مراحل اللجؤ عن طريق اليوان بالامارات

[شجرة الدر]

اخوتي واخواتي هذه الصفحه تكون للاجئي الامارات ويتم فيها طرح المده من التقديم الى السفر لكي تعم الفائده للجميع طبعا مع الاحتفاظ بسرية القصه لان كل واحد وله قصته وخصوصية موضوعه يعني فقط التقديم وتواريخ المقابلات وانتظار الامنيه والدوره التقيفيه واجراءات السفر ومواعيد السفر لكي يكون موجود والجميع يستفاد حتى في حالة سفر العضو وانشغاله بأمور الحياة بامريكا وانقطاعه نوعا ما من المنتدى فيكون مرجع للاخوه الباقين في بداية مشوارهم واسوة بأخوتنا الاعضاء جماعة مصر وجماعة سوريا ولو اكو قسم من الاخوه العراقيين ما يحبون يفصحون عن مراحل اللجؤ ويستعينون بقضاء حوائجهم بالكتمان بس اخوتي لمنفعة الجميع ومصلحة الكل فوق مصلحة الفرد اختكم شجرة الدر

[ام الحلوين]

 فكرة حلوة جدا ...اتمنى نكون جديين فى الموضوع...............
عاشت ايدج اخت شجرة الدر
بالنسبة الى ...احن فى بداية التقديم الى اللجوء وفى مرحل تجهيزات وتهيئة ثبوتيات القصة ..؟؟؟
بس الاخ كريستوفر كلى قدمى عن طريق iom.........بصراحة انى جديدة فى الموضوع وما اعرف شنو iom؟؟؟؟
يا ريت تشرحو لى وين مكانها؟؟؟؟؟؟؟؟؟؟؟؟؟
زين اذا واحد مشتغل مع اى منظمة اوروبية يفيد ولا لا؟ ؟؟؟؟
وشكرا لتعاونكم

[شجرة الدر]

اختي العزيزه ام الحلوين بالنسبه الج اذا انت مشتغله ويه الامريكان يحقلج تقدمين تقديم مباشر على IOM واذا انت ما مشتغله ويه الامريكان تقدمين على اليوان اما المنظمه الاوربيه ما تفيد بشئ والمنظمه مال IOM لازم تقدمين عليها عن طريق الاردن او مصر او سوريا اما الامارات لازم عن طريق اليوان ومنها تحولج للتوطين وان شالله خير اختي العزيزه واي سؤال اني حاضره

[والله حيرة]

اولا:- تقديم طلب اللجوء 8/2006 قبل فتح مكتب مفوضية اللاجئين
ثانيا:- الاتصال بي من قبل المفوضية لغرض مل الاستمارة الخاصة باللجوء بداية 2009
ثالثا:- المقابلة الاولى بعد تقديم الاستمارة بحدود شهر تقريبا
رابعا:- المقابلة الثانية بعد المقابلة الثانية بحدود 6 اشهر
خامسا :- المقابلة الثالثة (المحلفين) بعدها باسبوع
سادسا:- الفحص الطبي بعد 9/2009
سابعا:- الدورة التثقيفية 9/2009

ودمتم

ملك الحيرة

[شجرة الدر]

1- تقديم طلب اللجؤ في 1/2006 من الامارات

2- ارسال فورم اللجؤ في 1/2007

3- الاتصال من قبل المفوضيه على المقابله لشرح القصه 11/2008

4- المقابلة الثانية في المفوضيه مال التوطين 12/2008

5- مقابلة المنظمة ICMC في 2/2009

6- اخذ بصمات في السفاره الامريكيه قبل المقابله مال المحلفين في 5/2009

7-مقابلة المحلفين في بداية 7/2009

8- دوره تثقيفيه

لكن بدون فحص طبي
توجد موافقة محلف  وقيد التحقيق الامني لحد الان وان شالله الله يفرجها لان تعبنه من الانتظار يارب فرجك
وها انا معكم انتظر الله يسهل علينه وعلى الجميع ولا جديد لحد الان اختكم شجرة الدر

[Zozzz]

السلام عليكم اخوان واخوات


شكرا اختنه العزيزة شجرة عله هاي المبادره الحلوة ياوردة....

اما بالنسبة الام الحلوين وموضوع ال اي او ام اني كتبتلج عن ال اي او ام باختصار ... بالموضوع مالتج ولو اعرف اختنه شجرة كاتبتلج جان متعبت ايدي وكتبت لانه اخت شجره كفت ووفت ودمتم

اخوكم
ابو الزوز

[شجرة الدر]

اشكرك اخي الغالي ابو الزوز وان شالله عن قريب نسمع الاخبار الحلوه عنكم يارب وينطوك الفورم تمليه وتدعيلي يارب ههههههههههههه ونشوفك متحول لاحسن دوله ترتاح بيها والله يفرج علينه وعليكم اللهم امين بفرج عاجل غير اجل واذا حولوك امريكا فأنشالله نلتقي هناك بأذن الله اختكم شجرة الدر

[شجرة الدر]

للرفع

[help]

ممكن العنوان ورقم ال iiom في ابو ظبي

[شجرة الدر]

اخونه help لا توجد iom  بالامارات وفقط توجد يوان بابو ظبي في منطقة الخالديه

[help]

اذا ممكن العنوان الكامل والتلفون

[شجرة الدر]

اخي العزيز العنوان مال اليوان بمنطقة الخالديه بابو ظبي قرب السفارة التركيه والسفاره البحرينيه

ورقم تلفونهم 026677668 واعذرني عالتاخير اخونه الكريم اختكم شجرة الدر

[شجرة الدر]

للرفع

[ملك الحيرة]

للتصحيح...اسم المنطقة البطين وشكرا

[شجرة الدر]

عاد اعذرني اخي ملك الحيره اذا المنطقه غير مضبوطه لان انا ليس من سكنة ابوظبي وهي بجنب السفره البحرينيه والتركيه وان شالله خير للجميع

[razak]

شلونكم شلع
كلولي هو اكو لجؤ من الامارات وشلون ممكن التفاصي يعني ينطون ورقه للجؤ للشخص وبعد ماكو حق ايطردوه من الامارات على اعتبار هو مجاوز لو اشلون
شكرا

[vaio]

شكرا للاخت شجرة الدر على الموضوع المفيد

بالنسبة الي 
التقديم الاول 26/4/2009

وبعد الاتصالات العديدة  كان الجواب انتظر
والله كريم بس خايفين الروج ياخذنا غفل الله يستر الجميع

اخوكم فايــــــو

[physicist]

السلام عليكم
اختكم الفيزياوية ....
التقديم لاول مرة في الشهر  8 لسنة 2008
والمقابلة الاولى في شهر    11لسنة 2008
والمقابلة الثانية  في شهر  7  لسنة 2009
والمقابلة المحلفين بعد اسبوع
وافحص الطبي  في شهر 8  لسنة 2009
والدورة التثقيفية  في شهر  10 لنفس السنة
ولحد الان انتظر  موعد السفر

[vaio]

اخوية ابو الزوز لا تنقهر ولا تغث نفسك ابعثلي رسالة عالخاص واحجيلي التفاصيل وانشالة نتعاون ما دام احنا همنا واحد

[شجرة الدر]

اشكركم جميعا واشكرج حبي ام عبدالله على سؤالك عليه والله كان عندي ظرف طارئ وغبت فتره طويله عن منتدانا الغالي وعن حبايبنا الله لا يحرمنه منكم ومن سؤالكم علينا وان شالله نتواصل وما ينقطع تواصلنا اختكم شجرة الدر

[شجرة الدر]

اخي العزيز ابو الزووووووووووز اعذرني على الانقطاع اما بالنسبه لسؤالك اللي سألتنياه عالخاص فماكو هيج كلام وسألتلك من مصادر موثوقه اما عن تواجد المحلفين فقد كانوا بالامارات الاسبوع السابق وتم فرز الملفات من قبلهم وختم الملفات التي تحتاج الى ختم وان شالله تبدأ المقابلات الشهر السابع والله يقدم الخير للجميع اختكم شجرة الدر

[شجرة الدر]

اخوان جماعة الامارات شو لا حس ولا خبر مع العلم قسم تحولت ملفاتهم على السفر يمعودين وينكم الله يسهل عالجميع

[tantonee]

اخوان اعزاء اشو اني هم هنا رحنا ابوظبي على اليو ان و كلو الا عن طريق الميل و كتبنا رسائل عربي و انكليزي و نخابر يكلون الله كريم و هذاك يوم و هذا يوم صار يمكن سنة و نسمع اشاعات ناس طلعت و جتي وجبة جديدة و ناس بالفحص بس الصدك شنو ؟؟؟؟ ما ندري و شكراً. 

[شجرة الدر]

هلالالالالا ومليون هلالالالالالالا بيك اخويه ابو الزوووووووووز والله اكلك اللي يغيب يجيب الغنايم واني جنت بعمان اشوف خالتي مسويه عمليه مال قلب بس روحت الكشره حشاك والله بهذله عمان يبووووووووووو ما تنجرع بس شنو بيها اللاجئين مدللين يمعود خوما مثلنه ما نستر نرفع التلفون عاليوان هناك يأمرون واليوان تنفذ رواتب وعلاج وتسريع بالمعاملات واليوان تركض وراهم مو مثلنه نركض وره عبدو ومدام مي ومحد معبرنه الله يساعدنه اما عن شغلتي وره ما كملت كلشي حتى الملف انختم انطلبت الامنيه مره ثانيه ويكلي الموظف ابو الاي سي ام سي بس تطلعون دنقابل اللي وراكم هاي اخر اخباري والله كريم ادعولي يمعودين علمود شغلتكم تمشي ورانه مو هنا بالامارات الا تتطلع وجبه ياله يمشون اللخ اما على الوفد اجا وختم الملفات المتعلقه وفرز بعض الملفات الجديده وراح وراها تصير عاد عالسريع مقابة ملي فورم الكم وتوطين وتتحولون للمنظمه وراها مقابلة الوفد والله كريم ان شالله تفرج عالجميع يارب واشكر سؤالك عليه اخويه الغالي الله لا يحرمني من سؤالكم عليه اختكم شجرة الدر

[شجرة الدر]

السلام عليكم اخويه ابو الزوووووز ان شالله خير يارب عليك وعلينه وعلى الجميع يارب

اذا الله سهل انت اول شي راح يدزلك عبوووووودي الفورم تملي وانتبه على المعلومات مال الفورم يعني تكون مضبوطه لان هاي راح يسألوك بيها بكل مقابله والقصه هم تحفظها بتواريخها كامله مثل اسمك وتحضر الجوازات والجناسي والختومات من اول ما طلعت من العراق انت والعائله وكل الاوراق والمستمسكات الرسميه والوثائق والشهادات والمستمسكات الاصليه والمصوره يعني صورها فد جم نسخه واخذها وياك وعقد الزواج والهويات مال الاحوال المدنيه وبطاقة السكن والتموينيه اذا عندك حتى لو قديمه علمود تثبت بيها صحة اقوالك وبعد ماتقدم الفورم تكون مقابله لك باليوان لتدقيق المعلومات
وراها بكم يوم يقابلك موظف باليوان مصري اسمه بلال هذه مقابلة التوطين ومتعاون جدا وخلوق ومؤدب وهو ولد شاب سمين شويه ابيض احمراني ولا تكول مصري ابدا عبالك اجنبي وراح يصوركم ويفتح خط ويه قسم التوطين بالمكتب الاقليمي بالسعوديه ويكتب عالنت كلشي تكولوه والمقابله ويه العائله كلها يعني تروحون بربطة المعلم اوكي ويسألك عن المعلومات اللي بالفورم وبتفاصيل اكثر حسب قصتك وبعد المداوله كم يوم بعدها يتصلون بيك وتكون حاصل على موافقة التوطين ويحولوك على المنظمه ICMC وتكون مقابلتهم مفصله اكثر واحرص ان تكون اقوالك في كل المقابلات متطابقه لكي لا يرفضوك بعدم المصداقيه وبعدها اي بعد اقتناع المنظمه بقصتكم يحولوكم عالوفد الامريكي والله يسهل عالجميع يارب وتكون مقابلات سهله بأذن الرحمن والكل ينقبلون ونفرح بيكم كلكم مع تحيات اختكم شجرة الدر

[vaio]

السلام عليكم تحية طيبة للاخت شجرة الدر وتحية طيبة للاخ العزيز ابو الزوز

اختي العزيزة افهم من كلامك ان القصة  التي تبعث في الايميل الاول لا تعتمد حرفيا وانما تعتمد القصة التي  نكتبها في الفورم بعد  استلامه ؟
لان انا صحيح حاولت ان اقلص القصة  واختصرهة بس مع هذا جاي اشوف بيهة  تواريخ ايضا هواية  هل بالاماكان  بعد ان استلم الفورم ان شاء الله  ان اختصر اكثر بالقصة لو هاي الشغلة راح تاثر باعتباري حجبت بعض المعلومات من القصة التي بعثتها في الايميل الاول ؟

وانا اشكرك لان كلامك  بعث في ارواحنا الامل من جديد  وان الي مو مشتغلين مع الامريكان  بعد الهم نصيب من الحض والالتفاته الربانية وان شاء الله  في القريب العاجل راح يحركون  الموضوع للامام .
وتحية خالصة للاخ ابو الزوز .  ياية  انا موجود بس مثل ما تكول مستمع ومتفرج وما احب احجي الا اذا كان عندي سؤال او كانت عندي معلومة تفيدكم  .
يارب التوفيق للجميع  ويسهل اموركم ويقضي حوائجكم
 اخوكم فايــــــــــــــــو

[شجرة الدر]

اخي الغالي فايو ليش تقلص بالقصه ماكو داعي هي نفسها وبصوره مرتبه ومنظمه والله يسهل عالجميع وثق هو نفس القصه اللي دزيتها وبتفاصيل اكثر تكون محتوى المقابلات على ما كتبته بالفورم والقصه اللي بعثتها بالايميل والقصه اللي رفقتها مع الفورم ودير بالك تغير اي شي بيها اما عن الشغل مع الامريكان فاغلبنا ليس من المشتغلين مع الامريكان لان المشتغلين الهم برنامج خاص بيهم ويكونون كمهاجرين وليس كلاجئيين مع تمنياتي لكم بالموفقيه جميعكم اختكم شجرة الدر

[شجرة الدر]

اخي الغالي ابو الزووووووز شغلة عبدووووووووو فقط تنظيم كل هذه المقابلات والاتصالات والتواصل معكم لا اكثر اما مقابلة التوطين اقابلكم ولد شاب اسمه بلال وقبل مقابلة التوطين مقابله باليوان لعرض الفورم والتأكد من الاوراق كامله لو لا وبعد مقابلة التوطين تقابلون اعضاء من منظمة ICMC بنتين حبابات وياهم ولد اتراك والكلام بالانكليزي اذا ادبرها واذا ما ادبرها تطلب مترجم من اليوان وتجي يافاطمه موظفه باليوان يا بنت يمنيه مااعرف اسمها هم مترجمه وبعدين وره الموافقه عليكم راح يتصلون بيكم وره جم شهر على مقابله المحلفين لكن بعض العوائل قبل مقابله المحلفين يطلبون منهم بصمات جنائيه من صاحب الكيس فقط يسويها بالسفاره الامريكيه وبعدها بكم شهر يصلون بيكم على سالفة مقابلة المحلفين والله يسهل عليكم والملفين انت وحظك اكو وحده محلفه اصلها باكستانيه امريكية الجنسيه سمره كلش حبابه واكو رجل هم مدحوا واكو بعد وحده هم زينه بس اكو وحده يبووووووووو الله اليستر مداينه ربها مليون دولار متتحجه جانت من نصيبنه وخلتنه قيد الدراسه ومنطت حتى قرار بينه وشلعة كلبنه كل هالفتره بسببها والله يسهل عليكم كلكم يارب اختكم شجرة الدر

[شجرة الدر]

اخوان اني حاضره لاي سؤال يجول بخاطركم تسألوا اسألوا واني بالخدمه الله يقدرنه واجاوبكم باللي اعرفه واللي ما اعرفه عذروني عاد   اختكم شجرة الدر

[شجرة الدر]

اخي ابو الزوووووز مو تدلل عيوني هذي المحلفه اللي قابلتنه ياطويل العمر امريكيه ختم الشركه من الوجهين هههههههههههه يعني يمكن يهوديه كلش اسئلتها استفزازيه واسئله جدا ذكيه وتربط لحيه بلحيه وسألت الاولاد وسألتنه كلنه اول مره وبعدين تنفرد بالعائله نفر نفر ولا سلام ولا كلام ولا ضحكه وكاعده بس تراقب تصرفاتك وحتى نظره عينك وين تباوع المهم الله لا يجيبها الكم ولا لكل عراقي والله يسهل عالجميع يارب

[شجرة الدر]

اخي ما استغرب انه تريد تعرف كل شي من حقك لان بصراحه شغلتكم ان شالله تكون اسرع من عدنه لان من خلال اتصالي للمنظمه دائما يكولون بس تسافرون انتوا احنه نبدي باللي وراكم فلازم تجمع معلومات تستفاد منها باقصى سرعه لان شغلتنه طولت احنه لان مجان اكو اتفاقيه بين الامارات واليوان للعمل بشكل صريح وتوطين من الامارات فكانوا ضيوف على الامارات اما من سنة 2008 بدأ العمل بشكل رسمي واحنه مقدمين من نهاية 2005 بداية 2006 لذلك اتأخرنه والله يسهل والله كريم بس دعواتكم الحلوه النا  اختك شجرة الدر

[شجرة الدر]

لا عادي اخويه ابو الزووووز انت تأمر ومثل ما كال الاخ عكعك هم يشوفون رد الفعل عليك وهي تبحوش القصه تبحوش وقاريتها من قبل المقابله ومحضره الاسئله اللي تسألكياها اللي ما مقتنعه بيها او عدها شك بيها  واهم شي انت والعائله ضابط التواريخ ضبط العقال لا زايد ولا ناقص وهي ممكن تسألك سؤال وهو نفسه تصوغه بأسلوب اخر وتسألكياه مره ثانيه ونفسه بصيغه اخرى تسأله لزوجتك للتأكد من مصداقيتكم فلازم قبل فد اسبوع انت تحفظهم وتصير انت محلف وتسألهم وتفاجئهم بالاسئله اللي متخطر على بال احد بس من نفس القصه وهي اكو اسئله مالت يس ونو كلكم تجاوبون عليها سوى وهي تباوع عليكم وتشوف رد الفعل مثل صف الاول المعلم تكول دار والباقين يردون وراها والله ولدي ماتوا من الضحك عليها وهي تباوع عليهم ولا ضحكت يكول ابني ماما عبالك دنقره النشيد الوطني هههههههههههههههه يايقاع واحد نووووووووووووووووووو او يسسسسسسسسسسسسسسسسسسس

[شجرة الدر]

طولت ساعتين تعرف اطلع الاب تدخل الام واطلع الولد ادخل الثاني دمرتنه الله يعين اللي عنده عائله والله يسهل والله كريم

[شجرة الدر]

ان شالله رحمه  الله يرحمنه ويفرج همنه يارب وعلى جميع المنتظرين واني بالخدمه متعرف شي عن اخونه ملك الحيره اشو لا حس ولا خبر شنو السالفه قلقنه عليه

اختك شجرة الدر

[ayadkoo]

اختي شجرة الدر واخي ابو الزوز اريد ابشركم عبد السلام اتصل علينه واخيرا بعد ماقدمنه اله الاوراق قبل سنه وسبعه شهور مثل ماكالت اختنا شجرة الدر على الوفد الي اجه للامارات ورتب القضايا الجديده وانشاء الله احنه من ضمنهم وانشاء الله يتصلون عليك ابو الزوز.........اني قدمت قضيتي باسم زوجتي اتصل بينه عبد السلام يقول النه غيره خليها باسمك انت ليش مانعرف يمكن حسب الاقامه لان اقامة زوجتي عليه فهذا السوال للاخت شجرة الدر واريد اعرف اعمار اولادك اخت شجرة الدر شنو المقابله هيج صعبه لان اني اولادي الكبير عمره 8 سنين فيتبعون نفس الشي ويه الطفل مع شكري الجزيل لكم وانشاء الله مادام بدا يتصل عبد السلام خلاص خلصت القضايا القديمه بدوا بالجديد وانشاء الله اخونا ابو الزوز من ضمنهم وسوالنا على اخونا ملك الحيره انشاء الله المانع خير

[Zozzz]

اخويه العزيز ايادكووو

اول شي احب اهنيك عله الاتصال من قبل المنظمه وملئ الاستمارة ويوم ال الي والفايو ....اما بخصوص سؤالك  ...شنو نوعيه الاساله اخونه عكعك وضح انه الاساله ماتتعده شسمك وشكد عمرك تعرف انكليزي بالمدرسه ...بالمناسبه اخويه فايو محددولك مقابله؟ماكالو شوكت؟مقابله المعلومات ؟ بلكي الله ييسرها علينه يارب ويفرجها ...

اخوكم
ابو الزوززز

[شجرة الدر]

الاسئله من 12 سنه وفوك شويه الشغله تصير بايكه هوه مع تحياتي اختكم شجرة الدر

[ayadkoo]

اشكرك اخويه ابو الزوز انشاء الله يوم يتصل بيك عبد السلام واشكر الاخت شجرة الدر على ردها وانشاء الله يسهل على الجميع

[شجرة الدر]

اخي العزيز ابو الزووووووووز واخي الغالي ايادكو حفتح مكتب لارشاد اللاجئين بلامارات خوش شغله احسن من الانتظار اللي اني بيه بين ما يكمل ملفي ههههههههههههه اتشاقه وياكم يله كلكم اولادكم بعدهم دون السن المطلوب من قبل المحلفين (نونو ) فقره جيدا اتمنى لكم التوفيق اختكم شجرة الدر

[شجرة الدر]

هو هم هيج لان شغلتي طولت واني اقدم وحده بيكم هههههههههه ماكو غير شغله ننتظر والله كريم

[ayadkoo]

اختي شجرة الدر وانت والاخ العزيز ملك الحيره مادام اتصلوا على الجدد انشاء الله انتوا شغلتكم انتهت وصلت الى النهايه والموافقه انشاء الله خلال الاشهر الجايه انتي والعائله في امريكا ............اختي شجرة الدر ولو الاستشاره صارت بفلوس تتدللييين بس كولي رقم الحساب واحنه بالخدمه اريد اعرف انت متى قدمتي الاوراق متى اتصلوا بكم ومتى اعطوكم موعد المقابله الاولى والثانيه متى والى اخره فقط تواريخ لااريد تفاصيل واني اعرف والله هاي الاستشاره غاليه واحنه بالخدمه اختي شجرة الدر وانشاء الله يسهل عليكم باسرع وقت واتمنى للجميع الموفقيه

[Zozzz]

اخويه عيوني ايادكوووو مو البنيه كاتبتلك التواريخ اول متفتح هاي الصفحه شلون يعني وياك ؟؟؟ ليش هشكل ليش؟؟ههههههههههههههههههههه حبيبي جيب 100 درهم بساع بالنيابه عن اختي شجرة لانه هيا خلتني مدير اعمالها بالنيابه ههههههههههههه  
....

سلامي وتحياتي واذا جد عدك جديد بلكي تكلي علمود شويه انشحن لانه اني كل فتره ويخلص الشحن مالتي هههههههههههه والله يوفق الجميع وان شاء الله الكل تستقر وترتاح يارب


اخوك ابو الزوزززز

[ayadkoo]

اخويه ابو الزوز كل جديد يصير اني اكتبه انشاء الله بس عبد السلام دز نه الفورمه ولازم اكتب القصه من جديد وباسمي ولحد الان اني افكر واكتب مو احنه قصتنه قصه وصار عدنه خطف  ابني هنا بالامارات وكاعد اربط هذه القصه بالعراق وماساة العراق ولحد الان كاعد افكر بالنسبه للاخطف مال الامارات عندي جرايد ومجلات تثبت الخطف بس شلون اربطها بالعراق ............انشاء الله نشاوف عند عبد السلام سوه واعطيك 100 درهم وتدلل انت وشجرة الدر واتمنى اللك الخبر العاجل يجي من عبد السلام والانشاء الله مقابله قريبه الك



        اخوكم اياد

[شجرة الدر]

مبروك والف مبروك اخونه ايادكو وان شالله الله يتممها على خير بس ادعولي تفرج علينه مو متنه من الانتظار

[شجرة الدر]

بصراحه اني اشوف جماعة الامارات اللي دخلوا واستفادوا من المنتدى لمرحله من المراحل من يصيير اي تقدم بامورهم بأستثناء بعض الاخوه الكرام انه يروحون وبعد حتى ما يدخلون ولا يردون على استفسار اي شخص وهذه الانانيه بعينها وهذا في بداية الامر هكذا ردت فعلهم يحدد موعد سفر لاحدهم حتى لم يدخل ولم يذكر ما جرى معه ليستفاد الاعضاء الباقيين من هذه الخطوه كيف بعد عند احتياجه لمساعده اكيد لا يتسنى لاحد مساعدته والعين بالعين مثلما يقال وهذا توضيح للكل اختكم شجرة الدر

[Zozzz]

السلام عليكم

اي والله اختي شجرة اني ايدج وبصراحه محلو هذا الاسلوب بس هم نكول كل واحد وضروفه ...شمدريني بعد والله هيا الناس صايرة متنحزر الله كريم ويعين الجميع ولاتضوجين عيني

اخوج
ابو الزوززز

[شجرة الدر]

والله ياأخي ابو الزوووووز انا ملاحظه هذه الحاله من فتره لان مثل ما تعرفون اني اول وحده من الامارات بالمنتدى ودخلوا كثير اعضاء وكانوا يسألوني عن كل شي تتوقعه ومن كملت امورهم والله يبارك ويسهل امور الجميع بس حاله مو حلوه على كد استفادتهم ويختفون بعد ما تحصلهم حتى متحصل كلمة شكر منهم واغلبهم سافروا وبعدين بالصدفه نعرف عن سفرهم من اي شخص اخر شنو راح نأخذ مكانكم بالطياره لو تخافون نحسدكم كلها متكتمه شو شيصيير ويانه نكتبه علمود الكل يستفاد ويدعولنه بالخير بس الظاهر كلها ماشيه بالكتمان وتريدني ما اضوج انت قيس على هيج نفسيات مو متصافيه بالتعامل معك وشوف المهم الله يسهل عالجميع يارب

[ayadkoo]

والله اختي شجرة الدر احنه هنا بالامارات شفنه من جماعات عراقيين عجايب انت بالامارات شفتي المصريين شلون يصيرون حزام واحد يدافع على الاخر والسوريين ماكو واحد جالس من غير شغل واحد يشغل الاخر واحنه العراقييين يبووووو متشوفيين رب العالمييين شنو مسوي بينه وباي يلد نروح لازم ناخذ العادات الحلوى الي مانكدر نتركه بدممممممممممممنه تمشي مو بدينه اعذرينه اخت شجرة الدر يلا لا تزعلين خلي روحك رياضيه احنه عراقيين كاعدين ويانه نفس البنايه حتى سلام ماكو شنو تحجيييييييين اختي يلا انشاء الله تروحيين وتسافرين وكلها تصير الج دروس وانشاء الله تستفادين منه واتمنى الج الموفقيه

[شجرة الدر]

والله ياأخي ايادكو احنه هم نفس الشي عدنه عائله عراقيه بالدور مالتنه ومقابلين الشقه مالتي والله حتى سلام ما يسلمون ومن يشوفونه نطلع من الشقه اسدون الباب ويختلون جوه ويشوفون من العين السحريه اتصور رمضان مر العام السابق حتى اتلاكينه بالمصعد تدري سلام ما سلموا وين ما تشوف عراقيين ناس تنهزم من ناس والله اني عرفت احد الاعضاء ويانه بالمنتدى كنت شايفته باليوان عند مقابلة المحلفين ولما سألني عدة اسأله من كلام ونفس التواريخ كتله انت اللي كذا وكذا كنت معانا بالمقابله والله بس خلصت شغلته كام ما يدخل للمنتدى تكول راح اكله يمكن عيب هذا التصرف واحنه هنا كلنه نخدم بعضنا البعض والله يسهل عالجميع لا راح اجي بيته ولا راح احتاجله ان شالله الله لا يحوجنه لهكذا بشر والله يسخرنه من عباده الصالحين امين يارب ومثل ما كلت هذه دروس نستفاد منها بحياتنا وان شالله الله يعطينا على قدر نيتنا ويه الناس ونحب الخير للكل الله شاهد اي خبر لاي احد يفرحني وكأنه شغلتنه والله يفرج عالجميع
اختكم شجرة الدر

[شجرة الدر]

اشكرك اخي ابو الزووووووووز على مداخلتك اللطيفه ومثل ما كلت كلها لوجه الله والله يفرج علينه عن قريب اخي العزيز ويكفي وجودكم ياالطيبين معانا اختكم شجرة الدر

[vaio]

السلام عليكم
 العزيز ابو الزوز واختي الغالية شجرة الدر وحبيبنا  اياد تحية لكم جميعا  وتمنياتي لكم بالصحة والعافية
اعتذر منكم جميعا  لاني ما تواصلت وياكم هاي الفترة  بسبب حالتي الصحية  والحمد لله الله جعل لي الشفاء وكدرت ارجع اشوف اخباركم وافرح بيها
 وطبعا انا قريت كل الردود السابقه  واكول للاخ اياد الف مبروك انشالة خطوة بخطوة للامام  ويارب يسهل امورك ويستعجلولك بكل شي
 
ومن خلال الحديث السابق عن الاطفال  والله يحفظ ويسلم اولادكم اجمعين  وكيف تكون مقابلتهم  فاني عندي ابني الكبير  عمره 12 سنة  والاخر  اكيد من يوصلي السره  ايضا راح يعبر الـ 12 سنة  يعني اني شلون؟؟؟ اصلا همة ما يتذكرون شي عن الاحداث (يمكن ينراد الهم عملية غسل ادمغة  بس المشكله همة دماغسزية منين الهم دماع حتى اغسله ههههههه) الله يستر

واختي العزيزة شجرة الدر  فاكوللها صحيح كل الي تفضلتي بيه والي تفضلو بيه اخوتي الاعزاء  كان صحيح

بس  انتي هدفك في مساعدة الناس اكبر  واجل من ان تنتضرين منهم كلمة شكرا او كلمة امتنان   انتي لما تساعدين وهذا الي تعودناه عليه منك دائما تساعدين الكل  وتجاوبين الكل وهذا الي يخليج ويخلي غيرج يكبر بيعيوننا
 اخواني مثل الواحد بيده  ماء ويرش على كل الارض فاذا كانت هناك بذرة صالحة تنمو وتكبر وتخضر ويكون لها مردود  واذا كانت هناك بذرة فاسدة  فاكيد ما ننتضر منها ان تنمو  صحيح لو لا ؟

انتي تسوين العليج وما تقصرين وانا والجميع يشهد بهذا الشي واحنا  الان نقولك شكرا وممنونين منك  ولا تشغلين بالك بالي حتى الشكرا مالته  اذا قالها الك  ما بيها طعم ولا لون

نتمنى ان ما تاثر عليج  بعض المجافات من بعض الناس الي ما يقدرون المساعدة لان اصلا هذا ما يقلل من اجرك وثوابك عند الله  سواء الشخص المقابل شكر او نكر 
طولت عليكم ويجوز دوختكم  واعتذر
 اخوكم فايـــــــو

[Zozzz]

حمد لله عله سلامتك اخويه العزيز فايو شلونك هسه ان شاء الله احسن؟؟ اني كلت هذا اخويه فايو خلص محلفين وهسه دينتظر الامنية وفلت ههههههههه 

نورتنا اخويه العزيز بشر ماكو شي شصار مصار وياك؟ ؟ مخابرك عبدو اذا مخابرك خابره اني خابرته ووعدني خير ان شاء الله....

سلامي وتحياتي

اخوك ايو الزوززز

[ayadkoo]

حمدلله على السلامه خويه فايو انشاء الله ماتشوف شر ومابيك غير العافيه واشكرك وانشاء يتصل عليك عبوودي ونتشاوف انشاء عند عبودي سوه انت وابو الزوز انشاء الله يسهل علينه احنه الجدد ويسهل على اختنا شجرة الدرونسمع يوم حجز التذاكر  ويوم السفر العاجل الهاوانشاء الفرج قريب اخواني الباقيين

[vaio]

مشكور اخوية  تاج الراس ابو الزوز  الله يسلمك ويبعد عنك كل مكروه  
والله يا اخي  (لا انا اتصلت على عبدو ولا عبدو اتصل علية ) هاي تصلح تصير اغنية مال جوبي هههههه

شنسوي للصحة والله جنت حيل تعبان وما الي خلك ونسال الله عز وجل يفرج عنا وعنكم .

الله يسلمك اخوية العزيز  اياد وربنا يبعد عنك كل شر ويحفظك يا غالي  وانا ممنون منكم وشكرا الكم على السؤال والدعاء بالصحة .

وانشاء الله باجر من الصبح راح اخابر  عبدو   بلكي يسمعني خبر زين  وانشالة  اكتبلكم التفاصيل الي تصير

اخوكم فايــــو

[شجرة الدر]

الله يسلمك من كل شر اخي الغالي فايو يارب ما تشوف الا الخير بدربك ياطيب وان شالله السلامه يارب وتسمعنا اخبار حلوووووووووووه عن قريب اخي العزيز اما عن ابنك فمن هسه ابدي بالتلقين لو كللها للمحلفه جانوا زغار وما يتذكرون الا القليل وحاولنه وياهم الى ان طلعوا من الحاله النفسيه التعبانه فما ارغب بتذكيرهم
والله يسهل عالجميع

اما عن الناس اللي تكلمنه عليهم سابقا انتهى الموضوع بالنسبه الي وخليها على الله الله يسهل للكل يارب وتعودنا على هيج ناس في كل مكان موجودين مثل ما تفضلت في كل مكان الزين والشين الله يكفينا شرهم يارب ويهيئنا الصالح من الناس في كل خطوه يارب واني بخدمة الطيبين  اختكم شجرة الدر

[شجرة الدر]

اما عن اخي الغالي ايادكو الله يبارك بيك على الدعاء الحلوووووووووووو والله يسهل امرك ويوفقكم يارب جميعا وان شالله مقابله سهله وموافقه سريعه يارب ونتلاكه بأمريكا
بس اسافر كبلكم وانتظركم هههههههههههههه اوكي 

[physicist]

اختي العزيزة الغالية (( شجرة الدر )).....
ارجو منك ان لاتزعلي من الاعضاء الي كانو يشاركون ثم ينقطعون او اللي عندهم مصلحة وثم اختفوا .
اختي الغالية انت اختنا الكبيرة ولازم يكون لديك سعة بال , وان تعذريهم . لاسباب كثيرة :
مصاعب الحياة في الامارات ومشاغلها
وفراق الاهل
والغربة
واللي عندة اطفال فايام امتحانات النهائية بدأت
بالاضافة الى ذلك الامم المتحدة ورطتنا وتركتنا بعد ماصار عندنا امل كبير وفرحنا
يمر الوقت وماكو لاحس ولاخبر شنو والله ( الامنية )
اختي الغالية عندما اجد لك مشاركة جديدة في المنتدى اطمئن وافرح كثيرا
اختك الفيزياوية

[Zozzz]

شباب شباب بشارة بشارة كولللللللللليش عبدو اخيرا دزلي الفورم هلهلووووليي
ابو الزوز

[ayadkoo]

اي اخونا ابو الزوز مو كتلك راح نتقابل عند عبودي شوف الحمد لله يعني بدوا بالجدد يعني هسه راح تسافر شجرة الدر وانشاء الله يسهل على الباقيين مبرووك والف مبروك اخونا والله فرحتلك والله يسهل انشاء اللهانشاء الله يسهل بعد على اخونا فايو


            اخوكم اياد

[شجرة الدر]

اختي الغاليه الفيزيائيه والله اذا عالشغل فكلنا هنا بالامارات عدنه التزامات واولاد بالمدارس ومثل ما اتفضلتي اوقات امتحانات بس ثقي اني بالليل اخصص وقت لدخول المنتدى الغالي بيتنا الثاني وذلك للرد على الاسنفسارات ولكي اتفقدكم جميعا واطمئن عليكم ثقي والله افرح لكل من يتحدد له موعد سفر او موعد مقابله او اي تقدم بأي ملف من ملفاتكم واتألم لالامكم وان شالله رب العالمين ما يتركنا حيرانين ابدا يارب ويفرج همومنه باقرب وقت يارب
واذا عالغربه فالكل متغربه يااختي العزيزه وكلنا عانينا من فراق اهلنا واحبابنا وبيوتنا واوطاننا وفراق غالين علينا بس هذا قدرنا والله يعينهم ويعينه يارب ويسهل امر الجميع ويحفظ الموجودين ويرحم اللي فارقناهم بموت اللهم امين
وان شالله الله يقدرني واظل متواصله معكم وافيدكم وتفيدونني والله لا يفرقنا ويعيننا في غربتنا يارب واشكر ردك الطيب يالغاليه زالله يسهل عالجميع   اختكم شجرة الدر

[شجرة الدر]

يابه كلللللللللللللللللللللللللللللللييييييييييييييييييييييشششششششششششششششش مبروك والف مبروك عيوني اخويه الغالي ابو الزوووووووووووووووز ان شالله يوم اللي تبشرنه بالموافقه يارب وموعد السفر
ورحمة الله على والديك اخويه ايادكو تفائلتلي فأل زين ان شالله تكمل شغلتنه ونسافر يارب وتطبكون عاسره انتوا وتنتظرون السفر وبسرعه يارب الله يسهل عالجميع
ويوم اللي ان شالله نسمع اخبار اخونه الغالي فايوووووووووووو ويبشرنه بشارة ملي الفورم يارب عن قريب




مع تحيات اختكم شجرة الدر

[Zozzz]

السلام عليكم

يابه شكرا جزيلا كل من هلل وبارك  وجزاكم الله الف خير

دعائنا الج اختنه العزيز شجرة الدر والى اختنه الفيزياويه بالسفر العاجل ان شاء الله ولاخونه ملك الحيرة وتسريع معاملات الجدد اني واخويه ايادكو واخونه العزيز الفايو ....

وخليكم على اتصال

مشكوورين عيوني

اخوكم
ابو الزوززز

[شجرة الدر]

يمعوووووودين الله يرضى عليكم منو عنده اتصال بالاخ فايووووووووو يبلغه انه يتصل بعبدووووووووووووو لان عبدوووووووووو شويه مطفي الا يتصلوله ياله يتذكر الموضوع فخلي يتصل ويذكره ويكله اني بفلان تاريخ مقدم وهوايه صارلي انتظر وشوكت تنطيني فورم حتى املي ويسويها ظلمه عليه بلكي يرسله فورم ويفضها لان اللي يرسللهم فورم هو اللي راح تبتدي مقابلاتهم على خير ان شالله هذا اللي سمعته اخر شي اليوم من ناس اصدقاء فحبيت اوصله الكم اختكم شجرة الدر

[Zozzz]

مشكورة اختي عله هاي الملاحظه اني هم كتله الفايوو خابره ولح عليه لانه صدك هو عبدو تره مطفي وشكله بزعانه روحه من العراقييين وملحتنه هسه هذا اكيد يكول هاي شورطني اني ويه العراقييين هههههههههههههههه اختي شجره هيا بقت فايوو وشطارته الي علينه سوينا والله كريم

ابو الزوززز

[شجرة الدر]

الله يسهل عالجميع يارب

[vaio]

السلام عليكم جميعا

انا البارحة كتبت رسالة اشرح بيها وضعي وكنت ناوي ادزهة للسفارة  بس لما خلصت صار  وقت صلاة الفجر وقمت صليت ودعيت وقلت يارب هاي الرسالة انا كتبتها الك مو للسفير . وانت ادرى بالحال .  ونمت ساعتين واول ما صحيت من النوم  دخلت موقعنا الحبيب وفرحت جدا لما عرفت ان اخوي وعزيزي ابو الزوز قد استلم الفورم  وايضا فرحت بردود اخواني واخواتي العزيزات  وقررت ان اتصل فورا بالسيد صاحب الخصال الجسام والمواقف العظام الحبيب عبد الســـلام .وقد اخبرني انني في ركب الاحباب ومع خلص الاصحاب وان  دعائي قد استجاب ولله الحمد والشكر .

ابارك لنفسي ولكم  وتمنياتي بتعجيل السفر للسابقين مثل اختنا العزيزة شجرة الدر واختنا الفيزياوية واخونا العزيز ملك الحيرة  وادعو لكم بالتوفيق  واسأل الله عز وجل ان يسهل امر الباقين وانا منهم  وانشالة انا وابو الزوز واخونا اياد على طيارة وحدة بحق الحي القيوم .

وهسة صار الي حق اطلب من اخواتي هلــــهولـــــة عراقـــــــية اصيلة بالمناسبة .

 اخوكم فايـــــــو

[شجرة الدر]

يابه تستاهل الف هلهوله اخونه الغالي فايو والف الف مبروك يارب بالتساهيل ان شالله بس الله عليك لاتنسى من تندعي تدعيلي وياك وان شالله تحقيق الاماني وهاي الهلهوله كللللللللللللللللللللللللييييييييييييييييييييييششششششششششششششششششششششششششششششششش وياها كللللللللللللللللللللللوووووووووووووووووووووووووششششششششششش بعد
مع تحياتي اختكم شجرة الدر

[vaio]

الف اللف شكر اختي العزيزة على هاي الهلهولة  الجميلة   ترة انتي تبقين الشجرة الي تفيي علينا بضلها  الله  يحفظك يارب انتي والعائلة  وربنا يحقق امانيكم اجمعين ويسهل اموركم ويكتبلكم في كل  خطوة سلامة ويسر  وقرة عين .

ومنا ورايح حضري نفسك راح تصير الاسئلة  مثل المطر  تعرفين انتي اختنا الكبيرة  واحنا ما النا غيرك بالامارات  وانتي اعرف منا  لانك خضتي التجربة وان شاء الله خلصانة شغلتكم   ومتسهلين بالقريب العاجل  باذن الله  .

اخوكم  فايـــــــــــــــو

[Zozzz]

مبروك والف مبروك اخويه فايو

وان شاء الله اتصل بيك عن قريب ولايهمك وعله راسي انته بس انطيني مهله للاحد وراح اجاوبك وبطن عيني ويوم نلتلاكه كل احنه باميركا وتصير سوالف يارب
يسهل علينا وعل جميع امة محمد

اخوك ابو الزوززز

[ayadkoo]

مبروك اخونا العزيز فايو الف مبروك وانشاء الله يسهل علينا جميعا احنه الجدد وانشاء الله نبقى على اتصال دائم كل واحد  يخبرنه شنو يصير عنده لاننا نعتبر مجموعه واحده وادعي من كل كلبي انشاء الله يسهل على اختنا شجرة الدر 






                      اخوكم اياد

[vaio]

اخي العزيز ابو الزوز والله انا عاجز عن الشكر  اخ عزيز انتة واتشرف بيك 
ترجع بالسلامة انشالة ونتابع الموضوع انا وياك  ان شاء الله


حبيبي وتاج راسي اخي اياد  انا ممنون منك واشكرك والف الحمد لله والشكر  ربنا  استجاب دعواتنا  وان شاء الله  ربنا يستجيب للجميع
انا اعرف انو احنا  بعدنا في  اول الطريق و ورانا (حصبة وجدري)  بس املنا بالله كبير وانا بصراحة متفائل خير .

اخوكم فايـــــــو

[الامل 2]

الف مبروك للاخت شجرة الدر وكل الاخوان والاخوات وانشالله يبشرونكم بالموعد السفر  بس في شغله مافتهمته شنو يتصلون عليكم حتى تملون الفورم لان انا بالكويت وملينه بس الاوراق عند التقديم بالبدايه فياريت توضيح


الامل 2 الكويت

[ayadkoo]

سلام عليكم اخواني انا اليوم صادفني شخص مقدم على الامم من شهر الثاني السنه الماضيه مسوي مقابله الاولى والثانيه والثالثه في المقابله الثالثه سائله سوال عندك معارف خارج الامارات او خارج العراق كاللهم عندي في امريكاولاية شيكاغو قبل ثلاثة ايام متصل عليه عبد السلام انت موعد سفرك في 26 -6 الشهر القادم الى شيكاغو فسوالي هو الى الاخت العزيزه شجرة الدر هل هذا السوال يحددنا المكان يعني اذا كلنا عدنا معارف في كندا او استراليا هل يحدودنا المكان الذي نذكره في المقابله وحسب معارفنا واصدقائنا ...........واخونا العزيز الذي حددوله الموعد مال السفر بطل مايرووووووووح لان اكو اشخاص ماششجعوا على الذهاب والحين مايقبل يروح بسبب الاوضاع في امريكاسبحان الله هذا الشخص معاملته طولت سنه وثلاثة اشهر من تاريخ التقديم وكانت سهله جداوالحيييين بطل مايروح وانشاء الله نسمع خبر حلو من شجرة الدر لان اكو اشخاص راح يسافرون ومحددين موعد سفر من الامارات في تاريخ 26-6-2010 وانشاء يتصل عليج عبوددي  اختنا شجرة الدر



      اخوكم اياد

[vaio]

السلام عليكم جميعا

شلونك اخوية ابو الزوز  حبيبي انا اشكرك جدا  وصلتني رسالتك  بس انا في بالي اشياء ثانية
انا هسة راح اطرحها  وانت والاخوان والاخوات تنطونا رأيكم بيها  , صحيح اكو بعض هاي الاسئلة  بديهية وسهلة  بس حتى الواحد يتأكد  .

