مراحل اللجؤ عن طريق اليوان بالامارات

[samnajy]

الاخ سوبرمان
انت شوكت  مليت الفورم مال UN ?
ممكن تحجيلنا بالتفصيل شنو صار وياك ؟

[سوبرمان بغداد]

اني مقدم من 2008 و مليت الفورم و قابلت نهاية 2008 و ظليت انتظر الوفد التركي بصيف 2009 اتصلوا بيه جنت ما موجود و اجلوني و بعدين صيف 2010 همينه كنت ما موجود و اجلوني و هسه سويت المقابله صدفه اتصلت بيهم كالوا تعال و سوي مقابله حاليا صارلي اسبوع بعد المقابله مع الوفد التركي و اتصلت بيهم كالوا تنتظر الوفد التركي يتصل بيك

و الله كريم ادعولي

[الامل 2]

اخ الزوز انا رديت عليك بالخاص مادري اذا وصلك الرد لان دزيت اكثر من مره وكله يطلعي الرسائل الصادره لايوجد شي

[شجرة الدر]

السلام عليكم اخواني الغالين

اليوم نتواصل مع باقي الاحداث لفائدة الجميع عندما وصلنا البيت مع الكيس وركر والاخ بغداد كوست رأينا بيت خشبي مكون من ثلاث غرف وصاله وكرمكم الله حمام في الطابق العلوي ومطبخ وبيسمنت تحت البيت ويحوي البيسمنت الغساله والنشافه وكراج خلف البيت وكأنه بيت من افلام كارتون تمشي يطكطك الخشب جو رجلك وعندك الحساب ووجدنا طباخ وثلاجه وطاوه وقدر وخمس ملاعق كوب وخمس كلاصات وخمس سكاكين فاكهه وسكينة كبيره للتقطيع وخمس صحون كبيره وفتاحة علب وسلة زباله للمطبخ وثلاث صابونات وشامبو وخمس فرشاة اسنان ومعجون اسنان ومناشف عدد 2 واسرة جميعها مستعمله وشراشف مستعمله ولحافين للاولاد وبطانيه وميز تواليت واحد ودولاب ادراج لملابس الاولاد وهم زين احنه جايبين شراشف معانا وكضينه الليل ورحنه ثاني يوم اشترينه لحف ومناشف غير اللي جايبيها همه واحنه كنا جايبين معانا منشفتين المهم وكنبه وحده كبيره وكرسين من كل قطر اغنيه وكله مستعمل وشي ما يشبه شي وتعرفون البيت ناقص كومة اشياء كلنه للمنظمه كالت انتوا كملوها واشتروا الباقي وحاطين بالثلاجه بطل حليب وثلاث طماطايات وفلفلتين وكاسة سلطه جاهزه وخبز وبيض عدد 12 بيضه وبطل زيت وكيلوين تمن وكيلوين بطاطا ونصف كيلو بصل وهذا اللي موجود والمهم العشا كان في عائلة عراقيه اصدقاء بغداد كوست خطيه محضرين العشا النه وجابوا وجزاهم الله الف خير وتعرفون بعد تعب السفر والجهد واحد بس ايريد ياكل لقمه وينام

وثاني يوم رحنه المنظمه لتجهيز الاوراق والبدء باكمال الاجراءات ودورنه محلات قريبا يمنه لشراء لحف واغراض اخرى مثل قدور وطاوات ونواقص البيت المهم وبلشنه بالصرف
اما عن المنظمه بالنسبه للولكم ما استلمنه شي منه لان المنظمه دفعته ايجار لمدة اربعة اشهر ولازم ندبر امرنه بعدها بالنسبه للايجار ونشتغل

وعن الفحص الطبي فحصوا اثنين من الاولاد واليوم ياله داوموا لان نطوهم لقاح سبع ابر وسحبوا دم منهم تسع قارورات صغيره لجميع انواع التحاليل اما واحد من ابنائي لحد الان ما فاحص ولا داخل مدرسه لان اجلوا فحصه بسبب عيد الهليوين المهم اسبوع الجاي ان شالله فحصنه احنه وياه وامتحنوهم تحديد مستوى بالمنطقه التعليميه وانصحكم بان تجيبون الشهادات للاولاد وكلها مترجمه ومصدقه

وان شالله نتواصل عن باقي التفاصيل واعذروني عالتقصير والتأخير اختكم شجرة الدر

[Zozzz]

تسلمين وردة وماقصرتي وان شاء الله موفقه جزاج الله الف خير عل هل معلومات الحلوه ......

[BaghdadGhost]

اختي شجرة الدر ,,,,,

شنو هذا الكلام اختي ,,, ترة اني ولا غيري من العالم ما سوينه الا الواجب ,,,,,,, اسف لابتعادي عنكم بس تعرفين شنو الاسباب اكيد ,,,, ان شاء الله عن قريب راح اجي ادوخكم و اثبركم بس خلي سيوفي يتدرب زين ههههههههه

[سوبرمان بغداد]

شجرة الدر عاشت ايديج على هذه المعلومات

و انشا الله تنفتح بوجهكم و تسيطر اموركم طيبة


و شكرا جزيلا على تعبج ويانه و نتمى نسمع اخبارج

انشا الله الصحه و العافيه

[vaio]

السلام عليكم

اختنا العزيزة شجر الدر  الف الحمد لله  على وصولكم بالسلامة اولا  والف مبروك  يدئكم بحياتكم الجديدة .

الحقيقة كنا ولازلنا متشوقين لان تخبرينا عن كل صغيرة وكبيرة ما خرج منها عن اطار الخصوصية  للتبين لنا الصورة جلية وواضحة .

وشكرا على ردك الجميل وسردك الواضح والدقيق. انتم بالتأكيد  عندكم تصور مسبق عن ما ستجدوه  من مساعدات من المنظمة وهي ليست بالضرورة مساعدات  جيدة جدا او نموذجية وهذا شيء وارد  فلا تهتمو له.  وان شاء الله بجهودك وجهود ابو الاولاد والاولاد سوف تملائون بيتكم  بكل ما تطيب به نفسكم من اثاث وفرش واحتياجات .
والف مبروك على دخول بعض اولادك المدرسة وان شاء الله جميعهم يلتحقون بها بالقريب العاجل باذن الله  تعالى .
كنت اود لو سمعت منك  عن مشاعرك  اثناء الوصول  وعند خروجك من الطائرة او المطار واول  لحضة لاول نفس يستنشق  من هذا العالم الجديد  كيف كان وقعه كليكي ؟ قد يستغرب  اخوتي واخواتي من هذا السؤال  لكنه مهم لان الثواني الاولى من  دخول عالم جديد  تعطي انطباعا حقيقيا  وشفافا ويشعر الانسان بالاحساس بالمستقبل وحقيقته. وهي بالطبع  سوف تبقى عالقة في الذهن الى  ما لا نهاية .
وايضا نحب ان نسمع كيف هي  طبيعة الحياة هناك وطيبعة الناس  وهل ان انفتاحهم على بعضهم يعد شي لا نستطيع التأقلم معه ؟. وكيف هو المناخ  ونظافة الشوارع والطبيعة؟

وياريت تسوينا فد مقارنة بسيطة بين الامارات  وجوها ووضعها وبين ما انتي فيه الان  اكيد راح يكون  موضوع مشوق جدا .
واخيرا  تمنياتي لكم بالاستقرار والنجاح والتوفيق  وان تكونو خير  مثال للعائلة العراقية الاصيلة  في بلاد المهجر .
وشكر خاص الى اخونا الاصيل شبح بغداد واصدقائه على مساعدة اختنا  العزيزة وعائلتها فجزاك الله عنهم كل خير وما نوصيك على اختنا وعائلتها فمثل ما هي اختنا هي اختك ايضا وما ننتظر منك الا كل ما يليق بشخصك الكريم  .  

 اختنا العزيزة  ام محمد ننتظر منك المزيد متى ما سنحت الفرصة .


          فايــــــــــــــــــو

[tantonee]

سلام لجميع اسف على الانقطاع و لكن تعرفون الامور و بيقى الحال على ما هو عليه و .....

يعني شا احجي الكمبيوتر الي يطفى من كيفه لو لالنترنت لو الديون لو الشغل الي كاكو و الخ ....

هسة المهم شكرا على تواصلكم اخر الاخبار خابر واحد يحجي عربي ها المرة ورا ما خابر عبد السلام بالانكليزي كال ترى التعليمات تغيرت و لا زم تبعث الفورم بالبريد و من بعثت واحد خابر و كال انت منو كالك تبعث هذا البريد و حجيتله القصة و كال اولا لازم تطبع الايميلات لعذ شلون نعرف و نحطك بالسره من وكت المراسله

و كال اكو اشياء فارغه لازم تكتب على الاقل بلا او شي و كتله مو مشكله هاي اني على النت و خلي انطيك تاريخ اول رساله و جوابكم و كال ما يخالف و ذاك يوم و هذا يوم صار اسبوعين او شي

و اليوم اسمع انه صار ما ينطون الفورم مباشر الا تحضر محاظرة يمهم و يكلولك وره ما ينطوك الفورم ما نبدي بالمعامله مالتك الا وره 8 اشهر .... السؤال اكو هيج حجي و احنا ويه الي وره 8 اشهر لو هسه و اذا احد عنده جواب خلي يشفي كلبنا مو لوعونا

و شكرا و السلام على اخواني و اخواتي و احد واحد و الي يريدني يخلي اسمي على النت تنتوني و يلكاني

[UAE01]

و اليوم اسمع انه صار ما ينطون الفورم مباشر الا تحضر محاظرة يمهم و يكلولك وره ما ينطوك الفورم ما نبدي بالمعامله مالتك الا وره 8 اشهر .... السؤال اكو هيج حجي و احنا ويه الي وره 8 اشهر لو هسه و اذا احد عنده جواب خلي يشفي كلبنا مو لوعونا

السلام عليكم جميعا .... بالموفقية يارب لاختنة شجرة الدر و التوفيق بحياتتهة الجديدة يارب ....
اخوية tantonee يالنسبة لاستفسارك رح اجاوبك علة حد علمي .....
اني مقدم للمنظمة من شهر واحد 2009 .... بداية شهر عشرة 2010 كلولي يابة روح شوف المفوضية بدت تستقبل الطلبات ..... فرحتلهم و بالصدفة جانت مدام مي توهة تريد تبدي تسوي محاضرة و كلتلي تعال اكعد وية الناس الجامعتهم بالقاعة حتة تنطيهم محاضرة .... المهم كعدت و سولفتنة هواية شغلات الي تقريبا اكثرهة موجود بالمنتدى هنا .... و كالت انو حكومة الامارات مجانت سامحة للامم المتحدة انو تقبل اللجوء للعراقيين و بدت حكومة الامارات تسمح بالموضوع بعد ما صار ضغط عليهة من هواية اطراف .... و كالت انو الستاف مالتهم قليل مو مثل الي بسوريا لو بالاردن .... لذلك كالت كل واحد تطول معاملتة 8 شهور شوية اقل شوية اكثر ..... هاي الثمن شهور تطول بالامم المتحدة .... و تكول وراهة الموضوع يتحول للامريكان ... الامريكان تكول يطولون من سنة و نص الى سنتين و نوبات اكثر بلموافقة الامنية .... كالت انو اختصاصهم بس امريكا بس تكول للحالات الخاصة جدا مثل الاقرباء من الدرجة الاولى موجودين باستراليا او كندا او غيرها و الشخص يرغب انو يروح يمهم بهاي الحالة يشتغلولة علة هذيج الدولة .... كالت كل واحد ياخذ دورة و كلهة بالدور كالت لا تكولون انو دناخر ناس و نقدم ناس و من هلحجي و كالت انو احنة دنستلم رواتبنة حتة نساعدكم .... و كالت محد يتقدم علة غيرة بالدور الا بالحالات الخاصة جدا اذا جان الشخص مريض او حالات خاصة لخ مكالتهة ..... كالت انو الضوابط مال الامريكان يومية متغيرة .... يعني تكول مرة يكلولنة ترة فلان محافظة منستقبل منهة ... و مرة يكولون لا نستقبل .... مرة يكلولهم فلان ناس الي اشتغلوا فلان شغلة منستقبلهم و مرة يكولون لا نستقبلهم ... فتكول منكدر احنة نحكم اذا قدمتلنة و ننطي كرنتي انو رح ترحون لامريكا .....
بالنسبة للفورم .... اني حضرت وية ولد صاحبي للمحاظرة .... بلمحاظرة كالت كل واحد اذا عندة شخص عمرة اكبر من 18 سنة  لازم يعبي فورم لحالة .... يعني اذا اني فرضا بتي او ابني عمره او عمرهة اكبر من  18 سنة لازم تعبي فورم لحالهة .... فعاد اني و  صاحبي من طلعنة كلنالهم احنة عائلة جبيرة و اخذنة كل واحد 4 فورمات ..... و من اخذناهم كلنالهة لمدام مي نكدر ناخذ فورمات لجماتنة ؟؟ كالت لا ميصير لازم يجون يحضرون المحاظرة .... هوة اساسا احنة اخذنة كل واحد 4 فورمات و احنة بس عائلتين .... يعني بقالنة لكل واحد 3 زيادة ... انطيناهة لجماتنة الميكدرون يجون لابو ظبي ....
تحياتي .... اتمنة اكون جاوبتك علة استفسارك ....

[vaio]

السلام عليكم
شكرا اخي العزيز (UAE01)على هاي المعلومات  القيمة .

يعني افهم من كلامك ان الذين قدمو في 2009 او 2008  من خلال الايميلات وثم ارسلت لهم الفورمات  من قبل المفوضية وملوها وارسلوها بالايمل الى المفوضية  كل هؤلاء لازم يروحون يقدمون من جديد وياخذون الفورم المختوم ويثبتون من جديد انهم مقدمين من زمان  يالله ينظرون بملفاتهم ؟؟؟؟؟؟؟
لو هاي الشغلة تشمل المتقدمين الجدد فقط ؟؟؟؟؟؟؟
مع خالص  اعتزازي واحترامي



فايـــــــــــــــــو

[UAE01]

السلام عليكم
شكرا اخي العزيز (UAE01)على هاي المعلومات  القيمة .

يعني افهم من كلامك ان الذين قدمو في 2009 او 2008  من خلال الايميلات وثم ارسلت لهم الفورمات  من قبل المفوضية وملوها وارسلوها بالايمل الى المفوضية  كل هؤلاء لازم يروحون يقدمون من جديد وياخذون الفورم المختوم ويثبتون من جديد انهم مقدمين من زمان  يالله ينظرون بملفاتهم ؟؟؟؟؟؟؟
لو هاي الشغلة تشمل المتقدمين الجدد فقط ؟؟؟؟؟؟؟
مع خالص  اعتزازي واحترامي


فايـــــــــــــــــو

اخوية فايو .....بصراحة ماعدي علم انو لازم تقدم من جديد بس الاعرفة رح اكللكياه ....
بلمحاظرة الانطتنياهة مدام مي كالت شكم واحد مقدم قبل ؟؟ عاد طلعنة احنة ثنين بلقاعة مقدمين قبل اني و وحدة عراقية ثانية .... المهم كالت انتو لا تعبون فورمات جديدة بس ابقة هنا انتظروا هسة يجيكم عبد السلام حتة يدورلكم علة طلباتكم القديمة اذا موجودة فميحتاج تقدمون من جديد .... المهم كل الجانو كاعدين بلقاعة الي تقريبا جانوا بلعشرين واحد استلموا الفورمات المختومة من اليو ان .... و بقينة اني و هاي العراقية .... ربع ساعة ماكو احد نص ساعة ماكو احد اجة ... تالي فتت علة عبد السلام و صاحبة الهندي اللاخ الي ماعرف شاسمة كتلة يابة مدام مي كالت انتظروا و هسة يجيكم عبد السلام .... كال انا وايد مشغول شوية و يجي .... كتلة اكلك اني هم مشغول شوفلي فايلي موجود لو لا حتة اروح .... جان اكو ولد سوري موجود هم يشتغل بليو ان ... كلي احسن شي حتة تكون بالسيف سايد عبي طلب جديد ... و ارفق وياه الايميل مالتك و اكتب بشكل واضح انو انتة مقدم سابقا من خلال الايميل و ارفق نسخة من الايميل وياه .... عاد سويت مثل مكلي و رحت ورة يومين قدمت الفورم ... جان نفس الولد السوري واكف جيكلي كل اوراقي و شاف انو اني مقدم سابقا .... كلي طلبك رح يروح وية طلبات شهر واحد 2009 ..... و بصراحة اكثر اني من قدمت طلبي بوكته بالايميل مجنت مهتم بالموضوع و جنت كاتب مختصر مفيد و مجنت رافق وياه اي وثائق لان بصراحة مجنت مصدك انو رح يسوون شي .... بس بلمحاظرة مدام مي كالت قصتكم تكتبولياهة بالتفصيل الممل و كلما جانت بالتفصيل اكثر كلما جانت احسن ... يعني كالت كتبولي عشر صفحات عشرين صفحة ولا تكتبولي صفحة لو نص صفحة .... عاد اني مجذبت خبر رجعت صغت قصتي و رفقت كل الوثائق العندي و كل التواريخ نزلتهة مثل ما هية و قدمت الطلب من جديد و ان شاء الله خير ........
انتة احكم حبي اذا جان لازم تقدم من جديد لو تبقة علة الطلب الدزيته بلايميل .......
تحياتي .... اخوك UAE01

[Zozzz]

عاشت ايدك اخويه العزيز UAE01 على هل شرح والله ييسر امرك ويسهلها عليك ...عيوني فايو ان افضل ان تتصل بيهم وتشوف شنو الفلم يحتاج تقدم مره ثانيه ام لا اني بلنسبه الي مره خابرت عبد السلام وكلي انته عل الكيوووو يعني عل سره وبعد مااعرف  الله كريم ويسهلها عل جميع

[UAE01]

اخوية Zozzz ... ادلل و يدللون كل الاخوان و الخوات هنانة .... لان بصراحة صدك عائلة و اتمنة نبقة هيج ان شاء الله لان كلنة هدفنة واحد و ان شاء الله يتحقق ....
اخوية اني مفكر انو اروح لعبد السلام و اشوف شنو الموضوع يعني هم اراويه وجهي و هم اشوف شنو الموضوع .... بس كل مرة اكول لا بعد فد شكم يوم .... بس ردت اسألك انتة من خابرك و كلك انتة علة الكيو .... هوة جيك ملفك و كلك انتة علة الكيو لو هيج من يمة يحجي هذا ؟؟ يعني انطاك جواب شافي لو هيج بس راد يجاوب شون مجان .... حتة اشوف اذا اروحلة يجاوبني بشكل صحيح لو هيج روحتي الهم تصير علخالي بلاش ......
اخوك UAE01

[سوبرمان بغداد]

و الله اخويه اعتقد روحتك تروح بالخالي بلاش

حابر بالتلفون احسن و انت عندك رقم ؟

[samnajy]

السلام عليكم
اخي ابو الززوووز واخي سوبرمان
انا ملات الفورم من شهرين تقريبا....كيف ممكن اتابع واعرف اني في الكيو لو لا؟
لانه اني اللي لاحظته من كنت هناك اثناء ملئ الفورم ان عبد السلام ينطي ابر مال بنج هههههه يعني بس يريد يخلص من اللي يخابروه باي طريقة وما ينطي معلومات دقيقة....

[ابو فراس]

السلام عليكم اخواني واخواتي في جمعية اللجوء عن طريق الامارات
طبعا منذ فترة وانا متابع لصفحتكم الرائعة والتعاون الاروع ..
اعرفكم بروحي اخوكم ابو فراس وان شاء الله اكون متعاون وياكم لان اني ساكن بقطر
واحب ابشركم انو بداية هذا الاسبوع اجتي لجنة مقابلات من المفوضية السامية لشؤون اللاجئين unhcr
والحمدلله كنت من المحضوضين الي قابوا يمكن لان عدد الجالية العراقية هنا قليل، ولكن كان هناك عدد من الجنسيات الاخرى
واي سؤال تحتاجوا بالنسبة للاسئلة الي سألوها النا بالمقابلة الاولى اني جاهز وبخدمتكم ان شاء الله


تقبلوا مروري اخوكم ابو فراس

[vaio]

كل الهلا بيك اخي ابو فراس بجمعيتنا .

ونرحب بيك اخ عزيز وغالي  والف مبروك على المقابلة وشكرا لك لانك انظميت لجمعيتنا وعرضت المساعدة .
 بس ياريت  تكتبلنا  ايمتا قدمت وكم مقابلة قابلت وشنو ضروف  سير المعملات عدكم في قطر ؟

تمنياتنا الك بالتوفيق  والفرج القريب .

اخوك فايــــــــو

[اريد اروح]

اخوتي واخواتي هذه الصفحه تكون للاجئي الامارات ويتم فيها طرح المده من التقديم الى السفر لكي تعم الفائده للجميع طبعا مع الاحتفاظ بسرية القصه لان كل واحد وله قصته وخصوصية موضوعه يعني فقط التقديم وتواريخ المقابلات وانتظار الامنيه والدوره التقيفيه واجراءات السفر ومواعيد السفر لكي يكون موجود والجميع يستفاد حتى في حالة سفر العضو وانشغاله بأمور الحياة بامريكا وانقطاعه نوعا ما من المنتدى فيكون مرجع للاخوه الباقين في بداية مشوارهم واسوة بأخوتنا الاعضاء جماعة مصر وجماعة سوريا ولو اكو قسم من الاخوه العراقيين ما يحبون يفصحون عن مراحل اللجؤ ويستعينون بقضاء حوائجهم بالكتمان بس اخوتي لمنفعة الجميع ومصلحة الكل فوق مصلحة الفرد اختكم شجرة الدر

[tantonee]

شكرا اخوان و شكرا على المتابعة و هاي شغله شويه تحير مال يومية تغير بالقرارات و هذا يخلينا كلنا نتابع و نحدث المعلومات اول بالول ،لان بالبداية جان عدهم مجموعة و المعاملات نايمه هاي قبل ال2009 و بعدين تحركت شوية و سفرو مجموعة او اثنين و بعدين دزولنا بالايميل و على الاساس الجواب بس بالايميل و بعدين خابرو و كالو لا تغير البرسيجرس و دزو على البريد و بعدين كامو ينطون الفورمات مباشر من المكتب و هسة لازم محاضرة و ما ادري شنو الي يجي.

بس الشي الزين انو المكتب بدا يكبر و ياخذ الامور يجدية و انو حصلو على موافقات منا و هاي زينه و انشاء الله خير و لكن يبقى احنا كلنا نخلينا على اتصال و نتابع و نحدث و هاي اضعف الايمان و شكرا للكل الي يكتبون و الي يقرون و بالموفقيه.

[samnajy]

اخويه العزيز samnajy
اني اتصلت بيهم هاتفيا بس هوه سالني شوكت قدمت الفورم جاوبته فكالي انته عل الكيووووو وبعد مااعرف هل جوابه ارتجالي ام جييك يمه!!  ...والله ياخويه اني خال المساله كلها على الله سبحانه وتعالى ...والله شكاتبلنا نشوف  ..بس اني افضل ان تتصلون بيهم هاتفيا خصوصا الي ساكن الامارات الشماليه لانه صعبه الروحه وعله كولة اخونه سوبرمان بغداد  الروحه تروح بعدين بالخالي بلاش ..الله ييسر للكل ويفرجها عل جميع

اشكرك اخوية zozz على ردك..
انا اتصلت من يومين وجاوبتني وحدة لبنانية وكالتلي احنا نتصل عليك ....انا الحيت عليها وقلت لها اني بس اريد اعرف اوراقي موجودة ولها اي رقم او تسلسل  ولا ضايعة ومرمية بالزبالة...
لكنها رفضت الجواب وكالت ماكو شي يضيع ولكني غير مطمئن لهذا الجواب ويمكن اروح ازورهم ولو المسافة طويلة علي ولكن ماكو حل اخر.

