مراحل اللجؤ عن طريق اليوان بالامارات

[يوسفي]

اكو فد حكمة اليوم اجتني وحبيت اضيفها .. لانها جدا قيمة ومفيدة وياريت كلنا  انطبقها :

اجعل سرك بين اثنين : نفسك وربك.

وخلي إيمانك قوي باثنين : ربك ونبيك.

واستعن على الشدائد باثنين : الصبر والصلاة.

واحرص في دنياك على رضي اثنين : أبوك وأمك.

ولا تخاف من اثنين لأنهم بيد الله : الرزق والموت

[keaghost]

حلوه الحكمة عاشت ايدك يا خوية يا اليوسفي

[dodo3]

السلام عليكم اخوتي المحترمين جميع
 واني وياك بكل كلمه كتبتها لان هاي الجمعيه احنا ندخل بها حتى نستفاد ومنريد صفحاتها تكثر بدون فائده ...وارجوا من اخوتي العراقيين الطيبين اهل الغيره ان يحذفوا كل المشاركات الي مالها صله بموضوع اللجوء رجاءا  لفائده الجميع
وارجوا من بعض الاخوه الي عدهم مواقف سلبيه مع موظفين اليو ان   ان يمسحوا هاي المشاركات لان صدكوني كل موظفين اليوان  يعرفون هذا الموقع ويدخلون عليه ويقرون شكاتبين فماكو داعي نسوي   ...... وانتو تعرفون قصدي
وهذا كله لمصلحه الجميع.
اخوتي الطيبين الحمدلله ذهبنا انا وزوجي والاطفال الى اليوان وقابلنا عبد السلام مقابله معلومات واخذنا صور وانطانا رقم كيس
وكال بعد فد شهرين نتصل بيكم حتى تجون تقابلون الست نسرين ...وطبعا هاي المقابله الاولى
واني سألته كتله عيني انتو يعني بديتوا بالمقدمين بسنه 2010 كال اي بدينا...كتله لعد عيني عدنا اصدقاء مقدمين قبلنا ولساعكم ممخابريهم شنو السبب مو هو بالسره ؟؟؟
كاا اهنا يسون غربله على الفايلات  ومنو الاموره كلش صعبه يبلشون بي
وكال انشالله هاي السنه نتصل بالجميع ...والله كريم
والله يسهلها على كل العراقيين ويفرحهم يارب
       اختكم ام دودو  

[يوسفي]

الــــــف الــــــف مــبـــروك الاخت الكريمة (ام دودو) على هاي الاخبار الحلوة وربي يسهل امركم وامر كل اخوانا وخواتنا العراقيين وانشاء الله
وانشاء الله قبل نهاية هاي السنة الكل  مكملين كلشي وطالعين,,
ولتغيبين هلكد علينا اختي الفاضلة  وخلينا نسمع منكم احلا اخبار,,,



اخوكم /يوسفي

[حرامي الورد]

السلام عليكم على الاخوة والاخوات الطيبين والله محي اصل كل واحد بيكم
طبعا اني سبق وشاركت بصفحة الامارات بس الفرق اني مقدم من قطر على الامم المتحدة "المفوضية السامية لشؤون اللاجئين" .. بصراحة جدا فرحت من قريت اخبار الاخوة والاخوات الله يهدي سر الجميع ويرزقكم بالخير حيث ما قدر وكيفما شاء رب العزة
اخوان عندي استفسار ارجو ان لا يثير بلبلة او قلق واعذروني مسبقا
اخواني اني قدمت من قطر على مفوضية السعودية لان ماكو مفوضية بقطر وقابلت اول مقابلة اتصور اسمها "معلومات" وتم خلالها طرح مجموعة من الاسئلة لي ولزوجتي من دون ابنائي لانهم صغار السن وبعدها ابلغني المسؤول اني يجب ان انتظر اتصال منهم .. وهاي دخلت عن المقابلة 8 اشهر تقريبا اذا مو اكثر .. بعدها عاودت الاتصال على المفوضية اعطوني رقم ملف وابلغوني في حالة استجداد شئ بالقضية يتصلون .. السؤال جاي ان شاء الله هل حصل اي احد من جماعة الامارات على ورقة حماية ام لا ؟؟ بالرجاء اجابتي لعلمي ان اناس قدموا وحصلوا عليها .. وانا شخصيا لم احصل .. بالرجاء الرد اذا ما بيها زحمة عليكم والله يجعل اي افادة بميزان حسناتكم

لكم مني كل التقدير

[alzandawi]

تحية طيبة اخواني اني الي اعرفه هنانه مينطون ورقة حماية  لانه اذا انت بالمارات لازم مقيم اصلا فورقة الحماية للي ماعنده اقامة حتة تحمية من الرجوع القسري واكيد الاخوان الي عدهم معلومات هسة يوضحولك لانه اني هذا كل الي اعرفه  وتحياتي 

[qp010]

طيب اني عندي سؤال .....

اني ساكن بقطر وين اقدم لجوء و بعدين اني الجواز مالتي بيه اقامة قطرية و فيزا شنغن و ختم دخول لالمانيا ... يعني ابو اللجوء ميكول هذا شعنده طالب لجوء ؟؟ اخوان افيدوني

[alzandawi]

اخوية العزيز هذا ميمنع انه انت متاذي او متهدد يعني المهم صفحتك نظيفة والي بلخليج اكيد مسافر منا منا  يعني انت اعرف تصيرلة سفرة بشغلة والشنكن  ماتوقعهة مشكله بلجواز وهمة هم اكيد يسالوك على اي سفرة انت مسافرهةوهسة انشاء الله نشوف اراء الاخوان شنو

[dodo3]

اشكرك عيني اخوي اليوسفي العزيز الله يوفقك ويحميك وانشالله بهاي السنه تسافر, والله اني متابعه وياكم كل اخباركم بس من يصير عندي شي جديد اشارك بي  ...و ادعيلكم بكل صلاه لان احنا كلنا نفس الحال والله يفرحكم كلكم انشالله.....بس ينراد صبر واحنا العراقيين مااتصور اكو احد بصبرنا (صبر ايوب)
بالنسبه للاخ الي يسال على ورقه الحمايه ...مثل متفضل بي اخويه الزنداوي ...الامارات مو مثل باقي الدول ماكو ورقة حمايه عدهم الا اقامة سارية المفعول
وتحياتي لجميع الاخوه المحترمين 

[Face1]

مساء الخير
 اخوتي ممكن توضحولي ؟ siv هل هية منظمة اخرى وما نفعها وهل ممكن انقدم عليها وكيف الوصول الها تحياتي وامنياتي للجميع بالموفقية

[alzandawi]

عزيزي الاsivهي فيزة للي مشتغلينى وية الامريكان حصريا او اولادهم وبناتهم
يعني مو منظمة  واذا انت ممشتغل وية الامريكان ممكن تقدم عليهة بس اذا عندك اخ اواخت ممكن تقدم على ال iomمنظمة الهجرة الدولية يعني تكون مفضل اذا عندك اخوك او اختك  عاملين وية الامريكان والله لايقدم الي بيه الخير

[ابو فراس]

السلام عليكم
اخواني الي يسألون عن ورقة الحماية .. اني مقدم من قطر ونفس الاخ على مفوضية شؤون اللاجئين بالسعودية عن طريق الاتصال بيهم وتمت مقابلتي الاولى مع الاهل بس منطونة ورقة حماية ومن خلال معارف مقيمين بقطر والاقامة بجوازاتهم موجودة اثناء التقديم حصلوا على ورقة حماية ولكني لم احصل على ورقة وعند مخاطبة المفوضية بلغوني انهم راح يلكون صيغة معتمدة حتى استلمها وهذا الحجي من شهر الثاني اذا اني مغلطان ولحد هاي اللحظة اني ممستلم اي شي
وللاخ المقيم في قطر ما ازيد على الي تفضل بي اخوية "الزنداوي" الاقامة والسفر ما الهة علاقة بالتقديم ولكنهم يسمعون قصتك الي تدل على انك متهدد او احد افراد عائلتك ولهذا السبب تقدم لجوء ولاخ "الزنداوي" بارك الله بي مقصر

اخوكم ابو فراس

[vaio]

السلام على العراق واهل العراق وتراب العراق وهواء العراق .

مرحبا بجميع الاخوة والاخوات الجدد الذين حلو علينا اخوة واخوات كرام ولا داعي لذكر اسمائهم فهم الان اعلام هذه الجمعية .

والف مبروك لكل فرد فيكم  قد تقدم خطوة في طريق الهجرة واللجؤ ونسأل الله العلي القدير ان يعجل  لكم الفرج .

واسفنا  العميق لكل فرد قد تعكرت خطواته في هذا الطريق راجين من الله ان يعوضه خيرا ويثيبه اجرا عظيما  ويجعل له فرجا عاجلا بأن الله .

اخوتي واخواتي .  منذ السطور الاولى التي كتبت في هذه الجمعية على يد اختنا العزيزة شجرة الدر حرصنا  على ان تكون في خدمة كل فرد في الامارات او الخليج  فالغاية الحقيقية من هذه الجمعية هي قضية اللجوء فقط . وقد نتطرق الى المجاملات احيانا والتبريكات في احيان اخرى من باب اللياقة لا من باب الاختصاص .
وبمرور الزمن تعلمنا من اخطائنا كيف نطرح مشاركاتنا ومتى نطرحا  لتكون الفائدة كبيرة وتكون الجمعية واجهة اخرى تدل على رقي الانسان العراقي وتعكس ثقافته العميقة في التسامح والمشاركة وانصاف الاخرين .

اخوتي واخواتي  التمس منكم العذر مقدما مع احترامي لكل فرد فيكم لكنها صيحة حق من اجلكم وتنتهي لخدمتكم .
لقد تغير الوضع الان _
وجمعيتكم هذه ليس لها علاقة بـ"مراحل الجوء عن طريق الامارات"  بل هي منتدى للتعارف والمجاملات والتبريكات والمزايدات والوطنيات والتفاخر وحب الضهور  وزيادة النجوم والمشاركات الادبية  وغيرها الكثير .

الذي  يريد التعارف والمجاملات -  هناك منتدى للتعارف في موقع عنكاوا فليذهب اليه .
 
الذي يريد يريد ان يتكلم في السياسة ويعطي رأيه القيم – هناك منتدى للسياسة في موقع عنكاوا فليذهب اليه .
الذي يريد الضهور بمشاركات فنية  - هناك منتدى للادب والفن في موقع عنكاوا فليذهب اليه.

الذي يريد ان يزيد نجماته كي يصبح نقيبا او عقيدا او عميدا  فهناك منتدى للترفيه فيه العاب سخيفة  جدا يمكنه ان يضع مشاركة من كلمة واحدة او حرف واحد وتحسب له مشاركة  فليذهب اليه .

انا اعرف انني اتكلم بقسوة لكني ويشهد الله لا اريد ان اجرح اي فرد منكم وكلكم اعزاء على قلبي ولست بأحسن منكم في شيء . انما هي دعوة للارتقاء من جديد .
جمعيتنا  انتم ابطالها وانتم من يمكنه ان يجعلها نموذجا نفتخر به .

اغراقنا بالمشاركات  من اجل زيادة النجمات امر مفضوح مسبقا  ولا يليق بأحد منكم .

المواضيع التي لا علاقة لها بموضوع الهجرة والتي تطرح هنا تضع مؤشرا سلبيا على صاحبها .

المزايدات البائسة  على عراقيتنا  اصبحت من الامور  الساذجة . فحب  العراق واهل العراق مرض جميل ليس له علاج . شرقت بنا الدنيا ام غربت . تغيرت مذاهبنا  لهجتنا  موضع ولادتنا  كل هذا لن  يغير من عراقيتك شيء ابدا فلا داعي للجدل .

الطالب للمعلومة من اهلنا واخوتنا في الغربة  لن يستطيع ان يجدها  لكثرة  التبعثر الحاصل .
كنا في السابق عندما  يأتي اخ جديد ويسأل سؤال تقليدي معروف نقول له راجع الصفحات السابقة . فيجد الجواب مفصلا . اما اليوم اذا قلت له راجع الصفحات السابقة  يضيع في دوامة لا اول لها ولا اخر .


انا اليوم يا اخوتي اطلب منكم ( الفـــــــــزعــة ) اطلبها من كل شريف جرى في دمه حب العراق واهله بأن تكونون يدا واحدة  ويكون كل فرد منكم هو المسؤل عن هذا المنتدى وليراجع مشاركاته وينقحها ويحذف ما يجده في غير محله .
نرجو ان يوضح كل شخص منكم نبذة عن تاريخ قضيته ليكن الاخرين على معرفة ودراية .
وان تبتعدوا عن  انتقاد موضفي مكتب مفوضية شئون اللاجئين فهم يقومون بعملهم بأكمل وجه والمشكلة بنا وليست بهم .

وان تبتعدو عن المجاملات  الزائدة او الجدل العقيم الذي لا يوصل  الى شيء  لتكن جمعيتكم مهنية قدر الامكان  عندها ستعكس رقي ووفاء كل شخص فيها . 
في النهاية  اتقدم بالاعتذار منكم فردا فردا عن ما تقدم من كلام . وبارك الله فيكم جميعا . راجيا من العزيز الجبار مسبب الاسباب  ان يتسبب  لكم بالخير والصلاح .

اخوكم   فايـــــــــــــــــــــــو .

 

 

[يوسفي]

اسعد الله صباحكم  اخوتي واخواتي الطيبين .. وربي يجعل صباحكم خير وبركة
وحبيت اشكر الاخ الغالي (فايو ) ونكله الك وحشة ونروتنا بمشاركتك القيمة وكلامك بيه كثير من الصحة .. لكن انا بالنسبة الي وهذا راي كل يوم ادخل على كثير صفحات خاصة بلجؤ العراقيين ووالله العظيم بيها كلام  ماله اي علاقة باللجؤ ولا اله علاقة بالوطنية والسياسة وانما كلام على مقاهي (الاركيلة ) او مكانات بيع الملابس او اسعار الاجارات او الكلام على (البنزين ) المحسن والبنزين العادي وهاي ماعدا الكلام على الكهرباء والبرمجة ....والخ  وطبعا هذا الكلام مو بس على الاخوه الي مقدمين من العراق وانما من كل الدول العربية وصفحاتهم الي يكتبون بيها.. فأنا يا اخوتي الاعزاء لو سمحتم وبدون عصبية ولا زعل احب بس اعرف شيء واحد لاني اعتبر نفسي من الاخوه الجدد على هذا المنتدى. اريد اعرف اذا  احنه كلما دخل اخ جديد لهاي الصفحة انعرفه بنفسنا وننطيه تاريخ تقديمنا وتاريخ مقابلاتنا مع المنظمة اذا هو طلب طبعا ونجاوبة على الي يريد يعرفه واكثر.

لكن اذا مدخال احد جديد لهاي الصفحة وبقينه احنه نفس الوجوه يوميه نفنح ونغلق الصفحه وماكو اي جديد على قضيتنا لان حضرتكم تعرفون هنا المنظمة بالامارت شكد بطيئة اجرائاتهم .. شنسوي بيهج حاله؟؟؟

يعني هل نفتح الصفحه ونخليها صامت لو نبقة بس نكتب ادعية لبعضنا .لو نعيد نفس الكلام القديم ؟؟


يواريت الاجابة  وبدون زعل او عصبية وربي يوفقكم؟؟؟



اخوكم /يوسفي

[keaghost]

اخوي العزيز حرامي الورد هاي تنطي بس للي موجودين بسوريا و بعمان لان ما ينطوهم اقامات اما دول الخليج فما بيها هاي الشي

[keaghost]

اخونا qp010 اني عندي فيزة شنكل على الجواز و مقيم بالامارات و الامور عادية هاي قابلنا محلفين و اجانا ابروف ما تاثر على القضية مالتك هاي الشغلات

[keaghost]

اختي االعزيزة  Face1 هاي الفيزا تكون للي مشتغل مع الامريكان و لازم تكون توصية من جنرال بالجيش الامريكي مختومة و موقعة منه و بيها فورم خاص و تكون ما تحتاج اي مقابلات راسا يروح على السافارة يعطوه الفيزا و يدخل لامريكا خلال اسبوع يعطوه الكرين كارت

[keaghost]

انا اتفق مع الاخوان الي كالو انه لازم المواضيع تكون تخص القضايا و خير  الكلام ما قل و دل بس يا احبائنا من يجي احد و يدوس على راسك و يسب العراق و اهلة الطيبين بكل وقاحة بالمنتدى و هو اول مشاركة اله تكون ليش يعني مجرد انه خلاص مقابلة و اخذ ابروف و سوى الفحص الطبي و قبلها يكون كاعد اربعة و عشرين ساعة يتوسل و يدور بالمنتدى على المعلومة المفيدة صح كلامي يا اخوان لان شفت عندة عدد ساعات تصفح 24 ساعة و اول مشاركة اله بالمنتدى ههههههه شي يضحك يعني جان بس ياخذ معلومات و من خلص شغلتة اجى يسب العراق و العراقين

[freedom4ever]

الاخ العزيز فايوا
اود التعليق على ما تفضلت به وارجوا ان يتسع صدرك لنا وتاكد انني احترم رايك

اولا اخي العزيز فايوا لا يوجد بيننا في في هذا المكان من يبحث عن الرتب وهذا رايي الشخصي

  انا كعراقي اقول ان الروتين القاتل اصبح جزء من حياتنا اليومية في بلاد الغربة، الانتظار الطويل والممل اصبح عبئ اضافي، اعيش في قلق دائم وابحث عن مكان يمنحني الشعور بالامان والاستقرار لي ولعائلتي واحمل فقط الجواز العراقي ولكوني كذلك فانني متهم بلا ذنب ومضطهد ومكروه لا لشئ فقط لكوني عراقي.
ولكوني كذلك فانني انسان معقد وقد كرهت القيود في كل مكان وزمان حتى في المنتديات على الانترنت ولهذا فاني لا اشارك الا نادرا لانني قررت ان اسكت بارادتي.

العراقي يعرف مأساتي ولهذا يطلب مني ان اتحدث في منتدى عام على الانترنت وباسمي المستعار بما لا يخرج عن موضوع ((( مراحل اللجؤ عن طريق اليوان بالامارات)))

رايي الشخصي
من حق اي انسان (حتى لو كان عراقياً) ان ينتقد اي انسان اخر او جهة ويعبر عن رايه بحرية في اي موضوع وخصوصا في المنتديات العامة (التي كفلت لنا هامش من حرية التعبير*).

*لكي لا ندخل في جدل بيزنطي

يقول جون لوك:
الحرية الكاملة هي التحرك ضمن القوانين الطبيعية و إمكانية إتخاذ القرارات الشخصية و القرارات بشأن الملكية الخاصة بدون قيود , كما يريد الإنسان وبدون أن يطلب هذا الإنسان الحق من أحد , وبدون التبعية لإرادات الغير أيضا .

[ddo7]

السلام عليكم اخوان بس حبيت اسلم عليكم فردا فردا حتى لتكولون ميكتب بس من عنده سؤال مع تمنياتنه للجميع بالموفقيه

اخوكم ddo7

[يوسفي]

السلام عليكم ورحمة الله وبركاته اخواني اخواتي الكرام .. اشكرك اخي العزيز (ابو الزوز )وربي يوفقك وما قصرت وربي يجعلها بميزان حسناتك.. بس حبيت اوضحلك اني من كلت الاخوه الجدد والقدامى لان اني من الناس صح صارلي اربع سنين ونص تقريبا مقدم على الUN لكن مشاركتي بالمنتدى مصارلها غير شهرين ونص او ثلاثة واول مبديت اكتب بهل الصفحة الكريمة وربي يوفق الي عملوه .. كلت للاخوه الي كانوا موجودين انو المحلفين راح يجون ابدايت شهر السادس وواحد من الاخوه القدامى الي يتفضل علينا بمشاركاته كل شهرين او ثلاثة كلي رجاءً انت بعدك جديد ولشوش على الاخوه الباقين .وكلي انوا المحلفين يجون كل سنه بشهر الثمن.عاد اني جاوبته كتله يا اخي اني عندي ظرف خاص والاتراك اتعاطفوا معاية ومع الاهل لان كنة انمر بظرف خاص وكلولي انوا الامريكان جاين بشهر سته لكن الاخ ظل يقلد ويكلي يمكن همه على مودك راح يجون.. المهم عبرناها وجوي الامريكان ابدايت شهر سته وفضت على خير والاخ اختفه من يومها ومطلع اله قبل كم يوم .. فاحنه يا اخي صايرين حايط نصيص ياهو الي حاصرتة عبرة يجي يفرغها براسنا.. بس اني بالنسبة الي والحمد لله معاملتي كانت تمشي يم المفوظية وبفضل الله سبحانه وتعالى ولمدة اربع سنين ومدخلت للمنتدى مثل مكلت سابقا اله قبل شهرين ونص وربي يشهد بلي كتبته ونصحت بيه الاخوه والاخوات الافاضل وللعلم كتابتي على الخاص  اكثر من كتابتي على العام..
وقبل فترة سألت اخ من الي طلعوا من ابو ظبي كتله ليش مشارك على منتدى عين كاوة كلي اكو ناس يجاوزون بكلامهم وحلفت بعد ما ادخل.. وصار يدخل على منتديات بيت اهلنا واكثركم يعرفوها.. فيا اخواني انا اسف اذا اجاوزت على احد واسف اذا غثيت احد بكلامي .. وانشاء الله هاي اخر مرة اكتب بيها هنا ..وتوبة امامك وامام الله سبحانه ان ندخل بصفحت طلبات اللجء عن طريق الامارات. ولا اقول كل المنتدى لان عندي اخوه اعزاء بصفحات اخرى.. وخلوا الاخوه الي يطلون علينا كل كم شهر طله  وينطون النصائح المفيده بمكان ما احنه نتكلم كلام مالة معنا ...


وربي يوفق الجميع

اخوكم يوسفي

[dodo3]

السلام على جميع الاخوه المحترمين
عيني اخوي العزيز (يوسفي) تره انت من دخلت قبل شهرين ونص سويت حركه بالجمعيه ولاصغرا بالاخوه بس مشاركاتك كانت بيها فائده كثيره للجميع .....  وماكو داعي اتصير بجمعيتنا مثل  الكلام الزايد احنا هنا كلنا اخوه بهاي الجمعيه وفرحنا واحد وحزنا واحد ودعائنا واحد والكل الي داخل بيها هو لفائدته اولا واخيرا
ارجوا من الاخوه الاعضاء الافاضل ان يكفوا الكتابه والانتقادات الي تمس بعض الاعضاء الي كثير فعالين بجمعيتنا لان هذه الكتابات لتزيد ولتنقص ...ارجوككككككككككككككككككم
وعيني اخوي يوسفي شعدنا غيرك احسبها عليه وخلي صدرك رحب لتزعل بسرعه..... والله اذا انت بعد متكتب بالجمعيه اني اسوي اضراب وبعد هم ابد ماادخل الجمعيه  ها وتره اسوي اضراب عن الطعام

اختكم ام دود

[سوبرمان بغداد]

السلام عليكم

اخوان ما احد اتصل بعبد السلام او مدام مي و سألها على الدورة التثقيفية شوكت؟؟؟؟؟؟؟؟

لان عبد السلام كلي يا تصير قبل رمضان او بعد رمضان و هي ثلاثة ايام

و السلام عليكم

[Face1]

مساء الخير يا اخونا الغالي اليوسفي
انت منو كلك تنسحب اذا اكو من هو دايخ من الدخول الكثير للمنتدة فهوة براحتة وانت يا عزيزي كلها تشير بجهودك وحبك للمساعدة والافادة فيا اخوية الغالي لا تعصب ويحددون الك موعد سفر قريب ان شاء الله ويروح زعلك هذا لكن من المنتدى منو اشار الك  تتركة سوي تصويت  وانا على يقين حتى المختلف معاك ايصوت الك لان انت تطرح اللي دتعرفة وبطيب خاطر واي كلام اخر اذا دعاء فاحنا محتاجي اقلها يطمن انو اكو ناس تدعيلك بدون ما تعرفك واي مشاركة اخرى ممكن تشارك بيها  وبعد يومين تمسحها اذا ما تخص الهجرة واللجوء هم الناس تغير من الانتظار وهم يبقى المنتدى بيه كل الامور المهمة التي تخص اللجوء
لا تزعل انت قلبك كبير وصبور ومتحمل اكثر من 4 سنوات والله يا عراقيين شديمر عليكم من ويلات وانتو عنوان الصبر
كلنا ننتظرك وننتتظر نصحك سلامي للعائلة الكريمة
اختك Face 1 

[vaio]

السلام عليكم
اخونا العزيز اليوسفي.
كوننا قلنا الاخوان الجدد ليس بالضرورة ان تكون انت المقصود . والا لكان كل الاخوان الجدد على غير الخط المطلوب في حين انهم جميعا تيجان على رؤسنا .
وبالنسبة لسؤالك حول اذا ما دخل سخص جديد  هل يجب ان نقص عليه قصة حياتنا من جديد . فالاخ العزيز ابو الزوز قد اجابك  وبوضوح .

اما بالنسبة للصفحات الباقية في غير جمعيتنا  فهي ليست قدوة لك  او لي او لاي احد من الاخوان فأنت  سميتها مقاهي (كهاوي ) ولا يصح ان تقتدي بأهل الكهاوي . ايكون من المنطقي في رأيك اخي العزيز عندما ينصح شخص مدخن بأن التدخين مضر  فيكون جوابه بأن نصف المجتمع يدخن ؟ هل في تصوره ان نصف المجتمع اذا كان مدخنا  فسوف يكون التدخين غير مضر ؟.

عدم وجود مشاركات  جديدة ليوم او يومين او اكثر  له دلالة مهمة تهم كل شخص منا وهي ان الامور على حالها وان الوضع لم يطراء عليه جديد وليس هناك من اخوتنا عنده شيء جديد . وهذا بحد ذاته معلومة مهمة . اما اذا دخل ووجد عشرين مشاركة بين شلونك اغاتي وتفضل استريح وشخبارك ووووو. وليس فيها اي معلومة عامة  فتأكد انك تهدر وقت اخوتك في قرائة امور ليس لها معنى . طبعا انا هنا لا اخصك يا اخي اليوسفي لان مشاركاتك دائما فيها جهد وحرص فائدة .
وانا اليوم كنت بصدد كتابة رسالة شكر مني موجهة لك شخصيا  لولا مشاركتك الاخيرة  التي عكرت صفونا  واشعرتنا بخيبة امل كبيرة . ما  كنا نتوقعها منك على الاطلاق .
انا شخصيا كنت معتمد عليك في تسيير امور جمعيتنا بالاتجاه الصحيح فأراك انت اول من يحتج على النصيحة ويستشهد بالكهاوي .

واحب ان الفت نظرك لشيء مهم  حول الثلاث اسطر الاخيرة من مشاركتك الاخيرة وهي استغرابي العميق من تعهدك بعدم المشاركة في المنتدى . وخطوتك هذه ليس لها مبرر  اصلا فليس هناك من يتهمك بشيء او ينتقدك او حتى يشير اليك بأي شيء     
(يعني بالعامية منو يمك انتة هههههههه)
 وعندما قلت في رسالتي السابقة ان الجمعية اصبحت فيها اعلام يشهد الله انك كنت اول الخاطرين بذهني لانك فعلا علما لما تقدمه من مشاركات مفيدة ولا احد ينكر فضلك  في ذلك . ( يلا كافي عاد لو انتة  شفتنا نحبك كمت تدلل علينا ).
وايضا  ابهجتني عبارة  "يطلون علينا كل كم شهر" فالذي لا تعلمه انني متابع يومي لكل صغيرة وكبيرة في هذا البيت الجميل .


اخوك  فايـــــو

[ziyadcomp]

السلام عليكم

طبعا اني هاي اول مرة اشارك بالمنتدى وان شاء الله اكون متواجد دائما حسب الوقت طبعا لان تعرفون بالامارات نشتغل عمالة والحمد لله

طبعا اشكر جميع المشاركين بالمنتدى هذا واني كعدت قريت الحجي من شجرة الدر والى هسة و بارك الله بيكم وان شاء الله اجركم عند الله عظيم

اخواني الله يخليكم رح احجيلكم قصتي واريد من عدكم تنصحوني شسوي

اني مقدم على اليو ان بابو ظبي من شهر 3\2009 وكل فترة اروح واجي واخابر وكلشي ماكو ... استمر هذا الوضع الى شهر 12\2010 من خابرتني موظفة اليو ان ريتا وكلتلي انت مرفوض .... يابه شنو ليش ؟ ... متعرف ... المهم خابرت مي فكلتلي لا يابه انت مو مرفوض وانما حاليا متنطبق عليك شروط التوطين الي طالبيهة ,, بعدين اذا تغيرت الشروط او استجد شي نخابرك ... المهم تركت فترة و وراها رجعت لزكتلهم ودائما تكولي مي بانه الاولوية مو الك واني اكلهة ليش الاولوية مو الي اشو اني متهدد ومخطوف واهلي كلهم بامريكا ... فمتعرف شتجاوب وتلزك الحجي وبسيطة ... كلتلي القصة مالتك محاجي بيهة تفاصيل .. رجعت كتبت القصة بالتفاصيل وبالتواريخ ونطيتهيا ... فكالت احنه عود نخابرك وهم ماكو لاتليفون ولا ابد ... وهسة شركتنه رح تبدي تفنش العالم لان شغلهة خلص ... فاخذت الكتاب ورحت وديته لمي وبجيتلهة واخذت الكتاب وكتلهة اني اهلي كلهم هناك وهمة طلعوا من سوريا وجان سبب قبولهم على التوطين هوة اني لانه اني مهدد ومخطوف واخذت حته رقم ملف اهلي وكلتلي احنه نخابرك والى هسة صار شهر وماكو خبر .  فهسة اخواني الله يخليكم اريد رايكم وشتنصحوني وبالمختصر اني اهلي بامريكا وعدهم جرين كارد ويريدون اي شي حتى يساعدوني بس هناك سالو وراحو واجوي وكللولهم اله رقم ملف يلة يكدرون مناك يقدمون واني هنا مبقيت حجي محجيته وية مي علمود بس تنطيني رقم ملف وميفيد .... خابرت الايسي ام سي لتركيا وكلولي جيبنه رقم وبسيطة بس بحالتك منكدر اي شي نسوي ... فهسة شسوي وشنو الحل ؟؟ ... ويفيد او يصير اروح اسجل من عمان ؟؟ .... لانه الوقت ديركض وماكو فايدة ... وشكرا لكم جميعا

[alzandawi]

الاخ العزيز يوسفي  اكلك شي واحد بس ترة انت عزيز علينه  ولتسويهة زعله يمعود  ترة اني هم ابطل ادخل للجمعية
الله يسهل امرك وانشاء الله تبشرنا بلموافقة

[vaio]

اخونا العزيز زياد
هناك حل ثالث غير الحلين الذين تفضل بهما الاخ العزيز ابو الزوز
هذا الحل سريع ومضمون .
اذا كانت لديك فترة اكثر من  ستة اشهر في اقامتك  يمكنك ان تقدم على فيزة زيارة مباشرة من السفارة الامريكية في ابو ظبي او القنصلية في دبي هذا حسب مكان اقامتك .
التقديم يكون عن طريق النت وبنفسك تحدد تاريخ المقابلة وعادة ما يكون ابعد من عشرة ايام .
تروح هناك ولازم تاخذ معك رسالة من العمل انهم لا مانع لديهم من سفرك .
وبالتأكيد  تاخذ عقد الايجار وايصالات رسوم المدارس اذا عندك اطفال  وايضا عقد الزواج  المهم تحاول تثبت لهم انك هنا عايش ومستقر  وكل ما بالامر انك مشتاق لاهلك وتريد تروح تزورهم شهر زمان .
واذا اهلك يكدرون يوجهولك دعوة تكون فرصة القبول افضل .
واذا كلك خاف تروح وما ترجع كلة انا عندي عمل وعندي متعلقات كثيرة هنا .
المقابلة ما تطول الا دقائق معدودة  وتستلم النتيجة القبول ان شاء الله او الرفضلا سامح الله  بنفس اللحضة .
اذا صار قبول  ممكن ينطيك فيزة لمدة سنة متعددة السفرات  روح هناك ومن هناك  اطلب اللجوء وطبعا تبقى حالك حال اهلك  الى ان يقومون بالبت في شغلة اللجوء  وما دام اهلك كلهم هناك فما راح يرفضون  على الاغلب .
اما اذا انرفضت لا سامح الله  فأنت ما خسران شي .

نصيحتي الك ادخل موقع السفارة وافهم كل التفاصيل واتوكل على الله .