1- مليء الفورما  يكون بالعربية او بالانكليزية او كلاهما او بكيف الواحد ؟
2- الحقل ما قبل الفقرة (أ)  هل يترك  فارغا لانه من اختصاص  المفوضية ؟
3- الوضع الصحي لصاحب القضية هل يؤثر سلبا ام ايجابا على القضية ؟
4- الفقرات التي ليس لها اجابة هل تترك فارغة ام نكتب لا يوجد ؟
5- الوثائق من شهادات وفات  او عقود زواج او شهادات  دراسية او او  هل يجب ان نترجمها ؟
6- الان وقد مرت شهورا وسنوات . اذا سأل المحقق او المحلف  هل ان الوضع الان مثل قبل بالنسبة لك  يعني باعتبار هسة الامور اتغيرت والمهجرين اغلبهم رجعو والامور اصبحت اكثر امنا  . ماذا يكون الجواب ؟
7- ما هي الوثائق المهمة المطلوب احضارها تحديدا ؟
8 - شكرا لكم على  اجوبتكم مقدام

 اخوكم فايـــــو

[Zozzz]

عيوني فايو

1. امليها بالعربي واذا انكليزيتك اوكي براحتك بكيفك انته اكتبها بالانكليزي
2. معليك بهذا الحقل لانه مخصص الهم همه يملو
3. حسب تصوري ايجابا الوضع الصحي ياثر لانه حيعتبروك حاله انسانيه
4.الفقرات التي ليس لها اجابه اتركها فارغه
5.اذا انته مترجمها اتسهل الهم امر واذا لا ممترجمه همه الي راح يترجموها ويحيرون بيها ..
6.عيني كله الوضع نفسه ومتغير شي والدليل هل تفجيرات والاختطافات والقتل واخرها جريمه البياع وغيرها وغيرها وشفت شسوو حصد وبكاتم الصوت هسه الموده الجديده..
7. جنسيه شهاده جنسيه اي وثيقه رسميه شهاداتك عقد زواج كلش مهم دفتر خدمه عدك وتشوف انته انها حتفيدك بقضيتك واذا لا سامح الله ماعدك الوثيقه الي رايديها منك تكدر تكللهم راحت لو انعلست لو ماعدي احد يدزلي ياها ...
8 تدلل يمعود واي شي تحتاج تامر امر

ومااعرف اذا هاي المعلومات حتكون كافيه الك او لا واذا اي احد عده اي ملاحظه او اضافه اني بالنسبه الي هشكل سويت وهذا الي اعرفه ...

اخوك ابو الزوز

[vaio]

مشكور اخوي العزيز ابو الزوز على ردك السريع  والله انتة ما تقصر  وكفو منك كفيت ووفت

بس  بالنسبة للغة  هل يتضمن هذا  القصة ايضا لاني اتذكر في وقتها لما طلبو القصة اشترطو ان تكون بالانكليزي

ويا ريت اذا اكو احد عنده رأي اخر  يخبرنا وخصوصا اختنا  شجرة الدر مع الشكر

اخوكم  فايـــــو

[ayadkoo]

خويه فايو انا الي سويته ترجمة القصه على الكوكل واذا ماتكدر اكو مكاتب ترجمه متخصصه بس اتكول الهم الى un يعرفون وانا من مليت الاستماره سويت مثل ماافادنا اخونا ابو الزوز والمستمسكات الي رفقتها ماترجمتها ترجمة فقط القصه وانشاء الله يسهل على الجميع

[ayadkoo]

والله ياخويه ابو الزوز ضحكت على حب جكاير بس نسيت العلج لان جانو يكولون حب جكاير علج اشو اختنا شجرة الدر ماكو حاف سافرت وماخبرتنه  انشاء الله ه الاسبوع يتصل علينا عبودي ويفضها والله متنا من الانتظار يمعود اخويه فايو فضها وتوكل على الله وقدمها حتى تمشي معاملتك ويانه لاتتاخروانشاء الله يسهل علينه وعلى الجميع

[ayadkoo]

والله ياخويه ابو الزوز ضحكت على حب جكاير بس نسيت العلج لان جانو يكولون حب جكاير علج اشو اختنا شجرة الدر ماكو حاف سافرت وماخبرتنه  انشاء الله ه الاسبوع يتصل علينا عبودي ويفضها والله متنا من الانتظار يمعود اخويه فايو فضها وتوكل على الله وقدمها حتى تمشي معاملتك ويانه لاتتاخروانشاء الله يسهل علينه وعلى الجميع

[vaio]

السلام عليكم شلونكم اخوان

يابة  يمعودين على كيفكم وياي  اولا انا  مترجم القصة بما انزلت من البداية وهسة فصلت القصة  بجانب واسباب عدم المقدرة على الرجوع بجانب وكل وحدة حطيتهة بمكانها

بس كل ما بالقضية انو انا احب اسوي شي مضبط وما بيه نقص  واكون متاكد منه لان تعرفون هاي شغلة مصيرية  تتعلق بمستقبل اطفالي وعائلتي واكيد ايضا  مهمة جدا بالنسبة الكم  وانتم ايضا حريصين مثلي  ويمكن اكثر بس  معرفة آراء الاخرين جدا مهم
وانا متوكل على الله  بس التوكل يسبقه استيعاب الموضوع  مو يكولون اعقل فتوكل ؟

بس سالفة الحب والجكاير والعلج  حلوة هههههه ذكرتني بنكتة قديمة يمكن تعرفونهة  هههههههه

 صدك  هسة خطر على بالي سؤال  وقد يكون سابق لاوانه  وهو
شوكت  نكدر ندخل الكفيل بالموضوع ؟ هل عندما يسالونا عدك اقارب او معارف  ذيج الساعة نحجي عالكفيل ؟

 اخوان اختنا شجرة الدر شو مختفية صار كم يوم  من يوم الي هلهلت الي  اختفت !!!!!!!
 مو ايضا نريد رايها بالموضوع


تحياتي الكم جميعا

اخوكم فايــــــــو

[شجرة الدر]

السلام عليكم

اخواني الغالين اشكر تفقدكم لي بس والله ملتهيه بأمتحانات الاولاد ومدا افتح النت الا بالليل جدا متأخره وصار 3 ايام ما فاتحه النت
اما بالنسبه لاخي الغالي ايادكو اكوله الله يسمع منك ويتصلون بينه عالسفر وين اكو هيج بطه تلعب شناو ثانيا شلون اسافر وما انشرها عالBBC يعني انت تقبلها وره هالانتظار الطوووووووووويل وحلكي نشف واني اهني الكل على مواعيد السفر واروح وما منشفه ريك الكل من التهاني هههههههههههه كول غيرها ثالثا اني بعدني طير الطاير بدون فحص يعني ورانه حصبه وجدري يالله يحددونه موعد سفر والله كريم والله يسهل عليكم وعلينه يارب بأسرع وكت بأذنه تعالى

[شجرة الدر]

اخي العزيز ايادكو ردا على سؤالك مالت المده اللي يعطوها قبل السفر مو شرط تكون مده كبيره بالنسبه للوجبات السابقه كانت قبل اربعين يوم من السفر لكن الوجبه اللي سبقتنه كانت قبل شهر من موعد السفر واعرف عائله بوجبتنه هسه انطوها موعد قبل 21 يوم من السفر لان مستعجلين يردون يفضون هالوجبه ويبدون بوجبتكم ان شالله
اما عن اخي ابو الززززززززووووووووووووووووززززززز شلونك اخويه وشخبارك ان شالله بخير هاي شنو بعدك ما استلمت المكتب اللي اتفقنا عليه اني وياك نفتتحه هههههههههه شو فايط بالصفحه بالردووود هههههههههه ومسهل الامور مثل ما تريد يمعود هاي شنو كلها كم يوم ما دخلت هههههههههه  ثانيا شعندك مايكفيك اسبوعين للسفر هيج مجلب بمكافئه نهاية الخدمه ههههههههه الله يسهل امركم وامرنه يارب

[شجرة الدر]

اخي الكريم فايووووووووووووو مو صوتي طبك من الهلهوله مالتك هههههههههههه شسوي مو موتوني الاولاد بالامتحانات على الابواب وشاده عليهم بشكل كبير لان تعرف الاولاد مو مثل البنات لازم شويه عين حمره على جم عيطه كوووووووووووووووووم اقرررررررررررررررررررره والله يوفقهم يارب وينجحون
اما عن الكتابه اخي العزيز هنا بالامارات كله بالعنكليزي اصلا ثق تهمل اذا تكتب بالعربي لان عبدووووووووووو مراح يفهم منها شي اوكي ثانيا راح يرفعها للمكتب الاقليمي او احنه قبل يرفعها لجينف فلازم بالانكليزي لان كلهم مو عرب في كلا المكتبين وتره هااااااااااااا مو تسمع كلام اخويه ابو الزووووووووز ويورطك ماكو عربي بالامارات خوما عبدووووووووو يترجملك هو فاضي شيخ عبدووووووووووو للترجمه وشمفهمه بالعربي وهو امشي كل الامور بالمكتب ومدام مي بس تنطي اوامر وهو الكل بالكل فعيني ابو الزوووووووز تريد تورطهم شنو انت بالاردن لو بسوريا لو بمصر 
اما عالمكان الفارغ بالفورم فحط بيه هذه العلامه / وذلك دليل على لا يوجد اوكي وكل الاوراق اللي تفيدك بالقضيه ارفقها وياك مصوره والاصليه احتفظ بيها عندك وكلما كانت الاوراق الثبوتيه كامله وموجوده كلما فرصتك اقرب لاقناعهم بقصتك واتمنى لك الموفقيه
واني حاضره لاي سؤال بس خلي يكملون الاولاد امتحانات وادعولي لهم بالنجاح يارب ولجميع اولادنا واولادكم يارب واي سؤال مستعجل اتركوه لي عالصفحه مالتنه هذه واني ان شالله بس ادخل ارد عليكم بأقصى سرعه بأذن الله ولا تنسونا من صالح دعائكم اختكم شجرة الدر

[شجرة الدر]

وعفيه عليك اخويه فايوووووووووو لان الترتيب والتضبيط هسه راح يرتبلك امورك وتكون مسيطر ومرتاح بعدين ومراح تنخبص بالقابله مال المنظمه ومالت المحلفين وحتى قبلها مال التوطين وادراج الاحداث بتواريخها وتسلسلها وتصويها وابقاء نسخه معك للاستفاده منها حتى الفورم هو صوره وخلي يمك نسخه وتحفظ القصه بتواريخها واحداثها كما تحفظ اسمك ومو تفشلنه تراه امتحان مصييررررررررررري بالنسبه لك ولعائلتك والله يسهل واذا تون حريص من البدايه صدكني مراح تلاكي صعوبه بالمقابلات ومن تتطلع من المقابله تكتب كلشي كلته حتى ما تنساه بالقابله الثانيه من يسألوك عليه وتكون ورده ومسيطر وماكو تضارب بالكلام لان احتمال يسألوك سؤال ومن تطلع انت وتدخل زوجتك يسألوها نفس السؤال لكن بطريقه مختلفه لكي يجدووووووووووو ثغره بالقصه حاااااااااول اخي تضبيط كل شيئ واستفادوا من هذه النصائح ولا تستهينون بيها تره والله لوجه الله انصحكم بيها لكي لا تحرموا من فرصة التوطين وتضيعون مستقبل عوائلكم بسبب هفوه صغيره هااااااااااا سمعت اخويه ابو الززززززوووووووووووزززززز مع اطيب تمنياتي لكم بالموفقيه اختكم شجرة الدر

[vaio]

الحمد لله على سلامتك اختنا العزيزة شجر الدر

الله يعينك على الاولاد ويسهل امورهم وانشالة  ربنا ما يضيعلهم تعب .

وان شاء الله  ربنا ييسر الامور ويعجللكم بالسفر وتعيشون حياة افظل  باذن الله .

انا صحيح اتاخرت ولحد الان ما دزيت الفورم وانا اشوف اذا اتاخر كم يوم احسن مما اتاخر اشهر بسبب غلطة  بالتاريخ لو غلطة بالقصة اوغيرها .

انا الحمد لله كتبت  القصة  والمعلومات الاخرى كلها بالانكليزي  بس انا عندي وثائق كثيرة  تقريبا 12 وثيقة طبعا هاي من غير الجوازات لان صور الجوازات ايضا تعتبر وثائق ثبوتية .
طبعا بالنسبة للجوازات والتقارير الطبية  ماكو مشكلة هية اصلا اما بلغتين او تكون بالانكليزي مثل التقارير  الطبية
بس شهادات الوفاة والتائييدات الرسمية  او اوراق التهديد  وعقد الزواج وغيرها  هل تحتاج الى ترجمة ؟؟؟؟؟؟

واذا ادزها هسة مو مترجمة يصير بعدين او قبل المقابلة الاولى اترجمها كلها ؟

وارجو ان يكون اخوي ابو الزوز ما فاتته هاي الشغلة  وحسب الها حساب  اخوان هسة حالنا مثل حال الي عنده  سهم وقوس ويكلوله عندك  ذاك الهدف وبس هذا السهم ...  لو يصيب وتكون من المحضوضين  لو تخيب وما تصير الك جارة بعد  مو صحيح ؟

على كل حال التوفيق من الله   ونسأل الله عز وجل ان يسهلها   علينا اجمعين

اخوكم فايــــــــو 

[شجرة الدر]

اخي العزيز فايوووووووو اشكرك على دعائك لي ولك مثله ان شالله

اما عن شهادات الوفاة فليس لك حاجه لترجمتها لانك سوف تشرح لهم بالمقابله عنها وتقدمها كوثائق ثبوتيه على صحة كلامك وهم يأخذون نسخ منها ويتأكدون من المطابقه مع الدوائر الحكوميه بالعراق من صحة صدورها وان لا تكون مزوره وثق يتأكدون من كل ورقه تقدمها والله يسهل عالجميع وانت مترجم القصه وهذه اهم شي

[ayadkoo]

سلامي لاخواني الاعزاء هاي شنو صاير ه عركه على الرئاسه يمعودين لاتتعاركون على الرئاسه وابشركم احنه شلنه الكرسي سويناها مسطبه احسن حتى تكفي مو لواحد حتى نخلص من المشاكل شنو هاي الغيبه يمعودين والله اني عندي 3امتحانات وما كطعت والله افتقناكم وبشرينه احتنه شجرة الدر ماكو اخبار حلوى والله ياخونه ابو الزوز صحيح ماقالته اختنا شجرة الدر اهم شي الترجمه عند عبد السلام اذا افتهم القصه عبد السلام يقدمه اول الكل وانشاء اللله يسهل علينه جميعا

[vaio]

السلام عليكم اخوان

يابة ابو الزوز الورد على كيفك ويا الريس مالنا
اولا كل كلامك  اذا كنت تضنه صح فهو قابل للخطاء واذا كانت اكو معلومة عن الاخرين  تعتقد هية خطاء فهو خطاء قابل لان يكون  صح يعني المسالة نسبية  وقد يكون احد الطرفين على صواب والاخر على خطاء او كلاهما على صواب او كلاهما على خطاء   يعني  كون النقاش تكون بيه آراء مختلفة هذا شي طبيعي  احنا لازم نعرف رايك وراي اختنا وراي اياد ورائيي والهدف جدا واضح ان ناخذ خلاصة .  يعني كل واحد يعطي رايه الخاص  واحنا بعدين كل واحد بينا وقناعته بيا رأي ياخذ  لما يفكر بالموضوع زين ويحسبهة حسب وضعه وضروفه لا ان  نعين الرائي الخاطيء من الصواب .

 وطبعا انا من المعتزين بيك لانك وردة وتاج راس ورايك يهمنا  بالتاكيد  بس نريد  نجمع آراء حتى لو كانت مختلفة  حتى تتعزز الفائدة والدراية  ونطلع بنتيجة  تتناسب مع وضع كل واحد منا

على كل حال  ربنا يرجعك بالسلامة  وندعيلك ربنا يقضي حوائجك

اما بالنسبة الي يا اخوان
انا  حطيت 17 وثيقة بما فيها الجوازات  وطبعا الجوازات ما تحتاج ترجمة  وايضا التقارير الطبية ما تحتاج ترجمة بس باقي الوثائق انا خليتها مثل ما هي .
اما الفورما  انا مليت كل المعلومات  وخليت الجواب بلون مختلف حتى تلفت النضر وتتميز عن السؤال  وايضا تصير سهلة بايجاد الجواب وقرائته.
القصة  نفسها بالضبط  ما عدى الفقرات التي تتكلم عن التعريف الشخصي  ازلتها  لانها بطبيعة الحال  صارت موجودة بالفورم . وايضا عزلت  اسباب  عدم التمكن من الرجوع  وخليتها في مكانها المناسب
واعتقد انا هيج اكون  اعطيت الفورم حقه
بس شغلة وحدة جدا احزنتني  انو الوالدة ربنا يطول بعمرها  ويشافيها ما قبلت احط اسمها ويانا وتكول انت اذا رحت انا ارجع للعراق .

واليوم من الصبح انا اتصلت وطلعتلي وحدة يمكن كانت مدام مي  سالتها كلتلهة انا بعثت الفورما واريد اتاكد من عبدو انه استلمها  فقالت  ان السيد عبدو غير موجود اليوم ويجب ان تتصل به غدا

هاي كل القصة 
تحياتي الى الاخ اياد واكوله الله ينجحك
 

اخوكم فايـــــــــو

[شجرة الدر]

السلام عليكم جميعا اخواني الغالين

هاي شنو يمعود ابو الزووووووز مسويها ملحمه عليه مشرحني تشريح شوف هاي بس غفلت عنك شويه كلبت المكتب مالنه كلب وخطيه اللاجئيين الله استشاروك كلهم عبدوووووو ما قبل ملفاتهم لان بالعربي ومافهمها شفت شكت خسرت المكتب ههههههههههههه لالا وفوكاها مسافر وما كايلي شلون وياك عيني مو ميت مره كتلك بطل هالحركات لاتسافر وتخليني ادور عليك يوم بعمان يوم بسوريا بس لا غافلتني ورحت للعراق هاي شلون منين اجيبك ما اتوب انته تاليها وياك اتظل شالع كلبي وادور وراك ومتيهه المكتب مالنه وراح يعزلووووووه شلون وياك ابو الزوز الله يساعد مرتك عليك

عيني لا تزعل عليه تره والله اني انصحكم باللي يحبه الله واخاف عليكم من هفوه ممكن تضيع فرصة العمر بالنسبه لعوائلنه والله مثل ما اخاف على عائلتي تره اشوف عوائلكم مثل عائلتي وثق المأساة وحده كلنا ما نكدر نرجع وكلنا منتظرين الفرج من رب العالمين واريد كل اموركم تمشي بسهوله ان شالله وتستفادون من تجربتنه وتجربة الاخرين وما توكعون بنفس الاخطاء والله يسهل للجميع
ثالثا تره صدك اكلتنه وشربتنه شنو فايط بينه هاي مسافر وهيج لو هنا شجان سويت الله اليستر منك شنو سالفتك عيني ابو الزوووز
عاشرا تره اني زعلت   يعني اني الامرأه الوحيده بينكم المفروض ادللوني واني اختكم الجبيره  
واشكر اخي العزيز فايوو والاخ ايادكووووو لتوضيح الامور لاخونه ابو الزووووووز
مع تحياتي اختكم شجرة الدر

[ssoni]

مرحبا

[شجرة الدر]

اهلا وسهلا بيك اخونه سوني

[شجرة الدر]

لالالالالالالالالالا عيني اخويه ابو الزووووووووووز اني ما استغني عنك انت النائب الحباب مالتي بس ياخوفي اتسوي انقلاب عسكري عليه واطيرني اصلا اني بس اسافر ايصير الحكم الك يله اصبر بقى القليل وتخلص مني ههههههههههههه ادعيلي علمود تصير رئيس بمكاني  ويصيرون نوابك اخونه ايادكوووووووو والاخ فايووووووووووو المستشار مالتك اوكي بس دير بالك على حكومتنه الرشيده مو تتركهم وتسافر يوميه اوكي هههههههههههه اتشاقه وياك اخويه العزيز ورده ابو الزوووووووووز

[شجرة الدر]

اخوان يوجد مواعيد سفر جدا كثيره يعني العشرة ايام الاخيره من شهر السادس كلها سفر وطيران للتوضيح فقط

[Zozzz]

الله يزيد ويبارك بالسفر  وان شاء الله نسمع بيوم سفرج انتي وملك الحيرة يارب

[شجرة الدر]

الله يسمع منك اخويه ابو الزوووووز ويوم اللي تستلم بيه الموافقه ان شالله باقرب وقت وتفرحونه انت واخونه فايوووووووو واخونه ايادكووووووووووووو

[شجرة الدر]

للرفع

[أبو راجو]

صباح الخير
هذا اول يوم لي بالموقع واتمنى ان تعم الفائدة الجميع ونستفيد من معلومات الاقدم

بالنسبة لي فقد علمت بموضوع وجود منظمة UNHCR في ابو ظبي قبل اسبوعين فقط
وقبل اسبوع اي نهاية شهر ايار ذهبت اليهم وبدون اي اسئلة طلبت من الموضف الهندي استمارة وفعلا اعطاني واحدة وقمت بملئها مع ارفاق بعض المستمسكات كالجواز والجنسية  الخ
ليس عندي اي معلومات سابقة
هل هذه المنظمة ستحول الملف الى جهة اخرى
هل ستكون المراحل المتقدمة ان شاء الله من الامارات ام يجب السفر الى مكان اخر
من الذين قدموا لهم سابقا:  بعد ان اعطيتم استماراتكم ماذا حدث بعدها؟ 
وفي حال قبولكم هل البلد سيكون امركا ام اي بلد اخر
اتمنى الرد

مع الشكر

[أبو راجو]

الاصدقاء كافة

رجاء انصحوني هل من الجيد الافصاح عن حالات صحية مزمنة ام لا؟ قصدي هل ذلك يوثر ايجابيا ام سلبيا؟ وخصوصا لكبار العمر

مع الشكر

[شجرة الدر]

اخونه ابو راجو يعني انت ملئت الفورم مال اللجؤ لو لا اخذته من عبد السلام ارجو التوضيح اكثر اما عن المراحل كلها من الامارات ما تحتاج تسافر مكان او اي بلد اخر ليتسنى لنا الرد على اجوبتك ومساعدتك اختكم شجرة الدر

[أبو راجو]

مساء الخير
نعم استلمت الفورم من موضف هندي في اليو ان  وقمت بملئ الفورم وارفقت بعض المستمسكات الرئيسية واعطيته الفورم وطلب مني كتابة رقم تلفوني والايميل وقال خلاص روح وهم يتصلون بيك.
اريد اعرف بشكل عام متى ياتي اول اتصال وماذا يتوجب علي ان احضر من الان (طبعا اني كتبت الهم القصة) وارفقت بعض المستمسكات الرئيسية مثل الجواز والجنسية لي  وصور جوازات العائلة.
بالنسبة الى شهاداتي فهي جاهزة عندي وكذلك دفتر الخدمة والجنسية وشهاد الجنسية
هل الامور في الوقت الحالي افضل ام اصعب؟
هل يعطون فقط امريكا ام اي بلد (عند الموافقة)
هل من الجيد الافصاح عن حالات صحية صعبة او مستديمة (خصوصا لكبار السن)

وشكرا

[شجرة الدر]

اخي العزيز الاتصال حسب ما يكون ترتيبك لان اكو حالات منتظره من سنه تقريبا بس يمكن لان موعد مقابلات التوطين قريبه يمكن يأخذوك ويه هالوجبه انت وحظك لان عن قريب راح يبدون بوجبه جديده والله كريم

اما عن الحالات المرضيه فكلها تذكر لان يأخذونها بعين الانسانيه والرأفه

وتسأل عند الموافقه يوجد بلد غير امريكا فأقول لك من الامارات لا بديل غير امريكا والله يسهل عالجميع يارب
وحاليا الامور افضل من قبل لان قبل كانت اطول بالسنين اما الان اقصر

[أبو راجو]

شكرا على الرد
اود ان اعرف بشكل عام
منذ متى وهذه المنظمة في ابو ظبي تعطي استمارات؟
وهل تعرفون احد قدم هنا وحاليا وصل الى امريكا او بلد اخر؟  واذا نعم فما هي المدة التقريبية رجاء؟
مع الشكر

[ayadkoo]

اهلا وسهلا بيك اخونا العزيز ابو راجو انشاء الله الاخوان مايقصرون وياك
اخونا العزيز ارجع الى البدايه مالت الموضوع كلشي مذكور والاخت شجرة الدر مامقصره والاخوان الاعزاء ابو الزوز والاخ فايو وانشاء الله يسهل على الجميع




                 اخوك اياد

[شجرة الدر]

مثل ما تفضل اخونه ايادكو اخي ابو راجو اطلع على الردود السابقه وانت تكون معلومات كامله عن موضوعك شخبارك عيني اخونه العزيز ايادكو ماكو جديد ؟

[أبو راجو]

مساء الخير
اشكركم على الرد
وصدكوني قبل ما اسال عن الوقت الذي استغرقتموه في ملفاتكم والتفاصيل فقد قمت بالفعل بقراءة المكتوب اعلاه لكن لاحظت ان هناك قسم قدموا اولا وبعدها استلموا الفورم وقسم اخر قفل فتره وصلهم الفورم وهكذا.
بالنسبة لحالتي فقد ذهبت بنفسي وطلبت فورم واعطوني بنفس اللحظة وجلست عندهم واكملت المعلومات (حيث كنت مجهز مسودات معي) وارفقت صور الجوازات لي وللعائلة واعطيتها للموظف الهندي وقال بعد فترة نتصل بك اما عن طريق الهاتف او الايميل.
سوالي هنا: بعد عملية استلام الفورم لكم   متى كان اول اتصال؟  وما هي اول مرحلة ؟ 

تحياتي

[ayadkoo]

اخونا العزيز ابو راجو موعد تسليم الفورمه هي والقصه كامله  1-11-2008
موعد اتصال عبد السلام قبل 3 اسابيع يعني تقربيا 20-5-2010
هذا الوقت مو احترامي اللك اخونا وانشاء الله يسهل على الجميع
سلام عليكم جميعا والله ياختي شجرة الدر ماكو لاحس ولانفس انت اخبار قصتكم وين وصلت
والله ياختنا العزيزه انشاء الله يسهل عليكم جميعا

[أبو راجو]

شكرا على الايضاح
واذا ممكن عندي استفسار:  هل تقديمكم للفورم مع القصة عام 2008 كان في ابو ظبي ام عن طريق ايميل لمنظمة اليو ان في مكان ما  ام عن طريق دولة اخرى مثلا سوريا او الاردن

مع الشكر

[vaio]

السلام عليكم

شلونكم اخوان ان شاء الله كلكم بخير

ومرحبا بيك اخونا ابو راجو .  بالنسبة لكل تساؤلاتك هاي هي بالحقيقة موجودة  اما في اعلى الموضوع مال اختنا  شجرة الدر او في قسم المواضيع المهمة.  و انا انصحك تدور في قسم المواضيع المهمة  لان هذا افيد الك  خصوصا وانه  اكو اشياء هية اصلا مو على بالك فما راح تسأل عنها  بس لما تدور في قسم المواضيع المهمة راح تتعرف على شغلات كثيرة انت اصلا ما سائل عنها وليست في بالك  .

وهذا الرابط مال المواضيع المهمة المثبتة
http://www.ankawa.com/forum/index.php/board,207.0.html

اما عن  استفساراتك  فراح اجاوبك حسب ما اعرف

اولا نعم كل الي يقدمون من الامارات  هم يقدمون عن طريق ابو ضبي   وما يحتاج يروحون لمكان ثاني .

وعادة يكون التقديم اما عن الايميل او بالفاكس او باليد وما اعتقد اكو فرق بينها  كلها
المهم بالموضوع هو السرة ( الدور على كولة اخوتنا المصريين ) وايضا الحالة  تؤخذ بنظر الاعتبار  اذا كانت مستعجلة او محرجة .
اما عن الوقت ما بين استلام الفورم حتى الخطوة التالية  فهذا مرهون بعدة اشياء مثل الاسبقية وخطورة الحالة .
وطبعا ليس هناك سقف زمني معين لاتمام العملية  باكملها  اذ لكل فرد منا  ضروف وحالات مختلفة  وهذا كله يؤثر على الفترة الزمنية  وايضا ضروف  مكتب المفوضية كذلك .
وهناك اشخاص  كملو كل شي بثلاث اشهر او اربعة  وسافرو  واكو ناس بقو عدة سنوات . والتوفيق من الله

اتمنى اكون اعطيتك معلومات مفيدة لك .


تحية الى اختنا العزيزة شجرة الدر واخونا ابو الزوز الذي خرج ولم يعد  والى اخونا العزيز اياد


اخوكم  فايــــــــــــو
 

[شجرة الدر]

مساء الخير والورد على اخوانه جميعا
اخي ابو راجو مثل ما تفضل الاخ فايوووووو بشرح الموضوع وتبقى انت وحظك واقتناع عبد السلام بالموضوع

اما اخي ايادكو فأن شالله الله يفرج عليكم وعلينه ونحن بالانتظار ولا جديد جوه رحمة الله والله كريم

اخي فايوووووو عاشت ايدك عالرد الوافي ويسهل امرك يارب اما عن اخونه ابو الزووووز بعثتله رساله عالخاص وما رد عليه يمكن زعلان ويانه  بس والله تره كلكم اخوه وعزاز عليه الله شاهد والله يسهل عالجميع وانا حاضره لاي سؤال

اختكم شجرة الدر

[أبو راجو]

شكرا للاخ فايو والاخت شجرة الدر
بصراحة انا جديد في الموقع ولم اكن اعرف شي اسمه (مواضيع مهمة)
ومثل تفضلكم كل حالة لها اعتبارات خاصة
الله يسهل على الجميع ويفرج عليكم وعلينا

تحياتي

[ayadkoo]

سلام عليكم اخواني جميعا يمعود اخونا ابو الزوز الك وحشه اشو ماكو والله يااخويه اشو عبد السلام هجم فد هجمه وهسه سكت وماكو لاحس ولا نفس والله ياخويه ابوالزوز يمعود همه الارباب كلهم هسه  سايكين يدورون حجه علينه والله اليستر والله هو الستار بس الله يسهل علينه يارب اخنا شجرة الدر اني ماصليين على عبد السلام شنو اشو السالفه مالتكم طولت انشاء الله يسهل عليكم
اخويه فايو شكرا لك على التوضيح للاخ ابو راجو وانشاء الله نبقى عائله وحده واحد يساعد الاخر



                 اخوكم اياد

[شجرة الدر]

اهلا اخوان والله اني هم مدا ادري شنو السالفه يمكن اني اخر عراقي ظليت اشو كلها مواعيد سفر وشغلتنه بايكه هوه كلما اتصل اسأل عبدووو يكولي I call u شلون تاليها ما ادري واتصل بالمنظمه يكولي انسحبت الامنيه مره ثانيه بالتحقيق الامني تحديث ليش هي شوكت طلعت حتى تنسحب يعني بعد ما صار سنه ليش انسحبت تحديث ما ادري يمكن بس اني ظليت لان اخونه ملك الحيره لا حس ولا خبر والفيزياويه الغاليه هم لا حس ولا خبر شنو القصه بله هم عدهم ضروف يتأخرون شويه احنه شعدنه شنو عالواهس خالينه علمود لا يضجون لوحدهم ههههههههه يمكن هيج قصدهم الامريكان ليش نظلمهم ونكول طولوها وصرنه مو بس طرشي صرنه مخلل من هذا الزين المعتك بالبستوكه    الله كريم الله يسهل عالجميع يله ضاله ونس وياكم خطيه ليش تضوجون لوحدكم   لازم اكو احد وياكم يله تحملوني وادعولي بلكي تخلصون مني عن قريب ههههههههههههه

[vaio]

السلام عليكم  جميعا

مساء الخير والعافية والدعوات المستجابة في ليلة الجمعة المباركة
وان شاء الله كل امسياتكم محفوفة بالخير والبركة  والعافية .

يابة ابو الزوز الحمد لله على سلامتك حبيبي  وما تشوف شر.  يابة احنا لازم نقلق عليك اذا تغيب وهذا  واجب علينا  واحنا مثل ما كال  اخونا اياد احنا مثل العائلة   او نكدر نكول مجموعة اخوان  وكل واحد يسال عن الثاني اذا غاب .

وشكرا الك حبيبي اياد  ويارب يفرج عنكم وعنا  .

وتحية الى اختنا شجرة الدر  وان شاء الله ربنا ييسر اموركم يارب .   خوية لا تضوجين ولا  تديرين بال واعتقد شغلتج مو يم المفوضية  يم الامنية  وان شاء الله هية خلصانة  وما احب اسمع منج هاي اللهجة والمليئة باليأس  ترة هاي ابدا مو زينة على مجريات الامور . كولي خير يصير خير  وخلي املك بالله كبير  انا قبل  قلت الك ولاخونا ملك الحيرة ان الواحد لازم يركز فكره  بالطريقة الايجابية  وبيعد عن ذهنه كل الافكار المو زينة   وتضنين بالله الخير   والله عز وجل  يقول في الحديث القدسي  انا عند ضن العبد بي  يعني تضنين خير بالله  وانه راح يخلصها  فهي كما تضنين او  تضنين سوء وانها راح تتعقد  فهي كما تضنين . لذلك رسولنا الكريم قال تفائلو بالخير  شنو ؟؟؟؟ تجدوه  يعني مسالة حتمية الي يتفائل بالخير من صدك لازم يلكيه . اسأل الله العلي القدير ان يسهل اموركم  ويشرح صدوركم ويقضي حوائجكم برحمته انه السميع العليم .

يارب  خلصنا من اختنا العزيزة شجرة الدر  وانقلها بقدرتك بين السماء والارض بسرعة 650 كيلو متر  واعبر بها المحيطات حتى تصل الى  امريكا  هية وعائلتها  بالقريب العاجل بس لا تخليها تنسانا  وتبدل علينا اول ما توصل انك السميع المجيب .


وطبا ما انسا اخونا ابو راجو  نمسي علية بالخير والعافية

اخوان  انا  دزيت الفورم  وخلصت منه . بس ضهرت مشكلة  فنية بسيطة .
وهي اني دزيت ايميل بيه فايلين  الاول هو الفورم والثاني هو الوثائق .
وبعد عدة اتصالات  ماكدرت احصل عبد السلام وكان في عدة مرات يطلعلي واحد  يمكن يكون جديد وهو شخص عربي  لهجته كانه صومالي او مثل هيج شي.  الشخص  كان متعاون بس مو مثل عبد السلام وكان دائما يكلي عبد السلام مشغول  .
 وفهمت منه ان حجم الفايل اذا تجاوز الخمسة ميكا بايت  ما راح يقبله السستم   وانا كان ايميلي بيه فايلين واحد 8 والاخر 14 ميكا  يعني  انسا يوصل .
فنصحني ان ابعثها بالفاكس  وانا  بصراحة ما حبذت الموضوع  واجهدت نفسي حتى ازغر الفايلات وبالفعل  بعثت اربع ايميلات  الاول كان فيه  الفورم والثاني كان فيه نسخ الجوازات والثالث باقي الوثائق والرابع  فيه التقارير الطبية .  
ورجعت اتصلت  وطلعلي نفس الشخص الذي رفض اعطائي اسمه وقال لي انه غير مفوض باعطاء اسمه  على خلاف عبد السلام .
فقال لي اتصل بي غدا وسوف  نرى.
اتصلت به ثاني يوم وقال نعم وصلت الايميلات  بس انت ليش باعث الوثائق هسة ما نحتاجها  . كلتله انا بعثتها  وخلص بعد تريد تشوفها  او تخليها بعدين ما تفرق

واخر  معلومه منه قال لي  انتظر اتصال منا  بخصوص المقابلة .
 واخبار  اخرى   ايضا  الاول ان  المفوضية ما تترك اي ملف حتى لو لم تتابع معهم   يعني ممكن يطول اكثر بدون متابعة بس ما ينهمل .

والثاني انهم لم يعطو صديقي الذي بعث رسالته قبل شهر تقريبا  لم يعطوه الفورم  بالرغم من ان عبد السلام  هو الذي اتصل عليه  ليتأكد من تاريخ ارسال الرسالة وقد طلب منه صديقي ان يعطيه الفورم لكنه لم  يقبل وقال يجب ان تنتظر .  بخلاف ما  حصل مع اخونا  ابو راجو  .

ودمتم بخير

 اخوكم فايــــــــــــو

[شجرة الدر]

اني جدا شاكره لك اخي العزيز فايوووووووو وان شالله لنا ولكم احسن الدعوات اللهم امين وتتحقق بأذن الله عن قريب والنعم بالله اخي العزيز وما عدنه غير رب العالمين يفرج علينه وكل امر عنده بميعاد والله يسهل يارب واني مؤمنه ان الله يريد لنا الخير في كل زمان ومكان ولا حول ولا قوة الا بالله العلي العظيم وندعووووووو جميعا اللهم يا مسهل الشديد وملين الحديد اعنا على مالا نطيق واخرجنا من الضيق الى اوسع الطريق اللهم امين
وتحياتي لكم جميعا بالموفقيه

[شجرة الدر]

للرفع

[أبو راجو]

الاخوة والاخوات جميعا
شكرا على الترحيب وشكرا على الايضاح وان شاء الله نستفيد جميعا من المعلومات الخاصة بهذا الموضوع والتي من شانها باذن الله ان ترفع من معنويات الجميع.

شكرا

[ayadkoo]

لسلام عليكم اخواني اليوم اتصل فينا عبد السلام بخصوص خطا في الاوراق واتصوروا اخواني عبد السلام يداوم حتى يوم السبت وخبرني عبد السلام بسبب الضغط الحاصل علينا اليوم السبت عندنا دوام وانشاء الله اخواني يتم انجاز قضايانا بسرعه والله يسهل على الجميع.............



اختنا شجرة الدر والله ندعي الج من كل كلبنا

[vaio]

بشرك الله بالخير  اخونا اياد هاي ايضا اخبار تطمن وتبعث على التفائل
الله يسهل للجميع ويقضي حوائجهم

[Zozzz]

السلام عليكم اخوان
الله يسهل امرك اخويه العزيز ايادكو ويفتحها عليك وعلينا وموفق عيوني انته ...انتم السابقون واني واخويه فايو وابو راجو اللاحقون ويوم نسمع خبر حلو عن اختنه العزيزه شجرة الدر والله يوفق الجميع..

أخوكم ابو الزوزززز

[أبو راجو]

مساء الخير
عساكم جميعا بخير وعافية

هل من جديد لديكم وماذا تسمعون بشكل عام؟ الامور ماشية على ما هو عليه ام اصبحت اسرع؟؟

تحياتي

ابو راجو

[vaio]

اخونا ابو راجو  وسع صدرك وطول بالك شغلتنا احيانا تمر بشهور طويلة او حتى سنوات بسبات عميــــــــــــــــــــــــــــــــــــــــــــــــــــــــــــــــــــــــــــــــق .

لا تظن كل الايام هية مثل الكم يوم الي مضت . وهاي حقيقة لازم تعرفهة وتقتنع بيها والاهم من هذا ان تستعد الها وتتقبلها .

ما اريد اهبط معنوياتك بس هاي هي الحقيقة .ما النا غير الصبر والدعاء.  انا بالنسبة الي اصبر لاني ما بيدي شي غير الصبر.  والامل بالله عز وجل كبير .

اخوك فايـــــــــــــــــــــو

[أبو راجو]

شكرا للاخ فايو
انا بالي طويل واعرف الموضوع ياخذا اشهر وسنين
لكن حبيت اسمع اخبار الاخوة والاخوات هنا لان اليوم والبارحة ماكو احد كتب شي
والموضوع كله اني مقتنع بشي والكل ياريت نفس الشي
انه نكول وندعي : ربي يقدم اللي بيه صالح

تحياتي

[شجرة الدر]

السلام عليكم اخواني
اشكركم بالدعاء لي والله يوفقكم جميعا يارب ويسهل امركم
شلونك اخويه ابو الزووووز الورده واخي العزيز فايوووووو واخي الغالي ايادكووووووو شخباركم ويه عبدووووووووو
والمدام اما عنا فنحن على حطت ايدكم
لا جديد بس انتظار والله كريم الله يفرج عالجميع


مع تحياتي
 اختكم شجرة الدر

[أبو راجو]

صباح الخير
الجو العام في هذه الجمعية وجميع الجمعيات الاخرى في هذا المنتدى يدعو بحق للتفاؤل
وحب المشاركة والتعاون من قبل الجميع بصورة عامة يبعث الأمل
شكرا لكم ونفرح لسماع اخبار حلوة عن اي شخص وعائلة عراقية
تحياتي

ابو راجو

[شجرة الدر]

طبعا اخي ابو راجو احنه هنا عائله واحده ولازم نتأزر حتى نعدي الازمة والله يوفقنه ولو العراقيين بالامارات غير متعاونين تشوف المصريين والهنود هنا كلها اخويه وابن عمي بس العراقيين يشوف عراقي وياه بالشغل اظل يحفرله حتى يطيره وهذا الشئ كلنه لمسناه هنا بالامارات فانشالله نتعلم من باقي الجنسيات التلاحم والتعاون وواحدنه يحمي ظهر الثاني علمود نكدر نعيش بالحياة الصعبه وبما انه انت ابو راجووووووو ومختارلك اسم مال هنود اكيد لمست هذا الشئ بيهم هههههههههههه صح لو لا اخويه   تحياتي ... اختكم شجرة الدر

[شجرة الدر]

السلام عليكم شخباركم ماكوووووووووو اخبار جديده سمعت يكولون المقابلات مال المنظمة من خابرتهم كال الموظف نبدي الشهر السابع بنهايته تقريبا فهاي اخر ما سمعت عسى ان يكون خير للوجبه الجديده


اختكم شجرة الدر

[Iraqi Christopher]

اخواتي واخواتي الاعزاء

بداية اعتذر لعدم التواصل معكم هنا علما انني مقيم في الامارات ومقدم لبرنامج IOM مباشرة في عمان ولكن الان بدأت اجراءات جديدة في الاردن وذلك بتحويل معظم الملفات الى الدول التي يقيم فيها مقدمي الطلبات.

اود ان افيدكم بمعلومة وهي انني قمت بالاتصال بال ICMC في تركيا يوم امس وقام الموظف الذي يفهم العربية بتحويلي الى موظفة اجنبية وسألتها عن موعد قدوم الوفد الى الامارات قالت لا يوجد جدول محدد ولكن ربما في غضون شهرين تقريبا.

وايضا قمت بعدها بالاتصال بعبد السلام قال لي اتصل بنا بعد ساعة، اتصلت بعدها بساعة فقال لي لا يوجد احد متفرغ للرد عليك!!! فعلى ما يبدو والظاهر الاخ Office Boy ولا ناقة له ولا جمل في الموضوع.

بعدها طبعا (رزلتة) لانه كذب وانكر انه قال لي ان اعاود الاتصال بهم بعد ساعة، وحضرتكم تعرفون الهنود (بالرزايل يمشون) المهم بعدها قال لي اتصل بنا يوم الاحد وساحولك على الموظف المختص.

حسب معلوماتكم هل بالامكان زيارتهم مباشرة؟ وسؤالهم بشكل مباشر ام لا؟ لاني اريد التأكد منهم هل اضافة طفل بحاجة لمقابلة الوفد ام فقط تقديم اوراقه وكم تستغرق عملية اضافة الطفل؟ لان المنظمة في تركيا قالت اتصل بهم واسألهم افضل.


اخوكم

كريستوفر العراقي

[vaio]

السلام عليكم  جميعا

شكرا الك اختنا العزيزة شجرة الدر  على هاي الاخبار واعتقد لازم يسوون المقابلات الاولية " مقابلة المعلومات " قبل وصول الوفد  يعني المفروض المقابلتين  راح تكون خلال الشهرين القادمة ان شاء الله .

اهلا اخي العزيز  كريستوفر العراقي  ومرحبا بك  بين اخوتك  واحنا هنا  جمعتنا اختنا العزيزة شجرة الدر الله يسهل امورها يارب  واكيد كلنا من الامارات  ومهم جدا نكون على اتصال دائم حتى نكون على معرفة باي جديد يحصل عالساحة .
بالنسبة لك اخي العزيز  نعم تكدر تروح  وتسأل بنفسك  وبالنسبة  لخبرتنا ان عبد السلام الهندي  بيده هواي اشياء  لكن في الفترة الاخيرة لما نخابر يطلعنا واحد جديد وما يقبل يقول اسمه  وانا سألته مرتين  عن اسمه وكلي انا مو مخول ان اقول اسمي مثل عبد السلام . المهم هذا الشخص مو كثير يتعاون وما يحب ياخذ وينطي بالكلام واعتقد هوة صومالي او شي من هذا القبيل .

اخونا العزيز ابو الزوز شني انتة  بعدك خارج الامارات لو رجعت يمعود خبرنا حتى نسويلك حفلة برجوعك بالسلامة .

اخوكم فايــــــــــــــــــو

[Iraqi Christopher]

شكرا اخي العزيز فايو للرد، لكن الشخص الذي رد على اتصالي عرف عن نفسه انه عبد السلام، وعلى العموم ان شاء الله يوم الاحد اتصل بهم مرة اخرى واذا لم اتمكن من التحدث مع الموظف المختص سأقوم بالذهاب الى مقرهم بشكل مباشر ان شاء الله واوافيكم بالاخبار.

اخوكم

كريستوفر العراقي

[Iraqi Christopher]

هلا والله ابو الزووووووووووز شلون ما اتذكرك حبي، طبعا اكولك صحيح الحمد لله كملنا المقابلات بس ترة هم لعبان نفس بعمان هاي على حطة ايدك صار النة تقريبا من الشهر الثامن 2009 مقدمين يعني صار 10 اشهور وبعدنة انراوح بمكانة، اضافة للبهذلة وكل يوم تعال سافر وقابل وافحص وصرف روحة جية لعمان وتاليهة طلعونة مالت نقل الملف من عمان!!!

انا افتخر بيكم واحنة اهل واخوة ولازم واحد يفيد الثاني ووالله انا موضوعكم اصلا ما منتبه عليه ولهذا اعتذر من جميع الاخوة اللي هنا بالامارات لعدم التواصل معهم، واتشرف بيكم جميعا اخوة واهل اعزاء وعلى الراس والله.

ان شاء الله نبقى على تواصل دائما وواحد يفيد الثاني وواحد يوكف للثاني احنة بغربة واحنة اهل واخوة هنا واكيد نتعارف اكثر ونتشرف بيكم جميعا.


