور و ما كلفت غير 100$

بس انطيته نسخه من الجواز و نسخه من الجنسية و صورتين و ابوك الله يرحمه.

لا تدفع اكثر لا يقفصون عليك ديربالك

اخوك
ابو مسك

غير متصل اين انا 2

  • عضو فعال جدا
  • ***
  • مشاركة: 219
    • مشاهدة الملف الشخصي
رد: اجازة السياقة الدولية
« رد #29 في: 13:25 10/03/2010 »



السلام عليكم ....

اني طلعت اجازة دولية ب 2007 تقريبا كلفتي ورقة عدل لان مجان عندي اجازة عمومي تعرفون ورا الحرب مجان اكو اصدار اجازات بعد يعني المرور الي يوكفك يكولك بس سنوية والجنسية ...المهم الدائرة صايرة الي اعرفة بل منصور ..بس الي عنده اجازة عمومي متكلف اكثر 50 الف عراقي هاية بوكتها مااعرف هسة!!! ..وعادي اصولية وجنت اسوق بيها من جنت بلسويد....


ااااين ااااانا
4مااااان

غير متصل زيونة

  • عضو فعال جدا
  • ***
  • مشاركة: 145
  • الجنس: ذكر
    • مشاهدة الملف الشخصي
رد: اجازة السياقة الدولية
« رد #30 في: 20:16 10/03/2010 »
و عند جهينة الخبر اليقين .. أخواتي و أخواني الاعزاء اليوم أنا كنت بالجمعية العراقية للسيارات و مكانها في المنصور مقابل نقابة المهندسين و جوار جمعية الجيولوجيين العراقيين و الاجازة الدولية ما تطول أكثر من ربع ساعة أني سويت وحدة المطلوب أجازة سوق قديمة ( حتى لو كانت عندكم نسخة مصورة , اني سويتها بنسخة مصوره و مكبوسة يعني ماشية ) الرسوم 50 ألف دينار . أما أذا لم تكن هناك أجازة قديمة فأكو ولد هناك يسويها جوة العباية و أني وصيتة على أجازتين لآصدقائي و عصرتة عصر بالعملة طيعا بداْ بـــ 110 ألف دينار و أخير شيء و صلت وياة الى ألــ 75ألف دينار و المستمسكات المطلوبة نسخة من جواز السفر و صورة واحدة و أسم الولد ????? و رقم تليفونة ???????? أعزائي ألاعضاء أرجو عدم أعتبار هذا دعاية لهذا الشخص و لكن أنا كتبتة للمساعدة .

       أخوكم زيونة

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
رد: اجازة السياقة الدولية
« رد #31 في: 20:00 11/03/2010 »
صديقي زيونة
بلكي تشيله لرقم الولد وحتى اسمه
اني ادري انت خليته لمساعدة الناس وبحسن نية
وهم لمساعدة الولد لان خوش راح يجيه شغل

بس اريدك تشيل اسمه ورقمة عالسريع اذا متصير زحمة لسببين:
1. لان احتمال الولد لو ينعلس بكاتم صوت لو ينذب جوية باعتبارة مزور (مثلا السلطات الامنية يسووله كمين)
والخطية بركبتك
فشلك بهالشغلة
والوكت مو خوش وكت
هو اللي مهتم بالموضوع يروح برجليه ويلكه هالولد او غيره هناك
لان احنه لمحنه لوجود شغلات "من جوة العباية"

2. منتدانا منتدى عراقي محترم
وما اعتقد راح الادارة وقبلهه احنه نقبل على نفسنه ان نشجع ونسوي دعاية لمواضيع غير قانونية
ولو هواي شغلات بالعراق مو قانونية
بس منتدانا حدي بهيجي امور

الك كم ساعة اذا ما مسحت رقم واسم الولد من ردك راح اضطر انبه المراقبين حتى يمسحوهه عنك
واني اسف ليكدام

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
رد: اجازة السياقة الدولية
« رد #32 في: 20:18 11/03/2010 »
بالمناسبة
بشارة للجميع
اليوم بالحرة طلعوا خبر عن المرور بالديوانية مرتبين الاجهزة الالمانية وبدوا اليوم ينقلون ملكية سيارات ويسوون سنويات ولوحات للسيارات ويطلعون اجايز هم
والظاهر هالايام راح تبدي بكل العراق