دعائنا لك بالتوفيق

اخوك فايـــــــــو

[vaio]

اخي ابو الزوز فدوة لعيونك انت ما قصرت وما عدنا للناس غير النصيحة . اول وتالي اليوسفي اخونا ان حضر فهو عزيز وان غاب فهو عزيز .

وتذكر قول الله عز وجل -
بسم الله الرحمن الرحيم

فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ
صدق الله العظيم

فايـــــــــو

[dodo3]

بسم الله الرحمن الرحيم

(وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي

هِيَ أَحْسَنُ)

                                   صدق الله العظيم

       

[ziyadcomp]

شكرا جزيلا اخواني واخص بالشكر اخواني zozzz و vaio وبس حبيت استفسر منكم .... مرتي جوازهة s وحسب علمي ميفوت للاردن ,,, فاذا اروح لسوريا اوكي لو لا ... يعني اروح هناك واقدم واقابل وينطوني رقم واطلب بانه يحولوني على امارات ... وهل بسوريا بعدهم يستقبلون طلبات لو الاوضاع مو زينة ومعزلين ؟؟ ... وحسب مقريت بانه تركيا اسرعهم واحسنهم بس المشكلة اني ما اندل هناك وغالية واني عائلة عندي وطفلة صغيرة فاخاف اتبهذل واصرف ونتيجة ماكو لانه اني اريد اروح شغلة 5 ايام وارجع ... وبانتظار نصيحتكم وشكرا.

[Zozzz]

اخويه العزيز

اذا عاجبك تركيا تروح يكولون هسه الموده الماشيه هناك ينطوك ورقه حمايه وهاي هيه وانته وحضك!!....بلنسبه السوريا يمكن دتشوف شكاعد يصير هسه بيها فمانصحك عله الاقل بلوقت الحاضر ...بس عمان احسن شي حسب راي ماعرف اذا رايي صح او لا بس هذا المتوفر والاقرب الك ..وهذا رابط شوفه يمكن ولعله ولعسى ان يفيدك وبلخدمه للطيبين...


http://www.ankawa.com/forum/index.php?topic=208757.0
وهذا رابط ثاني بلكي هم يفيدك
http://www.ankawa.com/forum/index.php?action=printpage;topic=238339.0
وهذا هم الرابط الاخر
http://www.ankawa.com/forum/index.php?topic=255537.0

[Face1]

مساء الخير
 اخوان ما اخباركم  ان شاء الله بخير وصحة
ما اخبار اللجان وما اخبار الاتصالات اكو شي جديد ؟ اكو احد اتصلوبي من الذين مقدمين بداية هذه السنة
لو سمحتم ممكن احد ايوضحلي شنو نبراسكا ما تخصصها وهل ممكن التقديم عليها تحياتي للجميع

اخبار اخونا اليوسفي ان شاء الله هدءة النفوس الله لا يجيب زعل
دعائي للجميع ان ايفرج الله فرج قبرب بقرب شهر رمضان الكريم

[alzandawi]

تحية طيبة اخوان جواز sميدخل عمان وهسة فاتحين جوازات بلسفارة اخوية ممكن تقدم لزوجتك  يطلع الجواز خلال 20يوم والتسهيل على الله

[Face1]

مساء الخير اخوتي واخواتي

شكرا شكرا شكرا اخي zozzz  على المساعدة والرد السريع  الله يفرج للجميع
مع الاسف هههههههههه لم اعمل مع الامريكان ولهذا ليس لي غير اليو ان
لو سمحتم اكو غير اليو ان الواحد يروح عليهم عيني انتو ترة يعني دمار شغلة  الانتظار
اختكم Face1

[am ali]

السلام عليكم ورحمته الله وبركاته
كيف صحة جميع الاخوان والاخوات ارجوا ان تكونوا بالف خير
الاخ يوسفي اكلك مكانك خالي بالصفحه والله مشاركاتكم دائما كانت منوره ونتفائل بيه
نكلك لخاطر الناس الي يعزوك ولخاطر روح الاخوه الي تجمعنه احنه لكونه كلنه عراقيين
ارجع ونورنه بمشاركاتك واتعوذ من الشيطان الرجيم
شكرا لكم

[سوبرمان بغداد]

اخوان حسب ما اعرف ان اللي عنده جواز S يكدر يدخل عمان اذا اول مره

[Zozzz]

اخي العزيز سوبرمان

جواز فئة S نافذ المفعول لايسمح لحامليه من دخول الاردن وهذا القرار صدر منذ بدايه 2010 . فقط ايران حسب علمي!!
وهذا الرابط يمكن يفيدك
http://www.ankawa.com/forum/index.php?action=printpage;topic=483989.0
وهذا الاخر
http://www.ankawa.com/forum/index.php?action=printpage;topic=350776.0

[uae123]

السلام عليكم بعد غيبه طويله كنت والله مسافر واحب اعرف شنو الاخبار الاتراك بعدهم موجودين لو سافرو بالنسبه الي للمقابلة المحلفين ما طولت وياهم بالاسئله والحمدالله خابروني وانطوني الموافقه عقبال انشاءالله اليوسفي عن قريب يخابرونك
تحياتي

[hdore]

مساء الخير جميع ..ممكن اذا اكو احد من جماعت 2010 شهر 5 مقدمين على  اليو  ان  احد اتصل بيهم .. وشكرا الكم

[alzandawi]

الحمد لله على السلامة ومبروك الموافقة ويوم السفر انشاء الله

[Zozzz]

اخي العزيز
اكو جماعه من ال2009 وحته2008 بعدهم ممقابلين ولحد الان مامتصلين بيهم عله مقابله فجدا عادي... ولو اكو شي لاسامح الله كان خلال سنه اتصلو بيك وبلغوك بلرفض لاسامح الله ... بس اذا الاخبار مقطوعه منهم يعني انته قضيتك تحت الدراسه او يجوز بلسره لانه هوايه ملفات موجوده عدهم ... واذا تريد معلومات اكثر من الممكن ان تتصل بيهم ومن حقك تعرف وين صارت قضيتك بس بلنسبه للتاخير عادي ولاتشيل هم وان شاء الله الفرج القريب باذنه تعالى ويتصلون بيك  ..

مساء الخير جميع ..ممكن اذا اكو احد من جماعت 2010 شهر 5 مقدمين على  اليو  ان  احد اتصل بيهم .. وشكرا الكم

[keaghost]

اخي العزيز ziyadcomp نصيحتي الك ماكو غير يا عمان او سوريا او مصر هنا ما راح تمشي امورك اني رفضوني هماتين باليو ان و اني اصلا مشتغل ويه الامريكان بالعراق و متهدد و قدممت عن طريق العراق و مشى الحال اتصلو بيه وره سنتين اليو ان يكلولي انت مرفوض و اني جنت مقابل مقابلة محلف  فلاتضيع الوقت هنا اغاتي لان هنا مصعبيها بسبب الاعداد الهائلة من العراقين و القصص الخرافية و البوليسية الي جاي تعدي عليهم كل يوم

[keaghost]

اخي العزيز فايو ما تفيدة هل شي مال الفيزا قدم عليها صديقي راد يسوي نفس الشي و انرفضت كلوله العراقين الهم هسة تقديم لجوء فقط و هو كان مقدم للجوء بس راد يختصر الوقت و هسة هو بامريكا صارلة تقريبا خمس شهور بس لجوء مو فيزا و تحياتي

[keaghost]

اخونا العزيز ziyadcomp الاردن ما يدخل بيها الجواز الاس هاي شي و الشي الثاني الاردن احسن بس راح تحتاج شي يوم كامل حتى يوصل الدور مالتك بتقديم الطلب لان ازدحام بس تبقى اضمن الك من ابو ظبي

[keaghost]

اخوي و حزام ضهري اليوسفي شنو السالفة يابة وينك و الله الصفحة عالكة خلال اليومين الي غبتهم يمعودين متسوى السالفة و الفرج للجميع يا رب

[keaghost]

اختنا العزيزة Face1 ماكو غير اليو ان بالنسبة للامارات كمكان للتقديم

[keaghost]

اخوان بالنسبة للي مقدم جديد و هاي السنه لا يتوقع قبل اقل من سنة يتصلون بيه الا للحالات الحرجة ممكن يمشونه بسرعة بس بالنسبة للروتين الطبيعي من سنه و نص و شيل ايدك للتوضيح فقط

[keaghost]

الحمد لله على السلامة اخونا uae123

[uae123]

اي صح كلامك زوزو بصراحه زادت هواي اتصور هذا المكان علمود نحجي عن  الهجره مو كلام ثاني رجاءا خلونا بالمهم

[dodo3]

السلام عليكم اخوتي الافاضل
بالبدايه حمدلله على السلامه اخونا uan123 ....ونورت الجمعيه
بالنسبه الاخ hdora  انحنا مقدمين من سنه تقريبا  واتصلوا بينا وقابلنا مقابله اولى.......
وعندي ملاحظه بسيطه ارجوا  من بعض الاعضاء  الي يكتبون اقتباسات وتبريكات وملاحظات  ان يراجعوا الصفحات ويمسحون هاي المشاركات الطويله الي مابيها اي فائده وخصوصا احنا كلنا قريناها سابقا ومالها حاجه الان ....وطبعا اني اختكم اول واحده حذفت هوايه من مشاركاتي الي مو بصلب موضوعنا وهو اللجوء

اختكم ام دودو

[أبو عبدالله]

السلام عليكم جميعاً
أخوكم مقيم في الأمارات منذ 1999 ولم افكر في اللجوء من قبل والآن أفكر فيه جدياً كوني جالس بدون عمل
فالمهم أخوان بعثت أيميل للجماعة وجاوبوني بعد يومين وأرسلولي عنوانهم في البطين - أبوظبي
ورحت ثاني يوم وألتقيت بشخص عربي حتى ما كلف نفسه وكعد يشرحلي هو واكف وانطاني الفورم وكلي عبي وارسله بالبريد على صندوق البريد مال المنظمة فسألته سؤال على الفترة شكد تاخذ وقت كالي من سنتين إلى ثلاث سنوات.
فالله المستعان
والشكر موصول للجميع على ما قدموه من فائدة تعم الجميع
أخوكم أبو عبدالله

[hdore]

مرحبا حميعا. وشكرا على الرد على سؤالي  بعني الشغلة يرادلها صبر وما بيدينا غير نصبر والله كريم,,

[ziyadcomp]

شكرا جزيلا لجميع الاخوان وشكر خاص للاخ keaghost على تواصله معي .... عيني خلي احجيلكم على السريع شصار ويايه اخر المستجدات ...... خابرت كرايبي بسوريا علمود اروح اقدم على اليو ان بعد مرور بعض الوقت رجعت اتصلت بيه وكال ماكو مديشتغلون ومحد ديروح من الموظفين علمود الظروف وكال ممعلوم شوكت يرجعون يشتغلون ... بعد اسبوع او ورة العيد ممعلوم وكال من احصل خبر يكلي ... هاي جانت اولا .... ثانيا خابرت على اليو ان هنا بابو ظبي ويكلولي احنه حاطيك على السرة بس ازدحام فلا تتامل اي شي منا لبعد العيد .... يعني نطوني بنج ..... ثالثا اني دا اشتغل هسة حته اغير جواز مرتي لل أي حته اكدر اذا منا منطوني نجده اروح لعمان اقدم وبعدين انقل ملفي ولو طلبو بانه لازم يكون عندك سبب ملح حته تكدر تغير ملفك لغير دولة بس عود ندبرهة والله كريم ...... رابعا اني سابقا مشتغل وية الامريكان بس ما عندي ريكومنديشن بسبب ضياع الايميل بس الهوية بعدهة عندي  فالسؤال كالتالي : اكدر اقدم لل اي او ام بعمان مباشرة يعني ادزلهم ايميل واشرحلهم ظروفي واني مشتغل وهاي هويتي بس ماعندي ريكومنديشن واني متهدد وما اكدر ارجع للعراق ومن 2006 بعد موصلت للعراق فاكدر هيجي اسوي حته اكسب وقت لو شنو وبانتظار الجواب .... خامسا السؤال موجه للاخ keaghost وهو بانه بالعراق شلون واحد يقبلو اذا هوة متهدد وميكدر يوصل وبعدين هناك اكدي الطبه والطلعه بفلوس فممكن تشرحلنه ولو شي بسيط شلون واحد يروح ويدخل وازدحام هسة لو شنو وشكرا جزيلا للجميع

[Face1]

اختي العزيزي تام دودو
وصلت مرتين تسلمين والله يريحج وتفرحين بالجهال
مساء الخير للجميع ان شاء الله اكو اخبار الكم تسركم كلكم واني وياكم بجاه رمضان وصيامة

[ddo7]

السلام عليكم ...........

اخوان بس للفائده اني قبل اسبوع رحت لليو ان حتى اسال على الطلب مالتي فكالتلي الموضفه الموجوده انه ماكو شي جديد ومراح يصير شي الى بعد رمضان فكلت الحمد لله ورجعت واني بالطريق تحديدا يم جبل علي اتصل بيه عبد السلام وكالي لازم تجي انته وعائلتك باجر علمود رقم الفايل لمن كتله اني كنت موجود قبل شويه بالمكتب عدكم استغرب واعتذر وكلي ممكن تجي باجر فرحت ثاني يوم .......فنصيحه استمرو اسالو عله طلباتكم لان الجماعه عليهم ضغط

مع تمنياتي للجميع بالموفقيه

اخوكم ddo7

[keaghost]

اخونا العزيز ziyadcomp اذا كان عندك باج يثبت الشغل معاهم حسب نوع الباج اذا كان mnfi فتكدر تفتح ملف مباشرة بدون الذهاب اليهم و لازم يكون فترة الشغل مالتك على الاقل سنتين و بحدود الفترة من 2003 الى 2007 ما عدا هذا الشيء لازم يكون التقديم عن طريق اليو ان و اني اصلا رحت قابلت بالعراق و بعدين حولوي ملفي اول شي على عمان هنوب حولوه على الامارات من تركيا فعادي كل هل شي و ما يأثر و اني جاهز لاي استفسارات

[hdore]

تأخر منح العراقيين العاملين مع الجيش الأميركي تأشيرات بسبب مخاوف أمنية
13/07/2011 15:07
ذكرت صحيفة نيويورك تايمز في مقال لها اليوم أن المخاوف من الإرهاب في الولايات المتحدة أدت إلى وقف منح تأشيرات إلى العراقيين ومن بينهم أولئك الذين عملوا كمترجمين مع القوات الأميركية، في ظل لجوء واشنطن إلى تشديد إجراءات التدقيق في الملفات الأمنية للمتقدمين للحصول على التأشيرة.
ونسبت الصحيفة إلى منظمات أميركية معنية بالقضية القول إن تجاهل الإدارة الأميركية لتوجيهات صادرة من الكونغرس لوضع خطة طوارئ لتسريع منح التأشيرات للعراقيين الذين عملوا مع الأميركيين سيجعلهم عرضة لهجمات الجماعات المسلحة بعد انسحاب القوات الأميركية المقرر نهاية العام الجاري.
من ناحيتها، أشارت صحيفة واشنطن بوست إلى أن البرنامج الخاص بمنح 25 ألف تأشيرة دخول للعراقيين الذين عملوا مع الأميركيين لم ينل بموجبه سوى سبعة الآف عراقي تأشيرات دخول إلى الولايات المتحدة منذ بدء العمل بالبرنامج عام 2008.
ونقلت الصحيفة عن مسؤول في وزارة الخارجية قوله إن من بين أسباب التأخير في منح التأشيرات النقص في أعداد الموظفين المكلفين بإجراء المقابلات إضافة إلى الإجراءات الجديدة التي فرضتها وزارة الأمن الداخلي مؤخرا.
يشار إلى أن محكمة فدرالية في ولاية كنتاكي وجهت نهاية شهر أيار الماضي لعراقييْن مقيميْن في الولاية هما وعد رمضان علوان ومهند شريف حمادي الإتهام بارتباطهم بتنظيم القاعدة في العراق قبل قدومهم للولايات المتحدة.

نقل عن قناة الحره

[hdore]

وهذا رابط ايضا بيه مقالة مهمه جدا بخصوص السفر واجراءات التجيك الامني ما بقبل السفر..

http://www.ankawa.com/forum/index.php/topic,521824.0/topicseen.html

[حرامي الورد]

الله يجزيك كل الخير اخوية hdore على نقل الخبر .. طبعا اني شخصيا سمعتة ان شاء الله الصبر من رب العزة .. بس احساسي يكول ان شاء الله كل الخير لجميع الاخوة العراقيين الطيبين

[سوبرمان بغداد]

اشا الله الامور بخير

[keaghost]

اخوان هذا الخبر عادي و هذا الشي المتوقع و من جنت احجي بالموقع و اكول ترى نهاية هاي السنة و الي هي مع موعد انسحاب القوات الامريكية من العراق راح ينتهي تقديم طلبات اللجوء و تبقى فقط الملفات القديمة الي هم ناطيهم رقم و لهذا شددت على الاخوان الي ما عندة رقم ملف يتعجل و يحاول يمشي امورة باي طريقة كانت و من اي مكان محد صدكني و الخيرة فيما اختارها الله  و ربنا يوفق الجميع

[dodo3]

العفو اخويه المحترم keaghost
بس للتوضيح هو اللجوء عمره مراح ينسد للكل الجنسيات مفتوح  مادام موجود اظطهاد وعنصرية.... و منظمة اليو ان منظمه انسانيه عمرها متنسد وعملها مامحصور بالعراقيين ولا بقضايا اللجوء لامريكا فقط ...بس  اذا  حضرتك تقصد برنامج  ال  اي او ام برنامج يتعلق بس باللجوء الى امريكا وبالعاملين مع الامريكان
وهذا وجد لظرف خاص واكيد ينتهي بنهاية هذا الظرف
ويتوقف  العمل ب 2013  وهمه من البدايه كالوا هاي المنظمات مدتها خمس سنوات فقط للعاملين مع القوات الامريكيه ...بس بعد ماأعرف يوقفون عمل هاي المنظمه بخروج القوات الامريكيه  ...كلها يم الله سبحانه وتعالى
اختكم ام دودو

[hdore]

اخر اخبار التدقيق الامني للعراقيين في امريكا:

http://www.mustakbal.net/ArticleShow.aspx?ID=13139

مع التقدير ....



هدوري

[hdore]

هاي  الصفحة الي يدخللها يبدي يغفي شو دوم صنته .وينكم؟؟

[keaghost]

صحيح كلامك اختنا ام دودو بس هو بصورة عامة برنامج اعادة التوطين للعراقين هسة مفتوح بهاي الصورة لوقت محدد يعني خلينا نحجي صراحة ليش جانو يقبلون العراقين بهاي الطريقة على الاقل و اصلا لامريكا ما جان موجود  بالفترة قبل الاحتلال صح الكلام لو مو صح و هسة شوفي باب اليو ان بكل الدول شنو السرة مال العراقين عليه فيعني قصدي اليو ان اكيد ما راح تنسد و لا هي انتاج حصري للعراقين بس القصد شغلهم يعتمد على الضروف الي دتمر بيها البلدان و حسب الدول المانحة لاعادة التوطيم و اتفاقياتها مع منظمات حقوق الانسان حسب الاعداد الي تريدها من الدول و الضروف بالدول يعني هسة يروح سوري ينطوه لجوء على امريكا طبعا لا فلازم نطرح الموضوع بواقعية و ما نعيش بالاحلام الوردية علمود الناس تستعجل بامورها هذا قصدي و ارجو الافادة و تحياتي للجميع و مرة ثانية بالاخص للأخت ام دودو

[dodo3]

صباح الخير على كل العراقيين 
عاشت ايدك اخويه (  keaghost) على الشرح والتوضيح  والله ماقصرت ...
اني من عقبت على كلام حضرتك لان اكو بعض المتصفحين لجمعيتنا يصورون مكتب اللجوء راح ينغلق... وانت كان قصد حضرتك على العراقيين وتوطينهم للامريكا ...
وكلامك صحيح 100% لازم الواحد يستعجل ويدبر اموره والتوفيق من الله
والله يفتحها بوجهك اخويه وبوجه كل العراقيين بجاه هاي الايام المباركه
اختكم ام دودو

[ابو جنة]

اخوان السلام عليكم, عندي استفسار  قدمت على اليون من ابو ظبي العام شهر العاشر 2010 وبعد حوالي ثمن اشهر اتصلو بية وكالولي مطلوب معلومات اضافية عن شغلك ورحت قدمتة الهم,حوالي اسبوع ورجعو خابروني كلولي الكيس مالتك مرفوض,هسة سؤالي اذا الكيس مرفوض يعني اني ممقبول كلاجيء لو دولة التوطين الة شروط اني ممطابقة ,زين اذا اروح لعمان وافتح كيس جديد تمشي المسئلة لو هم يطلع الرفض لانة حكللهم اني مقدم من الامارات,واخير شي ولو طولت عليكم اذا فتحت كيس جديد باسم زوجتي بية مجال يمشي لو لا .وسلامي للجميع

[alzandawi]

خي العزيز ابو جنه بلنسبة للرفض هنانه ماعرف شنو الي يمشون عليه بس بلنسبة للروحة الى عمان اني الي اعرفه لازم تنكسل اقامتك بلامارات لانه ميقبلون انت مقيم بلد وتقدم من عمان واني احجيلك بنفسي سالتهم بس اذا عندك احد من عائلتك مشتغلل مع الامريكان اخ او اخت ابن او ابنه ممكن تقدم علة iiomمباشرة وهي منظمة الهجرة الدولية  واسال الله ان يسهل امورك ويفتحهة بوجهك

[dodo3]

اهلا وسهلا بيك اخويه ابو جنه
عيني اذا تريد تقدم الكيس باسم زوجتك لازم تكون زوجتك مو على كفالتك لازم هي الي تكون الكفيله وكافلتك وكافله الجهال  ...لان مره من الاخوان قدم باسم زوجته رفضوا لان اقامتها على زوجها
وعيني همه من رفضوك لازم ممطابق شروط  اللجوء بس لازم جان تسالهم شنو سبب الرفض
والله يسهل امرك  واحنا بالخدمه
اختك ام دودو

[keaghost]

اخونا العزيز ابو جنة نرجع و نكرر و اني كاتب على هذا الموضوع هواي لو ترجع تقرى هنا من الامارات صارت الفلترة كلش قوية لان على نهاية هاي السنة المفروض يتوقف تقديم الطلبات حسب الاتفاق بين منظمة اعادة التوطين و الحكومة الامريكية فاستعجل لروحك و روح على عمان او سوريا و قدم هناك و لا تكول انه مقدم بالامارات لان يكونو بعدهم ما عارفين لان ما عندك رقم ملف و تحياتي و اني جاهز لاي استفسارات

[أبو عبدالله]

السلام عليكم
اخوان حسب ما قرأناه خلال 12 صفحة تكون الاولوية لطالبي اللجوء للذين عملوا مع الامريكان
طيب اخوان السؤال هنا الذي لم يعمل مع الامريكان ولم يكن موجود أصلاً في العراق أثناء فترة الأحتلال
ماذا يعمل أخوان
ماذا يكتب في الطلب أنه مهجر بعثي لعبانة نفسه من الوضع الحالي
علماً انني استلمت الفورم من مكتب أبو ظبي

[Computer Engineer]

السلام عليكم
إخواني الي قابلو الوفد بشهر السادس الفات والي سوو فحص طبي هذا الشهر
اكو واحد سوه دوره تثقيفيه؟ سمعتو عن موعد سفر؟

[أبو عبدالله]

السلام عليكم
اخوي العزيز dodo3
اني موجود بالامارات من 1999 ولم اكن بعثي يوم ما وزرت العراق فقط 2004 و2010 واولادي كلهم ولادة الامارات
وحالياً بدون شغل وفكرت (بعد خراب البصرة) اقدم على اللجوء
فاستفسرت من بعض الشباب شنو الموضوع المناسب الي اكتبه في الفورم الي اخذته من UN
هل هو انه تهجير طائفي او بعثي وما اكدر ارجع للعراق ... الخ
جزيت خيراً
واتمنى عودة الحيوية للشباب وخصوصاً سباركي ويوسفي والبقية الاحباء

[dodo3]

اخويه ابو عبدالله دزيتلك رساله على الخاص
وبالمناسبه اني اختك ام دودو
وتدلل

[Face1]

صباح الخير على اخوتنا واخواتنا
جمعة مباركة وانشاء الله ايام خير على الكل
اخوتي اخواتي عندي سؤال الكم والدتي عندها اقامة لكن على كفالة اخي -يعني مو على كفالتي - اذا اريد اضيفها على ملفي ممكن لو لا الله ايديم عليكم الصحة والرزق ا

[alzandawi]

صباح الخير على الجميع اختي face1توقع يصير  بس المهم عدهة اقامة ومع ذلك اسالي بلمفوضية  خابريهم  والله يقدم الي بيه الخير

[أبو عبدالله]

السلام عليكم
جمعة مباركة عليكم أجمعين
وإن شاء الله حوائجكم مقضية بالاستعانة والتوكل عليه جل في علاه
والله يسلمج أختي أم دودو ورايتج بيضة إن شاء الله

[dodo3]

جمعه مباركه على جميع الاخوه والاخوات الله يسهل امرنا وامركم
عيني اخووووووويه المحترم ابو عبدالله تدلل والله يوفقك ويحفظك واني حاضره لاي شي..... بس اهم شي الواحد لازم يستعجل لان ميعرف شنو القرارت الي راح تصير بعد الانسحاب الامريكي
ومثل متفضل اخونا keaghost  خلي الواحد يتلاحك لروحه لان راح ينسد التوطين للعراقيين ...وبعدين نحلم اكو دوله تنطينا لجوء  خلي الواحد يستغلها والله يوفقكم جميعا
حبيبتي اختي face1 العفو مفتهمت قصد حضرتج بلكت توضحيلي اكثر عيوني.
         اختكم ام دودو

 
                         يامن بيده مقاليد الأمور و الخير كله00
اجعل لأخوتي في هذا اليوم 00
دعوة مستجابة00
ومع كل نسمة هواء كربة منزاحة00
و في كل لحظة قربة و طاعة00









             

[vaio]

تحية حب لكل الحاضرين والغائبين
كثر السؤال حول  ما اذا كنت مطابق لشروط التوطين او غير مطابق  ومرفوض .
الرفض اخواني  اما يجي من الـ(UN) او من منظمة التوطين واكو فرق كبير بين الرفض هذا وذاك .

الرفض الي يجي من الـ(UN)  هو الاهم ويشمل كل الجنسيات وكل  الحالات.والذي يبلغ بالرفض من قبل مكتب المفوضية هو الذي  افتقد احد الشروط الرئيسية الثلاث .
وهي -
1- ان تكون غادرت بلدك الام  لاسباب قاهرة تهدد حياتك وحريتك  سواء كانت  اسباب سياسية او دينية او عرقية  وغيرها .
2- ان تكون الان خارج بلدك الام .
3- ان تكون غير قادر على  الرجوع لبلدك الام  خوفا من القتل او التصفية او المضايقة او اي خطر حقيقي  للاسباب السابقة .

يعني الي يبعث قصة وما يراعي هاي الشروط الثلاثة  بالتأكيد سوف يرفض وهاي المعايير  تشمل كل شخص طالب للجوء سواء كان عراقي او  بنكالي .
اما الذي يرفض من قبل منظمة التوطين  فهذا مشكلته سهلة  نسبيا وتعني انه رفض من قبل الدولة التي  اقترحتها منظمة التوطين لانه مخالف للشروط المطلوبة .  ومن الممكن ان تطلب المنظمة توطينه في بلد اخر .

يعني هناك معايير دقيقة يعتمد عليها خبراء الامم المتحدة في تحديد المتقدم بالطلب ليتبين لهم هل هو لاجيء فعلا ام هو (مهاجر اقتصادي) والمهاجر الاقتصادي يعني واحد لوتي يريد حياة مادية واقتصادية ومعيشية  افضل له ولعائلته  وليس شخص مهدد بالانقراض.

تمنياتي لكم  جميعا بالتوفيق .

اخوكم فايـــــــــــو

[keaghost]

اخواني الاعزاء بالنسبة للي يجيلة رفض على التوطين على امريكا عادي ممكن يحولون ملفة على دولة ثانية هي كندا و استراليا و الدنمارك على ما اعتقد هاي بالنسبة للي يجيلة رفض على امريكا ممكن يحولوه على دولة ثانية من دول اعادة التوطين و تحياتي

[keaghost]

اضافة اي شخص على ملفك شي عادي حتى لو كان ليس على اقامتك و حتى لو كان ساكن في بلد اخر شي عادي و بعد السفر يمكنك سحب اربع اشخاص من افراد  و تحياتي

[keaghost]

اخونا العزيز ابو عبد الله انت جرب ولو هي شغلتك صعبة كلش لانك ماجنت بالعراق قبل الاحتلال هاي شي و داخل وراها مرتين للعراق بس انت جرب و الله كريم بس نصيحتي الك ما تعتمد هواي على السالفة و تحياتي اخوي العزيز

[keaghost]

اخواني بالنسبة للدورة التثقيفية اتصلت بيهم على تركيا و ما عدهم موعد محدد لحد هسة بس كالولي على الاكثر بعد رمضان يعني على شهر 9 و كالو انهم ينطونا خبر قبلها باسبوعين فلحد يخاف او يقلق على هاي السالفة و بعدها ما صار بيها تاخير

[keaghost]

هلا و الله باختنا العزيزة ام دودو و انشالله الله يقدرنا و نفيد الشباب باستفساراتهم و اسالتهم هاي شي و الشي الثاني راجاءا رجاءا محد يزعل من نكتب شي ما يجي على هواه لان اني بالنسبة الي من احد يسال على شي راح اجاوب بالواقع الموجود و الي دا يصير ما اعيش احد بالاحلام الوردية علمود الكل تستفاد من السؤال الي دينطرح و الشخص الي ديسال تصير عندة الامور واضحة و بنفس الوقت نتمنا للكل الموفقية و يا ربي القبول و تحياتي اخوكم المخلص keaghost

[dodo3]

ياهلا بيك اخوي العزيز keaghost منور الله يوفقك
عيني بس عندي سؤال اذا الواحد كان قبل الاحتلال خارج العراق وبعدين رجع واتعرض للقتل وسافر مره ثانيه ؟؟؟شنو يرفضوا؟ ؟؟وشنو السبب ؟؟؟ بلكت هو كان محارب من النظام السابق ومن رجع بعد الاحتلال اتهجر واتعرض للقتل ....بهاي الحاله شلون
واعرفك يااخويه متقصر لان اكو هوايه ناس تريد تستفسر عن هذا الموضوع
والف شكر لحضرتك

[hdore]

اسعد الله صباحكم جميعا .وانشاء الله تسهل كل امورنا واموركم  ,, ومشكورين على هاي المشاركات المفيده وربي يوفقكم






هدوري

[keaghost]

اختي العزيزة ام دودو كلامك صحيح و ممكن تكون هل شي صار بس لو ما كان شي واقعي مية بالمية و الواحد عايش هل شي ما راح تكدرين ترتبيها الاحداث بالشكل الي مو فقط انك راح تقنعين بيه اليو ان بس شلون راح تقنعين الوفد الامريكي هذا قصدنا و الشي الثاني اذا جان الواحد متهدد على اساس قبل الحرب اول شي راح يكلوله مع المحلف انه النظام الي انت جنت متهدد منه راح من شنو بعد تخاف ترجع للعراق فقصدنا لازم تكون شي واقعي و انا كلت ممكن الله يوفق الواحد و يجرب و ممكن تمشي الامور بس قصدنا لازم نكون بنفس الوقت واقعين مو من ينرفض الواحد يجي هنا و الله فلان جذاب و سافر و من هل حجي و تحياتنا للجميع و بالتوفيق

[أبو عبدالله]

السلام عليكم
اخوي العزيز keaghost  جزيت خيراً على المعلومات ورح نعمل بحديث (أعقلها وتوكل)
الي علينا رح نسوي والباقي متروك عند رب العزة يقدر لنا خير
سؤالي في الفقرة ل (تفاصيل السفر) مكتوب تاريخ المغادرة من العراق
شو نكتب اول مغادرة قبل الاحتلال لو بعده
والشكر موصول للأخت الغالية أم دودو

[vaio]

اضافة اي شخص على ملفك شي عادي حتى لو كان ليس على اقامتك و حتى لو كان ساكن في بلد اخر شي عادي و بعد السفر يمكنك سحب اربع اشخاص من افراد  و تحياتي

اخي  keaghost  ذكرت انه يمكن للشخص سحب اربع  اشخاص من افراد عائلته.
ولحرصنا على ان تكون اي معلومة في هذا المنتدى بعيدة عن الاعتقادات و التحليلات الشخصية

ارجو بيان مصدر المعلومة وهل مصدرها رسمي وما هو ؟ .
لان كلامك اخي قد ياخذه الاخوة والاخوات  على اعتباره حقيقة مؤكدة ويبنون عليها قرارات مصيرية . يعني واحد عنده خمس اشخاص شنو يسوي يتخلى عن احد افراد عائلته  مثلا ؟ .
وشكرا

فايــــــــــــــو

[dodo3]

اني اشكرك اخويه الفاضل ابو عبدالله
عيني انت توكل على الله والبي خير الله يقدمه ...واني والله هم شاركت بمنتدى بيت اهلنا حتى استفسر على هذا الموضوع ...ونشوف بلكت اكو احد الاخوه مار بهيجي ظرف وطبعا لفائده الجميع ...ولو اخونا keaghost مقصر وكل كلامه صحيح  .... بس الواحد يحاول ...وكل واحد وظروفه وفصته وكلشي جائز
والله يوفق الكل
اكلكم شنو قصه عبد السلام اشو ماكو كلما نخابر عليه يكولون وره العيد يجي لازم عنده عطله

[hdore]

مرحبا اخواني اخواتي /عبد السلام نازل اجازة سنوية بتأريخ 13/6 والله اعلم متى يرجع. لان انا قابلته 11/6 وخبرني بعد بكرة نازل اجازة.. وسلامي الكم




هدوري

[am ali]

مساء الخير اخواني واخواتي .
هذاك الاسبوع اتصلنه بالمنظمه وتكلمنه مع عبد السلام وكال اسبوع القادم حروح فيكيشن وارجع وره العيد وكال الاسبوع القادم حروح لان مدام مي ومدام نسرين تخلص اجازتهم يوم 20 تموز الي هو الاثنين الفات لذلك هو المفروض هس راح ويرجع وره العيد
وانشاء الله نسمع اخبار حلوه للجميع بايام المقبله

[keaghost]

اخونا العزيز hdore و شنو يعني عبد السلام نازل اجازة ليش هو شنو قابل مدير اليو ان اشاقى وياك بس و تقبلو تحياتي

[keaghost]

حبيبي ابو عبد الله الورد اني كتلك انت توكل على الله و خليها يم ربك حبيبنا تكتب تاريخ اخر مغادرة الك من العراق

[keaghost]

اخوية العزيز فايو عن المعلومة الي كتبتها فهي من المنظمة نفسها هو البرنامج عندياه كله و شنو الك مستحقات و شنو عليك اما بالنسبة للمعلومة الي كتبتها انه للشخص اله حق يسحب اربعة فهو تكون من الدرجة الثانية و الثالثة الي هم الاخوان و اولاد الاخوان من هل حجي بس للشخص من يفتح ملف اول شي يكدر يسحب العدد الي مسجلة وياه بالفايل حتى لو كانو مية ههههههه و لو ما اتوقع واحد حتى مخلف عشرة و تحياتي الكم

[vaio]

اخي انا بصدد تحديد الاربعة من وين جيته انا اعتقد ماكو اي تحديد سواء كان القريب من الدرجة الاولى او العاشرة   وانت تكول  المصدر هو المنظمة .اي منظمة تقصد  وياريت تكتبنا رابط المعلومة اذا سمحت
وشكرا

[keaghost]

حبيبنا منظمة iom و الي طبعا هي نفس البرنامج الي تمشي عليه icmc لان احنا اصلا مشتغلين وياهم و عندي صديقي يشتغل بالمنظمة بالعراق انطاني الاوراق الي بيها كل التفاصل هو انت من تقدم اول تقديم شكد ما تسحب على فايلك عادي بس بعدين من تسافر و تريد تسحب ناس على ملفك انتبه لهاي الشغلة مو على كفالتك لا على قضيتك الك حق تسحب اربعة فقط و هاي معلومات اكيدة مية بالمية

[vaio]

اخونا حسب علمي ماكو منظمة (iom) بالعراق . هذا شي  والشي الاخر ان اي تفاصيل  تخص هذا الموضوع لاي منظمة كانت  لابد من ان تكون منشورة في موقع  رسمي او تكون في مطبوع رسمي والا هاي المعلومات  هي ليست اسرار  تعطيها لناس وتمنعها من اخرين .