[ابو فراس]

الله يرضى عنكم اخواني بمنتدى الامارات
اخوية فايو بصراحة اني مقدمت بس اتصلت على اليونسكو وكالولي انو ماكو مكتب لشؤون اللاجئين بقطر اترك رقمك لان اكو ناس مقدمة من الاردن ومحولة فايلاتها لقطر من سنيتن ودينتظرون المقابلات من يجون المسؤولين وعلى هالاساس تركت رقمي ورة فترة اتصلولي وكالولي اتفضل انتة والعائلة عدكم مقابلة .. رحت وية عائلتي وقابلنة وكال انو انتو محضوضين لان اكو ناس مجوي للمقابلة وانتو نزلتوا بدالهم وهذا طبعا فضل من رب العالمين .. اما بالنسبة للاسئلة فجانت نوعا عادية وبسيطة حول قضيتك او القصة الي مقدمها مع عدم ذكر الطائفية وعدم وجود شغل والامان في العراق لان راح يكون الرد الناس شلون عايشة هناك واني هذا الشي نصحني بي قريب مقدم من الاردن .. اجمالا المقابلة بسيطة بس وقتها تراوح بين 4-5 ساعات
واخر شي سألنة عن الموعد القادم رد بسكوت وكال ملفكم يمنة .. وهاي احنا حطيناها يم رب العالمين والتساهل من عندة وان شاء الله على الجميع .. دعواتكم النة
ان شاء الله اكون وفت بالاجابة واي سؤال اني حاضر

[شجرة الدر]

السلام عليكم اخواني واخواتي

اولا الله يسهل عالجميع يارب وتحياتي للجميع ومنهم اختي العزيزه ام دودو وان شالله نسمع اخباركم الحلوه عن قريب جميعا كل المنتظرين الاخ العزيز ابو الزوز والاخ فايوووووووو والاخ ايادكو الله يسهل عليه يارب وينفتح ملفه من جديد والاخت ام دودو والباقين نسمع بسفر اخونه الغالي كرستوفر وملك الحيره

اما عنا فنكمل لكم باقي الاحداث الجو جدا بارد هنا وتشوفون نص نهار شمس والباقي غيم ومطر باللحظه ينكلب الجو وقد ذهبنا الى المنظمه البارحه واخذونا الى المستوصف الصحي واكملنا الفحوصات والتحاليل واللقاحات فقد تم اعطائنا ست ابر لقاح وتسع قارورات للدم لغرض التحاليل وتم تزويدنا بورقه للمدرسه لغرض التحلق ابني بالمدرسه وراح اليوم وسجل بالمدرسه وان شالله فاتحة خير يارب
بصراحه اهتموا بنا بالفحوصات واعطونا مواعيد اخرى ومن اول ما وصلنا لحد الان مشغولين باستكمال المستمسكات يعني ننتظر وصول السوشيل سكيورتي لجميع افراد العائله لغرض اخراج الهويه وسحب نت وتحويل الغاز والكهرباء والماء باسمنا لان بعدها لحد الان فقط تم توقيع العقد مع مكتب الدلاله والعقد تقريبا مشابه لعقد الامارات ولا يختلف عنه شيئا فقط بالاضافات التي يضيفها مكتب الدلاليه  وطبعا هنا متكدر تسوي شي بدون السوشيل سكيورتي والهويه ان كان اجازة السوق او حساب بالبنك او اي شي اخر كله يعتمد عليهم

اما عن سؤال بعض من الاخوه الاعضاء عن شغلة وجود مدارس اسلاميه في فيلادليفيا فسألت لكم بهذا الخصوص من مدرسة أبنتي وقالوا موجوده مدارس اسلاميه ولكن بدفع اقساط لهم يعني مثل المدارس الخاصه بالامارات وبالنسبه للايجارات فتختلف من منطقه لاخرى والاكل الحلال موجود والحمدلله والاسواق موجوده في المنطقه وتأخرت بطرح هذا الموضوع لاننا جدد بالمنطقه ولكي اتعرف عليها اكثر واكدر افيدكم اكثر وتكون مصداقيه في الامور المطروحه لان كل انسان يكون مسؤول عن كتاباته والمعلومات المطروحه

اي سؤال يجول في خاطركم انا حاضره للرد وادامكم الله اخوانا اعزاء

اختكم شجرة الدر

[Zozzz]

السلام عليكم
مشكوووورة عيوني شجرة وفي ميزان حسناتج  الله يوفقكم يفتحها عليكم  ويسهل امركم وامرنا جميعا ....

[سوبرمان بغداد]

شكرا شجرة الدر على هذه المعلومات المفيدة

اتمنى تخبرينا عن طبيعه التعامل مع العرب. سمعنا بامريكا في تعصب تجاه العرب و الشخص اذا راح هناك يتعب بالتعامل معاهم صحيح هذا الشي لمستي بالتعامل معاهم. و اشكركج هوايه على ردج و معلوماتج القيمه

و شكرا

[شجرة الدر]

اخي الكريم بالعكس رحبوا بينا الناس وكلش ودودين وجوههم تضحك هاي بالنسبه لمدينتنا فيلادليفيا لكن اللي لاحظته فقط جارنا من عرف لاجئيين كلش نعامله جاف وحتى غير طلعته وكام يطلع من الباب الخلفي لبيته المهم بس هذه حاله منفرده ولا تقاس عالجميع اما الباقين جدا حبابين المهم الواحد بحاله وانت ما ماخذ منهم شي بس هاي دون وترد هاي ام فاين غيرها ماكووو والله لا يحوجك على احد سد بابك وكعد وباجر عكبه تشتغل وتلتهي وما تشوف احد بس بالويكند لان كلها تركض عالعيشه من الصبح للليل المهم الله يسهل عالجميع ولا تقلق ابدا تكدر اتكيف نفسك بالويكند مع عائلتك او مع العوائل العراقيه احسن لان هم منك وبيك والله الموفق للجميع

 اختك شجرة الدر

[Zozzz]

الله كريم اختنه العزيزه شجوورة لو خليت قلبت اهم شي تتكيفون عل وضع الجديد وتبشرينا عن الاولاد شلونهم بلمدارس؟

اخوان اكو خبر مفرح انه اخونا ملك الحيرة سافر  واكو موضوع هوه منزله وراح يوافينا باخر اخباره اول ميوصل للولاية مالته هذا للعلم وللاطلاع

[vaio]

السلام عليكم
شكرا اختنا العزيزة  شجرة الدر  على هاي المعلومات الحلوة  وياريت  بالمستقبل تذكرينا تفاصيل اكثر بس  كانت عندي  استفسارات  ياريت تحجينا  عنها نكون ممنونين.



فايــــــــــو

[شجرة الدر]

تتدللون اخواني غالين والطلب رخيص اذكر اخي الغالي فايوووووووو استفساراتك واني حاضره ان شالله بلي اكدر عليه واعرفه ويحفظكم الله جميعا ولا تنسونا من صالح دعائكم

اختكم شجرة الدر

[سوبرمان بغداد]

شكرا شجرة الدر على تعبج ويانه

و مبروك لملك الحيرة

حبيت اسأل بالنسبة للعمل و فرص العمل شلونها هناك؟ و هل صحيح المنظمه تعطينا فرص عمل بالبدايه اذا الواحد ما يلكي؟ و شنو نوع العمل اللي توفره؟

و شكرا و اسف اذا اسألتي كثيرة

[شجرة الدر]

السلام عليكم اخواني الغالين

نعم اخي سوبرمان بغداد اول فرصة عمل تكون من المنظمه وبعدين انت اطور نفسك بالعمل شويه شويه بغض النظر عن الشهادات واكيد تكون فرصة عمل بسيطه واوقات تكون غير مناسبه بس الله كريم العافيه درجات وبالنسبه النه من وصلنه الكيس وركر مالتنه كالت انتوا تحجون انكليزي زين ومتحتاجون دروس باللغه يعني رأسا تشتغلون وبعد مندري هل راح يدخلونه دروس لغه ام يشغلونه يوميه يحجون شكل واللي لاحظته انه في فيلادليفيا حسب ما سمعت من العوائل اللي هنا ديشتغلون اما اكو ولايات فرصة عمل ما تتحصل بيها ومن الله التوفيق والله يسهل امر الجميع

اختكم شجرة الدر

[UAE01]

اخوتي خواتي ... احب اكللكم انو المقدمين بداية سنة 2009 بدت قضاياهم تنعرض علة اللجنة بالامم المتحدة ..... اتصلوا بيه اليو ان .... وحدة تحجي سوري او لبناني ... يوم الخميس ساعة 2:20 الظهر .... كلولي انتة قضيتك عرضناهة علة اللجنة عدنة .... و انتة ماتنطبق عليك شروط اللجوء .... و تكول على كلا احنة مسجليك يمنة كلاجئ ... بس متنطبق عليك الشروط ... كلتلهة شنو يعني مسجليني كلاجيء و متنطبق عليه الشروط ... كالت يعني منكدر نسفرك لاي دولة .... كلتلهة رحمة الله والديج .... اني حبيت اكتب هلموضوع حتة المقدمين بداية سنة 2009 يكون عدهم علم انو ملفاتهم تحت الدراسة حاليا .... و ان شاء الله الخير للكل ......... تحياتي الكم ...

[ملك الحيرة]

اخوان اخواتي
تعذروني للانقطاع عنكم
ولكل منا ظروفه واغلبها متشابهة للواصلين الى امريكا
على العموم وصلت الى اوهايو والحمد لله ويوم الاثنين القادم حددوا موعد لبدء اجراءاتنا
طبعا وصية لكل الواصلين ... المنظمة تحاول ان تبقي مبلغ الولكم يمهم وهمة يصرفون .. نصيحتي اخذوا المبلغ ولا يحاولون يقنعوكم ان تخلون المبلغ عدهم
واي سؤال اني حاضر

[Zozzz]

السلام عليكم

الاخ العزيز UAE01 بصراحه متستاهل عله هل خبر المؤسف والله يجبر بخاطرك يعني هاي ثاني حاله تصير بعد حالة اخونه العزيز اياد الله يعينك ويسهل امرك ويفتحها عل جميع ...بس السؤال انته مكتلهم شنو الفائدة من ابقاءك مسجل كلاجئ عدهم؟ يعني شنو الفائده همه مسجليك عدهم لاجئ اذا همه محيوطنوك الى دوله اخرى؟

الاخ العزيز ملك الحيرة حمد لله عل سلامتك وسلامة الاهل  وارجو ان تكون مرتاح في بلادك الجديده ونتمنا الك كل الموفقيه والنجاح الدائم ....اخي العزيز بعد ان ترتاح وتستقر امورك ان شاء الله وتجد عندك الوقت الفراغ لكتابة وبأختصار حته منوجعلك راسك و حته منتعبك التالي اذا ماكو زحمه عليك:
1.كيف كانت رحلتك يعني خط الرحله وبلمطار كيف سارت الامور حتى وصولك لولايتك
2. كيف كان استقبال المنظمه وشنو الي كان محضرين لقدومك من شقه او اثاث وحالتها جيده ام لا؟وتقييمك الهم ومنو منظمتك؟
3. تقييمك لولايتك من ناحية الجو وتعامل الناس وفرص العمل وكذلك الاسعار المواد بصوره عامه
4 اي شي تكتبه لفائده الجميع هوه زايد خير منك وجزاك الله الف خير عليه و حته لو مكتبت هم نكلك جزاك الله الف خير  اهم شي انو  وصلت بلسلامه ومرتاح وشكرا الك عله مبادرتك ياورده...

[vaio]

السلام عليكم
اخونا العزيز (uae01) ما ادري شكلك بس اكول الله يكون بعونك ويفتحلك بدل الباب الف باب من الفرج وانت لا تيأس وخليها على الله بلكي حسب المستجدات الي انتة تقدمهة او تطراء عليهم  بالمستقبل  تمشي شغلتك.

اخونا العزيز ملك الحيرة  الف مبروك والف الحمد لله على سلامتك وسلامة الاهل  . واكيد انتة ما تحتاج توصية وتعرف  بشنو ممكن  تفيدنا  وممنونين منك مقدما .


   فايـــــــــو

[سوبرمان بغداد]

اخونا العزيز انشا الله يعوضك بغيرها بس اذا ممكن تنطينا مواعيد تقديمك من اول مره لحد الرفض اذا بيه مجال
حتى نقارن حالتك مع غيرك من الاخوان و نشوف
و اني عندي صديق يكول ان اللي يرفضون ما يسوون اي مقابله. يعني اللي يوصل لمرحله الوفد التركي او اللجنه الامريكيه اتصور مقبول

و شكرا

[ملك الحيرة]

اخواني الاعزاء
اولا ادعو الله عز وجل ان يسهل اموركم ويوفقكم لما فيه الخير لكم
ساشرح ما مر بي اثناء سفرتي وملاحظاتي عليها بنقاط لتكون اسهل للمتلقي ومن الله التوفيق

1- الرحلة كانت من مطار دبي التريمنل1 الساعة 2 ليلا وكان معنا 3 عوائل عراقية .. واحد من الاخوان كان ابنه مريض لذلك قرر تاجيل سفره لمدة اسبوع وقد وافق الشخص الذي كان بانتظارنا في المطار التابع ل IOM على تاجيل السفر .. الامور سارت على خير ما يرام ووزنا الحقائب وكان الوزن بالمضبوط واشرنا جوازاتنا ورافقتنا موظفة من قاعة مرحبا وكان الترحيب جيد جدا وتضمن انتظارنا في قاعة مرحبا وجبة بوفيه مفتوح مجانية للعائلة وبعدها جائت الموظفة لتاخذا الى بوابة الطائرة لوفتهانز الى فرانكفورت.
2- وصلنا الى مطار فرانكفورت بحمد الله وكان بانتظارنا موظف IOM عند بوابة الطائرة وطلب التذاكر من فرانكفورت الى نيويورك وبعدها قادنا الى نقطة التفتيش وتركنا بعدها ولم نشاهده.. فتشنا حقائبنا ودخلنا وكان الانتظار بحدود 5 ساعات بعدها ركبنا الطائرة الى نيويورك.
3- وصلنا نيويورك الساعة 5 عصرا تقريبا وهنا بدأت معاناة الحقائب (وحدك وبس الله المعين) اخذونا الى غرفة فيها صف كراسي وموجود فيها موظفين 3 رجال 2 وامرأة واحدة يتحدثون بينهم باللغة الأثيوبية ومعنا  بالانجليزية وبدؤا بالاجراءات واستمرت بحدود ساعتين بعدها اخذونا الى موظف الجوازات اخذولنا صور وبصمونا ورجعونا مرة ثانية للغرفة وجاء موظف الجوازات وقع وثائق i-94 ونطونا الي نطوه واخوا الي اخذوه من الكيس وبدينا ندفع عربات الحقائب ووصلنا الى باب المطار وطلبوا منا الجلوس .. الجو كان شوية بارد .. انتظرنا طويلا وما عرفنا ليش نسألهم يلفون ويدورون بجوابهم ... وبعدين اجانا باص اصفر مال مدارس صعدنا الجنط كلها بالباص وبدا الباص يفتر على تيرمنلات مطار كندي ويجمع لاجئين همة وجنطهم .. يعني صارت لخة عبارة عن علبة سردين بعدها اخذونا للفندق وهم نزل الجنط واحس ظهري راح تنفصم من التعب وحسينا بالفرق بين مطار دبي ومطار كندي ..فرق شاسع.. وبتنا بالفندق لأن موعد طيارتنا كان الساعة 7 الصبح
واكمللكم القصة انشاءالله

[Zozzz]

عاشت ايدك عله هل السرد الرائع ونحن بانتظارك وشكرا جزيلا الك والله يوفقك

[UAE01]

شكرا جزيلا لجميع الاخوة ..... اني مقدم اول مرة بشهر واحد سنة 2009 من خلال الايميل .... يعني رحت لليو ان و اخذت فورم و عبيتة و سويتة سكانينك و دزيتلهميا بالايميل .... رجعت قدمت مرة ثانية بشهر 10 سنة 2010 و جان تقديمي الثاني بيه اكثر تفاصيل و اكثر وثائق .... خابروني الاسبوع الفات و كلولي متنطبق عليك الشروط .....
بالنسبة شنو فائدة انو ابقة مسجل .... سألتهة للموظفة الخابرتني .... كالت هوة يعني هية ماعرف يعني انتة تبقة مسجل يمنة .... بس الشروط و الضوابط متنطبق عليك .... كلتلهة اوكي لعد و انهيت المكالمة ..... لأن بصراحة اني مؤمن بشغلة انو المكتوب اليه ميصير لغيري لو تنكلب الدنيا و العكس بالعكس ....
اني بصراحة مردت اكتب انو انرفضت حتة ميصير عدكم حالة من الخوف .... بس كتبت هيج حتة المقدم بتأريخ تقريبا نفس التأريخ الاني مقدم بيه يعرف انو وصلة السرة ... تحياتي للكل ....

[UAE01]

بس اريد اسأل سؤال رحمة لوالديكم .... و اتمنة من اليعرف و متأكد يجاوبني الله يخليكم .......
اذا الأب و الأم راحوا لامريكا ...... يكدرون يسحبون ابنهم ؟؟؟ و اذا يكدرون شنو الطريقة و شون ....
اتمنة العدة معلومات اكيدة يجاوبني ....
شكرا جزيلا ...

[ملك الحيرة]

اخوي العزيز
اذا كان اعمار الابناء اكثر من 18 ما يقدرون يسوولهم لم شمل لكن ممكن يقدمولهم بس المسألة تاخذ وقت طويل جدا يصل الى 10 سنوات ممكن وهمة وحظهم

بس اريد اسأل سؤال رحمة لوالديكم .... و اتمنة من اليعرف و متأكد يجاوبني الله يخليكم .......
اذا الأب و الأم راحوا لامريكا ...... يكدرون يسحبون ابنهم ؟؟؟ و اذا يكدرون شنو الطريقة و شون ....
اتمنة العدة معلومات اكيدة يجاوبني ....
شكرا جزيلا ...

[Zozzz]

كل عام وانتم بالف خير وعيد سعيد اعاده الله علينا وعليكم بلخير والصحه والسعاده والطمأنينه وراحة البال سائلا المولى عز وجل ان يحفظكم جميعا ويسدد خطاكم انه نعم المولى ونعم المجيب..

أخوكم
ابو الزوززز

[UAE01]

اخوي العزيز
اذا كان اعمار الابناء اكثر من 18 ما يقدرون يسوولهم لم شمل لكن ممكن يقدمولهم بس المسألة تاخذ وقت طويل جدا يصل الى 10 سنوات ممكن وهمة وحظهم

رحمة الله والديك ...... تسلملي .....[/size][/color]

[ملك الحيرة]

نعود لتكمة القصة
بعد ان وضعنا الحقائب في مخزن الفندق توجهنا الى ريسبشن الفندق وطلبوا منا التوجه الى المصعد وكان هناك جمع من اللاجئين من مختلف الجنسيات اعطونا كل واحد غذاء عبارة عن (فخذ دجاجة مشوي) وبطل ماي صغير  وكعكة للفطور .. توجهنا للغرفة اكلنا قليلا رغم ان الجوع اهلكنا ولكننا استسلمنا للنوم .
الساعة 5 فجرا توجهنا الى مطار كندي بعد ان(حملنا الحقائب و-انقلبنا على البطانة-) نزلناهن مرة ثانية بالمطار .. حملناهن للشحن(عرباين ماكو) تفتشنا وانتظرنا البوابة تفتح حتى نصعد بالطيارة.. انفتح الباب وطرنا الى اوهايو-كليفلاند
استقبلنا الكفيل وكان معاه موظفة من المنظمة .. طبعا المرة كامت تباوع تك عين لأن الموظفة جميلة جدا ورحنا للشقة الي ماجريها..
وباجر اكمل البقية الكم
تحياتي

[شجرة الدر]

كل عام وانتم بالف الف خير والله يسهل اموركم جميعا ويحفظ الجميع وينعم بالامن والامان على اهلنا وبلدنا العراق العظيم

اختكم شجرة الدر

[raed1974]

السلام عليكم اخواني وخواتي اعضاء المنتدى المحترمين
ايامكم سعيده وكل عام وانتم بالف خير اعاده الله عليكم بالسرور وتمام الصحة وتحقيق جميع الاماني
بالنسبة الى مسالة اللجوء انا اليوم بالصدفة عرفة اكو لجوء من الامارات واكو UN يستلم قضايا العراقيين انا صارلي تقريبا 6 سنوات مقيم في الامارات والان ضاقة بيع الدنيا وفلوسي خلصة ومثل ما تعرفون صعوبة المعيشة في الامارات والغلاء والصعود المستمر في الغلاء ولهذا انا قررت اقدم اللجوء وذهبت الى سوريا واخذت موعد مقابلة وبعد شهر وشوية سويت المقابلة وانطوني ورقة حماية انا وعائلتي وكلتلي الموظفة السورية بعد شهر ونص تبدي تاخذ مساعدات مال اليو ان ويعد كم شهر انشاءالله يرفعون ملفك للدراسة ويدزون عليك . هسة اني راح ارجع الى الامارات وخلي موبايل السوري يم جماعة حتة لمن يتصلون علية ارجع استلم المساعدات حتة ملفي يبقة مفتوح بس السوال هو هل استطيع ان احول الملف الى الامارات ولا شنو بيكون الحال وهل اليو ان في سوريا راح يوافق علية وانا مقيم في الامارات الرجاء افيدوني باي معلومات ممكن ان تفيدني او تخدم حالتي حتة لاترفض قضيتي
وشكرا لكم واسف على الاطالة

[ملك الحيرة]

اخي العزيز
مادام انت قدمت وفي بداية المشوار تقدر تنقل ملفك ..ولكن خلي في بالك الاجراءات في الامارات بطيئة جدا قياسا ببقية الدول  اضافة الى ان مكتب حماية اللاجئين في ابو ظبي هو مكتب تمشية امر للاجئين وما عندة اي صلاحيات مثل بقية الدول لا مساعدات ولاهم يحزنون .. وانت تقدر تقدر حالتك وتختار الاصلح والله يوفقك

السلام عليكم اخواني وخواتي اعضاء المنتدى المحترمين
ايامكم سعيده وكل عام وانتم بالف خير اعاده الله عليكم بالسرور وتمام الصحة وتحقيق جميع الاماني
بالنسبة الى مسالة اللجوء انا اليوم بالصدفة عرفة اكو لجوء من الامارات واكو UN يستلم قضايا العراقيين انا صارلي تقريبا 6 سنوات مقيم في الامارات والان ضاقة بيع الدنيا وفلوسي خلصة ومثل ما تعرفون صعوبة المعيشة في الامارات والغلاء والصعود المستمر في الغلاء ولهذا انا قررت اقدم اللجوء وذهبت الى سوريا واخذت موعد مقابلة وبعد شهر وشوية سويت المقابلة وانطوني ورقة حماية انا وعائلتي وكلتلي الموظفة السورية بعد شهر ونص تبدي تاخذ مساعدات مال اليو ان ويعد كم شهر انشاءالله يرفعون ملفك للدراسة ويدزون عليك . هسة اني راح ارجع الى الامارات وخلي موبايل السوري يم جماعة حتة لمن يتصلون علية ارجع استلم المساعدات حتة ملفي يبقة مفتوح بس السوال هو هل استطيع ان احول الملف الى الامارات ولا شنو بيكون الحال وهل اليو ان في سوريا راح يوافق علية وانا مقيم في الامارات الرجاء افيدوني باي معلومات ممكن ان تفيدني او تخدم حالتي حتة لاترفض قضيتي
وشكرا لكم واسف على الاطالة

[vaio]

كل عام وانتم بخير وينعاد عليكم جميعا بالخير والصحة والسرور

اخوكم فايـــــــــــــــــــــــــــو

[ابو فراس]

عيد سعيد وكل عام وانتم بألف الف خير اسأل الله ان يمن على جميع اخواتي واخواتي بوابل من الصحة والعافية والرزق الوفير .. واسأله ان ييسر اموركم لما فيه خير ورزق لكم .. امين انه السميع المجيب

[~احمد~]

كل عام و انتم بالف خير  وعساكم من عواده

[الامل 2]

كل عام وانتم بالف خير وعساكم من عواده

[سوبرمان بغداد]

EID MUBARAK
 

[شجرة الدر]

للرفع

[vaio]

السلام عليكم جميعا
اخوان انا اليوم اتصلت على الجماعة  وطلعلي صوت جديد  الضاهر مكتب ابو ضبي جاي يكبر  من خلال الموضفين  وبالتالي  تكبر انجازاتهم وتسرع اكثر.
المهم  حولني على اخت والضاهر والله اعلم انها الست مي  بجيتلها شوية كالت  انتة عالسرة وانتظر من عدنا تلفون  وما قبلت تحدد موعد معين .  كلتلها هل اكو فرق بين الي جاي اخذالفورم بيدة وقدمه بيدة وبين الي اخذو الفورم ورجعوه بالايميل ؟
حسب ما فهمت من المتقدمين الجدد انهم استلمو الفورم باليد وانطوه باليد  هل هذا يحتم علينا اعادة  اخذ الفورم مرة ثانية وتسليمها باليد حسب السياق الحالي؟ . كالت لا ما يحتاج تقدم مرة ثانية  وانت هسة اسمك موجود وعالسرة ما عليك الا الانتظار وما اكدر اكلك شوكت .

الاستنتاج انهم  ماشين بعملهم وبشكل افضل من قبل وما لنا غير الانتظار وربنا يفرج على الجميع .

اخوكم فايــــــــــــــــــــــو

[شجرة الدر]

ان شاء الله الله ييسر للكل يارب

[Zozzz]

الله كريم وييسرها عل كل يارب ويفرجها عليك اخونه العزيز فايو وعل جميع....

اختي شجرة شخبارج ان شاء الله بخير شلونها الامور يمج؟ ان شاء الله مرتاحه وسهله شخبار المنظمة وياكم؟واخبار الا ولاد بلمدارس شلونهم؟ ان شاء الله زينين؟ اخبار الشغل حصلتو شي ...لا..... سلامي وتحياتي ....
وكذلك اخبار أخونه العزيز ملك الحيرة اكيد هسه هوه هم دايخ الله يعينه ويعين الجميع هم وعدنه بتكملة السفره مالته وشصار مصار ويا ... وشلونها المنظمه ويا ويه اسعار الايجارات بمدينته  ....والله ييسر للكل ويفرجها عل جميع

[samnajy]

السلام عليكم
اخوان ما احد راح لليو ان بعد العيد ؟ لانه سنطة ...
رجاء اللي عنده اخبار او معلومات ممكن تفيدنا خلي يخبرنا بيها.
شكرا جزيلا

[Zozzz]

والله اخويه العزيز samnajy
اني اتصلت بيهم وطلعلي واحد وكلي انته عل سره واحنه نخابرك وابوك الله يرحمه وكلشي ماكو بعد وسلامتك وكاعدين ننتظر الفرج والله كرريم وييسرها عل جميع

[samnajy]

عزيزي ززوز يعني شافت اسمك بقائمة معينه ؟ ولا كيف يعني عالسره ؟ اني من انطيت الفورم لعبد السلام شمرها عالمكتب وكال بعدين اخليها بالفايل وبالسره ....بس ما اعرف هي بالسره ولا ضايعة لانه ما ينطون كلام دقيق اني خابرتهم قبل العيد وطلعتلي بنيه لبنانية وكالت لي انتظر انت عالسره من غير ما تتاكد من اسمي او تسالني على تاريخ التقديم ....هو هذا اللي شاغلني ...يعني لو ينطونه فد تسلسل او ياكدون انه اسماءنا موجوده بالقوائم مالتهم كان الواحد ارتاح

[Zozzz]

عيوني لاتدوخ روحك وخليها عله الله والي الك ميصير الغيرك والله شكاتبلك تشوف مووووو...... وللمعلومات تره الكل مثل حالتك واني هم راسا كالي انته عل سره وابوك الله يرحمه...... وشلون عرف اني عل سره هم مدااعرف شو الواحد كلشي مديفتهم منهم .... والله دوخه والمشكله كلشي متكدر تسوي ومتكدر تلح عليهم لانه اذا تلح وتضوجهم يخلوك عل شحن وانتي كلشي موبيدك تسوي فعيوني احنه الي علينه دنسوي والباقي خليها يم الله وهو ارحم الراحمين.....