يبقى السؤال:
شكد تفيد الاجازة المحلية؟؟؟؟

وشكد تفيد اذا دفعنه الخمسين الف دينار وسويناهه دولية؟؟؟

طبعا بامريكا

واريد الفوائد من ناحية الفلوس
والوقت (يعني التأخير)
واداء الامتحانات او الغائهه


بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
    • مشاهدة الملف الشخصي
رد: اجازة السياقة الدولية
« رد #33 في: 20:59 11/03/2010 »
can I answer

غير متصل زيونة

  • عضو فعال جدا
  • ***
  • مشاركة: 145
  • الجنس: ذكر
    • مشاهدة الملف الشخصي
رد: اجازة السياقة الدولية
« رد #34 في: 03:04 12/03/2010 »
 ألاخ العزيز فنجنزو
لقد تم رفع الاسم و الرقم و فقط حتى لا بتم تفسيرها بقصد أخر ؟؟؟؟؟ بس أني اللي خلاني أكتبة هو ذكر بعض الاخوان أنة يسووها بورقة وحتى بــــ 150000 دينار هاي شغلة الشغلة الاخرى هذة الاجازة هي رسمية و غير مزورة للعلم فقط و أني طلعت ثلاث أجازات لي و لجماعة أصدقاء و الشغلة التي يساعدوك فيها التغاضي على الاجازة المحلية و التي حرم الكثير منها بسبب ظروف البلد الغير طبيعية و ألا أذا ذكرت لهم أن أجازتك المحلية مفقودة فأجرائاتهم الرسمية يعطوك كتاب الى المرور العامة قرب ملعب الشعب للتأييد برقم ألاجازة المفقودة و تعود اليهم لآستخراج الدولية بعد الجهد و المبلغ المقسوم الذي تدفعية للمرور  و تطلع البطانة أغلى من الوجه و في النهاية أود أن أشكرك أولا" على مرورك على الموضوع و ثانيا" على حسن ظنك بي لجلبي شغل للولد و الشغلة الثالثة لآنة نبهتني أنة هذا منتدى محترم ؟؟؟؟؟؟؟؟ بس الشغلة اللي ما عرفتها هذا شلونة الكاتم اللي يشتغل على الموبايل . اشكر سعة صدرك لتقبل ردي .  

أخوك زيونة

غير متصل زيونة

  • عضو فعال جدا
  • ***
  • مشاركة: 145
  • الجنس: ذكر
    • مشاهدة الملف الشخصي
رد: اجازة السياقة الدولية
« رد #35 في: 08:52 12/03/2010 »
الاخت العزيزة سرى
أنا أسف على هذا الخطاء الذي حصل مني و المقصود بالرد هو الاخ فنجنزو أرجو قبول أعتذاري مرة أخرى .

أخوج زيونة

غير متصل زيونة

  • عضو فعال جدا
  • ***
  • مشاركة: 145
  • الجنس: ذكر
    • مشاهدة الملف الشخصي
رد: اجازة السياقة الدولية
« رد #36 في: 09:10 12/03/2010 »
ألاخت سرى
تم تصحيح الخطاء و رفع أسمك .

أخوج زيونة

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
رد: اجازة السياقة الدولية
« رد #37 في: 14:48 12/03/2010 »
زيونة
اشكرك على رفع الاسم والرقم

ماجلان
شكرا لك على اغناء الموضوع بمعلوماتك حول محافضة كاليفورنيا المخالفة

szsz
you told me a while ago that you'd be answering everything and putting all of your experience here
but it seems to me that you've forgotten to do so somehow
but the weird thing is that you're asking for permission now!!!!!
what's up???
go ahead and write whatever you think is helpful

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
    • مشاهدة الملف الشخصي
رد: اجازة السياقة الدولية
« رد #38 في: 04:41 13/03/2010 »
يبقى السؤال:
شكد تفيد الاجازة المحلية؟؟؟؟

تفيد هواية يمنا بفرجينيا لان زوجي لمن امتحن الvision test والsigns test انطوه وراها اجازة لمدة 30 يوم وكالوله خلال هاي المدة حاول تجيبلنا الاجازة المحلية مالتك حتى نبدللك الرخصة مال الشهر الى رخصة عادية اصولية (وما يقبلون نسخة الا الاصلية) واذا ما جبتها تخضع لامتحان الroad test


وشكد تفيد اذا دفعنه الخمسين الف دينار وسويناهه دولية؟؟؟


اولا: انت مو تسويها دولية للتوضيح للاخوة الاعزاء انت تسوي وحدة دولية وطبعا تبقى عندك المحلية!

