الوالدين الكبار بالسن واسرع طريقه سحبهم من العراق

[bnt baghdad]

اخواني اني جيت لعمان لوحدي لانه عندي والدي مريض باعراق عنده مرض بظهرة وصارلي 9 اشهر بعمان وصلت معاملتي دا انتضر رد من لجنه المحلفين بعد استلام ضرف 5_12 ومن اتوطنت ما سالوني منو تريدين اتضيفين بالملف فا ما عرفت وما ضيفت والدي بالملف واني هسه فاقدر اضيف والدي بالملف وشنو اجراءات السريعه صدق اتاخر اذا اجه ابويه لعمان وتتعرقل المعالمه اذا خليتا بملفي  لو انتضر من تصير معاملتي وبعدين اخلي والدي يجي لعمان واسويله سحب شولون وشكرا

[Karadi]

اختي العزيزة

مادام انتي صاحبة القضية الرئيسية؟؟

تكدرين ترفقين واحد من اهلج من الدرجة الاولى بل ملف مالتج بس كون قبل المحلفين؟؟

الله يكون بعونج

[عاشق الصمت والهدوء]

بصراحة يا اختي العزيزة لو كان من البداية شاملة والدج الله ينطية الصحة ويعافيه بملف قضيتج ....بس ممكن تتصلين على الاي او ام هنا بعمان وتتاكدين اكثر ........واساليهم همه يجاوبوج ................... والله يحفظ الموجودين من الاعضاء الكرام بهذا المنتدى انشاء الله ما يقصرون عن الاجابة عن استفسارج

[عكعك التطوى]

اختي الفاضله تستطيعين ان تضيفين والدك او اي قريب من الدرجه الاولى بوضعك الحالي وعند خيارين

الاول
يحضر والدك الى عمان ويقدم على الكيس مالتك لان يعتبر تابع لصاحب الكيس الرئيسي
ولكن له كيس ورقم منفصل عنك وبهذه الحاله راح يقابل المقابلات الاوليه ومقابله المحلفين
وبعدها الفحص والامنيه  وموعد السفر فاذا رغبتي بربط كيس والدك مع كيسك بربط قوي
يتوجب عليك انتظاره لحين تكمله الاجراءات التي ذكرتها هذا في حاله انك اكملتي الاجراءات
وحصلتي على الموافقه الامنيه قبله

اما الخيار الثاني

يحضر والدك الى عمان ويقدم على الكيس مالتك بنفس الطريقه الاولى وتطلبين ان يكون الربط
بينكم ربط ضعيف فبهذه الحاله سوف لايؤثر عليك بشيء فحالما تكملين الاجراءات وتحصلين
على الموافقه الامنيه ويتحدد لك موعد سفر تستطيعين السفر وحالما يكمل والدك الاجراءت
ويحصل على الموافقه الامنيه سوف يلحق بك لاحقا

وبالنهايه الامر كله مرهون بالموافقه الامنيه فمن المحتمل تكون موافقه والدك تخرج قبلك

تحياتي