انا  الحيت بموضوع الابعة فقط لانها مثل من الامثلة التي تعتبر معلومات  شخصية وليس لها مصدر رسمي  (يعني رابط . كتاب رسمي . مطبوع . بروشور  توضيحي . او اي مصدر يكون رسمي )  اما  قال  لي صديقي او سمعت فلان فهذه طريقة لا اعتقد انها لائقة خصوصا انت جاي تتكلم بموضوع اجراء  يعني لو الموضوع والله  السيد عبد السلام  سافر  رجع  كالولي كذا كالولي كذا هاي كلها المعلومات مفيدة ومقبولة وما نحتاج بيها مصدر رسمي . بس الاشياء الي هية تدخل في ضمن تفاصيل الاجراءآت  بالتاكيد تحتاج مصدر رسمي . انا مو  اريد اكذبك اخي العزيز  لا ابدا بس اريد اكلك اذا مشينا على هذه الطريقة  واعتمدناها  الف واحد غير شخصك الكريم راح يدخل ويحط قوانين بكيفه وتضيع  الفكرة من المنتدى كله  وتصير كل المعلومات الي موجودة سواء كانت صحيح او غير صحيحة هي مشكوك بأمرها .
ارجو التفهم بشكل جيد لمصلحة جميع الاخوة والاخوات .

فايـــــــــــــــو

[uae123]

اخ فايو لعد الناس الي جاي تقابل بالعراق وين جاي تروح تقابل ياريت تقلي شنو اسم المنظمه الي جاي تروحله لان احنا لما رحنا قبل سنه وسوينا اول مقابله اسمها اي او ام بس ما اعرف اذا غيرو هسه اسمها

[alzandawi]

الاخ فايو معلوماتك الظاهر قديمة واذا متعرف بمنظمة الom فتلك مصيبة واذا مسامع بيهة فلمصيبة اعظم  منظمة iom هي منظمة الهجرة الدولية الي تتعامل مع كافة المنظمات ومن ضمنهة الun يعني الي يريد يطلع لجوء اكيد حيتحول على الiiom وبلنسبة للتقديم عليهة يكون مباشر بس طبعا مو لياهو الجان بس للمشتغلين مع القوات الامريكية او شركات امريكية والي يحق الهم التقديم عليهة ايظا  اقارب المتعاقدين مع الجهات الامريكة  يعني اخ اخت  زوج زوجة ام اب  يعني تقدر تاخذ وياك كل اخوتك وخواتك  وامك وابوك وابنائك وبناتك ومثل مذكر الاخ هاية المنظمة  ديطلعون عليهة معظم الاجئين من العراق مباشرة ومن سوريا والاردن ولبنان ومصر  يعني اجراءاتهة سريعة ولو بلفترة الاخير ة هم صار تاخير بسبب الامنية  بس انشاء الله على الفترة الجاية يسرعون بيهة واتمنى ان وصلت الفكره

[keaghost]

زين و الله اخوي ال alzandawi عندك معلومات و الله كلامك صحيح اذا الواحد ما عارف شنو هي ال iom فهاي مصيبة لو بس جاين احنى هنا نكتب و عايشين على الاحلام الوردية لهذا اشوف الشباب ما عندهم سيرة غير اليو ان عبالهم اليو ان هي الي جاي تسفرهم ما يدرون انه اليو ان عليهم فقط عمل الفايلات و المقابلات و الموافقات كلها تجي من منظمات اعادة التوطين يا اخوان رجاءا كونو عارفين شنو السالفة مو بس فالحين لازكيلي شكال عبد السلام و شكالت مدام مي و السالفة ترى اكبر منهم و هم شغلتهم يوصون شنو الموضوع الكم و بس و تحياتي

[keaghost]

و مو كل شي بيه لنك او مكتوب على النت على العموم اني حبيت الافادة حتى الي معارف المعلومة يعرفها لان بالاول و الاخير كل المنظمات سواء iomاو icmc راح تكون متساوية بالنتيجة و الي ما عجبتة المعلومة او ما مقتنع بيها خلاص و لا كأنه سمعها و لا قراها

[alzandawi]

الخ العزيز كيج هوست يعني الا اي او ام بس عن طريق النت حولوك مسوو وياك اي مقابلة رئسا على التركية  وانت بلة زحمة من بغداد يعني مباشر راسلتهم لو على عمان  شاكر الك اخوية

[keaghost]

اخوية العزيز alzandawi بالنسبة لل iom موجودة بالعراق و بعمان و بمصر بس و المكتب الرئيسي بعمان مالتهم ادزلهم كل اوراقك او شنو صاير وياك على اميلهم  و خلال فترة بين الشهرين الى الست اشهر يرجعولك اميل ينطوك بيه رقم الملف و موعد مقابلتك مع المنظمة و اني قابلت و قدمت عن طريق بغداد

[hdore]

يابه هي هاي الصفحة والصفحات الاخرى بالمنتديات ... مثل صندوق المقترحات يعني كلمن ينطي رأيه وكلمن يكول الي يعرفة ويبقى اي واحد يدخل جديد لهاي الصفحة او عضوا يقراء المشاركة ويترحملكم . وان فادته خيرا على خير وان مفادتة فهو اول وتالي راح يرجع للمنظمة يأمى يسأل عبدالسلام او الست مي او الموظفين الباقين.. فيا اخوان كولوا يا الله وقلبوا صفحة وياريت ياريت من الكل وبدون تحديد اسم (ان تمسحون كل مشاركة بيها مساس للاخرين او بيه سمعى مو حلوه لاسامح الله للعراقيين)
لان صدكوني اني بنفسي سمعتها من نسرين الي تعمل بل  يو  ان اتكلي انتوا شتكتبون العراقيين بالمنتديات (وتهز بأيدها طبعا ) يعني اتكولها بستهزاء .. وهاي بقت يمكم,,,



هدوري

[Zozzz]

باسم جمعيتنا نشكر اختنه العزيزه انجي لزيارتها لجمعيتنا ومسح التعليقات الغير لائقه

[angie-dawood]

العفو ماسويت شي المفروض تبلغوني من اول بداية الردود المهم لازم اخصص وقت ابدي من الصفحة الاولى واشوف الردود اي رد يكون خارج مضمون الموضوع احذفه والرجاء منكم جميعا مساعدتي من تشوفون اي رد بيه نوع من الاستهزاء او التكذيب والكلام الغير الائق ارجو ان تبلغوني فورا بارسال رسالة على الخاص والشكر للجميع على روح المحبة والتعاون وانشاءلله التوفيق والسفر القريب للجميع

[Zozzz]

تدللين واخت عزيزه

[hdore]

مشكورة اختنا الكريمة (انجي )وربي يوفقك واني ترى قريت كل ال12 صفحة الي مضت ولتعبين نفسك وتبدين من الاول ابدي من الصفحة ال 6 وانت راح اتعرفين شنوا المشاركات الي بيها تجاوز .. وربي يوفقك وانشاء الله نبدي صفحة جديدة وربنا الي يوفق....


هدوري

[Face1]

مساء الخير اخوتي الغالين
رمضان كريم وان شاء الله السفر لكل خير
مرحبا باختنا سلافة الله ايسر امرج
اخوتي الاعزاء
هل بكرة اليو ان فاتحة ؟ هل ست مي والست نسرين موجودين او ايا منهما؟
انا اريد اذهاب الى اليون ومعي الحجية لاضافتها على ملفي وهية سيدة طاعنة بالسن ومريضة
انا اتصلت عليهم ولم يردو سلامي

[Zozzz]

أختي Face1
اني افضل ان تتصلين بيهم الصبح وان تتكلمين مع الخوات ومراح اتصور يقصرون وياج احسن من ما تاخذين الحجيه وياج وتبهذليها اخذي موعد منهم احسن وافضل قبل ماتروحين ....والخير فيما يختار الله ....ماتصور اكو شي الباجر يخليهم مموجودين ولا اتصور اكو عطله! بلعكس الباجر اربعاء وحسب علمي الاثنين والاربعاء يستقبلون المراجعين وان شاء الله مكضيه شغلتج وتبشرينا ....

[Face1]

شكرا شكرا شكرا دائما ردودك سريعة الله يفرحك قبل بداية رمضان بحق الواسع العظيم
من فمك الى باب السماء بحق هو القادر المقتدر ويفرجلك اليوم قبل باجر الله ايريح بالك وبال كل محتار

[سوبرمان بغداد]

السلام عليكم

اخوان اللي قابلوا المحلفين ويانا. ماكو خبر عن الدورة التثقيفية؟؟

[احمد]

اني قابلت المحلفين بشهر ال6 وسوينةفحص طبي
ولحد هسةماكو خبر منو سوة ويانا مقابلات ماكو مقابلات ولاردولكم جواب علة الموافقة الامنية مردوا لاحد جواب علموافقة الامنية ممكن تفيدوني رجااااااااءا والله دننتظر
نريد نعرف شوكت السفر اي شهر والله تعبنة من الوضع

[احمد]

ممكن تردولنة
ماعدكم
خبر شوكت موعد المحاضرات السفر الموافقة الامنيةطولت ومردولنة خبر الله يخليكم مردو احدخبر علموافقة الامنية

[vaio]

اخونا العزيزاحمد

عليك بالصبر انت الحمد لله في نهاية الطريق  وان كان الانتظار صعب عليك لكن تأكد هو اصعب على غيرك الذين لم يصلو حتى الى منتصف  الطريق .

خصوصا وانك لم  تنهي مقابلتك الاخيرة  الا بالشهر الماضي  فصبرا جميلا يا اخي  وربنا يهدئ من روعك  ويسهل امرك ويعجل بالفرج عليك وعلى عائلتك .

هذا شهر استجابة الدعاء  فأغتنم  قربك من الله عز وجل بالدعاء ونحن  ايضا ندعو لك ان شاء الله .
تمنياتنا لك بالتوفيق القريب .


اخوك فايــــو

[سوبرمان بغداد]

حبيبي حمودي بعد وين و وين

ادعي من الله يسهلها و تمشي الامور بخير

المهم هسه اكو احد من المقابلين ويانه خابروا الكفيل مالته؟؟؟؟؟

[vaio]

اختنا العزيزة  سولافة

 بارك الله بك  وان شاء الله لا يكون اي زعل  .

اخت عزيزة  ولك حق لا يقل عن اي احد فينا  في هذا المنتدى . 
 
وشكرا على المساهمة القيمة .
 
 فايـــــــو

[omarsami]

حبيبي حمودي بعد وين و وين

ادعي من الله يسهلها و تمشي الامور بخير

المهم هسه اكو احد من المقابلين ويانه خابروا الكفيل مالته؟؟؟؟؟

اخونا ساحر بغداد شلونك عيني انشاء اللة بخير وانشاء الحجي والحجية بخير
خوية ماكو خبر عندك اشو ذولة ضربوها سنطة

[uae123]

صباح الخير والله كلشي ماكو لحد هسه صنته انشاءالله خير بس اتصور تكون الدوره برمضان وانشاءالله خير

[سوبرمان بغداد]

اخوية عموري كلشي ماكو
لا خبر لا جفية لا حامض حلو لا شربت
 

[سوبرمان بغداد]

اخوية uae123
اني حجيت ويه عبد السلام تقريبا يوم 18 بالشهر و كال الدورة لو قبل رمضان او بعده مباشرة

حتى كتله اخاف بنص رمضان تسووها جاوبني لا

و الله اعلم حسب قوله طبعا بس حجية مو اكيد لازم نتصل باهل ال icmc لان هو همينه كال الكلمه الاخيرة عدهم

[غريب على الخليج]

السلام عليكم ..اخوان احنا مقدمين على siv و على iom من الامارات وقابلنا القنصل الامريكي بالنسبة لل siv وداننتظر الفيزا صارلنا 5شهور وال iom كملنا الفحص ومقابلة المحلفيين ..بس صارت شغلتيين دوختنا اثنينهم دا يسألوون اكثر من مرة على الايملات مالتنا وارقام هواتفنا ؟؟؟ّ!!!! لييش ماادري الظاهر دايصير مراقبة على الايميلات والهواتف للتجييك الامني مثل ماتفضلتوا؟؟؟صارت وياكم هالسالفة لو لا؟

[hdore]

مرحبا شباب كيف الحال  البارحة رحت على  UN داسأل اذا اكو شيء جديد ,, وكلولي ماكو داعي تجي لان مصار شيء جديد ورجعنا على الفاظي, وصار كملنا سنة وشهرين والحبل على الجرار ,,,,,

[Face1]

صباح الخير لكل الطيبين
البارحة رحت للمنظمة والسيدة مي كالت ممكن تضيفيها على ملفك اكدت عليها انو الوالدة ليست على كفالتي كالت المهم عدها اقامة واقامتها سارية المفعول
نطتني فورم جديد وكالت عبي من جديد ونحسبة من تاريخ تقديمج الاول وكتبي كل الاحداث اللي مريتو بيها انت والوالدة ورفقي اوراق مرضها
فانا اشكر الله عز وجل على هذه الفسحة الصغيرة من الامل واتمنى النجاح لكل خير
وشكر عميق للست مي وارجو من الله ان يسدد خطاها للخير ومساعدة كل مظلوم
شكرا لكل دواتكم المستجابة لان الست مي كانت متعاونة جدا جدا ونصحتني الله ايفرج لكل متضرر
رمضان كريم
يا اخوان بالله عليكم نحن في محنة والمنتدى للافادة وليس للسباق ومدام هناك من هو لديه علم بشيء ليقدمه ليس هناك معرفة احد قبل احد الكل ديراجع اما اليو ان او iom وكل جهة عدها قوانينها وكل حالة والها وضعها يا عيني استهدو بالرحمن  اختكم Face1

[Zozzz]

السلام عليكم

اختي العزيزة face1 مبروك عله الاخبار المفرحه وان شاء الله السفر القريب ....

[Face1]

صباح الخير اخوية العزيز زوزو
شكرا الك والله يفتحها على الكل وييسر للجميع دعائي للجميع بطول البال وحسن الصبر ويسفركم النتم القدماء كلكم شلع حتى يصير اكو مجال للقدماء الجدد من سنا وفوك لان هذولة هم يعتبرون قدماء وجدد 
بالله عليكم تستهدون بالرحمن سلامي

[vaio]

شكر كبير  لاخواتنا العزيزيات  الاخت العزيزة face1 والاخت العزيزة سولافة .


انتم الخير والبركة ان شاء الله وربنا يبارك بيكم جميعا  ويجعل عليكم  شهر رمضان شهر عطاء ومحبة ويقضي فيه حوائجكم  جميعا .


انا  تحت امركن اخواتي




اخوكم فايـــــــــو

[أبو عبدالله]

السلام عليكم
الحمد لله والصلاة والسلام على محمد بن عبدالله والآل الأطهار والصحب الكرام
اخوان انا العمر ساعة وأعمار أمة الحبيب بين 50-60 عام فأجعلها طاعة
وفلا أدري مال بالنا نتقاتل فيما بيننا فلعز أو لجاه أو لسمعة زائفة والكيس من أتعظ بغيره
يا أخوان الله يحفظكم فلنحسن الظن فيما بيننا وليعذر بعضنا البعض ولنلتمس لبعضنا البعض الأعذار
ولنأخذ كلام الأخوة على محمل الخير لا على محمل الشر
والله يا أخوان لو نظرنا الى تكاتف الجاليات العربية مثل السودان مع بعضهم البعض وقت الازمات لرفعنا لهم القبعات بالرغم من احدهم لا يعرف الاخر الا كونه من جنس بلده.
ويكفيكم أنتم أنكم عراقيين
أخوكم أبو عبدالله

[hdore]

ربي يوفقك ابو عبدالله وهذا ما نحاول الوصله لهٌ .والله يقدرنا للوصل اليه

[hdore]

شكرا لكل الاخوه والاخوات على تصفية القلوب وبدء صفحة جديدة  ونخص منهم الاخ keaghost والاخ  vaio  والاخ Zozzz  وانشاء الله تبقون مصباح يضيء صفحتنا هذه // وكل عام وانتم بخير   ورمضان كريم على كل العراقيين

[Zozzz]

السلام عليكم
نشكر اختنا العزيزه انجي لتخصيص جزء من وقتها لمسح وتعديل جزء من التعليقات الغير مبررة وكذلك لتهدئة النفوس بين الاعضاء الكرام وعسى الله ان يهدينا جميعا

واشكر الاخ او الاخت هدوري واقول لك انتو المصابيح     والجمعيه منوره بنوركم
ابو عبد الله الورد نورتنه بمشاركاتك
اخويه الورده فايو تحيه الك ياطيب
 اخت عزيزه face1 وان شاء تتيسر امورج ويخليلج الوالدة

والاخوان جميعا ارجوا ان ميزعلون مني اذا مذكرت اساميهم

اخوان بلنسبه الي والله ماعدي اي شي ويه اي احد الله الشاهد وكلكم اخوان وخوات اعزاء    والله يسهلها عل كل
وكل رمضان انتو بخير

[ملك الحيرة]

ابو الزوز شخبارك حبيبي

السلام عليكم
نشكر اختنا العزيزه انجي لتخصيص جزء من وقتها لمسح وتعديل جزء من التعليقات الغير مبررة وكذلك لتهدئة النفوس بين الاعضاء الكرام وعسى الله ان يهدينا جميعا

واشكر الاخ او الاخت هدوري واقول لك انتو المصابيح     والجمعيه منوره بنوركم
ابو عبد الله الورد نورتنه بمشاركاتك
اخويه الورده فايو تحيه الك ياطيب
 اخت عزيزه face1 وان شاء تتيسر امورج ويخليلج الوالدة

والاخوان جميعا ارجوا ان ميزعلون مني اذا مذكرت اساميهم

اخوان بلنسبه الي والله ماعدي اي شي ويه اي احد الله الشاهد وكلكم اخوان وخوات اعزاء    والله يسهلها عل كل
وكل رمضان انتو بخير

[Zozzz]

عيوني ملك الحيرة

اهلا وسهلا بيك وشرفتنا بطلتك ياورد شخبارك ان شاء الله الامور يمك ماشيه ومرتاح ومستقر شخبار امريكا وياك ان شاء الله بخير سلامي وتحياتي الك وللعائلة الكريمة

[سوبرمان بغداد]

مشتاقين ملك الحيرة اخبارك

انشا الله امورك طيبة و مستقر

ياريت تخبرنا عن امريكا بعد هذه الفترة شلونها الامور

[ملك الحيرة]

ابو الزوز ،، سوبرمان الغالين وكل الاخوان الاعزاء

مستقرين رغم انه الشغل قليل بس الي يدور يلكه والفرص لليتحرك موجوده .. اهم شي لا تجديد اقامة  ولا كل يوم فلم هندي

بالي يمكم وانشاءالله تسهل الامور ونلتقي بيكم

[keaghost]

رمضان كريم على الكل و انشالله يكون شهر خير و بركة عليكم يا رب و تتسهل كل اموركم

[ملك الحيرة]

دعائي للكل بشهر الخير والغفران ان يسهل امركم ويوفقكم واخص اخوي الغالي فايو بالدعاء وارجو ان يسامحني اذا غفلت عن رسائله السابقة

[alzandawi]

بارك عليكم الشهر الفضيل  يارب شهر خير وبركه ورزق وعتق من النار وشهر فرج على الجميع ومبارك عليك اخونة كيج هوست وعلى كل الاخوات والاخوة الطيبيبن وانشاء الله يعود علي الجميع بلخير والبركه والصحة والعافية اخوكم الزنداو

[vaio]

دعائي للكل بشهر الخير والغفران ان يسهل امركم ويوفقكم واخص اخوي الغالي فايو بالدعاء وارجو ان يسامحني اذا غفلت عن رسائله السابقة

الف تحية وسلام لاخي العزيز ملك الحيرة وربنا يبارك بيك  وينور طريقك  ويصل بك الى غاية المراد بحق محمد وآل بيته وبحق  هذا الشهر الكريم .

[vaio]

أللَّهُمَّ إنِّي أَسْأَلُكَ بِحَقِّ هَذَا الشَّهْرِ، وَبِحَقِّ مَنْ تَعَبَّدَ لَكَ فِيهِ مِنِ ابْتِدَائِهِ إلَى وَقْتِ فَنَائِهِ . مِنْ مَلَك قَرَّبْتَهُ أَوْ نَبِيٍّ أَرْسَلْتَهُ أَوْ عَبْد صَالِح اخْتَصَصْتَهُ أَنْ تُصَلِّيَ عَلَى مُحَمَّد وَآلِهِ،  وَأَهِّلْنَا فِيهِ لِمَا وَعَدْتَ أَوْلِياءَكَ مِنْ كَرَامَتِكَ، وَأَوْجِبْ لَنَا فِيهِ مَا أَوْجَبْتَ لأِهْلِ الْمُبَالَغَةِ فِي طَاعَتِكَ، وَاجْعَلْنَا فِي نَظْمِ مَنِ اسْتَحَقَّ الرَّفِيْعَ الأعْلَى بِرَحْمَتِكَ. أللَّهُمَّ صَلِّ عَلَى مُحَمَّد وَآلِهِ، وَإذَا كَانَ لَكَ فِيْ كُلِّ لَيْلَة مِنْ لَيَالِيْ شَهْرِنَا هَذَا رِقَابٌ يُعْتِقُهَا عَفْوُكَ أَوْ يَهَبُهَا صَفْحُكَ فَاجْعَلْ رِقَابَنَا مِنْ تِلْكَ الرِّقَابِ وَاجْعَلْنَا لِشَهْرِنَا مِنْ خَيْرِ أَهْل وَأَصْحَاب. أللَّهُمَّ صَلِّ عَلَى مُحَمَّد وَآلِهِ وَامْحَقْ ذُنُوبَنَا مَعَ امِّحاقِ هِلاَلِهِ وَاسْلَخْ عَنَّا تَبِعَاتِنَا مَعَ انْسِلاَخِ أَيَّامِهِ حَتَّى يَنْقَضِي عَنَّا وَقَدْ صَفَّيْتَنَا فِيهِ مِنَ الْخَطِيئاتِ، وَأَخْلَصْتَنَا فِيهِ مِنَ السَّيِّئاتِ. أللَّهُمَّ صَلِّ عَلَى مُحَمَّد وَآلِهِ، وَأَعِنَّا فِي نَهَـارِهِ عَلَى صِيَـامِـهِ، وَفِي لَيْلِهِ عَلَى الصَّـلاَةِ وَالتَّضَرُّعِ إلَيْكَ وَالخُشُوعِ لَكَ، وَالذِّلَّةِ بَيْنَ يَدَيْكَ حَتَّى لا يَشْهَدَ نَهَارُهُ عَلَيْنَا بِغَفْلَة، وَلا لَيْلُهُ بِتَفْرِيط. أللَّهُمَّ وَاجْعَلْنَا فِي سَائِرِ الشُّهُورِ وَالأَيَّامِ كَذَلِكَ مَا عَمَّرْتَنَا. أللَّهُمَّ صَلِّ عَلَى مُحَمَّد وَآلِهِ، فِي كُلِّ وَقْت وَكُلِّ أَوَان وَعَلَى كُـلِّ حَال عَـدَدَ مَا صَلَّيْتَ عَلَى مَنْ صَلَّيْتَ عَلَيْهِ، وَأَضْعَافَ ذَلِكَ كُلِّهِ بِالاضْعافِ الَّتِي لا يُحْصِيهَا غَيْرُكَ، إنَّكَ فَعَّالٌ لِمَا تُرِيدُ.

نبارك لكم جميعا حلول شهر رمضان .

اخوكم فايــــــــــــو

[سوبرمان بغداد]

رمضان كريم و كل عام و انتم بالف خير

اخوكم سوبرمان بغداد

[hdore]

اللهم صلي وسلام وبارك على سدينا محمد وعلى اله وصحبه وسلم ,, وكل عام وانتم بالف خير .. ورمضان مبارك عليكم وعلى الامة الاسلامية جمعاء ,,, وربي يتقبل اعمالكم


هدوري

[شجرة الدر]

السلام عليكم جميعا ورمضان كريم عالجميع اخواني الاعزاء والله يفرج عليكم جميعا يارب عن قريب ونسمع باحلى خبر وهو مواعيد سفركم القريب اخواني معقوله شنو اللي يسوى بهاي الدنيا غير الاخوه والمحبه ومساعدة الغير اللي تعودنا عليها من منتدانا الراقي منتدى العائلة العراقيه المتحابه اللي ما يفرقنا شيئ بأذن الله ابدا يعني اغيب فتره لظرف طارئ اجي القى كثير امور متغيره اخوان باسم جمعيتنا نرحب بالاعضاء الجدد ونقول لهم اهلا وسهلا بكم بيننا واحب اوجه كلمه للجميع وبدون زعل ويمكن تتضايقون مني او تكولون شلون اخذت الحق بالكلام معنا او توجيه كلمه لنا بس انا من باب الحرص على جمعيتنا الموقرة وديمومة استمراريتها رجاءا رجاءا لا احد يكتب موضوع ما واثق منه وما متأكد ويحبط الاعضاء المنتظرين واللي يتكلم يكول كلمة حق اويسكت ويستفيد من الموجود والنصائح الموثقه في المنتدى مو الا يضيف او يعلق بتعليقات ليس لها معنى ويخرج عن اطار الموضوع الرئيسي واللي يريد يقضي وقت  موجود قسم الدردشه يقضي وقت بي ورجاءا بدون مشاكل وهتافات شويه عيشوا الواقع وتعاملوا بموضوعيه مع الامر

وانا بدوري باسمي وباسم جمعيتنا اشكر اختنا الغاليه واداريتنا العزيزه انجي على دخولها ووضع حد لكل شي والله يوفق الجميع
سلام خاص للاخ الكريم فايوووووووووو ولاخ الغالي ابو الزووووووووووز
اختكم شجرة الدر

[Zozzz]

السلام عليكم

اختي العزيزة شجرة الدر  تحيه الج ونورتي الجمعيه والله الج وحشه ..وحمد لله عله سلامتج وماتشوفين شر .... ان شاء الله ان تكونين مرتاحه وموفقه انتي والعائله الكريمه وشكرا جزيلا عله رسالتج وتعليقج بلعام وكذلك بلخاص والله يوفقج ويسهل امرج وكذلك لجميع الاخوان والخوات بحق هذا الشهر الفضيل...ولاتحرمينا من طلتج علينه وجزاج الله الف خير

[شجرة الدر]

الله يسلمكم يارب من كل مكروه جميعا ويحقق كل امانيكم وتوصلون بسرعه رغم المعاناة بس لمستقبل الاولاد والعائله والاستقرار والتضحية عنوان العراقيين والصفه الملازمه لهم لاجل اولادهم وعوائلهم واخي الكريم كما يقال لاجل عين الف عين تكرم وتقبلوا تحياتي اختكم شجرة الدر

[ܓღ أنجـــــي ღܓ]

السلام عليكم جميعا ورمضان كريم عالجميع اخواني الاعزاء والله يفرج عليكم جميعا يارب عن قريب ونسمع باحلى خبر وهو مواعيد سفركم القريب اخواني معقوله شنو اللي يسوى بهاي الدنيا غير الاخوه والمحبه ومساعدة الغير اللي تعودنا عليها من منتدانا الراقي منتدى العائلة العراقيه المتحابه اللي ما يفرقنا شيئ بأذن الله ابدا يعني اغيب فتره لظرف طارئ اجي القى كثير امور متغيره اخوان باسم جمعيتنا نرحب بالاعضاء الجدد ونقول لهم اهلا وسهلا بكم بيننا واحب اوجه كلمه للجميع وبدون زعل ويمكن تتضايقون مني او تكولون شلون اخذت الحق بالكلام معنا او توجيه كلمه لنا بس انا من باب الحرص على جمعيتنا الموقرة وديمومة استمراريتها رجاءا رجاءا لا احد يكتب موضوع ما واثق منه وما متأكد ويحبط الاعضاء المنتظرين واللي يتكلم يكول كلمة حق اويسكت ويستفيد من الموجود والنصائح الموثقه في المنتدى مو الا يضيف او يعلق بتعليقات ليس لها معنى ويخرج عن اطار الموضوع الرئيسي واللي يريد يقضي وقت  موجود قسم الدردشه يقضي وقت بي ورجاءا بدون مشاكل وهتافات شويه عيشوا الواقع وتعاملوا بموضوعيه مع الامر

وانا بدوري باسمي وباسم جمعيتنا اشكر اختنا الغاليه واداريتنا العزيزه انجي على دخولها ووضع حد لكل شي والله يوفق الجميع
سلام خاص للاخ الكريم فايوووووووووو ولاخ الغالي ابو الزووووووووووز
اختكم شجرة الدر

هلا وغلا منوره المنتدى والجمعية كيفك حبي عاش من سمع صوتك انشاءلله تكوني بخير انتي والعائلة مشتاقة لاخبارك عسى ربي دوم بخير ورمضان مبارك عليج وعلى كل الاخوة والاخوات المشاركين بهذة الجمعية انشاءلله صيام مقبول وانشاءلله القبول والسفر القريب للجميع ربي يكون دائما معكم بكل خطواتكم وكل عام وكل صيام والجميع بالف خير

[شجرة الدر]

الله محيك حبيبتي انجي ومليون هلا بيك والله مشتاقتلك هووووووووووووواااااااااايه فوك ماتتصورين والله يسلمج حبيبي ورمضان كريم عالجميع بس والله عذريني هسه اتصلك ان شالله وابلغك باللي صار معي وانت اكيد ادرى بوضع الحياة هنا وصعوبتها المهم مااريد اشيلك همي كافي هموم المنتدى والناس والاهل عليك كيف احوال الوالده والاهل ان شالله تكونون بالف خير يارب سلامي وقبلاتي لك حبي اختك شجرة الدر

[alzandawi]

تحية طيبة اخت انجي ونشكرج على التهنئة بمناسبة شهر رمضان وانشاء الخير على الجميع وبارك الله بيج  وادامج لفعل الخير ياطيبة

[vaio]

الاخت العزيزة شجرة الدر
رمضان كريم عليك وعلى كل عائلتك وعسى الله ان يمن عليكم بالصحة والسلامة وان ينولكم الشهر ويقضي فيه حوائجكم ويدفع عنكم ما  تحذرون  ويثيبكم  فيه من كل خير اثاب به المؤمنين والمؤمنات .
لقد نورتي  لنا الجمعية بوجودك من جديد واملنا ان تبقى  دائمة النور بوجودك .ان مشكلة عدم تقبل الاخرين وعدم التعايش معهم هي سبب كل مشاكلنا  في المنتدى وفي العراق ايضا  لان ما يحصل هناك ينعكس هنا .فهو   عالم بامور الهجرة والباقين جهلاء وهو العراقي الاصيل وغيره عملاء وهو المتدين القريب من الله وغيره كفرة وهو العاقل  وغيره البلهاء . الا يعلم ان اثبات الشيء لا ينفي ما سواه ؟؟. وكلنا عراقيين وكلنا اصلاء ؟.اللهم بحق هذا الشهر الف قلوب العراقيين يا رب.
 