اخوكم

كريستوفر العراقي

[شجرة الدر]

السلام عليكم اخواني الاعزاء الله يوفق الجميع يارب ويسهل امر الجميع اما عنك اخي كريستوفر العراقي روحلهم احسن ونام على كلب عبدوووووووووو تره يغلسون هنا مو مثل عمان مثل ما بلغوك الاخوان وبلغنه شصار وياك اخونه وبالتوفيق ان شالله

اخي ابو الزوووز واخي فايوووووووووووو اني حاضرة اي معلومه اسمعها ابلغكم علمود تتحضرون والله يفرج عالجميع  اختكم شجرة الدر

[vaio]

السلام عليكم
حبيبي ابو الزوز الحمد لله على سلامتك  عيوني والف هلا بيك  هاي انتة كلت يومين وارجع وصالك شهر . ما ادري انتة ايضا تعلمت من عبدالسلام   لو انتة الذي علمت عبد السلام  على طــــــــــول البال .
ربي يحفظك  ويجعل سفرتك القادمة  عدل وكبل الى الولايات المتحدة  .

وتحياتي للجميع

اخوكم فايــــــــــــو

[شجرة الدر]

هههههههههههههههه حلووووووووووووووووه اخويه فايوووووووووو على الفقره اللي تكول بيها

ما ادري انتة ايضا تعلمت من عبدالسلام   لو انتة الذي علمت عبد السلام  على طــــــــــول البال .


الله يسمع منك اخويه وان شالله كلكم كبل لامريكا عن قريب باذن الله

[أبو راجو]

صباح الخير
بعد مرور تقديمي للفورم 25 يوم ولم يصلني اي اتصال قررت اتصل بيهم ولاول مرة
جاوبني شخص على كولتكم ما ياخذ وينطي بالكلام ومن لهجته ليس هندي
قال لا داعي للاتصال نحن نتصل بكم

تحياتي

[أبو راجو]

صباح الخير
بعد مرور تقديمي للفورم 25 يوم ولم يصلني اي اتصال قررت اتصل بيهم ولاول مرة
جاوبني شخص على كولتكم ما ياخذ وينطي بالكلام ومن لهجته ليس هندي
قال لا داعي للاتصال نحن نتصل بكم

تحياتي

[شجرة الدر]

لالالالالالالالالالا عيني زعلك غالي عليه اخويه ابو الزوووووز وما تهون عليه والله دااتشاقه وياك هاي شنو ما تتحمل شقه من اختك  خلاص سكتت بعد ما احجي  يمعوووووود ما استغني عن النائب مالتي شلون تقبلها شنو تريد تفلت شنو سالفك عيني ابو الزوووز الورده والله كلكم اخوتي وعزاز عليه الله شاهد والله يفرج علينه وعليكم يارب

[شجرة الدر]

اخي العزيز ابووووو راجو بعدك توك اسم الله بالطبك توك مقدم ان شالله يتصلون بيك بس لا تستعجل يمعود شو 25 يوم وما متحمل لعد شنكول احنه تحملنه خمس سنوات وماشين بالسادسه اصبر الصبر طيب

[شجرة الدر]

up

[أبو راجو]

صباح الخير عليكم جميعا
هل أحد منكم اتصلوا به على مقابلات شهر 7
سمعت من صديق انه يتوقع بدء المقابلات شهر 7 والله اعلم

تحياتي

ابو راجو

[شجرة الدر]

نعم اخي الكريم ابو راجوووووووو احنه هم سمعنه بالخبر الله كريم

[شجرة الدر]

اليوم تم بعون الله سفر عدة عوائل عراقيه من الامارات متوجهين الى امريكا ندعوووووو بالسلامه لهم ان شالله

[شجرة الدر]

السلام عليكم اخي الغالي ابو الزوووز وين هالغيبه يمعووود بالنسبه للكفيل فيطلبوا عنوانه اثناء مقابلة المنظمه وبعدها ايضا في مقابلة الوفد الامريكي

[شجرة الدر]

السلام عليكم اخي ابو الزووووز احنه من فتره تقريبا من سنه كالت مدام مي انه راح يتوقف اللجؤ للعراقيين فكالت اقبلوا بأمريكا وجلبوا بيها لان ما مضمونه باقي الدول وامريكا الوحيده اللي نتعامل من الامارات معها يعني بس امريكا ما كو غيرها (وايس يا عبيس ) وكالت انصحكم تقبلوها لان ما اضمنلكم الوضع وصحيح قبل فتره اتصلت وكلمتها وكالت اصلا اللجؤ بس سنة 2010 وعلى 2011 بعد ماكو للعراقيين وكالت الوضع دا يتحسن وبعد تشكيل الحكومه يحلمون العراقيين اكو دوله تقبلهم وكالت اصلا اكو دول حترجع العراقيين وصدك بعدين سمعنه بهذا الكلام هسه انه بريطانيا وهولندا والسويد والنروج دترجع اللاجئيين العراقيين فكالت الوحيده امريكا مترجع وتنطيك الخيار بالعوده وكندا بس كندا هسه دتدرس الملفات المتعلقه عدها وتكملها ومدا تستقبل جديد الا بحالات خاصه مع تحياتي اختكم شجرة الدر

[vaio]

السلام عليكم
 يمعودة خوية شجرة الدر وكعتي كلوبنا  .
هسة لما نشوف خبر عن غلق اللجوء في المنتدى العام  نكول هذا حجي ودعايات  وما نهتم بالموضوع
بس لما نسمعه منك  لازم نحسبله الف حساب خصوصا وانتي تكولين هذا كلام مدام مي

اذا بالنسبة للحكومة فالحكومة لا هاي الاولى ولا الاخيرة  و الوضع هوة هوة ويمكن اتعس
 
واذا بالنسبة للدول الباقية ومنها امريكا فانا اعرف انهم موقعين على معاهدات  وهاي مو بكيف الواحد مرة يقبل ومرة ما يقبل  يعني الانسان اللاجيء موجود في كل عصر واحنا العراقيين اكثر ناس ينطبق علينا حكم اللاجيء  فشلون يوكفونها بالسنة الجاية
واحنا هسة لحد الان ولا مقابلة مسوين يعني لحد الان ما سوينا شيئ يذكر غير اننا ملينا  الفورم
فشنو احنا مصيرنا ؟

يعني قابل امريكا وباقي الدول راح تضمن لنا ان العراق يصير بلد يمكن للانسان ان يعيش بيه بالشكل الطبيعي ؟؟؟
علواه  يكون العراق امن  وبيه مقومات الحياة الصحيحة والنجاح والمستقبل الجيد  من باجر انا اسافر  لاوالله من اليوم اسافر  بس ماكو هيج شي لا باجر ولا بعد خمسين سنة
يمعودة اجبري خاطرنا  بكلمتين واحنا هسة نريد واحد يشجعنا ويشحذ هممنا مو ينطينا خبر وجمالة بايت صارله سنة

يمعودة اختنا العزيزة احنا تعودنا منك اخبار مفرحة وحلوة وتبعث على الامل  ليش هيج 

تحياتنا الك وانشالة هاي الاخبار ما تضر بقضيتنا

اخوكم فايـــــــــــــــــــــر  بعد ان كان فايـــــــــــــو  قبل ان يسمع هاي الاخبار

[أبو راجو]

صباح الخير اخوية فايــــــــــر
اني حالي مثل حالك بس مقدم فورم ولا احد مخابرني ولا احد متصل بايميل ولا شي
انت شوكت قدمت الفورم؟  وسلمته باليد لو بايميل؟
اني مقدم قبل اقل من شهر باليد ولهسة ماكو شي
بالنسبة لاختنا شجرة الدر  الله يعينها لانها صار الها سنسين
الله يسهل عليها وتجي منها رسالة (باركولي راح اسافر)
بالمناسبة اختنا شجرة الدر
انتي مقدمه قبل سنين وين؟ بالامارات؟ لو بعدين تحولتي عالامارات؟

تحياتي
اخوكم شايط

اقصد ابو راجو

[أبو راجو]

شكرا ابو الزوز على الرسالة
صدكني اني ما مستعجل ولا حاط فكري بيها لسبب اني مقتنع 100% بان الخير فيما اختاره الله

بس من اذكر موعد تقديمي ولا احد يتصل   الخ   هذه فقط لكي اعرف موقف الاخرين وبنفس الوقت يستفادون من معلوماتي
حيث لاحظت انه بطريقة التواصل العامة تعم الفائدة للجميع ويستطيع الجديد والقديم الاستفادة من المعلومات والتجارب

ربي يسهل عليكم جميعا ويقدملكم اللي بيه خير يارب

تحيات اخوكم
ابو راجو

[vaio]

السلام عليكم

حبيبي الغالي ابو الزوز  كلامك كله صح وانا كنت من المتفائلين بالاول وما كنت اقبل واحد ينتقد الوضع بالعراق  واكول لازم الجماعة ياخذون فرصتهم لازم ننطيهم مجال لازم لازم لازم .... بس بعد الثمان سنوات الماضية وصلت الى نتيجة خلاصتها ان العراق بالتقييم الحالي انة في احسن الضروف يمكن تحسن 10% خلال ثمانية سنوات  يعني اذا نريد التغيير 100% فيجب ان ننتضر 80 سنة. وبما انه راحت من80 سنة  8 سنوات والباقي 72 سنة بأذن الله والامور تصير زينة وعال العال هذا اذا ما صارت مشاكل تعكر صفو عجلة التقدم والازدهار .

هسة تعال شوف  هاي المعادلة ........            عمرك الحالي  + 72  = عمرك عندما ترجع الى بلدك بعد ان يقولون لك تعال عراقك صار براسه خير  
طبعا هذا الكلام راح يصادف 2082 م   ان شاء الله     عاد تروح للعراق وانت بكامل قواك العقلية والبدنية
ادخلوها بسلام امنين وكل واحد من عدنا عمره 120 سنةعلى الاقل  

عاد هنا نروح انثور الاماكن الثياحية ونثوف ناطحات الثحاب  نثتري ملابث من الثناتر مال باب الثرجي  

مع تحيات جدكم فايـــــــــو

[شجرة الدر]

اخواني الغالين استهدوووووا بالرحمن تره وجبتكم ما مشموله بالمكرمه مالت غلق اللجؤ لان الوضع تحسن هي قصدها عالوجبات القادمه وره 2011 او الى 2011 يقدمون بالجديد لان انتوا ما طول قبلوكم وانطوكم فورمات لا تخافون يعني مقتنعين بيكم والله يسهل جميع المقابلات ان شالله ويعني اكوو موافقه ميدئيه عليكم من المكتب الاقليمي ومن مقر الامم المتحده بجينيف يمعووودين شبيكم الله يفرج عالجميع يارب اختكم شجرة الدر

[أبو راجو]

صباح الخير عليكم جميعا
عسى ان تكون بداية أسبوع خير وأخبار حلوة عنكم

وياريت أعرف من ذوي المراحل المتقدمة اين يكون الفحص الطبي في الامارات واين كانت مقابلاتهم واين كانت دوراتهم التثقيفية.
مع الشكر

[شجرة الدر]

اخي ابو راجوووووووو المقابلات كلها باليوان والفحص الطبي يكولون في ابو ظبي لان اني يعدنه ما فاحصين اما عالدوره التثقيفيه فكل وجبه بمكان تحدده اليوان والله يسهل عالجميع يارب

اختكم شجرة الدر

[أبو راجو]

اختنا شجرة الدر
شكرا على التواصل وحبيت اعرف انتي من شوكت مقدمة؟ وشنو مراحلج؟ وباي دول كان التقديم والمراحا؟
حسب ما قريت نقاشاتكم بالجمعية من بدء انشاءها انج مقدمة من زمان
ياريت اعرف التفاصيل
واني توقعت انج مكملة فحص طبي لاني شفت انج تسالين عن اعادة الفحص
عالعموك اني اكملت شهر منذ تقديمي الفورم في ابو ظبي ولم يصل اي اتصال
تمنياتي الج والعائلة الكريمة بان تسهل اموركم ونسمع اخبار سفركم عن قريب باذن الله
تحياتي الج ولجميع الاخوة والاخوات المتواصلين
ابو راجو

[شجرة الدر]

اخي ابو راجوووووووو التفاصيل بالصفحة الاولى من الرابط مالتنه انا والاخوان الباقين

[شجرة الدر]

اخي ابو راجووووووو انا اسال عن اعادة البصمات وليس اعادة الفحص

[أبو راجو]

صباح الخير
اعتذر صار عندي تداخل معلومات
تحياتي الى جميع الاخوان والاخوات وتمنياتي بشهر 7 مليئ بالاخبار السارة

ابو راجو

[شجرة الدر]

مشكووووووووور وللجميع بالمثل

[شجرة الدر]

شنووووووو القصه لا خبر لا جفيه لا حامض حلو لا شربت
اني حبشركم عبدووووووووووووو رايح للبنان لان موافقات التوطين مالتكم واصله على لبنان هذا اخر خبر شوفوا شلون وجهي خير واجيبلكم كل الاخبار الحلوووووووووه يله ادعولي يعني عن قريب تحضروووووووووو للمقابلات مال التوطين اختكم الحبابه شجرة الدر

[أبو راجو]

صباح الخير
والله منذ دخولي الموقع ومعرفة حالتج بالدخول لجمعية الامارات واني مع نفسي
ربي يسهل امرهم لانهم صارلهم هواية منتظرين
بغض النظر عن نوعية الاخبار اللي تجي من عندج
احنا نكول ربي ييسر امركم بالامر الحسن
وييسر امر جميع اخوتي واخواتي في جمعيتنا بشكل خاص والكل بشكل عام

اخوكم ابو راجو

[vaio]

اختنا  الحبابة شجرة الدر  الله يبشرك بالخير  ويارب مثل ما انتي تسمعينا اخبار حلوة ومفرحة ربا ان شاء الله يسمعك اخبار حلوة ومفرحة تسر القلب وتطيب الخاطر وتقر العيون  .


اخوكم فايــــــــــــــــــــــو

[ayadkoo]

السلام عليكم اخواني انا اسف كنت مسافر وبس ادخل اتابع اخباركم ومشكوره اختنا شجرة الدر على هل الاخبار الحلوى والله العظيم ياختنا شجرة احنا ندعي الج بالخير وربي يسهل اموركم وتسافرون بس انت لازم اتفكرين بينا احنا هنا منو بعد يجيبنه هل الاخبار الحلوى وسلامي الى اخواني الاعزاء وانشاء الله يكون النا هذا الشهر حاسم يارب الفرج

[شجرة الدر]

السلام عليكم اخواني جميعا واشكركم هووووووووااااااااااااااااااااااايه عالدعاء ولكم مثله بأذن الله وتفرج عليكم ونلتقي بأمريكا ونسمع عنكم انه تكونون احسن الناس يارب والله يفتحها عالجميع ونكون دوما متحابين ومساندين لبعضنا ولا تفرقنا لا طوائف ولا القاب ولا ملل ان شالله اخوان في الله جميعا اختكم شجرة الدر

[شجرة الدر]

عيني ونائبي واخي الغالي ابو الزووووووز هذا سر المهنه ههههههههههه شلون اكلك منو كلي غير اخليك على نار منو كلي واسوي اكشن شويه عليك هههههههههههههههه اخي الغالي اتشاقه وياك اني اتصلت بالصدفه دا اسأل عالملف مالتنه وكل مره يطلعلي الاوفس بوي السوداني ماادري الصومالي وضوجته هواااايه بالاتصالات وحولني على المدام وهي كالتلي عبد السلام بالبنان مشان موافقات التوطين للوجبه اللي تابعتكم حبيبتي هيك ومشان هيدا عبد السلام مش موجود وداعيتك ما جذبت خبر وشفت لسان حلوووووو نزلت بالاسئله لان اول مره اشوف لسانها حلووووو واستغربت بصراحه ههههههههه ومصدكت وركعتها بكونية دعوات فتحت اربع اوياله ونزلت السبير هم وظليت احجي وياها ربع ساعه اتصور مع مدام مي ربع ساعه واخذت الخيط والابره منها شوفوا اختكم زوعتها كل الحجي شلون صدك ما يجيبها الا نسوانها هههههههههه

اما عن المقابلات فهسه تحضروا لمقابلات التوطين لان عبدوووو وصل اليوم وياه الموافقات وراح تبدي مقابلات التوطين ووراها المنظمه التركيه وبعدها الوفد الامريكي

اما عن موافقاتنا تجي عالمكتب الاقليمي بالسعوديه نعم تجي للسعوديه هاي مالتنه اشو مالتكم من السعوديه تكول تروح للبنان علمود تنختم وتوصل بيد مندوب الا وهو عبدووووووووووووو اضرب عبدووووو صارلك درب لبنان على حساب العراقيين هذا امه داعيتله هههههههههههههه
اشكركم عالدعاء اخي الغالي فايوووووووو واخي العزيز ايادكووووووو الله يفتحها عليكم يارب

مع تحياتي اختكم شجورة الدر هاااااا صدك الحبابه

[ام لافينيا]

تحية طيبة للجميع
اخواني وخواتي اريد اسال سؤال

اني راجعت الى عبد السلام ومليت الفورم وانطاني كيسي نمبر
وبعدها قابلنا مدام مي المصرية وكانت مدة المقابلة تقريبا اكثر من ساعتين بس سؤال وجواب وقامت بختم الملف واخذ تواقيعنا جمعيا
سؤالي هل تعتبر هذه المقابلة الاولى ام ماذا تسمى
وبعدهاي المرحلة شنو الي راح يصير

رحمة على امه وابوه الى يجاوبني

[ام لافينيا]

تحية طيبة

شكرا اخويه على هاي المعلومة واختنا شجرة الدر قلبها طيب اتسامح الكل
اخوية اني مدام مي قالت لنا بعد التواقيع مالتنا سوف ارسل الملف الى الامريكان
بس احنا بعد فترة اجتيلنا عدة دعوات كفالة من اصدقائنا بستراليا قسم منهم ماخذين الجنسية صارلهم سنين وبحدود 10 اصدقاء فاخذنا الكفالات والتواقيع مالتهم وعناوينهم واعمالهم ورحنا بيها الى اليو انوشفنا عبدو كال راح اضيفها على ملفكم
سؤالي اكو هيج شئ ويصير لو بس راد يزحلكنا
واشكر وباركالله بكل من يجاوب

[ام لافينيا]

تحية طيبة
شششششكرا اخويه
والنعم باللله
اخويه اذا اتصل بمدام مي راح اتفيدني يعني راح تعطيني جواب
لانو انا خايفة وخاصة انا كتلهم ما عندي احد يكفلني بامريكا ولا اعرف احد بامريكا عندي بس بستراليا وعطيت كل اسمائهم وعناوينهم واعمالهم
الف شكر اخويه على اجابتك بسرعة وجزاك انت والي يجاوبني الف خير

[أبو راجو]

الاخوة والاخوات جميعا  تحية طيبة

الجمعية اخبارها ساخنة والكل متفاعل وان شاء الله متفائل ايضا 
سوال:
اني قدمت الفورم باليد قبل حوالي 40 يوم وفقط استلموه مني ومع السلامة بدون سوال او جواب
هل اخبار اختنا شجرة الدر تعني انه اكو امل راح يتصلون علينه لاجراء اول مقابلة؟ ام هذا يخص الوجبات اللي مقابلة اصلا او لديها كيس نمبر

مع جزيل الشكر

ابو راجو

[شجرة الدر]

ماشاء الله عليك عيني اخويه ابو الزوووووووز هسه اطمئنيت عالجمعيه لو غبت عنها اكو من يسد بدالي هههههههههههه
هااااااااااا هيج اني اخووووووف وماااااااااا ادري لا يمعود ورده واجابات حلوووه روح والهوى بظهرك  

اما عن اختي ام لافينيا العزيزه انا كتلج برد سابق اختي الكريمه انه اليوان في ابوظبي توطن الان بس امريكا وقبلوها وكولوا الحمدلله لان منعرف بعد فتره شراحيصير بصراحه اعتقد قريتوا اللنك التابع للاخ ماجلان يعني انتوا ان شالله ماشيه شغلتكم بأذن الله بس الوجبات الجديده الله اليستر وهذا الكلام انا سمعته من مدام مي سابقا ومكتوب عندي في احد الردود واعتقد علق عليه الاخ ابو الزوووز اذا يتذكر وكتله انتوا ان شالله ماشيه الامور بس اللي بعدكم الله يعينهم لان الحكومه العراقيه طالبه من الامريكان وقف استقبال اللاجئيين العراقيين واخذ جماعة SIV فقط لان قرارهم خاص وغير مشمولين بوقف استقبالهم وحالهم حال كل الدول اللي طلبت الحكومه العراقيه اعادة اللاجئيين وعدم اعطائهم حق اللجؤ لذلك الان توجد صعوبه بتوطين العراقيين الله كريم والله يعين الجميع اختكم شجرة الدر

[vaio]

السلام عليكم  جميعا

"شكرا اختنا الحبابة على هاي المعلومات الحلوة ان شاء الله تبشر بخير  وكأني شربت جاي من راس القوري"
 

طبعا هاي الجملة السابقة  كتبتها كشكر الك اختنا العزيزة شجرة الدر الحبابة .
واثناء  فشل ارسال  هذا الرد  وصلني ردك الاخير.   والحقيقة انصدمت مرة ثانية  لانك تفرحينا بخبر وما نلحك نفرح الا وتصمطينا بخبر اخر يرجعنا كرري 
يمعودة ترة كل الامراض صارت بيه من الهبطات وما اتحمل بعد .
 اما بالنسبة لموضوع الاخ ماجلان  فهو عبارة عن كلام هو اصلا غير متأكد منه حسب ما ذكر  وانا رديت علية في وقتها .ولافتقار الخبر للدليل  توقف من قبل الادارة .
وانا بدوري اتصلت  بأصدقائي الي في نيويورك واستغربو كثيرا لانهم على احتكاك دائم بالمنظمات ودوائر الهجرة ولم يسمعو  بمثل هذا الخبر .

والف اهلا وسهلا اختنا ام لافينيا  بين اخوتك واخواتك  وانا احب اخبرك ان احنا كلنا من الامارات وكلنا تحت ضرف واحد وهدف ايضا واحد  لذلك احنا هنا نحرص على ان نكون متواصلين دائما لمعرفة ما يستجد من اخبار او تطورات . والي يصير ويا اي احد منا  نطرحه حتى يعلم به الجميع وياخذ النصح منهم  وانشالة وجودك معنا به فايدة الك والنا على حد سواء.

ويا ريت لو  توضحين لنا  منذ متى  باشرتي بطلب اللجوء  وكيف جرت الامو معك اذا ما يصير عليج زحمة . وربنا يوفقك  ويسهل امرك .

اخونا الغالي ابو الزوز شلونك حبيبي.
تحية لاخونا العزيز  اياد  واخونا الغالي  ابو راجو  .

تقبلو فائق  الاحترام
اخوكم فايـــــــــــــــــــــو

 

[شجرة الدر]

اخي العزيز فايوووو الله يبرد قلبك دوووم يارب وتفرح دوم انا قصدي انه هذا الكلام سمعته من مدام مي قبل فتره مو بس من الاخ ماجلان وان شالله يكون لا وتبقى الامور مفتوحه هو احنه شنريد غير الخير للجميع اخي الكريم وحبيت اوضح انه الواحد ما يتبطر على اللي الله كاتيه والحمدلله امريكا فكان بها الخير فيما اختاره الله اما اريد فلان دوله وما اريد فلان دوله لالالالا لان هذا مو من مصلحتنه احنه تحملنه كلشي في سبيل اولادنه ومستقبلهم ومصيرهم وهي مو شغلة مزاج صح لو لا انت معاي بهذا الكلام لو لا والله يفرج عالجميع

تحياتي اخي الكريم

[ام لافينيا]

تحية طيبة
شكرا للجميع
اني مقدمة قبل 10 اشهر بس قابلنا عبدو اعطانا الكيس نمبر شهر الرابع وبعدها بكم يوم قابلنا مدام مي
وبعدها بفترة اتصلوا اصدقائنا كالوا تعالوا الى استراليا واحنا راح نبعثلكم كفالة  واجتيلنا من كل الى نعرفهم بستراليا كفالات واخذناها وانطيناها لعبد السلام كال اوكي راح احطها بلمعاملة مالتكم
مع الشكر والتقدير

[ayadkoo]

سلام عليكم جميعا اخواني اخ ابو الزوز مشكور واخويه فايو شكرا  والاخ العزيز ابو راجو والاخت العزيزه والي ماتقصر باجاباتها شجره وماشاء الله عليك اخونا العزيز ابو الزوز نائب والثلث تنعام من نائب والله اجابتك الى احتنا ام لافينيا والي اتشرفنا باشتراكها وينا في عائلتنا .
اخواني اني محتاجكم اليوم باجابه والسوال هو اني اقامتي راح تخلص يوم 30 -7 و مااعرف  اخواني اريد احول الاقامه وانتوا تعرفون قوانيين البلد لازم يعطوك موافقة الشركه الي تعمل فيها والشركه الي اشتغل فيها ماتعطيني موافقه واذا ابقى بدون اقامه شنو الاجرائات المعمول بيها في اليوان  فانا اريد اجابه وافيه منكم وهل ماره عليكم هيج حاله ارجو الاجابه منكم اخواني لاني بامس الحاجه الها ومشكورين مقدما




     اخوكم اياد




 

[ayadkoo]

مشكور اخويه العزيز ابو الزوز على مشاعرك والله ياخويه اني يمكن تكول عليه كذاب عندي 100 واحد يكفلني بس حشاك الشركه الكلاب باكستانيين ومايعطوني موافقة نقل كفاله هي هذه المشكله عندي يعني الانسان عدهم مثل العبد مشتريه لازياده  راتب ولاتوفير سكن وانت تعرف هنا الوضع مدارس وايجار وعيشه صعبه اتصور جميعنا نفس الوضع والله يااخويه الله اليستر
اخويه هاي شنو ابو الزوز بس صدق يعني اختارت ونعم الاختيار اختنا شجرة الدر يعني نائب ونعمه النائب مشكور خويه ابو الزوز
والله يسهل على الجميع





        اخوكم اياد

[ayadkoo]

مشكور خويه ابو الزوز والله يااخويه انا صارلي عشر سنين وياهم ونفس الطاس والحمام على كد الراتب من راس الشهر الى راس الشهر ومن اسالهم على زياده في الراتب لا الوضع مو زين والله اخويه اني مااريدهم والله يااخويه من 4الى 5 سنين اني اريد اتركهم بس الوضع بالعراق مايشجع ان ارجع وتعرف عائله واطفال 3 وكلهم مدارس واني المشكله جنت مااعرف بشغلة اليو ان كان من زمان قدمت هسه اني متوقف على شغله هسه لو يتصل عبد السلام ويقابلنه اني اجدد واتحملهم سنه اني صبرت صبرت بقت على هاي السنه على كولتك اخويه ابو الزوز نتحملهم شلون ماكان الله كريم اخويه ابو الزوز اشكرك شكر جميل اخويه  ابو الزوز انشاء الله نتشاوف عند عبد السلام والله يسهل النا جميعا





         اخوكم اياد

[شجرة الدر]

اخي العزيز ايادكوووو تريد تعرف الحل امشي على الخطوات التاليه :-

1- حاول تتفاوض وياهم واجدد لو بس سنه كول ليش لان هسه من تحجي لليوان يكولولك روح استقر بأي دوله غير الامارات وقدم مناك ويظلموها عليك بس انت لا تحجي بالموضوع الا بعد مقابلة التوطين وتتحول على المنظمه لان بهاي الحاله غصبا عليهم يكولوك اكعد بلا اقامه واحنه نكلم الداخلية علمود المخالفات نساويها من تسافر
2- الافضل اكثر بعد مقابلة الوفد الامريكي لان يكونو ملزمين بكم بس شنو اذا تبقى عليهم تكنسل كلشي وتكعد حتى الليسن وحسابك بالبنك كله
3- الامارات مو مثل باقي الدول ماكو ورقة حمايه عدهم الا اقامة سارية المفعول ياله يوطنوك
والله كريم اخي الله يفرجها عالجميع

اختكم شجرة الدر

[ayadkoo]

مشكورين اخواني على اجاباتكم الوافيه مشكور خويه ابو الزوز مشكوره اختنا العزيزه شجوره على كولت اخويه ابو الزوز واني راح اخذ على مشورتكم اخواني وراح اتحمل موسنه سنتين بس غير عبد السلام يتصل مو موتنامن الانتظار الله يساعدج اختنا شجره على فترة الانتظار وانشاء الله يسهل عليكم

اخويه ابو الزوز اني اريد اعطيك راي في المدارس والله انصحك اخويه تسجل الجهال لان اهم شي مستقبلهم انت احسب سنه يعني على العطله الثانيه من السنه القادمه احنه متحملين المر من وراهم على كولتك انت اتحمل سنه وسجلهم وبعدين اخويه هيه صح طن فلوس بس نعطيه على شيكات والله كريم ويسترتنا اشو مقصرين على نفسنا حتى ندخلهم احسن المدارس واشكركم اخواني مره ثانيه والله احسن حنه عائله وحده واحد يشكي همه للاخر والله كريم


                     اخوكم اياد

[ام لافينيا]

تحية طيبة للجميع

طبعا اشكر الجميع واحب اكول انو شهر السابع هو شهر المقابلات
وحسب ما كالو انو بعد ماكو لجوء لان الوضع الامني بالعراق صار زين وهذا الكلام من un  الامارات ابوظبي (كلام مدام مي )

بالنسبة للهجرة من الامارات فقط فقط امريكا وماكو غير بلد مع العلم ودينالهم يمكن 10 كفلاء بس اصدقاء كالو ماكو الا اذا كان من الدرجة الاولى ام اب اخ اخت

سؤالي واني ما عندي اي فكرة عن امريكا اي ولاية هي الاحسن انا قريت بعض الولايات يكولون المساعدات تستمر الى خمس سنوات
وثاني سؤال انا عندي مبلغ من المال اشلون اطلعة يكولون اذا حسو عليكم عدكم افلوس تنقطع المساعدات  جاوبوني الله يخليكم بس اريد ولاية بيها جامعة دراسة البزنز لابني

[ام لافينيا]

تحية طيبة
احنا من اتصلنا بمدام مي وسالنها على استراليا كالت بس امريكا
وثاني كالت الوضع مال العراق راح يصير زين واللجوء راح ينسد مو بس من الامارات اللجوء عامة
واكيد الي ماشية معاملته تمشي جان كالت اتوقفت المعاملات صحيح
بس اعتقد المعاملات الجديدة تتوقف اومن تشكل الحكومة الجديدة على اساس راح يصير امان
والله يخليكم ما كلتولي احسن ولاية لو هما يختارون الولاية مو بكيفنا
مع الشكر

[أبو راجو]

اختنا العزيزة
ممكن الذهاب مباشرة اليهم وطلب الفورم
وعندها يكون لديك احتمالين:
1- ان تاخذي الفورم وتعبئيه وترجعين في يوم او وقت لاحق

2- ان تكونين مجهزة المعلومات الخاصة بالعائلة وصور الجوازات مع الاقامة مع القصة وتكتبيها عندهم

علما باني اخذت الفورم وسلمته بنفس الوقت وصار حوالي 45 يوم ولم يتصل بي احد


شكرا

[vaio]

السلام عليكم جميعا

ومرحبا بضيوفنا الجدد الي ما قصرتم وياهم ان شاء الله . وان شاء الله هذه العائلة من الاصدقاء  تكبر اكثر وكل ما تكبر طبعا تزيد للجميع الافادة  والاستفادة .

وكان بودي ان اشارككم في الايام الماضية  لكن الحالة الصحية كانت تعبانة شوي .

على العموم الان صار عدنا معلوم ان توقف (UN) عن عملها لفترة مؤقتة  وارد جدا  لكن ما هو غير معلوم بالضبط ان الذي مثل حالتنا  (مثلي ومثل اخونا ابو الزوز واخونا ابو راجو والكثيرين) لا نعرف في اي جهة نحن  هل نحن من الذين سوف تتوقف معاملاتهم ؟ ام لا ؟ .
واذا لم يشملنا التوقف هل سيكون التوقف نعمة لنا لاننا سوف نحضى بأهتمام اكثر لعدم وجود معملات جديدة بعدنا ؟.
اعتقد  الان هذا اهم سؤال نطلب  له اجابة  .
حتى لو كان هذا السؤال  يطرح مباشرة على جماعة المفوضية  بلكي نحصل جواب واضح .

واخيرا  دعائي لكم  بالتوفيق وتحقيق الاماني .

اخوكم فايــــــــــــــــــــــــــو

[ayadkoo]

سلام عليكم جميعا اخواني وعائلتي الكريمه سلامي لاخويه فايو الحمد للله على السلامه انشاء الله بخير ومابيك غير العافيه
واخواني انشاء الله يسهل على الجميع واختنا العزيزه الي تسال على اللجوء مثل ماكالوا اخواني روحي الى ابوظبي واخذي الاستماره باليد وامليها وانشاء الله يسهل وعلى راي اخونا فايو احنه في حيره شديده ياما متوقفين واما ماشييين والله اليسسسستر



        اخوكم اياد

[vaio]

السلام عليكم   اخوات واخوان.

 اخواني الاعزاء  اياد الورد وابو الزوز الغالي  شكرا لكم على الدعاء بالسلامة والصحة  والحمد لله انا ان شاء الله زين  بدعواتكم

اخوان اخر الاخبار  والي هية مهمة جدا

اليوم اتصل علي صديق عزيز علي من الصبح  يريد عنوان المفوضية  وانا وصفتله  وراح  هناك والنتيجة  هي .

لما وصلو كانو  قبلهم اربعة  اثنين منهم جايين يراجعون  والاخرين  حالهم مثل حال صديقي كل شي ما مسوين وهاي اول مرة .
 بعد الانتظار  الطويل   التقت بيهم  مدام مي  وخبرتهم  اشياء احنا نعرفهة مثل ان المكتب  امكانياته محدودة وان الذي عليه كنسلة لا يعتمد علينا  وشغلتكم  ممكن تطول من سنة الى سنتين  وووو
 بس الكلام المهم الي كالته  هو انهم كملو  طلبات 2007  و2008  وانهم بصدد تمشية النصف الاول من سنة 2009 .

ومعلومة مهمة اخرى  قالت  احنا حاليا  نسوي  غربلة على الطلبات والي نشوفه يستحق ننطيه  الفورم ( واعتقد هذا  الشي يخص الي كانو مقدمين  طلباتهم بالايميل وما محصلين على الفورم مثلي ومثل اخوي ابو الزوز ) . وقالت ايضا انه في المقابلات ايضا يتم غربلة الطلبات  مرة اخرى .
يعني بالمختصر الي  عنده كيس نمبر هوة الي بالسيف سايد حتما .
وقالت ايضا ان  الامريكان  قلصو العدد  الذي يستقبلونه جدا  بحيث اصبحت حالات  خاصة  جدا هي التي تقبل من قبلهم .
 هذا كل الكلام المهم الذي قالته الست مي اليوم  علما انها اعطت لهم جميعا الفورم .
 هذا ما حصلت عليه من اخبار هذا اليوم .
 ونستفهم من هذا الكلام  ان الـ(UN) لن يتوقف  عمله في الفترة الحالية والا ما كانت اعطتهم الفورم  وقبلت طلباتهم .
اما عن التاخير وتقليص العدد فهذا امر طبيعي لانه يتناسب مع حجم المشكلة في العراق لانهم يعتقدون ان المشكلة لم تعد  بحجمها السابق .

هذا كل الذي عرفته اليوم  وان شاء الله  تكون اخبار خفيفة على قلوبكم

تقبلو   تحيات اخوكم فايـــــــــــــــــــو

[أبو راجو]

السلام عليكم جميعا
شكرا ابو الزوز للسوال ونحن بخير والحمد لله

اني بدوري حاولت الاتصال اليوم اكثر من مرة لكن بدون رد

الله يسهل عليكم جميعا

تحياتي للجميع

ابو راجو

[ayadkoo]

السلام عليكم اخواني صدقوني اخواني اني اتصل دائما وخصوصا الفتره الاخيره يجاوب عى التليفون الصومالي يسده بوجه الواحد نساله على عبد السلام مشغول ونساله على مي مشغوله يسدها سد بالوجه ومره وحده طلعتلي وحده خبرتني نفس الكلام الي كاتبه اخونا فايو العزيز
اخونا العزيز ابو الزوز شلونك والله يااخويه هاي من يكولون بدينا بطلبات 2007-2008 هذا الكلام كله غير صحيح انا عندي اصدقاء قدموا 3-2009 خلصت معاملتهم وسافروا الى امريكا من هنا قدموا والثاني قدم بشهر 12-2008 سافروا الى امريكا والكلام الي يقولوا النا هذا غير صحيح
انا لحد الان مااعرف شنو اليتهم على التقدبم لايمشون حسب تقديم المعاملات يمكن يمشون على (قاله باله برتقاله قلي عمي احسب من واحد للعشره 1-2-3-10 )ويختارون المعامله
اخواني الاعزاء اني اضل احاول واحاول واتصل واي جواب احصله اني اكتبه وانشاء الله مااقصر وتتدلل اخويه ابو الزوز
سلمنا الى اختنا شجره انشاء الله المانع خير
وانشاء الله يسهل على عائلتنا جميعها واتمنى الكم التوفيقوالله شنو كاتبه على الجبين تشوفه العين والله كريم

[شجرة الدر]

السلام عليكم اخوان شخباركم ان شالله بخير
اخواني والله فرحت بتواصلكم في جمعيتنا الموقرة وهذا يدل على مدى تعاونكم والتزامكم بترابطنا كوننا عائلة واحده وان شالله دوما متواصلين على الخير

حبيت ارحب بالاخت سولتير واكول لها كل الهلا بيج بين اخوانج واخواتج اختي الغاليه

اما عنك اخويه العزيز ابو الزووووووز ونائبي الكريم اكولك شلونك وشخبارك وشخبار الاهل ان شالله بالف خير يارب وعن سؤالك عن الكيس نمبر اخي اني احب اكلك من نطاك عبدووووووووو الفورم يعني اعترفوا بيك كلاجئ لان هم ما ينطون الفورم الا يدزون قصتك للمكتب الاقليمي بالسعوديه ومنها الى جنيف وتجي الموافقه يالله ينطوك الفورم متشوف مو بسهوله ينطونه الفورم وبمقابلة التوطين ينطوك الكيس نمبر والله يسهل وان شالله عن قريب كلها

اما عن مدام مي فهي مديرة اليوان بابوظبي فهي عدها صلاحيات بكيفها تنطي اوقات واوقات تعقدها المهم الله كريم ويسهل عالجميع

اما عن المدارس فنصيحه سجلهم ومراح تخسر شي لان لو طولت ماتضيع عليهم سنه من مستقبلهم
اما عن كم اطول فعلمها عند الله لان احتمال الامنيه (التجيك الامني )تجي بسرعه واحتمال اطول والله يعين الجميع
وتحياتي لاخي الكريم فايوووووووو واخي الغالي ايادكوووووووووو واخي ابو راجوووووووو واختي ام لافينيا

اختكم شجرة الدر

[أبو راجو]

السلام عليكم جميعا

أختنا شجرة الدر

تصحيحا للمعلومة: اعطاء الفورم لا يعني القبول كلاجئ
حيث انا قمت بطرق الباب مباشرة وقلت اريد فورم فاعطوني وقمت بتعبئته وتسليمه بنفس الوقت ولم يتصل بي احد الى الان
احتمال ما تفضلتي به كان معمول به سابقا
علما باني لم اقابل اي موظف
فقط يمكن عبد السلام وهو موظف هندي اعطاني الفورم ورجع استلمه مني

وشكرا

[ayadkoo]

تحياتي الى اخواني جميعا
اخويه ابو الزوزز اني عندي معرفه شخصيه باشخاص قدموا في 2009 والحين همه في امريكا سبحان الله التساهيل من الله سبحانه وتعالى وانشاءالله يسهل على الجميع
انا حسب معرفتي في اجراءات اليوان ان اعطاء الفورم من الباب ليس اعتراف بانك لاجئ مع احتراماتي لاختنا العزيزه شجوره اعتقد هذه المعلومه غير صحيح يمكن كان معمول بيها سابقا
في السابق احنه من قدمنا قصتنا  على اوراق عاديه وليس الفورم مالتهم وراء 20 يوم ارسلونا الفورم بالايميل ومره ثانيه ملينها وارسلناها الهم هذا الاجراء السابق بس هسه يعطوها بالباب مااعرف وهيج طريقه اعتبرها خربطه وهوسه والله اليستر ونفس الوقت الله يسهل على الجميع
كانت الطريقه الاولى احسن وارتب يقرون  القصه ويتاكدون من مستمسكاتك يله يعطون الفورم هسه الله اليستر واحنه هنا عددنا المقبول محدود بالنسبه الى الاردن وسوريا لاشي
قبل الفورم كلش عزيز ه وتبقى معاملاتنافي الانتظار مثل شجرة الدر صار 5سنين و3 -2 وجان عددهم محدود اذا هسه صارت الفورمه بالباب يعني اذا وصلنا السره فد 5 سنين كلش زين والله ياخواني لا لا لا تصوروني اني اناني انشاء الله يفتحها على الناس جميعا وكل مابيه خير يصير النه انا من اتكلم هيج لاني كانت الفورم عزيزه جدا وما يعطوها وكانت امريكا فاتحه اللجوء هسسه قلصت العدد امريكا ومدام مي تعطي الفورم بالباب شنو الفكره انتوا حلولها اخواني مااعرف شنو السبب



     اخوكم اياد

[شجرة الدر]

السلام عليكم اخوان شخباركم ماكووووووو شي جديد طمنوني عليكم
شلونك اخويه ابو الزووووووووووز واشكرك عالترحيب الراقي الله لا يحرمني منكم جميعا وان شالله دوم اخوان في حب الله ومتساندين عالحلوه والمره والموقع وجمعيتنا الموقره منوره بيكم يحفظكم الله جميعا
اخي ابو راجو على وجبتنا كانت لا تعطى الفورمات بسهوله ومن الباب كانوا يدرسون قضيتنا وتحصل عليها الموافقه من جينيف كلاجئيين ياله يعطونا الفورم هذا الكلام قبل خمس سنوات لكن هسه الله يسهل امرنه وامركم اكيد تغييرت كثير امور واحتمال وحسب اعتقادي يردون الامريكان همه اللي يصفون اللي يقبلوا واللي يرفضوا وان شالله الجميع مقبولين بأذن الله

[شجرة الدر]

اختي الفاضله ام دودو

احب ابلغج شي انه اعتمدي الصدق في كلامج لان القصه والملف والمستندات المقدمه سوف تدرس جيدا وسوف تخضعين لعدة اسئله من المحلف وتظلين محرجه لانه هو قاري الملف جيدا ضمن لجنه خاصه ومحضرلج اسئله ملبلبه ومرات يسألج سؤال اله ربط بموضوع اخر في سبيل يتأكد من مصداقيتج واسئله ملتويه وشوف هو شنو اللي ما مقتنع بيه بقصتج او وين نقاط الضعف والاشياء الغير مترابطه لانهم لجنه مثل ماكتلج وفصفصون القصه مالتج وكوني متأكده انه اي شي يحس بيه المحلف بعدم قناعه او عدم مصداقيه اقري على ملفج السلام يرفض ولا يتردد ابدا وبالنسبه لشغلة السفر الى اسبانيا عيني راح يعرفون بسرعه هذه السالفه من خلال التجييك الامني وراها راح يرفضوج لعدم المصداقيه وهذا اسهل شي عدهم فكوني واضحه من البدايه ولا تضمين شي ورتبي حالج والله كريم

اختكم شجرة الدر

[شجرة الدر]

واحب اضيف انه الموافقه الامنيه تشمل التجييك على الاسماء والمواليد والسجل الجنائي وكل شي ضمن شبكة معلومات واسعه جدا لذلك اعتماد المصداقيه يجنبكم الرفض وان شالله التسهل من رب العالمين للجميع

اختي ام دودو قدمي الجوازين وبالنسبه للولايه اذا عندج كفيل وتريدين تروحين يمه اذكريه واذا لا ماعندج وما تريدين تروحين يمه لا تذكريه كولي لهم ماعندي احد وهم يتكفلون بيج
اما عن اخو زوجج فمااله علاقه بالموضوع بس انتي والاولاد وابوهم واذا تريدين سوي ربط ضعيف لان الربط القوي يلزمج بيه في حالة رفض احد الجانبين والله لا يكولها واتمنى الموفقيه للجميع

اختكم شجرة الدر

[شجرة الدر]

اهلا وسهلا حبيبتي واختنا الغاليه ام دودو
بالنسبه لسؤالك اختي الكريمه هذا سيعقد الموضوع اكثر لانه سوف يعرضك لتشابه الاسماء اللي ماتفض بيوم وليله وبين ما يتأكدون من الموضوع ويرجعون لباقي المعلومات وتكونين انتي نفسج راح يكشفون الامر كله وهذا مو بصالحج اختي الكريمه لانه يعرضك للرفض بعدم المصداقيه لا سامح الله ومن الله التوفيق اختكم شجرة الدر

[شجرة الدر]

اختي ام دودو اني بخدمة الطيبين
بالنسبة لبنتج اكيد كيس لوحدها لان فوق 21 سنه واكيد يسألوها عالقصه مالتكم

اما عن التقديم فروحي من الصبح همه بالتسعه يبدون دوامهم لان يجون ثمانيه ونص وتوكلي على الله والله كريم
اختكم شجرة الدر والصبرررررررررررررر

[vaio]

السلام عليكم  جميعا

شلونك اخوية ابو الزوز  ان شاء الله تكون بخير انت  وجميع الاخوات والاخوة وشكرا على القوس فزح الجميل الذي كتبته  وهذا دليل حرصك واهتمامك بقضيتنا المشتركة وهي البحث عن وطن جديد يعز الانسان ويحفظ كرامته .

املنا بالله عز وجل كبير  وانا ادعو كل الاخوات والاخوة في حال تلقي اي اتصال او ايميل من قبل مكتب الـ(UN) ان ما يتأخر بأخبارنا ويكتب لنا  باسرع ما يمكن حتى نكون مستعدين وعلى علم مسبق .

تحياتي الى اختنا العزيزة  شجرة الدر واخونا العزيز اياد والجميع وتمنياتي لكم بالتوفيق وقضاء الحوائج بأذن الله .

اخوكم فايــــــو

[ام لافينيا]

شششششششكرا للجميع
تحية طيبة

والله يا اخوان انا دانتظر مثلكم على اساس شهر السابع اكو مقابلات
واشو لاحس ولا نفس  الله كريم
انشالله كل مانع خير للجميع
وشكرا مرة ثانية

[Iraqi Christopher]

اخي العزيز ابو الزووووز انا موجود ولا جديد بخصوص موضوعي سوى انهم يوم  امس ارسلو لي ايميل من عمان يبلغوني رسميا بنقل ملفنا الى ICMC استطنبول، علما انه ملفنا قد اكتمل في الاردن قبل كم شهر ولكن علق بسبب اضافة طفل للكيس.