[سوبرمان بغداد]

شباب ماكو اخبار عن الوفد التركي
ماكو احد اجاه رد من الوفد التركي

صارلي شهر من مقابله الوفد التركي و ماكو جواب

[Zozzz]

اخي العزيز سوبرمان بغداد انته من قابلت الوفد التركي انطوك فايل نمبر مالتهم لولا؟ لازم ينطوك فايل نمبر حته عله اساسه تبدي تتصل بيهم التركيا وتابع قضيتك والا اذا تبقه عل يو ان تره شغلتهم وجعانه وكلشي متحصل منهم ولو اني متاكد راح يخابروك عل مقابلة المحلفين اكو احتمال بعد فد 6 اشهر لو 8 اشهر اذا مشت الامور وياك واذا ماعدك فايل نمبر مالت الوفد التركي ارجع اتصل بمدام مي وشوف شصار مصار من شغلتك والله يوفقك ويوفق الجميع

[ملك الحيرة]

اخواني اخواتي
اسف على الانقطاع كون اللابتوبات اثنينهن وكفن
واضطريت اشتريت وندوز 7 لآن ما حصلت لا فيستا ولا اكس بي وطلبوا يسوون سوفتوير على الواحد 70 دولار فكلت احسن اشتري قرص واني اسوي السوفت وهم يضل القرص الي شوكت ما ينضرب الوندوز اسوي واشتريته ب 172 دولار مع التاكس..
هسة نقدر انكمل البقية
المسافة بين المطار والمنطقة الي بيها الشقة مو بعيدة جدا حوالي 20 دقيقة فقط
وصلنا للشقة وكانت مكونة من 3 غرف صغار وصالة طعام وصالة جلوس ومطبخ وحمام.. تحتوي على ثلاجة وطباخ وتلفزيون وقنفة وميز طعام وكراسي عدد 7(على عدد افراد العائلة) وجرابي عدد 4 وفراشات عدد 7 ومواعين وخواشيك ومواد اخرى..
على العموم كان ماكو مترجم والكفيل يطبج بالانكليزي لأن خطية توه واصل والمشكلة اني انكليزيتي لا باس بها بس الكفيل كالي لا تحجي وياهم انكليزي لأن يتركوك وما يهتمون بيك فاضطريت اسكت على اعصابي لأن نص الترجمة مال صاحبي غلط ..
المهم.. جلسنا شوية وكالت الموظفة مال المنظمة راح اخليكم ترتاحون واجيكم بعد كم يوم وانطتنا 100 دولار فقط وكالت هذا مبلغ من المنظمة لأن الشيك مال فلوسكم بعده ما متوقع..
والكفيل هم راح وخطية ما خلانه نطبخ 3 ايام غده وعشه ابيتهم لأن قريب عليه .. يعني ابتلش بينا بلشه..
ايجار الشقة كان 695 دولار شامل التدفئة لأن المنطقة باردة وبيها ثلوج بالشتاء .. الغاز والكهرباء علينا بس يكولون تطلع بالزايد 40 دولار .. البيسمنت(يعني مكان غسل الملابس ودائما يكون بقبو المنزل ) مشترك للبناية وهذا بلاش للساكنين بالبناية طبعا البناية مكونة من 5 شقق فقط .. الايجار قياسا للمنطة كان جيد لأن التدفئة على الغاز وتكون غالية دائما .
اجت الموظفة مع مترجم عراقي دكتور ومعاها موظفة من شركة العقارات وقمنا بتوقيع عقد الايجار طبعا كان لمدة سنة .. المنظمة دافعين شهر مقدما وتامينات الصيانة شهر (طبعا هذا كله ينقص من مبلغ الولكم) .. بعدها بيومين رحنا لدائرة السوشل والانتظار كان تقريبا ساعة ونص للسره وخلصنا بسرعة.. باليوم الثاني رحنا لدائرة الولفير سوينا مقبلة علمود الفود ستامب.. وباليوم التالي رحنا نسوي فحوصات بالمستشفى..بعدها بكم يوم  رحنا للولفير مرة ثانية وهم سوينا مقابلة علمود الكاش اسسنت..
اكمللكم القصة لاحقا
مع التقدير

[Zozzz]

السلام عليكم

اخونه العزيز الوردة ملك الحيرة شكرا جزيلا عله هل شرح الوافي والمفصل وجزاك الله الف خير لفعل الخير... لفائدة الجميع وفي ميزان حسناتك والله يوفقك لفعل الخير ويسدد خطاك وبارك الله بيك ...

[ammarbattal]

السلام عليكم  ......   عندي استفسار   عن التقديم للمنظمه اليو ان  ال هي في ابو ظبي   هل يعطون ورقة  حماية ؟.. يعني ورقة لجوء تثبت انك لاجئ  مثل سوريا والاردن  ....   لان قريبي في الامارات  وديقدم للهجره عن طريق الكفاله ف طلبو منو ان يكون عندو ورقة حمايه يعني ورقة لجوء   ..... ف اتمنى من اخوانا ال مقدمين اذا يكدرون يساعونا  ......

تحياتي للجميع  ... اخوكم عمار الاعرجي

[الامل 2]

للرفع لان ودي افتح الصفحه رقم 6

بالنسبه للخليج مافي ورقة حمايه و الي منتهيه اقامته او مخالف قوانين الاقامه اليو ان او اي او ام ماتكدر تساعده بشي

[vaio]

السلام عليكم
 شكرا على سؤالك  اخي ابو الزوز موجودين اخي  بس ماكو  شي جديد حتى نحجيه  ربنا يكون في العون  ويسهل امر الجميع

حتى الاخت  شجرة كنا متوقعين منها تفاصيل  كثيرة بعد ان توصل  وهية كالت اي سؤال واي استفسار ووو
واحنا لحد الان ما عرفنا  شنو انطباعها  شنو ضروفها  هسة  شني الصعوبات شني السلبيات شني الايجابيات  كل هذا ما  عرفناه  واشياء كثيرة اخرى . طبعا احنا ما نريد نثقل على اختنا  وما نعرف شنو ضروفها  واحنا طبعا عاذرينها  بس  بصراحة احنا ايضا مو بس المعلومات تهمنا وانما اختنا  ايضا  يهمنا تكون بخير وبصحة وسلامة  . يعني نقلها للاخبار  هذا شي يطمنا عليها وعلى عائلتها .

ارجو ان تكون بخير  هية والعائلة  وان  تكون على تواصل  مستمر  معانا  هذا الا اذا كان عدها رأي اخر .

اخوكم  فايـــــــــــو

[الامل 2]

up   up       up         up            up               up             up                       up

[ملك الحيرة]

ابو الزوز حبيبي
اني حاضر لا تسجلني غايب لا يفصلوني من الجمعية يمعود ...ههههههههههه

السلام عليكم
اخويه العزيز عمار حسب علمي اليو ان الي ببوظبي متطي ورقة حماية مثل عمان وسوريا لانه ماعدهم هل صلاحيه والا جان كل العالم اخذتها وكعدت وبعد حته لجوء هم ميروحون ........ ومسامع ابد انو احد من المتقدمين بلامارات اخذوها اني مره سمعت انو ما الهم علاقة بالاقامه مالتك ولازم تدبر روحك وهاي مشكلتكم مو مشكلتهم وهمه مينطون اي ورقة حماية والي عده شي من الاخوان ارجوا ان يضيفه ولو شو ماكو ولا واحد بجمعيتنه بقه ؟ الي سافر الله ويا مشغول بروحه ةالباقين دايخين بروحهم شنو القصه ؟؟؟؟

اختنه شجرة وينج يمعوده ؟؟؟؟؟؟؟؟؟؟ سلامات يمعوده شو لا حس ولا خبر ؟؟؟؟؟
اخونه ملك الحيرة شخبارك عيوني طمنه؟؟؟؟؟؟؟؟
اخونه كستوفر العراقي وينك هاي يمعود شو اختفيت سافرت لا شصار مصار من شغلتك؟
اخونه العزيز اياد هم الله يساعدك ويفرج همك شخبارك؟ ماتصلت بليو ان؟طمنه عنك؟؟
اخونه فايو هم ماكو !!!! وينك يمعود وينها دعواتك شنو ايست؟الله ييسرلك ويفرجها عل كل
اختنه ام لافينيا  وينج شو ماكو ؟؟؟؟
اختنه ام دودو  هم اختفت؟؟؟؟؟
احونه الصحفي العراقي هم كم رسالة وبعدماكو شو اختفه.....
والاخوان الاعزاء البقيه هم ماكو شنو القصه فترة سبات لو شنوووو اخاف البرد ماثر شويه عله كل حال الله ييسرلكم ويسهللكم ويفرجها عليكم جميعا

[Zozzz]

عيوني ملك الحيرة عله راسي والله انته بس حبينه ان نطمأن عليك وعن اخبارك ان شاء الله مرتاح طمنه عن اخبارك ....

اختنه العزيزة امل 2 تكدرين تفتحين موضوع  وين مجان مو اله صفحه رقم 6 لازم اتي تفتتحيها ههههه عادي عيني وخلي جماعتج هم يجون لهنا ونظمون الجمعيتنا اقلها كل احنه ال ICMC   تقابلنه وهمنه واحد فمو مشكله عيوني اكتبي موضوعج هنا لو بلصفحه 6 لانه بلاخير احنه هم مشاركين والفائدة راح اتصب للجميع ....

[ملك الحيرة]

طبعا الوضع مو مثل الامارات من ناحية الخدمات - اتكلم عن نفسي - الامارات جميلة جدا وما اقدر اقيس الي شفته لحد هاي اللحظة بتطور الامارات  والامن الي موجود بيها ... لكن من ناحية الاطمئنان .. الحمد لله مطمئن على نفسي وعلى اطفالي من ناحية مستقبلهم والناس طيبين رغم انه اكو نسبة جرائم بس بالنهار ماكو شي لحد الان وبالليل داعيك ما يطلع المره مقفصة عليه وبعدين اصلا ماكو شي بس النوادي الليليه ونوادي القمار واني الله باعدني عنها والحمد لله ..
الجو يختلف 180 درجة .. من رمال وحرارة ورطوبة .. الى ثلوج وامطار ودرجة حرارة  واصلة حاليا 7 تحت الصفر ..
انا متأكد انه راح نتأقلم انشاءالله .. كلشي في بدايته صعب .. ولكن بحول الله وقوته كلشي راح يكون تمام

تحياتي ولا تحرمنا الدعاء

عيوني ملك الحيرة عله راسي والله انته بس حبينه ان نطمأن عليك وعن اخبارك ان شاء الله مرتاح طمنه عن اخبارك ....

اختنه العزيزة امل 2 تكدرين تفتحين موضوع  وين مجان مو اله صفحه رقم 6 لازم اتي تفتتحيها ههههه عادي عيني وخلي جماعتج هم يجون لهنا ونظمون الجمعيتنا اقلها كل احنه ال ICMC   تقابلنه وهمنه واحد فمو مشكله عيوني اكتبي موضوعج هنا لو بلصفحه 6 لانه بلاخير احنه هم مشاركين والفائدة راح اتصب للجميع ....

[vaio]

حبيبنا الغالي ملك الحيرة   تمنياتنا لك وللعائلة الكريمة  بطيب الخاطر والطمائنينة والسلام بحق محمد وآل محمد .

طبعا  اخي  رأيك جدا يهمنا  اكثر من غير ناس ما عايشين بالامارات  انت تكدر تعطينا  انطباع حقيقي  لان تعرف الي يروح لامريكا من بغداد غير الي يروح لامريكا من الامارات لان اكيد يكون الانطباع  مختلف تماما .

بشرني  يا اخي  تشعر بالامان على اطفالك وعائلتك ؟ طبعا ما راح اكلك تشعر بالغربة لاننا من الاول مغتربين  ويمكن بالنسبة الك الغربة صارت اكبر .

يا اخي انطباعك عن الناس عن التعامل  مثل هنا ؟ ولما تسوق سيارة وتطلع بالشارع هم يجيلك واحد وبالكوة يحشر سيارته بينك وبين السيارة الي قبلك ؟ هل كل دقيقة والثانية  يجيلك واحد ويطبك دعامية على دعامية وانت بكل سرعتك ويضل يرمش بفلاش  ويدك هورن  وكأن الشارع مال الخلفوه  ؟ ومن توكفه تلكي طوله شبرين ؟.
خبرني عن الجو  لاني انا عندي ربو . يكولون الجو في امريكا بيه اوكسجين هواي ههههه.
وايضا اكو  شغلة قبل سألت اختنا  شجرة عليها وما جاوبتني وهي  شنو انطباعك اول ما  وصلت امريكا ؟شنو اكثر شي لاحظته وشنو كان احساسك ؟

يعني احنا يا اخي ملك الحيرة  ما يهمنا نعرف كم خاشوكة بالمطبخ لو الثلاجة بيها اكل ما لكطم يوم  لان هاي الاشياء صارت معروفة وكل واحد يوصل جاي يعيدها علينا  احنا يهمنا ان نعرف اشياء اكثر اهمية  يهمنا نعرف كيف نتعايش في هذا المجتمع الجديد  كيف  نتصور مستقبل اطفالنا  كيف نعيش ما تبقى من عمرنا في امان وسلام  هذا المهم .
تحياتي الك  واحنا نقدر لك  تعبك في توصيل المعلومة المفيدة  لاخوانك  وتمنياتنا لك بالتوفيق  والنجاح

[vaio]

حبيبي ابو الزوز  ضنك في محلة فعلا انا لما سجلت بالمنتدى  احتاريت لدقائق شنو اخلي النك نيم  ولان كدام عيني اسم الكمبيوتر  كتبت فايـــــو  شفته شوية لطيف  . واللابتوب السوني الفايو  ما يغلى عليك وكدامك  .

اما بالنسبة للشوارع والي يصير بيها  انت حليتها خوش حل  بشرائك فورويل  يعني دبابة وتمشي بالشارع ههههه شحده اليوصل   

ذكرتني  مرة واحد ايضا  ضايقني  وانا ما انطيته مجال لان ما احب هاي الحالة  فتجاوزني من جهة اليمين  .ومن شافني نزلت الجامة  تعجب وهو ايضا نزل الجامة  كلتلة انصحك نصيحة ؟ كال شني ؟ كلتلة حطلك صاروخين فوك السيارة  حتى اذا لاكاك واحد مثلي  اصلخه بواحد  ويوخر من طريقك 
فهوة صفن شوية  وكال انا اعتذر منك انا الي غلطان  وراح .

على كل حال اكو ناس اوادم واكو ناس ما تستحي ب عادة الشارع يلم كل النمونات  الله يكفيك ويكفينا شر  السيئين منهم  ويسلمك ويسلمنا من مخاطر الطريق .


اخوك فايــــــــــــــــــــــو

[ayamzaman]

السلام عليكم

اقترح التقديم على فيزا سياحية B1/B2 من السفارة او القنصلية ، ومن ثمه الوصول الى امريكا وطلب اللجوء بواسطة محامي هجرة
اسرع واضمن حسب تجربتي

مع التحية


ايام زمان

[Zozzz]

أخويه العزيز فايو تسلم عيوني عل حاسبه وماتقصر خوش نوعيه السوني وان شاء الله الاحسن.....

اخي العزيز ايام زمان يمعود شنو القصه؟؟؟ وين انته؟  ليش حضرتك كنت بلامارات وقدمت عله فيزه سياحيه الاميركا لو شنو؟ تحياتي..

[ayamzaman]

نعم

[vaio]

حبيبنا ايام زمان  نعم كلامك صحيح وان السفر لغرض السياحة والزيارة والعلاج والدراسة  والعمل  قد اصبحت متاحة للعراقيين المتواجدين خارج العراق  منذ سنة او اكثر تقريبا. بس المشكلة ان هذا الحل  مناسب للي ما عنده عائلة  وما عنده متعلقات اجتماعية  يكدر يسافر  وبكل سهولة  بعد ان يثبت لهم انه راح يرجع وما يجلب هناك من خلال مقابلة قصيرة بالسفارة او القنصلية  ولما يوصل هناك يطلب اللجؤ  وحتى كالو ان المحامي  اجوره رمزية وتدفع من خلال الحكومة .
اما الي مثل ابو الزوز ومثلي  برقبتي عايلة ورقبتي مايلة هيجي كايلة فصعبة يخلونا نروح ويا عوائلنا لان امبينة  وواضحة يكلك هذولة  راح  يشلعون فرد شلعة . وايضا صعبة نترك عوائلنا  ونروح وما نعرف شكد تطول معاملة اللجؤ  صحيح يكولون سنة وتنحسم بس افرض ما وافقو من اول مرة ؟  ولا من ثاني مرة .

بس هية  تبقى فرصة عظيمة  للوصول الى امريكا  وانا يمكن راح اخوضها  في شهر نيسان القادم .
ويا ريت اخونا تفيدنا اكثر وتحجيلنا تفاصيل سفرك  وشلون صارت  ومشكور مقدما

اخوكم فايــــــــــو

[ayamzaman]

السلام عليكم

تمت الاجابة على نفس السؤال بالمنتدى

حيث تم الحصول على تأشيرة سياحية للعائلة

فايد بالموفقية ، ارجو ان تصل المعلومة ، الوصول لامريكا ليس بالامر الصعب ، ولكن اتخاذ القرار الصحيح هو الاصعب بخصوص مصيرك ومصير عائلتك

من خلال تجربتي ، فقد تم الاستثمار هناك و جاري المتابعة

مع التحية

ايام زمان

[ملك الحيرة]

اخواني الاعزاء
- اولا بالنسبة لشعوري لحظة وصلت الى نيويورك
 .. كنت متشوق حتى اشوف شلون راح يتلكونا بالمطار .. لكن خاب ظني من اللحظات الاولى .. حاشاكم وكأنما ساقونا كما يسوق قطيع الاغنام .. جهالنا كتلهم العطش والجوع - هذا بالمطار مو بالصحراء - الموظفين الي تلقونا من السود لكن يتحدثون بينهم بلغة عرفتها وهي اللغة الحبشية -طبعا مرات اشيش بالمقاهي الحبشية وعرفت جم كلمة منهم - من الساعة 3 الظهر تقريبا الى الساعة 9 احنا بالمطار اضطريت اشتري بسكت وماي للجهال اصبرهم .. نعسانين وتعبانين .. اثاري الجماعة متفقين ويه باص حتى يفتر على ترمنلات مطار نيويورك ويلمون اللاجئين نفس الباص حتى ما يخسرون فلوس باصات هواي .. الجنط محد يساعدك بيهن .. ومن اجه الباص .. الاصفر مال المدارس .. وحملت الجنط وركبنا وظلينا نفتر نصعد ناس وجنط .. ناس وجنط .. وانترس الباص لعينه .. تذكرت الافلام الامريكية من ياخذون المسجنونين بمثل هاي الباصات يشغلوهم بالمزارع .. شعوري كان محبط جدا بس كان وياي عائلة وكان لازم ابتسم وما ابين حتى لا يصيبهم الاحباط مثلي .. بس بنفس الوقت كلت النفسي .. انا مشيت بطريق ولازم اوصل للنهاية واتحمل كلشي برحابة صدر وأتاقلم مع الوضع الجديد .. ما اخفيكم كان وضعي بالامارات مرتاح والحمد لله .. لكن انتم تعرفون وضعنا القلق بالامارات وما يحتاج احجيلكم .

بالنسبة للشوارع

شوارع نيويورك سيئة قياسا بالامارات من ناحية جودة الطريق ومن ناحية تنظيم المرور

انا طلعت رخصة قيادة مؤقتة تسمحلي اسوق اذا كان واحد جالس يمي عندة ليسن .. وعندي موعد بعد كم يوم لأختبار الشارع
الامتحان النظري كان سهل تقريبا وما بيه شي صعب رغم اختلاف الطرق بين الامارات وامريكا .

راح احجيلكم على التاكس .. الي تدفعه والي يجيك نهاية السنة

انشاءالله قريبا

حبيبنا الغالي ملك الحيرة   تمنياتنا لك وللعائلة الكريمة  بطيب الخاطر والطمائنينة والسلام بحق محمد وآل محمد .

طبعا  اخي  رأيك جدا يهمنا  اكثر من غير ناس ما عايشين بالامارات  انت تكدر تعطينا  انطباع حقيقي  لان تعرف الي يروح لامريكا من بغداد غير الي يروح لامريكا من الامارات لان اكيد يكون الانطباع  مختلف تماما .

بشرني  يا اخي  تشعر بالامان على اطفالك وعائلتك ؟ طبعا ما راح اكلك تشعر بالغربة لاننا من الاول مغتربين  ويمكن بالنسبة الك الغربة صارت اكبر .

يا اخي انطباعك عن الناس عن التعامل  مثل هنا ؟ ولما تسوق سيارة وتطلع بالشارع هم يجيلك واحد وبالكوة يحشر سيارته بينك وبين السيارة الي قبلك ؟ هل كل دقيقة والثانية  يجيلك واحد ويطبك دعامية على دعامية وانت بكل سرعتك ويضل يرمش بفلاش  ويدك هورن  وكأن الشارع مال الخلفوه  ؟ ومن توكفه تلكي طوله شبرين ؟.
خبرني عن الجو  لاني انا عندي ربو . يكولون الجو في امريكا بيه اوكسجين هواي ههههه.
وايضا اكو  شغلة قبل سألت اختنا  شجرة عليها وما جاوبتني وهي  شنو انطباعك اول ما  وصلت امريكا ؟شنو اكثر شي لاحظته وشنو كان احساسك ؟

يعني احنا يا اخي ملك الحيرة  ما يهمنا نعرف كم خاشوكة بالمطبخ لو الثلاجة بيها اكل ما لكطم يوم  لان هاي الاشياء صارت معروفة وكل واحد يوصل جاي يعيدها علينا  احنا يهمنا ان نعرف اشياء اكثر اهمية  يهمنا نعرف كيف نتعايش في هذا المجتمع الجديد  كيف  نتصور مستقبل اطفالنا  كيف نعيش ما تبقى من عمرنا في امان وسلام  هذا المهم .
تحياتي الك  واحنا نقدر لك  تعبك في توصيل المعلومة المفيدة  لاخوانك  وتمنياتنا لك بالتوفيق  والنجاح

[vaio]

مشكور اخي ملك الحيرة وبارك الله بيك  على التوصيف الدقيق وبالنسبة للي استلموكم من المطار لا تتوقع منهم اكثر من هذا التعامل . اكيد هي الطريقة تختلف من منظمة لمنظمة .
ربنا يوفقك ويسهل امرك  وننتظر منك المزيد . احنا بامس الحاجة لشخص مثلك ينقلنا الحالة بصدق ومن غير مجاملات .

اخي العزيز ايام زمان  شكرا على اجابتك  وربنا يوفقك  وتوصل انت والاهل بالسلامة .
عندي كم استفسار ولو اثقلنا عليك   اخي العزيز _

كشف الحساب انا حد علمي مو من الاشياء المطلوبة نصا . واذا كان مطلوب نصا فهل  يشترط بيه فلوس بمقدار معين ؟.
بالنسبة للعائلة  اتصور اول ما رجعت من اسبوع  اخذت موعد من السفارة وطلب الهم  فيزة ووافقو . سؤالي ما تحججو باخذك لعائلتك لانك قد تاخذهم وما ترجع ؟؟ انا ما تصورتها بهالسهولة .
اخيرا بالنسبة لمحامي الهجرة  شكد راح يكلفك وهل ياخذ فلوس على كل شخص لو  ياخذ على القضية الوحدة يعني تفرق اذا كان شخص او كانت عائلة   وشكد ياخذ ؟.
مع خالص احترامي وتقديري


اخوكم فايـــــــــــــــو

[ayamzaman]

السلام عليكم

1. الاخ vaip ، بخصوص كشف الحساب هو مستند رئيس بمعاملة طلب التاشيرة، كما يجب ان يكون منطقي ، يعني اعرف ولد جان بحسابه 300000 $ وفي المقابلة الضابط رفض اعطاء التاشيرة بحجة شكه بمصدر هسه الاموال ، وعليه المطلوب بكشف الحساب هو ما يثبت نزول راتبك الشهري بانتظام من قبل جهة العمل ، عمليات السحب والايداع والشراء .
كما يجب ان يكون بالرصيد ما يكفي تحمل تكاليف رحلة السفر .
احب اذكر موقف حدث لي عند وصولي لواشنطن ، وخلال مرحلة موظف الجوازات سئلني كم تحمل من مبالغ نقدية , فاجبت 9000 $
فقال : لماذا هذا المبلغ الكبير ، فاجبت : سوف اذهب واخي الى لاس فيغاس برحلة سياحية ، وعليه تمت الموافقة .

2.بخصوص التاشيرة العائلية ، اتفق معك بخصوص هاجس امكانية رفض التاشيرة ، ولكن تمت المقابلة واخذ التاشيرة خلال يوم واحد ، علما وبعد التجربة الشخصية بحال رب الاسرة حصل على التاشيرة والموافقة الامنية ( التي استغرقت ثلاثة اشهر ) فان الاسرة كاملة يحق لها الحصول على التاشيرة استنادا للموافقة الصادرة لرب الاسرة .

3. بخصوص المحامي ، فنفس الاوراق والقصة التي ستقوم بتقديمها للمفوضية ، هي نفسها التي يطلبها المحامي ، عن تجربتي توجد محامية باكستانية طلبت 3500 $ لشخصي فقط ، والعائلة 10000 $ ، علما بان الاستشارة كانت مجانية .

مع التحية

ايام زمان

[vaio]

عزيزي ايام زمان بشرك الله بالخير  وسهل امورك وقضى حوائجك .
ما قصرت بالاجابة  وجزاك الله كل خير  بس اني ايضا تولدت عندي سؤالين  وارجو سعة صدرك  وحلمك علي  وان تتحملني  .