اختي العزيزة  دعائنا لكم بزوال الكرب وحلول الفرج  بحق شهر الله  العظيم شهر رمضان المبارك ودمتي اخت عزيزة وكريمة في منتداكي.

اخوك  فايـــــــــــــــــــــو

[ابو الغيره]

كل عام وانتي بالف خير اختنا شجره الدر انشالله رمضان مبارك عليكم وعلينا
وأختي شجره خير الناس من نفع الناس  وكلنا اهنا اخوه وانشالله ماكو اي مشكله

قال
( الإمام علي رضي الله عنه) أعجز الناس من عجز عن كسب الإخوان، وأعجز منه من ضيع من ظفر به )).
اللهم صل على محمد وال محمد
وكل عام والجميع بخير

                              ابو الغيره

[سوبرمان بغداد]

السلام عليكم
مشتاقين شجرة الدر و انشا الله اموركم تمشي بخير انت و ملك الحيرة. حبيت اسأل على الدورة التثقيفية شنو التفاصيل مالتها. يار يت تحجولنا بعض التفاصيل عنها. و بالمناسبة ممكن تخبرونا شنو فلم الامنية. لان حسب ما دا اقره بالمنتدى اكو الامنية اللي نعرفها و اكو امنية ما قبل السفر؟
و اذا اتصلوا بالكفيل يعني هذا الامنية الاولى اوكي مشت؟

و شكرا

[MohdS]

السلام عليكم
مشتاقين شجرة الدر و انشا الله اموركم تمشي بخير انت و ملك الحيرة. حبيت اسأل على الدورة التثقيفية شنو التفاصيل مالتها. يار يت تحجولنا بعض التفاصيل عنها. و بالمناسبة ممكن تخبرونا شنو فلم الامنية. لان حسب ما دا اقره بالمنتدى اكو الامنية اللي نعرفها و اكو امنية ما قبل السفر؟
و اذا اتصلوا بالكفيل يعني هذا الامنية الاولى اوكي مشت؟

و شكرا

الامنية وما ادراك ما لاامنية لوتطلع بشهرين ثلاث لو تعيش حياتك و تنسى سنة او سنتين او ثلاث او ..... مو تكول متشائم لا بس هاي الحقيقة و وراها لو يكولون اي لو لا لان هس دا اشوف بالمنتدى هواية ناس دتنرفض منورا تشديد الاجراءت الامنية بعد ما لزمو جماعة كنتاكي و الله يستر على الجميع داعيك صارلي سنتين انتظر الامنية و بعد مطالعة الموافقة هاي المرحلة الاولى ها وراها تبدي امنية ماقبل السفر و كتب ياحسين اكتب بس  نرجع و نكول الله كريم

[سوبرمان بغداد]

اشكركم هوايه على كتاباتكم

ازين بالنسبة للكفيل اذا وقع على الاوراق معناها الامنية خلصت؟؟؟؟؟

[MohdS]

الكفيل مالة علاقة بالامنية هاي اجراءت تسويه المنظمة قبل لا تسافر هي و الفحص الطبي بس الامنية غير جهات تسويه و فايلك ماكو جهة امنية بامريكا ما يمرعلية هس اخر شي حتى بصماتك يقارنوها بالبصمات الي لاكية على المتفجرات و الاسلحة بالعراق ارجو ان اكون جاوبت على سؤالك سوبر مان و اني حاضر للاجابة على اي سؤال.

اني عندي سؤال بالنسبة للناس الي قابلو المحلفين بشهر السادس محد سافر لو نطو موعد سفر؟؟؟؟؟؟؟؟؟؟؟؟ اشو سنط icmc كل ما تتصل بيهم يكلك اللطمية بعدة مجتي و الله جماعت الامارات نايمة عليهم الطابوكة

[سوبرمان بغداد]

السلام عليكم

لحد هذه اللحظه ما فت احد انطو موعد من جماعة هر السادس. و الله كريم

[uae123]

لا ما اتصور اكو احد  راح يسافر بهاي السرعه ما صارلنا هواي من مقابلين انشاءالله يارب  كل خير

[iraq@]

السلا عليكم ورحمة الله وبركاته
اخواني كل عام وانتم بالف خير ورمضان كريم وياربي ينعاد عليكم بالخير والصحة والسلامة ..... اعذروني كتبت المعايدة متاخرة لكن لظروف سفري .... ردت اسأل اتصلو بأحد علمود الدورة الثقافية ؟؟ او احد عنده خبر عليهة؟؟ .
 شكرا اخواني وتحياتي للجميع ويارب الموفقية وتسهيل امور الجميع ان شاء الله

[uae123]

السلام عليكم لا والله عراق ماكو شي لحد هاي اللحظه انشاءالله خير

[سوبرمان بغداد]

اني رحت للمفوضية بابو ظبي. و كالوا ان عبد السلام اصلا بعده ما راجع من السفر. و ايضا اتصلت بال icmc كالوا الدورة بعد رمضان. و الله كريم.

على حجايتهم احنا نتصل بيك

[MohdS]

خبر تازة: هسه خابروني من تركيا على مود الدورة التثقيفية و كالو تعال اثقف يوم 8 و 9 و 10 من الشهر التاسع يعني الشغلة راح تتحرك شوية انشاء الله و اكو ناس اكيد راح تسافر الله كريم و انشاء الله يخابرون البقية

[سوبرمان بغداد]

الله يبارك بيك انشا الله يخابرونا

[سوبرمان بغداد]

اخوان هسة خابروني من تركيا و انطوني مواعيد الدورة التثقيفية 9 و 10 و 11 ايلول ان شاء الله خير

[سوبرمان بغداد]

بمدرسة المنهل الدولية بابوظبي

[MohdS]

اخوان هسة خابروني من تركيا و انطوني مواعيد الدورة التثقيفية 9 و 10 و 11 ايلول ان شاء الله خير

مبروك و تنشاء الله يوم نسمع سفرك صحيح ايام الدورة التثقيفية مثل مذكرت اني غلطان بيوم جانت النومة بعيني هههه

[Face1]

مبروك مبروك مبروك
الف ميروك ويوم للكل السفر القريب تحياتي

[شجرة الدر]

مبرووووووووووووووك والف مبروووووووووووك اخي الكريم سوبرمان وحضر نفسك للسفر القريب بأذن الله يوم للكل يارب ونغلق الجمعيه بطيارة وحده وان شالله يلحقون بك الاخ فايووووووووو والاخ ابو الزووز والجميع باذن الله عن قريب مع تحيات اختكم شجرة الدر نحن بانتظار اعصار ارينا الله يحفظنا ويحفظكم لاتنسونا من صالح دعائكم

[Zozzz]

السلام عليكم
تحيه طيبه للجميع واسال الله ان يسهل اموركم جميعا بحق هذه الايام  الاخيره المباركه وان يفرج عن الجميع فرجا عاجلا قريبا بلمح البصر او هو اقرب ...
الف مبروك بقرب موعد الدوره التثقيفية للاخوان للذين قابلوا وان شاء الله الله يفرج عن البقيه وجميع المنتظرين بلخير والقبول..
اختي العزيزه شجرة الدر نورتينا عيوني بطلتج ياورده وان شاء الله بردا وسلاما عليكم والله لايوريكم لازلازل ولا اعصارات وشكرا عله مساهمتج ويانه والله يوفقج ورده...
وبهاي المناسبه اتقدم بوافر التقدير والمحبه بمناسبه حلول عيد الفطر المبارك جعله الله علينا وعلي جميع بلخير والصحه والعافيه والمحبه وتحقيق الاماني ... انه نعم المولى ونعم المجيب ..

[uae123]

احنا لحد هسه ما خابرونا

[احمد]

ممكن اعرف شنو
ورة الدورة التثقيفية ممكن تكولولي؟
السفر

[سوبرمان بغداد]

اتصلوا بيهم و جيكوا الموعد مال الدورة وياهم.

بس انطوهم رقم الكيس و الله كريم

[alzandawi]

مبروك على المواعيد الجديدة وانشاء الله مواعيد السفر باقرب وقت

[احمد]

ممكن تفيدوني
وين
صايرة
مدرسة المنهل لان   موعدنة 5-6-7
ماندلهة وين
بابو ظبي المدرسة ممكن ادلوني؟؟
ورة الدورة سفر ان شاء الله
بس اذا رحنة للدورة التثقيفية معناها الامنية وافقوا لا ؟؟؟؟؟؟؟؟؟؟؟ ممكن الرد

[احمد]

ممكن تفيدوني
وين
صايرة
مدرسة المنهل لان   موعدنة 5-6-7
ماندلهة وين
بابو ظبي المدرسة ممكن ادلوني؟؟
ورة الدورة سفر ان شاء الله
بس اذا رحنة للدورة التثقيفية معناها الامنية وافقوا لا ؟؟؟؟؟؟؟؟؟؟؟ ممكن الرد

[MohdS]

ممكن تفيدوني
وين
صايرة
مدرسة المنهل لان   موعدنة 5-6-7
ماندلهة وين
بابو ظبي المدرسة ممكن ادلوني؟؟
ورة الدورة سفر ان شاء الله
بس اذا رحنة للدورة التثقيفية معناها الامنية وافقوا لا ؟؟؟؟؟؟؟؟؟؟؟ ممكن الرد

مبروك احمد على الدورة التثقيفية و لكن احذر شديد الحذر وهذا الكلام موجة لكل الاعضاء بعين كاوة ان تبيع سيارة لو تسد شقة لو تستقيل من شغلك على مود دزو عليك على دورة تثقيفية لو فحص طبي لو خابرو كفيلك اذا ميكلولك على موعد سفر و دكولك الفيزا بالجواز دير بالك تسوي اي خطوة من هذا القبيل اني مكمل كلشي من السادس 2009 و بعت سيارتي و صفيت الشقة وغلطت غلطت عمري لان محد نصحني مثل هيج نصيحة و هسه كل ما اخابر يكلولي انت لطميتك بعدة مجاية اللهم اني قد بلغت اللهم فشهد

[الامل 2]

ايد كلام اخ MohdS  لان احنا بالكويت مسوين الدوره التثقيفيه من نهاية الرابع لحد الان منتظرين الامنيه ولاحس ولاخبر ومقابلين من بداية السنه

[احمد]

شكراعلاجابة بس شنو يعني نسوي الدورة والامنية مطالعة غير يفهمونة علمود واحد ييرتب امورة يعني اخوية خلصت  الدورة  من سنة 2009 ولحد هسة تنتظر؟

[احمد]

زين مدرسة المنهل وين صايرة ممكن ادلوني عليهة؟؟؟؟؟؟؟

[احمد]

زين مدرسة المنهل وين صايرة ممكن ادلوني عليهة؟؟؟؟؟؟؟

[sparky]

تحيه طيبه لجميع الاخوات والاخوه بهذه الجمعيه والقارئين من الاخوات والاخوه الضيوف الكرام

يطيب لي أن استهل قدوم عيد الفطر المبارك
داعيا الله سبحانه وتعالى أن يحفظكم بعنايته وأن يعيده علينا وعليكم والجميــــــــــــــــــع من العراقيين بالخير والسعاده وراحه البال والامن والامان والاستقرار انه سميع مجيب الدعوات ....
وتريــــــــــــــــــــــــــــــــــــــــليون  مبروك لاخونا العزيز سوبرمان بغداد والاخ محمد والاخ اجمد وانشالله السفر القريب باذن الله للجميع

سلامي واحترامي وتقديري للاخت شجرة الدر   وجاك سبارو   وابو الزوز   وفايو    واوركي   وكيج هوست   والاخ العراق   
وUAE123  واخويه وسندي الزنداوي   واليوسفي
ونقول لكم جميعا ...كل عام وانتم بالف خير.....

[sparky]

الاخ احمد..السلام عليكم ورحمة الله وبركاته ...

طلبت موقع مدرسة المنهل الدوليه باابو ظبي فبامكانك ايجادها على الصفحه الصفراء وعلى اللينك ادناه ونحن بالخدمه :-

http://yp.theemiratesnetwork.com/map/United_Arab_Emirates/Abu_Dhabi/Al_Manhal_International_Private_School_20944.html

[Zozzz]

الاخ العزيز سباركي
تحيه طيبه الك .. وعيدك مبارك وان شاء الله تتحقق كل امانيك بالخير وسعادة.... شخبارك ؟ رجعت الى بغداد لو لا؟ صارلك فتره ماكو ؟ سلامي وتحياتي...

تحيه طيبه لجميع الاخوات والاخوه بهذه الجمعيه والقارئين من الاخوات والاخوه الضيوف الكرام

يطيب لي أن استهل قدوم عيد الفطر المبارك
داعيا الله سبحانه وتعالى أن يحفظكم بعنايته وأن يعيده علينا وعليكم والجميــــــــــــــــــع من العراقيين بالخير والسعاده وراحه البال والامن والامان والاستقرار انه سميع مجيب الدعوات ....
وتريــــــــــــــــــــــــــــــــــــــــليون  مبروك لاخونا العزيز سوبرمان بغداد والاخ محمد والاخ اجمد وانشالله السفر القريب باذن الله للجميع

سلامي واحترامي وتقديري للاخت شجرة الدر   وجاك سبارو   وابو الزوز   وفايو    واوركي   وكيج هوست   والاخ العراق   
وUAE123  واخويه وسندي الزنداوي   واليوسفي
ونقول لكم جميعا ...كل عام وانتم بالف خير.....

[sparky]

العزيز الغالي ابو الزوز الورده مال الله

اني ناوي انزل على العام على اللي حصل لي بااربيل وبغداد بشان تسجيل اطفالي بالكليات واللي صار بيه اشكي اولا واخرا لله وللجميع حيث يتلخص الموضوع بالتالي :-

في المنطقه الشماليه - اربيل - لايحق للعراقي التقديم على الكليات الحكوميه الا اذا كان الاب او الام يعملون بدوائر دولة كردستان الحكوميه وايضا يعتمد ان تواجد ذلك على مايسمى بالفراغ لوجود الاقسام المطلوبه

اما في بغداد - فالتقديم للكليات محصور على العراقيين القادمين من الدول المتضرره - اليمن وسوريا وليبيا - اما اللي جاي من القمر واقصد الامارات فناسف لايمكنه ذلك حسب اوامر الوزير الموقر الجديد لدولة العراق العظيم حفظهم الله ورعاهم جميعا بدون استثناء .

وحسبي الله ونعم الوكيل على مايمسى بقيادة العراق العظيم الجديده واقول لك الله ياعراقي لما يعملوه بيك حكومتك الموقره وهذا يؤكد انه للعراقي انه لايملك غير رحمة خالقه - سبحانه وتعالى -  اليوم والبارحه وغدا فقط الله سبحانه وتعالى - ونعم باالله العلي القدير -


شكرا لاهتمامكم ودمتم تاج لراسي

[Zozzz]

الله يعينك والله متستاهل بس هم الواحد لازم ياخذ بلاسباب وعسى ان تكرهوا شيأ وهو خير لكم ..وعسى ان تحبوا شيأ وهو شر لكم... انته الي عليك سويته وان شاء الله سبحانه وتعالى يبدلك بمكان احسن وافضل مما كنت تصبوا اليه والله يسهل امرك ويفتحها عليك وعل جميع ...

[احمد]

شكرا جزيلا اخ سباركي علموقع وعلمعلومة شكرا جزيلا


بس محد رد علية بعد الدورات التثقيفية شنو الخطوة الجاية السفر لا؟؟؟؟؟؟؟؟؟

[sparky]

خويي حمودي الورده

والله حايرين شنو نجاوبك على سؤالك لاننا جميعا نجهل الاجابه او بالاحرى لانريد ان نجاوب لانه الاجابه مقرونه بالحظوظ
فالحظ يطرق بابك مرة واحده فان كنت منهم نالك منه الخير وان لم تفتح له الباب فانلاصت عليك ويعوفك الحظ وينهزم وانته تركض وراه ومتقدر تلزمه

اسف الملخص لما قلناه اعلاه هو :-
الانتظار من 3 اشهر لستة اشهر والله اعلم - ولاتذب اللوم عليه الله يخليك لو تسبني ان كان الانتظار اكثر او اقل ماشي اتفقنا ؟؟

[sparky]

الغالي أبو الزوز

انا حددت الكليات ولم اكن اقصد الابتدائيه او المتوسطه فتوقعي انه ليست هناك مشكله بتسجيلهم وقبولهم في بلدهم والمشكله تكمن فقط باصحاب الكليات وعدم قبولهم في بلدهم الام . 

[ABO-SULTAN]

اخوان اليوم اريد اطرح عليكم موضوع او نصيحة من اخوكم الصغير (تحضير للسفر)
اخواني واحبتي وخصوصا للي قابلو بلفترة الاخير
اني اعرف الامل وتتطلع لحياة افضل حلو واني اشجعة واني واحد منكم لي احب تتطلع للافضل وتحسين مستواي المعيشي لي ولي عالتي بس نصيحتي لاخواني انة خلي الهدف امامكم بس لا تتصرفون تصرفات قد تندمون عليها بعدين
يعني عيش حياتك كانة ماقبلت ولا قدمت على هجرة لانة تفكير بهذا الموضوع قد دمر حياتك بالامارات وقد تخسر شغلك اذا كنت تشتغل على ابو اني طالع الامريكا وقد تقومون بتصفية مقتنايتكم واثاثكم احذذذذركم اخواني من هاي الخظوة لان هذي الخظوة دمرتني اني واخوية قمنا بتصرف باغراضنا وسياراتنا على الامل بان نسافر بلفترة القريبة وهذا يوم وذاك يوم صار النا سنتين من مخلصين الاجراءات وقاعدين ننتظر وخسرنا بيوتنا وسيارتنا واخوية حتى وظيفتة هم خسرها لانة حسب حسابة راح سافر وكام ما يشتغل عدل وتبطر عليهم على ابو رايح ... نصحيتي اخواني لحد يتصرف بشي لحد ما يحددولك موعد طيران وبلنسبة الي هم مو كافي لحد ما احط رجلي بامريكا يلا يرتاح قلبي لان اكو قسم من الناس بلمطارات ورجعوهم......
هذي نصيحة من اخوك الصغير
وتمنياتي الكم بلتوفيق

 
الاخ عمر رحمة الله والديك عالنصيحه القيمه  والمهمه
وارجوا من الأخوة والأخوات الي مقدين عن طريق ال اي او ام او عن طريق ال إس اي ڤي  وعنده موعد مقابله عن قريب ان شاء الله
وتمنيت هسه ان اكون متعرف عليك قبل ست اشهر لان اخوك والحمد لله سوه نفس الحركه والاستعجال وصفيت الشقه والأثاث وكاعد مؤثث هسه وناوي ارجع  الى مرحلة التاثيث لان مليت والأهل  من الانتظار ......

[الامل 2]

الفحص الطبي في الامارات كم مدته وينتهي لان احنا كملنه تقريبا 7 اشهر من الفحص في الكويت ومادري لازم انعيده لو بعد نكمل سنه وينعاد الفحص

[MohdS]

راح احجيلكم شنو الامنية تبدي مرحلة التجيك الامني بعد مقابلة المحلفين و هاي تعتمد على الحجي و المعلومات الي قدمتة الهم و عدد افراد العائلة و الحظظظظظظظظظظظظظظظظظظظظظظظظ كلكم تسالون شكد اطول الامنية يلة تجي الجواب بس عند الله العلم بالنسبة الي استلمت موافقة الحلف من شهر  السادس 2009 و بوكته كلت هاي هي خلصت هذا الحجي جنت مقدم من  عمان ظليت اخابر يكلولي باقيلك بس التجيك الامني و تشافرون يوم ورا يوم و اسبوع ورا اسبوع و شهر و را شهر  وسنة ورا سنة هذا الحجي اني بايع كلشي ودا انتظر الموافقة الامنية وبهاي الاثناء عدت الفحص الطبي و عدت البصمات و اخر شي عدت المحلفين بشهر السادس. هاي كل ماتخابرهم يكلولك امنيتك اجت باقي امنية مرتك لو بالعكس لو البصمات مالتك اكسباير و ينعاد التجيك على البصمات و يومية سالفة شكل وهس عيني المرة حامل لازم تجيب و اطلع للطفلة جنسية و جواز و اعيد مقابلة المحلفين من جديد للمرة الثالثة و بنجاح ساحق يعني دا احوك بالسنة الثالثة و بعدني واكف بمكاني اتقدم خطوة و ارجع خطوة و الله كريم و هذا الشي ينطبق على ناس هواية و خصوصا الي بالامارت.
بس عندي صديقي باع كلشي و راح كعد بالاردن و قدم مناك و خلال اربع اشهر كمل كلشي و سافر وهس هو كاعد بامريكا الله يوفقة يعني اريد اكللكم هي الشغلة ممعروفة شوكت تصير فموضوع السفر شيلو من بالكم ولا تعتمدون علي الا ينطوكم موعد سفر يله

ها اكو شي نسيت اكللكم علي هس اكو امنية ماقبل السفر (وهاي جديدة) الي تبدي بعد ما تكمل التجيكات الامنية العادية هم تاخذلة فترة.
بالنسبة للناس الناطيهم موعد سفر من تروح تستلم خط الرحلة راح يكلولك جيب الجوازات على مود يختمولك الفيزا و سوي فحص طبي

[MohdS]

الفحص الطبي في الامارات كم مدته وينتهي لان احنا كملنه تقريبا 7 اشهر من الفحص في الكويت ومادري لازم انعيده لو بعد نكمل سنه وينعاد الفحص

اختي امل الفحص الطبي ينتهي بعد ستة اشهر و البصمات ورا سنة و مقابلة المحلفين بعد سنتين و شعدكم سؤال اني حاظر.

[MohdS]

اخوان احد يعرف المحلفين شوكت يجون مرة ثانية الى الامارات؟؟؟؟؟؟

[alzandawi]

مساء الخير تحية طيبة للاعضاء الاعزاء وتحيبة طيبة للاخ سباركي واكله الحمد لله على السلامة ونورت المنتدى بعودتك وانشاء الله الخير نصيبك اخوية العزيز  وبمناسبة قرب عيد الفطر احب اكولكم كل عام وانتم بخير ويعود عليكم بلخير والصحة والعافية وانشاء الله الكل متحققه امنياته ومرتاحين ومستقرين ويارب يجعلهة سنه فرج ورحمه عليكم وعلينه وبلنسبة للوفد الي عرفته اخوية العزيز mohdsانه يجون بشهر ال10 والتسهيل على الله

[sparky]

السلام عليكم ورحمة الله وبركاته
اخويه وسندي وزندي الزنداوي....الله يبارك بيك دنيا واخره على سؤالك واهتمامك يالغالي .. والمنتدى منور باهله واحبابه ويارب الخير والامن والامان للجميع وانت منهم يالطيب يالحنين انت واهلك الطيبين اللهم امين بجاه رب العالمين ويارب يكون عيد الهنا والسعاده والف رحمة لوالديك ويارب تحقيق الاماني ويارب سنة فرج على الجميــــــــــــــــــــــــــــــــــــــــــــــــــــــــــــــــــــــع

[Face1]

صباح الخير على الجميع
خلص رمضان راح نشتاقلة
كل عام وانتم بخير
ادعو الله العزيز القدير ان يجعلنا من عتقاءه
امنياتي للجميع بقضاء ايام اعياد سعيدة
داعية من المولى ان يفرج للجميع
الاخ سباركي اهلا بعودتك و الله ايعينك ويمكنك على ان تدخلها الجامعة هنا

[alzandawi]

اخوية العزيز سباركي والله دتخجلني بكلامتك الطييبة ياطيب والله يسهل امورك وانشاء الله ميصيبك الا كل الخير وكل عام وانت طيب  ياطيب وعساكم من عواده ورب يفرحك  بذريتك الصالحة   وتشوفهم احسن الناس  اخوك الزنداوي

[uae123]

انا خابرتهم وقالولي يوم 6 بالشهر  9 شو بس قلي اريد اسأل سؤال هي كم يوم تاخذ الدوره وكم ساعه والي عند طفله شنو يسوي بهاي الحاله؟

[احمد]

الدورة  تاخذ 3 ايام من ال9 الصبح لل4 العصر
وبلنسبة للطفل تكدر مجيبة لان اني عندي طفلة بس اجيبهة وياية

اشكركم
اخواني علاجابات لان اني خليت براسي شغلة  السفر وحشيلهة كلت منا لشهر شهرين واسافر بسالشغلة مطولة

[احمد]

يعنني كلكم مخلصين الدورةا لتثقيفية وكاعدين تنتظرون الامنية الله يسهل عليكم يارب

زين
يعني يوم الاثنين الدورة التثقيفية بمدرسة المنهل منو موعدة ويانة يوم 5-6-7

[ABO-SULTAN]

يعنني كلكم مخلصين الدورةا لتثقيفية وكاعدين تنتظرون الامنية الله يسهل عليكم يارب

زين
يعني يوم الاثنين الدورة التثقيفية بمدرسة المنهل منو موعدة ويانة يوم 5-6-7

السلام عليكم
اول شي كل عام وانتوا بخير وان شاء الله اخر عيد عدمك بالامارات وبعدين الكل تعيد بامريكا وتفتر ويه جهالها بالمراجيح مال دزني
بس اخي اذا امكن تسئل شباب الدوره التثقيفية اي سي ام سي هل الاطفال ملزمين بالحظور وكذلك الزوجه لان أطفالي بعمر اقل من الثلاث سنوات وصعب السيطره عليهم بالدوره وقد او أكيد راح يسببون إرباك وتشويش لباقي الحضور لان حسب مدا افتهم ان وقتها تقريبا ست ساعات مع وقت الطريق تلث ساعات يعني الجهال يصيرون يخني .....وشكرا مقدما وان شاء الله الموفقيه والسفر القريب للجميع

[alzandawi]

كل عام وانتو بخير وعيد مبارك عليكم وعلينه وعلى امه محمد وانشاء الله من عواده وصحة وعافية وتحقيق الاماني ويارب يتقبل صيامنه وقيامنا ويغفر النه ويرحمنه برحمته الواسعة وعيد الجاي كلنه متحققة امنياتنه  انشاء الله والامن والامان والاستقرار  لبلدنه الجريح ويارب يفرجهة على العراق والعراقين بكل مشارق الارض ومغاربهة

[sparky]

الاخ ابو سلطان ..عيدكم مبارك انشاءالله

المعلومات اللي اعرفها من خلال اطلاعي على منتدانا فالزوج كافي حضوره لان الزوجه المفروض تظل بالبيت تخدم اطفالها
والاطفال دون ال 18 سنه ماكو داعي يحضرون والله اعلم واذا احد الاخوة الاكثر خبره مني فليصحح معلوماتنا مشكورا وليتفضل
ودمتم سالمين غانمين

[ABO-SULTAN]

الاخ ابو سلطان ..عيدكم مبارك انشاءالله

المعلومات اللي اعرفها من خلال اطلاعي على منتدانا فالزوج كافي حضوره لان الزوجه المفروض تظل بالبيت تخدم اطفالها
والاطفال دون ال 18 سنه ماكو داعي يحضرون والله اعلم واذا احد الاخوة الاكثر خبره مني فليصحح معلوماتنا مشكورا وليتفضل
ودمتم سالمين غانمين

وانته بالف خير واخوانا واخواتنا الي بالمنتدى اللطيف هذا وشكرا اخويه عالنصيحه وان شاء الله الاخوه الي راح يحضرون الدورات يفيدون اعضاء المنتدى

[شجرة الدر]

السلام عليكم اخواني واخواتي الكرام وكل عام وانتم بالف الف خير واعاده الله باليمن والبركات وان يجعل الله التوفيق من نصيب الجميع ويفرج كرب المكروبين

اخواني اما بعد تحياتي لاخي الغالي ابو الزووووووز واخي الفاضل فايوووووووو والى الاخوه الجدد جميعا واحب اوضح لكم جميعا لا تصفون الشقه جميع التزاماتكم الا بعد استلام خط الرحله للسفر لان احنه يمكن يتذكرون القدامى اللي صار معنا انه اعطونا موعد السفر قبل ثمانية ايام من السفر وخلونه نركض لا الليل انام ولا النهار لكن الوجبات الاولى من مجموعتنا اعطوهم اربعين يوم والوجبة الثانيه اعطوهم شهر واللي بعدها عشرين يوم وهلم جرا الى ان وصل بينه السره فقط ثمان ايام المهم الله يسهل عالجميع مع تحيات اختكم شجرة الدر واعذروني عالتقصير

[شجرة الدر]

احب انوه بالنسبه لسؤالكم عن الخروج من الامارات يعتمدون على الجوازات ويختموها وبالاضافه الى وجود موظف الاي او ام ومعكم الكيس اللي به اوراقم وهذا ما يفتحوه الا بامريكا بالمطار ياله يفتحوه ويعطوكم الاي 95 وياخذون الفحوصات ويختمولكم الجوازات دخول امريكا بس لازم الكيس حامليه بايدكم ماتذبوه من ايدكم ابدا علمود الموظفين بالمطار وموظف الاي او ام يعرفوكم لاجئيين ويسهلون امركم والله يسهل عالجميع

[vaio]

اللَّهُمَّ إِنِّي أَسْأَلُكَ بِعَظِيمِ ما سَأَلَكَ بِهِ أَحَدٌ مِنْ خَلْقِكَ مِنْ كَرِيمِ أَسْمائِكَ وَجَمِيلِ ثَنائِكَ وَخاصَّةِ دُعائِكَ أَنْ تُصَلِّيَ عَلى مُحَمَّدٍ وَآلِ مُحَمَّدٍ، وَأَنْ تَجْعَلَ شَهْرَنا هذا أَعْظَمَ شَهْرِ رَمَضانَ مَرَّ عَلَيْنا مُنْذُ أَنْزَلْتَنا إِلى الدُّنْيا بَرَكَةً فِي عِصْمَةِ دِينِي وَخَلاصِ نَفْسِي وَقَضاء حَوائِجِي وَتُشَفِّعَنِي فِي مَسائِلِي وَتَمامِ النِّعْمَةِ عَلَيَّ وَصَرْفِ السُّوءِ عَنِّي وَلِباسِ العافِيَةِ لِي فِيهِ، وَأَنْ تَجْعَلَنِي بِرَحْمَتِكَ مِمَّنْ خِرْتَ لَهُ لَيْلَةَ القَدْرِ وَجَعَلْتَها لَهُ خَيْراً مِنْ أَلْفِ شَهْرٍ فِي أَعْظَمِ الاَجْرِ وَكَرائِمِ الذُّخْرِ وَحُسْنِ الشُّكْرِ وَطُولِ العُمْرِ وَدَوامِ اليُسْرِ، اللَّهُمَّ وَأَسْأَلُكَ بِرَحْمَتِكَ وَطَوْلِكَ وَعَفْوِكَ وَنَعْمائِكَ وَجَلالِكَ وَقَدِيمِ إِحْسانِكَ وَامْتِنانِكَ أَنْ لا تَجْعَلَهُ آخِرَ العَهْدِ مِنَّا لِشَهْرِ رَمَضانَ حَتّى تُبَلِّغَناهُ مِنْ
قابِلٍ عَلى أَحْسَنِ حالٍ، وَتُعَرِّفَنِي هِلالَهُ مَعَ النَّاظِرِينَ إِلَيْهِ وَالمُعْتَرِفِينَ لَهُ فِي أَعْفى عافِيَتِكَ وَأَنْعَمِ نِعْمَتِكَ وَأَوْسَعِ رَحْمَتِكَ وَأَجْزَلِ قِسَمِكَ يارَبِّيَ الَّذِي لَيْسَ لِي رَبُّ غَيْرُهُ، لا يَكُونُ هذا الوَداعُ مِنِّي لَهُ وَداعَ فَناءِ وَلا آخِرَالعَهْدِ مِنِّي لِلِقاءٍ حَتّى تُرِيَنِيهِ مِنْ قابِلٍ فِي أَوْسَعِ النِّعَمِ وَأَفْضَلِ الرَّجاءِ، وَأنا لَكَ عَلى أَحْسَنِ الوَفاءِ إِنَّكَ سَمِيعُ الدُّعاءِ. اللَّهُمَّ اسْمَعْ دُعائِي وَارْحَمْ تَضَرُّعِي وَتَذَلُّلِي لَكَ وَاسْتِكانَتِي وَتَوَكُّلِي عَلَيْكَ وَأَنا لَكَ مُسَلِّمٌ لا أَرْجُو نَجاحا وَلا مُعافاةً وَلا تَشْرِيفا وَلا تَبْلِيغا إِلاّ بِكَ وَمِنْكَ ، وَامْنُنْ عَلَيَّ جَلَّ ثَناؤُكَ وَتَقَدَّسَتْ أَسْماؤُكَ بِتَبْلِيغِي شَهْرَ رَمَضانَ وَأَنا مُعافىً مِنْ كُلِّ مَكْرُوهٍ وَمَحْذُورٍ وَمِنْ جَمِيعِ البَوائِقِ الحَمْدُ للهِ الَّذِي أَعانَنا عَلى صِيامِ هذا الشَّهْرِ وَقِيامِهِ حَتّى بَلَّغَنِي آخِرَ لَيْلَةٍ مِنْهُ

الف  الف مبروك لاخوتنا الذين سوف يحصلون على الدورة التثقيفية وتمنياتنا لهم  بالتوفيق والفرج القريب
وتحية لاختنا العزيزة شجرة الدر وربنا يبارك بيج اختي على دعائك المتواصل  لاخوتك .
وتحية للعزيز ابو الزوز والاخ سباركي  ونقله لك وحشة .
وجميع الاخوة والاخوات  وتمنياتي لكم بالخير والمحبة وان تدوم عليكم نعم الله  وان يوسع عليكم  بالرزق ويحفظكم من كل شر
وكل عام وانتم بالف خير .