وقمت اليوم بارسال ايميل الى تركيا وساحاول الاتصال بهم يوم غدا ان شاء الله وساوافيكم باخر الاخبار.


اخوكم

كريستوفر العراقي

[jumbo]

اذا اتراسلون iom عمان يكون افضل
ic@iom.int
وبالتوفيق لكم

[Zozzz]

السلام عليكم

شكرا جزيلا لكل الاخوه والاخوات المتواصلين وجزاكم الله الف خير وفي ميزان حسناتكم  والله يفرج عنا وعنكم الهم والغم والانتظار ويسهل امركم جميعا...

اخويه العزيز جمبووو جماعة الامارات مالها علاقه بجماعه اي او ام عمان لانه احنه متابعين اصلا الى عمان انته تكدر تتصل بل اي او ام في حاله وحده انه اذا جنت مشتغل ويه الاميركان فتكدر عن طريق هذا الايميل والي تفضلت بي ان تراسلهم وتقدم مثل ميسمو تقديم مباشر مثل مسوه اخونه العزيز كرستوفر ....وراح تتوطن بدون ان تقدم للمفوضيه الساميه لشؤون ال لاجئينن والي مثل مسوينه احنه والاخوان هنا وبعد المفوضيه ماتقتنع بينه راح تحولنه ال منظمه شبيهه بل اي او ام واسمها ICMC ومكانها في تركيا اذا جان عدك فكره عنها طبعا هيا تشبه ال اي او ام من ناحيه العمل وتختلف من ناحيه الاسم  ارجوا ان استفاديت من المعلومات البسيطه وشكرا مره ثانيه عله مساعدتك النا ....

اخوكم
ابو الزوززز

[ياسر بغدادي]

                           


                           

      اخواني اني مقيم بالبحرين  سؤالي اكدر اجي لابو ضبي اقدم لجوء بال يو ان لو مايصير ومايقبلوني؟ وسؤالي  الثاني  هذوله جماعة ال اي او ام مايقبلون بس المقيم  بالاردن حتى لو انت وكل اهلك مشتغلين وي الامريكان اشو  شروط ماصخه ومالها داعي فهل  اكو واحد منكم  كالوله نفس الشي تعال  تقيم  بالاردن ؟

[Zozzz]

اختي قبل جان راسا اتدزين ايميل ال IOM عمان وتقدمين تقديم مباشر ((هاي في حالة انتي مشتغله ويه الاميركان))بدون يو ان ولا دوخه راس بس هسه عمان الظاهر لايصيها عل مقيمين الي خارجها يعني فقط متحددين بالعراقيين الي في بغداد والمقيمن في عمان والمشتغلين حصرا ويه الاميركان.....

بس في حالة انه انتي مشتغله ويه الاميركان فبامكانج ان تقدمين عل SIV والي هيه الهجره الخاصه عن طريق السفاره الامريكيه الي في البلد المقيمه بي بس بشرط لازم تتراسلين وياهم عل ايميل وتقدمين جميع المستمسكات والباجات وكتاب لازم من ال اج ار الوحده الامريكيه الي جانت مسؤوله عليج بانه انتي مشتغله وياهم يله يحولوج عل سفاره وينطوج فيزه الاميركا

ابو الزوززز

[امجد العراقي]

يمعودين   عيني  ابو الزوز زززززززز     
اني مقيم في سلطنة عمان
ودزيت الى  iom ايميل بكل الامور المطلوبه وجاوبوني انه لازم اكون مقيم في الاردن ؟؟؟؟!!! مع العلم اني اعرف  احد الاصدقاء
كملهه وهو مقيم بلسلطنه مثلي لكنه قدمهه العام الماضي شهر  4 . وبعد ذلك اتصلت مباشرة   ب IOM وابلغني الموظف
انني يجب ان اكون مقيم في الاردن حصريا!!!! حتى يسمح لي بالاستمرار في التقديم ؟!!!
ماذا  افعل في هذه الحاله ؟؟ لان الموظف قال لي  روح  قدم على ال UN  لكن المشكله  ماكو  اي مكتب  تابع الى ال UN
في السلطنة . ؟؟؟؟ وبالنسبه الى  un  الامارات  همين  قافله بالنسبه اليه ؟؟؟؟؟؟؟؟؟؟
ابو الزوززززززززززززززز     انطيني  حل  الله يوفقك .......
بانتظار الرد   
ادعوا بالموفقيه للجميع 

[امجد العراقي]

الاخ ابو الزوززززززززززززززززززززززز
مشكور على ردك 
انا للعلم راسلت جماعه مصر ايضا هسه اميلات بغداد ومصر كلها تتحول للاردن اوتوماتك  وبس اميل الاردن شغال حاليا 
بالنسبه لل اس اي في  اني عرفت من خلال منتداكم مشكورين انهم لديهم شرط مشتغل سنه وي الامريكان وهذا شرط ما تصور يتوفر بحالتي ؟؟؟؟؟؟؟؟؟؟؟؟؟؟؟؟؟؟ لان اني اشتغلت وي الامريكان  5 شهور وبعدين اشتغلت بشركه عراقيه تاخذ مشاريع تابعه للامريكان فتره اكثر من سنه    عندي باجات ووثيقة تزكيه منهم  اخواني اريد تفيدوني بمعلوماتكم حول ماكتبته هاي كافيه للتقديم  لل اس اي في            اي احد يفيدني يجاوب  جزاكم الله خيرا   

[شجرة الدر]

السلام عليكم اخواني واخواتي الاعزاء والغالين
مشتاقتلكم جميعا ولسماع اخباركم وان شالله تكونون بخير بأذن الله بس عذروني اوقات ادخل اقره اخباركم واطلع لان كان عندي ظرف ابعدني عنكم هذه الفتره وكنت متوعكه صحيا وماشاء الله اخويه ابو الزووووز كفى ووفى والله يحفظ تواصلنا ويجعله تواصل بر ان شالله ويفرج علجميع يارب

[ألمــــدرس]

موضوع فكرته جميله والتواصل ميل في هذا الموضوع
الف شكر لكل الاعضاء

[Iraqi Christopher]

اختنا العزيزة شجرة الدر ما عندج ان شاء الله الا العافية والصحة والسلامة

 نورتنا اخ غسان الاشقر وبارك الله بيك

شلونك حبي ابو الزوزززز شنو هاي الابداعات، الا اسويلك واسطة بال UN ايخلوك بدال مدام مي وتطردلنة عبد السلام وهذا الجديد اللي ما اعرف شسمة مجهول الهوية ما ادري سوداني ما ادري صومالي ما ادري هندي

طبعا اخر اخباري هي تم تحويل الملف رسميا الى تركيا، وفي انتظار الان اضافة طفل ولا جديد في الموضوع بس خلي نتواصل بهاي الجمعية ان شاء الله تعالى تكون جمعية خير وبركة ورحمة علينا جميعا


اخوكم

كريستوفر العراقي

[شجرة الدر]

اشكركم عيني على تواصلكم وسؤالكم عليه والله يحفظكم جميعا يارب من اخي ابو الزوووووووووووز الورده الى اختي ام دودو الغاليه الى اخي الغالي كريستوفر العراقي ومبروك عالتحويل واخيرا الف مبروك

واحب اشكر اخي الكريم غسان الاشقر على دخوله ومشاركته الراقيه وبأسمكم جميعا نقول له نورتنا ياورده

اما عن اختي ام دودو يمعوده الناس راحت واجت ونامت وكعدت وتمرضت وسويت عمليه واجيت وانت بعدج تعدلين بالاوراق الله يعين الرجال عليج اختي الغاليه ههههههههههههههه اتشاقه وياج لاتزعلين  شوكت قررتي تروحين يمعوده مثل ما كال اخويه ابو الزووز يوميه قرار ويوميه راي روحي بسرعه وخلي يقبلوج والله كريم لكل حادث حديث

اختكم شجرة الدر

[شجرة الدر]

اخويه ابو الزووووز مشتاقتلكم والله كلكم بس والله على المقابلات كنت اللي اسمعه من مدام مي او عبدووو او المنظمة اكتبلكمياه بس هالفترة انقطاع عندي عن الكل اعذرني عيني بس اصير زينه اشمشملكم الاخبار واجازف واتصل والله كريم

[vaio]

السلام عليكم اخواني واخواتي

اختي العزيزة شجرة الدر  الف الف الف الحمد لله على سلامتك ما تشوفين شر  وياربي الشفاء العاجل بأذن الله.
انتي اختنا  والخيمة الي تلمنا  وانا ارجو المعذرة منك لاني ما دريت بضروفك الصحية الا اليوم . وهذا تقصير مني لان الواجب ان اتابع  وياكم  بس ضروف العمل هي الي منعتني  وارجو السماح.

تحية لاخواني الاعزاء ابو الزوز واياد وكروستفر العراقي ولكل الاخوة والاخوات  ويارب تتسهل  اموركم جميعا
بالمناسبة انا عندي احساس ان تسمعون خبر مفرح خلال الاسبوع القادم ان شاء الله ويارب احساسي يكون في محله  والله اعلم .


اخوكم فايـــــــــو

[Iraqi Christopher]

السلام عليكم

يابة اليوم جايبلكم بشارة حلوة اليوم اتصلت بتركيا ICMC والموظفة كالت انه الوفد يجي الاسبوع القادم للامارات فالف الف الف مبرووووووووووك للجميع (طبعا الموظفة كالت الي انه هذه المعلومات غير رسمية للدقة في نقل الخبر)

وطبعا الاولوية ان شاء الله تكون للملفات مالتكم وبعدها احنة، فكلت الهة طيب احنة شنو ذنبنة وحولو ملفاتنة بصورة اجبارية مو اختيارية، كالت مو بيدي هذا الشي!!! فالله كريم وان شاء الله الموفقية للجميع

والله فرحت الكم جميعا كانه الي ويا رب يسهل للجميع وتبشرونا باخباركم، بس ادعولنة الله يرضى عليكم انه ملفاتنة هم يمشوهة وياكم وميأجلونة ان شاء الله

بس مو تنسون البشارة


اخوكم

كريستوفر العراقي  

[أبو راجو]

السلام عليكم جميعا وعساكم بخير وعافية
اخي كريستوفر ما المقصود ملفاتكم وملفاتنا؟  اقصد اللجنة تاتي للنظر في ملفات اي تواريخ؟ ارجو الايضاح لطفا

اني اتصلت بمكتب ابو ظبي يوم امس وقلت اني مقدم من شهر خمسة والى الان لا اتصال
قالت الموظفة عادي حتى لو عشرة اشهر بدون اتصال عادي
وعندما ياتي دورك يتصلون بك
كما سمعت ان موضوع يو ان الامارات محدد بامريكا فقط

هذه اخر اخباري

مع تحيات اخوكم
ابو راجو

[Iraqi Christopher]

اخي العزيز ابو راجو ملفاتنا اقصد بيها (الملفات التي تم تحويلها من الاردن الى تركيا وثم الى االامارات بصورة اجبارية)

وعلما انه مقدم تقريبا من سنة 2008 والى الان في معمعة المقابلات والفحوصات الطيبية والله كريم

وهذا الاخبار ان شاء الله طيبة جدا فوين بشارتي  (-;

اخوك

كريستوفر العراقي

[ayadkoo]

سلام عليكم اخواني وعائلتي الكريمه جميعا واشكر اخوي ابو الزوز على تفقدك لي والله يااخويه اني امتابعكم اول باول بس مر عليه ظرف اللله سترني بيه جان ابي الان الى رحمة اللله ولو تعرف السبب والله سخيف جدا سويتله عمليه شلت اله اللوزتين لو ابتليت وراء خمس ايام العمليه انفتحت وكانه ابني مذبوح وكان خطا من الطبيب العراقي وعادوا اله العملية من جديد على دكتور ثاني وصار ابي 3ايام بالعنايه المركزه لانه فقد نصف دم جسمه وكانت حالته خطره جدا ولحد الان ابني شويه تعبانه فانه اتمنى منكم الدعاء اتصوروا اخواني مجرد عملية اللوزتين كدت ان افقد حياة ابني الدعاء منكم اخواني الدعاء
واتمنى لكم الموفقيه جميعا انا ماعندي اي اخبار ولا احد اتصل بي واي شي يحصل معي اني اخبركم وامشاء الله اخباركم هاي الجميله تكون صحيحه لاني وصلت الى درجة الياس وانشاء الله يسهل على الجميع
حمد لله على سلامتج اختنا شجرة وانشاء الله الصحه والسلامه وسلامي لكم جميعا


                   اخوكم اياد

[شجرة الدر]

مساء الخير والعافيه عالغالين جميعا

اولا الف الف الحمدلله على سلامة ابنك اخي العزيز ايادكوووووووو ويارب يكوم بالسلامه وما يشوف شر ويهنيك باولادك يارب ويحفظهم جميعا اللهم ياشافي ياكافي يامعافي شافي كل مريض اللهم اني مسني الضر وانت ارحم الراحمين والله ييسر امر كل متضايق يارب واشكر سؤالك اخي الكريم ايادكو وان شالله الله يطمنك عالغالي يارب وترتاح

اخي الغالي فايوووووووو الله يحفظك ويسلمك يارب ويسهل امرك بأقرب وقت ياالله واشكرك اخي فايوووووو على مشاعرك الطيبه والراقيه ويمكن انا خيمتكم صحيح بس انتوا اوتادي اللي استند عليهم اخوه واعزاء وغالين الله الشاهد

واخويه العزيز ابو الزوووووز مو تدلل اخويه اسألك ان شالله باقرب وقت يامبهذلتني مدام مي يا محصله جواب منها احتمالين ماكو ثالث هههههههه وكلشي يرخص لعيونكم بس الله يسهل عالجميع يارب

اختكم شجرة الدر

[شجرة الدر]

نشكر باسمكم جميعا اخونه العزيز كرستوفر على نقل الخبر والله يبشره بالخير ان شالله يمكن نسافر سوى احنه وياكم يمكن ليش لا لان احنه هم بعد دننتظر والله كريم

[vaio]

السلام عليكم

اخي العزيز اياد الحمد لله على سلامة ابنك  ويارب الشفاء العاجل  وما يشوف شر والله يعينك ويبعد عنك كل كرب ودعائنا لولدك  ان شاء الله مستجاب وربنا يسلمه من كل شر ومن كل مكروه ويحفظه الك ويحفظك اله  بحق السميع العليم .

اما بالنسبة للخبر المفرح _
   انا اسجل اعتراضي عند الاخت  شجرة الدر  واقول لها  انا اشكر اخونا كروستفر على نقل الخبر وابد ما قصر . بس اذا اكو بشارة فالمفروض تنطوهة الي   لاني اول من بشر بالخبر المفرح في الاسبوع القادم في الرد رقم 267 واخوي ابو الزوز شاهد مو لو مو مو ابو الزوز؟؟
يعني اخونا العزيز كروستفر كان المصداق الاول للبشارة  وبعد كم يوم تجيكم الاخبار  الاكيدة .
 عود اذا انطيتوني البشارة  انا انطي منها شوية ماشي ؟ .

اخوكم  فايـــــــــو

[Iraqi Christopher]

بداية اقول للاخ ayadkoo الحمد لله على سلامة ابنك (نسأل الله العظيم رب العرش الكريم ان يشفيه) والله يا اخوي السلامة والصحة لابنك هم عدنة طفل جديد نمنة بيه يومين بسبب ابو صفار بمستشفى الكورنيش وخبلونة الاطباء بالبداية ورادو يبدلون دمة بس ربك ستر والحمد لله وطلع عندة بالاخير (انيما الفول)

شكرا اختي شجرة الدر والحمد لله على سلامتج وهذا واجبنا تجاهكم احنة اهل وبغربة وواحد يشيل الثاني وهية مكيولة (اهلك لا تهلك) ويارب يسمع منج والجميع يسافر قريبا يا رب

اخوي vaio يابة موافق هسة بس نستلم البشارة وخلي تصير صدك، واذا انت استلمت بشارة من احد وبشرتني انه استلمت بشارة منهم، الك مني بعد بشارة، بعد شتريد ههههه


ملاحظة للاعضاء: تقبل جميع انواع البشارة عدا العزيمة في مطعم هندي  (-:


اخوكم

كريستوفر العراقي


   

[شجرة الدر]

ههههههههههههههه لعد ماطول هيج الا عزيمة بقصر الهند على حساب ابوووووووووو الزووووووووووووووز شتكولون شفتوا شلون خباثه عالنائب مالتنه 

[Iraqi Christopher]

اذا على حساب ابوووووووووو الزوووووووووز ليش لا ولو اخر مرة اكلت اكل هندي اتسممت او ما ادري اشصار بيه تحولت هندي ولثاني يوم يالله اندليت دربي هههههه

[ayadkoo]

مشكور اخويه العزيز dodo3 على الدعاء الجميل وربي يحفظكم ويحفظ اولادكم من كل شر
مشكور اخويه كرستوفر  على الدعاءوربي يحفظ ابنك من كل شر بس خلي بالك عليه بالاكل لان الفول ممنوع منعا بات لان احنه عدنه شخص بالعائله نفس الحاله وانشاء الله يحفظه الك ويرعاه يارب ومشكور على هذا الخبر الحلو والله العظيم اجه بوقت اني كان الياس عندي 100%وربي الله يخليك وانشاء يتصلون  بك وبينا وامنه منكم جميعا اي واحد يتصل بيه عبد السلام يبشرنه وانشاء الله يسهل
مشكور اخويه فايو على دعاءك انشاء الله يحفظك ويرعاك من كل شر من كل سوء والله من قريت تفاءلك حسيت عبد السلام اتصل بي وانشاء الله يسهل علينا وعليكم
شكرا اختي العزيزه شجره والله العظيم الله يساعدج على الانتظار وربي يسهل عليج ويحفظك من كل شر ويحفظ اولادك والله اختي العزيزه اني صار سنتين وايست من عبد السلام والشغله كلها انتي شلون بس احنه ناخذ الصبر منج والله يسهل عليج وانشاء الله ننجمع كلنا بمطعم عراقي لو المسكوف لو رغدان لو كباب اربيل اذا اتصلو بيج على حسابج موبس اني والعائله جميعا مع اطفالهم وانشاء الله يسهل عليكم
اما اخويه ابو الزووووووووزز والله اخويه العزيز مشكككككور على مشاعرك تجاه ابني والله ياخويه كرهت نفسي من وراء وعلى رايك الدكاتره هنا شله واعبر وللاسف اخويه هو  الدكتورعراقي يلا الحمد لله على كل حال والله ياخويه اني متابع كتاباتكم بس والله ياخويه وصلت درجة الياس من عبد السلام وبعد ماعندي صبر الحياة صعبه هنا ولاشايفين اولادنا ولامرتاحيين يعني هسه اخذت اجازه شهرين اخاف اسافر وعبد السلام يتصل  وما يحصلني وكاعد بالبيت وياربي ادعي من كل كلبي هذه الاخبار تكون خير على الجميع وربي يسهل عليكم جميعا وشكرا لكم اخواني


            اخوكم اياد
 

[Iraqi Christopher]

شكرا ابووووو الزوووووووز على الدعاء ويا رب يحفظكم وتتسهل اموركم عاجلا برحمة رب العلمين

اخي العزيز اياد الحمد لله على كل شي من رب العلمين، ويا رب الله يسهل امرك ويجمعك بالاهل لقاء ما بعده فراق ان شاء الله

وان شاء الله الجميع يسافر برحلة وحدة، وننسى كل ايام الانتظار المر بهاي الظروف الصعبة اللي دنمر بيهة وعن قريب

طبعا اكيد ان شاء الله نبشركم باي مستجدات (حتى يصير نطلبكم بشارتين مو بشارة وحدة) هههه


اخوكم

كريستوفر العراقي

[vaio]

الله يجمعكم جميعا على الخير والالفة والبشارة . ويلم شملكم  بدولة تعز الانسان واهله  وتذل المنافق واهله .
وبالنسبة للعزيمة انا اختار مطعم كراتجي دربار ولن ارضا بغيره بديلا يكولون خوش صالونة وخوش جباتي ويمكن بالدهن الحر .
وماكو فرق بيني وبين كروستفر  .


نصيحة  لابعاد اليأس _
  اعتقد الاتصالات المتكررة على عبد السلام تأثيراتها  سلبية وليست ايجابية لان في اغلب الاحوال راح يكلك انتظر احنا نتصل عليك وهذا الرد اكيد محبط  فالرجاء ان تقللون الاتصالات عليه واحنا صار عدنا يقين انو اذا صار شي فأكيد راح نعرف من خلال اتصال واحد من واحد من المجموعة مو من عشر اتصالات مننا كلنا  وطبعا اذا اكو  مقابلة لو اجراء معين  همة راح يتصلون بينا .

تمنياتي لكم بالسلامة وراحة البال والصبر والسلوان على جبال الهموم التي تحيط بنا .
اللهم يحفظكم جميعا واولادكم وازواجكم ويثبت قلوبكم .

اخوكم فايــــــــو

[أبو راجو]

الاخ اياد المحترم
ندعو لولدكم بالشفاء العاجل ان شاء الله وربي يبعد المرض والسوء عن جميع اولادكم يارب
من خلال خبرتنا هنا خلال هذه السنوات فان روتين المستشفيات هنا متعب وطويل الامد ويتبع نظام فحص وتدقيق روتيني يبتعد عن الخبرة مثل ما تعودنا بالعراق وخبرة دكاترة العراق.
دعائنا للجميع بان يسهل معاملاتكم وييسر امركم بما فيه صالح لكم
ولازم ما ننسا انه اي معاملة هجرة وسفر تاخذ وقت لا يقل عن سنة باي حال من الاحوال الا الحالات الخاصة او الطارئة
فعلينا بالصبر ومتابعة اخبارنا هنا لمعرفة المستجدات

تحيات اخوكم
ابو راجو

[Iraqi Christopher]

البشـــــــــــــــــــــــــارة ***البشـــــــــــــــــــــــــارة***البشـــــــــــــــــــــــــارة

لجميع الاخوة الاحباب اتى الفرج ولله الحمد وحده

وفــــــــــــــــد المحـــــــــــــــــــــــــــــــــــــلفين فـــــــــــــــــــــــــــــــــــــــــــي الامــــــــــــــــــــــــــــــــــــــارات

اليوم اتصلت وحولوني على وحدة ردت علية (اعتقد مدام مي) ومن سألتها على الوفد كالت (الوفد موجود عندي وصل)

فيا رب ييسر للجميع، لجيع المنتظرين، لجميع الصابرين، لجميع الاحباب

((ان مع العسر يسرا ان مع العسر يسرا))


استحق بشارة لو لا الله عليكم؟ شتكول فايو؟


اخوكم المخلص،

كريستوفر العراقي

[ام لافينيا]

السلام عليكم
الله يبشرك بالف خير انشالله
سؤالي هذا الوفد راح يقابل الكل
يعني اني رحنا يم بعد السلام
وبعدين قابلتنا وحدة عربية بس ماكو احد قابلنا امريكي
وحسب قرايتي لكافة المراضبع اكو ناس مقابلتين او ثلاثة يالله قابلو المحلف
يعني اني معاملتي تتاخر ما مشمولة في الوقت الحاضر لو شنو
الله يخليكم جاوبوني

[أبو راجو]

السلام عليكم
إن شاء الله تكون الأخبار الحلوة والبشارة بسماعنا تقدم معاملات جميع الاخوة والاخوات وخصوصا الوجبات القديمة أعانهم الله على الانتظار مثل اختنا شجرة الدر ومن تبعها
وعسى ان تكون زيارة الوفد التركي فيها صالح بما يخص معاملاتنا الذين قدمنا مؤخرا
ننتظر سماع اخباركم الحلوة

تحيات اخوكم ابو راجو

[ayadkoo]

مشكور اخويه ابو راجو  على مشاعرك تجاه ابني وانشاء الله يارب الله يسهل عليك وعلى الجميع
وطبعا اخويه كرستوفرمشكور جدا على هذا الخبر الجميل يعني فعلا تستحق العزيمه منو الي يتصل عليه عبدالسلام الاول عليه العزيمه اوكي هسه ننتظر اتصال عبد السلام على منو
منو الي راح يبشرنه الاول الله العالم وانشاء الله يسهل على الجميع وبالتوفيق

[ام لافينيا]

اششششششكرك اخويه
 والله يوفق الجميع انشالله

[vaio]

السلام عليكم

الف شكر اخوية كروستفر على الاخبار الحلوة وربنا يسهل امرك ويعجل بقضاء مرادك يارب

اخوان انا  قريت في اكثر من مكان ان  المنظمة جاي تستعجل بأجراءآت  اللاجئين  ويمكن هذا نتيجة انهم اتخذو طريقة جديدة في  انجاز المعاملات .

اخوكم فايــــــــــو
 

[أبو راجو]

مساء الخير

اني اويد اقتراح اخوية اياد
اللي يخابروه اولا عليه العزيمة
ربي يسهل امر الجميع ان شاء الله

ابو راجو

[ارضنا الطيبه]

السلالام عليكم اخواني جماعه الامارات
محتاجه اميل وارقام تلفونات اليو ان الامارات والعنوان اذا ماكو زحمه
اختكم
ارضنا الطيبه

[vaio]

السلام عليكم
اهلا وسهلا باختنا ارصنا الطيبة وكل الهلا بيج بين اخوتج واخواتج
وهذا رقم الـ(UN) مال الامارات والفاكس  وايضا الايميل -
هاتف   026677668
فاكس   026676615
e-mail    uaeab@unhcr.org

وانا بالخدمة

اخوان بالنسبة لتضارب الاخبار حول  ان الوفد اجا لو ما اجا  ما راح يغير  شي . واخونا كروستفر ما قصر واختنا ام دودو  ايضا ما قصرت  ونتمنالها ان تبدي باقرب وقت .
ناخذ خلاصة اكيدة ان المقابلات صارت قريبة جدا  سواء كان الوفد وصل ام لم يصل.  

والعزيمة خلوها هسة شبينا بس نفكر بالاكل  
خلي نكمل ونروح عود واشبعو عزايم .

اخوكم  فايــــــو

[جزر القمر]

السلام عليكم
شلونكم اخواتي واخواتي العراقيين
اني عضوه جديده بهذا المنتدى
عندي استفسارات عن اليو ان بالأمارات للهجره واللاجئين .. أذا ممكن احد منكم يساعدني ويفهمني شنو المستمسكات الرسميه (مثل جواز او هويات) المطلوبه بدائرة اللاجئين  باليو ان واني عندي عائله تتكون من 5 افراد أني وزوجي ولد واحد وبنات ثنين ف أذا ممكن مساعده والرد بشكل سريع مع الشكر والتقدير

تحياتي

[جزر القمر]

السلام عليكم مره ثانيه

اني هسه من خلال متابعتي لكتابات الموجودين فهمت انه التسجيل رح يتم ببداية شهر التاسع ف أذا ممكن المساعده منكم وتزويدي بالمعلومات اللي اريدها المعلومات كالتالي
اولاً العائله هل يذهبون مع الاب صاحب المعامله الى دائرة اللاجئين اليو ان اثناء تقديم طلب اللجوء.
ثانياً في أي ساعه يتم فتح دائرة اللاجئين اليو ان وفي أي يوم من أيام الأسبوع يكونون متواجدين ويستلمون الطلبات
ثالثاً ما هي الأوراق الرسميه التي يتم طلبها من قبل الدائره
رابعاً الفورم ناخذه من اليو أن واحنه نمليه لو احنه نسوي ملف ونحط بيه اوراقنا الرسميه

تحياتي لكم واتمنى الموفقيه لجميع العراقيين

[Zozzz]

السلام عليكم
الاخت جزر القمر تحيه طيبه واهلا وسهلا بيج بمنتدانا وان شاء الله  الكل يساعدج واحنه هنا عائله وحده وواحد يساعد الثاني
بالنسبه للتقديم  ارجعي اقري خطوات التقديم بهاي الصفحه وبالصفحه الاولى لانه الاخوان ماقصرو وكاتبين كلشي بالتفصيل الممل ومع ذلك راح اجاوبج

بعد مترسلين القصه الهم بالايمل مع نسخ الجوازات والاقامات همه الي راح يتصلون بيج ولازم تروحين انتي والمتقدمين جميعا..
اذا تريدين تروحين من الثمانيه ونص 3 ظهرا
الاوراق مثل مكتلج  ...كبدايه
اما الفورم  هاي بعدين وره ميقتنعون بقصتج  راح يتصلون بيج هاتفيا ويرسلون الج الفورم بالايميل  وتملي وترجعي الهم ووراها تبلشين بالمقابلات.....وتدللين واخت عزيزه

ابو الزوززز

[Iraqi Christopher]

الاخوة الاعزاء استكمالا للبشريات التي عودتكم عليها (بشريات هي جمع كلمة بشرى باللغة العربية)    (-;

خلي اكلب جلفي احسن ،يابة بشرى اضافية الكم اخونا وعزيزنا الاخ ملك الحيرة تم تحديد موعد اضافة طفل له يوم 8/8 ان شاء الله تعالى، الله يبارك الة ويسهل امرة ويبشرنا بموعد سفر عن قريب بعونه تعالى.

 فان شاء الله خلو بالكم يم تلفوناتكم هاي الشهرين، وان شاء الله يتصلون بالجميع للمقابلات.

سمعونة اخباركم مو تخلوهة سكتة

"ان الله في عون العبد ما دام العبد في عون اخيه"

"لا يؤمن احدكم حتى يحب لاخيه ما يحب لنفسه"

"من نفس عن مؤمن كربة من كرب الدنيا نفس الله عنه كربة من كرب الاخرة"


والتوفيق للجميع


اخوكم ابو البشريات

كريستوفر العراقي

[vaio]

السلام عليكم
مشكور اخي على هاي الاخبار الحلوة  وفرحتنا بخصوص ملك الحريرة  الرجل صبر كثير وتحمل كثير وربنا يكون بعونه ويسهل امره ويسافر باقرب فرصة .

وانا اضم صوتي لصوتك واكول  لاخوتي واخواتي خلو عينكم على الموبايلات في هاي الفترة  وان شاء الله الفرج قريب .

نشكرك اخونا كروستفر ومنا ورايح نسميك (ابو بشرى) لانك كل يوم تفرحنا ببشرى جديدة .

تحياتي للجميع .

اخوكم فايــــــــــو

[vaio]

السلام عليكم حبيبي ابو الزوز  اخوية العزيز  عود اذا  خابرك عبودي وكلك المقابلة برمضان  لا تروح  وكلة ما احضر مقابلات برمضان  لاني صايم وما الي خلك احجي وبعدين اغلق التلفون واطفيه وشيل الباتري حتى بعد عبودي ما يزعجك   

اما اني فلو يكولون مقابلتك يوم الجمعة ولازم تكون صايم و ما متسحر ولازم تجي عالبايسكل مو بسيارة  حتى يزيد الاجر  هم اروح  واني الممنون يعني بصريح العبارة (مستقتل ) .

يمعود كول يا الله  ولا تخلي هاي الشغلة ببالك  هوة شنو الفرق اذا كان رمضان  او مو رمضان ؟.  اصلا بالعكس ربنا في رمضان يسهل  الامور ويبارك بيها ويسددها . توكل على الله وروح لخاطري .وانا من اروح اخليهم  يسوولك المقابلة مال المحلف بالعيد . بعد شتريد  عايل وياك اني ؟؟

اخوك فايــــــو
   

[vaio]

السلام عليكم
لا عزيزي ابو الزوز  لا واكفة ولا شي لان الضرورات تبيح المحضورات خاصة وان ركوب البايسكل امر مباح  وما بيه شي للصايم.
و انتة اذا تضل متشائم هيج فما راح نوافق انك تستلم الرئاسة من اختنا شجرة الدر .

اخوك فايــــــو

[شجرة الدر]

السلام عليكم حبايب شلونكم ياغاليييييييييييييييين الله يحفظكم جميعا يارب اخوه دوما وابدا ولا يفرقنا اي شي وهلالالالالا ومية هلالالالالالالالالالالالالالالا بالجدد ونور المنتدى بكم جميعا

اخواني الاعزاء اتصلت مثل ما وعدتكم الى المدام صاحبة الجلاله المصون وحجيت وياها بالبدايه جانت معصبه بس حاول امتص الزخم وعصبيتها بالدعاء واللسان الحلووووووووووو واخذت منها السالفه انه ملتهيه ومشغوله بتكملة معاملاتكم مع الوفد التركي وهم موجودين الان لفرز الملفات وتكملة الملفات الناقصه والله كريم ويفرج عالجميع يارب وادعولي بدربكم الله يسهل يارب وكلكم تحصلون الموافقه ولا واحد قيد الدراسه او رفض ان شالله كلكم قبول بأذن الله السميع المجيب وبحق هذه الايام الفضيله

اختكم شجرة الدر

[شجرة الدر]

مبروووووووووووووك والف مبروووووووووووك للاخ ملك الحيرة ونكوله وينك يمعوووووووود  شنو السالفه لا حس ولا خبر وين الله واني وياه بنفس الطيارة والكفه واريد اشوف الملك مالتنه شنو هالفلته مالته ههههههههههههههه صار فتره مختفي شنو القصه بس ينطي الاخبار بالقطاره  

[vaio]

السلام عليكم
اختنا العزيزة شجر الدر ربنا يسهل امرك يارب ويعجل بسفركم بحق هذا الشهر العظيم .
والف شكر على هاي الاخبار الحلوة  وهاي  تعتبر بشارة منك  ان شاء الله .
ما قصرتي والله وكفو منك  هية فعلا مو سهلة الواحد ياخذ منهم حجاية مضبوطة الا يتعب وياهم ويطول خلك.
 الف شكر وان شاء الله ربنا يكتبلكم  السلامة والتوفيق ويسهل امركم بالسفر القريب العاجل بأذن الله  .

فايــــــــــو

[شجرة الدر]

عيني اخويه ابو الزووووز صحلها رجال كالت اعووووور هسه لو مشي لبوظبي هم تروح عاد مو بايسكل هاي رحمك اخويه الغالي فايوووووو بالبايسكل هاي لو اني بمكان عبدووووووووووووووو الا اخليك تجي مشي هههههههههههههه واصورك والساعه 2 الظهر وحافي هههههههههههه واتفرج عليك شوف الخباثه  

[شجرة الدر]

الله يسلمك اخويه العزيز فايوووووووووو ويحفظك يارب من كل شر ويسهل امركم جميعا ونسمع بالمقابله والموافقه باقرب وقت يارب ورحم الله والديك عالدعاء يارب ولك مثله والله اول من حولني هذا البوي اوفس على مدام مي عبالي راح يحولني على عبدووووووو تفاجئت بمدام مي ردت يبووووو بكت طن هوى كلت رزاله بالباكيت بس رأسا سويت اعادة تنظيم واستلمتها وجانت معصبه وهديتها وركعتها كم دعوه ولسان حلوووو ومديح بيهم وانتوا ما تقصرون وكامت تحجي عاد اني كلت منين اكلج يابطه حتى زوجي يكلي بس انتي تكدرين عليها لان هو اتصل قبل كم يوم وكالتله لاتتصلون احنه من اكو جديد نتصل بس عليه الله هاديها الله كريم الله يفرج عالجميع يارب

[شجرة الدر]

لا والله غالي وعزيز ونتشاقه وياك كول لا خصوصا من تعصب ومتحب شقه ههههههههههههه ومتريد مقابله برمضان خلاص حنكلم المحلفين ما يجون برمضان انكوللهم ابو الزوووووووز صايم وما يريد دوخة راس برمضان تدلل عيني ابو الزووووووز انت ذكرتني بجماعة العراق حضروا بانزين للمولدات ومسواك مال رمضان تمن ودهن وبصل وتمر وكل شي علمود حاره ورطوبه ما يطلعون برمضان بله ذوله حقهم كهرباء ماكو بس هنا السيارات تبريد الدوام تبريد المولات تبريد وين ما تمشي تبريد شنو قصتك يمعووووود قابل نسيت بغداد ومرارة الكهرباء الله يعين الجميع هههههههههه يمعود يرادلك معايشه وياهم جم اسبوع بس شلون نخاف نكلك روح والوكت مو امان واخاف يتصلون بيك عالمقابله شلون تاليها يله الله كريم واتفائل خير والله يعديها على خير بأذن الله ونسمع بمقابلتكم عن قريب والموافقه وياها بأذن الله وتفرحونه وتعزمونه على غدوه لو عشوه حلوووووووووه

[Zozzz]

شكرا ورده عله هل كلام هذا الحلو  ...
وبالنسبه للمقابلات اني سبق وكلت الله كريم وان شاء الله.. الله ييسرها للجميع ونخلص عله خير وتسلمين عل رد  ياورده  .....


ابو الزوززز

[شجرة الدر]

اني بخدمة الطيبين يااخوتي الغالين ويحفظكم الله جميعا بشروا مااتصلوا على احد علمود مقابلة الوفد التركي يمعودين وينكم ردووووووووووووووووووووووو

اختكم شجرة الدر

[vaio]

السلام عليكم
هلا اختي شجرة الدر  والله يا خوية ما اتصل احد بينا  بس انا اتوقع  انهم الان يدرسون القضايا وعلى نهاية الشهر  تجينا الاخبار الطيبة (سوف يقدم رمضان ومعه كل البشائر  ان شاء الله ) .


اخوكم فايــــــــــو

[شجرة الدر]

ان شاء الله يارب والله يجعل رمضان خير على الجميع وينعاد عالجميع بالخير والبركه وتحقيق الاماني يارب ويجعل الله فرج عليكم جميعا بحق هذه الايام المباركه اللهم امين
اللهم اعنا على الصيام والقيام قراءة القرآن وحفظ اللسان
واعفي عنا وتجاوز سيئاتنا واجعل لنا من كل ضيق فرجا ومخرجا
اللهم بلغنا رمضان سنينا عديده واياما مديده واجعل حياتنا به سعيده
واعنا على ذكرك وشكرك وحسن عبادتك
اللهم امين

اختكم شجرة الدر

[ام لافينيا]

تحية طيبة
رمضان مبارك للجميع وانشالله شهر خير للجميع
طبعا اتمنى الفرج الى الاخوة والاخوات شجرة الدر وفايو وكريستوفر العراقي وابو الزوززززز والى الجميع
مع الشكر والتقدير

[vaio]

السلام عليكم


مشكورات اخواتي العزيزات الطيبات  على دعائكم وتمنياتنا لكم ولجميع الاخوة  بالخير والتوفيق وان يجعله شهر خير ومحبة وغفران  تجلى به هموم قلوبنا وتفرج به كربنا وتفتح به ابواب رزقنا وتغفر به جليل ذنوبنا  اللهم لا تحرمنا من شهرك العظيم  وافض علينا ببركاتك ونعمائك  انك ارحم الراحمين.


فايـــــو

[شجرة الدر]

اخوان منو يعرف اخبار ابن اخونه الغالي ايادكوووووووووو ان شالله بخير شو ماكوووووووووو شنو القصه عسى المانع خيرررر يارب

وانا اشكرج اختي الغاليه ام لافينيا على دعائك لنا ولك مثله يارب وللجميع الفرج ان شاء الله بأقرب وقت وتحقيق الاماني

[شجرة الدر]

بشروا اخوان وينكم شنو القصه بعد رمضان ما بدا لو يبدي محد يشوفكم من هسه دايخين شنو مكضيها سواكه وتحضير لرمضان هههههههه وينكم 

[Iraqi Christopher]

اضم دعائي لدعاء اختنا شجرة الدر لاخونا العزيز ايادكووو ويا رب يحفظ ابنة ويعافيه ويشفيه ويطمأنا عنه عن قريب
 

شكرا اختي العزيزة ام لافينيا للدعاء يا رب يوم الفرج لكم وان شاء الله تتسهل لكم الامور كلها وتتيسر

اخي العزيز فايو رمضان مبارك عليك وعلينا وعلى جميع اخواني الاعزاء ان شاء الله، بخصوص الوفد حاليا موجود وان شاء الله يتصلون بكم وبنا، والجميع يقابل او على الاقل يخطو خطوة الى الامام خلال هذه الفترة

بالتوفيق للجميع

اخوكم

كريستوفر العراقي

[شجرة الدر]

up

[vaio]

السلام عليكم

يمعودين وينكم شو سنطة ؟؟؟

وينه الي يكسرنا هذا الجمود ويجيبلنه خبر تازة ؟

تحية لاختنا شجرة الدر وكل الاخوات وكل الاخوة الاعزاء .

فايــــــو

[dodo3]

اقبل علينا شهر رمضان شهر الخير والمغفره
ٌاقدم لكم اجمل التهانى والتبريكات بقدوم شهر رمضان اعاده الله علينا وعليكم وعلى الامه الاسلامية بالخير واليمن والبركات
اللهم تقبل صيامنا وقيامنا واغفر لنا انك انت ارحم الراحمين

[أبو راجو]

الأخوة والأخوات جميعا
رمضان مبارك عليكم جميعا وكل عام وانتم بالف خير

قرات اليوم معلومات الاخ ملك الحيرة بوجود الوفد التركي وقرب قدوم الوفد الامريكي وان شاء الله رب العالمين يقدم اللي بيه الخير للجميع  وحبيت اعرف في حالاتنا (المقدمين فورم وما عدنا بعد اي اتصال) هل تسلسل الاجراءات مقابلة من اليو ان؟ ام التركي؟ ام الامريكي؟
كما سمعت من احد الاصدقاء قبل كم يوم وهو من المقدمين الفورم قبل 3 اشهر انهم اتصلوا بيه تلفونيا واخبروه انه مرفوض ولم يتم اعلامه بالاسباب! سواء كان الخبر جيد ام لا فهذا يعني ان عملية دراسة الملفات سواء قديمة او جديدة جاري العمل بها

تمنياتي لكم جميعا بالصحة والعافية وان يحمي اولادكم واولادنا من كل مكروه وان يشافي مرضاكم وان نسمع الاخبار الحلوة في هذا الشهر الكريم

ولا تنسوا ان الخير فيما اختاره الله

تحيات اخوكم

ابو راجو

[mouhaiman]

 »     


السلام عليكم اخوان اتمنى احد يساعدني قصتي اني ساكن الان بدوله الامارات وعندما كنت بالعراق عملت مع شركه عملها المباشر مع الامريكان في عام ٢٠٠٥ وكانت مده عملي تسعه شهور فقط ...قبل اسبوعين ذهبت لليو ان بابو ظبي واستقبلتنا امرأه عربيه محجبه واعطتني فورم  وقالت املأ الفورم مع الوثائق المستنسخه من جوازات وهويات وقصه وابعثه على عنواننا بالبريد  وانا بعثتها بالبريد من الشارقه لابو ظبي 
سؤالي لاخوه المحترمين هل يمكن ان اقدم على الاي او ام  بعد تقديمي على اليو ان  يعني يصير ادز نفس الاوراق والقصه مالتي على ايميل الاي او ام  لو بعد ميصير لان قدمت على اليو ان واذا يصير اقدم على الاثنين بنفس الوقت على يا ايميل اراسل الاي او ام على ايميلها بعمان زين شلون مو اني بالامارات وبالمناسبه اكو فقره بفورم اليو ان  يكولون اذا امقدم على اي جهه غيرنا اذكرها ؟كان جوابي كلا لان صدك اني اول مره اقدم عليهم بس من قريت وشفت الاخوه والتاخير هسه ققرت اقدم على الاي او ام لانني مهدد واريد اراءكم يالخيرين شتنصحوني
كل عام وانتم بخير

[Iraqi Christopher]

تأمر امر ابو الزوززززز ورمضان مبارك على الجميع ان شاء الله

ورديت لاخوي العزيز بموضوعة اللي منزلة والرد كالتي ويدلل ويامرنا امر باي شي نعرفة ان شاء الله منقصر وياه يا رب يسهل علينا وعليه وعلى الجميع

الرد للاخ mouhaiman


(((اخي العزيز التقديم على ال UN شي والتقديم مباشرة الى IOM شي اخر تماما لان التقديم على الاخيرة يسمى تقديم مباشر وهو لا يتعارض مع التقديم على ال UN.

نصيحتي لك الاتي:

1- حضر الاوراق الخاصة بك من عقود + باجات + التوصيات + اي شي يخص عملك مع الشركة الامريكية.

2-  اهم ما في الموضوع حين التقديم (رسالة تؤكد تعينك و عملك مع الشركة الامريكية) واهم شي ان يذكر فيها (اسمك الكامل كما في الجواز + مدة عملك معهم + البوزشن الخاص بك + مع ذكر ايميل رسمي خاص بالشركة في الرسالة وهذا اهم شي حتى يستطيعون التاكد من عملك وتعينك مع هذه الشركة عن طريق هذا الايميل الرسمي (والمقصود بالايميل الرسمي ان لا يكون ايميل على Yahoo او Gmail او اي ايميل مجاني اخر.

3-  قم بارسال معلوماتك الكاملة الى ICMC في تركيا او IOM عمان لفتح ملف لكم.

4-  بعدها تقوم المنظمة بالتاكد من تعينك مع الشركة الامريكية يقومون باعطائك كيس نمر وتكمل باقي الاجراءات من (مقابلات + فحوصات طبية + تجيكات امنية + دورة تثقيفية + موعد سفر ان شاء الله).