ثانيا: نجي للفائدة، الفائدة من ناحية اختصار الوقت: انت من تنطيهم الدولية بفرجينيا ما يمتحنوك الامتحان النظري وهاي تفيد بشغلتين (1) وفرت وقت وجهد. و(2) بالنسبة للاخوة اللي شوية انكليزيتهم ضعيفة هواية راح يستفادون لان خلصوا من امتحان نظري كله بالانكليزي!!!!! احسن مما يظلون يدورون ترجمة ومدري شنو!!

هسه انت خلصت من النظري شنو يبقالك؟ يبقى 3 امتحانات فاذا جايب المحلية الاصلية راح تخلص من الroad test ويبقالك امتحانين بس هم الvision test وامتحان بعلامات الطريق وهاي هم سهلة شوية تسج العلامات وتمتحن!


غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
    • مشاهدة الملف الشخصي
رد: اجازة السياقة الدولية
« رد #39 في: 04:56 13/03/2010 »
((واريد الفوائد من ناحية الفلوس))

هنا ما دفعنا اي شي ما اعرف ببقية الولايات


والوقت (يعني التأخير)

كل امتحان انت تخلص منه هو اختصار للوقت والجهد وفلوس المواصلات هم لاتنساها ههههههههه


واداء الامتحانات او الغائهه:

من تجيب الدولية ----------> تخلص من النظري الغضب!!!!

من تجيب المحلية الاصلية -----------> تخلص من الroad test وتكسب وقت وجهد بانه مو تاخذ اجازة مؤقتة وبعدين تمتحن وتاخذ دائمية لا، من تجيب المحلية وياك وتكمل الامتحانين اعلاه راح تاخذ اجازة راسا!!!!


اتمنى انه يكون الشرح كافي واني بالخدمة
 
 
 
 

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
رد: اجازة السياقة الدولية
« رد #40 في: 15:37 13/03/2010 »
المخطط التالي يوضح السالفة كلهه
هواي تعبت بيه
اتمنى انه فد واحد يطلعلي اخطاء اذا اكو

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل Cpt_Ali

  • مبدع قسم الهجرة
  • عضو فعال جدا
  • *
  • مشاركة: 547
  • الجنس: ذكر
  • Lakewood, Colorado
    • مشاهدة الملف الشخصي
    • http://www.liveleak.com/user/IRAQI_TRANSLATOR_USMC
رد: اجازة السياقة الدولية
« رد #41 في: 17:06 13/03/2010 »
بس سؤال بدون زحمه, اني عندي اجازة محليه بس (مزورة), وعندي اجازة دولية بس اصلية (وروح امي مو مزورة ;D) بس تاريخها منتهي صار سنه تقريبا, فهل تمشي الاجازة الدولية بأمريكا من اريد اقدم على الاجازة سوق الامريكية حتى لو تاريخها خلصان؟ لو لازم اتكون الاجازة الدولية Valid؟
אלוהים ברך את אמריקה וישראל


غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3927
  • الجنس: ذكر
  • حبيبي ياعراق
    • مشاهدة الملف الشخصي
رد: اجازة السياقة الدولية
« رد #42 في: 19:37 16/03/2010 »
و عند جهينة الخبر اليقين .. أخواتي و أخواني الاعزاء اليوم أنا كنت بالجمعية العراقية للسيارات و مكانها في المنصور مقابل نقابة المهندسين و جوار جمعية الجيولوجيين العراقيين و الاجازة الدولية ما تطول أكثر من ربع ساعة أني سويت وحدة المطلوب أجازة سوق قديمة ( حتى لو كانت عندكم نسخة مصورة , اني سويتها بنسخة مصوره و مكبوسة يعني ماشية ) الرسوم 50 ألف دينار . أما أذا لم تكن هناك أجازة قديمة فأكو ولد هناك يسويها جوة العباية و أني وصيتة على أجازتين لآصدقائي و عصرتة عصر بالعملة طيعا بداْ بـــ 110 ألف دينار و أخير شيء و صلت وياة الى ألــ 75ألف دينار و المستمسكات المطلوبة نسخة من جواز السفر و صورة واحدة و أسم الولد ????? و رقم تليفونة ???????? أعزائي ألاعضاء أرجو عدم أعتبار هذا دعاية لهذا الشخص و لكن أنا كتبتة للمساعدة .