اخوكم فايــــــــو

[sparky]

اقف صامتا امام ماكتب ومايكتب من الدعوات الطيبه النابعه من ناس طيبين وأجاويد منهم اختنا في الله وعزيزتنا وتاج راسنا شجرة الدر ..وغالينا الاخ أبو الزوز ...وتاج راسي وطيبنا الاخ فايو
فبعد التهنئه لمناسبة العيد أساله تعالى ان يستر علينا وعليكم وعلى الخليقة جمعـــــــــــــــاء ..اللهم اميـــــــــــــــــن
أدامكم الله وحفظكم ورزقكم وابعد عنكم كل مكروه وفر عينكم باطفالكم بالدنيا والاخره

[vaio]

السلام عليكم
اخواننا الاعزاء ما هي اخبار دورتكم الثقافية ؟ .



فايــــــــــــــو

[بوشهاب50]

السلام عليكم اخواني انا اخوكم بو شهاب صومالي الجنسية جديد عالمنتدى اريد اوجه شكر خاص للاخوة اللي بالامارات لانهم عطونا نصائح وايد  المهم :

انا روحت باول يوم برمضان لمكتب المفوضية واخت شامية محجبة استقبلتني المهم الاخت هذيك خيبت ظني بقوة لما قالت لي ما في لجوء للصوماليين حتى ما قالت السلام عليكم اول ما دخلت المكتب قالت مافي لجوء للصوماليين بطريقة انا صراحة شفتها مو محترمة شوي ومستفزة ....هل هذا الكلام معقول  علما بأني مهدد في الصومال وعندي اثباتات على كلامي اني لو رجعت بكون في خطر كبير بسبب جماعات القاعدة والمليشيات ارجوكم افيدوني يا اخوان مشكورين   

[احمد]

اخواني ماكواحد ينطينة   امل سوينة الدورة التثقيفيةوخلصناهة بعداشكد السفر اختي شجرة الدر ورة اشكد ورة الدورة التثقيفية وسافرتو ممكن تفيديني ؟؟؟

[احمد]

اخواني ممكن تفيدوني بتجاربكم

[uae123]

هو اهم شي ان يخابرون على الكفيل وبعدين تبدي وراها امنيه ما قبل السفر

[احمد]

اكيد اهم شي يخابرون الكفيل  تعتبر نفسك مقبول وراها

[احمد]

رجاءا افيدونة بخبرتكم متعرفون ناس سوو الدورة التثقيفية ورة شكد سافرو ممكن؟

[uae123]

كانت الدوره التثقيفيه كلش مهمه هواي الواحد يستفاد منها تكلمو عن المساعدات وعن الايجارات وعن الدراسه وتكلمون ان شنو راح تسون عند المغادره من الامارات و ايضا وزعو كتب بيها قوانين امريكا وتكلمو عن شنو الي الك وشنو الي عليك وعن المواصلات والسياات والتأمينات  وعن المبلغ الي تاخذه وياك وعن الذهب يعني كانت الدوره كلش مهمه

[احمد]

اخت زوزو 100اهلا بيج بلنسبة للدورة مثل ماكل الاخ حجوا علمساعدات وبلنسبةللسفر كالو قبل شهر بس نخابركم علسسفر ولازم ترتب امورك علشهر  واذااجلت الموعد السفر يعني  يكنسلون معاملتك وبلنسبة  لتاجيل السفر مسالناهم
بس ماعرف يعني ورطة اذا اجلو السفر بس سمعت اكو امنية قبل السفر هم  اتاخر السفرة والله كريم س الي عرفتة ان ديمشون المعاملات والله اعلم

[uae123]

هو ما اتصور يكنسلون ملفه بس اتوقع راح يأجلونه بس يمكن يتأخر هواي

[ABO-SULTAN]

يا جماعة الخير
السلام عليكم ورحمه الله
بس عندي طلب //// منوا مقابلته بتاريخ 13/14/15 بهالشهر لان أخوكم محتاج ونيس ويا بالطريق والنقل من الشارقه الى ابو ظبي واذا اله واهس نحجز سكن فندقي ...وبالنسبة للإخوان اذا بالكم سؤال استفسار تحبون اوصله للمنضمه ان شاء الله ما قصر ومثل منوه الاخ ابو شهاب الفتره المتوقعه للرد على الموافقه راح أسئل عليه وهيه نقطه كلش مهمه لان اغلب المقمين الي مثل حالتنه عدهم التزامات بخصوص الإيجار والعمل وتئمينات السكن وباقي الامور وان شاء الله أحاول احصل رد شافي ينتفعون منه اخوان واخوات المنتدى ....

أخوكم
ابو سلطان

[alzandawi]

مسيته العافية على كل اهلنه بعين كاوة عزيزي ابو سلطان انت شوكت قدمت على اليو ان لانه اني الى هسة محد اتصل بينه والله كنت اتمنى عندي مقابلة واجي وياك على الواهس اخوك الزنداوي

[ملك الحيرة]

سلامي لجميع الاخوان والاخوات وتمنياتي لكم بالسفر القريب انشاءالله

[keaghost]

صبحكم الله بالخير يا الطيبين شلونكم و شنو اخباركم

[احمد]

اخوية ابو سلطان ممكن سؤالين تسالة للمنظمة اولا بعد الاتصال بينة وتحديد موعد السفر  هل يمكن يتصلون ينة وياجلون موعد السفر لان من يتصلون وينطونة موعد السفر واحد يكنسل الاقامة وكل  شي  ويصفي الشقة والسيارة فصعبة يكولولنة ناجل السفر ؟؟؟ 

والسؤال الثاني وبلنسبةلمواعيد السفر اكو اشهر محددة للسفر لو السنة كلهة؟؟؟؟


وشكرا جزيلا

[احمد]

اخوية زوزز اسف  اني بس بلنسة لتاجيل موعد السفر كلش صعب معناها شغلت اطول كلش لان انطوك موعد سفر  لازم اجباري تلتزم بي اكوناس ينطوهم 10 ايام مثل مكالت اختي العزيزة شجرة الدر 

[احمد]

اختي شجرة الدر  ممكن سالج سؤال ؟

ممكن تفيديني بخبرتج حضرتج وعائلتج بعد الدورة التثقيفية بشكد وسافرتو ؟وبلنسبة لكفيلكم اتصلوا يهم ووقعوا اوراقكم واجرولكم الشقة وكان يعرف موعد سفركم قبل مايتصلون بيكم؟.

وممكن من كل اخواني الي سافر لامريكا الله يوفقكم  ممكن تفيدونة ورة شكد سافرتو من  بعد الدورة التثقيفية ؟؟؟
والي عرفتة انو الاوراق من توصل للكفيل معناها قبلونة امنيا  لان ممعقولة الاوراق توصل للكفيل ومموافقين امنيا  شنو رايكم؟


لان الكفيل من يوقع الاوراق معناها قابلي امنيا ؟ ممكن تفيدوني اخواني؟؟

شنورايكم ؟؟؟

ارجوالرد وشكرا

[alzandawi]

اخويه العزيز كيج هوست كل الهلا بيك  انشاء الله تكون بالف خير وصحة وعافية

[ABO-SULTAN]

مسيته العافية على كل اهلنه بعين كاوة عزيزي ابو سلطان انت شوكت قدمت على اليو ان لانه اني الى هسة محد اتصل بينه والله كنت اتمنى عندي مقابلة واجي وياك على الواهس اخوك الزنداوي

اخويه الزنداوي
حسب ما اذكر لان فتره الانتظار والزهايمر المبكر قدمت من الشهر الرابع 2010 وتحول الفايل الى اي سي ام سي  والمقابله الاولى بالشهر الواحد 2011 والثانيه مع المحلف والسوبر فايزر بالشهر السادس والفحص الطبي بالسابع 2011
وأتشرف بمعرفتك وان شاء الله الاتصال القريب والموفقيه

ابو سلطان

[ABO-SULTAN]

اخوية ابو سلطان ممكن سؤالين تسالة للمنظمة اولا بعد الاتصال بينة وتحديد موعد السفر  هل يمكن يتصلون ينة وياجلون موعد السفر لان من يتصلون وينطونة موعد السفر واحد يكنسل الاقامة وكل  شي  ويصفي الشقة والسيارة فصعبة يكولولنة ناجل السفر ؟؟؟ 

والسؤال الثاني وبلنسبةلمواعيد السفر اكو اشهر محددة للسفر لو السنة كلهة؟؟؟؟


وشكرا جزيلا

ان شاء الله يوصلك الرد اخويه ابو شهاب
بس اعتقد الدوره التثقيفية راح أخذه وحدي

[alzandawi]

اشكرك اخوية العزيز ابو سلطان على الرد والظاهر كلنه عدنه اعراض زهايمير من ورة اليو ان ومتشوف شر عزيزي اتشاقى وياك  احنه بشهر السابع 2010قدمنه يعني احتمال اذا يريدون يتصلون بينا تبين قبل نهاية السنه واذا لا احتمال  معلوسين  احنه واني اتشرف بمعرفتك ومعرفة الطيبين  اخوك الزنداوي

[سولافة 1]

تحية حب لكل الاخوة والاخوات ,
عندي طلب وياريت لو تساعدوني بيه صديقتي استلمت الفورمة لطلب اللجوء لكن ضيعت عنوان اليو ان الي المفروض تبعث اوراقها عليه واني حاولت اساعدها وادور عليه في المنتدى لكن صعب كثير علية وصارلي يومين احاول العثور على العنوان لكن بصراحة مالكيته فياريت تساعدوني وادري بيكم ماتقصرون.

مع شكري

[سولافة 1]

مشكور اخ زوزو
 
اني الي طلبته العنوان الي تبعث اوراقها عليه مو المكان الي تروحلة يعني صندوق البريد ..
المهم اشكرك

[alzandawi]

109293ابو ظبي
اختي سولافة هذا رقم صندوق البريد

[الامل 2]

جمعه مباركه

[alzandawi]

على الجميع انشاء الله

[iraq@]

[السلام عليكم اخواني .....بشرى ساااااااااااااااااره اتصلو على احد الاخوان الي كان ويانه بالدوره وحددوله موعد السفر بعد 40 يوم يعني بفضل من الله وبتوفيق من عنده ان شاءالله متطول وكل شخص الكفيل وقع على اوراق قريب السفر ان شاءالله.حبيت ابشركم . والتوفيق للجميع ان شاءالله.

[ABO-SULTAN]

الحمد لله كملت الدوره التثقيفية وهي كلش مفيده و شامله
وبالنسبة للسؤالين مالت إخونه احمد وبما يخص الإبلاغ عن موعد السفر ومتى ؟؟؟؟ يبلغون عن موعد السفر قبل ثلاثين يوم حته يكدر الشخص يصفي اوراقه وشغله وهذا الموعد غير قابل للتغير من قبل المنضمه يعني ميورطوك  والسفر مفتوح طيلة اشهر السنه  

[vaio]

السلام عليكم

ربنا يسهل عليكم جميعا . ان شاء الله كلها  ايام  وتنقلونا اخباركم الطيبة من  بلدكم الجديد .

تمنياتي لكم بالتوفيق والسفر القريب بأذن الله .

اخوكم فايــــــــو

[ابو الغيره]

سلام عليكم يابا بششششششششششششششششششششاره جميع الاعضاء
بدون استثناء حتى الاخ فايو الاخ زوزو كلكم مسامحكم لان الفرحه نستني كلشي واتمنالكم الخير والله العظيم واريد انضل اخوه وحبايب وننسه كلشي
البششششششششششششششاره هي اتصلوا بيه وحددولي موعد السفر اللهم صلي على محمد وال محمد
اخوتي يوم  سفركم ونفرح بيكم انشالله
اني سفرتي لولايه كالفورينيا وارجوا الي عنده معلومات عن هاي الولايه يفيدني بيها علما اني عندي بعض المعلومات بس المثل العراقي  يكول اسال مجرب ولا تسال حكيم
لكم عيني مدااصدك من الفرح والله كلبي راح يوكف يوم الكم
                      
                       اخوكم ابو الغيره

[uae123]

سلام عليكم يابا بششششششششششششششششششششاره جميع الاعضاء
بدون استثناء حتى الاخ فايو الاخ زوزو كلكم مسامحكم لان الفرحه نستني كلشي واتمنالكم الخير والله العظيم واريد انضل اخوه وحبايب وننسه كلشي
البششششششششششششششاره هي اتصلوا بيه وحددولي موعد السفر اللهم صلي على محمد وال محمد
اخوتي يوم  سفركم ونفرح بيكم انشالله
اني سفرتي لولايه كالفورينيا وارجوا الي عنده معلومات عن هاي الولايه يفيدني بيها علما اني عندي بعض المعلومات بس المثل العراقي  يكول اسال مجرب ولا تسال حكيم
لكم عيني مدااصدك من الفرح والله كلبي راح يوكف يوم الكم
                      
                       اخوكم ابو الغيره

ياريت تعطينا  يمتى كانت المقابله الاولى والمحلف ومتى خلصت الامنيه حتى نعرف احنا وين وصلنا والف مبروك على السفر

[ABO-SULTAN]

سلام عليكم يابا بششششششششششششششششششششاره جميع الاعضاء
بدون استثناء حتى الاخ فايو الاخ زوزو كلكم مسامحكم لان الفرحه نستني كلشي واتمنالكم الخير والله العظيم واريد انضل اخوه وحبايب وننسه كلشي
البششششششششششششششاره هي اتصلوا بيه وحددولي موعد السفر اللهم صلي على محمد وال محمد
اخوتي يوم  سفركم ونفرح بيكم انشالله
اني سفرتي لولايه كالفورينيا وارجوا الي عنده معلومات عن هاي الولايه يفيدني بيها علما اني عندي بعض المعلومات بس المثل العراقي  يكول اسال مجرب ولا تسال حكيم
لكم عيني مدااصدك من الفرح والله كلبي راح يوكف يوم الكم
                      
                       اخوكم ابو الغيره

عالخييييييييييييييييييييييييييييييييييييييييييير ابو الغيره وان شاء الله السفر الميسر والاستقرار والسعاده
ولو لو تعطينا تفاصيل بسيطه واكون ممنون
بالموفقيه ابو الغيره
اخوك
ابو سلطان

[ابو الغيره]

سلام عليكم
اختي العزيزه اني مقدم الفورم بتاريخ 3_2009
المقابله الاولى للمعلومات وره9 اشهر 12_2009
المقابله الثانيه توطين شهر 1_2010
المفابله الثالثه المنظمه التركيه 6_2010
 وراها المحلفين بشهرين  شهر  8_2010
فحص طبي وره شهر ودوره تثقيفيه بشهر 10_2010
ودخلنا بهوسه الامنيه والكفيل  وصار سنه هسه ياله جانا موعد السفر بالشهر القادم

  والف حمد لله واشكرج اختي ويوم الكم يحددون موعد سفركم


                                 ابو الغيره

[alzandawi]

مبروك وعلى الخير موعد السفر وتوصل بخير وسلامه والله يوفقك بحياتك الجديدة وطريق السلامه انشاء الله والله فرحتنه وانشاء الله جماعة الامارات كلهم تمشي معاملاتهم اخوك الزنداوي

[vaio]

الف مبروك للاخ ابو الغيرة  وتمنياتنا لك  بالتوفيق .
شكرا لانك سامحتنا  قبل ما احنا نسامحك .
 ياريت تخبرنا انت على برنامج اس اي في ؟؟؟ لو على  اليو ان ؟

تمنياتنا لك بالتوفيق مرة ثانية ولجميع الاخوة بالفرج والسفر القريب


فايـــــــــو

[omarsami]

سلام عليكم يابا بششششششششششششششششششششاره جميع الاعضاء
بدون استثناء حتى الاخ فايو الاخ زوزو كلكم مسامحكم لان الفرحه نستني كلشي واتمنالكم الخير والله العظيم واريد انضل اخوه وحبايب وننسه كلشي
البششششششششششششششاره هي اتصلوا بيه وحددولي موعد السفر اللهم صلي على محمد وال محمد
اخوتي يوم  سفركم ونفرح بيكم انشالله
اني سفرتي لولايه كالفورينيا وارجوا الي عنده معلومات عن هاي الولايه يفيدني بيها علما اني عندي بعض المعلومات بس المثل العراقي  يكول اسال مجرب ولا تسال حكيم
لكم عيني مدااصدك من الفرح والله كلبي راح يوكف يوم الكم
                      
                       اخوكم ابو الغيره

1000 mubrook
ya rab frag alina

[Zozzz]

الف مبروك السفر وان شاء الله لجميع المتقدمين والمنتظرين السفر العاجل الغير اجل

[سوبرمان بغداد]

مبروك و الف مبروك

انشا الله الجميع تطلع الامنية و يسافرون

[احمد]

الف الف  الف مبروك والله فرحت كلشالله يوفق  الجميع يارب  والسفر القريب والعاجل لكل العراقييين والموجودين بلمنتدى ياااااااااااااااااااارب اخوية iraq::

ممكن سؤال الله يجازيك كل خير الي اتصلو عليهم علة موعد السفر كانو معاك بلدورة التثقيفية باي شهر اي سنة بهاي السنة يعني جانو من مجموعتنة الدورة شهر ال9 2001؟؟؟؟؟؟ ولك جزيل الشكراخوية


بلنسبة لاخوية ابوالغيرة الف الف الف مبروك والله   العظيم فرحتلك من كل قلي عبالك اني حسافر الله يوفقك
بس ممكن سؤال لنسبة للدورة التثقيفية شوكت عملت الدورة التثقيفية باي سنة ؟؟؟؟
وبلنسة للكفبل وقع اوراقك لازم توقيع اوراق.....................

[احمد]

ابو سلطان تسلميلي علااجابة  ان شاء  الله يوم السفر لحضرتك ولكل الموجودين بلمنتدى الله يسهل اموركم

[احمد]

اخواني واخواتي حيت اقدملكم معلومة :

الي مقدم عن طريق اليو ان مو مثل الي  مقدم عن طريق  iom

الاخ ابو الغيرة مقدم عن طريق اليو ان لذلك طولت سفرتة والمقابلات اما الي مقدم عن طريق iom
شغلتة مطول  اني لنسبة الية مقدم iom سويت مقابلتين بس مقابلة الاتراك والمحلفين والفحص الطبي والدورة التثقيفية مو مثل  الاخ سلطان الله يوفقة ويوفق الجميع

[احمد]

اخواني خواتي ماكو  احد مقدم ملفة عن طريق iom ومحول ملفة لليو ان ابو ظبي مثل حالتي ؟

[ABO-SULTAN]

اخواني خواتي ماكو  احد مقدم ملفة عن طريق iom ومحول ملفة لليو ان ابو ظبي مثل حالتي ؟
[/

quote]
السلام عليكم
اني مقدم اي او ام  ومن خلاله تحول الى اي سي ام سي لعدم توفر فرع لمنضمه ال اي او ام في الامارات وتم تحويل الفايل بالتنسيق مع الكل وتم انهاء جميع المقابلات مع الاتراك والمحلفين وكذلك الدوره التثقيفيه

[ابو الغيره]

سلام عليكم
اني ممنون منكم وعلى تبريكاتكم اخوتي العراقيين الطيبين
 واتمنى كلنا نسافر بطياره وحده ( بس اخاف نتعارك بالطياره )ههههههههههههه
والله اني شكد كنت فرحان بس فرحت اكثر من شفت تبريكاتم وكلماتكم الجميله وهذا يدل على العراقيين شكد متصير بيناتهم عتاب وسوء فهم بس بلحظه كلشي ينسون والقلوب تصفه وهاي هي ميزه العراقي ابو الطيبه والكرم بارك الله بيكم وانشالله يوم اباركلكم على سفركم القريب وافرحلكم
اخويه العزيز فايو اني مقدم على اليو ان من ابو ظبي
وبلنسبه لسؤال الاخ احمد الورده اني كبل سنه مسوي دوره تثقيقيه والكفيل وقع الاوراق وكفيلي بسانت خوسيه بكاليفورنيا .

وهسه اني كلساع عركه ويه مرتي  علمود الغراض وتصفيه الشقه والامور الاخرى ههههههههه وتعالوا شوفوا الهوسه يمكن راح اطلكها الما يجي موعد السفر واشرد الجهال هههههه

ومره ثانيه ممنون من الجمييييييييييييييع والفففففففففففففف شكر أغاتي يوم سفركم بالقريب العاجل
                              
                            ابو الغيره

[ABO-SULTAN]

ابو سلطان تسلميلي علااجابة  ان شاء  الله يوم السفر لحضرتك ولكل الموجودين بلمنتدى الله يسهل اموركم
[/
quote]
بخدمة الطيبين
هذا واجب

[احمد]

الاخ iraq حضرتك كلت انو تعرفناس جانو وياك بلدورة التثقيفية انطوهم موعد سفر اخوية العزيز ممكن تكولي شوكت خلصور الدورة التثقيفية بسنة 2011 ولك جزيلالشكر حتة نفتهم يعني وياية سوو الدورة التثقيفية اني دورتي التثقيفية ب9 2001 يعني وياية جانو بارك الله بيك وسهل اموركم

اخوية ابو الغيرة الله   وياك يوم تسافر والسفرة السهلة ان شاء الله بس ممكن سؤال رحم الله والديك الاتصال الي اجاك علسفر الرقم من الامارات امريكا تركيا؟من اي بلد
ولتنسانة من تسافر احجيلنة علة سفرتك الله يسهلك

[iraq@]

السلام عليكم  اخواني .....اولا مبروك الف مبروك للاخ (ابوالغيرة) وياربي ان شاءالله ربي يفرح ويوفق الجميع.
الاخ العزيز احمد الشخص الي اتصلو بي كان مخلص الدورة بهذا الشهر (شهر 9 2011)

[سوبرمان بغداد]

السلام عليكم

احنا افتهمنا ابو الغيرة اتصلوا بيه و مبروك

زين اكو احد اتصلوا بية امنية من جماعة اللي قابلوا محلفين شهر 6 2011 و الدورة التثقيفية شهر 9 2011؟؟؟؟؟؟؟؟

[uae123]

احب انوه بالنسبه لسؤالكم عن الخروج من الامارات يعتمدون على الجوازات ويختموها وبالاضافه الى وجود موظف الاي او ام ومعكم الكيس اللي به اوراقم وهذا ما يفتحوه الا بامريكا بالمطار ياله يفتحوه ويعطوكم الاي 95 وياخذون الفحوصات ويختمولكم الجوازات دخول امريكا بس لازم الكيس حامليه بايدكم ماتذبوه من ايدكم ابدا علمود الموظفين بالمطار وموظف الاي او ام يعرفوكم لاجئيين ويسهلون امركم والله يسهل عالجميع

تعقيب بسيط اختي انه جوازاتنا ماختموهه دخول الى امريكا وبقت بالجنطه ولا احد اصلا شافهن الى ان رحت اقدم عالسوشال نمبر يالله طلبو يشوفوهن
وشكرا

زين اخويه هم ختمو على جوزاتكم لما طلعتو من الامارات لان هنا بالدوره قالو ما يحتاجون الجواز بالنسبه للطفله اذا ما عندها

[احمد]

اخواني الف الحمد لله والشكر خوش اخبار اشكرك اخوية iraq الله يسهل امورك واشكرك علخبر الحلو لان انطيتني امل

 
الله يفرحك يعني الولد الي خابرو علة موعد السفر جان ويانة بلدورة التثقيفية الي سويناها اول ناس يوم 5-6-7 2011يعني عن قريب الفرج

اخوية iraq وانتة حضرتك جنت ويانة بلدورة التقيفية يوم 5-6-7 2011 يعني الولد اكيد اعرفة الله يسهلة بس ممكن سؤال اذا حبيت حضرتك تجاوب علسؤال الدورة جنة مجموعتين الي مقدمين عن طريق un والي خارج الun  باي مجموعة كان الولد الله يسهلة واشكرك علاجابة؟؟؟

[احمد]

اخوية العزيز سوبرمان  بغداد اني وياك نفس الفترة الدورة التثقيفية ومقابلة المحلفين لحد هسة ماكو اي شي بس
الي عرفتة جديد بان اكو امنية ماقبل السفر تاخر المعاملة اشوية وتاخذ وقت من 1-3اشهر والتسهيل من رب العالمين
ومحد خابر بس ورة متطلع الامنية قبل السفر يرجع ملفك للولاية المقدم بيهة واذا عندك كفيل يوقع اوراقك ويخابروك علسفر والله كريم؟؟؟

بلنسبة لاخوية ابو الغيرة حبيت اسالك سؤال ؟؟
ملفك هم مر بمرحلة امنية ماقبل السفر ؟؟؟
وبلنسبة الي اتصلوا بيك من اي بلدالمكالمة جتك؟؟
والله يوفقك ويتمم عليك بلخير وتبشرنة مناك بوصولك بلسلامة ياااااااااااااااااااااااااااااااااارب

اخوية رعد بس اريداعرف اخوية العزيز ورةشكدمن الدورة التثقيفية سافرت؟؟؟؟؟

[uae123]

السلام عليكم

احنا افتهمنا ابو الغيرة اتصلوا بيه و مبروك

زين اكو احد اتصلوا بية امنية من جماعة اللي قابلوا محلفين شهر 6 2011 و الدورة التثقيفية شهر 9 2011؟؟؟؟؟؟؟؟

والله لحد هسه كلشي ماكو شو انا الكفيل لحد هسه ماكو شي لا خبر ولا حس

[uae123]

اخواني الف الحمد لله والشكر خوش اخبار اشكرك اخوية iraq الله يسهل امورك واشكرك علخبر الحلو لان انطيتني امل

 
الله يفرحك يعني الولد الي خابرو علة موعد السفر جان ويانة بلدورة التثقيفية الي سويناها اول ناس يوم 5-6-7 2011يعني عن قريب الفرج

اخوية iraq وانتة حضرتك جنت ويانة بلدورة التقيفية يوم 5-6-7 2011 يعني الولد اكيد اعرفة الله يسهلة بس ممكن سؤال اذا حبيت حضرتك تجاوب علسؤال الدورة جنة مجموعتين الي مقدمين عن طريق un والي خارج الun  باي مجموعة كان الولد الله يسهلة واشكرك علاجابة؟؟؟

خارج الي يو ان

[احمد]

uae اخوية حضرتك مقدم خارج اليو ان ممكن استفسار حضرتك ورة شكد من الدورة التثقيفية وسافرت ؟؟؟


تسلملي

[uae123]

uae اخوية حضرتك مقدم خارج اليو ان ممكن استفسار حضرتك ورة شكد من الدورة التثقيفية وسافرت ؟؟؟


تسلملي

انا بعدني ما سافرت بشهر 9 كنت بالدوره

[keaghost]

سلام عليكم
اني ممنون منكم وعلى تبريكاتكم اخوتي العراقيين الطيبين
 واتمنى كلنا نسافر بطياره وحده ( بس اخاف نتعارك بالطياره )ههههههههههههه
والله اني شكد كنت فرحان بس فرحت اكثر من شفت تبريكاتم وكلماتكم الجميله وهذا يدل على العراقيين شكد متصير بيناتهم عتاب وسوء فهم بس بلحظه كلشي ينسون والقلوب تصفه وهاي هي ميزه العراقي ابو الطيبه والكرم بارك الله بيكم وانشالله يوم اباركلكم على سفركم القريب وافرحلكم
اخويه العزيز فايو اني مقدم على اليو ان من ابو ظبي
وبلنسبه لسؤال الاخ احمد الورده اني كبل سنه مسوي دوره تثقيقيه والكفيل وقع الاوراق وكفيلي بسانت خوسيه بكاليفورنيا .

وهسه اني كلساع عركه ويه مرتي  علمود الغراض وتصفيه الشقه والامور الاخرى ههههههههه وتعالوا شوفوا الهوسه يمكن راح اطلكها الما يجي موعد السفر واشرد الجهال هههههه

ومره ثانيه ممنون من الجمييييييييييييييع والفففففففففففففف شكر أغاتي يوم سفركم بالقريب العاجل
                              
                            ابو الغيره

الف مبروك اخوية ابو الغيرة

[ima1964]

اي نعم اخويه ختمناها خروج من الامارات وضميناها وما احتاجيناهه الى ان قدمنا على السوشال نمبر وطلبو الجوازات مال الكل
حاضر لاي استفسار اخر

اخوية العزيز....زهل لازال التقديم مفتوح في ابو ظبي مع شرح بسيط ولك كل الشكر و التقدير

[احمد]

شلونك حبيبي رعد ممكن سؤال ورة شكد من الدورة التثقيفية وسافرت؟؟

[احمد]

تسلملي اخوية ولك جزيل الشكر

[hdore]

مساء الخير عليكم جميعاً والف الف مبروك على الي  حددولهم موعد السفر وانشاء الله الكل يفرحون

اخواني الاعزاء ياريت مثل مفرحتوا بالدورة التثقيفية وبمواعيد السفر لتنسون اخوانكم الي مقدمين بالجديد.. يعني لو نراجع مشاركت الاخوه والاخوات الي سافروا من الامارات والله وفقهم راح انشوف اكثرهم كاتبين تواريخ تقديمهم وتواريخ المقابلات وعن طريق اي منظمة ال  UN  ام  IOM او  SIV  فياريت يا طيبين تذكرونا سيفي مختصر عن طريقة تقديمكم وتواريخها وبالاخص الاخوه الي دخلوا جديد على هذا الموقع الكريم ومنهم الاخ احمد وابو سلطان وغيرهم  لان الصراحه من اراجع مشاركاتهم ما عرفنه اي شيء عن تقديمهم وتواريخها بينما لو انشوف اول صفحتين او ثلاثه راح انشوف  مشاركات الاخت  شجرة الدر والفيزياوية وملك الحيرة وغيرهم مفصلين بيها كلشي وحتى نظل نترحملكم ونستفاد من تجاربكم مع المنظمة . ويارب يوفقكم


هدوري

[ABO-SULTAN]

مسيته العافية على كل اهلنه بعين كاوة عزيزي ابو سلطان انت شوكت قدمت على اليو ان لانه اني الى هسة محد اتصل بينه والله كنت اتمنى عندي مقابلة واجي وياك على الواهس اخوك الزنداوي

اخويه الزنداوي
حسب ما اذكر لان فتره الانتظار والزهايمر المبكر قدمت من الشهر الرابع 2010 وتحول الفايل الى اي سي ام سي  والمقابله الاولى بالشهر الواحد 2011 والثانيه مع المحلف والسوبر فايزر بالشهر السادس والفحص الطبي بالسابع 2011
وأتشرف بمعرفتك وان شاء الله الاتصال القريب والموفقيه

ابو سلطان

مع اضافه الدوره التثقيفيه بتأريخ 13-14-15 الشهر التاسع
ادلل هدوري بالخدمه

[hdore]

اغاتي ابو سلطان الطيب مشكور على ردك. بس اظن مشاركتك مواصل منها غير تواريخ الدورة التثقيفية...