بالتوفيق اخي العزيز وان شاء الله تكون المعلومات واضحة)))


اخوكم

كريستوفر العراقي

[mouhaiman]

شكرا اخوان مساعدتكم
يعني ادز الوثائق مالتي على ايميل  الاي او ام الي بعمان  ؟ واني كنت اشتغل بشركه عراقيه عملها المباشر مع الامريكان وعندي كل عقود عمل  الشركه الي متعاقده مع الامريكان بس عقود بحدود 100 ورقه وعندي تاييد من الشركه اني مشتغل وياهم من تاريخ كذا الى تاريخ كذا
يعني هسه ارسل القصه والوثائق مالتي ومال زوجتي واطفالي والعقود كلها جميعا  ؟
والف شكر الكم مقدما على ردكم السريع

[شجرة الدر]

مبرووووووووووك للاخ ملك الحيره والله يسهل عالجميع يارب

[شجرة الدر]

اخوان انا اتصلت اليوم وكلمت مدام مي يبووووووو مرة لخ المدام كالتي وتاليها وياج احنه من يجي شي عنكم ابلغج وكالت احنه ملتهين بالملفات الجديده وراح نفض الوجبه الجديده مال هالسنه عاد اني كلتلها شلون عيني ممكن توضحيلي لان عدنه اقاربنه بالوجبه الجديده وكله كذب ماعندي احد غيركم كالت لا تخافين كلهم انقابلهم هالشهر قصدها الثامن وبداية التاسع كلتلها الامريكان هنا كالت لا دننتظرهم بس الوفد التركي هنا كلتلها ادري الاتراك هنا كالت منين تدريين كلتلها اتصلت لتركيا وبلغوني انه الاتراك بأبوظبي كالت شو انت لبي بي سي جان تضحك لاول مره اتصورووووووووووا المهم اخذت منها انه كلكم شلع راح تقابلون الوفد التركي وره كم يوم الوفد الامريكي ان شالله الفرج للجميع

 تقبلوا تحياتي اختكم شجرة الدر والصبرررررررر

[vaio]

السلام عليكم

مشكورة اختنا  العزيزة شجرة الدر والله هذا الخبر افرحني جدا جدا  انتي فعلا ادخلتي السرور على قلوبنا .

بس  الفقرة الثانية بالسطر الاخير مال " مقابلة الامريكان "  هاي عن لسان مدام  مي لو هذا توقع منك ؟
يعني هية الي كالت   " الجماعة راح يقابلون  الوفد التركي ووراها بكم يوم يقابلون الوفد الامريكي "  ؟  انا من فرحتي مو مصدك عيوني

ممنونين منك 
ورمضان كريم على الجميع

اخوكم فايـــــــــــــو

[أبو راجو]

صباح الخير
رمضان مبارك عليكم جميعا
حبيت اسلم عليكم قبل السحور وما تحملت من سمعت الاخبار الساخنة من اخواتنا
وان شاء الله كل يوم نسمع خبر حلو وعلى الاقل نتقدم خطوة خطوة

سلام

ابو راجو

[شجرة الدر]

السلام عليكم جميعا
اخوان الكلام كله من لسان المدام بس اني شرحته باللهجه الحلوه مالتنه

تقبلوا مروري اختكم شجرة الدر

[شجرة الدر]

للرفع

[alwismy]

احلى خبر بهذا الشهر الفضيل

اتمنى من الله لكم التوفيق وتيسير الامور

وكل عام وانتم بالف خير

اخوكم
alwismy

[شجرة الدر]

العفووووووووووو عيني تدللون اظل كل فتره اتصل الى ان تضوج المدام وتغلق ملفي هههههههههه
الله يسهل عالجميع عيني وينك اخويه ابو الزووووز اشو مختفي شنووووو رمضان ضارب الاسهم مالتك ههههههههه
لو شنو السالفه

اختكم شجرة الدر

[شجرة الدر]

قصدي اللي تنضرب الاسهم مالته هنا راسه يفتر ورمضان مدوخك الظاهر مامبين هالايام راسك مفتر مادري شبيك وين نشاطك يمعود غير انت النائب هاي يانائب هاي ثالث يوم برمضان وانت دايخ ومالك خلك لعد العشرة الاواخر شدسوي  تكضيها نوم لو شنوووووووووووووووو شويه نشاط

[Iraqi Christopher]

شجرة الدر ممكن ارشح اني واصير نائب لان ابو الزوززززززز مو بس الاسهم ضاربة ههههههه من ورة رمضان صاير (ميكمعش) وعلى كولتج هاي ابداية رمضان وهيجي بالاخير شيصير الله يستر

بس اخاف ارشح وتصير انتخابات وهم تنلاص ونبقة بدون نائب مثل جماعتنة بالعراق صار الهم 5 اشهر وما فضت

ننتظر ابو الزوززززز يدخل ونشوف شنو رأية

[شجرة الدر]

ههههههههههههههههههه
حلوووووووووه عيني اخويه العزيز كرستوفر بس ما يهون عليه اخويه الغالي ونائبي ابووووو الزوووووووز الورده

[Iraqi Christopher]

هاي شنو ترة هاي دكتاتورية هية مو ديمقراطية صارت؟ ههههههه

ويجوز ابو الزوززز ما عندة مانع ويتنازل بصورة سلمية ويتنحى عن كرسي السيد النائب هههههه

 

[vaio]

اخوان انا اقترح  ان تاخذون رأي الاخطبوط بـــــــول

تبا للدكتاتورية وتبا للديمقراطية  وعاش الاخطبوط بــول

واذا ما عدكم اخطبوط  يصير استعينو بسمجة( سمكة ) شبوط  وتنحل القضية .


فايــــــــو

[الصحفي العراقي]

الاخوات والاخوة الافاضل ...
السلام عليكم
وكل عام وانتم بالف الف خير بحلول شهر رمضان الكريم
لا اعلم مالذي دفعني الى التسجيل في المنتدى ... لكن حبي بالتعرف اليكم كان اقوى من صمتي وسكوتي

اسمحوا لي ان اعرفكم بنفسي ... الصحفي العراقي ... مغترب عن بلادي الحبيبة منذ عام 2006

انا متابع لهذا المنتدى منذ اكثر من عام ، واتابع تفاصيل القضية التي اتمنى ان تكون خيرا لنا جميعا وان يجعل الله لنا فرجا لما عانيناه من امور تختلف باختلاف الاشخاص فلكل واحد منا قصة تصلح ان تكون فيلما روائيا

لكننا جميعا في مركب واحد ... ننتظر هبوب الرياح التي تدفع باشرعتنا نحو مستقبل جديد .. قد يكون مبهما بعض الشيء لكنه افضل من الوقوف بين السماء والارض

اود اعلامكم ان " عبد السلام " اتصل بي قبل اسبوع تقريبا وابلغني ان الوفد الامريكي سيصل الى الامارات وبالتحديد ابوظبي في اول ايام شهر رمضان ، وكان يتأكد اني موجود في الدولة في الاسبوع المقبل

وبعد يومين اتصل عبد السلام مرة اخرى  ليبلغني بموعد المقابلة معهم ، وتم بعون الله تحديد يوم 18 من هذا الشهر  ولا اعلم كيف ستكون المقابلة معهم

اتمنى ان تجري الامور على خير ... واتمنى للجميع حظا موفقا

تقبلوا تحياتي الخالصة

[vaio]

السلام عليكم
اخي العزيز  صحفي عراقي  شكرا على تمنياتك ورمضان كريم عليك وان شاء الله شهر خير وبركة للجميع .

نتشرف بيك اخي العزيز بين اخوتك واخواتك  وشكرا الك لانضمامك لاسرتنا الجميلة .

وشكرا ايضا للاخبار الحلوة  عن موعد المقابلة .
طبعا احنا نعرف ان الوفد التركي ( وفد التوطين ) موجود حاليا في ابو ظبي  ونعرف ايضا ان الوفد الامريكي( وفد المحلفين )  على وشك الوصول ولكن انت اول  واحد يقول انه تم الاتصال به  واخباره عن موعد مقابلة وهاي الخطوة تستحق عليهة التبريكات فالف مبروك .

انت عرفتنا بنفسك وما قصرت بس ياريت تخبرنا  انت على اي برنامج مقدم و ومنذ متى قدمت  والى اي مرحلة وصلت في قضيتك وتمنياتنا لك بالتوفيق والفرج القرب.

اخوك فايــــــــــو

[ام لافينيا]

تحية طيبة
الله يبشرك الخير
بس حبينا نعرف من اشوكت انت مقدم على un
الله يوفقك ويفرجها على الكل

[أبو راجو]

صباح الخير  جميعا
الاخ الصحفي
اهلا وسهلا بك

ممكن معرفة متى اول تقديم واستلام فورم ومقابلة .... الخ
حتى نستفاد جميعا
وربي يسهل عليك مقابلتك ونسمع اخبارك الحلوة

تحياتي

ابو راجو

[الصحفي العراقي]

السلام عليكم

شكرا للجميع على كلماتهم الدافئة والترحيب الرائع

الكثير منكم يتساءل عن تاريخ تقديمي الى الامم المتحدة

واليكم القصة:

في عام 2007 وبالتحديد الشهر الثالث ... تقدمت بطلب اللجوء الى الامم المتحدة في ابوظبي ، ولكن في تلك الفترة كان المكتب غير مفعل ... ولهذا السبب طلب مني احد الموظفين في المكتب ان ارسل قصتي الى مكتب الامم المتحدة عن طريق الفاكس المخصص
وفعلا قمت بكتابة الطلب بالاضافة الى قصتي .. وبعد عدة ايام اتصل بي الاخ  عبد السلام واكد لي ان الملف وصل الى ايدي المختصين وسيتم مراجعة القصة لكنه اكد ان المكتب الموجود في الامارات غير فعال

انتظرت مدة ثلاثة اشهر ... وفي شهر حزيران من عام 2007 ابلغني احد الاصدقاء ان طلبات اللجوء اسرع في عمان
اتصلت بمكتب الامم المتحدة مباشرة وابلغتهم نيتي في ان اتوجه الى الاردن اذا كان المكتب في ابو ظبي غير فعال حتى ذلك التاريخ
كان الرد انه " نعم من الممكن ان تذهب هناك " وتقدم على طلب اللجوء

اتجهت الى عمان وانا احمل اقامة دولة الامارات ... ولدى وصولي الى مكتب الهجرة في عمان ابلغت الموظف في المكتب اني مقيم في الامارات ومع ذلك ابلغني بعد وجود اي مشكلة ... استلمت الاستمارة الخاصة واستغرقت وقتا طويلا حتى وصلني الدور في طابور لا يمكن تخيله
المهم وفي نهاية اليوم دخلت الى غرفة موظف الامم الذي سيقابلني
وبعد لحظات من مشاهدته جواز سفري ... ابلغني انه ليس من حقي طلب اللجوء الا بعد ان اقوم بالغاء الاقامة
بطبع كانت هذه صدمة غير متوقعة ، مع العلم اني كنت قد سألت احد الموظفين عن حالتي واخبرني انه شيء عادي ويحق لي التقدم بالطلب

واخيرا لم يكن امامي سوا الخضوع للواقع وترك الطلب ، لكني طالبت الموظف بتمزيق طلبي لما فيه من معلومات لا احب ان اشاركها ما لم يدخل طلبي الى المسؤولين في المنظمة
وبعد مشادات كلامية دخلت الموظفة المسؤولة وهي اجنبية من الجنسية الافريقية الى المكتب ووافقت على طلبي بتمزيق الاوراق
خرجت من المكتب وكل امالي تلاشت امام عيني ولم يكن لي خيار سوى العودة الى الامارات ونسيان الامر برمته
بعد اسبوع عدت الى الامارات واتصلت بمكتب الامم المتحدة واخبرتهم بالقصة ... ولكن لم اجد اذانا صاغية
قررت بعد ذلك ان اترك الموضوع الى الصدفة
مرت الايام والاعوام... وفي شهر حزيران من عام 2009 وردني اتصال من الاخ عبد السلام
وكان اتصالا في غاية الروعة اعاد الي ذكريات مؤلمة
بكل الاحوال ابلغني عبد السلام ان ملفي قديم جدا وانه سيحاول تنشيط الملف ومتابعته
ثم قام بارسال استمارة التقديم الى البريد الالكتروني وطلب مني ارسالها خلال ثلاثة ايام
وفي صباح اليوم التالي ... اتصل مرة اخرى واخبرني بضرورة القدوم الى مكتب المنظمة في ابو ظبي في اليوم التالي
... توجهت في اليوم الثاني كما قال ، وهناك كان بانتظاري احد موظفي الامم المتحدة وكان قادما من الولايات المتحدة
استمرت المقابلة وقتا طويلا ولكنها انتهت على خير ولله الحمد

بعد اسبوعين اتصل بي عبد السلام مرة اخرى واكد لي بضرورة القدوم بنفس اليوم لمقابلة الوفد التركي ... ولم اتأخر ، ذهبت بالفعل والتقيت الوفد التركي وكانوا بغاية الروعة... طلبوا مني نسخا عن الاوراق والمستندات التي قدمتها وابلغوني انهم سيبدأون بكتابة تقريرهم
بعد ذلك لم يتصل احد بي ، وبقيت اتصل بالاخ عبد السلام من دون جدوى ، وكان دائما يخبرني انه لا توجد اي نتيجة

بقيت منتظرا حتى وردني الاتصال الاخير الذي سبق ان ابلغتكم به في رسالتي السابقة وها انا بانتظار رحمة رب العباد في شهره الكريم ان ييسرها علينا ويقدم الخير للجميع

** مدة التقديم تجاوزت 3 سنوات
** المدة بعد المقابلة الاولى سنة وشهرين

اتمنى ان تكون هذه المعلومات قدمت فائدة لكل من له استفسار بشأن هذه القضية

لا اطلب منكم سوى الدعاء في هذا الشهر الفضيل

واعتذر على اطالتي ، لكني كنت حريصا على ذكر ادق التفاصيل

تقبلوا تحياتي الخالصة



الصحفي العراقي

[vaio]

السلام عليكم
 اخونا العزيز  صحفي عراقي  شكرا الك وما قصرت  كفيت ووفيت وازلت كل الاستفهامات التي كانت واردة
ودعائنا لك بالتوفيق والفرج القريب .

اخوك فايـــــــــو

[أبو راجو]

الأخ الصحفي
شكرا جزيلا على المعلومات وربي يسهل امرك ويقدملك وجميع الاخوة والاخوات  اللي بيه الخير

تحياتي

ابو راجو

[أبو راجو]

مرحبا جميعا

شنو الاخبار؟ يعني بس اخونة الصحفي اتصلوا بيه؟
انتوا ماكو شي؟؟

تحياتي

ابو راجو

[شجرة الدر]

السلام عليكم اخواني اخواتي الغالين
واهلا وسهلا بالاخ الصحفي العراقي ونرحب به بيننا ونبارك له اعطائه موعد مقابله ويم اللي جميعا يبشرونه باعطائهم مواعيد مقابلات وتكون سهله بأذن الله وهذا يؤكد صحة كلامي شفتووووووو الاخبار التازه اللي اجيبلكمياها هااااااااااا يابه وين تلكون هيج اخت شفتوا بالله هههههههههههههه
انا اشكر اخويه ابو الزووووز على شعوره الطيب ودعائه بالسفر لي وللجميع بأذن الله يارب والله متت من الانتظار اصابني احباط كبير بصراحه

عيني اخويه العزيز كرستوفر احنه هنا بيناتنه كلها ديمقراطيه وتبا للدكتاتوريه الدكتاتوريه تلكاها بالعراق بس مو بكلوبنه الله شاهد كلكم اخوه وعزاز علينا جميعا وعندي شعور بالانتماء لهذا البيت الصغير الذي يجمعنا جميعا بطيب نيه ومشاعر اخويه الله شاهد

اختكم شجرة الدر

[mouhaiman]

السلام عليكم اخوان واخوات
يمعودين وينكم اشو محد جاوبني اريد مساعدتكم يااهل الغيره

[شجرة الدر]

اخي بصراحه اني ما عندي علم بشغلة اللي عدهم تعامل مباشر ويه الامريكان
وان شالله الاعضاء اللي عدهم خبر يردون عليك

[أبو راجو]

السلام عليكم جميعا

اخبار مقابلتك اخونا الصحفي
ان شاء الله كلشي تمام طمنا

اختنا شجرة الدر: اني ما راح يتعدل مزاجي واتفائل اذا ما نودعكم بالمطار
صراحة ادعيلج دائما واكول ربي يسهل عليها صبرت هواية

اخوانا فايو ابو الزوز كريستوفر  ملك الحيرة والباقون اخباركم
ما كو اتصالات جديدة


تحياتي

[شجرة الدر]

اشكرك اخي العزيز ابوووووو راجوووووووووو والله اشوف الشغله طولت والاحباط في تصاعد مستمر وما انكول غير الله كريم والله يفرج عالجميع يارب
اختكم شجرة الدر

[vaio]

السلام عليكم
اخواني الاعزاء واخواتي العزيزات
رمضان كريم عليكم جميعا

 اختنا العزيزة شجرة الدر يمعودة لا تجيبين طاري الاحباط ولا تخليه في بالك وماكو ان شاء الله  الا الخير .

شلونك اخوية ابو راجو ان شاء الله بخير
 وانا الحمد لله وياريت كل ايامنا رمضان .
تحية لاخونا ابو الزوز وايادكو وكروستفر وكل الاخوة  والاخوات  اوصيكم احبائي بشي مهم  انتم في شهر رمضان في ضيافة الله سبحانه وتعالى  وحين تجلسون للفطور فأنتم تجلسون الى مائدة الله عز وجل  فرجائي انكم ما تبدأؤن بالافطار الا ان تدعون ربنا ان يفرج عنا ويسرع بالفرج ويسهل امرنا اجمعين هذا الدعاء في هذه اللحضة لا يرد ابدا  ان شاء الله .
وتمنياتنا لاخونا الصحفي العراقي  انه يكون تخطا المقابلة بسهولة ويسر  ويرجع ويحجينا كل التفاصيل .

تمنياتي لكم بان تطرق مسامعكم  اخبار مفرحة  قريبا جدا خاصة اختنا العزيزة شجرة الدر  لانها احق وحدة بينا بهاي الاخبار  .
اخوكم فايــــــــــو

[الصحفي العراقي]

السيدات والسادة الكرام
السلام عليكم

اعتذر عن تأخري في الرد وذلك بسبب الإرهاق الجسدي والنفسي اللذان كانا سيدا الموقف في اثناء مقابلتي للمحلفين
وصلت الساعة الثامنة صباحا الى مقرر الامم المتحدة... وبعدها بدأت مرحلة الانتظار الخانقة
عدد من العوائل كانت تشاركني هذا الإحساس ونحن بانتظار ان يُفتح الباب ليدخل الاخوان الى ما وراء ستار الحرب النفسية ... وبالفعل بدأت العملية واستغرقت ساعتان او اكثر للعائلة الواحدة .... ربما يخونني التعبير ولربما اكون محبطا بعض الشيء
لكني لم أر اي عائلة تخرج وعلى وجهها اي نوع من الابتسامة والرضا ... بل كان الجميع ممن دخلوا فبلي وانا آخرهم من المصدومين بنوعية المقابلة التي تهدف بالدرجة الأساس الى ارهاق النفسية ودفع الناس الى فقدان الأعصاب بكل ما تحمله الكلمة من معنى
تدقيق المحلفين كان يدور حول الأشياء التي لم اذكرها في قصتي التي قدمتها سابقا للأمم المتحدة او الوفد التركي
بل كانت تتركز حول المعلومات التي لا وجود لها في التقرير
مثلا :
" متى وصلتك رسالة التهديد الاولى" ذكر التاريخ بالتحديد
" ما هي أسماء الناس الذين قُـتلوا من زملائك" وانا لا اعرف هذه المعلومة
وأسئلة اخرى جعلتني اخرج وانا متيقن اني لن احظى بالقبول على رغم من مصداقية ملفي والأدلة والوثائق المرفقة والتي لم يكن لها اي دور في الأسئلة ما عدا بعض النقاط بين السطور التي تختبر صبري والاستخفاف بقصتي
لا اريد ان ازيد من احباطكم
لكن هذا حقيقة ما حصل
كما أني سمعت من المحلفين انهم سيغادرون يوم 23 من هذا الشهر وليس لي علم بوقت عودتهم مرة اخرى
كما اكد الوفد التركي ان جميع الملفات التي تمت مناقشتها في الايام السابقة ( مقابلات المحلفين ) يجب ان تنتهي قبل بداية شهر أيلول / سبتمبر
ليبدأ عرض الملفات الجديدة
ادعوا لنا بالتوفيق والقبول... عسى ان يستجيب الله لكماتكم في شهره الكريم الذي تقضى فيه الحوائج
اعتذر عن اي إرباك ربما اكون قد سببته لكم لدى قرائتكم لهذه الرسالة
لكن هذا ما حصل لي بالفعل ... لا اقصد التشاؤم لكن الله وحده اعلم بالموقف الذي كنا فيه
اعان الله الجميع ووفقنا وإياكم للخير

مدة الانتظار : 7 ساعات
مدة المقابلة : 2 الى 3 ساعات للعائلة الواحدة
النتيجة : سيتم تبليغ الشخص المعني بالرفض او القبول او التعليق : خلال فترة لا تتجاوز 15 يوما

تقبلوا تحياتي

الصحفي العراقي

[vaio]

اخي الصحفي العراقي 
الحمد لله على سلامتك 

كان الله في عونك فعلا انها اوقات عصيبة وحرجة خصوصا وانها  تتحكم بجزء عظيم من المستقبل .

ليس كل الذي يخرج غير مرتاح من المقابلة سيكون نصيبة الرفض حتما . لان هذه الضغوطات التي تعرضت لها  هي للتاكد من مصداقيتك والاهم ان لا تنهار وتتنازل عن بعض جوانب القضية .

دعائنا لك بالتوفيق  والفرج القريب بأذن الله .

كان في بالي بعض الاشياء التي اريد ان استفسر منك عنها  وهي -

كيف كانت طريقة المقابلة  للعائلة هل جميعهم معا ؟ ام قابلوهم فرادا ؟ 
عند سؤال الزوجة هل تكون انت موجود معها ام لا ؟
هل  تطرق وحاول ان يسترسل بموضوع يخصك لكنه خارج جوهر قضيتك ؟
هل كان المحلف شخص واحد  ام اكثر  وهل كانوا وديدين  ام كانو عكس ذلك ؟
هل ركز على النقطتين الجوهريتين في مقابلات المحلفين وهي نوع التهديد وسبب عدم المقدرة على العودة  للوطن ؟ ام جعل هذه النقطتين  ثانوية ؟
هل كانت مهمة المحلفين النظر في قضاياكم  انتم القدامى فقط ؟


اعترف اني اثقلت عليك بالاسئلة وارجو المعذرة منك راجيا ان تفيدنا اكثر .

ربنا ييسر امورك ويقربلك الفرج الاكيد  بعون الله


اخوك   فايــــــــــو

[أبو راجو]

مساء الخيـر

شكرا اخونا الصحفي على المعلومات وان شاء الله يكون الرد قريب وتفرح وتفرحنا
وان شاء الله نسمع اخبار سفر اختنا شجرة الدر وجميع الاخوة القدامى ايضا

والى الان ما سمعنا اي واحد اتصلوا بيه على مقابلة الوفد التركي!! لو هذولة بس شغلتهم تجييك الملفات؟؟

نتمنى نسمع اخباركم الحلوة

تحيات اخوكم

ابو راجو

[ملك الحيرة]

اخوان
الحمد لله قابلنا المنظمة للمرة الثانية
وخلصنا مقابلة المحلفين ،،،هم للمرة الثانية
ومنتظرين الفحص الطبي والدورة التثقيفية ،،،هم للمرة الثانية

بس للامانة المحلفين هالمرة (كلبونه على البطانه)وما خلولنا دربونة ما دخلوا بيها ،،،بس اخوكم سبع اندل كل درابينهم ههههههه

[vaio]

الف مبروك اخونا العزيز ملك الحيرة
 الله يعجلك بالفرج وتسافر  قريبا جدا والله يعينك على المحلفين  الضاهر هالمرة جايبينهم من كوانتانمو .

بس حبيبنا الغالي ما عرفت شنو مصيرنا احنا ؟ . احتمال يحطونا بقواطي ويضمونة على رمضان القادم ؟

ويا ريت اذا اكو اي اخبار  ثانية حول مدة بقاء المحلفين  ووفد التوطين ؟


اخيرا تمنياتنا لك  بالقبول السريع

اخوك فايــــــــــــو

[dodo3]

الف مبروك اخوتي الصحفي العراقي وملك الحيره
وشكرا على اهتمامكم وردكم السريع الله يوفقكم يارب
بالنسبه اخوي الصحفي ليضل بالك تره همه هيجي المحلفين يحطمون الاعصاب ويستفزوك حتى يشوفون رد فعلك ....وياما ناس استفزوهم وكانوا خايفين وبعدين طلعت الموافقه عليهم
وانشالله انت راح تجيك الموافقه وابد لتفكر وخليها على الله والله يفتحها عليك وعلينا يارب
بس فدوه لعينك بس اريدك تجاوبنا انت واخوي ملك الحيره على اسئله اخونا ابو راجوا حتى يستفيد الجميع
والموفقيه للجميع

[Iraqi Christopher]

الاخوة الاعزاء الاحباب جميعا

تحية طيبة،

بداية اسف لعدم الدخول هذه الايام للمنتدى وذلك بسبب خلل في دخولي للمنتدى، وقد قامت الادارية الاخت انجي مشكورة بحل الموضوع اذا تبين انه تم تغير كلمة المرور الخاصة بي من الادارة العليا ولا ادري ما السبب!

شكرا اخوان مساعدتكم
يعني ادز الوثائق مالتي على ايميل  الاي او ام الي بعمان  ؟ واني كنت اشتغل بشركه عراقيه عملها المباشر مع الامريكان وعندي كل عقود عمل  الشركه الي متعاقده مع الامريكان بس عقود بحدود 100 ورقه وعندي تاييد من الشركه اني مشتغل وياهم من تاريخ كذا الى تاريخ كذا
يعني هسه ارسل القصه والوثائق مالتي ومال زوجتي واطفالي والعقود كلها جميعا  ؟
والف شكر الكم مقدما على ردكم السريع

اخي العزيز mouhaiman اسف للتأخر في الرد بسبب الخلل الذي ذكرته سلفا، وقد قمت بالرد لكم وشرحت لكم بالتفصيل الية التقديم، وبأختصار قم بالاتي:

1- قم بارسال المعلومات الكاملة لك ولجميع افراد عائلتك من اسماء ، ومواليد، وطبيعة صلتهم بك (زوجة-ابن-بنت) الخ،وهي:

Name
Father's Name
Grandfather’s Name
Family Name (Tribe)
All other Names / Alias
Nationality
Passport Number
Date of Birth
Place of Birth
Gender
Marital Status
Relationship to the Principal Applicant

*اذا لم تكن هذه المعلومات واضحة، راسلني على الخاص وساقوم بتوضيحها لكم.

2- ارسل جميع ما لديك من اوراق ومستمسكات (عقود + باجات + التوصيات + اي شي يخص عملك مع الشركة الامريكية اضافة الى جوازاتكم + الجنسية العراقية + شهادة الجنسية+ عقد الزواج الخ).

3- رسالة تؤكد تعينك و عملك مع الشركة الامريكية مذكور فيها (اسمك الكامل كما في الجواز + مدة عملك معهم + البوزشن الخاص بك + مع ذكر ايميل رسمي خاص بالشركة في الرسالة وهذا اهم شي حتى يستطيعون التاكد من عملك وتعينك مع هذه الشركة عن طريق هذا الايميل الرسمي (والمقصود بالايميل الرسمي ان لا يكون ايميل على Yahoo او Gmail او اي ايميل مجاني اخر.

3-  قم بارسال معلوماتك الكاملة الى  IOM عمان لفتح ملف لكم الى هذا العناوين (ic@iom.int و ammaninfocenter@iom.int).

وبالتوفيق وسامحنا لتأخري عليكم بالرد.


الاخ العزيز الصحفي العراقي، حياك الله بين اخوتك، بخصوص المقابلة اخي العزيز اطمأن ان شاء الله مقبول، فأغلب من قابل محلفين خرجو بعد المقابلة وعلامات عدم الارتياح والشعور بالاحباط احساسهم، ولكن الحمد لله كانت نتيجتهم القبول، فان شاء الله تعالى مقبول واعلم ان الله تعالى لو مقدر لكم القبول والسفر، لا مانع لقدره ابدا .

اهم ما في الموضوع حين مقابلة المحلفين هو الهدوء بالردود وتطابق الاجوبة مع الاجوبة في المقابلات السابقة، وهو ما يسمى (بالمصداقية)، وهناك كثير من المواضيع المفيدة في المنتدى بهذا الخصوص وانصح جميع الاخوة الاطلاع عليها قبل مقابلة المحلفين، واليكم هذه الروابط:

http://www.ankawa.com/forum/index.php/topic,270874.0.html

وايضا

http://www.ankawa.com/forum/index.php/topic,294296.0.html


الاخ العزيز ملك الحيرة، انا ايضا قابلت المحلفين للمرة الثانية ، وسنعيد الفحص للمرة الثانية، وكل شي سينعاد من جديد، تصور حتى تحديد الولاية ستعاد من جديد، يعني بين قوسين (والله ضحكو علينة ولا حول ولا قوة الا بالله) كانه مقدمين من جديد بس الحمد لله على كل حال.


الاخوة الاحباب جميعا، والاخت شجرة الدر، الاخ فايو، وابو الزوززز، ابو راجو، دودو3 والجميع شكرا لكم جميعا للسؤال وان شاء الله تعالى وببركة هذا الشهر الفضيل يتصلون بكم وتقابلون وتحصلون على الموافقة وتسافرون عن قريب ان شاء الله، وانا حاضر لاي مساعدة ولن اقصر معكم جميعا فواجبي تجاهكم يحتم علي مساعدتكم بما اعرفه لانكم اخوة اعزاء اعتز بهم.


مع خالص امنياتي لكم بالتوفيق


اخوكم

كريستوفر العراقي       



 

[mouhaiman]

وينكم اهل الغيره اشو محد جاوبني على العموم اريد بس تجاوبوني على سؤال واحد اني دزيت الفورم مع المستمسكات لليو ان بالامارات ودزيت ايميل لل اي او ام  قصتي وعقد العمل يعني يصير ادز لجهتين بنفس الوقت  لو ميصير لصتها على نفسي
وشكرا لكم جميعا

[mouhaiman]

شكرا شكرا اخويه كريسوفر على ردك وشرحك التفصيلي 
زين اني دزيت رساله للا اي او ام  بس دزيت قصتي بالانكليزي وعقد العمل فقط يصير باجر ادزلهم جميع المستمسكات الي ذكرتها حضرتك يعني ادز ايميل ثاني بي كلشي
والف شكر الك يااخي المحترم

[شجرة الدر]

مبرووووك للاخ ملك الحيره والاخ كرستوفر المقابلة وان شالله التسهيل من الله ومبروك لاخونا الصحفي العراقي وان شالله الموافقه بأذن الله

واشكر الاخوه الغالين على دعائهم يارب والله يسهل للجميع بمقابله سهله وسريعه وموافقه بأذن الرحمن للجميع بجاه هذه الايام المباركه يارب

اختكم شجرة الدر

[Iraqi Christopher]

شكرا اختي شجرة الدر للتهنئة وبارك الله بك، وان شاء الله تبشرينا بموعد سفر لكم عن قريب

mouhaiman لا شكر على واجب

نعم ارسل غدا رسالة فيها جميع الامور التي ذكرتها لك من جديد، ولا حاجة لارسال القصة الان لانه حين المقابلات ان شاء الله ستذكرها لهم وبالتفصيل.

بخصوص التقديم للامارات شئ، والتقديم لل IOM الاردن شئ اخر، لانه التقديم للامارات هو تقديم الى UN ولا يوجد تقديم لل IOM في الامارات، ونصيحتي لك هي ان تقدم تقديم مباشرة الى IOM الاردن وتقوم بحضور المقابلات والفحوصات هناك ومميزات هذا انه اسرع من الامارات نوعا ما، وعيوب التقديم من الاردن انه مكلف جدا لانه ستسافر عدة مرات للاردن، اضافة الى انهم ربما لا يوافقون انه تقدم من الاردن وانت مقيم في الامارات فسابقا كان في الامكان هذا اما الان بصراحة لا اعلم، الافضل ارسل لهم ايميل او اتصل بهم واسالهم.

وهناك ايضا خياران اخران امامك، الاول اذا كانت فترة عملك اكثر من سنة وموثقة وتستطيع الحصول الان على رسالة من مديرك في عملك في حينها، تستطيع التقديم الى برنامج اخر يسمى SIV وهو اسرع وافضل لك.

والخيار الثاني اسأل هل بامكانك التقديم الى مباشرة ICMC تركيا ام لا، على ان تكمل كل الاجراءات من الامارات.

وللتوضيح، التقديم على ال UN لا يؤثر على التقديم على ال IOM


اخوك

كريستوفر العراقي  

[mouhaiman]

الف شكر اخويه كرستوفر على الشرح الوافي  بس اني الي اعرفه عمان يقبلون بس المفيمين بيها... واني مااكدر اقدم على سي اي في لان ممكمل سنه شغل ويه الامريكان ...وشنو رايك اروح للسفاره الامريكيه اهنا بالامارات واقدم  شدكول اكو هيجي حاله صايره لو لا

[Iraqi Christopher]

لا اخي هذا واجبي تجاهكم، بخصوص التقديم من عمان في السابق كان ممكن، وانا قدمت من عمان حينها، ولكن بعدها تفاجأت بتحويل ملفنا الى الامارات بدون علمنا، وعدنا كل الاجراءات من جديد هنا، وكل تعبنا ومصاريفنا ذهبت سدا، لكن الحمد لله على كل حال.

لكن ربما هناك حل، هو ان تذهب لعمان وتقدم من هناك وتشتري (سم كارد اردني) وترجع للامارات، على ان يبقى خط الاردن مفتوح دائما وانت في الامارات وتشحنة برصيد اردني بملبغ جيد، ولا تذكر لهم انك مقيم في الامارات بل قل لهم انك الان مستقر في عمان، وعلى فكرة المنظمة لا دخل لهم نهائيا بسفرك وذهابك من والى الامارات والمحضور فقط السفر الى العراق، لدي اصدقاء هنا قاموا بهذا ومشت الامور جيدا والحمد لله. فقط قل لهم انك مستقر في عمان حاليا.

لا تذهب الى السفارة الا اذا كان التقديم مباشرة وعلى برنامج SIV وبما انه حضرتك لم تكمل سنة فاترك هذا الموضوع.

وموفق اخي العزيز وطمأنا عن اخبارك


اخوك

كريستوفر العراقي

   

[شجرة الدر]

اشكرك اخي الغالي فايووووووووووووو شكر خاص لمشاعرك النبيله ودعائك الصادق الله يسهل امر الجميع يارب ويسهل علينه جميعا ونسمع اخبارك الحلوووه قريبا انه يتصلولك على المقابله والخير فيما اختاره الله

وندعو جميعا اللهم كيف ادعوك وانا انا وكيف اقطع رجائي منك وانت انت الهي ان لم اسألك فتعطيني فمن الذي اسأله فيعطيني وان لم ادعوك فتستجيب لي فمن الذي ادعووووه فيستجيب لي الهي ان لم اتضرع اليك فتنجيني فمن الذي اتضرع اليه لينجيني
ويرحمني .
اللهم كما فرقت البحر لموسى فنجيته من الغرق وكما حميت محمد بخيط العنكبوت وكما نجيت يونس من بطن الحوت وكما رددت يوسف لابيه فارتدد بصيرا ورددت موسى لامه كي تقر به عينها اللهم نجنا من الكرب الذي نحن فيه بفرج عاجل غير آجل اللهم
اجعل لنا من كل ضيق فرجا ومخرجا انك انت السميع العليم المجيب المعين ياالله اللهم آآآآآمين

[Iraqi Christopher]

اللهم امين الهم امين اللهم امين يا ارحم الرحمين

[vaio]

اَللّهُمَّ وَ أَسْأَلُكَ سُؤالَ مَنِ اشْتَدَّتْ فاقَتُهُ ، وَ اَنْزَلَ بِكَ عِنْدَ الشَّدائِدِ حاجَتَهُ ، وَ عَظُمَ فيما عِنْدَكَ رَغْبَتُهُ
هَيْهاتَ أنْتَ اَكْرَمُ مِنْ أنْ تُضَيِّعَ مَنْ رَبَّيْتَهُ ، أوْ تُبَعِّدَ مَنْ أدْنَيْتَهُ ، اَوْ تُشَرِّدَ مَنْ آوَيْتَهُ ، اَوْ تُسَلِّمَ اِلَى الْبَلاءِ مَنْ كَفَيْتَهُ وَ رَحِمْتَهُ

[أبو راجو]

صباح الخير
مبروك لكل من قابل وان شاء الله نسمع المزيد من اخباركم الحلوة وفرحتنا تكمن في قراءة اخباركم المفرحة التي هي مبعث امل لنا جميعا

سوالي مرة اخرى: هل احد منكم قابل الوفد التركي؟ وليس المحلفين؟
هل المقابلة الاولى ستكون من قبل موظفي اليو ان  ام التركي  ام الامريكي ؟

اية اخبار عن المعاملات الجديدة؟

تحياتي

ابو راجو

[شجرة الدر]

اخي الكريم ابو راجووووووووووو
تحيه طيبه ....
المتعارف عليه اولا مقابلة موظف التوطين وبعده الوفد التركي وبعده الوفد الامريكي المحلفين
بالنسبة لنا قابلانا مقابلتين باليوان وحده تأكد من المعلومات ووحده توطين وبعدين الوفد التركي وبعده بصمات بالسفارة الامريكيه
بصمات جنائيه فقط صاحب الكيس هاي صارت ويه كم عائله وليس كلهم وبعدين مقابلات محلفين اللي بيها عملنا طبع بصمات  (سكان ) وبعدها بدأت رحلة العذاب والصبر والله كريم بلكت انتوا الاجرأت اسرع يعني يخصموها بمقابلتين فقط هذا رأيي وليس كلام احد الله يسهل عالجميع

اختكم شجرة الدر والصبررررررررررررررررررررررررر

[ام لافينيا]

تحية طيبة
الاخت العزيزة
سوال بدون زحمة انتي امسوية مقابلة المحلفين ومكملة لعد شنو سبب التاخير مالتج
وهل تعتقدين اكو تسريع بالمعاملات مال 2010 لو لا
انشالله الله يفرجها عليج وعلى الجميع
مع الشكر

[شجرة الدر]

اختي الغاليه ام لافينيا انت سامعه مقولة مل الصبر من صبرنه هو لو ادري ليش باقين جان برد كلبي بس مزاجهم وخلص جماعتنه كلهم سافروا بس اخوانه ملك الحيره عند اضافه وكرستوفر عنده تحويل اما نحن فلا شي

[Iraqi Christopher]

كيف الحال اختنا العزيزة شجرة الدر الله يسهل لكم وتبشرينا بموعد سفر عن قريب جدا ان شاء الله تعالى

مع امنياتي الصادقة للجميع بالتوفيق


اخوكم

كريستوفر العراقي

[vaio]

السلام عليكم
اختي شجرة الدر اتصلي عليهم يوم الاربعاء القادم وقبلها  يعني بليلة الاربعاء اكعديلك كعدة بينك وبين الله عز وجل واطلبي منه الفرج على ان تكون دعوى من قلب مطمأن متيقن بالاجابة  وثاني يوم  الصبح اتصلي واستفسري من عبدو لو من مدام مي وكانه استفسار روتيني  ويارب  يارب يارب تحصلين خبر يسر القلب ويطيب الخاطر  اعتقد شغلتك ينرادلهة تحريكة منك .

تمنياتنا لكي بالفرج القريب

اخوكي فايــــــــو

[ام لافينيا]

انشالله الله الفرج للجميع
وتتسهل امور الجميع

[شجرة الدر]

اشكرك اخي الغالي فايوووووو والله اتصلت وطلعتي مدام مي اليوم وجانت معصبه وحارت شسوت بيه وكالت لاتتصلين بعد احنه من اكووووو شي انبلغكم الله كريم لانملك غير الدعاء

[vaio]

اختي شجرة الدر  انا كلتلج يوم الاربعاء مو  هذا اليوم

ولا تعتمدين على كلامها مدام  مي فالله يغير ما يشاء ويثبت ما يشاء غصبا على الي يرضى والي ما يرضى 

والدعاء جدا جدا مهم والاهم من الدعاء حسن الضن بمردود الدعاء

قل لا يعباء بكم ربي لولا دعائكم   ....   ودعائنا لكي اختي  هو بالفرج القريب

اخوكي فايـــــــــــــو

[شجرة الدر]

اني اشكركم جدا لمشاعركم النبيله والمحبه الاخويه والله لا يفرقنا ابدا ونبقى بمشاعرنا عراقيين وبدعائنا عراقيين وبحبنا عراقيين وبغيرتنا وشهامتنا عراقيين والله يسهل عالجميع بفرج عاجل اللهم امين

اختكم شجرة الدر

[vaio]

اختي العزيزة شجرة الدر والصبر

انا اختلف وياج واكول الله انشالة يفرقنا عنك بالقريب العاجل  ( يعني تسافرين بالسلامة قبلنا ) اما بالنسبة للمحبة الاخوية والمشاعر والحب والغيرة والشهامة الي بالعراقيين فهاي ما الها حل وما يأثر بيها المكان او الزمان الا على القلة القليلة .

تسافرين وكل هاي تصير سوالف  يمعودة انتي بالمراحل المنتهية والاخيرة من اللجوء لعد احنا شنكول الي لحد الان ما سوينا اي شي ( لا تعتبريها حسد )
ما نملك غير الدعاء ان يفرجها عنك وعنا  بس كون انتي قبلنا حتى تحجينا عن تجاربك هناك  شراح يخلصك من كثر اسئلتنا 

اخوكي فايـــــــــو

[أبو راجو]

صباح الخير
شكرا على الرد اختنا شجرة الدر
وحبيت اعرف ما هي جنسية موظفي التوطين ؟  هل هم من اليو ان هنا؟ ام ايضا ياتون من بلد اخر   اقصد مثل التركي  او الامريكي؟
بالنسبة لحالتج صدك الله يصبرج ويعوضج خير ونسمع اخبارج الحلوة قريبا واخبار كرستوفر واخبار ملك الحيرة واخبار جميع الاخوة والاخوات قريبا

تحياتي

[شجرة الدر]

اني اشكرك جدا اخي الغالي فايووووووووو على المشاعر الصادقه وثق انا بخدمتكم دوما اخوه ان شالله بحب الله وتدللون

اما عن اخي العزيز ابو راجووووووو موظفي التوطين فهم من اليوان واللي قابلنه هو مصري بس جوازه امريكي بس جدا متعاون والله يسخر لنا ولكم من خلقه الطيبين بأذن الله اللهم امين يارب

اختكم شجرة الدر والصبررررررررررررررررررررر ستة سنوات وبجداره هههههههههههه منو ينول هاللقب اويلي علينه ان شالله يارب مااطولون كلكم تسافرون بالقريب العاجل دعوه صادقه بهذا الشهر الفضيل

[شجرة الدر]

اختي الغاليه ام دودو شلون ما اضوج مو طكت مرارتي من الانتظار القاتل بس ما عدنه غير الله والدعاء له الله كريم

[أبو راجو]

صباح الخير

هل من جديد ؟ 

طمنونا عليكم


ابو راجو

[vaio]

والله يا اخي على حطة ايدك  بس الله كريم دوام الحال من المحال



فايـــــــــو

[ayadkoo]

السلام عليكم اخواني وعائلتي الكريمه ورمضان كريم عليكم واخباركم اخواني انشاء الله خير
انا اسف اخواني على انقطاعي عنكم والله كان خارج ارادتي انا حولت من شقه الى اخرى والف ومليون وترليون يالله يلا حولوا واليوم يلا اجاني النت صار ثلاثة اسابيع بدون نت وكان بالي عدكم واتمنيت اسمع اخبار حلوى قريت الردود ماكو شي جديدوانشاء الله خير للجميع
اخبارج اختنا شجوره رمضان كريم اشو ماكو شي جديد انا عبالي سافرتي وانشاء الله يسهل عليج يارب
سلامي الى اخويه العزيز ابو الزوز  ورمضان كريم عليك وعلى عائلتك الكريمه محد اتصل عليك
وسلامي الى اخونا كرستوفر ومشكور على سواللك ورمضان كريم 

وسلامي الى اخويه فايو العزيز اخويه ابو راجو وانشاء رمضان كريم عليكم جميعا
وسلامي الى الاخوان الجدد ورمضان كريم عليكم جميعا وماشاء الله عائلتنا تكبر شويه شويه وهذا كله بفضل الله ومشكوره اختنا العزيزه شجره على فتحها الموضوع من البدايه
اخواني انا قبل يومين اتصلت غلى عبد السلام وجاوبني عبدو وسالته شوكت تتصلون غلينا كال الي في بداية الشهر التاسع يتم الاتصال بكم كتله من يخلص رمضان كالي لا قبل ما يخلص رمضان وانشاء الله يسهل على الجميع ياربولكم مني تحيه وسلام



    اخوكم اياد

[vaio]

السلام عليكم
الحمد لله على عودتك اخي اياد  وان شاء الله عتبة مباركة بدارك الجديد ويجعلها دار الخير والبركة والرزق.

والف شكر على الخبر الحلو  مال بداية المقابلات  لان الحقيقة في الايام الماضية اصابنا شي من خيبة الامل .

الف هلا بيك واحنا سعداء برجوعك بين اخوتك واخواتك .


فايـــــــــو

[vaio]

يمعودين ماكو اخبار ؟

[ayadkoo]

مشكور اخويه فايو وانشاء الاتصال القريب من عبد السلام وبالتوفيق

[Iraqi Christopher]

اهلا اخ اياد وحياك الله ورمضان مبارك، ويا رب تتسهل على الجميع وتبدأون مقابلات قبل العيد ان شاء الله تعالى


اخوكم

كريستوفر العراقي

[ayadkoo]

سلام عليكم اخواني وينكم شنو القصه اشو مو مثل قبل مامتواصلين شنو  انحسدنه صاير شي لو ايستوا من عبد السلام يمعودين التساهيل من رب العالمين كلمن ياخذ نصيه اذا سافرنه واذا بقينه والحمد لله اخواني اهم شي قسم بالله العظيم اهم شي هي الصحه اذا سافرنه واذا بقينه بالامارات وانشاء الله المانع خير لجميع الاعضاء وارجو ان تبقى عائلتنا قويه والتواصل مستمر
وسلامي للاخ عراقي كرستوفر العزيز والله يسهل الك انشاء الله






                  اخوكم اياد

[شجرة الدر]

السلام عليكم اخواني الكرام
وان شالله يارب تتسهل للجميع بحق هذه الايام المباركه والكل تقابل وتتوفق بأمورها والكل تتبشر بالموافقه عن قريب اللهم امين

اما عنا فلا جديد لا حس ولا خبر لامن المنظمه ولا من اليوان على حطة ايدكم دعواتكم الحلوه يارب والله يفرج عالجميع

مع تحياتي اختكم شجرة الدر

[Iraqi Christopher]

اهلا اخ اياد شلونك يا طيب وشكرا جدا لسلامك، طبعا اكيد ان شاء الله نبقة اخوة واحباب في جميع الاحوال وتبقة لمنتة الحلوة للابد، والحمد لله على كل حال والحمد لله على تمام الستر والعافية لان فعلا لا شئ يعوضها

اهلا اخت شجرة الدر، احنة ايضا لا جديد والحمد لله، يا رب تتسهل عليكم وعلى الجميع وتبشرينا عن قريب بحرمة هذه الايام المباركة والعشر الاواخر من رمضان المبارك.