       أخوكم زيونة


اخويه زيونه ممكن تعطيني رقم الشخص لان بصراحه اني بكندا وماعندي غير اهل زوجتي بالعراق ومايكدرون يطلعوها لان ( ع البركه ) اتمنى ان تعطيني الرقم لان اني بحاجه للاجازه الدوليه
اذا ممكن تبعثه ع الخاص وذلك حتى لا نؤذي هذا الشخص
اتمنى من الاخوه اذا عدهم اي شخص يسويها خلي يبعثلي عنوان او رقم تلفون حتى تسهل عليه

اشكركم اخواني مقدما


اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
    • مشاهدة الملف الشخصي
رد: اجازة السياقة الدولية
« رد #43 في: 23:42 16/03/2010 »
بالنسبة للاجازة الدولية لازم تكون valid (وتعتمد انت بيا ولاية اكو ولايات حسب ما عرفنا من الاخوان انه ما يعترفون حتى بالدولية)

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3927
  • الجنس: ذكر
  • حبيبي ياعراق
    • مشاهدة الملف الشخصي
رد: اجازة السياقة الدولية
« رد #44 في: 00:10 17/03/2010 »
اشكرك اختي العزيزه سرى

انا في كندا مقاطعه البرتا  كالكري

واشكر اخويه زيونه على المساعده






اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل strawberry 81

  • عضو فعال
  • **
  • مشاركة: 49
    • مشاهدة الملف الشخصي
رد: اجازة السياقة الدولية
« رد #45 في: 04:52 20/03/2010 »
مرحبا اخوان اني برايي الشخصي انو اذا الواحد يكدر يطلع اجازه دوليه من العراق وتحت اليد موغلط انو الواحد يطلعها يستفيد منها في يوم ما؟؟؟؟؟؟؟ من يرجع للعراق بس بامريكا ما اعتقد رح تكون الها ذيج الفائده .اخوان تره الحصول على اجازة السوق هنا مو فد بك ديل على كولة اخوانا الامريكان ;Dاني بحياتي مسايقه بالعراق بالرغم من اصرار الاهل على تعلم القيادهامتحان النضري اللي على الكمبيوتر من اول مره اجتازيته والعملي ثاني مره ;D اجتازيته ابدا مو صعب والنظام المروري هنا جدا ممتاز وجدا سهله القياده هنا والناس هنا تحترم القانون والانظمه المروريهيعني لتشيلونهم امتحان السوق ابدا والله يسهل للجميع

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
    • مشاهدة الملف الشخصي
رد: اجازة السياقة الدولية
« رد #46 في: 22:44 25/03/2010 »
بس احب اضيف نقطة مهمة انه اجازة السياقة العراقية او الدولية وحسب ما عرفنا مؤخرا ما راح تعفيك من العملي يعني ورة شهر من استلامك للاجازة المؤقتة (لان هي مدتها شهر) راح تمتحن عملي والامتحان يقال انه جدا بسيط

غير متصل BaghdadGhost

  • عضو مميز جدا
  • *****
  • مشاركة: 2523
  • الجنس: ذكر
    • مشاهدة الملف الشخصي
رد: اجازة السياقة الدولية
« رد #47 في: 08:22 26/03/2010 »
فنجز ..... خلي يولن ههههههههههههه

ما اعرف كالتلك جانس بان تشاوفنه وطلعت وياها ,,, لك هاي شنو هاي البنية وردة مال الله و عدهه كلب يسع الكرة الأرضية ,,,,,, جاي ارتب وياها خوش ترتيبات على شغلة اثاث للعوائل العراقيين الي هنانة


مشتاقين

غير متصل worldgold

  • عضو فعال جدا
  • ***
  • مشاركة: 185
    • مشاهدة الملف الشخصي
    • البريد الالكتروني
رد: اجازة السياقة الدولية
« رد #48 في: 02:22 27/03/2010 »
كل الود وارق المعاني العطرة لاعضاء المنتدى الكرام ،،

ورد في اجابة الاخ العزيز ** البغدادي ** عن شخص عراقي بالكاهون - كالفورنيا بخصوص اجازات السياقة ارجو منة ارسال التفاصيل الكاملة عنة ..