واني ممنون الك....




هدوري

[احمد]

اخوية العزيز ابو الغيرة الله يساعدك اكيد ملتهي بامور السفرالله يسهلك ويسهل للجميع حبيت اسالك سؤال ؟؟
ملفك هم مر بمرحلة امنية ماقبل السفر ؟؟؟
وبلنسبة الي اتصلوا بيك من اي بلدالمكالمة جتك؟؟
والله يوفقك ويتمم عليك بلخير وتبشرنة مناك بوصولك بلسلامة ياااااااااااااااااااااااااااااااااارب

[احمد]

اخوية iraq شلون الصحة الاحوال ان شاءالله بخير

الله يفرحك يعني الولد الي خابرو علة موعد السفر جان ويانة بلدورة التثقيفية الي سويناها اول ناس يوم 5-6-7 2011يعني عن قريب الفرج

اخوية iraq وانتة حضرتك جنت ويانة بلدورة التقيفية يوم 5-6-7 2011 يعني الولد اكيد اعرفة الله يسهلة بس ممكن سؤال اذا حبيت حضرتك تجاوب علسؤال الدورة جنة مجموعتين الي مقدمين عن طريق un والي خارج الun  باي مجموعة كان الولد الله يسهلة واشكرك علاجابة؟؟؟

[hdore]

الله يساعدك اخوية ( ابو سلطان ) واخوية الوردة ( احمد ) سالمين اخوتي خو ما ناسينه شو حطيتونة بالارشيف ؟؟؟؟

[احمد]

والله اختي هدوري بلنسبة الية احنة مقدمين من ال اي او ام بغداد وحولو ملفي للامارات لل يو ان وعملت مقابلتين الاولي سنة الماضية 10-2010 والمقابلةالمحلفين بشهر ال6 ودورات تحضيرية ب شهر ال9 ودانتظر السفر

[احمد]

شكرا جزيلا اخوية رعد علمعلومة وان شاءالله يتصلون بينة علقريب العاجل يارب اخواني اي خبرحلو تسمعو بشرونة بي الله ديم المعروق.......

[ABO-SULTAN]

اخواني اخواتي
اني مقدم بالشهر الرابع 2010 لل اي او ام ومن خلالهم تحول لل اي سي ام سي
المقابله الاولى الشهر الاول 2011
المقابله الثانيه الشهر السادس 2011 مع المحلف والسوبر فايزر وبعدها ب عشره ايام موافقه المحلف والحمد لله
الفحص الطبي بالشهر السابع
الدوره التثقيفيه منتصف الشهر التاسع
بانتظار الموافقه النهائيه

[hdore]

الف رحمه على والديك اغاتي (ابو سلطان ) على كل التفاصيل وشكر جزيل للاخ (احمد)  ومشكور عيوني (رائد ) والله يوفقك وانشاء الله انشوفكم كلكم (شايلين اكياس IOM) وواكفين على باب الطيارة وتدعونا  ومتنسونا من مشاركتكم بعد سفركم


اخوكم ها مو اختكم


    هدوري ابو زيد

[احمد]

وانتي هدوري مكتيلنة علة مواعيد المقابلات او وين وصلت معاملتج ؟؟؟

واخوية ابو سلطان بلنسبة الدورات التثقيفية كانت بشهرال7 لو 9 ؟؟

ومحد سافر من وجبتك الي سوو وياك الدورات التثقيفية؟؟؟

[hdore]

صباح الخير على الجميع/ حبيبي (احمد) شلون الصحة انا رجل والله/ اخوك (هدوري) مقدم بـشهر 5/2010 ولحد الان على حطت ايدك وننتظر انتم تخرجون حتى نلحق بكم انشاء الله . ولهذا السبب كنا نطلب منكم ذكر تفاصيل التقديم على المنظمة حتى نستفاد من تجاربكم,,,
وشكرا لكل ما كتبتوه



اخوك / هدوري

[alzandawi]

مساء الخير على كل الطيبيبن اخوية العزيز هدوري يعني انت اتصلو بيكم اليو ان وشوكت بلة زحمة لانه اني هم مقدم بشهر ال7/2010والى هسة كلشي ماكو
 بلكت الله نتامل خير والله كريم اخوك الزنداوي

[hdore]

هلا بأخوية زنداوي وانا مثلك بعد لا اتصلوا علينا ولا هم يحزنون وكلما اتصل يكولون احنه نتصل بيك من يصير تطور بالكيس مالكم

وعلى هلرنه اطحينج ناعم



هدروي

[alzandawi]

الله كريم ننتظر والله كريم

[ABO-SULTAN]

ان شاء الله الاتصال القريب للجميع والسفر والحياة الكريمه

[alzandawi]

اشكرك اخوية ابو سلطان انشاء الله الراحة والاستقرار والحياه الكريمه للجميع وبارك الله بيك

[شجرة الدر]

الف الف مبروك لجميع اللي سافروا وان شالله الله يسهل للجميع وتحياتي لاختي الغاليه ام دودو وبالسلامه ان شالله وبصراحه انا مفتقده اخونه الغالي ابو الزوووز شخباره واخونه فايوووووووووووو ايضا يمعودين من القدامى وينهم شخبارهم مافرجت عليهم تحياتي للجميع اختكم شجرة الدر

[Zozzz]

اختي العزيزه شجرة الدر

تحيه طيبه الك وان شاء الله تكونين بخير وصحه وعافيه وراحة بال انتي والعائلة الكريمه
شكرا لسؤالك عنا وتفقدك لنا بصراحه وضعيتنا كما هيه وكلما نتصل نتلقى الجواب الروتيني((( انتظر )))والله كريم
بلنسبه للجمعيتنه بخير والاخوان ممقصرين ماشاء الله ..... تحيه تقدير واعتزاز والله يوفقج ويوفق الجميع.

[vaio]

شكرا اختنا العزيزة شجرة الدر  . املنا ان تكونين بخير انت وجميع العائلة مع مزيد من الاستقارار والسعادة .

مثلما قال اخي وعزيزي ابو الزوز  فنحن على حالنا  والحمد لله .

والجمعية  عامرة بروادها ان شاء الله .

 المهم انتي كيف هي امريكا معك ؟ وهل تكونت لديك انطباعات اكثر وضوح من قبل ؟
 شكرا مرة  اخرى لسؤالك وتمنياتنا لك بالصحة والتوفيق .

اخوك   فايــــــــو

[سوبرمان بغداد]

السلام عليكم
شجرة الدر انشا الله تكونين بخير و الاهل بخير و نتمنى ان تكونين انت و الاهل استقريتو بالبلد الجديد.

حبيت اسأل بعدد هذه المدة اللي قضيتوها هناك كيف الامور و حسيتو بان هذا البلد في مستقبل و الاوضاع تكيفتو معاها؟

اتمنى تعطينا طبيعة الحياة هناك شلونها و مجال العمل؟

و شكرا و الله يبارك بيج

[احمد]

اخوية iraq شلون الصحة ؟؟؟

 يوم السفر ان شاء الله

ماكو خبر واحد جديد سافر
اخواني تحياتي لكم جميعا

[iraq@]

السلام عليكم ورحمة الله وبركاته .... شلونكم اخواني خواتي ان شاءالله ياربي تكونون بخير وصحة وسعادة وربي يسهل اموركم ويوفقكم ويستر عليكم ....
اخوية العزيز احمد اعذرني طولت عليك بالرد على سؤالك طبعا اجاوبك اخوية اني جنت ب5 و6 و7 سبتمبر نعم والولد جان خارج مجموعة ال يو ان يعني بالمجموعة الثانية . وتحياتي الك واعذرني مرة ثانية تاخرت بالرد عليك .

[احمد]

اخوية العزيز iraqi تسلملي علاجابة والله يبشرك بلخير يعني انتةجنت ويانة بنفس المجموعة الحمد لله اكو احد تحرك من مجموعتنة يعني حضرتك جنت ويانة بنفس المحاضرات ان شاء  الله نسمع خبر حلو واذا سمعت خبر ياريت تخبرنة وان شاء الله مرة ثانية تبشرنة بسفرك

وشكرا

[MohdS]

السلام عليكم شباب

اذا احد يعرف مكتب ترجمة قانونية في دبي او الشارجة ممكن يدليني علي ؟؟؟؟؟؟

[uae123]

الاخت مهى الاتراك يجون اكثر من مره بالسنه والمحلفين يجون مرتين بالسنه اخر مره اجو المحلفين والاتراك الشهر 6

[am ali]

السلام عليكم اخواني انشاء الله يكون الجميع بخير
اخوان احد يعرف الاتراك شوكت حيجون باي شهر راح يجون انشاء الله
شكرا اخواني

[ABO-SULTAN]

السلام عليكم شباب

اذا احد يعرف مكتب ترجمة قانونية في دبي او الشارجة ممكن يدليني علي ؟؟؟؟؟؟

ابشررررررررررررررررررررررررررر
اكتب عندك يالطيب هذا المكتب بدبي شارع المكتوم باتجاه الناصر سكوير مرتب ومظبوط
ايمان لخدمات الترجمه هاتف 042272066/042247066
ولترجمه الاوراق الرسميه مثل هويه الاحوال شهاده الجنسيه يجب اول شي تصديقها من القنصليه العراقيه الجديده (صوره طبق الاصل) ومن ثمه عند الخارجيه الاماراتيه يعني حايط عله حايط واذا عندك نسخ هوايه انصحك بالتصديق مع الخارجيه الاماراتيه ان متعمله مستعجل لان فرق بالحساب وهو 50 درهم يعني المستعجل 150 درهم والعادي تجي ثاني يوم ب 100 درهم والترجمه القانونيه حسب ما اذكر من 65 الى 75 درهم وشتحتاج بالخدمه

[ABO-SULTAN]

السلام عليكم اخواني انشاء الله يكون الجميع بخير
اخوان احد يعرف الاتراك شوكت حيجون باي شهر راح يجون انشاء الله
شكرا اخواني

اختي ام علي اذا اتكدرين اتصلي بيهم او ابعثي الهم ايميل عله العناوين التاليه
00902122192055
INFO@ICMCTURKEY.ORG
وان شاء الله يجاوبوج مع العلم السبت والاحد عطلتهم
بالموفقيه

[am ali]

السلام عليكم اخواني انشاء الله يكون الجميع بخير
اخوان احد يعرف الاتراك شوكت حيجون باي شهر راح يجون انشاء الله
شكرا اخواني

اختي ام علي اذا اتكدرين اتصلي بيهم او ابعثي الهم ايميل عله العناوين التاليه
00902122192055
INFO@ICMCTURKEY.ORG
وان شاء الله يجاوبوج مع العلم السبت والاحد عطلتهم
بالموفقيه

شكرا الك اخي ابو سلطان لان جاوبتني واطيتني هذه العناوين

[alzandawi]

صباح الخير اخوتنا وخواتنا اختي ام علي اني قريت قبل فترة بلصفحة السابقة انه الاتراك يجون بشهر ال10 والخبر كان كاتبه الاخ ابو الغيره والله اعلم والله يسهل على الجميع

[Face1]

مساء الخير اخوان
الف مبروك للي راح ايسافر والف مبروك للي قابل والف مبروك للي تحدد الة السفر وان شاء الله الجميع يسافرون
اخوتي واخواتي الكرام بعد 8 اشهر اتصلو الامم المتحدة بية وخبروني بالرفض وطبعا انا لا مقابلة ولا اي شي وكان رفضهم على اساس انا لست بضمن معايير الامم المتحدة لعادة التوطين

بالله عليكم اللي يعرف المعاير يكلي ما هية لان ما قبلو ايكلولي ما هية المعايير
لو سحتو اللي يعرف ارجو ان يطلعني عن كل ما يخص العشائر وكذلك الحالة الصحية وكذلك الملاحقين من قبل الجماعات تحياتي
واذا هنالك موقع وبالعربي يشرح معاير قبول اللجوء واعادت التوطين اكون ممنونة وشاكرة لكم

[Zozzz]

السلام عليكم

الاخت العزيزة FACE1 يؤسفنا على سماع خبر رفضك من الامم المتحده وبلنهايه لايسعنى الا ان تقول انا لله وانا اليه راجعون ..... اختي اذا اكو احد من عائلتك مشتغل ويه الاميركان اتصلي عل اي سي ام سي مباشر بتركيا وغير ذلك ماعدج اي حل اخر ومع ذلك نقلت لك مقتبس من رساله اخي العزيز فايو  اذا كنت مطابقه لشروط التوطين اما لا ... والله يعوضك كل خير ان شاء الله.


كثر السؤال حول  ما اذا كنت مطابق لشروط التوطين او غير مطابق  ومرفوض .
الرفض اخواني  اما يجي من الـ(UN) او من منظمة التوطين واكو فرق كبير بين الرفض هذا وذاك .

الرفض الي يجي من الـ(UN)  هو الاهم ويشمل كل الجنسيات وكل  الحالات.والذي يبلغ بالرفض من قبل مكتب المفوضية هو الذي  افتقد احد الشروط الرئيسية الثلاث .
وهي -
1- ان تكون غادرت بلدك الام  لاسباب قاهرة تهدد حياتك وحريتك  سواء كانت  اسباب سياسية او دينية او عرقية  وغيرها .
2- ان تكون الان خارج بلدك الام .
3- ان تكون غير قادر على  الرجوع لبلدك الام  خوفا من القتل او التصفية او المضايقة او اي خطر حقيقي  للاسباب السابقة .

يعني الي يبعث قصة وما يراعي هاي الشروط الثلاثة  بالتأكيد سوف يرفض وهاي المعايير  تشمل كل شخص طالب للجوء سواء كان عراقي او  بنكالي .
اما الذي يرفض من قبل منظمة التوطين  فهذا مشكلته سهلة  نسبيا وتعني انه رفض من قبل الدولة التي  اقترحتها منظمة التوطين لانه مخالف للشروط المطلوبة .  ومن الممكن ان تطلب المنظمة توطينه في بلد اخر .

يعني هناك معايير دقيقة يعتمد عليها خبراء الامم المتحدة في تحديد المتقدم بالطلب ليتبين لهم هل هو لاجيء فعلا ام هو (مهاجر اقتصادي) والمهاجر الاقتصادي يعني واحد لوتي يريد حياة مادية واقتصادية ومعيشية  افضل له ولعائلته  وليس شخص مهدد بالانقراض.

تمنياتي لكم  جميعا بالتوفيق .

اخوكم فايـــــــــــو

مساء الخير اخوان
الف مبروك للي راح ايسافر والف مبروك للي قابل والف مبروك للي تحدد الة السفر وان شاء الله الجميع يسافرون
اخوتي واخواتي الكرام بعد 8 اشهر اتصلو الامم المتحدة بية وخبروني بالرفض وطبعا انا لا مقابلة ولا اي شي وكان رفضهم على اساس انا لست بضمن معايير الامم المتحدة لعادة التوطين

بالله عليكم اللي يعرف المعاير يكلي ما هية لان ما قبلو ايكلولي ما هية المعايير
لو سحتو اللي يعرف ارجو ان يطلعني عن كل ما يخص العشائر وكذلك الحالة الصحية وكذلك الملاحقين من قبل الجماعات تحياتي
واذا هنالك موقع وبالعربي يشرح معاير قبول اللجوء واعادت التوطين اكون ممنونة وشاكرة لكم

[Face1]

شكرا الك اخوية رعد والف شكر الك اخوية زوزو
اخوتي الافاضل انا اسأل على المعايير
ملاحظة انا لم اقابل - لكن اعترف لم اكن كاتبة بشكل مفصل ودقيق ما مريت بي مع والدتي
ولا اعلم هل سيتغير الحال ام لا
ملاحضة انا ذهبت وقدمت اوراق ثبوتية جديدة لكن رغم هذا لا اعرف ما اللذي سيتم من اجراء اريد ان اعرف من حضراتكم لو رفض الشخص ممكن تصير تعديل على قرارهم ام لا لان والحمد لله قدمت اوراق جديدة ولم يخبروني هل يعتبر هذا استاناف ام لا وهل سينضرون بالاوراق الجديدة ام لا
اخوتي الافاضل اريد المعايير يعني ما المقصود بتهديد العشائر واللي عليها استحق ان اكون بيها لان اني قدمت عليها وتم الرفض اريد اعرف المعاير موحدة لو كل دولة الها معايرها يحددها المكتب في هذه الدولة او ذيج
ما يخص التهديد من قبل الجماعات وكذلك الامراض المشمولة والمخصص الها التوطين
يعني ما هية الشروط التي وضعتها الامم المتحدة لحماية الانسان

ملاحظة لو عندي المبلغ اللي تحول لصديق صديقك اكيد ما اوصل un 

[vaio]

الاخت Face1

المعايير هي واحدة وليس لها علاقة بالدولة وانما هي اتفاقية دولية ابرمت بين الدول المنـظمة الى الامم المتحدة في سنة 1951 ووقعت  عليها تلك الدول ولا فرق بين دولة واخرى في اتباع الاجراءات .

النقاط الثلاثة التي نقلها الاخ ابو الزوز هي اهم النقاط .

يمكنك ان تراجعي مديرة مكتب المفوضية وتشرحين لها انك لم تكتي كل تفاصيل القصة ولم تراعي الاسلوب الصحيح في الكتابة واطلبي منها فرصة ثانية  لتقديم الطلب  ولا اعتقد انها سترفض لانها انسانة متفهمة .


فايــــــــو

[MohdS]

السلام عليكم شباب

اذا احد يعرف مكتب ترجمة قانونية في دبي او الشارجة ممكن يدليني علي ؟؟؟؟؟؟

ابشررررررررررررررررررررررررررر
اكتب عندك يالطيب هذا المكتب بدبي شارع المكتوم باتجاه الناصر سكوير مرتب ومظبوط
ايمان لخدمات الترجمه هاتف 042272066/042247066
ولترجمه الاوراق الرسميه مثل هويه الاحوال شهاده الجنسيه يجب اول شي تصديقها من القنصليه العراقيه الجديده (صوره طبق الاصل) ومن ثمه عند الخارجيه الاماراتيه يعني حايط عله حايط واذا عندك نسخ هوايه انصحك بالتصديق مع الخارجيه الاماراتيه ان متعمله مستعجل لان فرق بالحساب وهو 50 درهم يعني المستعجل 150 درهم والعادي تجي ثاني يوم ب 100 درهم والترجمه القانونيه حسب ما اذكر من 65 الى 75 درهم وشتحتاج بالخدمه

عاشت ايدك ياوردة روح انشاء الله تسافر لامريكا باجر و الحكك خلال اسبوع كولو امين

[Zozzz]

تعقيبا عله كلام الاخوان الاعزاء فايو و raadmteer

الاخت Face1
استأنفي وحاولي ان تتكلمين مع المدام مي بلكي تكدر تساعدك واذا وافقو عل استئناف خيرا على خير واذا لا فانتي بذاك الوقت غير ملامه والي عليج سويتي واكثر وبلكي الله يعوض صبرك خير ...

[uae123]

شكرا للاخوان والاخوات الي جاوبوني عل سؤالي السابق والله  يكثر من امثالكم

الاخ raadmteer ارجوا منك شرح بسيط عن مرحله مابين تقديم الاستماره ومقابله المعلومات ومقابلة التوطين اذا ماكو زحمه عليك وهل الفترة مابين المقابلتين [المعلومات والتوطين] تاخذ وقتا اكثر من سنه او سنتين دراسه وليش كل هل تاخير ؟ وهل اكو رفض لاسامح الله بعد مقابلة المعلومات واستلام الفايل نمبر والقرار منين يصدر؟ وشكرا الك

اختي مها
حسب ماكان سابقا ، الفتره مابين تقديم الاستماره واول مقابله هيه مابين 6 الى 9 شهور، وبعدها في فتره لا تتعدى 3 شهور تصير مقابلة المنظمه غير الحكوميه ان جي او او ما اصطلح عليهم الاتراك لان مقرهم بتركيا وبعدها في فتره اقصاها 4 شهور تصير مقابلة هيئة المحلفين وبعدها خلال فتره بين شهرين الى ثلاثة اشهر يصير الفحص الطبي ثم الدورة التعريفيه.
طبعا هذا الكلام كان على وقت التقديم مالتي واني صارلي سنه من سافرت لامريكا.
بالنسبه لموضوع الرفض فهو وارد لحد ماقبل الدوره التعريفيه ، واكو ناس اعرفهم انرفضوا وتم تبليغهم بالرفض قبل الدوره التعريفيه بيوم واحد.
حاضر لاي استفسار اخر

زين اخويه بالنسبه للامنيه جكد الفتره بين المحلفين والامنيه كم شهر تاخذ

[Face1]

مساء الخير اخوتي
شكرا الكم جميعا اخوتي الافاضل الله ينصركم ويسهل امركم اريدكم تبقون اخوة ولا تعصبون اني ممنونة من كل واحد جاوبني واتمنى التوفيق للجميع
اخوتي اريد بنود اتفاقية جنيف ما يخص اللجوء واعادة التوطين
من ناحية
العشائر
المرض
التهجير والتهديد
الله ايسر امركم لا تبخلون بالرد على طلبي ولو اعرف الكل سباقة لكن الله ايخليكم اريد اعرف البنود حتى اناقش بيها لان الرد كان مبهم وبدون توضيح الاسباب الله ايخليكم ردو على طلبي
شكرا الكم وتحياتي

[uae123]

شباب شنو اخبار  اصدار الجوازات من دبي قبل اسبوع قالو ان هي واقفه من بغداد شنو اخر الاخبار ؟

[alzandawi]

اخوية العزيز اليوم خابرتهم للسفارةكالو الاربعاء حنبدي نشتغل لانه الوفد اليوم واصل من بغداد  يعني فد يومين تلاثة وراهة يعني ماطولهة عليك على الاسبوع الجاي انشاء الله

[vaio]

بارك الله بيك اخ raadmteer ان شاء الله ليس بيننا الا الخير .

وبالنسبة للمعايير ... الحقيقة عندي فايل (pdf)  هو المعايير والاجراءات  التي تعتمد من قبل المنظمة لكن للاسف لم استطع رفعه للمنتدى لكبر حجمه.

وسوف اجد طريقة ليكون في متناول الاخوة والاخوات .


فايــــــــو

[vaio]

الى جميع الاخوة والاخوات  هذا الملف مهم جدا  لمعرفة معايير واجراءات المنظمة في تحديد من هو مطابق للشروط او غير مطابق .


اليكم الرابط  . رفعته قبل قليل .

http://arabsh.com/hhbcxb4m0y5x.html

فايـــــــو

[Face1]

الله ايبارك بيك وبجهدك  وينطيك الصحة والعافية ويحميك ويرضا عنك
حملة ونزل عندي
تسلم يا فايو الورد
الله ايسر امرك ويسفرك اليوم قبل باجر وترتاح ولو راح الكثير من الموجودين يخسروك لان انت سباق ومعطاء الله يسر قلبك
تحياتي اختك Face1

[vaio]

عفوا اختي  Face1  وانا في  خدمتكم .
شكرا لك على  دعائك وربنا ييسر امورك .

فايــــــو

[Zozzz]

عاشت ايدك اخي العزيز فايو عله هذا الملف المهم بس واني اقرا اكول هل راح يطبقو الجماعه بحذافيره؟ لو كل واحد راح يجتهد حسب مزاجه لانه داشوف بلاونه الاخيره الجماعه صايرين بكيفهم يقدمون وياخرون بلمفات وبصورة متفاوته!! ومتفتهم وين وشنو الموضوع والمشكله الواحد ميكدر يكول ويحجي شي ويناقشهم!! لانه المسأله بلاخير كلها راجعه الهم وبكيفهم! .....الله يعين الجميع وشكرا لك مره ثانيه على هذا المجهود الرائع

اختي مها 1 بلنسبه لمقابله التوطين ماعدج غير بس الانتظار والاستغفار ولا حول ولا قوة الا بالله.

[uae123]

شباب سلام عليكم محتاجين بشركة بترول بالشارقه بنيه تشتغل بالاداره اذا احد عندها الرغبه تعطيني خبر بس محتاج ارد بسرعه

[احمد]

اخوية العزيز uae والله دادورشغل لزوجتي علوا لوادزلي رقم الفاكس علمود ادزلهم السي في وتنطيني معلومات عن الوظيفة لان محتاجين شغل

[omarsami]

شباب سلام عليكم محتاجين بشركة بترول بالشارقه بنيه تشتغل بالاداره اذا احد عندها الرغبه تعطيني خبر بس محتاج ارد بسرعه

dear uae
did they want civil engineer ?
i`m looking for civil engineer job
regardes

[uae123]

اخوية العزيز uae والله دادورشغل لزوجتي علوا لوادزلي رقم الفاكس علمود ادزلهم السي في وتنطيني معلومات عن الوظيفة لان محتاجين شغل

.
اخويه هذا الاميل

alyalyn@yahoo.co.uk
Att:-  Mr Aloysious
وربي يوفقكم

[uae123]

شباب سلام عليكم محتاجين بشركة بترول بالشارقه بنيه تشتغل بالاداره اذا احد عندها الرغبه تعطيني خبر بس محتاج ارد بسرعه

dear uae
did they want civil engineer ?
i`m looking for civil engineer job
regardes

no my dear  im so sorry

[uae123]

شباب اشتغل السيستم مال الجوازات اليوم اليوم رحت سويت جواز

[احمد]

اخوية العزيز ممكن تكولي طبيعة الشغل شنو الخبرة الرايديهة شهادة المتقدم للوظيفة ؟؟؟
شنو المنصب ممكن تكولي التفاصيل؟

[uae123]

اخوية العزيز ممكن تكولي طبيعة الشغل شنو الخبرة الرايديهة شهادة المتقدم للوظيفة ؟؟؟
شنو المنصب ممكن تكولي التفاصيل؟

بصراحه ما خبروني طبيعة الشغل بس اهم شي اللغه وخبروني ان يكون الشغل بقسم الاداره بس اتصور مو سكرتاريه تنفيذيه تصوري هذا لان ما خبروني بالضبط

[احمد]

اخوية العزيز ممكن تسالي باجر عن الشغل ادارة شنو؟شنو اسم الشركة؟؟ اوقات الدوام؟؟

 لان لازم الواحد يعرف طبيعة الشغل مؤهلاتة علمود يقدم صح لولا؟؟

واذا حبيت اكتلي علخاص اخوية تسلملي وانتظر ردك؟

[keaghost]

الاخت face 1 مادام انت اصلا ما فتحولك ملف فيعني انت ما مطابقة للشروط مالتهم و هنا اصلا شي كلش صعب مثل حالتك يقبلوها و ما اعتقد انه اكو شي اسمة استأناف لان انت اصلا ما مفتوحلك ملف و من البداية اني نصحتك ان ترحين يا اردن يا سوريا تقدمين لان هناك تمشي مثل حالتج اسهل و انت حاولي ترحين لليو ان مرة ثانية و جربي و انشالله خير

[مهى1]

أخوان ماكو احد عده اخبار عن اليو ان؟ ديمشون معاملات هل ايام لو لا؟ اكو مقابلات لو ماكو؟

[raadmteer]

اقاربي سوو مقابلتهم الثانيه يوم الاربعاء الماضي

[مهى1]

اخويه raadmteer
شكرا على جوابك السريع وكثر الله من امثالك بس حبيت اعرف شوكت سوو المقابله الاولى واذا عدك اي معلومات عن المقابله الثانيه شلونها كانت المقابله سهله وطبيعه الاساله اذا  تكدر تفيد بيها اخوانك اكون ممنونه منك.

[raadmteer]

والله يا اختي كل اللي اعرفه انه مقابلتهم الاولى كانت قبل 10 شهور تقريبا وتأخرت الثانيه بسبب خطأ في ادخال البيانات اللي يبدو انها يتم تدقيقها في المكتب الاقليمي في الرياض قبل الشروع بالمقابله الثانيه استنادا الى كلام قريبي

واسف على قلة المعلومات

[MohdS]

اخوان محد سمع شي عن جية الوفد الامريكي للامارات

[احمد]

السلام عليكم اخواني

شلون الصحة الاحوال اشو ماكو اخواني الي سوو الدورة التثقيفية شهر ال9 ماكو خبر جديد منا منا؟؟

سلام للكل

[مهى1]

اخي العزيز raadmteer
شكرا جزيلا على الرد وبارك الله بيك

والله يا اختي كل اللي اعرفه انه مقابلتهم الاولى كانت قبل 10 شهور تقريبا وتأخرت الثانيه بسبب خطأ في ادخال البيانات اللي يبدو انها يتم تدقيقها في المكتب الاقليمي في الرياض قبل الشروع بالمقابله الثانيه استنادا الى كلام قريبي

واسف على قلة المعلومات

[سوبرمان بغداد]

السلام عليكم

بشروا ماكو اخبار عن الامنية ؟؟؟

[strongway]

اخوان رحمة لوالديكم هل اكو احد عنده فكرة عن كيفية نقل الملف :
1- هل يجوز نقل الملف من بلد عربي الى الامارات ؟؟؟ ام لازم نفتح ملف جديد ؟؟؟
2- واذا لازم نفتح ملف جديد طيب شنسوي للملف القديم في هذاك البلد؟؟؟؟
3- وكم هي الفترة المقررة لنقل الملف ؟؟ اي اشكت ياخذ وكت؟؟؟
4- هل لازم انبلغ ذلك البلد العربي بذلك  فرضا ً في حالة غلق الملف؟؟؟

اخوان منتظر ردودكم لي بأسرع ما يمكن  جزاكم الله
الي يريد اجابتي على العام ابكيفه والي ايريد اجابتي على الخاص همات ابكيفه ومليون ابكيفه بس المهم اريد اجابة اكيدة اعزائي الطيبين الله يبارك بيكم اهل بلادي

                                                        اخوكم سترونك وي

[سوبرمان بغداد]

اخويه هو تنقل ملفك من البلد الاول الى البلد الثاني. هذا اللي اعرفه

[ABO-SULTAN]

السلام عليكم اخواني

شلون الصحة الاحوال اشو ماكو اخواني الي سوو الدورة التثقيفية شهر ال9 ماكو خبر جديد منا منا؟؟

سلام للكل

هدوءءءءءءءءءءء........بس نسمع حسك الطيب اخويه ابو شهاب

[omarsami]

اخوان رحمة لوالديكم هل اكو احد عنده فكرة عن كيفية نقل الملف :
1- هل يجوز نقل الملف من بلد عربي الى الامارات ؟؟؟ ام لازم نفتح ملف جديد ؟؟؟
2- واذا لازم نفتح ملف جديد طيب شنسوي للملف القديم في هذاك البلد؟؟؟؟
3- وكم هي الفترة المقررة لنقل الملف ؟؟ اي اشكت ياخذ وكت؟؟؟
4- هل لازم انبلغ ذلك البلد العربي بذلك  فرضا ً في حالة غلق الملف؟؟؟

اخوان منتظر ردودكم لي بأسرع ما يمكن  جزاكم الله
الي يريد اجابتي على العام ابكيفه والي ايريد اجابتي على الخاص همات ابكيفه ومليون ابكيفه بس المهم اريد اجابة اكيدة اعزائي الطيبين الله يبارك بيكم اهل

                                                        اخوكم سترونك وي

you can transfer your case for sure
i think it will tack 3-4 month same what happend to me
transferd from amman to uae
regards

[ملك الحيرة]

تمنياتي للجميع بالسفر القريب انشاءالله

[vaio]

شكرا على مرورك  وتمنياتك اخي ملك الحيرة
ربنا يوفق الجميع

[strongway]

الى الاخ  omarsami

اشكرك اخوية على اجابتك لي والله يفتح عليك يا وردة

                   thank you so much       
[/size]
                                                                                                                                                                                                                       

[strongway]

اخوية سوبرمان بغداد

شكرا جزيلا لك يا اصيل

                                             اخوك سترونك وي

[احمد]

السلام عليكم

اخواني اخواتي شلون الصحة اشو ماكو مختفين
اكيد ملتهين بهل دنية ومليتو من الانتظار مثلي
يلة الله كريم تفرج ان شاء الله
حبيت اسلم عليكم

[سوبرمان بغداد]

و الله هاي خابرت الاسبوع الماضي و كلشي ماكو

بعدها على التجييك الامني   و الله كريم

[احمد]

شاونك اخوية سوبر مان بغداد
والله هاي كل منخابر نفس الاجابة والله كريم
بس مسمعتو احد حيسافر؟؟

[ABO-SULTAN]

إخواني / أخواتي كم المدة المتوقعة للاتصال بعد توقيع الكفيل للأوراق ؟؟؟

[احمد]

والله اخوية حسب مسامع انو بس يوقع الكفيل علة اوراقك يلكولك شقة وموعد سفر ويخبروالكفيل
وان شاء الله خير للجميع

[سوبرمان بغداد]

اني اعتقد حسب طبعا ما قريت بالمنتدى الفترة من 6 اشهر الى سنه التجييك الامني

و الله كريم

[احمد]

اخوية سوبر مان حيصيرلنة 6 اشهر وحنعيد الفحص الطبي
وهاي
كاعدين وساكتين

[سوبرمان بغداد]

شلونك عيني حمودي
بس انت من جماعتنا غير اللي قابلوا المحلفين بشهر 6. كالوا بوكتها الفحص الطبي 15 شهر المدة مالته

[omarsami]

the dhs officers coming to the uae on the end of month
good luck for all

[مهى1]

أخي العزيز    omarsami

ممكن اتوضح شنو تقصد  بل dhs officers وشنو عملهم  يعني ياوفد تقصد التركي؟ وشنو راح يسوون مقابلات؟ لو يقيمون ملفاتنا ؟شكرا جزيلا عله معلومه اخويه

[omarsami]

لا اختي الوفد الامريكي

[احمد]

والله اخوية سوبر مان من سوينة الفحص كالومدتة 6 اشهر بس ماعرف بعد
واني بلنسبة الية من جماعة قابلو محلف شهر ال6 يعني من يوم المقابلة شهر 6 شغلتنة دخلت الامنية يعني صارلهة4 اشهر من شهر ال6 لحد هسة
والله كريم

[MohdS]

اخوان عندي مقابلة ويا الامريكان نهاية هذا الشهر و للمرة الثالثة على التوالي ...يعني شسويلهم يحبوني مدا يتحملون فراكي لو اخبلهم لو يخبلوني  وشد مقابلات و اقبض من دبشششش....