اخوكم

كريستوفر العراقي

[شجرة الدر]

اخواني الاعزاء اخيرا تم تحديد الولاية بعد جهد جهيد الله يفرج عالجميع يارب

[ayadkoo]

مبروك والف مبروك اختنا شجره وانشاء الله يوم تحديد يوم السفر وربي يسهل على الجميع وانشاء الله رمضان الخير والسلام على الجميع







      اخوكم اياد

[شجرة الدر]

الله يسلمك ويبارك بيك اخويه الغالي ايادكووووو ويارب يسهل امركم جميعا ونسمع عنكم احلى الاخبار قريبا بأذن الرحمن اللهم امين

اختكم شجرة الدر

[Iraqi Christopher]

الف مبروك اختي العزيزة تستاهلون كل الخير يا رب يوم السفر ان شاء الله تعالى

تحياتي لجميع الاخوة الاحباب


اخوكم

كريستوفر العراقي

[vaio]

 يَا ذَا النِّعْمَةِ السَّابِغَةِ ، يَا ذَا الرَّحْمَةِ الْوَاسِعَةِ ، يَا ذَا الْمِنَّةِ السَّابِقَةِ ، يَا ذَا الْحِكْمَةِ الْبَالِغَةِ ، يَا ذَا الْقُدْرَةِ الْكَامِلَةِ ، يَا ذَا الْحُجَّةِ الْقَاطِعَةِ ، يَا ذَا الْكَرَامَةِ الظَّاهِرَةِ ، يَا ذَا الْعِزَّةِ الدَّائِمَةِ ، يَا ذَا الْقُوَّةِ الْمَتِينَةِ ، يَا ذَا الْعَظَمَةِ الْمَنِيعَةِ
يَا نُورَ النُّورِ ، يَا مُنَوِّرَ النُّورِ ، يَا خَالِقَ النُّورِ ، يَا مُدَبِّرَ النُّورِ ، يَا مُقَدِّرَ النُّورِ ، يَا نُورَ كُلِّ نُورٍ ، يَا نُوراً قَبْلَ كُلِّ نُورٍ ، يَا نُوراً بَعْدَ كُلِّ نُورٍ ، يَا نُوراً فَوْقَ كُلِّ نُورٍ ، يَا نُوراً لَيْسَ كَمِثْلِهِ نُورٌ
الحمدلله على فضله والحمد لله على منه  ذهب الكثير  ولم يبقى الا القليل مبارك عليكم يا اخت شجرة الدر والله انها اخبار مفرحة لنا وان شاء الله يوم تحديد موعد السفر القريب بأذن الله

نحن متلهفون للتفاصيل وننتظر  اخبارك و البشارات .

اخوكي فايـــــــو

[شجرة الدر]

اشكرك اخي الغالي كرستوفر العراقي والله يفرج عليكم يارب

ومشكووووور اخي العزيز فايووووووووووووو ورحم الله والديك والله يفرح قلبكم عن قريب ونسمع بموعد مقابلتكم والموافقه بعدها بأذن الله الواحد الاحد وتفرحونه جميعا بأخباركم الحلووووه بحق هذه الليالي المباركه يارب وتبشرونه قبل نهاية رمضان بأحلى البشاير اللهم امين

اختكم المحبه شجرة الدر

[أبو راجو]

صباح الخير عليكم جميعا

ألف الف مبروك لاختنا شجرة الدر
خطوة الى الامام وبالموفقية ان شاء الله
على الاقل عرفتي انه موضوعكم موجود ويتنفس الهواء
يوم السفر ان شاء الله

اخواني اياد
كريستوفر
فايو

ان شاء الله نسمع منكم ايضا الاخبار الحلوة

تحيات

ابو راجو

[شجرة الدر]

اشكر مشاعرك النبيله اخي الكريم ابو راجوووووووو وبالموفقيه ان شالله للجميع

[Zozzz]

السلام عليكم

تحيه طيبه للجميع واعذروني للانقطاع لانه مشغول جدا .....

اختي شجرة الدر والله فرحتلج وتستاهلين كل الخير ومبروك تحديد الولاية وان شاء الله السفر السريع وكذلك لأخونه ملك الحيرة وكرستوفر العراقي والاخ اياد وجميع الاخوه والاخوات الجدد المنتظرين ..

ابو الزوززز

[dodo3]

حبيبتي الففففففففففففف  الفففففففففففففف الففففففففففف  مبروك والله فرحت كلش شلون خبر حلو الله يوفقكم يارب
بس اختي العزيزه شلون اتصلوا بيج ايميل لو تلفون

[شجرة الدر]

اشكرك اخويه ابو الزووز عالمشاعر النبيله والله يوفقكم ان شالله وتبشرونه جميعكم ودعواني لكم بالخير لكل اخوتنا واخواتنا

حبي ام دودي مشكووووووووره حياتي والله يسهل امركم والله ذلونه كل يومين نتصل وشبعنه رزايل منهم اليوان والمنظمه خو مدام مي من يوم الرزاله مخابرتها بس اتصلنه للمنظمه بتركيا وكالولنه لان لو عليهم لاحس ولا خبر مجفيه السله عليهم بس احنه خبصناهم ياله كالولنه والى هسه اليوان ما بلغتنه بالولايه لا عبدووو ولا غيره ولا اتصال منهم بس احنه اتصلنه لتركيا واخذنه الخبر والله كريم

[ملك الحيرة]

الف الف الف مبروك
بس وين ما كلتيلنا اي ولاية؟؟

اشكرك اخويه ابو الزووز عالمشاعر النبيله والله يوفقكم ان شالله وتبشرونه جميعكم ودعواني لكم بالخير لكل اخوتنا واخواتنا

حبي ام دودي مشكووووووووره حياتي والله يسهل امركم والله ذلونه كل يومين نتصل وشبعنه رزايل منهم اليوان والمنظمه خو مدام مي من يوم الرزاله مخابرتها بس اتصلنه للمنظمه بتركيا وكالولنه لان لو عليهم لاحس ولا خبر مجفيه السله عليهم بس احنه خبصناهم ياله كالولنه والى هسه اليوان ما بلغتنه بالولايه لا عبدووو ولا غيره ولا اتصال منهم بس احنه اتصلنه لتركيا واخذنه الخبر والله كريم

[Iraqi Christopher]

dodo3 اليك ايميل ورقم تركيا:

vines@icmc.net

+90 212 219 20 55

[vaio]

السلام عليكم
انا اتصلت امس بالمفوضية  وطلعلي واحد يمكن جديد يحجي باللهجة المحلية
كلته ها شني ما شني ؟
كال ما شني ارجع نام
كلتله انتم وعدتونا ان خلال هايالايام تتصلون علينا بخصوص المقابللات  كال ممممم ممكن وممكن لا  ما اكدر ااكد لك اذا اكو شي احنا نتصل عليك .

فايـــــــو

[أبو راجو]

صباح الخير
بما انه لا حس ولا خبر ولا اتصال ولا شي قبل العيد
حبيت اسال سوال
في حال الواحد حصل على فيزة زيارة لامريكا
هل يكدر يوكل محامي هناك وهو موجود ويقدم لجوء؟
شنو معلوماتكم؟

تحياتي

ابو راجو

[dodo3]

اخويه المحترم ابو راجو هذا الموضوع نقلته لحضرتك من الموقع

عاجل عاجل عاجل رجاءا
« في: أغسطس 30, 2010, 07:10:31 pm »   

--------------------------------------------------------------------------------

السلام عليكم اخوان
عندي صديق هسه وصل امريكا هو وزوجته لان زوجته بيها مرض خطير وهمه انطوا فيزه لغرض علاج مرته
هو كان يشتغل مع الامريكان لعده سنين وهسه هو يريد يقدم لنبراسكا على برنامج لجوء او هجره siv بس شلون يقدم يعني وين يودي اوراقه ماطول هو بامريكا رجاءا رجاء ساعدوني ولكم الاجر والاثواب
 
 تنبيه للمراقب    سجل 
 
 
 
Robin Hood
عضو فعال جدا

 متصل

رسائل: 411



     رد: عاجل عاجل عاجل رجاءا
« رد #1 في: أغسطس 30, 2010, 08:15:28 pm »   

--------------------------------------------------------------------------------



السلام عليكم
اخويه العزيز خلي يتصل بمحامي وهوة يقومله بكل الاجرائات لان هوايه عراقين طلبو لجوء وهمه بداخل امريكا وتقبل مروري

ان مع العسر يسرا

robin - cairo 
 
 تنبيه للمراقب    سجل 

--------------------------------------------------------------------------------

..
 
 
تعبان وماعرف
عضو

 غير متصل

رسائل: 26


     رد: عاجل عاجل عاجل رجاءا
« رد #2 في: أغسطس 31, 2010, 05:39:15 am »   

--------------------------------------------------------------------------------

نعم يروح للمحامي ثقه ويستفسرمنه
 
 تنبيه للمراقب    سجل 

--------------------------------------------------------------------------------

ان اخاك الحق من كان معك ومن يظر نفسه لينفعك
 
 
ســـرى
عضو مميز جدا

 متصل

رسائل: 5644


szsz سابقا


    رد: عاجل عاجل عاجل رجاءا
« رد #3 في: أغسطس 31, 2010, 06:15:34 am »   

--------------------------------------------------------------------------------

اخوية بالنسبة للتقديم عالsiv هي نفس الخطوات بكل الدول يروح عالموقع الاليكتروني لوزارة الخارجية الامريكية ويمشي بالخطوات.طبعا وجود المحامي شوية يساعد اكثر لانه يعرف الاجراءات والمراسلات بس محامي لازم قبل قضية اس اي في مو جديد عالشغلة.
 
 تنبيه للمراقب    سجل 

--------------------------------------------------------------------------------

أختكم ســــــــــــــــــــــــــــــــرى


بطريق الوحدة يتحقق املنا.....نوافي اللي بذل دمه لأجلنا.....
 
 
hamada2
عضو مميز

 متصل

رسائل: 1517


USA / Minnesota


     رد: عاجل عاجل عاجل رجاءا
« رد #4 في: أغسطس 31, 2010, 06:31:44 am »   

--------------------------------------------------------------------------------

معلومة صغيرة جدا ؟

اي شخص يقدم على لجوء وهوة داخل اميركا ؟ يحق له البقاء لمدة ستة اشهر لحين البت بقرار لجوءه ؟

واذا لاسامح الله رفض لجوئه يحق له الاستئناف ؟ وخلال تلك الفترة يحق له الحصول على مستمسكات ؟ من ضمنها / الاي دي

اي ما تسمى هوية العمل / ومن خلالها يحق له العمل داخل اميركا اصوليا ؟ هذا الكلام من مصدر موثوق ومقرب مني شخصيا ؟

هنالك من لديه مدة خمس سنين على هذا النحوا ؟ وهنالك من لديه سنتين او ثلاث ؟ تم رفض قبول لجوئهم ؟ وحصلوا على هويات العمل وهم الان يمارسون حياتهم الطبيعية ؟ وكل فترة يستئنفون طلب لجوئهم .

ملاحظة / في هذه الحالة يحق له البقاء في اميركا لحين قبوله ؟ او يبقى في اميركا ويحصل على هوية عمل ويمارس حياته؟

لكن جميع فترة تواجده في اميركا مهما كانت مدتها لاتحتسب له لحين الحصول على الموافقة ؟ وايضا كل تلك السنين التي يقضيها في اميركا مجرد خروجه من اميركا ؟ لن يستطيع بعدها الدخول الى الاراضي الاميركية مهما كان ؟



للتنويه والاطلاع
 
 تنبيه للمراقب    سجل 

--------------------------------------------------------------------------------

hamada2
ابن عين كاوة

 مراحل السفر الى اميركا **شرح وافي مع الصور**ا
http://www.ankawa.com/forum/index.php/topic,419986.0.html
{{كل مايخص ويتعلق باجازة السوق الامريكية وكيفية التعلم على الاشارات وغيرها من اسئلة امتحان السوق}}
http://www.ankawa.com/forum/index.php/topic,400685.0.html
 
 
أنجــــــي
اداري

 متصل

رسائل: 14940


لاتدينو كي لاتدانوا بالكيل لذي به تكيلون يكال لكم


    رد: عاجل عاجل عاجل رجاءا
« رد #5 في: أغسطس 31, 2010, 07:05:04 am »   

--------------------------------------------------------------------------------

USCIS/ Nebraska Service Center (NSC)     عنوان نبراسكا

P. O. Box 87360

Lincoln, NE 68501-2521 




وهذا الثاني يسموه البريد السريع



USCIS/ Nebraska Service Center (NSC)

850 “S” Street

Lincoln, NE 68508

SIVTranslator.NSC@dhs.gov
مكتب نبراسكا الولايات المتحدة للاستفسار



http://travel.state.gov/visa/immigrants/types/types

الموقع الرسمي لوزارة الخارجية الأمريكية
 
 

[الشاكر]

الى الاخت شجرة الدر المحترمة
السلام عليكم ورحمة الله وبركاته

بداية اقول لك الف مبروك وانشاء الله الاستقرار الدائم والحياة الرغيدة رغم مرارة الغربة ولكني ادعو لك بالتوفيق وللعائلة الكريمة في مكانكم الجديد وبحفظ الله

الاخت الفاضلة
انا وجدت هذا الموقع بالصدفة واشتركت بيه , واذا بالامكان تنورينة لاني قدمت طلبي في شهر 12 2009  وابد السلام هو اللي اخذها مع نسخة من الجوازات فقط. واتصلنة بيه اكثر من مرة يكول بعد, لان  اكو قبلكم هواية واحنة مكتبنا بالامارات زغير مو مثل عمان او سوريا , المهم كل مرة نتصل نفس الجواب

شكرا لك لمساعدتك  العراقيين ممن جار عليهم الزمان بعد ان كانو اسيادا

[شجرة الدر]

انا شاكره لك تهانيك اخي الكريم والله يفرج عليكم جميعا يارب

اخي الفاضل ما عندك غير الانتظار واكيد يتصلون بيك عن قريب بأذن الله ويحددولك موعد مقابله وهل حضرتك مليت فورم الاعتراف بيك كلاجئ لو لا ارجو توضيح ذلك لغرض الرد عليك بشكل واضح ليتسنى لك معرفة الحقائق اخي مكتب الامارات بالهم جدا طويل يعني احنه بالسنه السادسه ماشين انتظار والى حد الان منتظرين رحمة الله وكله لاجل اولادنا وكلنا عشنا مرارة الغربه وعانينا ما عانينا والله ولي التوفيق

اختكم شجرة الدر

[ام لافينيا]

تحية طيبة
كل عام والجميع بصجة وعافية
اخ ابو الزوزززز
معنويتنا صارت تحت الصفر لانو حسبتها احنا و2012 هههههههههه
هاي بدون منغصات

[vaio]

السلام عليكم
اهلا اخي ابو الزوز يمعود هاي وينك الك وحشة .
تمنياتنا من الله لكم ان يتقبل طاعاتكم ويتقبل صيامكم ويستجيب دعائكم .
اخواني احسنو الظن بالله ولا تلتمسو طرق اليأس والله عند حسن ظن العبد به .

انتظار الفرج يجب ان يكون بالتفأئل والايمان بقربه . فكرو بما تريدون ولا تفكرو بما  تخافون .
يشهد الله هاي النصيحة اوجهها لنفسي قبلكم .

الفرج قريب بأذن الله

الموقف الاخير ما هو هل ان الوفد التركي موجود الان ام لا ؟ ( اعتقد انه موجود )
واعتقد ان المفوضية عينت  اشخاص جدد والسبب هو توسيع دائرة عملهم والتعجيل بأجراء وتخليص القضايا .
نعم قد لا نقابل مقابلة المحلفين بالمستقبل القريب  لكني اعتقد اننا سوف نجتاز مراحل كثيرة قريبا جدا .

وتحياتي الى الاخت العزيزة شجرة الدر واقول لها اصبح الان الموضوع مختلف وليس امامك الا تمضية بعض الوقت  للنهاية السعيدة الحتمية ان شاء الله .
وتحية كبيرة خالصة لجميع الاخوة والاخوات  وكل عام وانتم بالف خير .

اخوكم فايـــــــو

[شجرة الدر]

الله يسهل عالجميع يارب بأقرب وقت بحق هذه الايام الفضيله ويجعل الفرج العاجل لنا جميعا من كل كرب اللهم امين

اختكم شجرة الدر

[أبو راجو]

صباح الخير
شكرا جزيلا لاختنا دودو على الايضاح والمساعدة

لجميع الاخوة والاخوات حبيت اكول مقدما

عيد سعيد عليكم وعلى اسركم الكريمة أعاده الله عليكم بكل خير وبركة وكل عام وانتم بخير


ابو راجو

[dodo3]

لا شكر على واجب اخويه فايو
وكل عام وانتو بالف خير وعيد سعيد انشالله عليكم وعلى امة محمد

[Iraqi Christopher]

الاخوة والاخوات كل عام وانتم بالف خير

سمعت من صديق لي اليوم انه الوفد التركي سيأتي للامارات بعد اسبوع اي بعد العيد ان شاء الله تعالى (ومصدر الخبر موظف في المنظمة التركية).

وادعو لنا اخواني واخواتي ان يأتون فعلا ويكملون ملفاتنا المعلقة ويبدأون بمقابلاتكم لان فعلا طولت ملافاتنا جدا والله يصبرنا ويصبركم.

اخوكم

كريستوفر العراقي

[شجرة الدر]

كل عام والجميع بألف ألف خير وان شالله تحقيق الاماني والله يفرج علينا جميعا يارب

[vaio]

اللّهُمَّ ، أَسْأَلُكَ بِرَحْمَتِكَ ، وَطَولِكَ ، وَعَفْوِكَ ، وَنَعْمَائِكَ ، وَجَلَالِكَ وَقَدِيمِ إحْسَانِكَ ، وَامْتِنَانِكَ ، أَنْ لا تَجْعَلَهُ آخِرَ العَهْدِ مِنَّا ، لِشَهْرِ رَمَضَانَ ، حَتَّى تُبَلِّغَنَا مِنْ قَابِلٍ على أَحْسَنِ حَالٍ ، وَتُعَرِّفَني هِلَالَهُ ، مَعَ النَّاظِرِيِنَ إلَيْهِ ، وَالمْتَعَرِّفِينَ لَهُ ، في أَعْفى عَافِيَتِكَ ، وَأَتَمِّ نِعْمَتِكَ ، وَأَوْسَعِ رَحْمَتِكَ ، وَأَجْزَلِ قِسَمِكَ ، اللّهُمَّ ، يا ربِّ الذي لَيْسَ لي غَيْرُهُ ، أَسْأَلُكَ أَنْ لا يَكُونَ هَذَا الوَدَاعُ مِنِّي ، وَدَاعَ فَنَاءٍ ، وَلَا آخِرَ العَهْدِ مِنَ اللِّقَاءِ ، حَتَّى تُرِينيهِ مِنْ قَابِلِ في أَسْبَغِ النِّعَمِ ، وَأَفْضَلِ الرَّخَاءِ ، وَأَنَا لَكَ على أَحْسَنِ الوَفَاءِ ، إنَّكَ سَمِيعُ الدُّعَاء.
    اللّهُمَّ اسْمَعْ دُعَائِي ، وَارْحَمْ تَضَرُعِي ، وَتَذَلُّلي لَكَ ، وَاسْتِكَانَتِي
أَعُوذُ بِجَلَالِ وَجْهِكَ الكَرِيمِ ، أَنْ يَنْقَضِيَ عَنِّي شَهْرُ رَمَضَانَ ، أَوْ يَطْلَعُ الفَجْرُ مِنْ لَيْلَتي هَذِهِ ، وَلَكَ عِنْدِي تَبِعَةٌ ، أَوْ ذَنْبٌ ، تُعَذِّبُني عَلَيْهِ يَوْمَ أَلْقَاكَ

اللهم آمين .
كل عام وانتم بالف خير احبتي وتقبل صيامكم وقيامكم وجعلكم من المرحومين لا من المحرومين بحق الحبيب الامين  رحمة العلمين وآله .

[شجرة الدر]

بارك الله فيك اخونه الغالي فايووووووووووو

[شجرة الدر]

up

[أبو راجو]

تحية طيبة للجميع وان شاء الله كانت ايامكم اعيادا وافراحا
وعام دراسي ميسر على جميع الاولاد واكيد اليوم الكل في عمله
ارجو اعلامنا ان جد جديد معكم
وعندي سوال احب اعرف جوابه منكم
هل تعرفون ناس قدمت من الامارات وسافرت؟
هل تعرفون مدة المعاملة؟ سنة  سنتين   ثلاثة؟

مع الشكر

ابو راجو

[ayadkoo]

ايامكم سعيده اخواني وكل عام وانتم بخير وعام دراسي جميل انشاء الله
اخويه ابو راجو لو بس اعرف سر راجو شنو اخويه هيه حظ يانصيب اعرف ناس طولت سنه وناس سنه ونص واعرف ناس قدمت ورايه همه هسه بامريكا وناس صار ثلاث سنوات وسافروا كلمن وحظه
اخويه اسمك يذكرني بابني من انخطف من قبل وحده هنديه اصدقائنا ولحد الان ينادونه راجو لو اخذتك الهنديه كان اسمك راجو
واريد اعرف سر اختيارك لهذه الاسم الهندي وسلامي للجميع
وسلام خاص للاخ ابو الزوز وشجره وفايو وعراقي واقول لهم ايامكم سعيده

[شجرة الدر]

الله يسلمك اخويه الغالي ايادكوووووووو وكل عام والجميع بالف الف خير ويارب الله يحفظكم ويسهل امركم تحياتي لك وللعائله الكريمه وللاخوه الاعزاء معانا جميعا واخصك بالذكر واخي الغالي ابو الزووز واخي الكريم فايوووووووووو ويارب نرجو فرجك القريب اللهم امين

[vaio]

السلام عليكم وان شاء الله مر عليكم عيد  سعيد وجميل .

اخوية ابو الزوز  على كيفك ويا اخونا ابو راجو . كل واحد من حقه يسأل والي عنده جواب من واجبه يجاوب .
بس احيانا  السؤال ما يكون معرفي بقدر ما يكون تطمين ورفع معنويات وهاي الحالة كلنا مرينا بيها نحاول ان يكون عدنا يقين بأن شغلتنا تمشي وتوصل الى مرحلة متقدمة وبالرغم من كل الاسئلة ما نوصل لليقين هذا ونبقا ما نعرف شنسوي غير ان نسأل اكثر واكثر وهذا كله طبيعي .
نرجو من عندك سعة صدرك وتفهم الاعباء الي تمر بنا جميعا .
كان موقفك سلبي من الدعاء والتفائل ورفع المعنويات وكتبت رد طويل عريض حول عدم جدوى من يدعو او من يتفائل او من يقول خيرا ان شاء الله .
ونحن تفهمنا رأيك وتقبلناه برحابة صدر وآثرنا السكوت على الرد ونحن نطالبك برحابة صدر مماثلة .
واذا مللت من الرد على اخونا ابو راجو فغيرك كفيل بالرد عليه واجابته على اسئلته  من غير ان تكدر نفسك وتجهد نفسك بالبحث عن الاجوبة المتكررة في الارشيف .
مع خالص اعتزازي وتقديري
اخوك دائما  فايــــــو

[vaio]

السلام عليكم
اخي العزيز ابو الزوز شكرا لسعة صدركم وتقبل كلامنا على محمل الاخوة وهذا ضننا بكم دائما .

في ردودك الاخيرة وجدت ان وراء هذه الردود شخص اخر غير ابو الزوز الذي نعرفه دائما ومهما كان السبب فأنا  التمس لك العذر واقدر كل ما تقول .
وبما انك اسهبت  في توضيح رأيك فأسمح لي بالاسهاب ايضا في توضيح رأيي.
قبل كل شيء انت  الاخ العزيز والصديق الدائم لي وللاخوان .

هناك الكثير من النقاط التي ذكرتها انا اتفق معك  بها 100% لكن المنتدى ليس لوحة اعلانات رسمية  تعلق عليها التعليمات والاوامر فقط .
نحن اصدقاء على النت  واحيانا في الواقع وكل واحد له ميانة مع اخرين . اذا اصابنا الحزن دخلنا المنتدى ليواسونا الاصدقاء ويصبروننا . واذا فرحنا دخلنا المنتدى لنجعل اصدقاءنا  يشاركوننا فرحتنا . واذا اصابتنا مشكلة لجاءنا الى بعضنا يشجع بعضنا البعض ويصبر بعضنا بعضا .
فلا ضرر من ان يشجع الاخوان بعضهم لبعض وهذا ليس كذب عليهم  ولا هو مضيعة للوقت .
نعم الامر كله بيد الله عز وجل . وهو الذي يكتب على عباده ما يكتب  لكن الله يثبت ما يشاء ويغير ما يشاء ولولاهذا لما كان لدعائنا وعباداتنا  اثر لان ان كان الله قد كتب لي التعاسة الى الابد ينقطع الرجاء واكون آيس من رحمة الله واليأس من رحمته من الكبائر .
ولا كان اكو داعي  اذا اشوفك واسلم عليك اكلك الله يطول عمرك  او الله يخليلك اولادك اوالله يوفقك لان كل هذا لن ينفع لان ما مكتوب  هو الذي سوف يكون .مو انتة تعرف ان اكو اعمال تطيل العمر واعمال تقصر العمر واعمال تجلب الرزق ووووو يعني الحياة في تغير دائم واحنا الي نصنع هذا التغير  بمجموع اعمالنا تجاه الله عز وجل واتجاه انفسنا .

اما الدعاء  فهو بنظري ونظرك شي مهم  وان اختلفت نسبه الاهمية . فأختنا شجرة الدر مثلا  انا واثق انها في شهر رمضان  قد توفقت لاستجابة دعاء خالص من القلب في ساعة خشوع وانقطاع الى الله عز وجل .
صحيح ان الادعية لا تستجاب كلها  لان الله عز وجل يعلم بعاقبة الامور  وقد يكون  ما نطلبه ليس بصالح بعضنا .
لكنه بالوقت ذاته امرنا بالدعاء . فالدعاء  سلاح الانبياء وسبيل الانسان المؤمن الى الله مع باقي العبادات .
وقال الله عز وجل -

(وقال ربكم ادعوني استجب لكم ) سورة غافر -60
(واذا سألك عبادي عني فأني قريب اجيب دعوة الداع اذا دعان ) سورة البقرة 186
( قل ما يعباء  بكم ربي لولا دعاؤكم) الفرقان -77
افبعد كل هذه الايات لا تريدنا ان ندعو ؟
والدعاء  قال عنه الرسول افضل العبادات  وقال تفائلو بالخير تجدوه وقال ليس من شيء اكرم على الله من الدعاء  واحاديث كثيرة لا يسعها المقام .
يعني بالنتيجة احنا ما جاي نضيع وقتنا بالدعاء فهو اذا لم ينجز لنا فهو مذخور في وقت اخر .
واذكر مقطع من دعاء الافتتاح الرمضاني  يقول " وان ابطاء عني عتبت بجهلي عليك ولعل الذي ابطاء عني هو خير لي لعلمك بعاقبة الامور "
هذه رؤيتي وتلك رؤيتك  وان شاء الله  المشتركات  اعظم من المختلفات . طولت عليك وارجو المعذرة لان النقاش انقلب تقريبا الى دين . وانا اكول خلي نكلب هاي الصفحة وما نحجي بيها  لاننا اكبر من هاي
تمنياتي لك بطيب الخاطر والتوفيق لما يحبه ويرضاه .

اخوك فايــــــو

[ملك الحيرة]

تم تحديد موعد دورة تثقيفية لبعض الاخوان يوم الثلاثاء القادم في ابوظبي

[Zozzz]

شكرا عل معلومه الحلوه اخونه العزيز ملك الحيرة ويارب يوم الي نسمع سفرك بالقريب العاجل انته واختنه شجرة الدر وجميع المنتظرين...
الله ييسر امركم...

ابو الزوززز

[ملك الحيرة]

مشكور ابو الزوز اخوي الغالي
بس انا ما اتصلوا بيه لان مخلص دورة تثقيفية قبل سنه....بس لا يطلعونه فيكة جديدة ويقولون الدورة اكسباير.....ههههههههه

شكرا عل معلومه الحلوه اخونه العزيز ملك الحيرة ويارب يوم الي نسمع سفرك بالقريب العاجل انته واختنه شجرة الدر وجميع المنتظرين...
الله ييسر امركم...

ابو الزوززز

[شجرة الدر]

السلام عليكم اخواني الاعزاء
شخباركم ان شالله بخير دعائي للجميع بالاخبار الساره ان شالله انا كلمت اليوان لكن لا حياة لمن تنادي بدون جواب عدة مرات وتعاركت مع الاوفس بوي وكوتله ما اسد التلفون الا تنطيني يا عبد السلام يا مدام مي منا حجايه منا حجايه حولني على عبدوووووووووووو سلمت عليه وكتله تحددت الولايه وانتوا بالجذب حتى ما بلغتونه من شهر تحددت وكلما نتصل بس تصيحون علينه وهسه نريد نعرف شصار بالملف هم بعد ما نحصلكم كال كل جديد ماكو لان المكتب الاقليمي بالسعوديه السبت هذا يعني البارحه ياله داوموا واي جديد حول ملفكم ماكووووووووو واتصل بالمنظمه بتركيا ايكولون مو يمنه خلص ملفكم وتحول اتصلوا باليوان المهم وهذا حالنه من ناس لناس وحايرين والله يدبرها وننتظر الفرج من رب العالمين

اخي ابو الزوووووووز اعذرني والله جدا ملتهيه تعرف الاولاد الى هسه بدون مدارس وما علرفين مصيرنه طالعين لو مطولين اصفي لو لا والله حيره حتى النت ادخل عالسريع واطلع بس اجيك اما بالنسبه للاخت العبير ام عبدالله فهي من مصر تقديمها وهي اخت غاليه وعزيزه وحبت تطمئن على اخبارنه ونرحب بدخولها الرابط معنا ونشكرها على تعليقها وتفقدها لنا

هذا اخر اخباري ما نملك سوى الدعاء اللهم فرجك القريب

اختكم شجرة الدر

[Zozzz]

أختي شجورة

الله يسهل امرج ويفرجها عليج بلكي تبشرينا باخبار مفرحه عن قريب انتي وملك الحيرة والله يوفق الجميع ويسهل اموركم وامورنا جميعا

ابو الزوززز

[vaio]

السلام عليكم
اختنا شجرة الدر  الله يطمنك يارب ويسهل امرك ان شاء الله ما بقا شي لا تجزعين ولا يضل بالك  وطبعا الك كل الحق بموضوع المدارس فعلا هية شغلة محيرة  بس لو تكدرين توصلين  ويا المدرسة على اتفاق معين  يعني لو تنطينهم مبلغ بسيط بالبداية وانطيهم شيكات على تواريخ  شوي بعيده حتى اذا  تحقق الفرج  تسحبين اولادك والشيكات وتكونين ما جازفتي بداستهم من جهة وما خسرتي هواي من جهة اخرى .
تمنياتنا لكم بقرب الفرج والفرحة الكبرى ولا تنسينا من صالح دعواتكم .

فايــــــــــــو

[tantonee]

السلام احبابي و شكرا على الرد اني اول مرة كتبت هنا عبالي ماكو احد و فقدت الامل و هسة دا اشوف ما شاء الله الردود و التفاصيل و شكرا لشجرة الدر و ابو الزوز و اسف للانقطاع
الموضوع كلش تعبان عندي من فقدت الشغل الى الان لا اقامة و لا لاعمل و لا جواز غير الاس و على العموم
من قدمت شهر سبعة 2009 الى الان ما كو لا حس و لا نفس . و قبل جم يوم سمعنا بعض الاشاعات انه الامجموعة الاولى سافرو و هسة دا ياخذون بالكوترة .. هههه
و لكن اكو بعض الناس الي قدمو نفس الوكت معي و انا رسائلهم خابروهم وكتها و سالو على جوازات بقية الاهل و شي و لكن انا كل شهرين ثلاثة ارجع ادز نفس الايميل و لا خبر و حامض شلغم و لا خاشوكة|. هههه
هسة اريد اعرف اني احسن ابطل

عيني ابو الزوز اني اسف بس ترى و الله هسة يلة شفت الرسائل الامور عندي كلش لا تسر اخو و لا عدو.
و شكرا و بالتوفيق للجميع  

[ayadkoo]

سلام عليكم اخواني انا اتصلت على اليوان والي يطلع على التليفون  واحد يأسك من الدنيا كلها وتتمنى ترجع للعراق  بسبب اسلوبه ولا تبقى تحت رحمتهم كانهم يعطونه لجوء للبيوتهم .

وسلامي للخت شجره انصحك ان تسجلين اولادك في المدرسه  حرامات اتفوتهم سنه لان هذوله روحهم طويله وانشاء الله يسهل عليكم جميعا
وسلامي للاخ  العزيزابو الزوز والاخ فايو
وسلامي الى المنتمين الى عائلتنا الجدد

[شجرة الدر]

اشكركم عيني اخواني الغالين ابو الزووووز وفايوووووووووو وايادكوووووووووو يارب يطمنكم على احوالكم عن قريب وتبشرونه جميعكم بالقريب العاجل ويسهل احوالكم واموركم
واحب اكول لاخي الكريم ايادكووووووو يمعود وين ترجع اصبر لعد اني شكول اويلي على حالي بس الله ما ينسى عبده والله كريم

اخي العزيز كرستوفر وصلتك الرساله على بريد المنتدى شرحتلك بيها كل شي والله كريم الله يفرج عالجميع

[vaio]

تحية حب واعتزاز واحترام الى جميع اخوتي واخواتي  الكرام

شكرا الك اخي ابو الزوز  على سؤالك ومعنوياتي ان شاء الله عالية وانت ان شاء الله مثلي .

الله ينطيك الصبر اخي اياد انا جربت شعورك هذا كل ما اخابرهم ويطلعلي الي في بالك  بس خليها على الله .

اختنا العزيزة شجرة الدر  احب اكلج  واكل كل واحد منتظر الفرج  انه كل يوم يمر هو بالحقيقة يقربنا من الفرج اكثر مهما طال  ومهما بعد . كل ما يطلع فجر جديد من يوم جديد  هو بالحقيقة ينقص الايام المتبقية  ويقصر المسافة بينا وبين فرج الله الكبير . اسأل الله العلي القدير ان يقر عيونكم ويفرح قلوبكم .

وارحب بكل اخ واخت انظمو الى  عائلتنا الجميلة وكل الهلا بيكم .

اخوكم  فأيــــــــــــو

[ملك الحيرة]

اخواني اخواتي
اليوم ذهب احد الاخوان للتقديم الجديد اعطوه الفورم باليد واخبروه ان يرسله بالبريد وليس بالايميل مع ارفاق صور الجوازات
حبيت اخبركم بالموضوع لا اكثر

[Zozzz]

مشكوور اخويه مللك الحيرة عله هاي المعلومه ...
احنه قبل شفنه الويل يله روونه الاستمارة وانطونه ياها وبقينه يمكن اكثر من سنة ننتظر يله انطونه ياها ...هسه الظاهر عدهم تعليمات جديده الي يريد يقدم ينطوهيا رأسا ...والظاهر والله اعلم  عدهم اوامر بان يتساهلون ويه المتقدمين الجدد والله كريم وييسر للكل ويفرجها عل جميع

[tantonee]

هلا بالحبايب و الاخوان الاعزاء و شكرا على المعلومات القيمة و انشاء الله بالموفقية للجميع هسة اريد اشكر بالاخص شجرة الدرو ابو الزوز .

هسة اني و بعد ان بعثت عشرات الرسائل و من ايميلات مختلفة اليوم و بالص
فة و بدون توقع و اني مريض و خشمي يخرر هههه جاني رد و فورم و على اساس اعبي و ارجعلهم خلال مدة اقل من شهر
و هسة اترس الفورم مباشرة بالكمبيوتر و ابعث اكدر اخلي الصورة و اكتب عربي و انكليزي لو اطبع و اعبي و ارسل بالسكان لو شنو

شكرا على كل المعلومات و انشاء الله خير لان اني كاعد بلا اقامة من 2007 و اقدم و هسة لا شغل و لا قلوس و لا جواز و لا اقامة

[ayadkoo]

سلام عليكم اخواني شلوتكم
اخي ابو الزوز والاخ تن تووني
الله يفرج عليكم جميعا بس اني على حد علمي انا قدمت المعامله اول مره باسم زوجتي بعدين اتصل بي عبد السلام قال لي زوجتك اقامتها عليك ولازم اتقدمها باسمك على اقامتك انت@@@@@ملخص كلامي انه الي ماعنده اقامه مايستلمون معاملته انت من تقدم يسالوك على الاقامه اولا لانهم لايحموك ولايعطوك ورقة حمايه
ويارب اخونا تن توووني الله يسهل عليك والله ياخويه انت اشلون امامن وكاعد زين شلون تصرف على هل العيشه الصعبه هنا
زين انت وحدك عندك عائله والله ياخويه الله يسهل عليك واحد يشوف مصيبة غيره تهون عليه مصيبته على كل حال اخواني الاعزاء الله يسهل على الجميع

[ملك الحيرة]

اخوي العزيز
مكتب المفوضية في ابوظبي هو لتمشية امور اللاجئين فقط وليس له اي صلاحيات تخص الاقامات وتنسيق الامور مع دائرة الهجرة والجوازات ولا يقدم اي بطاقات او وثائق تشير بانك لاجئ بانتظار التوطين .
فيما يخص الاقامة...عن تجربة خاصة قمت باظافة اطفالي الى ملفي وكانوا بتاشيرة دخول فقط ..ولكنهم طلبوا مني تثبيت اقاماتهم في الجوازات ليتمكنوا من اضافتهم..هذا الكلام قبل سنة ...الان الله اعلم



quote author=ayadkoo link=topic=393615.msg4826434#msg4826434 date=1285092663]
سلام عليكم اخواني شلوتكم
اخي ابو الزوز والاخ تن تووني
الله يفرج عليكم جميعا بس اني على حد علمي انا قدمت المعامله اول مره باسم زوجتي بعدين اتصل بي عبد السلام قال لي زوجتك اقامتها عليك ولازم اتقدمها باسمك على اقامتك انت@@@@@ملخص كلامي انه الي ماعنده اقامه مايستلمون معاملته انت من تقدم يسالوك على الاقامه اولا لانهم لايحموك ولايعطوك ورقة حمايه
ويارب اخونا تن توووني الله يسهل عليك والله ياخويه انت اشلون امامن وكاعد زين شلون تصرف على هل العيشه الصعبه هنا
زين انت وحدك عندك عائله والله ياخويه الله يسهل عليك واحد يشوف مصيبة غيره تهون عليه مصيبته على كل حال اخواني الاعزاء الله يسهل على الجميع
[/quote]

[vaio]

السلام عليكم  اخوية تنتوني
مثل ما كالولك الاخوان الاعزاء  بس حبيت اضيف شغلة مهمة
وهي انك لازم بعد انت تملي الفومة  تطبعها  على ورق ثم تضع توقيعك على الاقرار الموجود في اخر صفحة  وشي طبيعي توقيعك مهم على الفورم واعتقد ما يعتبر الفورم اله قيمة اذا ما توقع.
بعدين تصورها  سكانر للاوراق كلها ثم ترسلهة لهم اما على شكل بي دي اف او ارسلها كصور عادية  بشرط ان لا تحتوي كل رسالة على اكثر من خمسة ميكا بايت  لان السستم سوف يهمل الايميلات التي تزيد عن خمسة ميكا .
هذا الحجي من  مكتب اليو ان  . وبالنسبة الي انا بعثت  تقريبا ثلاث او اربع  ايميلات احتوت كل الفورمة ونسخ الجوازات والوثائق.
تمنياتنا لك بالتوفيق  وياريت تكتب بالفورم انك الان  بدون اقامة  حتى يتفهمون وضعك  ان شاء الله .

اخوكم فايــــــو

[ملك الحيرة]

اخوي العزيز
مكتب المفوضية في ابوظبي هو لتمشية امور اللاجئين فقط وليس له اي صلاحيات تخص الاقامات وتنسيق الامور مع دائرة الهجرة والجوازات ولا يقدم اي بطاقات او وثائق تشير بانك لاجئ بانتظار التوطين .
فيما يخص الاقامة...عن تجربة خاصة قمت باظافة اطفالي الى ملفي وكانوا بتاشيرة دخول فقط ..ولكنهم طلبوا مني تثبيت اقاماتهم في الجوازات ليتمكنوا من اضافتهم..هذا الكلام قبل سنة ...الان الله اعلم

هلا بالحبايب و الاخوان الاعزاء و شكرا على المغلزمات القيمة و انشاء الله بالموفقية للجميع هسة اريد اشكر بالاخص شجرة الدرو ابو الزوز .

هسة اني و بعد ان بعثت عشرات الرسائل و من ايميلات مختلفة اليوم و بالص
فة و بدون توقع و اني مريض و خشمي يخرر هههه جاني رد و فورم و على اساس اعبي و ارجعلهم خلال مدة اقل من شهر
و هسة اترس الفورم مباشرة بالكمبيوتر و ابعث اكدر اخلي الصورة و اكتب عربي و انكليزي لو اطبع و اعبي و ارسل بالسكان لو شنو

شكرا على كل المعلومات و انشاء الله خير لان اني كاعد بلا اقامة من 2007 و اقدم و هسة لا شغل و لا قلوس و لا جواز و لا اقامة

[tantonee]

يا اخوان شكرا جزيلا على الرد و هسة ابدي اعبي احتاج مساعدنكم ابو الزوز يمعود و عيني شجرتنا و فايو الكل يمعودين خليكم وياية اريد واحد يقرا القصة مالتي قبل ما اقدمها ترى اني لا اريد اكذب و لا اعرف اكذب بس هم اريد بعض التوجيه من ذوي الخبرة.

و شنو هاي يردون ذكر اسماء من الاهل اني وحدي اعزب بس عندي اخوية صار سنتين خايس بتركيا و انشاء الله هاي النهاية و اني هسة لح ابدي يعني منو اذكر بالفورم؟؟؟؟
و شكرا اخوان و بالموفقية.

[ayadkoo]

سلام عليكم اخواني الاعزاء
والله ياخويه العزيز تنتوووني الله يساعدك والله يعينك وبالاخص هنا بالامارات سنه طب منا تطلع منا وتحس عمرك خلص بسرعه بسبب العمل المستمر هنا اما للمساعده صدكني احنه نساعدك بس قوانيين اليوان هنا اول مايسالوك على الاقامه لو بدون اقامه جان تركت العمل من زمان بس هنا المشكله مايعطوك حمايه ابدا وبالرغم من هذا اتمنى الك ان يقبلوك قبلنا كلنا لان وضعك حرج بدون اقامه دمار هنا بالامارانالله يساعدك اخويه وانشاء الله يسهل عليك وسلامي لجميع اخواني وانشاء الله ابو الزوز مايقصر وياك هو لو سلامي الى شجره انشاء الله تساعدك ويعطوك الحل اللازم






           اخوكم اياد

[vaio]

السلام عليكم
تعقيبا على كلام اخي وعزيزي ابو الزوز .
بالنسبة للي يخالفون  مدة طويلة - اكو قانون  بالدولة يكول الي مخالف  يكدر يسلم الى محكمة ابو ظبي وهناكيقول للحاكم انه خالف نتيجة ضروف  صعبة وقاهرة  والحاكم يحكم عليه غرامة لا تتجاوز 500 درهم  ولازم يحجي ضروفه ويكللهم انه  مسافر  طبعا المفروض بعد دفع الغرامة البسيطة هاي  لازم تسافر .
بهاي الطريقة تخلص من الغرامات الاعتيادية المفروضة عليك اذا رحت للمطار .
هذا الكلام صار وياي قبل تسع سنوات  وكنت مخالف 40 يوما .
وافضل تستشير محامي قبل ما تروح للمحكمة  احتمال متغيرة القوانين .
تمنياتنا لك بالتوفيق وتفريج الكرب .

اخوكم فايــــــــو

[vaio]

اخوية العزيز ابو الزوز  قصدي واضح وهو انه فيما  اذا قبلو يمشون شغلته من غير اقامة ويكمل كل شي  او بعد مقابلة التوطيت حتى يكمل في غير بلد  هنا اذا قرر يسافر  يروح للمحكمة ويتجنب الغرامة الكبيرة هذا قصدي وشكرا

[شجرة الدر]

السلام عليكم اخواني الكرام

احب توضيح حالة لاحظتها انه بعض من الاعضاء يحاولون فتح مواضيع جديده غير اللنك مالت مراحل اللجؤ من الامارات وهذا راح يشتت الاعضاء اولا وثانيا تضيع المواضيع والردود واللي يدخل مراح يستفاد الاستفادة الكامله لان المواضيع مشتته وجربنا كتبنا سابقا عدة مواضيع اين هي الان راحت ومثل ما تدرون سعت المنتدى محدوده فخلي تكون موضيعكم وطرحكم بمكان واحد وذلك لان احنه يوم من الايام اذا نكون مشغولين او لطارئ معين ولم نستطيع الرد فالردود الموجوده كافيه ووافيه وتسد النقص للداخلين الجدد والجميع تستفاد ونطلب من اداريتنا الورده انجي والاداره الموقره تثبيت الموضوع للاستفادة وارجو ان اكون اوصلت الفكره

وتقبلوا تحياتي انا اختكم شجرة الدر

[Zozzz]

حجي حلوووو ....وعاااشت ايدج.