الاول هو ان  مرتبي ينزل في البنك  دائما  بس انتة تعرف ينزل منا ويتبخر بقدرة قادر منا    يعني هوة مال بيه حركة اي بيه حركة  بس في كل شهر يرجع يصفر . سؤالي هل هناك مبلغ  ادنى  يجب ان يكون خلال الستة اشهر  ام  يكفي ان تودعه في البنك في وقت قريب قبل طلب الفيزة ؟ وكم  يمكن ان يكون ؟.

وبالنسبة لمحامي الهجرة  هل يشترطون وجود محامي الهجرة دائما ؟ واذا اني ما عندي هذا المبلغ شلون ؟ هل هناك سبيل اخر ؟ بدون محامي ؟.

يمعود كللهة  بلكي تسوينا دسكاونت  كللهة انا صديق اخوها شمس الدين وصديق عليم الله وصديق شرف الاسلام . بلكي تسويلي شغلتي ببلاش هههه تدري اغلب اسمائهم رنانة ( للمزح فقط ).

مشكور اخي  مقدما

اخوكم فايـــــــــــو

[ملك الحيرة]

اخوان الي افتهمته من التاكس كما يلي
سابقا كنا ننطي ضريبة وتتبخر بجيب الدولة بحجة الخدمات
لكن الي تفاجأت بيه هنا انه اي شخص يدفع التاكس بما لا يقل عن 400 دولار بالسنه له الحق ان يرجعله تاكس .. والتاكس مو ينحسب على كم انطه ...لا اولا على عدد افراد العائلة , اعمارهم , مقدار دخل الاسرة السنوي , عمرك انته كرب اسرة . يعني ممكن تنطي تاكس 100 دولار بس نهاية السنة يجيك شيك على صندوق البريد بيه فد 4000 دولار ..
العملية هذي ذكرتني ببيت مال المسلمين ايام نهضة الاسلام .. وكيف كانت الاموال تاخذ من الاغنياء لتوزع على فقراء المسلمين والمحتاجين من غيرهم من اللذين يدينون بغير الاسلام .. ومات بيت المال .. ولكني رأيته باجمل صوره هنا ..
وقد سخر لي شخص ليفهمني حقوقي كشخص مقيم في امريكا بصورة شرعية .. وكان يتكلم ويفتح موقع الكتروني حكومي ليثبت لي صحة كلامه .. فتبين لي اني حتى وان عملت فلي حقوق منها الضمان الصحي ومساعدات لدفع الفواتير  وغيرها من الحقوق .. وهو شخص حاصل على الجنسية الامريكية من قبل 30 سنة تقريبا وله مكانة مرموقة في المدينة التي اسكن فيها ..

وعدتكم ان اتكلم عن التاكس .. وارجو ان افدتكم .. مع التقدير

[ayamzaman]

السلام عليكم

الاخ vaio

1. اقترح توديع مبلغ يكفي تكاليف سفرك والمعيشة هناك ، وذلك قبل ثلاثة اشهر من طلب التاشيرة .
2. حركة حسابك ( ايداع الراتب و السحب ) يعتبر شئ ايجابي للمعاملة ، وعلى قولك يرجع يصفر , فهذا شئ طبيعي ، كونك تعمل ومرتبط بمصاريف والتزامات وخلافه ...
3.بخصوص المحامي , فهو مقترح بحكم المؤكد للحصول على الاقامة بشكل قانوني .
4.لا انصح بالمجازفة بترك العمل ، بغية اللجوء لغرض اللجوء فقط لامريكا ، حيث بحال عدم وجود دعم مادي ، سوف يتمنى الشخص انه لم يخطي هذه الخطوة ، الاقامة بامريكا مكلفة ، ولكن للذي يتدبر مبلغ ليستثمره هناك , فامريكا بلد الفرص والمكسب المادي الجيد .

مع التحية

ايام زمان

[samnajy]

اخي العزيز vaio
مع احترامي لاراء الاخرين وراي ايام زمان
اذا نزلت مبلغ في رصيدك فاكيد رح يسالوك (من اين لك ذلك؟) ولازم تقدملهم اثباتات من جبت هذا المبلغ وتدخل في ايراد ومصرف

البنك ستيتمنت اللي يطلبوها فترتها 6 شهور على ما اعتقد ....لذلك اذا تريد تنزل شي بحسابك من غير ما يبين بالبنك ستيتمنت لازم تنزله قبل السته شهور حتى ما يبين عندك.
بالنسبة للمبلغ المطلوب ان يكون بحسابك لازم يكفي ويغطي النفقات المتوقعة للعيش فيي امريكا اللي هي نفقات الفندق والنقل والطعام وغيرها .... يعني حسب رايي المفروض لا يقل عن 70,000 درهم او 20 الف دولار

هذه المعلومات اكتسبتها من التقديم لفيزا الى بريطانيا واعتقد ان المسالة متشابهه.... وانت عليك ان تقارن وتخلي هذه الامور في الحسبان.

 

[samnajy]

اخي العزيز vaio
مع احترامي لاراء الاخرين وراي ايام زمان
اذا نزلت مبلغ في رصيدك فاكيد رح يسالوك (من اين لك ذلك؟) ولازم تقدملهم اثباتات من جبت هذا المبلغ وتدخل في ايراد ومصرف

البنك ستيتمنت اللي يطلبوها فترتها 6 شهور على ما اعتقد ....لذلك اذا تريد تنزل شي بحسابك من غير ما يبين بالبنك ستيتمنت لازم تنزله قبل السته شهور حتى ما يبين عندك.
بالنسبة للمبلغ المطلوب ان يكون بحسابك لازم يكفي ويغطي النفقات المتوقعة للعيش فيي امريكا اللي هي نفقات الفندق والنقل والطعام وغيرها .... يعني حسب رايي المفروض لا يقل عن 70,000 درهم او 20 الف دولار

هذه المعلومات اكتسبتها من التقديم لفيزا الى بريطانيا واعتقد ان المسالة متشابهه.... وانت عليك ان تقارن وتخلي هذه الامور في الحسبان.

[vaio]

اخواني الاعزاء  ابو الزوز  و  samnajy  انا اشكركم على النصيحة  وهذا دليل حرصكم واهتمامكم .

وشكرا لاخونا  ايام زمان الي ما قصر وشرح كل شي .

اخواني الاعزاء اولا الموضوع بالوقت الحاضر هو للنقاش وتعرفون واحد ما يكدر ياخذ قرار اذا ما يعقل الموضوع بشكل جيد ويحسبه . ومن الواضح ان هاي الطريقة هي طريقة مكلفة  نوعا ما . لكنها في نفس الوقت  وسيلة مظمونة وسهلة .

وثانيا  حتى العشرين الف دولار ما اعتقد تكفي انا  حسبت في ما مضى  ان العائلة تحتاج ما بين  25 الى 30 الف دولار سنويا وهذا المبلغ يجب ان يكون مرصود وتحت اليد زائدا  كلفة التذاكر وكلفة المحامي .

اما اذا ردت اسافر  فراح اسافر بدون العائلة .ولن اصرف شيء غير تذكرة السفر وكلفة استحصال الفيزة لان لي اصدقاء سيتكفلون بالباقي  وانا راح ابقا بحدود الشهر  اقضي بعض الامور وارجع .
لان انا ما اسوي شي اذا ما احسبله الف حساب  وهذا شي مطلوب  جدا اذا عندك عائلة واطفال .

اخوكم فايــــــــــــو

[samnajy]

اخي العزيز فايو
انا ما قصدت ان مبلغ 20 الف دولار يغطي سوف مصاريفك بالسفر ولكن هذا المبلغ لاقناع الجهة التي توافق على اصدار الفيزا بانك تملك مبلغ من المال وانك سائح وتحت اي ضرف من الضروف سوف لن تحتاح الى مساعدة مالية من احد اثناء فترة سفرك (كسائح) الى هذا البلد.

شكرا

[ملك الحيرة]

اخوي ابو الزوز
راح اجاوبك وازيد لأن انته والاخوان والاخوات تستاهلون وتعبكم راحة
اولا .. تقدر تشتري سيارة بس يكون عندك سوشل سيكيورتي نمبر مو مثل الامارات لازم يكون عندك داريف لايسنس
ثانيا .. ليسنس الامارات تقدر تسوق بيه لمدة شهر واحد فقط
ثالثا .. الليسنس الدولي مال الامارات تقدر تسوق بيه لمدة سنة

لكن .. بس تستلم السوشل تقدر تقدم على اختبار ليسنس والاختبار سهل وينطوك ليسنس مؤقت تقدر تسوق بيه لكن لازم يكون جالس يمك واحد عنده ليسنس ويحددولك موعد شهر تقريبا لأختبار الشارع ..

بالنسبة للبيوت تقدر تشتري باسم واحد .. بس ياخوي الحجي من انته بالامارات يختلف عن هنا .. من توصل هنا بخير وسلامة راح تشوف اكو هواي جماعة جنوا (يهمبلون) على كولنا وكلهم جنوا ( ابو عليه) بس من وصلت يمهم (ليييييييييييييخخخخخ)
الاسعار تبدي من 3000 دولار الى 3 ملايين .. حسب المنطقة .. والي يحدد السعر المساحة و عمر البيت و سرعة استجابة الشرطة والحريق والاسعاف  للنداءات بالمطقة و معدل الجرائم ..
طبعا كلما يزيد سعر البيت يزيد مبلغ التاكس السنوي الي تدفعة للدولة .. يعني على سبيل المثال بيت سعره 25 الف دولار تدفع سنوي 3000 دولار تاكس طبعا المدينة الي اني بيها مشهورة انه التاكس مالتها عالي .. وما اعرف بغير مناطق ..
بس انطيك هذا الموقع تقدر تشوف الاسعار والاعمار مال البيوت والتاكس ايضا
http://www.howardhanna.com/

وبالنسبة تشتري او لا .. من توصل تقدر تشيك وضع المنظمة مالتك .. وجماعتك الي هنا يساعدوك لو لا ... تحياتي

أخونه العزيز ملك الحيرة مشكور عله هاي الشغله المهمه والي هيه التاكس وجزاك الله خير
بس حبيت اسالك عله اجازة السوق هناك ياهو الي تمشي الليسن؟ لو لازم اطلع دولية اماراتيه؟ وبلنسبه لمعادلة الشهادة شلون الوضعيه؟ ومرة قريت انته نزلت صفحه عن شراء البيت شتنصح ؟ حسب مشفت ؟؟ الواحد يشتري لو يكعد بايجار ويحترم روحه؟ وشكد تقريبا اذا خلي نكول بيت يتكون من 3 غرف او حتى غرفتين فد شي يعني عله كد الحال؟ يعني يمشي الحال  تقريبا  شكد؟؟؟؟ ...ولو احنه منريد  نشلع افادك باسالتنه الك ...وبراحتك انته ياوكت عدك وكت وخلك النه  اكتبلنه واي شي واي معلومه تجي منك رحم الله والديك ....

أخويه العزيز ايام زمان يابه رحم الله والديك عله اجوبتك وفي ميزان حسناتك انته واخونه ملك الحيرة والله يوفقكم ويسهل امركم

أخويه وعيوني فايو نصيحه من اخوك الصغير  اترك هذا  الموضوع مال الروحه عله حسابك لانه الشغله مكلفه بشكل  يعني اذا عدك فد 20 الف دولار زايده عليك ومتريدها اكلك روح وجازف اني ابو داعيك كرايبي نصهم هناك وكالولي نحطلك محامي بس من حسبتها شفتها الشغله متصرف لانه وراك التكتات  مال الطيارة كل نفر عله الاقل فد 1500 اذا دايركت  وهناك من تروح متريد تاجر؟ منين راح تاكل؟ زين مصاريف المحامي؟ زين حطيت ابالك  اذا لا سامح الله رفضوك شنو راح يكون موقفك وشراح تسوي ؟ حته لو نكول نسبه الرفض ضئيلة يااخي نصيحتي الك امشي شهر ولا تعبر نهر .....وبكيفك انته بعد ...

[/b][/color][/size]

[vaio]

شكرا اخي ملك الحيرة  معلومات رائعة من شخص رائع .  الله لا يحرمنا منك .

اخي samnajy شكرا على التوضيح وبارك الله بيك . بس انا حسبتها الشخص الي عنده  ثلاث اطفال  يحتاج ابين 25 الى 30  الف دولار  في السنة  يصرفها على السكن ومتعلقات السكن والمعيشة ومتعلقات المعيشة  ويعيش بمستوى متوسط .

ما ادري اذا اخونا ملك الحيرة يوافقني  لو لا .

اخوكم فايــــــو

[ملك الحيرة]

اذا بدون عمل .. لا ما تكفيك
وحتى اذا اشتغلت .. من يدرون بيك مخالف .. اكثر اجر تحصله 5 دولارات بالساعة
ما انصح الي عنده عائلة بهاي الخطوة الا ان يكون متمكن ماديا جدا

شكرا اخي ملك الحيرة  معلومات رائعة من شخص رائع .  الله لا يحرمنا منك .

اخي samnajy شكرا على التوضيح وبارك الله بيك . بس انا حسبتها الشخص الي عنده  ثلاث اطفال  يحتاج ابين 25 الى 30  الف دولار  في السنة  يصرفها على السكن ومتعلقات السكن والمعيشة ومتعلقات المعيشة  ويعيش بمستوى متوسط .

ما ادري اذا اخونا ملك الحيرة يوافقني  لو لا .

اخوكم فايــــــو

[BaghdadGhost]

اخواني اخواتي الاعزاء ,,,,  السلام عليكم مني ومن اختي شجرة الدر


تسلم عليكم نفر نفر و تتعذر منكم لان اللابتوب انطاكم عمره مالتهم ,,,,, لذلك مدتكدر تدخل على المنتدى ,,, حاولت عالوايرليس مال التلفون ولكن دون جدوى ,,,,, طبعا اخر اخبارهم راحوا امتحنوا نظري مال سياقة هي وزوجها ونجحوا من اول مرة و بدون اي اخطاء ,,,, رفعه راس ,,,,, وهي وصتني ان ادخل و اسلم عليكم وتريدكم تعذروها


سلام مني للكل

[ملك الحيرة]

مشكور يا شبح وتسلم

وتهنئة لاختنا شجرة الدر ... بس كللها حيل متأخرة .. اخوج ملك الحيرة يوم 15 اختبار الشارع

اخواني اخواتي الاعزاء ,,,,  السلام عليكم مني ومن اختي شجرة الدر


تسلم عليكم نفر نفر و تتعذر منكم لان اللابتوب انطاكم عمره مالتهم ,,,,, لذلك مدتكدر تدخل على المنتدى ,,, حاولت عالوايرليس مال التلفون ولكن دون جدوى ,,,,, طبعا اخر اخبارهم راحوا امتحنوا نظري مال سياقة هي وزوجها ونجحوا من اول مرة و بدون اي اخطاء ,,,, رفعه راس ,,,,, وهي وصتني ان ادخل و اسلم عليكم وتريدكم تعذروها


سلام مني للكل

[vaio]

شكرا اخي شبح بغداد
وتحياتنا وتبريكاتنا لاختنا شجرة الدر وبالتوفيق ان شاء الله .



فايـــــــــــــــو

[ملك الحيرة]

يابه ابو الزوز ما تكلي عليش خجلان ..؟؟

اشو ثلوج والناس كلها معطله وكاعد بالبيت .. اسال اسال اخوي خلي نكضي وقت ويستفادون الاخوان

اخويه العزيز ملك الحيرة جزاك الله خير عله هل معلومات القيمه وفي ميزان حسناتك والله فشلتنه بردودك وبعد كمت استحي اسال بعد ...

اخونه العزيز شبح بغداد تحيه الك ونورت جمعيتنا وسلامنا الى اختنه العزيزة شجرة وكللها تره الشباب شويه ثرموج بلجمعيه بس اثرم شويه جان ناعم مو خشن  ...وشنو قصتها ويه الحاسبه شو اول مراحت اشتغلت العطلات عدها عله كل حال الله ييسر الها ويسهل امرها ويفرجها عليها وعل جميع .... اني بس مداتصور انو الواحد يكدر يتحمل فترة طويله بدون حاسبه وخصوصا اذا جان مسافرالى بلد غريب بلنسبه اله لانه من خلال الانترنت تكدر تحصل اي معلومه انته في حاجه الها وخصوصا بهل وقت الي صار كلشي عن طريق الحاسبه والانترنت حته حجز المواعيد وغيرها وكذلك الرسائل والايميلات سوء اكانت شخصية ام رسمية عله كل حال  احنه نتمنالها كل الخير وهيا اخت عزيزة علينه ومبروك اجتياز الامتحان وشكرا الك مره ثانيه ..

[ملك الحيرة]

ابو الزوز حبيبي

بالنسبة للأبتدائية ماتخاف عليهم بالبداية لأن بعدهم اطفال .. بس جهالنه شياطين .. ابني اول يوم اجاني كال (بابا صديقتي كلش حلوة وين ما تروح اروح وراها) كلت يا ستار بلشنا .. المهم انا اريده يندمج بس مو يذوب بالمجتمع .. المتابعة ضرورية حتى داخل المدرسة .
بعدين عندي اطفال بالثانوية رحت اسجلهم مع الموظفة ... شفت هواي بنات ( منفوخات)  وطلع الموضوع عادي جدا .. اني خفت الصراحة .. لكن بعد مرور كم يوم اكتشفت - رغم انه ممكن الكثير ما راح يوافقني - انه الطلاب والطالبات العرب اخطر من الامريكان .. ولذلك انصح على من عنده اطفال بالثانوية لا يتركهم يروحون للمدرسة او يرجعون وحدهم او مع اصدقائهم .. اخذوهم وجيبوهم انتم .. احنا سافرنا حتى نحافظ على ابنائنا وبناتنا مو نضيعهم .
بالنسبة للتعامل .. لقيت انه تعامل الكادر التدريسي طبيعي جدا وما انقهروا او شي .. اما بالنسبة للطلاب الي شفته ان الطلاب الامريكان يحاولون يساعدون الطلاب الجدد خلاف الطلاب العرب .. الي يسوون نفسهم ما يعرفون يتكلمون عربي حتى لا يقولون عليهم عرب ..
هذا الي شفته ووجهة نظري ويبقى لكل واحد وجهة نظر.... مع اعتزازي

[ملك الحيرة]

ابو الزوز عزيزي

بالنسبة للشق الاول من سؤالك.. كل مدرسة بيها مشرف اجتماعي تقدر تعرف منه ابنك او بنتك ويامن يختلط وتصرفاته بالمدرسة وبالصف .. وطبعا حتى اذا اقتضى الامر يراووك صورة وصوت لأن الكاميرا بكل مكان بالمدرسة .. يعني موضوع متابعتهم مو معضلة وربك هو الحافظ.
بالنسبة للشطر الثاني..
الفترة غير معروفة .. اني انطوني تقريبا 10 ايام ... لكن لمن تتصل بيكم مدام مي او عبد السلام بتحديد موعد السفر ياخذ رايكم ويسألكم هل هذا اليوم مناسب الكم ... تقدر في وقتها تأخر الموعد .. وتقدر ايضا تبلغهم بتاجيل موعد السفر قبل كم يوم لأن اكو واحد من الاخوان كان سفره ويانه بس ابنه كان مريض وحضر للمطار بس ما قدر يسافر بسبب ظروف ابنه الصحية واجلوا موعد السفر وبعد كم يوم سافر هوه وعائلته طبيعي ..
لكن انا انصحك اذا كنت مكمل كلشي وحتى لا تأجل موعد السفر .. ابدي صفي امورك على السريع لأن سفرك محتم بأذن الله ومسألة وقت لا غير..

تحياتي الك

[سوبرمان بغداد]

اخوان البارحة رحت على مكتب اليوان و سألتهم كالوا همه وكفوا استلام المعاملات لشهر 12
لان عدد المقدمين صار هوايه و يحتاجون يرتبون شغلهم

[vaio]

كلامك صح اخي سوبرمان . احد اصدقائي ذهب مؤخرا واخبروه نفس الشيء

فايـــــو

[Iraqi Christopher]

الاخوة الاعزاء ابتدائا من اختنا العزيزة شجرة الدر،
الاخ العزيز ابو الزووز،
الاخ العزيز فايو،
الاخ العزيز ملك الحيرة،
وجميع الاخوة والاخوات اعضاء جمعيتنا الموقرة،

تحية طيبة مباركة

بداية ارجو ان تتقبل اعتذاري لعدم الكتابة خلال الفترة الماضية لاني املك خط انترنت الى الان وانا الان اكتب من احد الزملاء الاعزاء هنا.

اكيد ستعتبون علي بسبب عدم ابلاغكم بسفري، ولكن الذي حصل اننا استلمنا موعد السفر قبل اسبوع واحد فقط من السفر!!!  وان شاء الله لا ترون ما رأينا من لخبطة وارتباك ومن ضغط كبير كبير كبير جدا لقرب موعد السفر، فقسما بالله حتى نوم كنا لا نستطيع ان ننام الا بضع ساعات اثناء الليل بسبب الترتيب للسفر وتحضير الحقائب وشراء النواقص مثلا بعض الملابس وبعض اللوازم الكهربائية وبعض الامور التي تخص الاطعمة والبهارات... الخ وفي النهاية طبعا ثلاث ارباع الملابس والاغراض تركت في البيت لاننا لم نتمكن من حملها ولا بيعها.

على العموم سفرنا كان يوم 11/11 الساعة الثانية بعد منتصف الليل ومعنا فقط عائلة واحدة وكان في انتظارنا موظف من المنظمة واتم الاجراءات لنا واعطانا اكياس كبيرة بيضاء مكتوب عليها IOM، وكانت الرحلة طويلة و شاقة تقريبا يوم ونصف كامل وترانزيت الى المانيا ومن ثم الى لوس انجلس مباشرة، وقد ضاعت احدى الحقائب في المطار في امريكا والى الان لم نجدها.

 ان شاء الله تعالى يوم السفر لجميع الاعضاء وتبشرونا جميعا باخبار طيبة عنكم قريبا.

طبعا المعاملات هنا كثيرة جدا وكأن احدنا والد من جديد، معاملات كثيرة جدا جدا ولا تنتهي وان شاء الله مجرد ان يصبح لدي اشتراك انترنت ساكون متواصلا معكم بجميع التفاصيل واجيب على جميع اسألتكم.

ختاما ادعو الله تعالى ان يوفق الجميع لما فيه خير لهم في الدنيا والاخرة وييسر امر سفرهم وييسر الخير لهم حيث كان.


اخوكم

كريستوفر العراقي

[alwismy]

السلام عليكم ورحمة الله وبركاته

اول شي الحمدلله عالسلامة انت والاهل اخونا كريستـــــــــــــــــــــــــــــــــــــــــوفر العـــــــــــــــــــــــــــــــــراقي  وان شاءالله شايفين كل الخير والتوفيق

وبالنسبة للجنطة اللي ضاعت سوي شكوى على شركة الطيران وترفق وياها رقم الليبل اللي على الجنطة ومواصافات الجنطة

وشنو الاغراض اللي بيها

واي استفسار من ناحبة هالشي انا حاضر

alwismy

[alwismy]

السلام عليكم
أخويه العزيز كرستوفر العراقي يابه الف الف مبروك بسلامة الوصول ومبروك عليك وشايف كل الخير ويابه رحم الله والديك همزين منك ذكرتنا وهاي من اصلكم الطيب ....طبعا مااعرف قلبي علمني انك مسافر لانه متعلمنه منك كل هل قطيعه عنه عله كل حال موفق عيوني وان شاء الله شايف كل الخير ....بس عدي سؤال هاي ضريبة التاخير ههههه يله اتحملنا ميخالف 

انتوا شنو قصتكم ويه السفر شو كلكم قبل سبوع مبلغيكم ؟؟؟ زين شوكت لحكت اتكنسل؟ شوكت صفيت امورك ؟السيارة البنك الايجار؟؟؟ مدارس الجهال ؟والله راح اتخبل هههههه زين ابل الشغل مو لازم تطي نوتس عله الاقل شهر؟ لو كلكم فرييي ماكو عدكم التزامات؟؟؟
السؤال هو مكتب ابو ظبي ينطي مهله للواحد عله الاقل مدة شهر لو هاي مواعديهم سبوع فقط ؟ اني ليش كاعد داكرر تحديدا بهذا السؤال لانه داشوف اكثر من شخص منطي اسبوع واحد !!!!لانه اني ملتزم بعقد ولازم اقدم استقاله قبل شهر  يعني يرادلي عله الاقل فد 40 يوم حته اكدر اصفي اموري وشغلاتي ...فانته شنو رايك بلموضوع ينطون هيجي مده لو ماكو هيجي بطه تلعب شناو؟ مع العلم ماعدي اي عذر للتاجيل سوا مثل مذكرت سابقا انه لازم انطي نوتس قبل شهر ....طبعا سالت السؤال نفسه لاخونه ملك الحيرة والرجال مقصر بلرد وكفه ووفه بس حبيت اسالك الك همات حته تصير عدي فكره كامله عن موعد السفر لانه جدا مهم بلنسبه الي ...
ومشكور وماقصرت وخليك عله اتصال...
أخوك ابو الزوزززز

تحياتي للعزيز او الزوز المحترم

مكتب بوظبي يسألك انت جاهز للسفر في هذا اليوم ام لآ ؟

وانت اذا مستعجل راح تقول نعم وتسافر باسبوع واذا تريد ترتب امورك وتبيع اغراضك تسافر بعد شهر

وتحياتي للجميع

[Zozzz]

تسلم تاج راسي اخويه العزيز الوسمي الورده والله دائما سباق..... ورحم الله والديكم جميعا وجزاكم الله الف خير لفعل الخير وفي ميزان حسناتكم....

[alwismy]

تسلم تاج راسي اخويه العزيز الوسمي الورده والله دائما سباق..... ورحم الله والديكم جميعا وجزاكم الله الف خير لفعل الخير وفي ميزان حسناتكم....

ووالديك الجنة بو الزوز -----هذا واجبنا ولازم نأديه ------------وانتم تستاهلون كل الخير

تحياتي

[Maryland]

السلام عليكم اول شي ابارك للاخ كريستوفر العراقي للوصول و اتمنالو التوفيق

اخوان اني اجتني الموافقة الامنية بعد تأخير و كنت جاهز للسفر اني و العائلة بس تفاجأو المنظمة انو الامنية مالت زوجتي اكسباير و قدمو تجديد

تتوقعون تجديد الامنية يطول؟ و شقد ؟ علما كلشي مخلصين ....