[ABO-SULTAN]

أخي العزيز    omarsami

ممكن اتوضح شنو تقصد  بل dhs officers وشنو عملهم  يعني ياوفد تقصد التركي؟ وشنو راح يسوون مقابلات؟ لو يقيمون ملفاتنا ؟شكرا جزيلا عله معلومه اخويه

المقصود بيه (Department of home land security ) يعني الأمن الداخلي والي نعرفه ب وزاره للداخليه او الأمن العامه وهمه يكونون مسئولين عن تجيك صحه الاوراق والمعلومات مثل الجواز والهويات واذا كان الشخص عراقي واهليته للسفر وبعده تنقل الفايلات للجهات الامنيه الاخرى للتحري والتقصي عن الشخص

[سوبرمان بغداد]

ماكو خبر بشروا................

[احمد]

صافيةدافية ننتظر رحمة الله ومخابرة الاتراك

[احمد]

السلام عليكم

[alzandawi]

عليكم السلام ورحمه الله وبركاته

[ABO-SULTAN]

السلام عليكم

وعليكم السلام ورحمة الله

تفضل اغاتي ابو شهاب استريح شعندك مستعجل .....؟؟؟

بشر شلون الوضع اليوم ماكوا اخبار جديده محد ناوي يسافر محد كمل دوره تثقيفيه مقابله محلف اخبار عنهم جوي راحوا

[MohdS]

شوف عيونيييي باجر انشاء الله عندي مقابلة وية الاتراك حتى يشوفون المولود الجديد علما اني مقابل و مكمل و عايد كلشي و كلاشي بس اجتني بنية و لازم اعيد من البداية على العموم حسب ما عرفت الامريكان حيجون عن قريب بس بعدهم الاتراك ميعرفون شوكت بس اسمع اي شي انشاء الله ابلغكم اول باول و انشاء الله يسهل للجميع

[نور المستقبل]

مرحبا بكم جميعا اهل المنتدى بشرونا شكو اخبار جديدة

[نور المستقبل]

جماعة الخير ممكن سؤال  ؟   اذا اجة الوفد الامريكي للامارات  يعني راح  تفرج !

[سوبرمان بغداد]

الموفقية للجميع

[احمد]

ان شاءالله

[شجرة الدر]

السلام عليكم جميعا اخواني واخواتي اشكر سؤالك اخي الكريم فايووووووو واخي الغالي ابو الزوووز الله يفرج عليكم ويبشركم بالخير عن قريب بأذن الله بالنسبه لنا في روتين الحياة هنا مشغولين والحياة كلها ركض ودفع فواتير وبلات وتاكسات وتركض وما ملحك وتعرف وره فتره المساعدات كلها تنكطع وتظل كلها تريد منك من ماء كهرباء غاز نت انشورنز قرض السفر واشتغل منا وادفع منا الله يعين هسه تجون وتشوفون بس ماكووووو امامنا غير حل لو الدول العربيه بيها خير ونطوا اقايم للعراقين واحتوهم ماكان احد فكر باللجؤ بس يله الله كريم الله يهون عالجميع والحمدلله والشكر على كل حال والوضع يختلف من ولاية لاخرى يمكن اكو ناس بغير ولايات احسن من هذه الولايه لان معروفه عن بنسلفانيا افقر ولاية بامريكا

[Zozzz]

السلام عليكم
أختي العزيزة شجرة الدر تحيه عطرة وشكرا جزيلا على سؤالك عنا نحن بخير والحمد لله وبعدنا صامدين والله كريم ... بلنسبه للروتين الحياة باميركا شلون مجان احسن من باقي الدول تعال جدد اقامه وسوي فحص طبي وغيرها وغيرها واهم شي المدارس وكذلك الجامعات وعله الاقل الواحد اسمه متخرج من اميركا هاي شهادته تعادل بروفيسور يمنه ويمكن يحصل راتب احسن من البروفيسور  فعيوني مشيها شلون مجان اهم شي خلصتي وان شاء الله موفقه انتي وجميع الاخوان الاعزاء من ملك الحيرة والوسمي وسباركي واخونا العزيز فايو وجميع الاخوان والاخوات الاعزاء في جمعيتنا العزيزة وان شاء الله بحق هاي الايام الفضيله ان تتيسر اموركم وامورنا وسنة الجايه الكل عابر الى بر الامان باذنه تعالى وكل عام والجميع بالف خير .

[sparky]

حبيبي ابو الزوز

اروح فدوه لهذا الوجه الغالي ذكرت اسمي ..سباركي ..على اساس انه انا بامريكا ...لك عيني الله يسمع منك بجاه كل من لديه جاه عند رب العباد
وبجاه هذه الايام المفترجه ان يفرجها رب العباد على الجميع وعلى كل العراقيين وان يمنحنا الامن والامان الذي طال انتظاره والشكوى لله

كل عام وانتم بخير وعساكم من عواده وتحيه خاصه لتاج راسنا اختي في الله شجرة الدر ولكل من يقرا كلماتي المتواضعه هذه وجزاكم الله الف خير يالغاليين

انا بعدني ملطوع بالغربه بالعمارات - اقصد بالامارات - الى ان ياذن رب العزه سبحانه وتعالى

[vaio]

السلام عليكم
مرحبا بك اختي شجرة الدر  اسعدنا مرورك وكلماتك وتمنياتك وربنا يوفقكم بتغير حالكم الى الافضل.
بالتاكيد الحياة عندكم مختلفة كثيرا عما هي في الامارات  .ما قد نبحث عنه (الجنة) غير موجود اصلا بالدنيا فأين ما ذهبنا هناك  عناء وهناك مشاكل وهناك ضغوط  لكنها تختلف بـ"النتيجة"  . ويجب ان نقيم امورنا بهذه النتيجة .عندما نحلل الفرق الشاسع بين نتيجة العيش في اي دولة عربية ونتيجة العيش في امريكا ندرك اننا قدمنا لاولادنا فرصة عظيمة ليعيشوا بشكل افضل وفرصة عظيمة لحمايتهم من افكار التخلف التي طالما عشنا فيها نحن . عندها فقط سوف نرى ان عناء العمل والفواتير والايجارات والانشورنس وغيرها كلها ثمن بسيط لنتيجة عظيمة .

لاختنا العزيزة شجرة الدر واخونا الوردة ابو الزوز وكل فرد في هذه الجمعية الجميلة  اقول ـ

 "عيدكم مبارك وكل عام وانتم بالف خير  اعاده الله عليكم  بالخير والبركة وسلامة الدين والدنيا "

اخوكم فايــــــــو

[raadmteer]

اتصلو بأقاربي وبلغوهم انه عدهم مقابله يوم 17
تحياتي

[alzandawi]

السلام عليكم ورحمه الله وبركاته وكل عام والجميع بصحة وعافية ويعود عليكم بلخير والصحة والعافية وتحقيق الاماني وانشاء الله الراحة والاستقرار   اخوية العزيز رعد بس اذا سمحت اقرابائك شوكت مقدمين الله ينطيك الصحة والعافية

[raadmteer]

عيني الزنداوي همه سالفتهم شويه معقده لان قدمو اول طلب سنة 2007 وضاع ورجعو قدمو طلب ثاني سنة 2009

[alzandawi]

اشكرك عيوني انت على ردك يعني الحمد لله خلي نكول اكو شوية تحركات بلموضوع والله هاية على حطة ايدك نريد بس شوية اخبار مفرحة يعني من اسمع احد مخابرين عليه اطير من الفرح اكول بدت شوية الامور تتوضحوالتسهيل على الله

[raadmteer]

اخويه الزنداوي
اسأل الله ان يكتبلك الخير اين ماكان ويسرع سفرك اذا كان فيه الخير الك

ان الله على مايشاء قدير

[سوبرمان بغداد]

كل عام و انتم بالف خير انشالله و تتحقق امنياتكم و الكل اذا الله سهل تجيهم الموافقة الامنية

شجرة الدر. شلونج و شلون الاهل. انشا الله تكونون بخير و عافيه. لاحظت ان بالفتره الاخيره كلامج غير مطمأن عن امريكا يعني الحياة صعبه و هسه المساعدات راحت. و لو تقارنين تعليقاتج قبل ما تروحين و هسه نلاحظ الشغله مثل الباتري جان و جديد و هسه جسه. فاني جدا شايل لهذه السفرة و انت بصراحه قدوتنا اللي هيه بالمقدمه و اتابع كل تعليقاتج و الاخبار اللي تنقلينا اياها. فيا ريت تحجيلنا هل بعد هذه الفتره من المعايشة هناك بامريكا هو بلد جيد و هل بعد الذهاب اله يمكن الاستقرار هناك لو بعد ما نستلم الجواز همينه تعال لكي بلد ثاني و شغل ثاني.

امنياتي بالموفقية شجرة الدر. و ادعو من الله ان تستقرون و تعيشون بخير و سلام هناك بامريكا و دائما بداية الطريق صعبه. خلي  عزيمتكم قوية

[alzandawi]

اشكرك اخوية رعد على دعائك ياطيب وانشاء الله الي بيه خير النه الله يقدملنياه والله يفتحهة بوجهك دنيا واخره اخوية العزيز

[نور المستقبل]

عيد مبارك على الجميع وكل عام وانتم بخير وانشاء الله تتحقق امنيات الجميع وتفرج على الجميع

[سوبرمان بغداد]

كل عام و انتم بخير

ماكو اخبار عل العيد

[شجرة الدر]

كل عام وجميعا ابناء بيتنا العزيز في عنكاوا بخير واعاده الله عليكم باليمن والبركات وعساكم من عواده

اي والله اخي الكريم سوبرمان وصف جيد مثل البطارية اللي جست من وقع الصدمه  بس شنسوي نكول الله يعين ومااؤيد احبط من معنويات اي احد يجون ويشوفون يمكن الله يكتبلهم الافضل والله كريم ويسهل عالجميع

[سوبرمان بغداد]

الله يسهلها عليكم شجرة الدر و الجميع انشاء الله

[مهى1]

السلام عليكم ورحمة الله وبركاته

اخوان ماكو مقابلات من يو ان ابو ظبي بهل فترة؟ ماشاء الله اعضاء هوايه ليش ماكو مشاركات؟ يعني معقوله محد سامع شي يجي يكتبه ويكوله هنا عله الاقل الموضوع يكون بلصفحة الاولى او بلثانيه مو  واصل للصفحه الرابعه

[hdore]

مساء الخير/ والله ي اخت مهى  الك حق بكل كلمة تكتبيها وانا اضم صوتي لصوتك. لان انا بعد من الناس الي مقدمين جديد وانتظر اي خبر يرفع المعنويات لكن اكثر  العراقيين وللاسف بينه فد عقدة  اسمها الخوف من العين ( الحسد )لان والله العظيم اني اعرف اكثر من عائلتين قابلوا مقابلت توطين مبدئي ومقابلت معلومات وي عبد السلام بشهر العاشر الماضي وبدايت هذا الشهر ومن اكلهم على هذا المنتدى حتى تستفادون من المشاركات وتستفادون  يكولون اي نعرفة لان ندخل كل يوم انشوف شكو اخبار جديدة بس ميكتبون اي شيء. فخليها على الله وانشاء الله ميخيب ظنك..

[سوبرمان بغداد]

السلام عليكم

اتمنى من العراقيين ان يكتبو الي يصير وياهم. حتى الناس تستفاد. مع الاسف غيرنا تشوفهم واحد يساعد الثاني بالجواب و الشرح.

و احب لاخيك ما تحب لنفسك

و رحم الله كل من يشرح و يساعد بهذا المنتدى لان بصراحه هذه الاخبار و التعليقات و الشرح جدا مفيده للناس.

[مهى1]

اخواني hdore وسوبرمان بغداد

شكرا جزيلا عله ردودكم وان شاء الله تتسهل كل اموركم وامور كل الطيبين بهاي الجمعيه وبصراحه اني كنت اتجول بغير جمعيات اشوف الكل متكاتفين عبالك اخوان شو بس احنه هنا كل واحد بوادي مع العلم اعضاء ماشاء الله هوايه ومثل متفضلتو هيه المساله بلاخير رفع معنويات بلاضافه الى المعلومات القيمه والي بس يجي يقره ويروح وميحب يشارك او ميريد يفيد الاخرين هم فد يوم يجي شخص عده معلومه ومراح يفيده بيها  يعني الانسان شيزرع يحصد ويشوفه بدربه وبلاخير اسال الله ان ييسر ويسهل اموركم وامورنا جميعا وان شاء الله الكل يتواصل ونصير عائلة وحده .

[omarsami]

اخواني hdore وسوبرمان بغداد

شكرا جزيلا عله ردودكم وان شاء الله تتسهل كل اموركم وامور كل الطيبين بهاي الجمعيه وبصراحه اني كنت اتجول بغير جمعيات اشوف الكل متكاتفين عبالك اخوان شو بس احنه هنا كل واحد بوادي مع العلم اعضاء ماشاء الله هوايه ومثل متفضلتو هيه المساله بلاخير رفع معنويات بلاضافه الى المعلومات القيمه والي بس يجي يقره ويروح وميحب يشارك او ميريد يفيد الاخرين هم فد يوم يجي شخص عده معلومه ومراح يفيده بيها  يعني الانسان شيزرع يحصد ويشوفه بدربه وبلاخير اسال الله ان ييسر ويسهل اموركم وامورنا جميعا وان شاء الله الكل يتواصل ونصير عائلة وحده .

اخوان الوفد الاميركي جان نهاية الشهر (28 بشهر اكو مقابلات )

[نور المستقبل]

الاعزاء مهى وHADOR  ممكن اعرف انتو شوكت قدمتوا بالنسبة لنا مقدمين من يناير  شهر الواحد 2011  مريت قبل شهرين  للمكتب مال المفوضية بأبو ظبي فأخبرتني مدام مي بأن أكتب تفاصيل أكثر , فكتبت وسلمتها باليد ولحد الان ماكو خبر

[hdore]

مرحبا /احنه بالنسبة النا مقدمين من شهر الخامس /2010 ولحد الان ننتظر وماكو اي جديد وكلما نتصل او اروح يكلونا بعد احنه نتصل بيكم من يصير شيء وهاي احنه صابرين والله كريم ...

[omarsami]

عزيزتي نورالمستقبل اني مقدمه بنهايه 2009 وقابلت مقابله اولى ولحد اليوم انتظر مقابله ثانيه وكلشي ماكو والله كريم اخويه العزيز hdore ان شاء يتصلون بيك عن قريب لانه اعرف جماعتين مقدمين من بدايه العاشر قابلهم عبد السلام والله كريم بس الظاهر شغلهم كله عل مزاج صاير وبكيفهم اخوان الي عده معلومات عن المقابلات ارجوا ان يذكرها النا والله يسهل امركم وامورنا جميعا وشكرا لجميع المشاركين واخص بلذكر الاخ omarsami

اشكرج اختي واني بلخدمة والاخوان همين اذا عدهم معلومة هم ما قصرون
ادعولنا اللة سهل امورنا واللة تعبنا وايسنا من الانتظار

[avalon05]

السلام عليكم أخوان
شنوا أخبار الجماعة اللي مقدمين طلبات في سنة 2011 , اني قدمت أوراقي بداية شهر4 سنة 2011 , ولحد الان لم يتصل احد بي .
وأتصلت بيهم قبل اسبوع قالوا لحد الان يدرسون طلبات 2010 , يا ريت الاخوان اللي مقدمين بهاي الفترة واتصلوا بيهم من اليوان يخبرونا.
وأنشاء الله يفرجها على الجميع

[alzandawi]

الاخ او الاخت العزيزة  احنه مقدمين من 7/2010والى حد الان كلشي ماكو لااتصال ولا مقابلة ولا حتة مس كول  يعني الشغلة تاخذ وكت ولو تقرون بدايات الجمعية تشوفون اغلب الي سافرو اقل شي شغلتهم اخذت سنتين  يعني شغلة اليو ان تمشي  شوية ابطئ من السلحفاه حتة لتخلون بالكم يمهة لانه تشبعون قهر  واسف خاف سببت احباط بس ترة والله الشغلة ينرادلهة صبر

[نور المستقبل]

شكرا للجميع على التجاوب والمساعدة في توضيح مواقفهم وخاصة الاخت العزيزة مها والاخ او الاخت العزيزة hdoar  من المؤكد بتواصلنا سوف نحصل على الاطمئنان  وكل منا يصبر الثاني الى أن تفتح علينا ابواب الرحمة ,, الله يبشر الجميع بالخير  ونسمع الاخبار الحلوة

[MohdS]

اولا اني اسف على قلة المشاركات بس الجماعة نفسهم طويل يعني جبيب سنين و خد عتابة و ماكو شي جديد دندور بحلقة مغلقة

ثانيا ذاكرين بصفحة اللجوء الرئيسية انو اي او ام عمان مسوين موقع تسوي بي اشتراك و تكدر تعرف حالة الملف مالتك وين وصلت سؤالي هو احد من الجماعة بالامارات اشترك بهذا الموقع ؟ لان اني شتركت و دخلت على الموقع بس كلشي مطلعلي صفحتي بيضة عدهم

[سوبرمان بغداد]

و الله اخويه ما اشتركنا بيه. لكن اللي عرفته بس لاهل عمان

هل يصير احنا ندخل و نسجل و تطلع حالة المعاملة مالتنا لاهل الامارات؟؟


و شكرا للجميع

[Computer Engineer]

السلام عليكم
إخواني  حبيت اوضحلكم انه احنه المقدمين لجوء بالإمارات  تابعين الي منضمه ICMC وليس IOM

[alzandawi]

صباح الخير   صحيح  الموقع بس لجاعة الIOMعمان يعني احنه مالنه علاقة بيهم هسة خلي يشيلون التلفون من نخابر وبعدين يسولنه  موقع  او بلاحرى خلي يكولولنه على الاقل  موافقين علينه مموافقين الى هسة لاحس ولا نفس  صار سنه ونص

[ملك الحيرة]

اخواني اخواتي
السلام عليكم ورحمة الله

لتسهيل الامور الي عنده فلوس ويكدر يحصل على فيزة زيارة الى امريكا يكدر من يوصل يوكل محامي هجرة ويحصل على لجوء بس الموضوع ياخذ وقت وفلوس هواي اكو عائلة  اجو من الامارات ومباشرين وصارلهم سنة تقريبا موجودين هنا والاجراءات ماشية ووضعهم قانوني 100%

للعلم للي نفذ صبره

اخوكم ملك الحيرة

[alzandawi]

السلام عليكم اخوية ملك الحيره يعني بلة زحمة عليكم شكد تكلف الشغلة لعائلة 5افراد وشكد المدة يلة يوافقون برايئك تحياتي الك

[ملك الحيرة]

تختلف من محامي الى محامي ... لكن تبدأ من 3000 $ الى 30000 $ اما بالنسبة للوقت ما معروف لان هم تبقى على الكشرة(الموافقة الامنية) لكن بكل الاحوال انت موجود في امريكا

السلام عليكم اخوية ملك الحيره يعني بلة زحمة عليكم شكد تكلف الشغلة لعائلة 5افراد وشكد المدة يلة يوافقون برايئك تحياتي الك

[avalon05]

الاخ ملك الحيرة
السلام عليكم, شكرا اخويه على هالمعلومات, وانت دائما تحاول تساعد اخوانك وهدا عهدنا بك.
اني مقيم بالامارات ودا افكر احصل فيزا لامريكا مع عائلتي وبعدين اطلب اللجوء عند الوصول ولكن سؤالي هل ممكن الحصول على فيزا سياحة بدون دعوة,ولدينا اقارب هناك فهل ادا ارسلوا الدعوة وبعدين طلبت اللجوء هل هناك اي مسؤولية عليهم,  وهل اصدقائك اللي وصلوا طلبوا اللجوء في المطار لو دخلوا البلد وبعدين طلبوا اللجوء,وهل يعطون مساعدات عند طلب اللجوء قبل الموافقة.
أسف  طولتها عليك وشكرا جزيلا مقدما.
 

[alzandawi]

اخي العزيز افلون بعد ان يسمحلي اخوية ملك الحيره ان اعرف جماعة حصلو فيزة من كل الي رادو السفارة حجز فندق وحجز طيران وطبعا  كشف حساب  لمده 6اشهر سابقة وجان عدهم شقة ملكهم هنانه هم طلبو السند يعني وضعهم المادي جيد وهمة قاصدين السياحة يعني مو يريدون يبقون بس حبيت اوضحلك شنو الاشياء المطلوبة بلسفارة الي اعرفه اكيد ماقصر بيه وتدللون

[سوبرمان بغداد]

السلام عليكم

تكدر اخويه تروح لابوظبي عند السفارة الامريكية تسأل. و اللي اعرفه انه تكدر اتسوي حجز فندق و طياره وهمي و مقبول عن طريق المسعود للسفر و السياحة و اللي هو موجود بابوظبي قرب الكورنيش قرب بنك الرافدين. و تكدر تسوي عندهم تاميت صحي مال سياحه هناك. و اهم شي طبعا كشف الحساب و هل ان الراتب ينزل شهريا عل الحساب. و همنه تكدر تروح على الويب سايت مالتهم و تشوف شنو المتطلبات.

و اتمنىاكون قد ساعدت

[ملك الحيرة]

اخوي العزيز
مثل ما تفضلوا الاخوان بخصوص الفيزة
اما بالنسبة هنا داخل امريكا اكيد طبعا بعد دخولك ( خو مو المحامي واكفلك بحلك المطار .......ههههه) والشخص الي يسويلك الدعوة ما اعتقد يأثر عليه لأن من تتقدم معاملتك راح يكون وضعك قانوني مو مخالف ... والمساعدات ما تشملك الى ان تكون لاجيء 100%

الاخ ملك الحيرة
السلام عليكم, شكرا اخويه على هالمعلومات, وانت دائما تحاول تساعد اخوانك وهدا عهدنا بك.
اني مقيم بالامارات ودا افكر احصل فيزا لامريكا مع عائلتي وبعدين اطلب اللجوء عند الوصول ولكن سؤالي هل ممكن الحصول على فيزا سياحة بدون دعوة,ولدينا اقارب هناك فهل ادا ارسلوا الدعوة وبعدين طلبت اللجوء هل هناك اي مسؤولية عليهم,  وهل اصدقائك اللي وصلوا طلبوا اللجوء في المطار لو دخلوا البلد وبعدين طلبوا اللجوء,وهل يعطون مساعدات عند طلب اللجوء قبل الموافقة.
أسف  طولتها عليك وشكرا جزيلا مقدما.
 

[uae123]

اخويه ملك الحيره واصدقائي السلام عليكم
انا قبل سنه تقريبا قدمت على فيزا وقدمت كل المطلوب وكشف الحساب مال ستة اشهر وكل شي مطلوب ورفضوني رغم ان انا عايش هنا اكثر من 30 سنه مجرد بس دخل اسمي على السيستم يعني بعده ما شاف الكشف الحساب بس اخذ ورقه مالت الشركه واعطاني رفض وانا سالت قالولي طالما انت مقدم على الهجره مستحيل يعطونك فيزه لان اسمك موجود عندهم بالسفاره من رغم انا رايح مجرد فقط سياحه ما رايح لجوء وانا مسافر هواي على اوروبا مع هذا اجاني رفض .  بهاي الحاله شنو ممكن اسوي هل اقدم مره ثانيه لو خلاص ما تفيد لان مقدم على اي او ام

[alzandawi]

صباح الخير للجميع اخوية uae123ماعرف انه المشكله لانه انت مقدم على اليو ان لو لا  بس الي اعرفه تدخل على الموقع مالت السفارة او القنصلية الي بدبي او بابو ظبي وتملي ابلكيشن وتحدد موعد مقابلة وبعد تبقة يمهم لانه جماعة اصدقاء بلسفارة بعدهم بلمقابلة وكلولهم حصلتوهة للفيزة يعني يمكن هم عدهم خبراء نفسين الي يسون المقابلة وحسب حكمهم لانه مثل مكلتلك ناس ياخذوهة للفيزة اثناء المقابلة انطوهمياه ملتي ولمد سنه  وناس رئسا كلولهم لا صعبة يعني رفض يبقى شنو الي يحكمون  وشلون يفكرون هاية منعرفهة والله يقدم الي بيه الخير للجميع انشاء الله

[معماري بغداد]

اخوان ....اذا اني مقدم على الهجرة العشوائية اللوتري هذه السنة راح يبين اذا اقدم فيزا زيارة لامريكا من ابوظبي

[vaio]

تحية طيبة لكل الاخوان المشاركين والاخ السائل .

اكيد ما قصرو الاخوان بالاجابة  بس حبيت اضيف الي اعرفة ومتابع تفاصيلة مع اكثر من شخص .
اولا  يبداء التقديم من موقع السفارة او القنصلية في دبي وذلك بمليء  الابلكيشن  ثم اختيار يوم من الايام  المطروحة في الموقع ثم تسوي برنت للابلكيشن  ويطلع مع الورقة مثل الباركود . فتكون قد حصلت على  موعد مقابلة في يوم محدد وساعة محددة .

ثانيا تروح هناك وبعد التاكد من اسمك  وتدخل للتفتيش ثم تتنتظر دورك بالمقابلة .

ثالثا   الاشياء المطلوب هي شيئين فقط
وهما ان تثبت لهم ان  لك متعلقات  اسرية واقتصادية في هذا البلد . يعني بالنسبة للمتعلقات الاسية  عقد زواج وايصال رسوم مدارس الاولاد وعقد الايجار  جوازات اولادك بأنهم مقيمين  هذه كلها تثبت ان لك متعلقات اسرية .
اما المتعلقات الاقتصادية  هي رسالة من الشركة بانك مستمر بالعمل و كشف حساب و اي شيء يثبت ان لك ملكية تجارية او عقارية .
وكلمتين لبقتين منك تقنعهم انك ما رايح حتى تطلب لجوء .
المقابلة لا تاخذ اكثر من دقائق  معدودة .
اذا اقتنع  سوف يعطيك ورقة خضراء وهي القبول المبدئي وتنتظر دورك بالمقابلة الامنية  طبعا  بعدها يطلبون منك الجواز وسيرجع لك خلال 48 ساعة وفيه الفيزة . مبروك

اما  ا ذا  لم يقتنع سوف يعطيك ورقة صفراء  على ما اذكر  ويقول لك نحن اسفين  طلبك مرفوض . ويحق لك التقديم بعد فترة وجيزة

هناك امور تساعد كثيرا  بأقناع الشخص الذي يجري معك المقابلة  وهي وجود قريب او صديق في امريكا  وسوف يسال عن اسمه ورقم هاتفه وعنوانه و نسخة جوازة او اجازة السواقة   او رقم السوشيل  وسيكون بمثابة  كفيل  لك هناك .

اذا راعيت كل هذه الامور فتاكد ان القبول  حليفك .  ارجو ان اكون  اعطيتكم  معلومة مفيدة

اخوكم فايـــــــــو

[احمد]

زين اخوية العزيز فايو احنة الي مقدمين اسمنة عليو ان وواصلين لمرحلة انتظار الامنية وصارلهم فترة طويلة ونريد نقدم فيزة يرفضونة لان احنة مقدمين عليو ان؟؟؟؟؟؟؟؟؟؟؟
وشكرا

[vaio]

اخي العزيز احمد
 بالتاكيد  اسمك راح يكون ضاهر عدهم  واعتقد ان تاثيرها سلبي على طلب الزيارة الا اذا كانت هناك اسباب قوية ومقنعة .

فايــــــو

[ملك الحيرة]

للمعلومة اضافة الى كلام اخوي فايو

اذا قدمت على فيزة ورفضوها ... راح تصعب شغلة اللجوء ... لأن اذا تذكرون من جملة الاسئلة الي سألوها ... هل مقدم على طلب فيزة الى امريكا؟

اخي العزيز احمد
 بالتاكيد  اسمك راح يكون ضاهر عدهم  واعتقد ان تاثيرها سلبي على طلب الزيارة الا اذا كانت هناك اسباب قوية ومقنعة .

فايــــــو

[نور المستقبل]

السلام على جميع اعضاء المنتدى
ماهي اخر الاخبار ---هل صحيح وصل الوفد الامريكي وهل هناك مقابلات اجريت

[vaio]

تحية لاخونا ملك الحيرة وان شاء الله تكون بخير .

اخواني الاعزاء  اعتقد ان  قرب احتفالات رأس السنة الميلادية  قد يؤثر كثيرا على الاجراءات  خصوصا الوفود الامريكية لانهم يحرصون على قضاء هذه الااحتفالات في بلادهم  .

والصبر مفتاح الفرج جعلنا الله واياكم من الصابرين .

فايــــــــو

[keaghost]

ما ياثر رفض الفيزا على اللجوء اني كنت مقدم على فيزا و انرفضت و بنفس الوقت الي كنت بيه مسوي معاملة و من صار المحلف كتله بيها و اجالي ابروف و كل شي اوكي و جاي ننتظر الامنية بس

بس للعلم الفيزا للعراقين ما جاي ينطوها اصلا الا اذا كانت عندك انفتيشن من شركة فقط لان من سالت ابو السفارة كال العراقين مفتوح الهم اللجوء فموقفين عليهم الفيز

[احمد]

زين اخواني رحم اله والديكم ماكو اي خبر احد انطو موعد سفر خابروكم جماعة المحلفين شهر 6 وصارلنة هسة ستة اشهرواتصور الفحص الطبي سقط لان مدتة 6 اشهر فقط
شنو الحل ؟؟؟؟؟؟؟
ماكو خبر؟

[vaio]

               الصــــــبر مفـــــــتاح الفـــــــرج

[احمد]

ونعمة بالله بس الوضع اهنا ميتحمل واني خلال سنة مرتين يبطلوني وهسة دادور شغل وماكو والوضع كلش كلش تعبان اخواني اصحاب الخبرة والي طالعين عن طريق اليو ان الامارات ممكن تكولولنة من يوم المحاضرة ليوم السفر اشكد انتظرتوا رحمة الله والديكم وشكرا............