مع الشكر والتقدير

خوكم

                     WORLDGOLD

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
رد: اجازة السياقة الدولية
« رد #49 في: 15:54 27/03/2010 »
هاي شنو علاوي
يعني بكد عبارة خلي يولن لو بس كايلي انت اخذت وياك بوكتهه دولية لو لا
لان تذكر بوكتهه انت مرة سولفتلي على هيجي شغلة

عود سلملنه على بتهه الحلوة
اني وكل عائلتهم دائما عالمسنجر دك تحشيش قابل مثلك حتى حاسبة ما عندك

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3927
  • الجنس: ذكر
  • حبيبي ياعراق
    • مشاهدة الملف الشخصي
رد: اجازة السياقة الدولية
« رد #50 في: 17:11 27/03/2010 »
اخواني اخواتي الاعظاء السلام عليكم

اخوان اليوم وصلتني الاجازه من بغداد الى كندا وطبعا اشكر صاحب الموضوع
 واشكر اخويه زيونه لان ساعدني باعطائي عنوان الشخص وبصراحه ماطولت والحمدلله هسه استلمتها
بس اخواني اجتي الاجازه وبيها بس انكليزي مطبوعه طبع اسمي ومواليدي وجنسيتي ....
طيب مو المفروض بالعربي هم تنطبع لو لا ؟؟؟؟




اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل زيونة

  • عضو فعال جدا
  • ***
  • مشاركة: 145
  • الجنس: ذكر
    • مشاهدة الملف الشخصي
رد: اجازة السياقة الدولية
« رد #51 في: 20:02 28/03/2010 »
أخي العزيز الفريدو
لا شكر على واجب و أني بخدمة أي واحد ممكن أساعدة .
تقبل تحياتي

أخوك زيونة :D

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
    • مشاهدة الملف الشخصي
رد: اجازة السياقة الدولية
« رد #52 في: 15:58 01/04/2010 »
من الاشياء اللي عرفتها انه اني ممكن امتحن الامتحانات النظرية والعلامات وغيها ويبقى بس اختبار الطريق ممكن امتحنه بعدين يعني من اكمل هاي الامتحانات واخذ النتيجة انه اجتازيتها ينطوني بيرمت واللي هو رخصة انه اسوق بس لازم يكون جالس الى جانبي شخص يحمل رخصة السياقة والرخصة تكون لمدة كالفية يعني ممكن اتعلم السياقة بهاي الفترة وبعدين امتحن الroad test

غير متصل sportman

  • عضو
  • *
  • مشاركة: 10
  • منتديات عنكاوا
    • مشاهدة الملف الشخصي
    • البريد الالكتروني
رد: اجازة السياقة الدولية
« رد #53 في: 06:36 08/10/2014 »
اخوان اني حاليا في امريكا ولاية نيفاد قريت كل الموضوع بخصوص اجازة السوق ولكن بس اريد احد يوضحلي كم شغلة اني عندي اجازةالعراقية المحلية وعندي دولية 1- شلون اترجمهم يعني وين وهل اكو شخص يعرف عنوان فد منظمة اهنا ادزهة الهم ؟مو شرط بولايتي يعني اي مكان بس المهم الترجمة والاعتماد عليها لغؤض الترجمة وبعدين شلون بالضبط راح ايكون الاجراء وشكرا لكم

غير متصل raadshab

  • عضو فعال جدا
  • ***
  • مشاركة: 218
    • مشاهدة الملف الشخصي
    • البريد الالكتروني
رد: اجازة السياقة الدولية
« رد #54 في: 09:10 08/10/2014 »
الشلام عليكم اخي العزيز انا اعيش في ولاية تكساس واحب اضيف شغلة للاجازة ربما بعض الاخوة يستفادون منهة الاجازة العراقية المحلية والدولية غير معترف بها هنا في الولاية واضن في امريكة ربما نفس القانون في كل الولايات بلنسبة للاعتراف في اجازة السياقة ملاحضة مهمة  جدا الاجازة سهلة جدا وليست صعبة اسهل من العراق اني طلعة اجازة الي ولزوجتي وثنينة لغة ما عدنة فقط تلكالك شخص يساعدك بمتحان النضري اولاين  بفلوس او بلاش واني افضل بفلوس لان ضليت شهر ورة البلاش كل واحد اكلفة بلموضوع وقت ما عندة وفعلان يرادلهة وقت ويبقة العملي تروح ورة ميحددولك موعد تمتحن ومتحان كلش سهل مو صعب .صعوبة الموضوع تتحمل اول شهرين بدون سيارة .هذه الحجي من تجربة شخصية وياي صارت لان بلمتحان مال العملي اخبرتهم عندي اجازة دولية اخبرتني الموضفة غير معترف بها