شكرا للجميع

ماريلاند

[ملك الحيرة]

مبروك اخي كريستوفر الوصول بالسلامة ... وانشاءالله الاستقرار والموفقية ببلدك الجديد  وانشاءالله تحجيلنا الوضع بلوس انجلوس

بالنسبة لسؤالك ماريلاند
تجديد الموفقة الامنية ما ياخذ وقت انشاءالله اكثر من شهر ومرات يجي ب10 ايام  رتب امورك ... سفرك قريب انشاءالله .

السلام عليكم اول شي ابارك للاخ كريستوفر العراقي للوصول و اتمنالو التوفيق

اخوان اني اجتني الموافقة الامنية بعد تأخير و كنت جاهز للسفر اني و العائلة بس تفاجأو المنظمة انو الامنية مالت زوجتي اكسباير و قدمو تجديد

تتوقعون تجديد الامنية يطول؟ و شقد ؟ علما كلشي مخلصين ....

شكرا للجميع

ماريلاند

[vaio]

السلام عليكم
تحية حب واعتزاز الى جميع اخوتي واخواتي

اولا ابارك للاخ كروستفر العراقي  والف مليون مبروك  لسلامة الوصول  وان شاء الله حياة جديدة سعيدة مديدة سديدة ( وتكدر تضيف حميدة ايضا ).
الف مبروك اخي  ومعذور على التاخير ولا يهمك بس  لا تنسا اخوتك احنا بامس الحاجة الكم .

اخواني الاعزاء اخي ابو الزوز اخي ملك الحيرة وجميع الاخوة والاخوات  البشارة .....

اليوم اتصلو بي الجماعة واعطوني كيس نمبر وطلبو مني بعض الوثائق والصور  الشخصية

ان شاء الله يوم الي الك يا اخي ابو الزوز
بصراحة انا بكت طن هوة لما شفت رقمهم   بس  الحمد لله

اخوكم فايــــــــــــو

[samnajy]

مبرووك اخوية فايو

بس ممكن نعرف انت شوكت قدمت لليو ان مال ابو ظبي ؟
وشكرا الك

[vaio]

شكرا اخي samnajy

انا قدمت من بداية 2009 تقريبا من  عشرين شهر

[ملك الحيرة]

الف مبروك وانشاءالله يوم السفر القريب يا رب

السلام عليكم
تحية حب واعتزاز الى جميع اخوتي واخواتي

اولا ابارك للاخ كروستفر العراقي  والف مليون مبروك  لسلامة الوصول  وان شاء الله حياة جديدة سعيدة مديدة سديدة ( وتكدر تضيف حميدة ايضا ).
الف مبروك اخي  ومعذور على التاخير ولا يهمك بس  لا تنسا اخوتك احنا بامس الحاجة الكم .

اخواني الاعزاء اخي ابو الزوز اخي ملك الحيرة وجميع الاخوة والاخوات  البشارة .....

اليوم اتصلو بي الجماعة واعطوني كيس نمبر وطلبو مني بعض الوثائق والصور  الشخصية

ان شاء الله يوم الي الك يا اخي ابو الزوز
بصراحة انا بكت طن هوة لما شفت رقمهم   بس  الحمد لله

اخوكم فايــــــــــــو

[vaio]

شكرا اخي ملك الحيرة  ان شاء الله للجميع

[ملك الحيرة]

حبيبي ابو الزوز
كيس نمبر هو رقم ملفك
اولا ترفع الاسماء الى مقر المنظمة في جنيف .. وبعد ان يتم الموافقة يعطى الملف رقم ثم تبدا المقابلات الواحدة تلو الاخرى .. الرقم لا يعني الاعتراف به كلاجيء وانما تم الموافقة على اجراء المقابلات له
تحياتي

يابه الف الف مليون مبروك والله فرحتلك من كل قلبي اخويه العزيز فايو وان شاء الله  تتيسر كل امورك خصوصا بهذا الشهر الفضيل وبجاه كلمن عده جاه ...طبعا بلمناسبه تريد تصدك لا هذا كله بفضل دعاء الوالده الك سبحان الله ماكو واحد امه دعت له يشوف كل الخير ...وخصوصا اذا امه راضيه عليه الله يوفقه بلدنيا والاخره ....تحياتي الك اخويه فايو ويسهل امرك يارب .. وادعيلنه بلكي الله سبحانه وتعالى يسهل امرنه ...بلمناسبه تذكر من كتلك قبل فترة اطمأن ماكو شي ان شاء الله..وتذكر من اخونه العزيز ملك الحيرة نزل موضوع وكال اكو 25 عائلة رافضيها !!!! ماعرف جان فقط احساس عدي انو ماكو شي والامور بخير والحمد لله.... والله يوفق الجميع...بس سؤال صغير من الاخوه الاعزاء ملك الحيرة واخويه العزيز الوسمي وكرستوفر العراقي اذا الواحد حصل منهم فايل نمبر شنو يعني اعترفو بي لاجئ؟ لو بعد ورا لازم يسوي مقابله حته يحولو عل ICMC وشكرا الكم والله يوفقكم جميعا ..

ابو الزوززز

[Zozzz]

زين عيوني وتاج راسي ملك الحيرة هسه  اخونه فايو اخذ فايل نمبر شنو الخطوة الي تليها مقابله ويه اليو ان يعني مقابلة توطين؟لو راسا يحولو عل ICMC يعني القصد بعد اله شكم مقابله يله يتحول ملفه الى لICMCوحده لو مقابلتين ؟ ولك فائق الشكر والتقدير

[ملك الحيرة]

حبيبي ابو الزوز
مقابلة مع منظمة حقوق اللاجئين تنطيه صفة لاجيء -طبعا هاي بالامارات ما تحميك من التسفير لان الامارات ما موقعة على اتفاقية حقوق اللاجئين - والمقابلة الثانية مع icmc وبعدها مقابلة المحلفين وانتظار المكموعة الامنية وموعد السفر بعون الله
واني حاضر وبالخدمة

[alwismy]

حبيبي ابو الزوز
مقابلة مع منظمة حقوق اللاجئين تنطيه صفة لاجيء -طبعا هاي بالامارات ما تحميك من التسفير لان الامارات ما موقعة على اتفاقية حقوق اللاجئين - والمقابلة الثانية مع icmc وبعدها مقابلة المحلفين وانتظار المكموعة الامنية وموعد السفر بعون الله
واني حاضر وبالخدمة

مشكور اخي الغالي ملك الحيرة على الردود الطيبة

تعقيب على انك كلاجيء عند الامم المتحدة معرض للتسفير بالامارات  وهذا الشيء لايحصل

لان اكو احد الاصدقاء اللي هما مقربين وهو حاليا موجود بامريكا تعرض لمشكلة في دبي

وبلغ مركز الشرطة بانه لاجيء لدى الامم المتحدة وطلب الاتصال بيهم

والجماعة بمكتب بوظبي تحركوا وحلوا الموضوع هذا شيء

الشيء الثاني صديق ايضا مقرب منتهية اقامته جابوا له من مكتب وزير الداخلية كتاب يحق له البقاء بالدولة لحين موعد سفره

تحياتي للجميع

[Zozzz]

حجي حلو ومرتب وعاشت اياديكم اخواني ملك الحيرة  واخوي العزيز الوسمي وبارك الله بيكم ...بس اني بعدني اريد اعرف انه كم مقابله لازم اتقابل بل يو ان مال ابو ظبي حته يحولوك عل توطين وحده لو ثنين؟يعني السؤال بلمختصر المفيد كم مقابله لازم انقابل بليو ان حته نتحول للتوطين او حته نتحول لل ICMC??.... والمقابله عباره عن شنو؟معلومات فقط؟ حته الواجد يحضر روحه الها وشكرا الكم ورحم الله والديكم

[alwismy]

حجي حلو ومرتب وعاشت اياديكم اخواني ملك الحيرة  واخوي العزيز الوسمي وبارك الله بيكم ...بس اني بعدني اريد اعرف انه كم مقابله لازم اتقابل بل يو ان مال ابو ظبي حته يحولوك عل توطين وحده لو ثنين؟يعني السؤال بلمختصر المفيد كم مقابله لازم انقابل بليو ان حته نتحول للتوطين او حته نتحول لل ICMC??.... والمقابله عباره عن شنو؟معلومات فقط؟ حته الواجد يحضر روحه الها وشكرا الكم ورحم الله والديكم

حبيبي بو الزوز

انت من بعد مقابلة المحلف والموافقة الامنية تجيك انت هنا صرت لاجيء رسمي

يعني بعد مقابلة المعلومات بالمكتب بوظبي -وبعد مقابلة الوسيط المباشر مع الولايات المتحدة الامريكية اللي هي ICMC

وبعدها المحلف الامريكي اللي يحقق وياك عن قصتك وحياتك وتواريخ دخولك وخروجك من العراق والدول المجاورة

يعني مثل ماانت كاتب قصتك ومعاناتك هو راح يسألك عنها بس بطرق ملتوية على اساس التأكد من مصداقية القصة واقتناعه بالموضوع

ووالديك الجنة بوالزوز

[vaio]

مشكور اخي ابو الزوز  وربنا يسهل امرك ويتصلون عليك باقرب فرصة وان شاء الله هالايام  وتفرح مثل ما فرحت .
اكيد حبيبي دعاء الوالدة مستجاب وربنا يحفظ امهاتنا ويطول بعمرهن . ويارب نكون من المرضي عليهم من قبل امهاتهم .


وشكرا لك مرة ثانية لانك سألت معظم الاسئلة الي ردت اطرحها على اخوتي وشكرا للاخ  كروستفر وملك الحيرة لاجوبتهم المفيدة.

تمنياتي للجميع بقضاء الحوائج والفرج القريب .



اخوكم فايـــــــو

[alwismy]

اخوي الغالي بوالزوز

بالنسبة للمقابلة مع اليو ان هي وحدة وبعدها يتحول ملفك عال icmc

وانت تامر اخوي بوالزوز

[Zozzz]

مشكور يالوسمي وجزاك الله الف خير وماقصرت والله

[jacksparrow]

للرفع
-------

اخوان سمعت انو الوفد الامريكي راح يروح لتركيا بشهر الاول يكمل الارواق مال الي كملو مقابلات وفحوصات طبية ويسفروهم بشهر الثاني
اكو احد سمع هيج خبر منكم؟

[alwismy]

مشكور يالوسمي وجزاك الله الف خير وماقصرت والله

حبيبي بوالزوز العفو منك يالغالي

وربي يوفق الجميع ان شاءالله

alwismy

[سوبرمان بغداد]

اخوان اني سويت مقابله مع ICMC بنهايه شهر 10 الماضي و كالوا الجماعه راح يتصلون بينا بعد فتره. لحد هذا اليوم محد اتصل بينا. ما اعرف شنو القضية. تتوقعون اطول اكثر لو هذا التأخير مو ايجابي

اتمنى من الناس اللي عدها معرفه بالامر يخبروني بالتعليق على الموضوع

و شكرا

اخوكم سوبرمان

[الامل 2]

اخ سوبر مان بغداد عادي هذا التاخير لان انت تنتظر الوفد الاميركي للمقابلته والوفد ماوصل للخليج بس يوصل راح تقابل واحنا بعد قابلنه مقابلة icmc من بدايه الشهر 10 ولهسه ماكو شي اتصلت بيهم قالو الوفد الاميركي انشالله يوصل خلال الربع الاول من السنه الجديده يعني خلال الاشهر 123

[Zozzz]

أخويه العزيز سوبرمان بغداد ان شاء الله ماكو شي ومثل مكالت اختنه العزيزه امل 2 ما الك غير الصبر ولا تخاف حته لو سامح الله ماقبلوك راح يحولوك لو عله كندا لو عله استراليا المهم ملفك انرفع للتوطين وخلصت !!! وهاي المقابله الي سويتها ويه ال ICMC الي هي تعتبرمقابله الوسيط المباشر للامريكان .....سؤال اذا ماكو زحمه عليك كم مقابله سويت بليو ان مال ابو ظبي حته انرفع ملفك للتوطين يعني كم مقابله بليو ان يله قابلت ال ICMC?هل هيه اثنان لو فقط مقابلة وحده الي هيا مقابلة المعلومات وشكرا الك ....

اخويه jacksparrow بلكي منا الشهرين يجون الوفد الامريكي مثل مكالت اختنا امل 2 والله يفرجها عل جميع ويسهلها عل كل ..

[vaio]

السلام عليكم اخوان
ابو الزوز اخي ما تكلي شنو القصة  اشو كل ما يكون ردك الاخير المجمعية تنام عليها الطابوكة ؟هههههههههههه شوف هاي كم يوم بعد ردك ماكو واحد دخل وحجالة حجاية  يكسر بيها هذا الصمت .

يارب نسمع اخبارك واخبار الاخوان الطيبة  يمعود ما خابرتهم ما حجيت وياهم ماحصلت شي  خبر مفرح ؟؟


تمنياتنا لك وللاخوة ولنا بالموفقية .


فايــــــــو

[ملك الحيرة]

انشاءالله سنة خير عليكم وتسافرون بداية العام القادم باذنه تعالى ... توقعاتي والله اعلم سفر الاخوان الي مخلصين مقابلات ومنتظرين الموافقات الامنية راح يكون شهر 2 او 3 بالكثير . ومن الله التوفيق

[شجرة الدر]

السلام عليكم جميعا احبائي واخواني واخواتي الغالين

وكل عام وجميعكم بخير وعافيه وان شالله ولا واحد يبقى بالامارات وكلها تسافر وتجي لامريكا وتفرحونه بالاخبار الحلوووووووه

وانا جدا اعتذر لعدم التواصل وذلك بسبب ابني الي عصب عالابتوب وضربه وكسر الهارد وصار شهر ونص احنه مشلوع كلبنه اندور هارد يرهم عليه لانه الهارد مالته ابو الاي دي يعني صعب تلكاه هنا واني معتزه بيه لان الكيبورد عربي ومشتريته من الامارات والله جديد بس شسويله للافندي مراهقين تالي وكت المهم الف الف مبروووووك لاخي الغالي فايووووووو عالاخبار الحلوه والله يتممها بخير ان شالله

واخبار اخونه ابوووووووووو الزوووووووز ان شالله بخير يارب بشرنه عاد وكولولي عن اخبار اخونه ايادكووووووو ان شالله بخير وام دودو واخونه ملك الحيره شخبارك ويه الولايه الجديده ان شالله بخير

وتحياتي لكم جميعا ولاخي الكريم كرستوفر وانكله الحمدلله على سلامة الوصول ولاي سؤال اني حاضره وان شالله مانتفارك ابدا اختكم شجرة الدر

[ملك الحيرة]

منورة ام احمد

[شجرة الدر]

اشكرك اخويه الغالي يحفظكم الله

[ملك الحيرة]

صباح الخير اخوية ابو الزوز والاخوان جميعا
يمكن صح كلام اخونا فايو ... بس اعتقد لأنه انته الوحيد جاي تسالنا .. اقصد احنا الي وصلنا امريكا .. ومن نجاوبك اخواننا الباقين بس يقرون وما يطرحون الاسئلة ..
عليه انه اوجه دعوة للأخوان لا يبخلون بالاسئلة ... واحنا ما راح نقصر بالاجوبة انشاءالله ..
تحياتي

السلام عليكم
اليوم حبدي بلمكلوبي ارد بلعكس لانه ام احمد هنا (شجورتنه رجعت) يرادلج هلهوووله وصفكه وهلاهل وجكليت ماكنتوش وكلاكسي هههههههه هاي وين لين يمعوده اني كلت هاي شطبت علينه بقلم الماجك وبعد هاي هيه ههههه يله سامحينه لانه تعرفيني اني لازم اثرم وثرمي شويه ناعم هههههه عله كل حال منوره والله فرحتينه يمعوده اقلها السلام عليكم  من اي حاسبه حته لو بلانكلوزو مو اله بلعربي انتي والله لوما عزيزه علينه مجان اصلا عتبنا عليج بس نفسج ويانه هم تساعد الواحد من الملل الانتظار وانتي تعرفين بعد الوظع يمنه شلونه صاير والحمد لله على كل حال .... ومنوره عيوني والجمعيه هيا اصلا جمعيتج وانتي الاصل ....

اخونه العزيز الورده ملك الحيرة الي مخجلنه بردوده  ...الله يسمع منك يارب ويفرجها عنا فرجا عاجلا كلمح البصر او هو اقرب...

اما اخويه العزيز الورده فايو احب اعلق واني ماعرف ليش يعجبني اتحارش بيك  ;Dواداهرك من منطلق(من حبك لاشاك)وليس لسبب اخر الله الي يشهد...احب اكلك مع الاسف اكو البعض مو الكل(( البعض كلت )) ولحد يسالني منو  لانه اني اصلا مااعرفه بس هو مجرد احساس عدي واتمنه اتمنه ان يكون احساسي خاطئ!!! .....البعض يجي يفوت لهنا يقره الي يصرفله ومع الاسف مع الاسف وراها يطلع !!!ولا يشارك ولا اله علاقه اصلا بينه ..... ومع العلم والله اعلم عنده المعلومه الي يكدر يساعد بيها الاخوان الي هنا سواء اني الي كنت الي يسال اوكان شخص ثاني غيري  ..مع العلم دتشوفني مامقصر... وخصوصا الاخوان ملك الحيرة والوسمي همات خلف الله عليهم ممقصرين بلاجوبه  .فهذا شيدل انته برايك؟ يعني اذا عاجبك تتعمق بهذا الموضوع الي نوهت عليه بانه اني من اعلق وره تعليقي الجمعيه تنام عليها طابوكه((( حجيك مضبوط وصحيح واني ملاحظ هذا الشي مو عبالك  مطنش واصلا متقصد مارفع الموضوع حته اشوف تاليها شنو!!))) بس شسوي مرات الواحد يحب يشوف ويه منو ديتعامل !!! حته يكدر بلتالي يعرف مستوى وين !!!! ويه منو اصلا ديتعامل... وحته نوعيه الاساله لو تلاحظ اني داسال الاسئلة الي انته المفروض تسالها !!!! مو صحيح؟ لانه انته لازم تعرف شنو الخطوه الجايه شنو؟ بس مع ذلك وحرصا مني اني داحاول ان اسال لانه بلتالي اني همات وغيري وغيري راح يستفاد وهذا الي يسموو الشعوووووور بلمسؤلية !!!!! من منطلق اذا جارك بخير انته بخير ...واتمنه انه محد ياخذ كلامي بصفه شخصيه ضده لا والله بس مجرد حبيت ان اوضحلك الصورة ليش كلما اسال هشكل تنام  الطابوكه  عل جمعيه وشكر خاص لاخويه ملك الحيرة والوسمي الله يوفقكم ربي ويسدد خطاكم.... وكل واحد يعمل باصله ........

[vaio]

السلام عليكم

تحية وسلام  لكل الاخوة والاخوات الكرام   وكل عام وانتم بالف خير  وربنا يحقق امانيكم  ويسر قلوبكم  ويجنبكم  كل محذور ويجعلها سنة خير ورحمة وسنة تحقيق الاماني .

تحية لاختنا العزيزة شجرة الدر ام احمد  وربنا يبارك بيكم .
وتحية لاخوتي ابو الزوز وملك الحيرة وكروستفر وجميع اخوتي الطيبين   . كل عام وانتم بالف خير .

اخي وعزيزي ابو الزوز  ليس لدي ولا اعتقد لدى اي  احد من الاخوة والاخوات   اي شك او ريب  بخصوص تفانيك وحرصك في المنتدى وانت صاحب المبادرة دائما  في السؤال وهذا  ان دل فيدل على  اسبقيتك بحب الخير والفائدة للاخرين وبذلك تكون قد  جلبت الفائدة لنفسك وللاخرين من اخوتك واخواتك وهذا مدعاة للشكر والامتنان  لك ولشخصك الكريم .
وانت تعرف  في كثير من الاحيان  يكون هنا  سؤال في ذهن مجموعة من الاخوة ينتظرون جوابه وبمجرد ان يطرح هذا السؤال من احدهم  يبادر الاخوة الاعزاء بالجواب الشافي والكافي  . اي لا حاجة لطرح السؤال من كل الاخوة المستفهمين  ويكفي ان يطرح السؤال  شخص واحد فقط  وايضا لا حاجة لكل من يعرف الجواب ان يعيد الجواب نفسه   علينا  الا اذا كان  هناك شيء جديد  ومعلومة جديدة في الجواب . وهذا هو الطريق الحكيم في السؤال وفي الجواب . فالسائل الاول  يغني اخوته عن السؤال مرة ثانية والمجيب الاول يغني اخوتة عن الجواب مرة ثانية ايضا . الا اذا كانت هناك حيثية جديدة في السؤال او في الجواب.. . وان التكرار في السؤال نفسة او الجواب نفسه يعد من العبث في رأيي الخاص . مع المسامحة للاخوة والاخوات  لطرح السؤال مرة ثانية او الجاوب مرة ثانية  في كثير من الحالات  وانت تتذكر  كان احد الاخوة يسأل نفس السؤال بعدة صيغ وانت  في وقتها مللت من اجابته  وقلت له  اقرأء الصفحات السابقة .
ومن الطبيعي ان  يدخل الباقين ويستفادوا من الاجابة  من غير ان يشاركوا  ولا اعتقد انت او  اي اخ من الاخوة ينتظر  منهم مقابل . حتى لو كان المقابل  كلمة شكرا فقط .  اذ ان المنتدى هو منتدى عام  وللفائدة العامة ونحن في ما بيننا نتبادل الشكر والامنتنان لاننا على معرفة ببعضنا ولو  بشكل جزئي. وان كل عمل  يفيد الاخرين يطرح على هذا المنتدى هو لوجه الله عز وجل  وثوابه في ميزان حسنات ذلك الشخص الذي  استقطع من وقته ووقت عيالة متفظلا علينا  ليفيدنا في  جواب  معين او معلومة معينة فجزاه الله عنا  كل الخير .
وايضا لا ننسا ان هناك اناس ليس لديهم فكرة ولا معرفة بمداخل الهجرة واللاجئين يدخلون للفائدة  ولا حرج عليهم في شيء.

وانا اعتقد ان من الصدفة البحتة  ان مشاركتك يكون بعدها سكون لعدة ايام . او قد تكون انت صاحب الكلمة الاخيرة والوافية  التي لا تحتاج بعدها الى كلام اخر .

عذرا على الاطالة


 اخوكم فايـــــــــــــــو

[dodo3]

السلام عليكم جميعا وكل عام وانتم بالف خير وانشالله سنه سعيده على الجميع  وانشالله نسافر كلنا بهاي السنه يارب
تحياتي للاخت شجره الدره ولاخ ابو الزوززززززززززز ولجميع اللاخوه
اعذروني عن الانقطاع والسبب كان عندي مشاكل صحيه والحمدلله الان كلشي بخير
اما اخباري لاجددددديد بس رحمه الله لاتلفون ولا شي كلما اخابر على المدام مي اتكول انتضروا السره والله كريم
ومبروك لجميع الاخوه الي سافروا وانشالله حياه سعيده والله يوفقهم جميعا
وسنه خير على الكل

[ملك الحيرة]

الله يسهل امور الجميع انشاءالله

السلام عليكم جميعا وكل عام وانتم بالف خير وانشالله سنه سعيده على الجميع  وانشالله نسافر كلنا بهاي السنه يارب
تحياتي للاخت شجره الدره ولاخ ابو الزوززززززززززز ولجميع اللاخوه
اعذروني عن الانقطاع والسبب كان عندي مشاكل صحيه والحمدلله الان كلشي بخير
اما اخباري لاجددددديد بس رحمه الله لاتلفون ولا شي كلما اخابر على المدام مي اتكول انتضروا السره والله كريم
ومبروك لجميع الاخوه الي سافروا وانشالله حياه سعيده والله يوفقهم جميعا
وسنه خير على الكل

[ملك الحيرة]

مانزعل عليك گلوبنة اكبار وعنهم نختلف حتى بهوانة
وماعدنة طمع لاغاية وياك عاتبناك من باب الميانة
ولأن بينة طبع مانحچي وجهين تلگة وجوهنة تشبه گفانة!

السلام عليكم

تحية وسلام  لكل الاخوة والاخوات الكرام   وكل عام وانتم بالف خير  وربنا يحقق امانيكم  ويسر قلوبكم  ويجنبكم  كل محذور ويجعلها سنة خير ورحمة وسنة تحقيق الاماني .

تحية لاختنا العزيزة شجرة الدر ام احمد  وربنا يبارك بيكم .
وتحية لاخوتي ابو الزوز وملك الحيرة وكروستفر وجميع اخوتي الطيبين   . كل عام وانتم بالف خير .