[alzandawi]

الله يسهل امرك اخ احمدوانشاء الله الفرج القريب

[vaio]

اخي احمد لو كانت الامور سهلة وغير صعبة لما قلت الصبر مفتاح الفرج ولا تقال هذه الكلمة الا في صعاب الامور

ربنا يفك ضيقك وضيق كل مؤمن ينتظر رحمة الله

اخوك فايــــو

[uae123]

ونعمة بالله بس الوضع اهنا ميتحمل واني خلال سنة مرتين يبطلوني وهسة دادور شغل وماكو والوضع كلش كلش تعبان اخواني اصحاب الخبرة والي طالعين عن طريق اليو ان الامارات ممكن تكولولنة من يوم المحاضرة ليوم السفر اشكد انتظرتوا رحمة الله والديكم وشكرا............

اخي احمد لحد هسه كلشي ماكو احنا وياكم سوينا الدوره التثقيفيه لحد هسه كلشي ماكو حتى الكفيل ما اتصلو عليه انشاءالله خير

[سوبرمان بغداد]

و اني وياكم كلشي ماكو

انشا الله خير

[keaghost]

اخوان بالنسبة للفحص الطبي مو 6 اشهر مثل قبل بل سوه هسة سنه لان شافو ماكو معاملة تخلص قبل الست شهور و حطو المغذي و خلو راسكم على المخدة و ننتظر الفرج و الله الي يسترها بس

[احمد]

اشكركم اخواني والله يفرج علينة كلنة عن قريب
بس من سوينة الفحص الطبي كالولنة الفحص الطبي 6 اشهر فقط اني ححاول اتصل عليهم
واكولكم شيصير وياية

[احمد]

خابرتهم وكالولي الفحص الطبي يطول سنة مو ستة اشهر يابة اشصار على الامنية بعد ماكو شي
وهاهية ننتظر شعدنة

زين اخواني تحياتي الكم
بس ممكن تفيدوني اسال الجماعةالي همة هسة بامريكا وطلعوا عن طريق اليو ان اخواني رحم الله والديكم
ممكن تكولولي شكد طولت الامنية بمعاملتكم ؟
وبلنسبة للفحص الطبي اكو احد عادالفحص لو لا؟؟
ندااااااااااااااااااااء استغاثة وشكرا

[ملك الحيرة]

اخوي احمد
انا كان عندي اضافة طفل
قابلت الاتراك مرتين والمحلفين مرتين وفحصت مرتين واتاخرت الامنية 8 اشهر تقريبا وبعدها سافرت قبل سنة

خابرتهم وكالولي الفحص الطبي يطول سنة مو ستة اشهر يابة اشصار على الامنية بعد ماكو شي
وهاهية ننتظر شعدنة

زين اخواني تحياتي الكم
بس ممكن تفيدوني اسال الجماعةالي همة هسة بامريكا وطلعوا عن طريق اليو ان اخواني رحم الله والديكم
ممكن تكولولي شكد طولت الامنية بمعاملتكم ؟
وبلنسبة للفحص الطبي اكو احد عادالفحص لو لا؟؟
ندااااااااااااااااااااء استغاثة وشكرا

[احمد]

رحم الله والديك ملك الحيرة والله يوفقك ويرزقك تسلملي على الاجابة
اخوية طمنتني الله يوفقك
خليت عندي امل واخواني هم من يسمعون يطمنون
اخواني الي بامريكا ممكن تفيدونة مثل مافادنة اخوية ملك الحيرة
وشكرا جزيلا
اخويةالعزيز ملكالحيرة تسلملي علاجابة

[سوبرمان بغداد]

مشتاقين ملك الحيرة انشا الله بخير

خبرنا كيف الاوضاع عدكم انشا الله زينين. بعد هذه الفترة شلونها المعنويات زينه؟ احنا بعدنا ننتظر و الله كريم

[مهى1]

مرحبا اخوان الله يخليكم محد سمع عن مقابلات ؟ الله يخليكم الي عده معلومة عن المقابلات بلكي يفرحنه بيها وشكرا جزيلا اخوتي

[احمد]

والله اختي ماعرف اني بلنسبة للمقابلات
بس همة بلسنة مرتين يجون
بشهر ال6 وشهرال10
او ال11 لان احنة ذيج السنة سوولنة مقابلات بنفس الاشهر
والله كريم

[ziyadcomp]

السلام عليكم اخواني شلونكم ان شاء الله بخير

اخوان بالنسبة للمقابلات فاقاربي قابلو ذاك الاسبوع وية الايسي ام سي وجانت هاي المقابلة الثالثة لان اول وحدة وية عبد السلام والثانية وية نسرين ,,,,,,,,,,, حسب ميكول كرايبي بانه كانو متعاونين والاسئلة مالتهم اكثرهة على القصة نفسهة بس تعذب لانه رايح من 8 الصبح ولل4 العصر يلة فضت وكال جانو ويا تقريبا 5 او 6 عوائل .
وعندي صديقي قابل اول البارحة المقابلة الثانية باليو ان والمفروض تكون وية نسرين لكن كال المقابلة جانت وية واحد امريكي ومترجم كاعد يترجم ويكول هم حجه على القصة اكثر شي ومعرفت بعد تفاصيل وكال همينة جانو ويا بالمقابلة فد 5 عوائل تقريبا .
هذا للعلم والسلام عليكم جميعا.

[مهى1]

شكرا اخوتي عله هل اجوبة السريعة والله يبشركم بلخير بس سؤال للاخ ziyadcomp
بلنسبه للامريكي شلونه جان وياهم؟ يعني عادي لو هم اساله استفزازية؟ يعني لح وياهم بل اساله؟ يعني احنه مخلصنه من المحلفين هدور  توطين امريكان الله يساعدنه والله

[keaghost]

بس من باب العلم بالشيء المحلفين هم نفسهم التوطين الامريكان

[ملك الحيرة]

الله يسلمك حبيبي سوبرمان
يابه هسة انته مو سوبرمان ... درفع ايدك هيج فوك ... وطير وتعال هنا ... شكو منتظر الامنية رحمة لوالديك ...هههههههه

والله الشغلة هنا يرادلها صبر وتحمل ... بين قوسين .... بداية من الصفر

مشتاقين ملك الحيرة انشا الله بخير

خبرنا كيف الاوضاع عدكم انشا الله زينين. بعد هذه الفترة شلونها المعنويات زينه؟ احنا بعدنا ننتظر و الله كريم

[ملك الحيرة]

حاضر وبالخدمة

رحم الله والديك ملك الحيرة والله يوفقك ويرزقك تسلملي على الاجابة
اخوية طمنتني الله يوفقك
خليت عندي امل واخواني هم من يسمعون يطمنون
اخواني الي بامريكا ممكن تفيدونة مثل مافادنة اخوية ملك الحيرة
وشكرا جزيلا
اخويةالعزيز ملكالحيرة تسلملي علاجابة

[سوبرمان بغداد]

حبيبي ملك الحيرة مشتاقين

عمي سوبرمان بس بالاسم و هذا اللي كاتلني ههههههه.

اخوان اليوم اتصلت هم كالوا انتظر. و الله كريم

[Abo Abdullah]

السلام علي جميع الاخوه الاعضاء

هذه اول رسالة لي مع تمنياتي للجميع بالموفقية

انا اتابع المنتدى منذ فترة ولكنني بصراحة لم اقدم على الهجرة لحد الان فقط اليوم اتصلت وقالوا لي لايوجد تقديم الان  انما على السنة الجديدة وسؤالي هنا هل استطيع اختيار دولة غير اميركا عند التقديم او متى مثل استراليا او كندا

مع الشكر للجميع

[مهى1]

السلام عليكم ورحمة الله وبركاته
اخوان ماكو شي اخبار عن اليو ان؟ مقابلات شي ؟ مشكور  اخويه زياد وكذلك اخويه احمد عله الاجوبه بلننسبه للمقابلات وجزاكم الله الف خير  ..زين الاخوان الي منتظرين الامنيه هم ماكو شي؟ محد مخابرهم؟ اني رحتلهم وكانو كاتبين قطعه انه راح ينتقلون الى مكان اخر وراح يعلمونه بلتلفون عل رد الالي بلمكان الجديد  ...اخويه ابو عبد الله انته اول شي املي الاستماره وخلي يقبلون بقصتك وبعدين ربك يحلها لانه اكو احتمال لاسامح الله تنرفض وره متقدم القصه والتوفيق من الله  

[Abo Abdullah]

الاخت مهى 1
شكرا جزيلا على الاجابة , متى سوف ينتقلون لمكان جديد ولم يخبروك اين ؟

[مهى1]

اخويه ابو عبد الله خابرهم  وهم ينطوك العنوان عل رد ال الي

[sparky]

السلام عليكم ورحمة الله وبركاته

المعلومات اللي عندنا ..والله اعلم ... انهم انتقلوا الى مبنى الهلال الاحمر مقابل كراج الباصات القادمه من دبي والشارقه
او مايسمى بكراج الباصات مال ابو ظبي
شلون احنا بالعراق عدنا الموقف مال الباصات مال باب المعظم والميدان

[ملك الحيرة]

نترحم على شهداء العراق في تفجيرات بغداد ... اللهم اسكنهم فسيح جناتك وجنب شعبنا الويلات يا ارحم الراحمين

[alzandawi]

الله يرحم الشهداء ويارب الفرج القريب للعراق يارب  نسالك ان ترفع الغمه عن هذه الامه يارب يارب يارب انك ترنا ولا نراك تسمعنه  رب شنو ذنبهة هل عالم اللهم اخسف  بلظالمين الارض واحم شعب العراق من كل  لئيم وكافر يرتكب المعاصي والكبائر يارب يارب يارب

[مهى1]

الله يرحمهم برحمته الواسعه ويسكنهم فسيح جناته وانا لله وانا اليه راجعون  اخوان ماكو اخبار جديدة عن اليو ان مقابلات؟ امنيه؟ ليش ماكو مشاركات؟ شكرا لاخويه ملك الحيره وكذلك اخويه سباركي و زنداوي على المشاركات والله يوفق الجميع

[uae123]

عيني مهى الاغلب الموجودين جاي ينتظرون الامنيه ولحد هسه كلشي ماكو

[سوبرمان بغداد]

اخوان بناية اليو ان الجديده
صايرة مقابل محطة الباصات ابو ظبي موجود بناية الهلال الاحمر. خلف بناية الهلال الاحمر.


البناية عليها علم الامم المتحده بس هسه فارغه

[uae123]

لما رحنالهم للامم المتحده ما قبل السكيورتي ينطي رقم تليفونهم ياريت اذا عندكم رقم تليفونهم

[ملك الحيرة]

اختي مهى
اني اصلا موجود في امريكا ولاية اوهايو قبل سنة وكم شهر

الله يرحمهم برحمته الواسعه ويسكنهم فسيح جناته وانا لله وانا اليه راجعون  اخوان ماكو اخبار جديدة عن اليو ان مقابلات؟ امنيه؟ ليش ماكو مشاركات؟ شكرا لاخويه ملك الحيره وكذلك اخويه سباركي و زنداوي على المشاركات والله يوفق الجميع

[keaghost]

و الله عندي صديق من دبي كلفني اشوف شنو سالفتهم ما جاي يردون على التلفون فاليوم اني رحتلهم من الصبح و طبعا السكيورتي الحبيب مسوي نفسة موغيب حتى رقم التلفون ما يعرفة المهم حجيت وية الموضف كلي موكفين المعاملات هسة و اتصلو علينا على 15\1 ننطيكم التعليمات الجديدة و التقديم و التلفون مالتهم نفسة يكلي ما غيروه فكتلة بس ما جاي تردون عليه سكت و الله ليكول شاردين و ما يردون احد يوصللهم بحيث حتى الكرفان الاكشر مال الانتظار ما حاطيه

[مهى1]

شكرا اخويه  keaghost عله المعلومات القيمه والله يفرجها عل جميع هوه هم احنه منتظرين اليوم 15 والله كريم  وكل سنة و الجميع بالف خير

[keaghost]

بالخدمة و الله يفرجها على الكل يا رب

[ABO-SULTAN]

هانت ان شاء الله...وعندي شعور هالشهر بي اخبار طيبه عالجميع وتكون سنة فرج لكل من قدم للجوء او الهجره

[alzandawi]

الله يسمع منك ابو سلطان  الفرج قريب انشاء الله

[سوبرمان بغداد]

السلام عليكم اخواني

اليوم اتصلوا بينا ال icmc و كالوا لازم واحد من افراد عائلتي يعيد البصمات بالسفارة الامريكية لانها غير واضحة و ان الامور انشا الله بخير. سؤالي صار عدك مثل هيجي شي مع اي واحد منكم. المهم اتصالهم يدل على ان الامور ماة و مو واكفة. ادعولنا بالموفقية. يا ريت اذا احد من الاعضاء اتصلوا بيه الicmc  يخبرنا ايضا.

و هل هذا يعني انهم راح يبدون بالتجييك الامني هسه لان التجييك الامني يحتاج بصمات ؟؟

[ABO-SULTAN]

السلام عليكم اخواني

اليوم اتصلوا بينا ال icmc و كالوا لازم واحد من افراد عائلتي يعيد البصمات بالسفارة الامريكية لانها غير واضحة و ان الامور انشا الله بخير. سؤالي صار عدك مثل هيجي شي مع اي واحد منكم. المهم اتصالهم يدل على ان الامور ماة و مو واكفة. ادعولنا بالموفقية. يا ريت اذا احد من الاعضاء اتصلوا بيه الicmc  يخبرنا ايضا.

و هل هذا يعني انهم راح يبدون بالتجييك الامني هسه لان التجييك الامني يحتاج بصمات ؟؟

خير ان شاء الله

[ABO-SULTAN]

هل من جديد ..... الجماعه شنو سافرا ونسونا

[uae123]

قاعدين وساكتين جاي ننتظر الامنيه

[sparky]

دعـــــاء الــفـــرج

أهديكم هذا الدعاء العظيم المشهور الذي حث النبي كل من سمعه أن يتعلمه ويحفظه : قال رسول الله ( صلى الله عليه وسلم ) :“ما أصاب أحد قط هم و لا حزن فقال: اللهم إني عبدك وابن أمتك ناصيتي بيدك ماض في حكمك، عدل في قضاؤك، أسألك بكل اسم هو لك سميت به نفسك ، أو علمته أحد من خلقك ، أو أنزلته في كتابك ، أو استأثرت به في علم الغيب عندك ، أن تجعل القرآن الكريم ربيع قلبي و نور صدري ، و جلاء حزني ، و ذهاب همي إلا أذهب الله همه و حزنه أبدله مكانه فرجاً“

[ملك الحيرة]

عيني سوبرمان الوردة

عدنا واحد من ربعنا جان بالعين ساكن حددوله موعد سفر 20 يوم  بس خلال ال 20. يوم انطوه موعد يسوي بصمات الزوجته لان غير واضحة ...  يعني الأمنية صادرة ومحددين موعد سفر وبعدين اخذو البصمات ... انه ما جنت أتصور هذا الشي الا ان اجه فعلا وأخذوا بصمات زوجته ..  وسافروا قبلي وهسة استلموا الجرين كارت قبلي. ...  بعد شتريد دفضها وتعال

السلام عليكم اخواني

اليوم اتصلوا بينا ال icmc و كالوا لازم واحد من افراد عائلتي يعيد البصمات بالسفارة الامريكية لانها غير واضحة و ان الامور انشا الله بخير. سؤالي صار عدك مثل هيجي شي مع اي واحد منكم. المهم اتصالهم يدل على ان الامور ماة و مو واكفة. ادعولنا بالموفقية. يا ريت اذا احد من الاعضاء اتصلوا بيه الicmc  يخبرنا ايضا.

و هل هذا يعني انهم راح يبدون بالتجييك الامني هسه لان التجييك الامني يحتاج بصمات ؟؟

[سوبرمان بغداد]

شلونك ملك الحيرة انشا الله بخير

و الله همه اتصلوا بينه من icmc كالوا عيدو بصمات واحد من عائلتي. لان البصمات غير واضحة. دخلنا عاى الموقع تبع السفارة و سوينا موعد و راح نعيد البصمات.
اني خابرتهم و سألتهم على الامنية كالوا بعد ماكو شي. حتى كتلهم يعني لمن خبرتونا على اعادة البصمات يعني الامنية قريبه كلشي ما جاوبوا و نفس الكلمه المعهوده انتظــــــــــــــــــــــــــــــــــــــــــــر


و الله كريم

[sparky]

نسال الله سبحانه وتعالى ان يقدم لكم ولنا وللجميع الخير باذن الواحد الاحد الفرد الصمد
اللهم اميــــــــــــــــــــــــــــــــــــــن بجاه رب العالمين

[ملك الحيرة]

انشاءالله السفر القريب  العاجل اخوي سوبرمان

شلونك ملك الحيرة انشا الله بخير

و الله همه اتصلوا بينه من icmc كالوا عيدو بصمات واحد من عائلتي. لان البصمات غير واضحة. دخلنا عاى الموقع تبع السفارة و سوينا موعد و راح نعيد البصمات.
اني خابرتهم و سألتهم على الامنية كالوا بعد ماكو شي. حتى كتلهم يعني لمن خبرتونا على اعادة البصمات يعني الامنية قريبه كلشي ما جاوبوا و نفس الكلمه المعهوده انتظــــــــــــــــــــــــــــــــــــــــــــر


و الله كريم

[سوبرمان بغداد]

السلام عليكم ملك الحيرة

اشكرك اخويه. عندي سؤال اذا امكن. انتو لمن اتصلوا بيكم على الامنية و انطاكم الموافقة مال الامنية. بعدين انتظرتو شكد يله طلعت امنية ما قبل السفر؟؟؟؟؟؟

[omarsami]

السلام عليكم ملك الحيرة

اشكرك اخويه. عندي سؤال اذا امكن. انتو لمن اتصلوا بيكم على الامنية و انطاكم الموافقة مال الامنية. بعدين انتظرتو شكد يله طلعت امنية ما قبل السفر؟؟؟؟؟؟

مرحبا عمي سوبر مان بين امووورك بروب دور امنية ما قبل السفر هههههههههههههههههههههه
ربي وفقك ونسمع سفرك عن قريب شوية تنطينا دفعة لان اروحنا طلعت و ايسنا

[سوبرمان بغداد]

هلو عموري

مشتاقين والله. كلشي ماكو لا امنية و لا امنية ما قبل السفر. مكانك راوح.

اتصلت بيهم اليوم و كالوا انتظـــــــــــر   كالاسد الامنية مالتك احنا نتصل بيك. اظاهر احنا جماعه الامارات شغلتنا طويله

[مهى1]

سلام عليكم ورحمه الله وبركاته

ماكو اي اخبار عن اليو ان؟ بدو يستقبلون الناس لو بعدهم ؟ اخوان اذا اكو اي اخبار جديده ان امكن وشكرا  للجميع

[vaio]

اخواني انا اليوم اتصلت  وكالو ماكو عدنا مواعيد جديدة

الله كريم  ربنا يفرجها على الجميع

فايــــــــو

[ملك الحيرة]

عزيزي سوبرمان
الامنية وحدة بس ومن تأكدت من تركيا الامنية جاية مدام مي اتصلت بعد يومين وحددولي 12 يوم على موعد السفر وسافرنا والحمد لله

السلام عليكم ملك الحيرة

اشكرك اخويه. عندي سؤال اذا امكن. انتو لمن اتصلوا بيكم على الامنية و انطاكم الموافقة مال الامنية. بعدين انتظرتو شكد يله طلعت امنية ما قبل السفر؟؟؟؟؟؟

[ميمي2010]

الله يسهل عليكم يارب

[omarsami]

اخوان ماكو خبر حامض حلو شربت ؟؟؟؟

[uae123]

ياريت اكو

[سوبرمان بغداد]

كلشي ماكو
و بصراحه لعبت نفسي

و بديت ادخل بمرحله الكأبه هههههههههههههههه

[uae123]

كلشي ماكو
و بصراحه لعبت نفسي

و بديت ادخل بمرحله الكأبه هههههههههههههههه

هههههههههههههه

[الامل 2]

اخر اخبار الي سمعتها المحلفيين في الخليج باي دوله مادري  ومنطين مواعيد سفر لجماعة البحرين

[سوبرمان بغداد]

انشا الله تجي الامنية و نخلص

[سوبرمان بغداد]

ماكو اخبار بشروا ..........

[alzandawi]

صافية دافية حبيبي  بس اليوم عندي اقربائي بامريكا ديحجولي عن عائلة مقدمه من الامارات  ابنهم كان يشتغل وية الامريكان كالو متصلين بيهم المنظمة  ورايح موقع اوراق اهله  الي همة الام والاب والاخ اقل من 18سنه ومقدمين من 210 يعني اتوقع الي عنده احد بامريكا ديمشوهم والتسهيل على الله

[MohdS]

عمي الشغله ماله علاقة لا بالكفيل ولا بشي اني من قابلت المحلف بشهر التاسع مدري يمته من لحيت عليه على مود شغلة التأخير مالت الأمنية و كتلة يعني معقولة امريكا صارله ثلاث سنوات و اكثر دا شوف المعلومات الي نعطيه صحيحة لو لا. جاوبتني بالحرف الواحد يعني انت الك الأولوية لو الي دن قابلهم بالعراق والي حالتهم مأساوية. علما انو صار ثالث مرة أقابل المحلفين.

[سوبرمان بغداد]

يعني على هيج احنا و السنتين بعد

[alzandawi]

الفرج من الله

[vaio]

السلام عليكم
اخوان شنو القصة شو سكتة ؟؟

[uae123]

كلشي ماكو والله انا جاي اخابرهم دائما بعدها تحت التجيك الامني

[MohdS]

عمي الجماعة سفرولهم كم واحد منا و ندمو اشو كل ما احد منزل شي أكول انشاء الله احد مسافر  أمنية طالعة فد شي يطلع كلشي ماكو بس  بواجيييييييي 

[سوبرمان بغداد]

بدت الكأبة تصعد   

[iraq@]

شغلة وجعانه

[سوبرمان بغداد]

السلام عليكم

ماكو اتصال بشروا؟؟؟؟؟؟؟

[omarsami]

السلام عليكم

ماكو اتصال بشروا؟؟؟؟؟؟؟

ههههههههههههه عمي سوبرمان شلون ماكو اتصال يابة اكووووو ونص
عندك قبل يوووومين خابرني المدير وكلي حذر جنطك ع  شهر اربعة
بس المفاجئة ويننننننننننننننن للعراق السعيد لان اجاني ترمينيييييييييييش من الشغل
وقلي دبر امرك منا شهر الجاي لان راح اكنسلك
هاية شلون اخبااااار
وهذيلي دزيتلهم ايميل للمنظمة سويلي اششششششطح دبر امرك ما علينا احنا

[سوبرمان بغداد]

الله يساعدك و يسهل امرك

[vaio]

السلام عليكم
اخوية عمر سامي شلون اخبار هاي الله يعينك ويفرج همك
زين المنظمة شلون كلولك دبر امرك ؟ ليش انتة ليا مرحلة واصل  بقضيتك؟

مو المفروض  هم  يساعدوك بشي  اما تعجيل  معاملتك او فد اجراء معين ؟

فايــــو

[omarsami]

السلام عليكم
اخوية عمر سامي شلون اخبار هاي الله يعينك ويفرج همك
زين المنظمة شلون كلولك دبر امرك ؟ ليش انتة ليا مرحلة واصل  بقضيتك؟

مو المفروض  هم  يساعدوك بشي  اما تعجيل  معاملتك او فد اجراء معين ؟

فايــــو

اشكر اخوية فايو شوف هذا جوابهم
We are very sorry to hear the bad news. However, your security checks are still not finalized yet. The security checks are done by the US government and unfortunately ICMC is just a refugee processing entity and has no authorization to interfere with the process of security checks. You may consult UNHCR regarding this issue, they might give you guidance.

 

In case you move to a different country, please inform us about it so that we can take the necessary action on your file (if possible, transfer it to the country where you reside). 

 

[vaio]

الله يكون بعونك اخي  عمر  بس انت لازم  تلكيلك طريقة تبقى بيها بالبلد  حاول تنقل كفالتك او تبقى على كفالة الشركة بالاتفاق  وياهم  المهم تبقى في حالة  انت واصل مرحلة  متقدمة ولا تدخل نفسك في تأخير انت في غنا عنه.

دعائنا الك بفك الكرب وتسهيل الامر  .

فايــــــو

[alzandawi]

الله يفرج همك اخونا عمر و متضيق اله تفرج

[احمد]

السلام عليكم شلونكم اخواني
دتقرون الاخبار الحلوة مواعيدج سفر بتركيا ناس مقدمين وخلال سنة سفروهم من تركيا ومواعيد سفر جماعة من عمان اوبغداد
زين احنة شبينة بلامارات
ماكو اي احد طلع اخر ناس شهر ال10 حسب مااذكر الاخ سلطان يمكن ولحد هسة ماكو شي
اخواني الله يخليكم اذا سامعين خبر حلو كولولنة فرحونة
اني كالولي جماعة بان العراقيين الي يسافرون من الاماارات لامريكا بشهر ال4وال6
بس تعبنة من الانتظار
سوووينة مقابلة وخلصنة كل شي
والتجييك الامني مو كلة نفسة الي بلاماارات وبتركيا شمعنا ناس بتركيا الله يوفقهم يروحون يقدمون وخلال اقل من سنة يسافرون واحنة صارلنة سنين ننتظر الامنية زين ليش؟؟
ومحد يرررررررررررررررررد
والله كريم

[alzandawi]

اخي العزيز احمد  هاية كلمن والله شكاتبله ناس تطلع من وكت وناس تتاخر  فاحنه الحمد لله والشكر راضين  بقسمتنه وبلي رب العالمين كاتبلنياه اني عندك  صارلي سنه ونص مقدم وحتة متصلو بينه  اتخيل  فشنسوي اذا الله كاتبلنه نسافر نسافر واذا مكاتبلنه الحمد لله والشكر على كل حال واكيد سبحانه وتعالى يقدر النه الخير والحمد لله والشكر اخوية

[MohdS]

السلام عليكم شلونكم اخواني
دتقرون الاخبار الحلوة مواعيدج سفر بتركيا ناس مقدمين وخلال سنة سفروهم من تركيا ومواعيد سفر جماعة من عمان اوبغداد
زين احنة شبينة بلامارات
ماكو اي احد طلع اخر ناس شهر ال10 حسب مااذكر الاخ سلطان يمكن ولحد هسة ماكو شي
اخواني الله يخليكم اذا سامعين خبر حلو كولولنة فرحونة
اني كالولي جماعة بان العراقيين الي يسافرون من الاماارات لامريكا بشهر ال4وال6
بس تعبنة من الانتظار
سوووينة مقابلة وخلصنة كل شي
والتجييك الامني مو كلة نفسة الي بلاماارات وبتركيا شمعنا ناس بتركيا الله يوفقهم يروحون يقدمون وخلال اقل من سنة يسافرون واحنة صارلنة سنين ننتظر الامنية زين ليش؟؟
ومحد يرررررررررررررررررد
والله كريم

.

 اكو واحد من جماعتنا اعتقد سافر كان اس اي في بس هو منزل موضوع سفرة بالجمعية ما ادري ليش طلعتلة الفيزة من بنهاية السنة العام هذا اخر شي أعرفة عنه. انشاء الله سفر الجميع
وشوية كتبولناا اخبار حلوة يمعودين أدري مؤ كل ما ادخل للجمعية مالتنا تضربني الكآبة

عمر سامي البواكي مالتك حتى بالجمعية شوفولة شغل يمعودين ترة موتني الله يساعدج يلي بالي

[سوبرمان بغداد]

 

معقوله و لا واحد منا جته الامنية!!!!!!!!!!

[احمد]

والله اخوية كلنة كاعدين اخوان محد مطلعلتله الامنية بشرونة بشارة حلوة رحم الله والديكم
خبرونة خبر حلو لتظمون علينة الاخبار الحلوة

[uae123]

والله كلشي ماكو جاي ننتظر رحمة الله

[alzandawi]

صافية دافية حتة همة تلفون ماكو خابرت اليوم طلع انسر مشين وحتة من تطلب الصفر يكلك  الخدمه مموجودة

[uae123]

خابرت على تركيا ؟

[alzandawi]

لا على اليو ان الي بابو ظبي  دنريد نسال يعني  احنه ميصير هيجي صار سنه ونص مقدمين وكل شي ماكو يعني على الاقل يكولون يابة انسو الموضوع ليش خالينه متعلقين بلامل

[uae123]

انت موضوعك وين وصل هسه

[alzandawi]

والله ياخوية كلشي ماكو حتة  محد مسويلي مس كول
يعني لو يكولولنه يابة لتتاملون ترة كلشي ماكو حتة نرتاح يعني من 2010 شهر تموز مقدمين وكلشي ماكو يمكن شغله تعبانه واحسن شي مافكر بهل موضوع بعد

[ABO-SULTAN]

جماعة الخير السلام عليكم
وآسف عالانقطاع وان شاء الله الامور تتحسن والله يوفق الجميع
طبعا قبل فتره اتصلت مع ال اي سي ام سي وصار بيه فلم لا هندي ولا مصري يلحك بي. وهو كالاتي
طبعا راجع أخوكم من الشغل  و ديدك ازدحام الشارقه الحنين  وكلت أبالي ليش ما اخابر الشباب بلكن الله خبر حلو بشاره تحسن بالأمور تحرك بالملف الامني
وطبعا تبدي الرنه و للاستمرار باللغة العربيه اضغط (سمانيه) تكول الانسر مشين مكسور سنه.... وننتظر الرد ..يا الله
السلام عليكم ..
جاوب وعليكم السلام ..
اخي بس عندي استفسار بخصوص الملف (الكيس)مالتي ...باسم ث
طبعا وبعدني ممنطي رقم الكيس نمبر...رد عليه عالسريع !!!! هسه دا أحاول اتصل بيك.....يا الله شنو السالفه بقيت بس اني والشباب الله وفقهم وسافروا لو جتهم الاخبار الحلوه..شنو هالصدفه اني هسه متصل بي ويجاوبني هسه دا أحاول اتصل بيك..فجاوبته اي اخويه خيرا اكوا شي تحسن اخبار حلوه بشرني..جاوب..اي اخي انشاء الله خير طبعا اني دا اخابرك علمود الفحص الطبي ومقابلة الأمريكان ..يا الله خير ان شاء الله بس اخويه اني مقابل المحلف والفحص الطبي..ويجاوبني اي اخي ادري..زين اخي شتقصد الفحص الطبي ما قبل السفر..ويجاوبني اي طبعا نحدد الك الفحص الطبي مال قبل السفر طبعا وتقابل الأمريكان حته يشرحون الك الاجراأت .....طبعا عوف الابتسامة من السن للسن(الكشره)يا الله الف الحمد لله والشكر هيجي بختي كاعد ودعوات أمي مستجابه والحمد لله..بس بقه الفار يلعب لعب ..ادري بحضي و لو انام بالصحراء  يجيني واحد ويكولي وخر هذا مكاني ...فكتله اخي بس اخذ رقم الكيس حته أتأكد ...جاوب طبعا أتفضل ..اي زي .....وحلو الكلام ..ويجاوبني انته ث-ق-ح ...واجاوبه اي اني جان يجاوبني بس اني الشخص الي اريد اتصل بي اسمه ث-ا وهنا تجي الطامه.. وتنكلب الابتسامة 180درجه يعني مو اني الشخص المطلوب ...ويجاوبني لا طبعا انته ملفك بعده متوقف عالموافقه الامنيه وان شاء الله اي تحديث يصير نتصل بيك طبعا....وشكرا عالاتصال  وسد التلفون واني من يمي نزلت الجامه مال السياره و دخنت جكاره وكملت مشواري الى الشارقه الباسمه و أبوكم الله يرحمه ...بالله صايره دايره
طبعا راحت أحلامي الورديه وكلت يا الله فرجت عله عبدك وان شاء الله عالجميع ..والف الحمد لله والشكر ...طبعا هاي القصه بتفاصيلها ....و الله يسهلها علينه وعليكم
وآسف طولت عليكم

[alzandawi]

اخوية ابو سلطان الورد اني صار بيه نفس الفلم مالتك بس مو وية اليو ان اخوك ضايع جوازه صارلة سنتين ومقدم على السفارة  مالتنه ويومية اشتغل السستم وطفه السستم وداعيك من 2010 مقدم وخابرت على السفارة داسئل على الموافقة انه اقدم على جواز جتي لو لا ابو الشباب كلي اي طلعت تعال ابصم  رحت داعيك طاير من عجمان للسفارة  رحت كلولي اخوية ماكو هيجي حجي منو كلك  طلعت الموافقة ورجعت   مثل ماجيت شلونهة القصة مالتي