[شجرة الدر]

انت العايش اخويه الغالي ابو الزوووز

[شجرة الدر]

up

[ayadkoo]

سلام عليكم اخواني جميعا
اخواني شلون هاي اشو طولت  السالفه وعبد السلام راح نقرا عليه الفاتحه اشو لا حس ولانفس الجاره شلون يعني عبدو يقشمر علينه يكلنه باخر رمضان يمعود عبدو راح يجي رمضان الجاي وكلشي ماكو والله كريم
سلامي للجميع




                       اخوكم اياد

[ملك الحيرة]

اخي بدوا يتصلون بالكفلاء
توقعاتي على شهر 11 يتحدد السفر انشاءالله

سلام عليكم اخواني جميعا
اخواني شلون هاي اشو طولت  السالفه وعبد السلام راح نقرا عليه الفاتحه اشو لا حس ولانفس الجاره شلون يعني عبدو يقشمر علينه يكلنه باخر رمضان يمعود عبدو راح يجي رمضان الجاي وكلشي ماكو والله كريم
سلامي للجميع




                       اخوكم اياد

[Iraqi Christopher]

شكرا اخي العزيز ملك الحيرة لنقل الخبر والتواصل

طيب واللي مخلص كل شي (موافقة محلفين+امنية+فحوصات طبية+تحديد ولاية+دورة تثقيفية) والكفيل متحدد من اشهر هم نفس الشي لو تتوقع نسافر قبل الشهر ال 11؟


نورنا الله ينور دربك


اخوك

كريستوفر العراقي

[ملك الحيرة]

اخوي كريستوفر
الي مخلصين كلشي انصحهم يتصلون بتركيا حتى يعرفون ملفهم وين وصل

اغلب الملفات منتظرة الختم من الامريكان

ابو الزوز حبيبي
الجماعة هنا بالامارات عددهم قليل وما مهياين للزخم الي عليهم وما ممارسين العملية مثل جماعة سوريا والاردن ومصر لذلك همة مخبوصين ... وجماعتنا ثابرينهم بالتلفونات .. وضغط عليهم من مقرهم الرئيسي بانهاء الملفات .. يعني مليوصة عليهم

السلام عليكم اخوان...

الله كريم أخوان ماااكو غير بس الصبر والله يفرجها عل جميع ...
بس السؤال الي يطرح نفسه احنه ماشاء الله اكثر من واحد هنا وعبدو ماتصل بينا(خلال هاي الفتره وليست بالقصيره يعني من قبل رمضان)... مع العلم احنه قضايانا مختلفه يعني المنتظر السفر مثل اخونه ملك الحيرة واخونه كرستوفر والي منتظر موافقات وتحدد الولايه الها مثل اختنا شجرة الدر ومثل اخونه اياد الي متقدم عنه مرحله ومقابل ومثل احنه حالنه حال الظيم كلشي ماكو مثل اني واخويه العزيز فايو وابو راجو والاخوات ......السؤال هوه انه عبد السلام ومدام مي شنو شديسوون؟ يعني كل هل مراحل المتنوعه الي احنه ماريين بيها محد متقدم خطوه ولا احد اتصلو بي الجماعه؟ شنو معناته؟ نايمين بالعسل لو شنو؟؟؟

الله كريم وهو ارحم الراحمين..

[ayadkoo]

مشكور خويه ملك الحيره على هذه المعلومات ويارب الله يسهل عليك
وسلامي الى الاخوان جميعا




         اخوكم اياد

[Iraqi Christopher]

شكرا اخي العزيز ملك الحيرة للتوضيح، حين نتصل بتركيا لا يعطوننا تفصيلات فقط يقولون "انتظروا سيتم اعلامكم باي اجراء جديد في الوقت المناسب"!!! اريد اعرف شوكت هذا الوقت المناسب ما ادري والله

طيب حضرتك قلت انه الملفات تنتظر ختم الملف، اجراءات ختم الملف كم تأخذ وقت تقريبا؟


ان الله مع الصابرين


اخوكم

كريستوفر العراقي

[tantonee]

أخواني الاعزاء
أولا - شكرا لكل الساهمين و على هاي المعاومات و ثانيا - ارجوكم لا تفتحون موضوع جديد و خلو كل موضوع الامارات بمكان واحد و ثالثا هسه احنا مجموعة قدمنا على الايميل و حسب تعليماتهم من سنة و اكثر و هسة دزو لبعضنا الفورم و على ان نعبي و نرسل الى نفس العنوان.

يعني الي عرفنا انه لازم يرسلوللك فورم على الايميل و ترد على نفس العنوان مو لو يصير مباشرة ؟؟؟

و بعدين بالفورم اكو مكانات تخلي افراد العائلة و اني اعزب يصير احط اسم الوالد و الواله بغداد و لا شنو اخلي لسمي و بس ؟؟؟؟

و شكرا و خليكم هيج قلب على قلب و انشاء الله نفرج على الجميع

[شجرة الدر]

الله يسهل عالجميع قريبا يارب ونسمع احلى الاخبار عن جميع اخوتنا واخواتنا الغالين

اختكم شجرة الدر

[tantonee]

شكرا اخ فايو و ابو الزوز  و شجرة الدر و الكل بالنسبة للمخالفات سهله لان القضية منازعة عمالية و مو تجاوز على فيزا و على كل حال الغرامات بيها سقف و بيها تخفيف و ناهيك على مستحقات نهاية الخدمة و شي. و هي بكل الاحوال طلعة وحدة و لكن الشيءال الان انه بالنسبة الامم المتحدة انهو بعثو الفورم الى بعضنا فقط و نحن قدمنا من اكثر من سنة و انا راجعت كل فقرات القانون على النت بخصوص العراقين و طلب اللجؤ و فيه اشياء مهمة و الان اريد فقط اعرف هل من الممكن ان اضع اسماء الوالد و الوالده ببغداد لان في خلنات الاهلي هنا و اخرى الاهلي في بغداد و اخرى للاهل في اي مكان ؟؟؟؟؟
http://www.unhcr.org/cgi-bin/texis/vtx/search?page=search&query=iraq&x=0&y=0
هذا كل الكتيبات بيها قرارات الامم المتحدة بالنسبة لحق اللجؤ للعراقين

[freedom4ever]

السلام عليكم
حبيت اشارك وياكم لاني مقيم في الامارات منذ 2006 وكنت امقدم على الاس اي في لكني ما متفائل خير خصوصا انوا المعاملة طولت هواية وقبل ايام دزيت اوراقي الى الاي او ام لكن اكتشفت لاحقا انوا ما عدهم مقر في الامارات...!!
شنو رايكم اقدم الى اليو ان؟

[Iraqi Christopher]

يابة السلام عليكم

جايبلكم خوش خبر ان شاء الله يكون سار للجميع

افاد مصدر رفض الكشف عن اسمه انه الوفد التركي سيأتي في الشهر الجاري او قريبا جدا للامارات

ان شاء الله يكون الخبر صحيح

اخي العزيز freedom4ever حياك الله بجمعيتنا لكن ليش طول ال SIV كثير ناس قدمو وسافرو منا؟


اخوكم

كريستوفر العراقي

[freedom4ever]

ما ادري اخي الكريم ليش طولت بس حظ ماكوا واني اتاخرت بالتقديم لان مكنت اعرف بالبرنامج الا في نهاية 2009 ومثل ما اتفضلت هواية طلعوا عل الهجرة الخاصة بس اني عندي توصية من السوبرفايزر والرجل جداا متعاون تتوقع اتفيدني باليو ان حتى يسرعون اللجوء لو احتمال يحولوني على الاي او ام  وبالتالي اضطر اكمل من الاردن او سوريا؟

[tantonee]

شكرا ابو الزوز لان اني بنفس المرحلة و دزو الفورم و انطوني شهر ارد و بالنسبة موضوعي الخاص خلي بيناتنا و شكرا للجميع و انشاء الله تلتقي في يوم في مكان في زمن

عيوني فايو

1. امليها بالعربي واذا انكليزيتك اوكي براحتك بكيفك انته اكتبها بالانكليزي
2. معليك بهذا الحقل لانه مخصص الهم همه يملو
3. حسب تصوري ايجابا الوضع الصحي ياثر لانه حيعتبروك حاله انسانيه
4.الفقرات التي ليس لها اجابه اتركها فارغه
5.اذا انته مترجمها اتسهل الهم امر واذا لا ممترجمه همه الي راح يترجموها ويحيرون بيها ..
6.عيني كله الوضع نفسه ومتغير شي والدليل هل تفجيرات والاختطافات والقتل واخرها جريمه البياع وغيرها وغيرها وشفت شسوو حصد وبكاتم الصوت هسه الموده الجديده..
7. جنسيه شهاده جنسيه اي وثيقه رسميه شهاداتك عقد زواج كلش مهم دفتر خدمه عدك وتشوف انته انها حتفيدك بقضيتك واذا لا سامح الله ماعدك الوثيقه الي رايديها منك تكدر تكللهم راحت لو انعلست لو ماعدي احد يدزلي ياها ...
8 تدلل يمعود واي شي تحتاج تامر امر

ومااعرف اذا هاي المعلومات حتكون كافيه الك او لا واذا اي احد عده اي ملاحظه او اضافه اني بالنسبه الي هشكل سويت وهذا الي اعرفه ...

اخوك ابو الزوز

[ملك الحيرة]

اخواني الي منتظرين موعد السفر
اتصلت بتركيا شخصيا للاستفسار عن وضع الملف لان اخوكم حاليا لا تامين صحي ومعارك على الايجار ودوخة
ف،،،،،
قال،،،،،
الموظف،،،،،،
مال،،،،،،،
المنظمة،،،،،،،
بعد 10 ايام تجي اللجنة وتختم ملفاتكم ويتحول الى الامارات لحجز التذاكر

مبروك والله يسهل امور الكل بحق محمد وال محمد

[Iraqi Christopher]

الله يبشرك بالخير اخوية ملك الحيرة وجزاك الله الف خيرا ان شاء الله

لان والله نفس الشي احنة لا تأمين صحي واكثر والامور مخربطة عدنا حاليا

طيب اخوية العزيز ملك الحيرة اذا ان شاء الله بعد 10 ايام انختمت ملفاتنا وتحولت للامارات شوكت تتوقع يكون السفر ان شاء الله؟

لان المشكلة انه احنة امنيتنة تنعاد ابداية شهر ال 12 وما ادري انلحك نسافر ان شاء الله قبل ال 12؟ لان اذا ما سافرنة فمصيبة جبيرة والله تنعاد الامنية وجيب ليل واخذ عتابة

الله ارحم الراحمين والحمد لله على كل حال

مع امنياتي الخالصة للجميع بالتوفيق


اخوكم

كريستوفر العراقي

[ملك الحيرة]

اخوي كريستوفر
اذا ملفك طاح بيد واحد ابن حلال فممكن يمشيها الك حتى لو الامنية منتهية واذا لا الله يصبرك
اما عن توقعاتي فاعتقد والله اعلم راح يكون سفرنا وجبة وحده مو وجبات كثل اخواننا الي سافروا قبلنا ويكون منتصف 11 اذا الله شاء
ادعو من الله ان يسهل امر الجميع انشاءالله

الله يبشرك بالخير اخوية ملك الحيرة وجزاك الله الف خيرا ان شاء الله

لان والله نفس الشي احنة لا تأمين صحي واكثر والامور مخربطة عدنا حاليا

طيب اخوية العزيز ملك الحيرة اذا ان شاء الله بعد 10 ايام انختمت ملفاتنا وتحولت للامارات شوكت تتوقع يكون السفر ان شاء الله؟

لان المشكلة انه احنة امنيتنة تنعاد ابداية شهر ال 12 وما ادري انلحك نسافر ان شاء الله قبل ال 12؟ لان اذا ما سافرنة فمصيبة جبيرة والله تنعاد الامنية وجيب ليل واخذ عتابة

الله ارحم الراحمين والحمد لله على كل حال

مع امنياتي الخالصة للجميع بالتوفيق


اخوكم

كريستوفر العراقي

[Iraqi Christopher]

شكرا اخوية العزيز ملك الحيرة للرد، تبقى يم رب العلمين ان شاء الله يسخرنا من عبادة الصالحين والطيبين وميظلمنة

ان شاء الله يا رب يكون توقعك بمكانة ونسافر بالشهر ال 11 ان شاء الله


اخوك

كريستوفر العراقي

[Abu ROSE]

الاخوة والاخوات
تحية طيبة

مقابلتي مع ICMC في ابو ظبي علما اني لم اقدم على UN  . ارجو النصيحة عن الاسئلة والاجوبة  وبالاخص للذين قد قابلو سابقا.

[سوبرمان بغداد]

السلام عليكم
حبيت اسال ICMC راح يجون بعد 10 ايام حتى يقابلون لو بس يرسلون الملفات اللي قابلوهم؟

و شكرا

[UAE01]

مرحبا....الاخ ابو روز ممكن اعرف اشكد صارلك من قدمت على اللجوء؟ لان اني مقدم على UN ابو ظبي بس لحد الان محد اتصل بية علمود مقابلة او حتى ينطوني رقم ... فاذا اكو احد يعرف انو اكو اخبار جديدة خير ممكن يبشرنة...
ومشكورين الاخوة والاخوات والتسهيل والتوفيق للجميع

[ملك الحيرة]

عزيزي سوبرمان
القصد ب(يجون) هو لتركيا مو للامارات وجيتهم لغرض ختم ملفات الي مخلصين كلشي
اما بخصوص الوجبات الجديدة فالله اعلم لان هاي لجنة محلفين وليس المنظمة

السلام عليكم
حبيت اسال ICMC راح يجون بعد 10 ايام حتى يقابلون لو بس يرسلون الملفات اللي قابلوهم؟

و شكرا

[Abu ROSE]

الاعزاء

انا قدمت على I OMفي  الاردن  ولاني مقيم بالامارات  تحول الملف الى ICMC تركيا. وتركيا اتصلو بية وقالو ان المقابلة في مقر UN ب ابوظبي بس ال UN  ما الهم علاقة . المقابلة مع جماعة ICMC . وانا لم اقدم على ال UN .

[سوبرمان بغداد]

اشكرك ملك الحيرة
اني مقدم صارلي سنتين و ب 2009 اتصلوا بيه حتى اقابل جماعه تركيا "عدنان" بس اهلي جانو خارج الامارات و بالصيف الماضي اتصلوا بيه همينه بس جنت اني خارج الامارات كالوا نأجل مقابلتلك مره ثالثه و يمكن بعد رمضان نجي

[UAE01]

شكررررا جزيلااا اخ ابو روز ....
اني مشكلتي انو مقدم علة اليو ان فرع ابو ظبي .... و تاريخ التقديم مالتي هوة شهر واحد 2009 و لحد الان لا تلفون و لا مقابلة و لا كيس نمبر ولا هم يحزنون ... و كلما اشوفهم يكلولي احنة نخابرك .... اخر شي زهكت و رح علة هاي مدام مدري شسمهة كلتلهة هيج و هيج السالفة ... كالت عبي استمارة جديدة و اكتب بيهة انو انتة مقدم بالتاريخ الفلاني و احنة نشوف وين معاملتك ....تالي عبيت استمارة جديدة بشهر العاشر سنة 2010 و كتبت بيهة انو اني مقدم سابقا و خليت نسخة من التقديم السابق مالتي (نسخة من الايميل الي دزيتة للمفوضية بوكتهة لان همة استلموا المعاملة مني بالايميل بوكتهة )....  والله شكلهة سالفتهم كلش تعبانة و ما منهم امل .... الحمد لله علة كل حال .....

[ملك الحيرة]

هاي شنو اخوية سوبرمان انته شغلتك (حية ودرج)اكيد واحد ضاربك عين مخيطك خياط...عين شغلتك يم ابو مراية بس هوه يفضها الك...هسة الجماعة يكولون فتاها ملك الحيرة ويروحون يوكفون سرة على ابو مراية...يمعود خليها على ربك وانسى الموضوع المقسوم الك يصير غصبا عليك وعليهم وعلى اكبر واحد

اشكرك ملك الحيرة
اني مقدم صارلي سنتين و ب 2009 اتصلوا بيه حتى اقابل جماعه تركيا "عدنان" بس اهلي جانو خارج الامارات و بالصيف الماضي اتصلوا بيه همينه بس جنت اني خارج الامارات كالوا نأجل مقابلتلك مره ثالثه و يمكن بعد رمضان نجي

[Iraqi Christopher]

ملك الحيرة بس لا تطلع عندك مراية ودتسوي دعايات للمراية مالتك هههههههههه

احجزلنة يميك ودارينة شوية احنة ربعك، سويلنة دسكاونت

[UAE01]

اكو واحد يعرف شنو الايميل مال الفرع الرئيسي مال المفوضية السامية لشؤون اللاجئين .... اريد ادزلهم شكوى على فرعهم الي بابو ظبي ..... اذا تعرفون الايميل ياريت تخلوه هنا حتة نستفاد منه ...... شكراااااا مقدما للجميع ..........

[ملك الحيرة]

عيني
يابه
تسوه هلي وكل الكرابه
يمعود خلي نسافر واشتكي على راحتك
رحمة الوالديك لا تنلاص علينا

اكو واحد يعرف شنو الايميل مال الفرع الرئيسي مال المفوضية السامية لشؤون اللاجئين .... اريد ادزلهم شكوى على فرعهم الي بابو ظبي ..... اذا تعرفون الايميل ياريت تخلوه هنا حتة نستفاد منه ...... شكراااااا مقدما للجميع ..........

[Iraqi Christopher]

يابة يا جماعتنا الصابرين الطيبين السلام عليكم،

اليوم قريت احلى خبر بالمنتدى، اختنا العزيزة شجرة الدر سافرت البارحة والحمد لله

فبأسم جمعيتنا نرفع لاختنا العزيزة شجرة الدر التهاني والتبريكات وان شاء الله يوصلون بالف الف سلامة

يا رب التوفيق والرزق والراحة والاستقرار وكل خير يكون نصيبهم وقدرهم ... الهم امين

ويا رب يوم اللي الجميع بهذه الجمعية يسافر، وسفر اختنا شجرة ان شاء الله بداية خير علينا جميعا فهم السابقون ونحن اللاحقون ان شاء الله تعالى


اخوكم

كريستوفر العراقي 

[ملك الحيرة]

يابه شجرة الدر ...اني اخوج بالكفاح والنضال
اشو خليتيها صنطه
مبروك والف مبروك وانشاءالله الموفقية للجميع
شكرا اختي العبير لنقل الخبر ورفع معنوياتنا

[vaio]

السلام عليكم اخواني الاعزاء
تحية طيبة لاخواني ابو الزوز الوردة واخوي كروستفر واخونا اياد  واخونا ملك الحيرة  وكل اخواتنا العزيزات  وتمنياتي لكم بالصحة والتوفيق.
شكرا اخي العزيز ابو الزوز على سؤالك  وانا فعلا انشغلت لان الوالدة كانت بالمستشفى  وحالتي بس الله يعلم بيها .

والف الف الف الف  مبروك لاختنا العزيزة  وراعية هذه الجمعية بعد ان انتقلت الى رحمة الله الواسعة وجنته الساطعة في ارضه( ترة هية صدك رحمة من الله اذا ستر على  عبد من عباده وادخله  بلد مثل امريكا  واكيد هي جنة بالمقارنة مع سائر بلداننا العربية )
بس انا اعتب على اختنا  شجرة الدر  لانها سوت الشغلة سكتة  يمكن لان  انشغلت بموضوع السفر ؟  بس هية دائما تكول انا حتى لو مشغولة  اخصص وقت من يومي ادخل المنتدى معقولة تخفي علينا هيج اخبار حلوة وما تخلينا نشاركها الفرحة ؟ لهذا انا اعتب عليها .
ويجوز هية طبقت  حديث الكتمان  ( واستعينوا على قضاء حوائجكم بالكتمان ).
على العموم نتمنالها  كل التوفيق والنجاح في وطنها الجديد ويارب تنول فيه راحة البال والسعادة .

اخوكم فايـــــــــــو

[UAE01]

مبرووووووووووووك اختي شجرة الدر ..... ان شاء الله فاتحة خير عليج يارب و التوفيق بحياتج والاهل هناك بامريكا ........
اخوية ملك الحيرة .... ترة اني قصدي انو اخلي فرعهم الرئيسي يضغط علة الفرع مال ابو ظبي و يخليهم يسرعون المعاملات و شوية يحسنون تعاملهم وية الناس يعني مو كلما تسألهم يكلولك روح و احنة نخابر عليك .... اكو شي اسمة احترام و لازم اول الناس الي يطبقوه همة الامم المتحدة بكل فروعهة .... بس على كلا رح خلي فكرة الشكوى علة فرع ابو ظبي شوية متأجلة الى حين اكراما الك خوية .......
اخوكم UAE01

[ayadkoo]

سلام عليكم اخواني
هاي شنو الاخبار الحلوى واخيرا الله فرج عليج اختنا شجوره مبروك والف مبروك وانشاء الله بالتوفيق يارب
والحمد لله على سلامتج مقدما
اخونا ابو الزوز مشكور على سوالك اخ عزيز انا كتابع لاخباركم بس اشوف ماكو شي جديد حتى اكتب وانا اخباري لحد الان ماكو شي صنتتتتتتته واذا يصير ويايه شي جديد انا اخبرك اول باول
خويه ابو الزوز مبروك عليك الرئاسه الحين اختنا شجره سافرت هسه لازم نرشحك للرئاسه وانشاءالله يسهل عليك خويه
وسلامي للاخ فايو اخ عزيز
وسلامي للاخ ابو راجو يمعود انت وينك احنه اخوان كلشي يصير بينا ونبقى عائله وحده
وسلامي للاخوات جميعا

[ملك الحيرة]

والله ياخوي هوه اتصالك لو يحل الموضوع ويسهل الامور جان خابرنه من زمان بس اكيد راح يعقدها اكثر مما هيه متعقدة
ما بدينا غير ندعي الله يحنن قلوب البشر على العراقيين وخصوصا العرب لان(الحمى تجي من الرجلين)مو لو اني غلطان
 

مبرووووووووووووك اختي شجرة الدر ..... ان شاء الله فاتحة خير عليج يارب و التوفيق بحياتج والاهل هناك بامريكا ........
اخوية ملك الحيرة .... ترة اني قصدي انو اخلي فرعهم الرئيسي يضغط علة الفرع مال ابو ظبي و يخليهم يسرعون المعاملات و شوية يحسنون تعاملهم وية الناس يعني مو كلما تسألهم يكلولك روح و احنة نخابر عليك .... اكو شي اسمة احترام و لازم اول الناس الي يطبقوه همة الامم المتحدة بكل فروعهة .... بس على كلا رح خلي فكرة الشكوى علة فرع ابو ظبي شوية متأجلة الى حين اكراما الك خوية .......
اخوكم UAE01

[ددوفي]

شباب سؤال يعني هسة اللي يروح ياخذ استمارة من اليو ان راح يسوي فد مقابلة يعني لازم يحضر نفسة لو ماكو هيجي شي بس راح ينطوه الاستمارة يمليهة ويرجعهة وبعدين همة يخابرون على مقابلة لو اني غلطان؟؟

[شجرة الدر]

السلام عليكم اخواني الغالين

اشكر مشاعركم الطيبه والنبيله ويارب كلكم تلحقون بنا بس من غير معاناة وسهله ان شالله لان احنه عانينا كثيرا الى ان وصلنه والله يفرج عالجميع واسفه لان ما نشرت الخبر لان بصراحه وتدري اختي العبير ام عبدالله انه ما بلغونه بالسفر الا قبل اسبوع من موعد السفر وكنت في حاله يرثى لها لان كسرت قدم بنتي وحرت بيها بالمستشفيات واشيل واحط وتدرون بالكسر شلون صعب وكسرين برجلها بالكاحل وكلش انقهرت عليها وشلنه هم للسفر وبين تكنسل الشقه واستخراج شهادات الاولاد والتصديقات وتكنسل النت والماء والكهرباء وغيرها والاثاث والسيارة وما اطول عليكم خبصه الله العالم بيها وكانت البصمات مالتنه تنتهي قبل يومين من السفر فكنا كلش خايفين لا يرجعونه او يتصلون على اعادة البصمات المهم بس ارتب حالي ارد على كل اسئلتكم وانا حاضرة واشكركم جميعا مرة ثانيه وان شالله اوضحلك كلشي اخويه الغالي ابو الزوووز مو تدلل واخي العزيز كرستوفر ان شالله يوم اللي الله يفرج عليك ونسمع بخبر وصولك عن قريب

اختكم شجرة الدر

[omarsami]

اويــــــــــــــــــــــلي على الامنية موتتني
اخوان اني حتى الكفيل موقع وكاعد انتظر
حفظت الجواب مالتهم
sorry sir
your case under security cheaking
ويبدي اللطم عاااااااااااااد

[سوبرمان بغداد]

الف مبروك اختنا شجرة الدر و انشا الله الموفقية و الحياة السعيدة

اني متابع المنتدى من زمان
و سلامي للجميع و اخبرهم اني متأمل خير و انشا الله خلال هذه الايام يصير شي

[Iraqi Christopher]

الحمد لله اختنا شجرة الدر على سلامة وصولكم والحمد لله على سلامة بنتكم ما عدهة الا الصحة والعافية

شكرا للدعاء يا رب الموفقية لجميع


اخوكم

كريستوفر العراقي

[ملك الحيرة]

مبروك اختي شجرة الدر
وانشاءالله الزغيرة ماعدها غير العافية
الاستقرار والموفقية الج وللعائلة ونسمع اخبارج المفرحة يارب

[~احمد~]

الحمد لله على سلامة الوصول
والف مبروك موفقين ان شاء الله

[tantonee]

طبعا و في البداية الفرحة فرحتين اولا وصول الاخت شجرة الدر الى بر الامان و بداية مشوار جديد و ايضا وصول اخي بعد انتظار سنه و نص في تركيا بدون ا ي مصدر للعيش و بالنسبة للناس الي وصلو بالسلامة ينتقلون الى صفحات اخرى و هي غالبا تتعلق بالحياة في امريكا و غيرها و انشاء الله يوم النا جميعا و بما ان هدفنا واحد و صريح انشاء الله نوصل الى بر الامان ايضا.

بالنسبه الي اني هسة دزيت الفورم كان دزو قبل شهر تقريبا و على ايميل خاص و هذا بعد الملحة و بعث رسائل من اكثر من ايميل و منذ اكثر من سنه و كان الايميل يكول لا تعطي الفورم الاي احد و اني ما شاء الله حتى امي نطيتها واحد .. هههه
و ايضا انه لا ناخذ بنظر الاعتبار الا الايميل الي يجي رد على هذا اليميل و لكن اني سمعت و من هواية ناس و هنا انه بدو ينطون الفورم مباشرة من المكتب في ابو ظبي و لا ادري ما هي الطريقة و انشاء الله خير.

بالنسبه لقرارات الامم التحدة بخصوصو الاجئين العراقين موجودة في موقعهم الرسمي و قريتها كلها و بادية من التسعينات انه الجنوب و الشمال منطقة غير امنه و بعدين بعد ها الحروب صار العراق كله غير امن و يجب توفير الحماية للعراقين و لكن الان و مع التغيرات الي هم يعتقدوها انه يعتبر الشمال و الغرب و الجنوب امن و يقبلون من المنطقه الوسطى او يفضلون و هي خمس محافظات بغداد و موصل و ديالى و تكريت و ان حالة الخوف او التهديد او فقد الامان يمكن تحدث و الشخص خارج العراق و يسمون هذه الحاله سوغ بلاس و ليس من الضروري ان يكون الشخص في العراق قريبا و انهم ايضا يفضلون بعض الحالات مثل الاضطهاد الجنسي و الاكادمين الاساتذه و كل الاعلام و ما يتعلق به.
و من الفقرات انه حتى لو تم رفض او تجاهل الطلب يجب التقديم مجددا و الى ان يتخذون الازم و ان حالة الخوف هي حاله غير مرئية و في هذه الحالة لا حاجة لتلفيق القصص و السجون و ممكن ان يطول المقلبلات و خاصة اذا كان هناك تفاصيل اعتقال و تهديد و غيرها و لكن القصص البسيطة تكفي و هم يعرفون جيدا و بالمناسبة هم يفضلون الناس الي بعد بيها حيل و صفحتهم العسكرية و الحزبية و المدنية واظحة و بيضه و طبعا يفضلون العوائل و خاصة مع الاطفال و هكذا

و هسة اريد منكم تبقون على اتصال بالنسبة للناس الي سافرو ارجو لهم التوفيق و كانو فعلا ابطال و شاركونا همهم و فرحهم و خلي كلماتهم هنا تفيد اي من اخوتنا العراقين و انشاء الله يوم نلتقي كلنا و تخلي هنا اجتماعات بالخارج و بالمناسبة نكدر ايضا نعمل هذا هنا بالامارات في المستقبل انشاء الله.

بالنسبه لاقامتي و حالتي مع الكفيل لا تقلقون لان القضية عماليه و تفرق على التجاوز و حتى لو هي بيها سقف و تعزير و عندي يمهم فلوس و اصلا اقامتي مترجم و من حقي حتى انقل اقامتي و لكن اني بعذ الضلم من كل الشركات الي كفلتني شفت هاي احسن شي و من اريد اطلع هيه طمغة و السلام. و يلجا المتضرر للقضاء او يبقى الحال الى ما هو عليه و اني طلابي ما شاء الله حتى بالمحكمة و شكرا على السؤال و اصلا اعتقد اني ما دزولي اليو ان الا شافو حالتي العسيرة و هي دليل على حالة الخوف من العوده.
و هسة اشوف هاي شوكت يجاوبونا على الرساله و بالمناسبة اخوية من وصل سالو هناك منو تريد يجي وراك كال اخوية و حتى اني اسحب ابي و امي من بغداد انشاء الله و نترك الجمل بما حمل .... ههههه و موضوعنا بسيط هو منطقتنا ساخنه و احنا ما النا بالطلايب.
و دوختكم و شكرا

اخوتي واخواتي هذه الصفحه تكون للاجئي الامارات ويتم فيها طرح المده من التقديم الى السفر لكي تعم الفائده للجميع طبعا مع الاحتفاظ بسرية القصه لان كل واحد وله قصته وخصوصية موضوعه يعني فقط التقديم وتواريخ المقابلات وانتظار الامنيه والدوره التقيفيه واجراءات السفر ومواعيد السفر لكي يكون موجود والجميع يستفاد حتى في حالة سفر العضو وانشغاله بأمور الحياة بامريكا وانقطاعه نوعا ما من المنتدى فيكون مرجع للاخوه الباقين في بداية مشوارهم واسوة بأخوتنا الاعضاء جماعة مصر وجماعة سوريا ولو اكو قسم من الاخوه العراقيين ما يحبون يفصحون عن مراحل اللجؤ ويستعينون بقضاء حوائجهم بالكتمان بس اخوتي لمنفعة الجميع ومصلحة الكل فوق مصلحة الفرد اختكم شجرة الدر

[شجرة الدر]

السلام عليكم اخواني وانا اشكركم جميعا على مشاعركم النبيله وتعهدت لكم امام الله بكتابة التفاصيل للفائده لان من جماعة الامارات نادرا ما يكتبون تفاصيل الرحله والوصول فقط اعتقد اخونه الوسمي كتب اما الباقي فلا هل تحبون طرح اجراءات السفر بنفس جمعيتنا ام بموضوع جديد وهذا متروك لكم ارجو الرد عليه ومشاركتي بأتخاذ القرار لان هذا لمنفعة الجميع

اختكم شجرة الدر

[Zozzz]

عيوني شجرة الدر اذا تكتبي عل عام فالكل راح يقرا الموضوعج بس وره 3 ايام يمكن حيصير بالصفحه الثانيه وبالاخير يضيع الموضوع وصولج لاميركا ...بس اذا كتبتي بنفس جمعيتنا احنه الي راح نقرا بس ميضيع الموضوع ويبقه بالجمعيه ويوميه راح ينرفع وياها بس اذا كتبتي كموضوع منفصل بمنتدى الهجره ف وره فتره تعال دور عليه مثل مصار باخونه العزيز الوسمي وبالاخير حيضيع ومحد يستفاد منه ... اني افضل ان تكتبي هنا لانه انتي مسافره من الامارات والموضوع هو اساسا والجمعيه انتي الي مسويتها وبمساعده الاخوان..وكذلك حتى يكون تكمله الموضوعج ونهايه سعيده مووو؟ لو مااعرف الي عده راي ثاني ماادري؟؟؟.... والج الامر


ابو الزوززز

[freedom4ever]

الف مبروك اختي العزيزة واتمنالج التوفيق، تعذروني اخواني لان مشاركاتي قليلة لان اصبت بالاحباط الشديد واتمرضت صارلي اكثر من عشرين يوم بعد رفض معاملتي من قبل رئيس البعثة بدون وجه حق خصوصا انوا جماعتي سافروا على نفس البرنامج واني لا منتمي الحزب والعسكرية جانت 3 شهور مركز تدريب وكل اموري تمام عموما والحمد لله على كل حال وراسلتهم ردت اعرف السبب  لكن رُب قد اسمعت لو ناديت حياً لكن لاحياة لمن تنادي وهنا بالامارات الواحد يضطر يروح الدوام حتى لو بيه 100 مرض لان الميشتغل هنا يعلن افلاسه فورا
اخواني اني اكو مسالة محيرتني واتصور اكوا ناس مروا بيها اذا ابنك اوبنتك ولادتهم بالامارات والهوية تقرى بغداد وشهادة الميلاد تقرى امارات شكتب محل الولادة؟تتوقعون هذا الفرق راح يسويلي اشكال؟ وابوكتها حجيت وية جماعة الجنسية يابة انتوا اشون تكتبون مواليد العراق وشهادة الميلاد اتكول امارات كالوا هذي تعليمات النظام السابق واحنا ماشيين عليهه بالله يعجبك هالشكل لو منطلعلك الهوية؟ شنكول بعد حسبنا الله

[UAE01]

عزيزي freedom4ever اني بتي ولادة ابو ظبي و مكتوب بالجواز , بالجنسية , بشهادة الجنسية انو هية ولادة بغداد.... بس اني بتقديم المعاملة كتبت انو هية ولادة ابو ظبي و عندي كل الوثائق الرسمية الصادرة من الحكومة الاماراتية و المصدقة من الخارجية الاماراتية و الي تثبت انو هية ولادة ابو ظبي و كلت اذا سألوني ليش هيج كتبت و هية بالوثائق الرسمية مكتوب هيج عود اكللهم انو قانونة التعبان يكول انو ميصير تنكتب ولادة الشخص العراقي خارج العراق و تكدرون تسألون بالعراق بهذا الشي .....
اختي شجرة الدر .... اتمنة انو تخلين التفاصيل هنا بهذا التجمع حتة مثل مكاتبة بلبداية ميتشتت الموضوع و يكون الموضوع متواصل .... مع تحياتي و تمنياتي لك و للاهل الصحة و العافية و التوفيق بكل خطوة تخطونها ....
اخوكم UAE01

[UAE01]

اكول سؤال رحمة لوالديكم ..... يصير الكفيل يكون صديق .... يعني مو كرايب ؟؟؟ لو ميصير ؟؟ الي يعرف ياريت يوضحلي الموضوع .... شكرا جزيلا ...

[freedom4ever]

اشكرك اخي UAE01 على توضيحك والشكر موصول للاخوان الي جاوبوني قبل
اخي حسب علمي لا يشترط ان يكون الكفيل من الاقارب وهذا يعني ممكن ان يكون صديق

[ملك الحيرة]

اختي شجرة الدر
نرجو منك كتابة التفاصيل في نفس الجمعية حفاظا عليه من الضياع وليبقى مرجع لاخواننا

مع الشكر والتقدير

[Zozzz]

السلام عليكم اخوان
هذا الموضوع نقل عن سفرة اخونه الوسمي من الامارات الى امريكا ولاية تكساس  فحبيت انقل الموضوع حته الكل تستفاد منه وميضيع ويصير عدنه موضوعين سفر متكاملين الاول اخونه العزيز الوسمي والثاني شجرة الدر واليكم الموضوع :

السلام عليكم ورحمة الله وبركاته
شخباركم اخواني الغاليين والطيبين
ولله الحمد وصلنا للولايات المتحدة الامريكية –ولاية تكساس- دالاس – فورت ورث
واتمنى للجميع التوفيق وتيسير الامور ان شاءالله
حبيت اكتبلكم رحلتي من الامارات العربية المتحدة  الى امريكا بالعبور بالمانيا
طبعا تواجدنا بالمطار الساعة 10:30 مساءا حسب طلب الاي او ام وصلنا شخص من مكتيبهم وسلمنا التذاكر ووقعنا على اوراق
تخص التذاكر ورحنا بعدين نوزن الجنط وطلع عندنا زيادة كيلوين ومثل ماهو معروف نشيل من هالجنطة ونحط بالجنط اللي وزنها اقل
بشوي والحمدلله خلصنا من الجنط
موعد الطيران الساعة 2:15 مساءا على الطيران الالماني ( لوفتهانزا ) اللي هو جدا سيء وتأخر موعد الاقلاع الى الساعة 3:15
يعني ساعة كاملة غير وصولنا الساعة 10:30 لاستلامنا حقيبة الاو يو ام اللي بيه طبعا الملف كامل
وصولنا لفرانكفورت من بعد 7 ساعات من موعد اقلاع الطائرة وطبعا المعاملة غير والابتسامة غير والاهتمام بالاطفال غير
المهم استقبلنا شخص من الاي يو ام وهو طبعا امريكي واسمراني وجدا محترم وخلوق خلص امورنا وحجزنا مرة ثانية من فرانكفورت
الى شيكاغو لان راحت علينا الطائرة الاولى  لتأخر موعد اقلاع الطائرة من دبي وانتظرنا ساعة واقلعنا الى شيكاغو من فرانكفورت
 ووصلنا شياغو واستقبلنا كذلك شخص من الاي او ام وهو جزائري ووقفنا بعدين بالطابور ووصلنا الى موظف الهجرة
وخذه صورة وبصمات الاصابع من سن 14 وفوق فقط ينطبق عليهم نظام البصمة والصورة  وكان ويانا مجاميع من اخوانه العراقيين
من مصر من الاردن من سوريا من تركيا وجمعونه الاي او ام مع بعض كعدونه وقاموا يرتبون اوراقنا والتوقيع على مبلغ التذاكر
وبعدين رحنا خذينا الجنط وشحناهم الى تكساس وهم غيرنا حجزنا الى موعد اخر ومدة الرحلة 3 ساعات وطبعا التفتيش مو
طبيعي حتى اللي عمره 6 اشهر يفتشوا بس مالهم غرض بفلوس او ادوية المهم  خلصنا التفتيش  وصلنا تكساس –مطار فورت ورث بخير وسلامة
واستقبلنا كذلك واحد من الاخوان من المنظمة هو من
العراق بس والنعم منه صاحب نخوة وماقصر والله شاهد ورحنا بعدين للجنط واستلمناهم ورحنا للبيت ولله الحمد

هذا هو خط الرحلة اخواني الكرام
واي استفسار من هذا الجانب انا حاضر
تحياتي للجميع
اخوكم
alwismy

[vaio]

اختنا العزيزة  شجرة الدر

الف الف الف الحمد لله والشكر  لسلامة وصولكم . والف الف الف الحمد لله والشكر على سلامة بنتك وان شاء الله الشفاء العاجل باذن الله وما تشوف شر . وتمنياتي لكم  بالتوفيق  والاستقرار وان يجعل ولايتكم  ولاية خير عليكم وعلى اولادكم ويهديكم لكل خير ويجنبكم كل شر .

ويارب كل الاخوة والاخوات يوفقهم ربي ويحقق امانيهم بالسفر والاستقرار .

نحن منتظرون بلهفة لتفاصيل رحلتكم فهي كما تعلمنا بالتفاصيل الفنية المهمة فهي تبعث لنا بالتفائل والاستبشار بالخير  ان شاء الله . وانا بدوري اضم صوتي لاخوتي وارغب ان ارى تلك التفاصيل على هذه الجمعية  الرائعة  .

تحية  لكل الاخوة والاخوات واقول مبروك لي ولكم بمناسبة وصول اختنا شجرة الدر  سالمة مع عائلتها  الكريمة . ونسأل الله ان نكون على اثرها في القريب العاجل .

                    فايـــــــــــــو

[noor al mosawi]

اخواني الاعزاء

بالنسبه لموعد السفر يتم تبليغ الشخص مبكرا بما لايقل عن 25 يوم وهذا الامر انا مسؤول عنه فأرجو ممن يلتزم مبدا (استعينو على قضاء حوائجكم بالكتمان) ان لا يتهم احدا بالتقصير او الاهمال للتغطيه على مبدئه لانه مو عيب انه الانسان يكون كتوم ولكن العيب كل العيب في الكذب ووصم الاخرين بالتقصير.

بالنسبه لتفاصيل السفر لنا صديق سافر في شهر سبعه تقريبا الى امريكا ولاية فلوريدا وذكر انه تم معاملته هو وعائلته بمنتهى الاحترام والتعاون سواءا في مطار دبي او فرانكفورت او شيكاغو ولم يعاني من اي صعوبات سوى فترة الانتظار ل 5 ساعات في فرانكفورت وفيما عدا ذلك كان الاحترام وتسهيل الامور هو الصفه السائده في الرحله وهو الان لا يزال يبحث عن عمل ولا اخفي انه قلق من عدم الحصول على عمل ولكن الارزاق بيد الله.

واعتذر عن الاطاله

[omarsami]

عمي uae1
يصير يكفلك صديقك عادي
لان اني كفلي صديقي
وشكرا

[UAE01]

اخوية omarsami شكرا جزيلا على التوضيح ......

[samnajy]

السلام عليكم
اني اول مرة اشارك بهذا المنتدى الجميل والمفيد ..وان شاء الله يكون التواصل مستمر .
انا قدمت عن طرق رسالة لليو ان بابوظبي بشهر مايس 2010 وبعدين مليت الفورم قبل شهر تقريبا وعبد السلام كال لي رح اخليها بنفس تاريخ الرسالة اللي انت قدمتها بشهر مايس 2010

ممكن احد يكول لي شنو الخطوات الجاية وشنو المطلوب مني ؟ ومتى ممكن يتصلون  بي ؟

لاني جديد عالشغلة وكل شي ما اعرف وشكرا للجميع واعتذر على الاطالة

[Zozzz]

أخويه العزيز samnajy
اهلا وسهلا بيك واخ عزيز
ومبروك  لملئ الفورم وان شاء الله الله ييسرلك ويسهل امرك
بالنسبه للخطوات  الجايه وشنو المطلوب منك اني انصحك ان تقرة الصفحه الاولى والثانيه والثالثه والرابعه في جمعيتنا هايه(مراحل اللجوء  عن طريق يو ان بالامارات) بتمعن وبدون استعجال وراح تلكه كل الاجوبه الشافيه ان شاء الله وزياده همات  بس يرادلك طول خلك وان متمل لانه اكو احتمال حتلكه الاجوبه ضمنيه وليست مباشره من خلال مشاركات الاخوان ..

ابو الزوززز

[سوبرمان بغداد]

الخير جاي صدكوني بهل الايام الجايه

[Zozzz]

الله يسمع منك يا سوبرمان بغداد بس شنو الخبر؟ دبشرنا اذا عدك شي؟
ابو الزوززز

[omarsami]

الخير جاي صدكوني بهل الايام الجايه

سوبر مان سمعت شي اكو شي جديد اليوم
وفد محلفين اجا لا

[ayadkoo]

سلام عليكم اخواني

بعد معانات طويله من تقديمي المعامله يوسفني اخواني ان اقول لكم اجاني اتصال اليوم الساعه الثانيه ظهرا يبلغوني ان معاملتك غير مستوفيه للشروط التوطين انا اسف اخواني ابلغكم هذا الخبر وانشاء الله تسمعون الاخبار الحلوى .

بس اريدمنكم جواب اهل الخبره شنو الي اسويه من بعد هذا الخبر ارجو الجواب


شكرا لكم اخواني



     اخوكم اياد

[omarsami]

سلام عليكم اخواني

بعد معانات طويله من تقديمي المعامله يوسفني اخواني ان اقول لكم اجاني اتصال اليوم الساعه الثانيه ظهرا يبلغوني ان معاملتك غير مستوفيه للشروط التوطين انا اسف اخواني ابلغكم هذا الخبر وانشاء الله تسمعون الاخبار الحلوى .

بس اريدمنكم جواب اهل الخبره شنو الي اسويه من بعد هذا الخبر ارجو الجواب


شكرا لكم اخواني

اخوية سامع يسون استئناف بشلون شنو الطريقة صراحة ما اعرف
حول تسال هذا السؤال على المنتدى العام واكيد يجاوبوك



     اخوكم اياد

[raadmteer]

عيني هوه انته منو الرفضك الامم المتحده لو الامريكان؟ انته قابلت المنظمه والامريكان لو بعدك على مقابلة الامم المتحده فقط؟

عموما اذا انته مرفوض من الامم المتحده تره بيهه مجال اعادة تقديم لان الموضوع بعده في نطاق المكتب.
واذا رفضك جاي من الامريكان فمعناهه لا تتعب نفسك. روح سوي اقامه بالاردن او بسوريا (بفلوس بناموس اي شي) وافتح هناك ملف لان عدهم مو بس امريكا وانما استراليا وكندا ايضا.

وانته لا تضوج لان ما تعرف الخير وين فخللي ثقتك بالله.

[raadmteer]

ابو الزوز حبيبي اني اعرف الشغله كلش زين ولذلك سألته منين اجاك الرفض؟

الرقم هذا هوه رقم تسجيل وهوه بس تستفيد منه الامم المتحده من تروح تطلب فلوس من الدول المانحه لان يشوفوهم فايلات وارقام ويطلبون معونات على اساسهه وهذا الرقم ليس له علاقه بموضوع التوطين لان التوطين مو موضوع امم متحده وانما موضوع دول تحتاج ناس والامم المتحده مجرد وسيط بالموضوع.

هوه لازم يسأل عبد السلام منين مرفوض؟ اذا من يمهم او من المنظمه فهاي بيهه مجال يعيد شرح وضعه او يتصل بالمنظمه
اما اذا مرفوض من الامريكان فهاي السالفه قافله لان ميتراجعون عن كلامهم.