اخي وعزيزي ابو الزوز  ليس لدي ولا اعتقد لدى اي  احد من الاخوة والاخوات   اي شك او ريب  بخصوص تفانيك وحرصك في المنتدى وانت صاحب المبادرة دائما  في السؤال وهذا  ان دل فيدل على  اسبقيتك بحب الخير والفائدة للاخرين وبذلك تكون قد  جلبت الفائدة لنفسك وللاخرين من اخوتك واخواتك وهذا مدعاة للشكر والامتنان  لك ولشخصك الكريم .
وانت تعرف  في كثير من الاحيان  يكون هنا  سؤال في ذهن مجموعة من الاخوة ينتظرون جوابه وبمجرد ان يطرح هذا السؤال من احدهم  يبادر الاخوة الاعزاء بالجواب الشافي والكافي  . اي لا حاجة لطرح السؤال من كل الاخوة المستفهمين  ويكفي ان يطرح السؤال  شخص واحد فقط  وايضا لا حاجة لكل من يعرف الجواب ان يعيد الجواب نفسه   علينا  الا اذا كان  هناك شيء جديد  ومعلومة جديدة في الجواب . وهذا هو الطريق الحكيم في السؤال وفي الجواب . فالسائل الاول  يغني اخوته عن السؤال مرة ثانية والمجيب الاول يغني اخوتة عن الجواب مرة ثانية ايضا . الا اذا كانت هناك حيثية جديدة في السؤال او في الجواب.. . وان التكرار في السؤال نفسة او الجواب نفسه يعد من العبث في رأيي الخاص . مع المسامحة للاخوة والاخوات  لطرح السؤال مرة ثانية او الجاوب مرة ثانية  في كثير من الحالات  وانت تتذكر  كان احد الاخوة يسأل نفس السؤال بعدة صيغ وانت  في وقتها مللت من اجابته  وقلت له  اقرأء الصفحات السابقة .
ومن الطبيعي ان  يدخل الباقين ويستفادوا من الاجابة  من غير ان يشاركوا  ولا اعتقد انت او  اي اخ من الاخوة ينتظر  منهم مقابل . حتى لو كان المقابل  كلمة شكرا فقط .  اذ ان المنتدى هو منتدى عام  وللفائدة العامة ونحن في ما بيننا نتبادل الشكر والامنتنان لاننا على معرفة ببعضنا ولو  بشكل جزئي. وان كل عمل  يفيد الاخرين يطرح على هذا المنتدى هو لوجه الله عز وجل  وثوابه في ميزان حسنات ذلك الشخص الذي  استقطع من وقته ووقت عيالة متفظلا علينا  ليفيدنا في  جواب  معين او معلومة معينة فجزاه الله عنا  كل الخير .
وايضا لا ننسا ان هناك اناس ليس لديهم فكرة ولا معرفة بمداخل الهجرة واللاجئين يدخلون للفائدة  ولا حرج عليهم في شيء.

وانا اعتقد ان من الصدفة البحتة  ان مشاركتك يكون بعدها سكون لعدة ايام . او قد تكون انت صاحب الكلمة الاخيرة والوافية  التي لا تحتاج بعدها الى كلام اخر .

عذا على الاطالة


 اخوكم فايـــــــــــــــو

[samnajy]

السلام عليكم اخوان

ابشركم بانه سيتم فتح استلام فورمات التقديم في اليون ان في ابو ظبي ابتداءا من بداية العام 2011.

اللي حصل انه احد اصدقائي راح لليو ان الاسبوع الماضي وخبروه بانهم الان لا يستلمون اي تقديم جديد ولكنهم سيعاودون استلامهم للمعاملات كل يوم اثنين واربعاء ابتداء من بداية 2011.

للعلم وللفائدة للجميع.

[Zozzz]

مشكور عيونيSamnajy عله هل معلومة وجزاك الله خير

[سوبرمان بغداد]

اخوان السلام عليكم
و انشا الله هذا العام يكون عام خير و بركه على الكل
اني سويت مقابلتين وحده مع اليو ان و الثانيه مع ال icmc و هسه كاعد انتظر الوفد الامريكي و الله كريم

اشكركج امل 2 على الرد و اني سويت المقابله مع ال icmc بشهر 10 ايضا و الله كريم

سلامي للجميع

[سوبرمان بغداد]

السلام عليكم

اتمنى من الناس اللي راحو لامريكا ان يخبروني شلون الوضع اكو شغل لولا لان الناس هنا و بالاردن حجولي ان الوضع تعبان و انه ماكو شغل و الشهادات مالتنا ما معترف بيها
بس بنفس الوقت الناس اللي راحت هناك قليل اللي رجع يعني غير همه بوضع زين

يمعود سمعنا اكو ناس ماتت من الجوع كامت تشتغل بمطاعم و غيرها من الشغلات التعبانه و المناطق اللي يأجرون بيها تعبانه

اتمنى تفتهمون اللي اقصده و توضحون هذه الصورة لان بصراحه دوخوني

[vaio]

اخونا سوبر مان
رسول الله صلى الله عليه واله وسلم  يقول اذا عزمت  فتوكل على الله.  ويقول ايضا اعقل فتوكل .
 يعني بالعزم والتعقل يتحقق التوفيق . وبمعنى اخر باللارادة والتحسب الدقيق   تتوفق بأذن الله . لا تهتم لكلام الاخرين  واجعل ثقتك بالله . واذا كنت تستعيب من  شغل المطاعم  فلم يستعب الانبياء من مهنة الرعي  وان كل الانبياء تقريبا عملو في رعي الاغنام من نبي الله ابراهيم الى موسى الى عيسى الى رسولنا الكريم  صلى الله عليهم اجمعين .
فاعلم انك ماضي الى  حياة جديدة  ملهئا العمل والاجتهاد  لكن  نهايتها النجاح والتوفيق .
فأن اردت النجاح والتوفيق  فعليك بالعمل والاجتهاد وبالصبر عليهما . ربنا يعجل لك الفرج ويجعلك من الموفقين باذن الله .  ويثبت قلبك وينير دربك .


اخوك فايــــو

[سوبرمان بغداد]

شكرا جزيلا اخونا فايو و الله يبارك فيك

[ام الغوالي]

السلام عليكم
اشكر كل من متفاعل مع الموضوع والله ييسر امركم يارب وتنجمعون بالخير والبركة
طبعا ماشاء الله لمن اشوف التواريخ اللي مقدمين بيها اقول حيل اني شكد قديمة لعد هههه
لان اصلا اني قدمت توني بنهاية شهر 11/2010 في ابو ظبي ومجرد اني اخذت اسمارة ومليتها ورحت وديتها اني وزوجي الاسبوع اللي ورا لان بلغونة راح ينسد التقديم شهر 12 كامل فقدمناها وننتظر الفرج طبعا مراح اسال شوكت يخابروني ههههه لان شكل سالفتي مطولة هواية بس الله ييسر الي والكم وحبيت اشارككم الموضوع

[vaio]

اهلا وسهلا اختنا  ام الغوالي في جمعيتنا وان شاء الله تستفادين وتفيدين من خلال مشاركاتك  وربنا يسرع ويسهل امورك .

وماكو مشكلة حتى لو قدمتي قبل ساعتين فكل ما هو  آت فهو قريب ان شاء الله.



فايـــــــــــــــو
 

[الامل 2]

اخواني وخواتي اشلونكم وشخباركم ان شاء الله بخير احنا بالكويت منتظرين الوفد الامريكي ولهسه ماكو اي خبر جديد وحسبت ماقريت في المنتدى الوفدالاميركي انشالله بنهاية الشهر بتركيا وبدوا  ينطون مواعيد مقابلات وبعمان انشالله راح يجون بشهر 2 او 3 يعني الحمد لله هذه الاخبار تبشر بخير لان الواحد يخاف من طول فتره الانتظار يتغير شي بقوانينهم ونظامهم الي يمشون عليه ويارب يجيلنه الدور ويوصل الوفد ونقابل ويوافقون علينه على الاقل يصير عدنه امل بالسفر

[شجرة الدر]

السلام عليكم جميعا اخواني الغالين

وبعد السلام احب اكولكم اللي الله يسهله ويجي انه ما يفكر بشغلة الشغل لان الرزق على الله اكو ناس جتي ورأسا اشتغلت واكو ناس صارلها اشهر طويله بدون عمل كبدايه الواحد يقبل بعمل بسيط والله يسهله اموره وتصير عنده خبره ويغير عمله والعافيه درجات ولا تحطون ببالكم الشهادات لان ممكن الانسان يبدي من الصفر والله المعين واحب ابلغكم اللي صار معانا احنه حطونه على الولفير وهذا الشهر الثاني وحولونه على منظمه انسانيه لكي تساعدنا بايجاد عمل بس بعد عمل اختبار لنا لتحديد مستوى اللغه والحمدلله اختبرونه وكالولنه انتوا ما تحتاجون لغه ولازم نبحثلكم عن عمل ودننتظر والله كريم بس لازم انداوم بالمنظمة الانسانيه عدد الساعات المحدده من الولفير والله يسهل للجميع ويسهللكم يارب وانا حاضره للطيبين
مع تحياتي اختكم شجرة الدر

[د اسيل]

السلام عليكم .........
ارجو الاستفسار هل من الممكن التقديم للجوء علما اني مقيمة في سلطنة عمان اقامة عمل مع الاحتفاظ باقامتي ووظيفتي الي حين استكمال اجراءات اللجوء وهل ممكن التقديم من مسقط او يجب الذهاب الى ابو ظبي لغرض التقديم ارجو الاجابة

[سوبرمان بغداد]

شكرا اخت امل 2

و انشا الله الامور مشي بخير اني سويت مقابلة الicmc و منتظر الوفد الامريكي

[vaio]

الاخت  د اسيل

اعتقد الخبر اليقين عند المفوضية وانا انصحك تتصلين عليهم يوم الاحد وتسأليهم بنفسك
وهاج التلفون وان شاء الله تسمعين اخبار  تسرك .
0097126677668

تمنياتنا لك بالتوفيق

اختنا شجرة الدر  شكرا لك على هاي المعلومات  بس لو تحجينا شوية عن  هذا  الولفير من يا عمام لان معلوماتنا عنه قليلة 
تمنياتنا لك بالتوفيق



فايــــــــــــــــو

[سوبرمان بغداد]

اخوان اني اتصلت باليو ان و طلعتلي بنية بالعشرين ما انطيتني اي معلومات و حتى ما قبلت تحولين على احد كالت انتظر

و الله كريم و ننتظر

[vaio]

ماكو شي احلى  واجمل من الانتظار خاصة اذا كنت متوازي

[saad2749]

اخوان اني خابرتني وحدة وكالتلي انه المعايير مامنطبقة عليك بس يبقى الملف تحت الدراسة علما اني مقدم من 11/2008

واني مسيحي وتعرفون هسة الوضع
 اللي يكدر يفيدني يدز جواب وشكرا

[ملك الحيرة]

اخوي فايو العزيز
بعد اذن اختنا شجرة الدر .. اني راح اجاوبك

الولفير هي دائرة حكومية تقوم بتحديد حجم ومقدار المساعدات التي تمنح لك .. سواء كنت لاجيء او مقيم او مواطن .. والمساعدات تشمل ( الكاش , الفود ستامب , الضمان الصحي ) وحتى لو اشتغلت تقدر تقدم على دائرة الولفر اذا حسيت ان راتبك ما يكفيك .
مع التقدير

الاخت  د اسيل

اعتقد الخبر اليقين عند المفوضية وانا انصحك تتصلين عليهم يوم الاحد وتسأليهم بنفسك
وهاج التلفون وان شاء الله تسمعين اخبار  تسرك .
0097126677668

تمنياتنا لك بالتوفيق

اختنا شجرة الدر  شكرا لك على هاي المعلومات  بس لو تحجينا شوية عن  هذا  الولفير من يا عمام لان معلوماتنا عنه قليلة 
تمنياتنا لك بالتوفيق



فايــــــــــــــــو

[vaio]

مشكور اخي ملك الحيرة  وربنا يجزيك كل الخير 

وصف دقيق ومختصر مفيد

زين وهل اكو جدول او ضوابط معينة يعتمدون عليها في تحديد نوع المساعدات وحجمها الواحد يكدر يعرفها ؟.

يعني عائلة اب وام وثلاث اولاد  هل هناك سقف محدد للحد الادنا من الراتب حتى لا تنقطع المساعدات ؟

ومشكور اخي العزيز وما قصرت

فايـــــــو

[Optimiste]

السلام عليكم جميعا......
ما شاء الله المنتدى فيه الكثير من الخير و المحبة و التعاون ..... تسلمون على هذا المجهود... إن شاء الله تكون مساهمتي في خدمة الجميع أيضا...
إخواني إذا سمحتولي أني دا أريد أقدم على اليو أن بس دا أريد أعرف إذا واحد أعزب يقبلوه لو لا و هل تعتمد على العمر لو هيه حسب الحاله الأنسانيه تستحق لو لا.
و كم في تقديركم العمليه تستغرق و بالمناسبه أني عندي أخويه يشتغل ويا شركه أمريكيه كبيره جدا مال نفط و لحد الأن مستمر هل في تقديركم هذا يقوي الملف مالي لو هذا النوع من الشركات والأعمال ما تعتبر دارجه تحت البنود المطلوبه.
مع الشكر الجزيل و أنتظر ردكم بفارغ الصبر لأنه تعبت من كوني عراقي بصراحه كلشي لا..... و مع ذلك متفائل إن شاء الله.
أخوكم  Optimist 

[ملك الحيرة]

اخواني

بهذا الموقع ممكن تعرف كامل حقوقك بعد ان تدخل كامل بياناتك وهو للتشييك فقط حتى من تروح لدائرة الولفير تعرف شنو حقوقك الي تقدر تطالب بيها
ادخل البيانات و ومقدار المصروفات و والدخل الشهري لكل فرد بالعائلة و الاعمار و والتحصيل الدراسي وبالنتيجة راح تطلع نجوم بالاخير على الجهة اليمين تعطيك مقدار مستحقاتك ... انا اعرف وحدة فلسطينية عدها الجنسية الامريكية بيتها قيمته 400 الف دولار وتشتغل معلمة في مدرسة وتستلم مساعدات ..
يعني موضوع المساعدات تدخل بيه كثير من الضوابط تقدرون تتعرفون عليها من خلال الموقع

تحياتي

https://secure.thebenefitbank.com/ums?task=quick_check

مشكور اخي ملك الحيرة  وربنا يجزيك كل الخير 

وصف دقيق ومختصر مفيد

زين وهل اكو جدول او ضوابط معينة يعتمدون عليها في تحديد نوع المساعدات وحجمها الواحد يكدر يعرفها ؟.

يعني عائلة اب وام وثلاث اولاد  هل هناك سقف محدد للحد الادنا من الراتب حتى لا تنقطع المساعدات ؟

ومشكور اخي العزيز وما قصرت

فايـــــــو

[Optimiste]

إخوان أشو لا حس و لا خبر.... إذا ما بيها زحمة عليكم إذا واحد عنده جواب يا ريت يخبرني و أكون ممنونله.....
أني إتصلت على اليو أن اليوم و طلعلي موظف هندي قالي تعال غدا {الأثنين} من الساعة 8am - 3pm فإن شاء الله أني ذاهب غدا فلذلك أني محتاج أعرف هذي المعلومات...


مع الشكر الجزيل
Optimist

[ملك الحيرة]

اخوي العزيز
حاضرين بس شنو سؤؤالك حتى نقدر نجاوبك

إخوان أشو لا حس و لا خبر.... إذا ما بيها زحمة عليكم إذا واحد عنده جواب يا ريت يخبرني و أكون ممنونله.....
أني إتصلت على اليو أن اليوم و طلعلي موظف هندي قالي تعال غدا {الأثنين} من الساعة 8am - 3pm فإن شاء الله أني ذاهب غدا فلذلك أني محتاج أعرف هذي المعلومات...


مع الشكر الجزيل
Optimist

[Optimiste]

أخوي ملك الحيرة تسلم.... أني كتبت الأسئلة مالتي ممكن تشيك عليها.... قبل مشاركتين أو ثلاثة.
شاكرلك إهتمامك أخوي...

تسلمون

[ملك الحيرة]

اخوي العزيز

بالنسبة للأعزب والمتزوج يعاملون على حد سواء .. ولكن يمكن ان تقدم الحالات المرضية والحمل وغيرها .. ولكن يبقى موضوع التشييك الامني هو الحد الفاصل في كل ذلك.
اما بالنسبة لعمل اخوك مع احدى الشركات الامريكية نعم ممكن ان يساعد ذلك نسبيا ..اما الوقت فلا احد يمكن ان يجيبك على هذا السؤال لأني انا المتكلم معك قدمت وبعد اربع سنوات سافرت .. وغيري قدم وبظرف 4 اشهر سافروا ... لا تستطيع ولا يستطيع احد في هذا المنتدى او غيره ان يعطيك سقف زمني ولو تقريبي للموضوع.. ولكن توكل على الله .. ومشوار الالف ميل يبدا بخطوة

السلام عليكم جميعا......
ما شاء الله المنتدى فيه الكثير من الخير و المحبة و التعاون ..... تسلمون على هذا المجهود... إن شاء الله تكون مساهمتي في خدمة الجميع أيضا...
إخواني إذا سمحتولي أني دا أريد أقدم على اليو أن بس دا أريد أعرف إذا واحد أعزب يقبلوه لو لا و هل تعتمد على العمر لو هيه حسب الحاله الأنسانيه تستحق لو لا.
و كم في تقديركم العمليه تستغرق و بالمناسبه أني عندي أخويه يشتغل ويا شركه أمريكيه كبيره جدا مال نفط و لحد الأن مستمر هل في تقديركم هذا يقوي الملف مالي لو هذا النوع من الشركات والأعمال ما تعتبر دارجه تحت البنود المطلوبه.
مع الشكر الجزيل و أنتظر ردكم بفارغ الصبر لأنه تعبت من كوني عراقي بصراحه كلشي لا..... و مع ذلك متفائل إن شاء الله.
أخوكم  Optimist 

[شجرة الدر]

السلام عليكم اخواني الاعزاء
بعد التحيه اسفه عالتأخير بس والله مشغوله وهسه تجون ان شالله وتشوفون التعب والمواعيد المهم مااريد اشغلكم ويايه واحب اوضح عن الولفير ولو اخي الكريم ملك الحيره ما قصر

الولفير اخواني الاعزاء هو المساعدات الحكوميه اللي تستحقها العائله اكو عوائل وصلت معنا حطوها عالماجك كراند وهذه العوائل اللي يكون عددهم صغير واولادهم اعمارهم صغيره اما مساعدات الولفير فهي للعوائل اللي عدها اولاد في المدارس وعددهم شويه جبير الفرق انه الماجك كراند عالمنظمه يعني يستلم شيكات من المنظمه وهم ينطوا بطاقه فودستامب وعنده تامين واذا عنده اطفال دون الست سنوات الهم ويبك يعني كوبونات حليب وفواكه ومواد غذائيه واجبان والولفير عالحكومه وتتضمن الفودستامب والكاش والتامين الصحي وتبقى ثلاثة شهور ويبحثولك عن عمل خلال هذه الفتره واذا ما حصلولك يتجدد الى ان تشتغل وراها يجيكون على مدخولك ويقدرون هل يخفضوا او يكطعوا حسب مدخولك ووضعك المادي ويبقى تحديد العائله على اي برنامج هو من المنظمه هي اللي تحدد هذه العائله عالماجك او عالولفير اما عالايجار فتدفعه المنظمه من الولكم اماثلاثة شهور او اربعة شهور حسب العائله وارجو ان اكون وفقت بايصال الفكره

اختكم شجرة الدر

[samnajy]

اختنا شجرة الدر

هل هذا معناه ان مصاريف الطعام والمدراس تبقى مستمرة طوال فترة بقائي بامريكا ....اما اجار السكن فينقطع بعد 3 شهور... يعني انا المطلوب مني فقط ان اسدد اجار السكن (على اقل تقدر) اما باقي المصاريف فيمكن لبعض المنظمات ان تتحملها.

مداخلتي هي لغرض حساب المصاريف التي يمكن ان تترتب علي في حال ما اذا لم احصل على عمل (حتى الواحد يحسب حسابه من البداية وقبل سفره الى امريكا)

شكرا

[سوبرمان بغداد]

تسلمين شجرة الدر و ملك حيرة على المعلومات

سؤالي هو ان التأمين الصحي و مصاريف الاولاد كدراسة و الطعام راح تكون على المنظمة بينما يكون عليه فقط توفير ايجار السكن

[ملك الحيرة]

اخوي كلها على الولفير .. وحتى الايجار يكون من مبلغ الكاش الي تستلمه .. اما اذا كان الكاش ما يكفيك للايجار تقدر تعيد مقابلة الولفير وتعترض على المبلغ الي جاي ينطوكيا .. انا بالنسبة الي الكاش يسد وبيه تقريبا 50 دولار زيادة شهريا والحمد لله

تسلمين شجرة الدر و ملك حيرة على المعلومات

سؤالي هو ان التأمين الصحي و مصاريف الاولاد كدراسة و الطعام راح تكون على المنظمة بينما يكون عليه فقط توفير ايجار السكن

[د اسيل]

رجاءا اخوان هل التقديم مفتوح حاليا سمعت خبر قبل فترة انه توقف استلام الطلبات من مكتب ابو ظبي  بشهر 12/2010 اكو احد مراجع او متصل بمكتب ابو ظبي خلال هاي السنة الجديدة ويعرف شنو القصة

[Optimiste]

نعم أخي مفتوح الأن تستطيع التقديم أني ذهبت و أخذت application form فتستطع التقديم مفتوح الأن...

مع الشكر

[سوبرمان بغداد]

شكرا ملك الحيرة على الاجابة

لكن الولفير يعطون ايجار لمدة 4 اشهر فقط. و بعدين شلون؟؟

[ملك الحيرة]

اخوي العزيز
الولفير ما ينطيك ايجار ... الولفير ينطيك كاش وانته تدفع من عنده الايجار
اما الايجار المدفوع فهو مو شرط يكون 4 اشهر ... انا لكيت المنظمة دافعة شهر واحد .. ومو من جيبهم ..لا... من مبلغ الولكم مالتي .. يعني راح يستقطعون مبلغ الايجار من الولكم .. هذا حسب الي شفته... اما في غير ولايات ... الله اعلم

شكرا ملك الحيرة على الاجابة

لكن الولفير يعطون ايجار لمدة 4 اشهر فقط. و بعدين شلون؟؟

[سوبرمان بغداد]

شكرا على الشرح و اسفين اذا ده نثقل عليك
ممكن تفهمنا بالتفصيل عن الولكم و الولفير و شنو الفرق بينهم

و شكرا جزيلا

[ملك الحيرة]

اخوي العزيز
انا حاضر وممنون

مبلغ الولكم هو هدية من الحكومة الامريكية يقدم لكل لاجيء وهو 900 دولار للفرد ولكن المنظمات تستغله بدفع ايجار السكن او شراء مواد قبل وصول اللاجيء. 
اما الولفير فهي دائرة مساعدات تقرر المبالغ التي تستحقها من المساعدات  وكذلك الضمان الصحي ومبلغ الفود ستامب ..
وهناك منضمة WIC تقوم باعطاء كوبونات شراء مواد غذائية اذا كان هنالك اطفال دون الخمس سنين

واي سؤال اني حاضر

شكرا على الشرح و اسفين اذا ده نثقل عليك
ممكن تفهمنا بالتفصيل عن الولكم و الولفير و شنو الفرق بينهم

و شكرا جزيلا

[د اسيل]

شكرا  جزيلا الاخ فايو على اجابتك و على رقم الهاتف وانشاء الله يوم الاحد اتصل بيهم  والله كريم
                                           
 د اسيل 

[د اسيل]

شكرا جزيلا الاخ optimiste

بس عندي استفسار كيف ممكن احصل على  application form واقدمها اذا كنت مقيمة خارج الامارات , هل ممكن احصل عليها من موقع معين على النت و ارسلها عبر الايميل او الفاكس  وهل محددين ايام معينه خلال الاسبوع مخصصه لاستلام الطلبات ارجو التوضيح واسفة على الازعاج .


                            د اسيل

[Optimiste]

السلام عليكم
د أسيل أتوقع إنه لازم تذهبين إلي مركز المفوضية نفسها على حسب ما قالو على شان تستلمين الapplication form ... بس هما قالو للي ساكنين في قطر و البحرين وعمان يروحون إلى السعوديه بيا مدينه ما أعرف بالظبط  ...
هما محددين الأثنين والأربعاء يكونون فاتحين يعطوكم دوره قيل ما يعطوكم الapplication form .... أما إستلام الطلبات فهو عن طريق البريد إلي هما يعطونكم إياه في ورقه مع ال application form.

مع الشكر الجزيل
Optimiste

[jacksparrow]

شباب سمعت اليوم انو بعض الاخوان من الي قابلو المحلفين بشهر رمضان سافرو

اخت اسيل حسب علمي المفوضية هنا تشترط وجود اقامة دائمية في الامارات لمدة لا تقل عن ست اشهر حتة تستطيعين تقدمين

[vaio]

الشكر الجزيل لاختنا  شجرة الدر واخونا ملك الحيرة على المعلومات القيمة
والف اهلا وسهلا بأخواننا واخواتنا الجدد في الجمعية .

تمنياتنا للجميع بالتوفيق  والفرج القريب

عمي ابو الزوز وينك  شو ماكو ؟

اخوكم فايــــــــــو

[ملك الحيرة]

احنا بالخدمة بس نريد واحد يسال حتى نجاوب

تحياتنا للاخوة والاخوات الجدد واهلا وسهلا بهم

[سوبرمان بغداد]

اخويه ملك الحيرة و اختي شجرة الدر

حبيت اسال بالنسبه للايجار همه  ينطوني مال 4 اشهر تقريبا وراها لازم اني اعتمد عاى نفسي بالدفع
و اتمنى تخبرونا بمعدل ايجار المنازل هناك

و اشكركم الشكر الجزيل

[ملك الحيرة]

اخوي سوبرمان

جيك بهذا الموقع


http://www.rent.com/

اخويه ملك الحيرة و اختي شجرة الدر

حبيت اسال بالنسبه للايجار همه  ينطوني مال 4 اشهر تقريبا وراها لازم اني اعتمد عاى نفسي بالدفع
و اتمنى تخبرونا بمعدل ايجار المنازل هناك

و اشكركم الشكر الجزيل

[jacksparrow]

اختي زهرة الشمال
بلنسبة لكلامج عن انو الناس الي راحت مو من ضمن القابلو المحلف برمضان
ترة اكو شخص اني اعرفة شخصيا قابل ويانة برمضان وراح بس اهلة بعدهم
يعني بس هوة طلعتلة الامنية وسافر وهسة اهلة دينتضرون ويسافرون ورا

[الامل 2]

رفع

[د اسيل]

شكرا اخ optimise
 
كلامك صحيح اتصلت بمكتب ابو ظبي و وكالو مايحقلي اقدم عن طريق مكتبهم ولازم عن طريق مكتب السعودية بس المشكلة شلون اتصل بمكتب السعودية واستلم استمارة الطلب مثل ما تعرف مستحيل واحد  يطوه فيزة زيارة للسعودية حاحاول احصل رقم مكتب السعودية واتصل بيهم بس رجاءا اذا تعرف احد عنده معلومات عن طريقة التقديم لمكتب السعودية اكون شاكره جدا واسفه على الازعاج.