غير متصل atheer jbaar

  • عضو
  • *
  • مشاركة: 29
  • منتديات عنكاوا
    • مشاهدة الملف الشخصي
رد: اجازة السياقة الدولية
« رد #55 في: 12:54 09/10/2014 »
هسه تأكدت من زوجي هو من رايح سائليه على اجازة السوق العراقية (المحلية مو الدولية) وطبعا هو ما عنده لان الدولية هي كلاوات فكاللهم ما جبتها عفتها بالعراق فكالوله لو موجودة كان طلعنالك اجازة سياقة دائمية permanent فاختبروه مثل ما كتلكم vision test وبعدين امتحان بالعلامات المرورية وانطوه اجازة سياقة مؤقتة لمدة 30 يوم اما انه يجيبلهم الاجازة المحلية مال العراق او لازم يدخل امتحان يسموه الroad test وسمعنا من ناس عرب هنا انه هذا الامتحان بس تكعد بالسيارة ينتبه عليك شلون دتسوق واذا شافك اوكي يكوللك هاي هية وينطوك الدائمية



اختي العزيزه تحيه طيبه

يعني الي عنده اجازة السوق العراقيه ... يعطونه باميركا اجازة سوق دائميه ؟

لو تقصدين اذا كان عنده اجازه دوليه يعطونه دائميه ؟ 

تحياتي الك

غير متصل ام محمد العراقية

  • عضو فعال جدا
  • ***
  • مشاركة: 486
    • مشاهدة الملف الشخصي
رد: اجازة السياقة الدولية
« رد #56 في: 01:23 10/10/2014 »


اخ raadshab وعليكم السلام
تروح للقنصلية العراقية بوﻻيتك ترجمها
وبعدين تاخذها الى دائرة المرور وينطوك عليها موعد امتحان
تقريبا ثاني يوم

الشلام عليكم اخي العزيز انا اعيش في ولاية تكساس واحب اضيف شغلة للاجازة ربما بعض الاخوة يستفادون منهة الاجازة العراقية المحلية والدولية غير معترف بها هنا في الولاية واضن في امريكة ربما نفس القانون في كل الولايات بلنسبة للاعتراف في اجازة السياقة ملاحضة مهمة  جدا الاجازة سهلة جدا وليست صعبة اسهل من العراق اني طلعة اجازة الي ولزوجتي وثنينة لغة ما عدنة فقط تلكالك شخص يساعدك بمتحان النضري اولاين  بفلوس او بلاش واني افضل بفلوس لان ضليت شهر ورة البلاش كل واحد اكلفة بلموضوع وقت ما عندة وفعلان يرادلهة وقت ويبقة العملي تروح ورة ميحددولك موعد تمتحن ومتحان كلش سهل مو صعب .صعوبة الموضوع تتحمل اول شهرين بدون سيارة .هذه الحجي من تجربة شخصية وياي صارت لان بلمتحان مال العملي اخبرتهم عندي اجازة دولية اخبرتني الموضفة غير معترف بها

غير متصل awssss

  • عضو مميز
  • ****
  • مشاركة: 1050
  • أللهم أكفني بحلالك عن حرامك وأغنني بفضلك عمن سواك
    • مشاهدة الملف الشخصي
رد: اجازة السياقة الدولية
« رد #57 في: 11:24 10/10/2014 »
الاخت ام محمد انا لدي اجازة مدنية المانية اذا ترجمتها في تركيا .هل يمكنني ان اجري فقط اختبار عملي.هل تفيد ام لا لان البعض يقول تفيد والبعض يقول غير معترف بها.ارجو الافادة من شخص لديه تجربة شخصية.احترامي