وكان الله في العون

[ayadkoo]

والله يلاخواني اني اشكركم على مشاعركم تجاهي


بس اني لحد الان ماافتهمت شنو مامستوفي الشروط واخواني اني مقدم على unصارلي سنتين بالضبط قدمت معاملتي بشهر العاشر 2008 ورحت قابلت عبدو مره وبعد مارسلوا عليه لحد هذه اللحظه اتصلوا بي وقالوا لي انك مامستوفي الشروط شنو الشروط شنو قصدهم الي خبرتني والي اتصلت عليه وحده عربيه ممكن سوريه واخواني لحد الان اني دايخ اشوف بكره او على الاسبوع الجاي اني اروح الهم وافتهم السالفه والله كريم اني اسف والله اخواني وانشاء الله انتم جميعا تسمعون الاخبار الحلوى

[noor al mosawi]

كلام الاخ Raad صحيح ومكتب الامم المتحده بالامارات فقط يستقبل جماعة امريكا حاليا (حسب اقوالهم)

[شجرة الدر]

السلام عليكم اخواني

اولا احب انوه للعضو او العضوه الجديده noor al mosawi ان يكون اسلوبها ارقى من هذا لان مو هي اللي دخلت البارحه واليوم تكذب اعضاء من سنين قدامى ومعروفين بمصداقيتهم ونعمل جميعنا لخير الكل ولا نفكر بأنفسنا فقط ومثل ما يعرفون الجميع اكثر الاعضاء يكملون شغلاتهم ومن يسافرون حتى قبل ما يسافرون ينكطعون على كد مصالحهم واحب اوصلج اذا كنت بنت او اوصلك اذا كنت ولد انه انا مستمره لمساعدة الجميع بأذن الله ولم اتخلى عنهم وان غير مجبره على ذلك وغير مجبره على الكذب ومن كلت تحديد السفر قبل اسبوع انا صادقه بكلامي وشاهده عليه الاخت العزيزه العبير وعلى اتصال معي هاتفيا طول الوقت والاخ الغالي بغداد كوست كونه كلفته بمتابعة ملفنا في امريكا وهو اللي خبرني بموعد السفر حتى قبل اليوان بيومين وقبل اسبوع ياله خبرونه حضروا نفسكم يمكن انت تقصدين عالوجبات السابقه من مجموعتنا اعطوا اول وجبه اربعين يوم قبل السفر والوجبه الثانيه ثلاثه وعشرين يوم الا احنه ومعانه كان اكو ولد شاب هم مبلغيه قيل اسبوع وارجو من حضرتك ان تكون ردودك افضل من هذا لان احنه هنا مجاين نتعارك احنه هنا عائله واحده واي اسلوب جارح غير مقبول

اختكم شجرة الدر

[شجرة الدر]

اخي الغالي ايادكو روحلهم وافتهم منهم شنو السبب والله يسهلك واطلب مقابلة مدام مي حتى تفتهم منها اكثر شنو ما مستوفي الشروط وبلكت يقدمون ملفك مره ثانية لان بما انه ما مقابل محلفين يعني من يمهم باليوان شغلتك بعدها بيدهم لان انت ما مقابل اي احد مو هيج لو لا وبالموفقيه ان شالله

[شجرة الدر]

اشكرج اختي الغاليه ام دودو وعندج العافيه حبي وان شالله ما تشوفين شر يارب والله يوفقكم ويوفقك الجميع يارب وتتسهل كل الامور بأذن الله عن قريب يبلشون بيكم وتخلصون من الانتظار وثقي اختي الغاليه انا اول الفرحين بكم دوما وبوجودكم جميعا للمحبه والخير وهذا شعارنا من اول ما اسسنا جمعيتنا الموقره وفخوره بتواجدكم معي وكلنا عائله واحده بس من يجي عضو او عضوه جديده وتكذب احد الاعضاء القدامى هذا شي ارفضه انا واعتقد جميعكم هذا رأيه ولا نرضى لاحد بأتهام الغير نحن جميعنا عالخير وفائدة الجميع متفقين

وانا اشكر اختي الغاليه ام عبدالله العبير عالتوضيح والله يسهل امرج حبي ام عبودي وتكمل شغلتكم وتجين بسرعه يارب انت وكل الطيبين

اختكم شجرة الدر

[ريم عبد]

حبيبتي شجرة الدر
الف الف الف حمدلله على سلامة الوصول
وياربي ان شاء الله بالتوفيق والاستقرار
شلونهم الاولاد ان شاء الله مرتاحين بولايتكم

[شجرة الدر]

السلام عليكم اخواني
احب اوضحلكم مراحل سفرنا من مطار دبي الى ولاية بنسلفانيا مدينة فيلادليفيا
اولا كان الطيران على اللوفتهانزا كله وصلنا مطار دبي الساعة التاسعة ليلا وقمنا بأنتظار موظف الاي او ام وقام بتوقيع صاحب الكيس على قرض السفر وهي اسعار التذاكر واعطانا كيس ابيض مكتوب عليه الاي او ام بالانكليزي وهذا طول الرحله معك يكون محمول باليد اما الجميع وصل الموظف الساعة عشره ونص تقريبا وكملنه الاوراق وبعدها انتقلنا الى وزن الجنط وطبعا وزنوها كلها وراحت الجنط بقينه احنه والهندباك واللابتوب والحقيبه النسلئيه ليس من ضمن الاوزان المحسوبه وتكدرون تعبوها فد كيلوين او ثلاثه وجنطة اللابتوب هم تكتدرون شنو اوراق رسميه عندك ومستندات لا تحصوها ويه جنط الشحن حطوها ويه اللابتوب علمود ما تضيع وراها رحنه انتظرنه بقاعة مرحبا ويانه ولد هم طالع لوحده بس هو رايح لولاية اريزونا الى ان جاء موعد الطيران واني ايدي على كلبي لا يرجعونه علمود البصمات منتهيه من كم يوم بس الحمدلله مرت بسلام وطرنه على الموعد بالثانيه وخمس دقائق وشلون طياره يبوووو مليانه للحلك مقبطه تكول نفرات من باب المعظم وبن صرنه يم الذيل والكراسي اللي بالنص اختنكنه بس ربك دنيا ليل ظلمه وطفوا الضوه بالطياره بس ضوء خافت وناموا تعال منو يكدر ينام واكو اطفال تصرخ المهم بعد ست ساعات وصلنه فرانكفورت بسلام الحمدلله اتلكانه ابو الاي او ام ولد حباب امريكي بس شنو من مشي هلكنه وهذي تعرج يبووو شسوت بينه ومتكدر تركض واني شايلتلها الجنطه والاولاد شايلين الجنط الباقيه لان كل جنطه هاندباك بيها حواي ثمانيه كيلو بس محد حجه

   لكن شلعان الكلب بالتفتيش بالمانيا انزع والبس حتى الحذاء تكرمون وحتى الذهب انزعوا لان دك بالجهاز وحتى ساعة بالباكيت نبشوها واخذوا ابني وراحوا جوا يبوووو كلت راح الولد وبعدين ؤجعوها باله شنو كتيب الضمان مالتها والعلبه ومعاها كتب تاريخ الصناعه مال الساعات تعرفون تيسو شكبر باكيتها وسوها ظلمه وبعدين رجعوها ومشينا دك مشي هم وراها ياله وصلنه بوابة الترانزين وهم مشي ومر بالجهاز وراها نوصل بوابه السفر الى شيكاغو وانتظرنه اربع ساعات وراها رحنه ركبنه الطياره الى شيكاغو ونفس المعاناة هم نفس المكان ونفس الضيقه وهم لوفتهانزا وهالمره تسع ساعات السفر يبوووووو شيكضيها

وصلنا مطار شيكاغووووووووو وخلصونه الاوراق مالتنه وراها ركبنه المترو ونزلنه بالمبنى رقم 3 لان احنه وصلنا مبنى رقم خمسه ويانه ابو الاي او ام واركض وشلون تفتيش عيني حتى رجل بنتي فتحوها وشافوها ونزعونه القماصل والاحذيه واللابتوب طلعوا من الجنطه المهم تفليس وتفتيش جدا دقيق وبعدها رحنه الى المبنى اللي حجزنه ابو الاي او ام منه لفلادليفيا طيران داخلي طيارات زغار جنها مالت قشم مال جنج فيزا وصلنه وره ساعتين وعدهم فرق توقيت هم ساعه بين شيكاغو وبنسلفانيا يعني صارت ثلاث ساعات ودخلنه المطار ونزلنا وكملنه وكان بانتظارنا الاخ الغالي شبح بغداد والكيس وركر الحمدلله حبابه وتلكتنه ومحضرة كرسي متحرك لبنتي وما قبلت تكعد عليه عاندت ورجلها ورمت من المشي عليها بس شسوي كالت تريديني اطب امريكا على كرسي متحرك ويضحكون عليه يمعوده عدلي بدلي كالت ما اريد المه اني تعبتكم وان شالله بالحلقه الثانيه نكمل التفاصيل مال البيت والمنظمه اوكي عيني

اختكم شجرة الدر

[شجرة الدر]

اشكرج حبي ريومه الله يخليج ويحفظج يوم اللكم ان شالله عن قريب ونباركلج يارب وبعدنه تونه ما شفنه شي يعني اول ما وصلنه اني انفلونزا من البرد ومن المطر وتعرفين الامارات حاره وبنسلفانيا بارده ومطر وهم ماتهين بالفحوصات والى هسه مااستلمنه شي منهم لان مكينه الفودستامب مكسوره ودننتظر والله كريم

[UAE01]

الحمد لله على سلامتكم انتي و الاهل اختي شجرة الدر ..... و ان شاء الله الشفاء لبتج يارب .... بالموفقية بكل خطوة بحياتكم الجديدة .... شكرا جزيلا على التفاصيل الي تنطينة فكرة كاملة عن الموضوع ...... منتظرين باقي التفاصيل .....

[شجرة الدر]

الله يسلمكم يارب ويحقق كل امانيكم وتستاهلون كل خير والله يقدملكم الخير دوما واني بالخدمه شتحتاجون الله يقدرنه على خدمة الطيبين اي سؤال اني حاضرة

اختكم شجرة الدر

[noor al mosawi]

اعتذر عن رسالتي وارجو ان يكون معلوم ان قصدي ليس الاساءه ولكن عندما عاتبت جماعة ال un على سالفة اسبوع واحد زعلوا وقالو هذا الكلام غير دقيق واتهام مرفوض بالتقصير وبصراحه تاهت السالفه بينكم

عموما حمدا لله على السلامه وتمنياتي بالشفاء للصغيره الله يحفظهه وان شاء الله بدايه جديده موفقه وثبات على الدين

ارجو قبول اعتذاري

[Iraqi Christopher]

اولا تحية كبيرة لاختنا الغالية شجرة الدر وبصراحة وفيتي وعدك وكفيتي، وهذا عهدنا بيج اختي وهذا يدل على طيبتكم وصفاء نيتكم وسريرتكم وحسن اخلاقكم، ويا رب تكون هاي السفرة خاتمة التعب وبداية حياة مستقرة وسعيدة للابد تنسيكم كل ما مر من الانتظار والقلق والمعاناة ويا رب تنفتح الكم ابواب الرزق وتتهنون بولايتكم الجديدة وما تشوفون بيهة الا كل خير وان شاء الله يبعد عنكم كل شر وسوء ... اللهم امين

طبعا تعذرينا اختي بخصوص تعليق noor al mosawi لاني ما انتبهت عليه الا هسة، واقول ل noor al mosawi الاخت شجرة الدر غنية عن التعريف وصادقة بكل حرف كتبته او سوف تكتبه لاننا نعرف منو هية شجرة الدر جيدا، (واعتذارك شفع لك)  وانا متاكد ان اختنا شجرة الدر كريمة الاخلاق والطباع وعالية النفس وطيبة القلب وستقبل اعتذارك

نجي هسة لاهم موضوع، موضوع اخونا العزيز اياد لا حول ولا قوة الا بالله شنو هاي الاخبار بصراحة جدا مؤذية من سمعتها، اخي العزيز الرفض من ال UN لازم الة اسباب، لازم تعرف الاسباب اولا، وتطلب منهم الاسباب اذا ما دزوهة الك تطلبها منهم وتكون مكتوبة افضل حتى تكدر تسوي استئناف عليها (وانا حاضر للمساعدة لان هذا من صميم عملنا نعرف كيف نصيغ الاستئناف ونثبت النقاط اللي تكون لصالحك وان شاء الله نلغي قرارهم). او يوجد حل اخر انه تقدم من جديد بقصة ثانية وتكول الهم انه هاي الظروف ايضا مريت بيهة لكن ما ذكرتها سابقا، واكو كثير حلول بس الاهم انه نعرف شنو سبب الرفض وبعدها نتصرف وان شاء الله خير، ولتدير بال لو شي مكتوب الك ورب العلمين مقدرة الك محد يكدر يغيرة لا ال UN ولا اي مخلوق (كل شئ عنده بقدر) وتوكل على الله اخي الغالي

تحياتي الخالصة لاخوية الغالي ابو الزووز واختنا العزيزة dodo3 وشكرا جدا للسؤال وتحياتي لباقي اخوتي وبدون اسماء يا رب تتسهل علينا وعليكم وعلى الجميع


اخوكم

كريستوفر العراقي






   




 

[vaio]

اخوتي واخواتي جميعا  السلام عليكم ورحمة الله .

انشالة تكونون مرتاحين  شني هاي اليوم ما شاء الله  هواي ردود وتفاعل  كبير ولو بيهة شوية اخبار محزنة  بس ان شاء الله لكل شي  حل .

شكرا اختنا العزيزة عمود خيمتنا  الكبير  اختنا شجرة الدر  والف الحمد لله على سلامة الوصول  والشفاء العاجل  لبنتك وانشالة  الخطوات الجديدة التي ستمشيها  هي على ارض  الخير والبركة لكم جميعا .
اما بالنسبة لتعليق الاخ او الاخت نور  فأنشاء الله ما يأثر عليج وهوة  الضاهر سوء في التعبير  ليس الا  وانتي اكبر من هذا كله  والحمد لله فضلك سابق علينا جميعا   فأنتي مؤسسة هذه الجمعية وراعيتها ولا احد ينكر لك هذا الفضل .

بالنسبة الي اني  جدا  متشوق اسمع  التفاصيل الباقية  عن السفر والوصول  وما يتبع  لان بالحقيقة  فرحك هو فرحنا جميعا  كما ان حزن اخونا الغالي اياد هو حزننا جميعا .

اخي العزيز اياد .
انا لما قررت  ان  اقدم للمفوضية  رحت دورت بالنت  وحصلت المعاهدة الي وقعتها دول الامم المتحده في سنة 1951 والي هية  عبارة عن موازين ثابته يلتزم بها  موضفي  الامم المتحدة في تحديد الشخص الذي تنطبق عليه كلمة لاجيء.

وهذه الموازين كثيرة بس بيها اهم ثلاث  شروط يجب ان  تكون في مقدم الطلب حتى يتم قبوله كلاجيء .
وهي -
اولا  ان تكون قد غادرت العراق لاسباب جسيمة تتعلق بالسياسة او الدين او العرق  وغيرها .

ثانيا  ان تكون الان خارج بلدك  الاصلي  وغير مستقر او لا تشعر بالامان .

ثالثا ان تكون غير قادر على الرجوع الى البلد الاصلي باي حال من الاحوال خوفا من قتل او خطف او  احتجاز او تتصفية او قهر او اذلال او او او  وللاسباب السابقة نفسها .

بهذه الشروط الثلاث المهمة يكون الشخص مؤهل لاختياره كلاجيء.
ويجب ان لا تخرج القصة  مهما كانت تفاصيلها  عن هذه الامور الثلاثة  اي يكون سياق  السرد قي قصتك  على هذا النحو  .

الان انت  تستطيع ان تسترجع قصتك وتقارن  لتعرف هل انت مؤهل  ام لا .
مع تمنياتي لك  بالتوفيق



تحية لاخي ابو الزوز والف شكرا على السؤال  والحمد لله الوالدة  صحتها احسن من قبل .


   اخوكم فايـــــــــــــو

[tantonee]

شكرا للجميع و ابو الزوز و فايو و الكل بالنسبه للاخت شجرة الدر طبعا هي من النفذين لهذه الصفحة و طبعا هي صفحة و بفضل المشاركين اصبحت و في فترة تمثل المرشد لموضوع العراقين في الامارات و موصوع اللجؤ و في الايام القادمة سوف تحفل بالمزيد من المعلومات عن الموضوع و هنا ايصا اطلب من كل تعليق لا يمت للموضوع و لا يفيد ان يلغى من صاحبه و نحن طبعا ما نستغنى على اختنا شجرة بس اكول لو تفتح او تشارك بموضوع جديد للقادمين الى امريكا و هي المرحله الاخرى و الله يكتبنا انشاء الله و خلي هنا فقط تنويه او اشاره الى الصفحة التي سوف تنتقل لها و طبعا احنا هم بالمستقبل نلحكها و نريد ها ايضا اتابعنا بس حتى المواضيع تتجمع بمكان و انتو بعد ما ادري شنو رايكم و انشاء الله خير .

السلام عليكم اخواني وانا اشكركم جميعا على مشاعركم النبيله وتعهدت لكم امام الله بكتابة التفاصيل للفائده لان من جماعة الامارات نادرا ما يكتبون تفاصيل الرحله والوصول فقط اعتقد اخونه الوسمي كتب اما الباقي فلا هل تحبون طرح اجراءات السفر بنفس جمعيتنا ام بموضوع جديد وهذا متروك لكم ارجو الرد عليه ومشاركتي بأتخاذ القرار لان هذا لمنفعة الجميع

اختكم شجرة الدر

[tantonee]

lما شاء الله الجماعة نشطين و الرسائل هواية و بلكي امورنا تسهل و بعد السلام على الكل اني اشوف الصفحات صارت هوايه و هاي صار ساعه اقرا بس رسائل الاخيره و بلا زحمه اني اكول نصفي الرسائل و نخلي الرسائل الي بيها الزبده و ارجو ان لا يتصور البعض هذا تدخل و لكن اذا اخوانا الي وصلو هم يكتبون هنا مو تصير هوايه و يراد ايام حتى واحد يقرا و يعرف و اكول الى حد المقابلات و الوصول و يخلي اخر شي اني وصلت و بعدين يتنقل الى صفحة متخصصه بالقادمون الى امريكا او شئ. و شكرا و اني ترى هم يعز عليه واحد يتركنا و لكن هم لازم نتنقل بالمواضيع و الموقع ما شاء الله بي كلشي بفضل الكل و بي كال جواب شافي و من اختنا انجي و انته شوف عدها جواب لكل سؤال عن امريكا و هاي رساله للي وصلو عليكم ب انجي ... هههههه

و هسة ترى اني على اعصابي 10 7 2009 قدمت و من بومها كل شهر شهرين ادز ريمايندر و هسو قبل شهر دزو رد اول مره و بي فورم و كالو حلينا رفونس و عبي و دز و صار شهر اعبي و اسال و من دزيت و ره 20 يوم خابر عبد السلام و بالانكليزي كال تره الاجرائات تغيرت و لازم تبعث بالبريد و بعثت بالارمكس و هسة خابر واحد عربي يكول منو كال ابعث و انت شوكت استلمت و خوفني و بعدين كال ابعث كلشي و اطبع الايميل و منا منا كال زين اقرا الايميل و همزين جنت على النت و كتله التفاصيل و كتبها و كال خلص.

هسة اني بكت طن  هوا يعني يعني اذا اموري تروح جه امنيه و يربطوها بالاقامه الي مستويه يمكن يعلسوني باي وكت و هاي اني مثل البيت الواكف و ما مستعد و لا عندي اروح محكمه و لا اشتر اقامه لان عايش قوت لا يموت و درس منا و ترجمة منا و ماشيه بس مال ارجع للعراق لو ادخل سجن ما ارجع و هاي حجاية و شولوها من بالكم و حتى جوازي اس و ما اريد جواز جي و لا اي حتى لو بلاش. 

و لكن اني اشوف الموضوع دا يتحرك و احنا لازم تلح بالايميلات بس لا تخابرون بلا اسباب و خلي يعرفون انو احنا اصحاب حق مو منيه و بالموفقيه. و اي ترجمه تريدون اني جاهز بالخدمه.

[UAE01]

السلام عليكم اخوتي و خواتي ....
عندي استفسار و ارجو ان تفيدوني بيه .... اني عندي شخص بامريكا يكدر يكفلني بس الاريد اعرفة ....
شنو فائدة الكفيل بتسريع المعاملة ؟؟؟ يسرع المعاملة لو ماكو هيج شي ؟؟؟
شنو الاوراق او الاشياء المطلوبة مني اوفرهة حتة اثبتلهم انو اكو عندي كفيل هناك بامريكا ؟؟؟
شنو الاشياء الي يتحملهن الكفيل بامريكا من سكني اقامتي روحتي جيتي هناك استقبالي بالمطار ؟؟؟ يعني اذا مردتة يتحمل اي شي يكدر يكللهم انو ماتحمل اي نوع من انواع المساعدة ؟؟؟
اني قدمت اوراقي لليو ان علة اساس انو ماعدي كفيل .... شون اذا ردت هسة اضيف اسم كفيل ؟؟؟ لازم شاسوي ؟؟؟

[ملك الحيرة]

اخي العزيز
يمكنك اضافة الكفيل الى ملفك في مرحلتين
1-عند مقابلة اللجنة التركية لك
2-خلال الدورة التثقيفية
والله اعلم

السلام عليكم اخوتي و خواتي ....
عندي استفسار و ارجو ان تفيدوني بيه .... اني عندي شخص بامريكا يكدر يكفلني بس الاريد اعرفة ....
شنو فائدة الكفيل بتسريع المعاملة ؟؟؟ يسرع المعاملة لو ماكو هيج شي ؟؟؟
شنو الاوراق او الاشياء المطلوبة مني اوفرهة حتة اثبتلهم انو اكو عندي كفيل هناك بامريكا ؟؟؟
شنو الاشياء الي يتحملهن الكفيل بامريكا من سكني اقامتي روحتي جيتي هناك استقبالي بالمطار ؟؟؟ يعني اذا مردتة يتحمل اي شي يكدر يكللهم انو ماتحمل اي نوع من انواع المساعدة ؟؟؟
اني قدمت اوراقي لليو ان علة اساس انو ماعدي كفيل .... شون اذا ردت هسة اضيف اسم كفيل ؟؟؟ لازم شاسوي ؟؟؟

[raadmteer]

اخي دور الكفيل هوه البحث عن شقه الك من المنظمه تطلب منه وهاي قبل وصولك وبعد ما توصل ممكن يرشدك على اماكن الدوائر وغيرهه فقط وتبقه المنظمه هيه الراعي الاول والاخير الك

مو بيد الكفيل يسرع معاملتك نهائيا ولا يمكن يعرف موعد وصولك بأي حال من الاحوال

ومثل ماقال اخويه الغالي ملك الحيره ممكن تضيف الكفيل بمقابلة المنظمه او بالدوره التثقيفيه بس لازم تكون مالي ايدك منه بحيث من يتصلون بيه هناك على توقيع الاوراق يروح دون تأخير لان التأخير يأثر على سرعة ختم معاملتك.

[الامل 2]

السلام عليكم انا اختكم بالكويت ومن خلال قراتي لموضوع الكويت والامارات نفس الاجراءات  واحنا بالكويت من اسبوع  قابلنه الوفد التركي واتمنى نفس الوفد يجيلكم  لان كان كلش متعاون وطولنه تقريبا 3 ساعات وكانوا ثلاثه بنات ومع كل بنت مترجم ببدايه كانت الاسئله العاديه الاسم والعنوان والدراسه و...........وبعدين بدات تسال على القصه وبعدين سالت ليش ماترجع للعراق في سبب وبهذا سوال طار الحجي مانعرف شنو نكول عاد هيه ساعدتنه قالت لازم تكولون هذا الجواب وسوت بشكل نقاط 123وكتبت كل شي وبالنهايه سالته شنو الاجراءات بعد قالت مقابلة الوفد الاميريكي نفس هذه المقابله ونفس الكلام بس كل واحد بروحه  والوفد التركي اخذالنه صور والوزن وبالنهايه وضروري مو تنسون تاخذون منه  رقم الملف ب icmc لان ظروري تكدون تستفسرون بهذا الرقم من تركيا والاميل اذا اي شي تغير رقم تلفون الكفيل العنوان او بالنسبه الكم اذا تغير شي 


اما بالنسبه للكفيل فتصور هذا الشي يسهل عليهم اذا مو لازم ليش يسالون انا اختي وخوات زوجي بامريكا فعدنه اكثر من كفيل بالوفد التركي سئلت منو رقم واحد بالنسبه الكم يعني تفضلون اكثر  ومنو ورقم اثنين  والاوراق المطلوبه اهم شي الجناسي والشهادة الجناسي  يعني لاتدوخون روحكم باوراق ماله داعي وهي نفس راح تاخذ منكم الاوراق الي تريده والاوراق ماتريده راح ترجعه الكم ومن الاسئله شويه مو مركزين عليه متى تركت الدراسه باي سنه واسم المدرسه  وبعد بالنسبه الي انا اروح زياره للعراق متى تركت العراق اول مره ومتى رحت للعراق اول زياره ومتى اخر زياره وكم يوم بقيت  وكم مره رحت زياره للعراق  واي شي ماتعرف جوابه كول ماعرف  احسن من جواب مامتاكد منه مثل مواليد الاهل وتاريخ الزواج   وان شاء الله يخلص من الكويت الوفد التركي ويمر ب الامارات لان انا اتفائل اذا شي زين يصير عندكم لان اتصور الخليج نفس الاجراءات ونفس الوفود

[ملك الحيرة]

للتنويه فقط
هناك بعض الاخوان اتصلوا بكفلائهم قبل يومين من موعد السفر...يعني الملف مختوم والتذاكر محجوزة...لذلك اقتضى التنويه وشكرا

اخي دور الكفيل هوه البحث عن شقه الك من المنظمه تطلب منه وهاي قبل وصولك وبعد ما توصل ممكن يرشدك على اماكن الدوائر وغيرهه فقط وتبقه المنظمه هيه الراعي الاول والاخير الك

مو بيد الكفيل يسرع معاملتك نهائيا ولا يمكن يعرف موعد وصولك بأي حال من الاحوال

ومثل ماقال اخويه الغالي ملك الحيره ممكن تضيف الكفيل بمقابلة المنظمه او بالدوره التثقيفيه بس لازم تكون مالي ايدك منه بحيث من يتصلون بيه هناك على توقيع الاوراق يروح دون تأخير لان التأخير يأثر على سرعة ختم معاملتك.

[noor al mosawi]

اخي ملك الحيره
ماعرفت شنو قصدك وماعلاقة ردك بالاقتباس مال الاخ رعد
يعني اي ملفات تقصد المختومه مالتكم لو عموما؟

[ayadkoo]

مشكورين اخواني الاعزاء الي يسالون اما بخصوص قضيتي انا اتصلت وهبت لمقابلة مدام مي بس خبروني ماموجوده
ارجو اعلامكم اخواني اا تريدون تقابلون مدام مي فهي تقابل بس ثنين واربعاء وانشاء الله اروحله يوم الاربعاء واقدمله مسمسكات عندي كنت خايف اقدمها بس من رفضوا بعد لازم اقدمها
والله كريم اخواني شنو يصير خلي يصير الله موجود
وانشاء الله اخواني الله يسهلهل عليكم وتسمعون اخبار الحلوى و
وانشاء الله اخواني شنو يصير معي انا اخبركم انشاء الله


      اخوكم اياد

[شجرة الدر]

السلام عليكم
ان شالله الجميع بخير عذروني اخواني والله لانه النت مجطله مو مالتنه وذاك اليوم كعدت وكتبت رد للاخ الغالي ابو الزووووووووووز ودا ارسله وانكطع النت وما رد الا ثاني يوم وراحت كل الكتابه مالتي والتعب والبارحه هم كتبت موضوع تفصيلي وهم انكطع النت يبووووووو كلت خلي اتفرغ فد يومين واشرحلكم التفاصيل اني اسفه مره اخرى عالتاخير وان شالله الخير للجميع

وتمنياتي بالموفقيه للجميع ومنهم الاخ ايادكو ان شالله يبشرنه عن قريب بتغير الاحوال الى احسن حال بأذن الله

[samnajy]

[size=14pt]الاخت شجرة الدر
اذا النت عندك مو زين فعندي فكرة وهي ان تكتبين على Word وتخزنيها ...ومن يصير عندك نت, مباشرة تسوين نسخ ولصق على صفحة المنتدى وتنزلين الموضوع بدون تعب..
ارجو ان اكون افدتك بهذه المعلومة

samnajy[/size]

[سوبرمان بغداد]

اختنا شجرة الدر

اتمنى تكونين مرتاحه و الامور طيبه. اذا امكن ممكن تخبرينا الوضع شلونه و بالنسبه للخبار عن انه امريكا تعبانه و العراقيين وضعيتهم صعبه صحيح هذا الشي. و اتمنى تخبريني دراسه الاولاد مجانيهو التأمين الصحي للاطفال على الدوله

و اتمنالج و للعائله الموفقيه

[UAE01]

شكرا لكل الاخوة و الاخوات الي جاوبوا على استفساري ..... اني موضوعي نفس السالفة مقدم من شهر الواحد 2009 و لسة ولا تلفون و لا مقابلة و لا بطيخ .... و قبل شهر تقريبا رحتلهم كالوا يابة ترة بدينة هسة انطونة الضوة الاخضر و رح نبدي نشتغل فكلولي عبي استمارة جديدة و اكتب بيهة انو انتة مقدم سابقا و ارفق وياهة الايميل الدازة حتة نتأكد انو انتة مقدم سابقا و سويت مثل مكالولي ... و قدمتهة يوم 6 بشهر العاشر 2010 و لسة هم ماكو شي ... الموظف الاستلم الفايل مني كلي فايلك رح يروح للفايلات الي بالشهر الواحد سنة 2009 .... بعد مادري ... بس كلت فترة اسبوع لو اسبوعين و امر اشوف هاي مدام مي اسألهة لأن بوكتهة اجتمعت بينة احنة مجموعة عراقيين و كلتلنة انو اجراءاتهم تطول بس 8 شهور .... و اجراءات الامريكان تطول من سنة الى سنتين .... هسة اني وية اليو ان صارلي تقريبا سنتين و كلشي ماكو و الله كريم ...... منتظرين الفرج ....

[طبيب مغترب]

السلام عليكم اخواتي واخواني الكرام
تمنياتي لكم جميعا بتحقيق الاماني وتيسير الامور للجميع
ارجو المساعدة في ارشادي حول البدء في التقديم..
انا كنت متردد كثيرا بالموضوع لاسباب عائلية وصحية والان قررت بعد الاتكال على الله ان ابدأ بالتقديم..
ارجو من الجميع الارشاد وبيان الخطوات الاولى واين يقع مكان اليو ان في ابو ظبي
 مع جزيل شكري وتقديري للجميع.

[Zozzz]

اخونه العزيز طبيب مغترب
تحيه طيبه واهلا بك بجمعيتنا
وان شاء الله الجميع يساعدوك والكل هنا عائله وحده
اخويه العزيز اذا تريد تقدم عل يو ان مال ابو ظبي فانصحك اولا بطول البال لانه الجماعه يرادلهم خلك يابو خلك اني ماريد اهبط من معنوياتك بس هذا الحال على ما هوه عليه...
وانصحك ان تقره الكلام والتعليقات الموجوده بجمعيتنا وما بين الاسطر!!  لانه تقريبا احنه مخلينه شي اذا مذاكري من طأطأ لسلام عليكم حته العنوان مذكور مالت اليو ان على كل حال الله يسهل امرك وامرنا وهذا العنوان وتدلل..
Near by Bahrain embassy
Bainuna Street
Opposite Court of the Crown Prince, 
Villa 3 Street 14 Sector 94 Zone 2 Al Bateen Area
Abu Dhabi
0097126677668  هاتف
0097126676615 فاكس
uaeab@unhcr.org     أيميل

[طبيب مغترب]

ممنون منك جدا اخي العزيز (ابو الزووز) مو هيجي يسموك
والله يا اخي شغلة الصبر من رب العالمين اولا واخيرا ونحن لانملك غيره مع الاتكال على الله..
تمنياتي لحضرتك بالموفقية وتحقيق الاماني وتيسير الامور والله يسهل عليك ويعطيك على قدر نيتك الطيبة
لك خالص  تحياتي مع الود والتقدير

[Zozzz]

تدلل عيني دكتور وبلخدمه...

[طبيب مغترب]

لا العفو اخي العزيز..عالعين وعالراس انت وكل الاخوة والاخوات
 خادم ربك... والله يسهل امرك ان شاء الله..

[سوبرمان بغداد]

اخوان اليوم الوفد التركي سووا مقابلات اريد اعرف بعد مقابله الوفد التركي كم يطولون حتى يجي الرد؟؟؟

[الامل 2]

مبروك لكل الي قابلوا الوفد تركي وياريت اذا تعرفون اسماء الوفد التركي يقول حتى نعرف نفس الوفد التركي اللي اجه لكويت بالنسبه النا بالكويت قابلنه الوفد التركي من اسبوعين ودخلنه بثالث ولحد الان مافي شي عن الوفد الاميركي فياريت الي يعرف تقربيا شكثر بين المقابلتين التركي والاميركي

[vaio]

السلام عليكم

اخوية سوبر مان  شنو انتة قابلت الوفد التركي ؟
ومنين عرفت انهم مسوين مقابلات ؟
احنا هنا تعودنا نحجي المعلومة بكل تفاصيلها  بحيث ما تثير تساؤلات  فارجوك ان تخبرنا  منين عرفت انهم مسوين مقابلات وهل انت قابلتهم لو لا ؟
واذا سوو مقابلات شعجب ماكو احد من جماعتنا كال  هذا الشي ؟
لان اخر الاخبار كانت ان الوفد في قطر ومن الممكن ان ياتو الى الامارات  . ولا نعرف هل اتو ام لا  فضلا عن انهم سوو مقابلات لو لا
ارجو التوضيح رجاء

اخوكم  فايـــــــــــو

[samnajy]

يا جماعة تر الناس مخليه ايدها على قلوبها .... يعني رجاء اللي عنده معلومة خلي يكتبها بالتفصيل والا يكون مردودها عكسي على اعضاء المنتدى وشكرا

[سوبرمان بغداد]

اخوان اتمنى تستفادون من الشرح مالتي
عملت مقابله مع الوفد التركي وتم الاتصال بي لعمل المقابله
اثناء المقابله انتبهوا لازم يجيبون كل الاوراق و خاصه و يفضل تكون موجوده و لكل افراد العائله
1- جواز السفر القديم والجديد
2- احوال مدنيه و الجنسية
3- شهادات التخرج
4- عقد الزواج
بالنسبه للمقابله يتم الاستفسار عن تواريخ خروجك و دخولك لكل البلاد اللتي زرتها فكونوا دقيقن بالتواريخ
و تتكلم عن قصتك من قبل الاحتلال و لحد الان و وين اشتغلت
و راح توقع اوراق اثنين وحده تؤكد سريه المعلومات و الاخرى للكفيل

موضوع الكفيل
راح يطلبون منكم كفيل معنوي يعني مجرد عرف ما يتحمل اي مسؤوليه عليك
و ممكن تنطي الكفيل بشكل تسلسلي حسب الافضليه لمن الاول
يعني تكتبون اللي تريدوا اول شي بعدين الثاني حسب الاولويه
و يريدون العنوان الكامل و رقم التلفون
حسب ما افتهمت انه راح يتصلون تلفونيا بيهم
و بالاخير راح تعيد الموظفه القصه بالانلكليزي و موجود مترجم ركزوا وياها زين لان القصه راح تحجيها حسب ترتيب التواريخ

و اخر شي توقع على اوراق و تكتب اسمك بالعربي
اتمنى هذا الشرح يكون مفيد للجميع و الموفقيه للكل انشا الله

[jacksparrow]

اخوية سوبرمان
اني ورية 3 اسابيع من مقابلة الوفد الامريكي ICMC قابلت الامريكان ... والوفد التركي ما راح يكلك انتة مقبول لو لا
ولا حتة الوفد الامريكي رح يكلك انتة مقبول لو لاء
ورة ما تقابل الامريكان بسبوعين زمان يخابرك عبد السلام لو واحد من الجماعة يكلك ملفك مقبول

[سوبرمان بغداد]

اتمنى اسمع اخبار شجرة الدر و تعلق عل هذه الاخبار

اريد اعرف الجواب بعد مقابله ال icmc شكد يطول؟؟؟و شنو الخطوات اللي بعد هذه المقابله

سلامي للجميع

[raadmteer]

عمي الفتره بين مقابلات الوفد التركي والامريكي غير ثابته لان الوفد الامريكي ليس لديه مواعيد ثابته هاي وحده
ثانيا مجرد استدعائكم للوفد الامريكي معناهه القبول 50% لانه همه يقرون الملفات المقدمه من الاتراك واكو بيهه يرفضوهه قبل المقابله واكو ناس تنرفض بالمقابله
بعد المقابلات اللي يتصلون بيه على الفحص الطبي معناهه مقبول والفتره تقريبا شهر الى شهر ونص
واللي يغلسون وميخابروه معناهه مرفوض ولكن التأكد بالاتصال المستمر احسن
الصافي اخواني الالحاح يجيب نتائج دائما

[vaio]

السلام عليكم
 اخونا سوبر مان  شكرا على الرد وعلى هاي التفاصيل  بس ياريت تذكر النقاط المهمة وهي -
متى  قدمت لاول مرة ومليت الفورم ؟ 
ومتى  اتصلو عليك بخصوص المقابلة وايمتا صارت المقابلة ؟؟
وهل كان معك  عوائل اخرى؟ .

اما بخصوص سؤالك فأنت المفورض تنتظر  والوقت ما بيه فترة محددة  لانها تعتمد على وصول الوفد الامريكي  بس بكل الاحوال الاخبار  حاليا من اغلب  الناس ان الامور تمشي بشكل اسرع من قبل  وربنا يوفقك   

مع جزيل الشكر

اخوكم فايــــــــو

[samnajy]

اخي العزيز freedom4ever
اذا ما عدنا جواب وما عدنه معلومة نفيدك بيها فهذا لا يدل على انه احنا تخلينا عنك .
لكن والله ماعندي جواب شافي
وشكرا

[Iraqi Christopher]

ممكن فقط بحالة واحدة انه تكنسل اقامتك في الامارات وتبقة باحدى هذه الدول وتقدم

فسابقا كان بالامكان التقديم من في احدى هذه الدول وانتة مقيم في الامارات ولكن الان وللاسف لا

كما حصل معي كنت مقدم من الاردن على ال IOM ولكن تم تحويل ملفي للامارات، علما انني في الاردن اكملت كل شئ وفقط كنت بانتظار موعد السفر الا انهم وللاسف قامو بتحويل ملفي وبدون علمي الى الامارات

بالتوفيق اخي العزيز


اخوك

كريستوفر العراقي

[شجرة الدر]

أخواني السلام عليكم جميعا

عذروني كولش هوايه والله والله والله اليوم ياله اشتغل اللابتوب لان المحوله احتركت وصار كم يوم اندور وين يبيعون محوله للابتوب ومندري منين الى ان بعد جهد جهيد لكينه واشترينه وان شالله اتفرغ واكتبلكم اليوم او باجر بأذن الله وارد على كل رسائلكم عالعام وعالخاص وتحياتي للجميع

اختكم دوما وابدا شجرة الدر

[vaio]

اختي العزيزة شجرة الدر  يمعودة وينج  ضل بالنا عليج .

اتمنى تكونون بخير وصحة وسلامة  وان  شاء الله  نسمع كل الاخبار الطيبة والمفرحة  قريبا

فايــــــــــــــو

[samnajy]

السلام عليكم
اخواني ماكو اخبار او اي تطورات جديدة عن الجماعة اللي مقدمين على UN  في سنة 2010 ؟؟

[سوبرمان بغداد]

عزيزتنا الاخت شجرة الدر

انشا الله الامور طيبة وياج. احنا مشتاقين جدا نسمع اخبارج الطيبة.

انشا الله الصحه و العافيه

سلام من سوبرمان بغداد

[سوبرمان بغداد]

اختنا العزيزه شجرة الدر

انشا الامور طيبو وياج و اتمنى تكونين مرتاحه و الحال يستقر

نتمنى نسمع اخبارج الطيبة و تحجيلنا عن الوضع هناك بكل تفاصيله و هل الامور جيدة؟؟

سلامي  - سوبرمان بغداد-

[raadmteer]

عادي يمعود ريلاكس صارت كلش طبيعيه

[ملك الحيرة]

اخي العزيز
السلام عليكم ورحمة الله وبركاته
اذا كان اصدقائك قد اخفوا عليك امرا فهذا شانهم وشانك فهم اصدقائك وليسوا اصدقائنا لذا اقتضى التنويه ان(العراقيين)تشملنا كلنا ونحن هنا من 2008 لم نلاحظ ان الاخوان تاخروا بمساعدة من يحتاج المساعدة سواء بمعلومة او كفيل
اما بخصوص سؤالك فانا اعتقد ان جواب واحد صحيح يغني عن 100 خطا ..والذي يرد على سؤالك يجب ان يكون متاكد من الاجابة

تحياتي

اخي العزيز Zozzz
احييك واقدر تعاونك مع الجميع وهذا واضح من خلال مشاركاتك السابقة فلا تفترض انوا انته المقصود خصوصا انك دائما اترحب بالجميع ومن ضمنهمfreedom4ever

اخويه العزيز فريدوم فور ايفر تحيه الك واهلا وسهلا بيك  عدك حلين لو تقدم عل يو ان وهاي شغلتها طوويله لو تستمر عل اس اي في  فانته قدم عل برنامجين وشوف الله شكاتبلك تشوف

 اخي الكريم اني اتكلم عموميات ويؤسفني ان اكول العراقيين عموما اتغيروا وابسط دليل هذا المنتدى اتشوف من بين كل 10 يمكن تلكي واحد يحاول ينصح الاخرين ويساعدهم وكثير منهم يخفي المعلومات حتى بهذا الموضوع وحسب اطلاعك واعتقد انك فاهم قصدي
اما اجابة الاخ الكريم كريستوفر فكانت اجابة شافية

اتخيل العراقيين الي كانوا يعملون وياية بنفس الشركة وتربطنا علاقة حياة وموت سافروا لامريكا من بداية 2009 اتخيل من 2006 والى 2009 يومية احجي واشوفهم عل النت ولا احد منهم انطاني خبر على برنامج الهجرة الخاصة واتخيل الي انطاني الخبر هوه السوربر فايزر الامريكي....!! لكن بعد فوات الاوان بعد ما اتشددت الاجراءات وزادت المدة واخيرا تم اخباري اني غير مؤهل للبرنامج وحاليا ما اكدر اترك الامارات وارجع للعراق ولا اكدر استقر بالامارات وكلش طفران فارجوا المعذرة

[سوبرمان بغداد]

اخوان انا سمعت من صديق حاول الصيف الماضي يقدم بعمان و ما قبلوا لان اقامته امارات

[Zozzz]

السلام عليكم

شلونك اخويه العزيز ملك الحيرة ان شاء الله ان تكون بخير وصحه وعافيه بشر ماكو شي من شغلتك؟ ان شاء الله الله ييسر ويسهل امرك قريبا يارب.....وشكرا عله ردك وعلى توضيحك

اخي العزيزfreedom4ever أخونه العزيز الورده ملك الحيرة اتصور كلامه جدا منطقي واحب اضيف واكول عليه (لو خليت قلبت) واصابع ايدك مو سوه وبصراحه اكو ناس تحب تساعد اولا لوجه الله تعالى... ثانيا الله سبحانه وتعالى فد يوم او فد موقف يبعث الهم ناس تساعدهم  (هذا للي تفكيره واسع وايمانه بالله سبحانه وتعالى قوي) ..

[سوبرمان بغداد]

اخوان السلام عليكم

اتمنى تكون المواضيع التي تطرح خاصة بشغلتنا مع الامم المتحده؟ لان الاحظ المناقشات خرجت بعيد عن هذا الاطار


و شكرا و احترامي لكل الاعضاء و الموفقية

[Zozzz]

أخي العزيز سوبرمان

كلامك عل عين وعل راس والله نص حجينه صار خارج  مواضيع شغلتنا الاساسيه والي احنه جايين علمودها واصلا حرامات عله هل حجي ....والوقت.... وضياع هل مساحات الحلوة من الكيلو بايتات والميكابياتات عل خالي بلاش.... وتاركين الموضوع الاهم  وهو اللجوء والهجرة...بس شسوي مرات الواحد من حرصه يحب او يحاول ان يصحح او يقرب الافكار حتى اتصب بهدف واحد وهو خدمة الناس والاعضاء الي جايين لهنا علمود يستفادون بمعلومه يمكن ان تكون بسيطه بس هيه عظيمه في محتواها بالنسبه الهم ...ولازم نكون في اطار العائله الوحده حته بالنهايه الكل تستفاد وبالتالي ميصير تناقض ونفور بين الاعضاء يعني بين قوسين (انصفي النيات) وهو بلاخير لمصلحة الجميع ...

[ammarbattal]

السلام عليكم .... انشالله الجميع بخير
اتمنا ان تفيدوني بمعلومات عن سحب الفورم للتقديم لل UNHCR هل سحب الفورم من الانترنت لو  لازم الشخص يراجع المفوضيه  حتا يعطوه الفورم .... واحب اسال اذا كان الشخص مريض .. الله يحميكم من المرض .. ف هل يسرعون بمعاملتو للتوطين ؟؟ وهل سمعتو بحالات مرضيه من الامارات سرعوهم ؟؟؟.... لان عندي قريبي في الامارات ويريد يقدم ..... ياريت تفيدونا بل معلومات ...
علما انا في كندا وطلعت عن طريق المفوضيه  من سوريا .... تحياتي للجميع

اخوكم عمار ....

[سوبرمان بغداد]

كلام الاخ صحيح

المفروض ياخذ الفورم من المفوضية و تكون مختومه لان صديقي اخذها منهم و ملاها

و بالنسبه للمرض او غير الكل سواسيه حسب الحظ

و اتمنى الموفقيه للجميع

اني سويت المقابله الاسبوع الماضي مع الوفد التركي و هسه كاعد انتظر الاجابه اتصلت بيهم كالوا انتظر همه يتصلون بيك تلفونيا