                                                    د. اسيل 

[uae123]

ممكن العنوان ورقم ال iiom في ابو ظبي

انا هسه اسوي مقابلاتي كلها بابوظبي بس انا محول من اي سي ام سي مالت تركيا علمود ما اجي على تركيا حولوها بابوظبي اخذو مكتب داخل اليو ان بس مو دائما موجودين يجون حسب المقابلات يجون من تركيا تقدر تقدم على اي سي ام سي ويقابلونك في ابوظبي وهاي اي سي ام سي حولين عليها اي اوم ام الي بغداد

[uae123]

انا قابلت icmc في ابوظبي بشهر 10/2010  مقابله اولى ولحد هسه ما اجاني المقابله المحلفين احد عند معلومات يمتى يجون المحلفين لان اتاخرت السالفه

[سوبرمان بغداد]

حبيبي uae123
اني مقابل وياك و يمكن بنفس اليوم هههههه
انشا الله الوفد الامريكي جاي بعد شهور قليله

الصبر

[شجرة الدر]

السلام عليكم اخي الكريم ملك الحيرة الكاش يبقى فقط اربعة او خمسة شهور وراها ينكطع هذا اللي متعارف عليه ما يبقون يدفعولك الولفير كاش بس كم شهر اول ما تجي مع اطيب تحياتي اختكم شجرة الدر

[ملك الحيرة]

مرحبا اختي شجرة الدر ... مشتاقين لطلتج والله
اختي العزيزة
مثل ما تعرفين انا كان المقرر ان اذهب الى لاس فيجاس..
ولأنه واحد من اخواننا الي سافروا قبلنا قريب على قلبي قررت ان الحقه في ولية اوهايو وفعلا تم التغيير لهذه الولاية , لأن تعرفين انا اتأخرت بسبب اضافة اطفال .. وكان التاخير بحدود سنة .. ولما وصلت وجدت انه لا يزال يستلم الكاش والفود ستامب والضمان الصحي .. اضافة الى ذلك تم تخفيض فواتير الكهرباء والهيت والماء .. ولا يدفع منها كلها سوى 45 دولار فقط .. والغريب اني عندما ذهبت الى دائرة الولفير وجدت ناس امريكان يقابلون معانا وعندما سالت موظفة المنظمة عنهم قالت (هؤلاء امريكان يستلمون مساعدات حالهم حالكم لايوجد لديهم عمل ولديهم اطفال )

للتوضيح .. هذا ما موجود في اوهايو ولا اعرف ما موجود في ولايات اخرى .. ومن المعروف ان اوهايو من الولايات التي تاثرت تاثرا كبيرا بالازمة العالمية وهي تتلقى مساعدات من بقية الولايات لسد ثغرة البطالة فيها بتوفير المساعدات لمواطنيها .. والله اعلم

السلام عليكم اخي الكريم ملك الحيرة الكاش يبقى فقط اربعة او خمسة شهور وراها ينكطع هذا اللي متعارف عليه ما يبقون يدفعولك الولفير كاش بس كم شهر اول ما تجي مع اطيب تحياتي اختكم شجرة الدر

[شجرة الدر]

اشكر مشاعرك الطيبه يااخي الكريم ملك الحيرة لكن في ولاية بنسلفانيا يقابلوك اول ماتجي ويقرون عليك قوانين الولاية بالولفير وبعدها يبلغك المسؤول عن الكيس مالتك انه سوف يتم صرف الكاش مدة ثلاثة شهور وبعدها ينكطع ويبقى فقط الفودستامب في حالة كونك عندك اطفال وبعد الثلاثة شهور يسوولك مقابلة ثانيه اذا اشتغلت يكطعون الكاش ويقللون الفودستامب واذا لم تشتغل ينطوك ثلاثة اشهر اخرى وهذه الاخيره وبعدها ما يجددولك يعني مجموع دفع الكاش في حالة عدم شغلك ستة اشهر فقط وبعدها حير بروحك لكن في حالة عملك راح تكدر تعتمد على نفسك والله يسهل يارب للجميع مع تحيات اختكم شجرة الدر

[ملك الحيرة]

يمكن اختي شجرة الدر .. لكن انا شرحت الوضع هنا باوهايو

للعلم المساعدات اختلف من ولاية الى اخرى حسب ميزانية الولاية

اشكر مشاعرك الطيبه يااخي الكريم ملك الحيرة لكن في ولاية بنسلفانيا يقابلوك اول ماتجي ويقرون عليك قوانين الولاية بالولفير وبعدها يبلغك المسؤول عن الكيس مالتك انه سوف يتم صرف الكاش مدة ثلاثة شهور وبعدها ينكطع ويبقى فقط الفودستامب في حالة كونك عندك اطفال وبعد الثلاثة شهور يسوولك مقابلة ثانيه اذا اشتغلت يكطعون الكاش ويقللون الفودستامب واذا لم تشتغل ينطوك ثلاثة اشهر اخرى وهذه الاخيره وبعدها ما يجددولك يعني مجموع دفع الكاش في حالة عدم شغلك ستة اشهر فقط وبعدها حير بروحك لكن في حالة عملك راح تكدر تعتمد على نفسك والله يسهل يارب للجميع مع تحيات اختكم شجرة الدر

[vaio]

يمعود ابو الزوز وينك ما تكلي صارلك شهر مختفي  مو ضل بالي عليك  يابة  طمنا عنك الله يخليك ولا تخلينا نقلق اكثر  حبيبي



فايـــــــو

[vaio]

اخي تنتوني  خذها مني قصيرة من طويلة .
السياقات والاجراءآت التي تقوم بها المنظمات والمؤسسات والجهات الرسمية المعنية هي سياقات واجراءآت مدروسة ومحسوبة وهي نتاج عشرات السنوات وهي تشمل طريق اللجؤ بشكل عام ولا تختص بالعراقيين من سكنة الخليج والامارات .

وهي تسير ضمن القانون الدولي ومعاهدات الامم المتحدة .وايضا ضمن قوانين  الدول المعاد التوطين عليها  يعني بالعراقي الشغلة مو بيد واحد حتى يكدر يغير بيها شي  وبعدين هذا الشكل الحالي  هو نتاج دراسات عميقة ولا تعتمد على رسالتك او رسالتي .

ومسالة الضغط على المفوضيه  هذا شي من المزح لانهم ما يشتغلون بكيفهم اخي  . والي اكبر منهم هي الامم المتحدة . اذا تكدر تأثر عليها  فوت بفالك .
وانا اعتقد ان التغيير او الضغط لا يأتي الا من امور مهولة وكبيرة تستجد على حال طالبي اللجؤ. يعني اذا اكو كم الف واحد يحرقون نفسهم او ينتحرون انتحار جماعي احتجاجا على طريقة واسلوب الامم المتحدة يمكن اقول يمكن  ينظرون بالموضوع ثم يقررون ان يكون على مدى عشرين سنة قبل الموافقة للتأكد من صحة عقول المتقدمين . اقصد قد تكون النتيجة عكسية .

وبالرغم من ان جمعيتنا اسمها  مراحل اللجؤ  لكننا نطرح فيها   كل ما يتعلق بقضيتنا  وهذا شي بديهي وتذكر اننا في منتدى وليس في مؤسسة اكاديمية او رسمية .كل ما بالموضوع هاي الجمعية تجمع اهل الامارات الي هدفهم اللجؤ والهجرة بكل ما تحتوي سواء قبل او بعد السفر وتحقق المراد ولا يلزمنا اسم الجمعية بقانون  يجبرنا على ان لا نتكلم بما ينقله لنا الاخوة الذين وصلو بالسلامة وكله يصب في نفس الهدف والموضوع .
 
انا حاولت اختصر بس ما كدرت  بس اقول شي وهو ان
ليس بالامكان اصلح مما كان

وارجو ان تفهمني بشكل صحيح
والاخوان الي عنده رأي  ياريت  يخبرنا 


اخوكم فايــــــــو

[ملك الحيرة]

السلام عليكم اخواني واخواتي
ان جميع الواصلين الى امريكا في خدمتكم باي استفسار تقدموه سواء كان في هذه الجمعية او غيرها .. ولكن تعقيبا على كلام اخوي هو ان اللاجيء يريد ان يعرف كل المراحل التي سوف يمر بها ويحسب لكل مرحلة حسابها .. هذا ما مررنا به وما سوف تمرون به .
هذا ردي باختصار جدا مع احترامي وتقديري لكل الاراء

اخوكم وخادمكم ملك الحيرة

[vaio]

شكرا لك اخي ملك الحيرة وبارك الله بك  والله لا يحرمنا منك ولا من كل صديق طيب

[سوبرمان بغداد]

شلونكم يابه

ماكو اخبار شكو ماكو


اشو صافية دافيه

[vaio]

اخي  حسب ما معلوم لدى الجميع ان الامارات ما كانت موقعة على معاهدة الامم المتحدة لسنة 1951 والمكتب الموجود في ابو ظبي ما هو الا مكتب مساعدات تابع للامم المتحدة وامكانياته محدودة جدا من ناحية الموضفين وغيرها . وهو بحالة تطور مستمر بالرغم من العدد الهائل من الناس الذين يريدون اللجؤ عن طريقهم .

وفكرتك صارت اوضح بالمشاركة الاخيرة  وما بيها شي انت تتخذ اي  طريق  بس لا يكون طريق يأثر سلبا علينا وعليك . في ما عدى ذلك  فوت بفالك  وعدنا مثل يكول هذا الميدان يا حميدان .



فايـــــــــــو

[ملك الحيرة]

انا معك اخوي في كل كلمة قلتها

وهذا ما يفسر عدم اعطاء اللاجيء في الامارات اي ورقة او بطاقة تثبت انه مقدم على لجوء وكذلك اشتراطهم ان تكون مقيم اقامة قانونية لكي يتم قبول طلبك .. وهم لا يستطيعون عمل شيء اذا تم تسفيرك من الامارات لأي سبب كان فهم مكتب تمشية امور وليس فرع من المفوضية ولا يملك اي صلاحيات .. ويمكن ممارسة مثل هذه الضغوط في سوريا او مصر او الاردن او حتى العراق .

اخي  حسب ما معلوم لدى الجميع ان الامارات ما كانت موقعة على معاهدة الامم المتحدة لسنة 1951 والمكتب الموجود في ابو ظبي ما هو الا مكتب مساعدات تابع للامم المتحدة وامكانياته محدودة جدا من ناحية الموضفين وغيرها . وهو بحالة تطور مستمر بالرغم من العدد الهائل من الناس الذين يريدون اللجؤ عن طريقهم .

وفكرتك صارت اوضح بالمشاركة الاخيرة  وما بيها شي انت تتخذ اي  طريق  بس لا يكون طريق يأثر سلبا علينا وعليك . في ما عدى ذلك  فوت بفالك  وعدنا مثل يكول هذا الميدان يا حميدان .



فايـــــــــــو

[شجرة الدر]

والله اخواني احب اعلق عالموضوع من باب انه انا اقدم وحده من جماعة الامارات ومن قدمنه اللجؤ انتظرنه ستة سنوات ياله حنوا علينه وخابرونه وانطونه موعد لقابلة التوطين واذا ردت تحجي يصيرون همه اصحاب الفضل عليك ما يعجبك روح سوريا او الاردن اصلا احنه يكولولك ما نوطن منا وزين منا استقبلنه معاملتك بصراحه انت اذا شايف نفسك تكدر تغير شي فأبدي
وبالنسبه للموضوع الثاني فالاخوان بالمنتدى هم اللي طلبوا منا توضيح الحياة والعمل ومشاكل المنظمه وكلها تريد تعرف هنا شديصير وهذه الامور مرينه كنا بيها ونتحدث عن كل شي واذا يعجبك فهلا والف هلا بيك واذا ما يعجبك فهاي مشكلتك والله يقدر الجميع على فعل الخير ومثل ما كال الاخ ملك الحيرة احنه حاضرين للطيبين

[Optimiste]

السلام عليكم .....
أختي شجرة الدر لمن قلتي 6 سنين تخبلت.... كلش كلش هوايه هذي المده, يعني هي ما تصير إلا هيج لو ناس و ناس ....
قصدي يعني كل معاملة تختلف عن الثانيه لو شلون ...... عندي سؤال للجميع إذا أحد يذكر بعد ما تقدم المعامله بعد إشقد تاخذ وكت علما يتصلون و ينتقلون للخطوه التاليه......
بس لا تكون ورا سنه لو سنه و نص يكون خلص سحبوا قواتهم طبعا بالظاهر بس و بعدين يقولونا ألف مبروك تحررتو و كل واحد يرجع للخرابه.....

مع الشكر الجزيل

[ملك الحيرة]

اخي العزيز
بعد اذن اختنا العزيزة شجرة الدر اجيب على سؤالك

عن نفسي ونيابة  عن بعض الاخوان قدمنا طلبات لجوء من 2006 وكان حينذاك لا يوجد مكتب مفوضية حقوق اللاجئين في الامارات وانما مكتب الامم المتحدة في ابو ظبي /شارع الكرامة فقط ... ونفس الموظف الي هوة (عبد السلام )كان هناك .
 وفي عام 2008 تم الاتصال بنا وتبين انهم فتحوا مكتب في منطقة البطين واعطونا العنوان وراجعنا هناك ووجدنا نفس الموظف هناك وتم مقابلتنا المقابلة الاولى .
للعلم عندما قدمنا الطلبات كانت عبارة عن ورقة كتبناها بخط اليد فيها مختصر عن القصة والتهديد.
وتبعتها بعد ذلك الاجراءات ومواعيد السفر .. وللعلم هناك بعض الاشخاص لا زالوا في الامارات ينتظرون الموافقة الامنية .

الله معاكم ويقدملكم الي بيه صالحكم ...

ان مع العسر يسرا ان مع العسر يسرا

السلام عليكم .....
أختي شجرة الدر لمن قلتي 6 سنين تخبلت.... كلش كلش هوايه هذي المده, يعني هي ما تصير إلا هيج لو ناس و ناس ....
قصدي يعني كل معاملة تختلف عن الثانيه لو شلون ...... عندي سؤال للجميع إذا أحد يذكر بعد ما تقدم المعامله بعد إشقد تاخذ وكت علما يتصلون و ينتقلون للخطوه التاليه......
بس لا تكون ورا سنه لو سنه و نص يكون خلص سحبوا قواتهم طبعا بالظاهر بس و بعدين يقولونا ألف مبروك تحررتو و كل واحد يرجع للخرابه.....

مع الشكر الجزيل

[raadmteer]

السلام عليكم اخواني

المختصر المفيد بالنسبه لكاليفورنيا:
1- المساعدات الكاش مع الفود ستامب 8 شهور، العازب ياخذ 350 دولار كاش زائد 200 دولار فود ستامب مستمره الى 5 سنوات والعائله نفس الفتره تاخذ كاش للاب والام مجتمعين 350 دولار زائد 175 دولار عن كل طفل والكاش مال الاطفال يستمر وللاب والام ينقطع بعد 8 شهور والفود ستامب للعائله الاب 175 والام 175 والاطفال كل واحد 122 واني اتكلم عن برنامج الويلفير

2- التأمين الصحي يستمر للاطفال حتى 18 سنه ويغطي كل شئ اما للاب والام فهو 8 شهور فقط ولا يغطي العيون والاسنان علما انه المريض هنا يلحق يموت بالطوارئ ومحد صايح عليه والطبيب مال العائله من ينطيك موعد ولا مواعيد الامم المتحده بعد شهر وفوق والادويه تروح فدوه لادوية سامراء وجلفار مابيهه لا فايده ولا عايده
3- الايجارات اني ساكن غرفتين وصاله ب 1300 دولار واكو ارخص بمئة دولار او 150 دولار ولكن في اماكن لا تأمن على اهلك فيها.
4- المنظمه ليس لها دور نهائي سوى الاتصالات المزعجه التي لافائده منها وكل ما يقولونه لك (روح خللي الكفيل يساعدك)
5- دائرة الخدمات الاجتماعيه يبعثولك كل شهر رسالتين او 3 على صندوق البريد يقللون بيهه المساعدات مالة الويلفير كجس نبض حتى يشوفون اذا ما اعترضت يمشوهه اقل واذا اعترضت يبقوهه وهاي المسأله او مساكين ميعرفون انجليزي ويهملون الرساله ويمشي عليهم الخصم.
6- الاعمال البسيطه مثل الخدمه في المتاجر والمعامل بصفة عامل بسيط او سكيورتي غير متاحه بسبب المنافسه الشرسه مع المكسيكان الذين يشكلون 70 بالمئه من  السكان.
ارجوا ان تعرفون انه كاليفورنيا على هذا الحال تعتبر من الولايات اللي تدلل اللاجئ لان عدهم اضافة الى ماتقدم خدمة وك مال الاطفال لحد عمر 5 سنوات واللي تطلع قيمة الاغذيه اللي ينطوهه للطفل كحليب وحبوب وغيرهه 67 دولار شهريا

اخواني هذه هيه الوضعيه وتره من راح توصلون  خصوصا اللي جاي من الامارات تره راح تضوجون وتطلع  ارواحكم بسبب مرض ا اللي اني مريت ومازلت امر بيه وكذلك نوعيات العراقيين هنا اللي للاسف لا تسر ابدا  ماعدا قله قليله جدا
ارجو ان تكون الامور بالنسبه لكاليفورنيا واضحه والله من وراء القصد

[jacksparrow]

السلام عليكم شباب
فاتكم الاعصار البارحة اجانة بلشارقة الشجر كله وكع والباكستانيين كامو يطيرون من البايسكلات بلهوة
ضاهرة غريبة

انصحكم انو لمن تقدمون للامم المتحدة تقدمون وراه تنسون انو انتو مقدمين عيشو حيات طبيعية ولتنتضرون عبد السلام يخابركم
لءن مثل ما كال اخوية ملك الحيرة احنة قدمنة اول ما اجينة للامارات ب2006 ولله اني قدمت بلفاكس اصلا خابرتهم كلولي لتجي لءن احنة منستقبل ناس تريد تقدم دزنة قصة بالفاكس واحنة كلشي مراح نسوي بلقصة مجرد راح نحتفض بيه اذا في يوم من الايام صارت فرصة نراجعه

هاي الحجي الفين وستة
وبشهر الخامس الفين وعشرة يلة خابرونة وخلصنة مقابلات وفحوصات ودورات بنصف رمضان يعني بنص شهر تسعة
وهسة دننتضر السفر اني موافقتي الامنية طلعت ودا انتضر بس موعد السفر ينطوني

لذلك قدمو ولتفكرون بيه يجي يوم ويخابروكم لان صدك الناس ما جذبو كالولي مراح نسوي بيه شي بس نحتفض بيه وورة اربع سنين ونص بعدهم محتفضين بيه وخابروني..

[tantonee]

شكرا على جوابكم و شكر الى الاخت شجره و الله يوفق الجميع.

والله اخواني احب اعلق عالموضوع من باب انه انا اقدم وحده من جماعة الامارات ومن قدمنه اللجؤ انتظرنه ستة سنوات ياله حنوا علينه وخابرونه وانطونه موعد لقابلة التوطين واذا ردت تحجي يصيرون همه اصحاب الفضل عليك ما يعجبك روح سوريا او الاردن اصلا احنه يكولولك ما نوطن منا وزين منا استقبلنه معاملتك بصراحه انت اذا شايف نفسك تكدر تغير شي فأبدي
وبالنسبه للموضوع الثاني فالاخوان بالمنتدى هم اللي طلبوا منا توضيح الحياة والعمل ومشاكل المنظمه وكلها تريد تعرف هنا شديصير وهذه الامور مرينه كنا بيها ونتحدث عن كل شي واذا يعجبك فهلا والف هلا بيك واذا ما يعجبك فهاي مشكلتك والله يقدر الجميع على فعل الخير ومثل ما كال الاخ ملك الحيرة احنه حاضرين للطيبين

[tantonee]

ارجو ان تكون المواضيع الشخصية بالرسائل المباشرة ايضا و انا مع هذا الراي و يرجو تبليغ المراقب ما دون ذلك

اخوان السلام عليكم

اتمنى تكون المواضيع التي تطرح خاصة بشغلتنا مع الامم المتحده؟ لان الاحظ المناقشات خرجت بعيد عن هذا الاطار


و شكرا و احترامي لكل الاعضاء و الموفقية

[زهرة الشمال]

مساء  الورد
رجاءا هم اكو احد اعطوه موعد طيران من الامارات لان سمعت اكو مجموعة انختمت اوراقهم وارسلت الى ال اي او ام الي بالسعودية . وشكرا

[OM HAITHAM]

السلام عليكم ورحمة الله وبركاته :
بالبداية اثمن جهودكم الرائعة في افادة الاعضاء بالمعلومات عسى ان يوفقكم الله ويمن علينا  وعليكم براحة البال .
قدمنا على الunhcr   (اليو ان ) في الكويت في شهر 4 عام 2010 وملئنا الاستمارة الخاصة بفتح الملف ومنذ ذلك الحين لم يتصل بنا احد وحاولنا الاتصال بهم مرارا وتكرارا وبعد عناء طويل كانت اجابتهم لم يحين الوقت لدراسة ملفكم ولم يعطونا اي سقف زمني لذلك ولحد الان لا نعرف مصير قضيتنا وليس هناك جواب شافي حتى اننا لحد الان لم نعتبر حاملين صفة لاجئ حسب قولهم .

اعتقد كما قرأت سابقا ان الاخت امل 2 هي مقيمة بالكويت ايضا لكن لا اعرف كيف سارت الامور معها بالتفصيل . اعتذر عن الاطالة ولكن الحيرة لا تطاق والاحساس بعدم الاستقرار مخيف .

اتمنى ان اجد اجالبة لاسئلتي مع جزيل الشكر

[ملك الحيرة]

اخواني أخواتي
رغم انا وصلنا امريكا لكنني يحزنني ان ارى من اتعبهم طول الانتظار
عندي مبادرة عسى ولعل ان تنفع في لفت الأنظار الى من ينتظر التوطين
ساجمع مشاركاتكم في هذا الرابط وأرسلها الى كافة الجهات الانسانية الحكومية وغير الحكومية هنا في امريكا لعلها تنفع في لفت الأنظار
هذا رابط الموضوع

http://www.ankawa.com/forum/index.php?action=unreadreplies

[OM HAITHAM]

اخواني واخواتي دزيت البارحة استفسار الكم عن مراحل التقديم لليو ان بالكويت علما انه احنا مقدمين من شهر 4 سنة 2010  وعرفت انه الاخت الامل 2 قابلت الوفد التركي بس بالنسبة لوضعنا من يوم فتحنا الملف لحد الان محد اتصل بينا ومن نسالهم  هاي اذا ردوا عالتلفون يقولونيو ان ملفكم بعده ما درسناه وما ينطون جواب شوكت . اريد بس اعرف من الاخت امل 2 شوكت كان تاريخ تقديمكم لليو ان بالكويت وبعده بشكد قابلتوا الوفد التركي .
ولكم جزيل الشكر

[الامل 2]

حبيبتي ام هيثم احنا مقدمين من 2007 وبنهاية 2010 قابلنا الوفد التركي يعني يرادله صبر

[OM HAITHAM]

شكرا الامل 2 عالتجاوب والله يسهل امر الجميع باذن الله . احنا بس تتحرك المعاملة خطوة وحدة الواحد يحس بالتفاؤل وانه بيها امل بس للاسف محد يرد علينة من نتصل باليو ان وتعاملهم جاف ويضطرون الواحد يصطدم معاهم  والله يستر .
يا رب يتوفق الجميع ويرزقهم راحة البال

اتمنى تبادل اي معلومة واي تقدم بالموضوع ونفتح صفحة خاصة بسير معاملات العراقيين بالكويت مثل هاي الصفحة الخاصة بالامارات

[omarsami]

اخوان احد يعرف المحلفين يمتى يجون للامارات؟؟؟

[sembagdod]

السلام عليكم اخواني الاعزاء
عندي كم سؤال ويا ريت الكي الي يساعدني بيها .. اني بعدني ما قدمت على اللجوء لان كنت مقدم على هجرة كندا وبعد خمس اسنين انتظار لا حس ولا وجواب منهم .. اليوم قررت اقدم على اللجوء بس اني مامشتغل وية الامريكان ولا عندي اي اثبات انو اني جنت متهدد بالعراق مع العلم انو تم تهديدي شفهيا من قبل بعض الاشخاص في منطفتي وعلى اساسها تركت العراق في ذلك الوقت ..
اريد اعرف هل لازم اروح لمقر الامم المتحدة في ابو ظبي ...وهل ينطون موعد للمقابلة او مباشرة اروح؟ هل اخذ العائلة او اروح وحدي؟ هل يجب علي ان ابعث ايميل الهم قبل ماا روح .. وكيف راح اثبت لهم اني كنت متهدد اذا كان الكلام كله شفهي ... شنو المستندات الي يطلبوها مني بالبداية...
مع الشكر الجزيل

[OM HAITHAM]

مرحبا اخي اني اعتقد انه الافضل تروح لمقر الامم المتحدة وتاخذ الفورم الخاص بيهم وتمليه وتسالهم اذا كان المطلوب العائلة تكون معاك عند تسليم الفورم .
والله يسهل امرك وامر الجميع

[OM HAITHAM]

نسيت ااضيفلك بالنسبة للاثباتات انه كنت مهدد فاغلب المقدمين ما يملكون هالاثباتات ومثل ما ذكرت قد تكون التهديدات شفهية بس انت روح باي وقت تريد وقدم وسوي كل الي تقدر عليه ومن الله التوفيق

[vaio]

يمعودين شنو السالفة  شو سكتة لا اخوتنا الطيبين لا اخواتنا الطيبات  يعني اقصد الاعضاء القداما وابو الزوز صار فترة طويلة ماكو ؟؟؟؟؟؟؟؟؟؟؟؟

[سوبرمان بغداد]

اخوان ماكو اخبار عن الوفد الامريكي

[uae123]

حسب ما عرفت ان عبدالسلام ابو تركيا والوفود مالتهم مال تركيا هنا بابوظبي لان خابرت انا تركيا قبل كم يوم قالولي ان هما بابوظبي

[omarsami]

حسب ما عرفت ان عبدالسلام ابو تركيا والوفود مالتهم مال تركيا هنا بابوظبي لان خابرت انا تركيا قبل كم يوم قالولي ان هما بابوظبي

اخوية احنا رايدين الوفد الامركي كلولك جاين لو لا ؟

[uae123]

خابرت اليو ان ما قبلو يعطوني اي معلومه

[معماري بغداد]

اخذت الاستمارة يوم 2/2 وللحين مقدمت بسبب كتابة القصة فقد تم تهديدي شفوي وبذلك غادرت العراق ولا املك ادلة ما مدى تاثير ذلك باجراءات القبول .....

[uae123]

عادي قلهم ان اتهددت شفهيا اكو ناس اجالها تهديد عن طريق التليفونات مو شرط لازم اكو رسائل هواي ناس اجتلهم عن طريق التليفونات

[معماري بغداد]

مشكور uae123 على الرد
كم يرادلها وقت المعاملة بابوظبي من التقديم لحين تجي الموافقة بقبول الملف او عدم قبوله ...

[uae123]

تاخذ وقت طبعا بالاشهر تقريبا

[omarsami]

اخوان ما حد يعرف اجى الوفد الامريكي للامارات لو بعدة؟؟؟؟

[sparky]

قبل وبعد كل شئ

كل عام وانتم بالف خير ومبروك علينا جميعا ميلاد سيد الخليقه محمد صلى الله عليه وسلم تسليما كثيرا مبارك فيه لقيام الساعه اللهم امين اللهم فتقبل واستجب بجاه كل مالديه جاه عندك ياعزيز ياجبار ياقدير وياكريم ويارزاق..

اتوجه بالشكر الجزيل للاخت الغاليه " شجرة الدر " وعن نفسي وبقية الاخوه المشاركين بهذه المجموعه القيمه والتي اساس
تواجدها الاخت تاج الراس يحفظها وعائلتها واطفالها الاخت شجرة الدر

الان يرجى العلم انني مقيم بالامارات وبخدمة الطيبين باللي يقدرني الله على تقديمه فيما يخص موضوع التقديم وبداية
انصح الغالبيه من الاعضاء الذين يهمهم هذا الموضوع بضرورة الاطلاع على كل الاقتراحات والاساله السابقه والاجوبه التي طرحت مسبقا وخاصة ان هناك ستة صفحات سابقه لهذا الموضوع الذي يهم الجميع هذا للفائده وادامكم الله لما هو خير لكم وللبشريه جمعاء اللهم امين بجاه رب العالمين

يرجى العلم رجاء ان التقديم لاتم الا بذهاب الشخص المعني بنفسه الى مقر الامم المتحده في ابو ظبي ومثلما الاخوه ذكروا لنا سابقا ومشكورين
وللعلم سوف لن تحتاج ان تاخذ افراد العائله هناك ومعك
وثانيا ضرورة كتابة الصفحات الاربعه الاولى باللغة الانكليزيه والباقي ممكن كتابتها بالعربيه ماعدا صفحة لماذا لايمكنك الرجوع للعراق ايضا تكتب بالانكليزيه وادامكم الله وحفظكم

[sparky]

اضافة لما قلته انفا فبعد ملا الاستماره فقط يمكنك ارسالها بالبريد المسجل السريع لان المكتب لايقبل بغير ذلك وصراحة هذه الطريقه الرسميه الصحيحه المثلى لتسلم الفايلات وتوثيقها رسميا

تحياتي اخوكم الشايب سباركي

[سوبرمان بغداد]

اخوان اللي ينتظرون الوفد الامريكي بعد ما  محدد توقيت معين للجيه للامارات حسب ما كالوا icmc

[شجرة الدر]

انا بخدمة الطيبين واي سؤال انا حاضره لكم جميعا بدون استثناء ومستعده للاجابه على اسئلتكم ولا انكر جميل بيتنا الكبير عنكاوا واعضائنا الطيبيين بمساعدتهم للجميع ونواصل المسيرة بأذن الله واللي عنده اي استفسار يايكتبه عالعام ومن ادخل ارد عليه يا اذا الموضوع خاص يراسلني عالخاص وما انقصر بأذن الله وعذروني لقلة دخولي والله الحياة هنا بامريكا كلها ركض والله يعين الجميع

[سوبرمان بغداد]

و الله شجرة الدر اني دا انتظر الوفد الامريكي هو عادة شوكت يجي ما تذكرين باي شهر كانت مقابلتج معاهم

و ياريت تشرحيلنا شلون صارت المقابله حتى نستعد

و شكرا على تعبج ويانا

[Zozzz]

السلام عليكم

تحيه طيبه لاخويه العزيز فايو والاخ العزيز الشاب مو الشايب سباركي واحب اكول انه اني متواجد بلمنتدى بين الفترة والاخرى بس ماكو شي مهم ليتسنى لي التعليق ..... الحال على ما هوه عليه ولا شئ جديد واي شي يصير راح اكتبه وسلامي وتحياتي الى

اخويه العزيز ملك الحيرة . الوسمي .اخويه العزيز فايو .اخي العزيز سباركي .وبقية الاخوان الاعزاء ونسال الله ان تسهل اموركم ويفرجها عل جميع

[ملك الحيرة]

حبيبي ابو الزوز
أنا متواجد يوميا تقريبا لان وضعي مستقر تقريبا ودا اتابع الردود اول باول
شكرًا الك يا ورد

السلام عليكم

تحيه طيبه لاخويه العزيز فايو والاخ العزيز الشاب مو الشايب سباركي واحب اكول انه اني متواجد بلمنتدى بين الفترة والاخرى بس ماكو شي مهم ليتسنى لي التعليق ..... الحال على ما هوه عليه ولا شئ جديد واي شي يصير راح اكتبه وسلامي وتحياتي الى

اخويه العزيز ملك الحيرة . الوسمي .اخويه العزيز فايو .اخي العزيز سباركي .وبقية الاخوان الاعزاء ونسال الله ان تسهل اموركم ويفرجها عل جميع

[سوبرمان بغداد]

اخي ملك الحيرة
اتمنى تشرحلي كيف كانت المقابله مع الامريكان لاني متوقع زيارة منهم بالصيف انشالله

[vaio]

تحية  وسلام للاخت شجرة الدر واخونا ابو الزوز واخونا ملك الحيرة وجميع الاخوة والاخوات

الله يبارك بيكم ويديمكم بهذا المنتدى وهاي الجمعية .


اخر اخباري عندي صديق قدم بالسنة الماضية  يعني صار كم شهر  واتصلو عليه وخبروه انه غير مستوفي الشروط

تمنياتي للواصلين بالصحة والاستقرار وتحقيق الاماني وتمنياتي للمنتظرين بالصبر والفرج القريب .
 



             اخوكم  فايــــــــــــو

[ملك الحيرة]

اخوي سوبرمان العزيز
انا قابلت مقابلتين مع المحلفين لأن كان عندي اضافة اطفال
المقابلة الاولى بال 2009 وكانت بسيطة جدا وما تشعبوا بالاسألة وكانت محلفة وليس محلف وما طولت يمكن نص ساعة ... بس بالمقابلة الثانية 2010 كلبنا على البطانة وكان المحلف يريد ياكلنا حتى كام (ينبح) والله مو شقة حتى الجهال خافوا منه بس هوة من شافني احترم اسألته ومحترمة هواي (سير وما سير) كالي (اوكي اي تراست يو) اني هم كلت( ثانك يو سير )

توكل على الله واهم شي لا ترتبك وخلي الامور طبيعية ... احفظ تسلسل التواريخ زين عدد سنوات الدراسة الزمن والتواريخ جدا مهمة عدهم

اخي ملك الحيرة
اتمنى تشرحلي كيف كانت المقابله مع الامريكان لاني متوقع زيارة منهم بالصيف انشالله

[سوبرمان بغداد]

اخوان اني سمعت من صديق بانو صديقه  اتصلوا بيه ال unhcr و كالوا بان عنده مقابله مع الوفد الامريكي الاسبوع المقبل فما اعرف صحيح هذا الشي؟؟؟؟؟

[omarsami]

اخوان اني سمعت من صديق بانو صديقه  اتصلوا بيه ال unhcr و كالوا بان عنده مقابله مع الوفد الامريكي الاسبوع المقبل فما اعرف صحيح هذا الشي؟؟؟؟؟

يالللة بلكي اللة ويكون خبر صحيح ....خوية ما تتاكد من عندة
بلكي اللة فرجها

[ima1964]

اخواني و خواتي الاعزاء....قبل قليل اتصلت با يو ان واكدوا لي ان التقديم مفتوح حاليا بس يجب الحضور لحضور محاضرة اولا ثم يوزعون الاستمارات بعدها.....كل اثنين و خميس الساعة 12 ظهرا"........ادعوا لنا .....

[/b][/font][/size][/size]

[omarsami]

up

[omarsami]

نو سالفة ماكو اخباااار

[سوبرمان بغداد]

ماكو اخبار شباب؟؟؟؟؟؟؟؟؟؟؟

[jacksparrow]

السلام عليكم اخوان
صديقي يسال عن المحلفين هل عند احدكم خبر عن المحلفين متى سوف ياتون للامارات؟
وهل هم موجودين الان هنا؟

هل من اخبار
ارجو الرد

[omarsami]

السلام عليكم اخوان
صديقي يسال عن المحلفين هل عند احدكم خبر عن المحلفين متى سوف ياتون للامارات؟
وهل هم موجودين الان هنا؟

هل من اخبار
ارجو الرد

واللة ياخوية كلنا منتظرين المحلفيين
وما ادري يمتى يجون
ياريت لي عندة معلومة يفيدنا

[سوبرمان بغداد]

اهلا عمر

ممكن اعرف شوكت سويت مقابله ال icmc
اني سويتها بشهر 10 الماضي 2010

[omarsami]

اهلا عمر

ممكن اعرف شوكت سويت مقابله ال icmc
اني سويتها بشهر 10 الماضي 2010

هلا خوية سوبر مان
اخوية اني مخلص كلشي وكلاشي ومنتظر يعيدون البصمات
اني مقابل محلفين مرتين اخر وحدة لاضافة زوجة شهر الخامس 2010 بعمان
وجني راح اقابل الثالثة لاضافة طفل لان ما الحق
عندك علم يمتى يجون المحلفين لللامارات

[سوبرمان بغداد]

 و الله اخويه عمر اني مقابل هنا بابوظبي

رحت قبل يومين سألت عبد السلام كال انه الوفد الامريكي بعد ماحدد موعد معين
بس كال لازم يجيون بعد شهرين او ثلاث

ممكن اخويه تشرحلي شنو المقابله مع الامريكان شلون يسألون و هل كل فرد من العائلة بوحده و كم اطول لو سهله مجرد تكمله معامله

و هل اكو رفض صار مع مقابله الامريكان ؟

و اشكرك على اجابتك و انشا الله امورك تمشي بعون الله

[sembagdod]

السلام عليكم اخواني
عندي ثلاثة اسئلة  اذا اي احد يكدر يساعدني
اكو فقرة بالاستمارة مكتوب بيها (الاصل العرقي او الاثني) هاي شنو اكتب بيها؟
والسوال الثاني هوة انو اكو فقرة مكتوب بيها المؤهلات .. هاي شنو لازم اخلي بيها يعني الفراغ كلش صغير قابل اخلي السيفي مالتي بيها؟
والسؤال الثالث هل الخدمة العسكرية الالزامية نخليها بالفقرة (ز) لو هاي بس للظباط والي يشتغلون بالجيش؟
والسلام عليكم ورحمة الله وبركاته

[omarsami]

و الله اخويه عمر اني مقابل هنا بابوظبي

رحت قبل يومين سألت عبد السلام كال انه الوفد الامريكي بعد ماحدد موعد معين
بس كال لازم يجيون بعد شهرين او ثلاث

ممكن اخويه تشرحلي شنو المقابله مع الامريكان شلون يسألون و هل كل فرد من العائلة بوحده و كم اطول لو سهله مجرد تكمله معامله

و هل اكو رفض صار مع مقابله الامريكان ؟

و اشكرك على اجابتك و انشا الله امورك تمشي بعون الله

اخوية سوبر مان اسف على التاخير بلرد
اخوية مقابلة المحلفين كلش سهلة بس اهم شي لا تخاف وتذكر كل حجاية قلتها بلمقابلة الثانية لان راح يحطون افادتك كدامهم ويرجعون سؤلوك عليها وركزون اكثر شي على العسكرية وتورايخ سفراتك من والى العراق او للدول الاخرى وتحصيلك الدراسي وتخرجك من الجامعة ومن الاعدادية وقصص التهديد والتواريخ بضضضضبط

[uae123]

السلام عليكم عندي سؤال
انا كنت مقدمه على الفيزا سياحيه على امريكا من السفاره بابوظبي بس انرفضت هل هاي تاثر على على المقابله مع المحلفين لو عادي

[ملك الحيرة]

راح يسألوج هل سبق وان قدمتي على طلب الحصول على تأشيرة فراح تقولين نعم أكيد ،،،  تمشي المقابلة اعتيادي لكن ممكن تشوفين تأثير هذا الشي بالموافقة الأمنية يمكن تتاخر ويمن لا سامح الله تنرفض امنيا ،،،  بس انشاءالله تمشي الامور وتأملوا بالخير تجدوه

تحياتي

السلام عليكم عندي سؤال
انا كنت مقدمه على الفيزا سياحيه على امريكا من السفاره بابوظبي بس انرفضت هل هاي تاثر على على المقابله مع المحلفين لو عادي

[uae123]

اشكرك يا ملك الحيره بس احنا ما انرفضت من السفاره بسبب الامنيه بسبب  الراتب  مع الرغم ان سافرنا هواي اوروبا

[سوبرمان بغداد]

شكرا ملك الحيرة لاجوبتك و انشا الله امورك بخير

بالنسبة للفلوس و المبالغ كيف نحولها لامريكا في حالة قبولنا انشا الله و كم المبلغ الممكن ناخذه ويانه هناك ؟؟

و شكرا

[سوبرمان بغداد]

السلام عليكم

احب اسأل بالنسبه لمقابله الامريكان شنو تسلسل الاحداث
يعني حسب اللي فهمته اول شي المقابله مع المحلفين و بعدين الفحص الطبي و بعدين الموافقة الامنية

ازين شنو سالفة الظرف اللي بيه قبول اشو بعض الناس تتكلم بالظرف بغرف اخرى ممكن اعرف شنو هذا  و شكرا

[vaio]

اخوان انا سمعت كلام عن ان بعض الاخوان المقدمين  انطوهم موعد بمنتصف هذا الشهر للمقابلة الاولى  هل هذا الكلام صحيح ؟

اخوكم فايـــــــــو

[Zozzz]

السلام عليكم

اخي العزيز فايو لي صديق قدم ويانه وتقريبا بنفس الفتره لو بلشهر الاول لو بلثاني الي قدمنا بيها اني وياك ... قابلو العام سووله مقابله معلومات وانطو فايل نمبر مثلك بس انته بعدك ممقابل وان شاء الله تقابل عن قريب ..وهسه هوه حاليا دينتظر يقابل الوفد التركي واني متابع ويا الاخبار  واي شي يصير راح ابلغك بي بس صاحبي سالني بوقتها اكو بعد مقابله ثانيه ويه اليو ان قبل مقابلة الوفد التركي اني حسب علمي وحسب مسالت انه مقابله واحده فقط ويه اليو ان  وبعدها يتحول توطين عل اي سي ام سي بس الغريب هوه لحد الان ممبلغي انه تحول ملفه للتوطين وماكو اي معلومات كلما يخابر يكولول احنه نتصل بيك

اما بلنسبه الي ماكو اي شي ودافكر اروحلهم وافتهم منهم شنو الفلم ولو اني متاكد مراح احصل اي شي منهم وحيكولولي انتظر بس الشي الايجابي انه ماكو اخبار سيئه لحد الان ولله الحمد ..الشغله شكلها تعتمد عله قوة القصة وعل حظ ثانيا وماكو غير الصبر والله ييسهلها عل جميع ...

[vaio]

اخي العزيز  ابو الزوز اسعدني ردك ويارب تكون بخير انت والاهل .
الحقيقة لما سمعت بأخبار المقابلات  تحركت شوية واتصلت مرتين وطبعا كالولي ان عبد السلام مشغول  .  بس انا كلتلهم بلكي يتصل بي لان عندي شغلة مهمة  واخذو رقمي واتصل عبد السلام  وحجيت وياه ورد انطاني رقم الفايل ايضا وكلي اقامتك راح تخلص فمن تجدد على طول دزلي النسخة الجديدة من الاقامة . كلتلة يعود ماكو مقابلة مقاولة ؟كال انتظر  انا راح اتصل بيك من يجي وقت المقابلة . كلتله شوكت كال ما اعرف هسة .

فيا اخي يا ابو الزوز انا انصحك تتحرش بيهم وانت تخابر لان مثل ما يكول المثل العراقي ( الحكوك ينرادلها حلوك ) بلكي الله ويفرحك بشي وانا واثق انه راح بفرحك ان شاء الله . بس قبلها صليلك ركعتين واطلب من الله عز وجل تسهيل امرك وتقريب فرجك وربنا ما يرد احد  ابدا .
تحياتي لاخي ملك الحيرة  واختي شجرة الدر   واكللكم شلونكم وشلون عيالكم انشالة بخير  وفدوة لعيونكم لا تنسونا صحيح امريكا بيها مشاغل هواي  بس خلونا على بالكم وبين فترة وفترة اكتبونا اخباركم  احنا نتفائل لما  تفرحونا بأخباركم الطيبة ونكلكم بعد هاي الكم شهر شنو انطباعكم هسة  شنو تغير اتأقلمتو لا ؟  هل الوضع لللاحسن ان شاء الله ؟ . وايضا ادعونا بتقريب الفرج  واحنا منا ايضا ندعيلكم  بالاستقرار والتوفيق .
وتحية لكل اعضاء الجمعية الكرم .

اخوكم   فايــــــــــــــو

[uae123]

السلام عليكم  اذا ممكم فايو تعطيني رقم التليفون عبد السلام علمود اخابره  وتسلم

[سوبرمان بغداد]

شباب السلام عليكم
حبيت اشارك بالحديث اني رحت لليو ان قبل اسبوع و شفت عبد السلام كال الوفد الامريكي اكيد جاي بس بعدهم محددين الموعد. و اول ما يجون هو راح يخبرنا
و اتصور من كلامه شهر 4 و الله اعلم

[سوبرمان بغداد]

السلام عليكم

الي افتهمتا من بعض الناس الموجودين بالمنتديات ان الوفد الامريكي ببغداد بدو يقابلون و بعمان نفس الحالة فبلكت الدور علينا يجي بعدين
و الموفقية للجميع

[سوبرمان بغداد]

السلام عليكم

شباب ماكو اخبار على الوفد؟؟؟؟؟؟؟؟؟؟؟؟؟؟؟

[سوبرمان بغداد]

اخوان ممكن تجاوبوني الامنيه بعد المقابله مال icmc شكد تطول تقريبا؟؟؟

[سوبرمان بغداد]

اخوان ماكو احد شنو القضية؟؟؟؟؟؟؟؟؟؟؟؟؟؟

[sparky]

والله شكلها اللي احنا كاعدين بالعمارات يعني بالامارات شغلتنا
بايكه هوه سواء اللي على برنامج الاي او ام او برنامج اليو ان
وانا خير مثال على ذلك حيث مر على انتظاري ولايزال طبعا مستمر الانتظار لغاية يومنا
هذا واللحظه هذه بالذات لقد مرت سنه وانا لاازال انتظر مقابلة المحلفين والله وحده
اعلم اذا سيتم ذلك ام لا

فناسف لاخباركم ذلك ولانريد ان نخيب الامال لكنها الحقيقه ويارب يحصل الخير لنا ولكم
جميعا وانشاءالله لايمر عليكم مامر علينا من الانتظار غير المنتهي او مايسمى بالسقف الزمني
وهذا هو الذي يدمر الاعصاب واللي كان السبب ايضا في تدمير العراق العظيم حيث اننا كنا ننتظر
وننتظر لغاية لمن فقدنا اعصابنا من الانتظار الغير المنتهي اللي وصلنا لهذا الحال ولله الحمد على كل حال
فارجو من الله ان يمنحنا الصبر ويقسم لنا كعراقيين الصبر اولا وثانيا وثالثا ليقسم لنا الخير
ويعوضنا عما فاتنا من الام والقسوه والهجره وعدم الاستقرار والهم والحزن

واخيرا وليس اخرا نسال الله المغفره لنا وللجميع ويحفظكم رب العزه سبحانه وتعالى
وسامحوني لهذا المرور اللي ربما يخلو بعض الشيء من الامل

اخوكم في الله
الشايب سباركي
الامارات - دبي

[sparky]

شئ اخر
المعلومات اللي عرفناها مؤخرا
ان كل الامور تحصل للمقابلات للمحلفين لفتح الفايلات لاول مره
الملخص كل الاحداث تحصل بالشهر التاليه والله اعلم
الشهر الرابع
الشهر الثامن
واخيرا الشهر الثاني عشر - يعني نهاية السنه

فلندعو الله الستر والعفو والعافيه للجميع
ثم ندعو بالفرج لكل الطيبين العراقيين ونهاية لمأساة صارلها سنين وتكون خاتمة الالم والحزن اللهم امين

اخوكم سباركي
الامارات-دبي

[uae123]

السلام عليكم الي الاخ سباركي بالنسبه للمحلفين اجو اخر مره على ابوظبي بشهر 8/2010 وعندي صديقي  قابل المحلف بهذا الوقت وخلص الامنيه اوخر الشهر 2 /2011 سافر امريكا وهسه هو بامريكا وحسب اعتقادي ان هما راح يجون بشهر الرابع او الخامس وشكرا

[sparky]

الاخ العزيز الغالي الورده مال الله
ممنون جدا على هذه المعلومات القيمه وانشاءالله الاخوه الذين ذكرتهم بالف خير انشاءالله سالمين وغانمين
ومتهنانين ويحفظهم واياكم رب العزه
الظاهر انني لم اكن من الذين استدعوهم للمقابله التي تمت الشهر الثامن لانني لم اكن على قائمتهم
لكثرة الطلبات وخاصة انه اتوقع انهم قابلوا ( الاخوه الطيبين الذين ذكرتهم بالف خير والله يذكرك بخير انشاءالله )
قابلوا في اليو ان باابو ظبي عندما كان المكتب حتى لم يكن مرقص لاستقبال معاملات اللاجئين
وبالاخص العراقيين لان الموافقه حصلت من دولة الامارات فقط الشهر الثامن لممارسة اعمالهم لاسقبال والتعامل
مع معاملات اللاجئين رسميا وهنا المقصود ليس فقط العراقيين انما الاخوه من الصومال وجيبوتي وايران
لانهم على نفس القائمه التي يتقبلون فيها معاملات هؤلاء الجنسيات بضمنها طبعا عباد الله الفقراء
وتاج الرؤوس العراقيين

نسال الله ان يحفظك وعائلتك وان تنال مسعاك اللهم امين
انت وين مقدم وعلى اي برنامج يالغالي انت ؟
وهل الاخوه الطيبين الذين ذكرتهم بالف خير ايضا كانوا على برنامج الاي او ام

اخوك الشايب من الامارات - سباركي

[uae123]

كنا على اي او ام وبعدينا حولونا على اي سي ام سي

[هندي احسن مني]

الله يساعدهم اخوان احب اشكركم على التواصل وتمنياتي للتوفيق للجميع مع تحياتي الخالصة للاخت شجرة الدر واتمنى معرفة اخر الاخبار للاخ اياد وشنو صارت حالته بعد الانقطاع الطويل يا رب كل الخير واتمنى الجميع بالتوفيق مع تحياتي لكم
اخوكم
الهندي احسن مني

[سوبرمان بغداد]

يا هلا باخونا

و نتمى نسمع اخبار شجرة الدر لان صراحه اختفت. نحب نسمع اخبار اللي راحو هناك شلون الوضع

[sparky]

السلام عليكم ياشباب
مرحبه UAE123  والاخوه الاخرين الطيبين جميعا

عزيزي الورده اخر مره المحلفين كانوا بالعمارات اقصد الامارات الشهر الثامن
لو رجاء اجوي الشهر الثاني عشر يعني ديسمبر
لانه اخوك ملطوع منذ ذلك الوقت
اكو امل يجون الشهر الرابع بشر الله يبشرك بالخير يالغالي

اخوك سباركي التعبان

[uae123]

الاخ سبارك على كلام عبد السلام لما خابرناه قال احتمال يجون شهر الرابع هذا الي صار شكرا

[sparky]

عزيزي الغالي
ممنون جدا وانت متفضل عليه بالاجابه وجزاك الله الف خير
يعني المحلفين لم ياتوا السنه الماضيه 2010
ويارب يجون الشهر يارب يارب يامسهل الامور الطف بعبادك العراقيين المتبهذلن ويريدون الفرج منك يالله ياعزيز ياقدير

بالمناسبه هذا عبدالسلام  هذا هو اللي بتركيا ؟ ومنين جنسيته هذا ؟ بدون زحمه

[sparky]

عفوا
تكمله لم ياتوا شهر ديسمبر 2010

[هندي احسن مني]

الله يساعدهم يا إخوانه الطيبيين أني كلش فرحان بمعرفتكم وبهل المنتدى المفيد للجميع ولمعرفة كل اخبار إخوتنه الطيبين واتمنى للجميع حظ اوفر وتتحقق كل أمنياتهم . 
إخوان عندي استفسار حول موضوعي الي هو كالاتي...
أني سجلوني باليو ان بعد معانات طويلة وانتظار 3 سنوات وانطوني كيسنمبر وكالولي اربع اشهر ونسويلك مقابلة؟؟؟
ورا 8 اشهر من التسجيل خابروني وكالولي عندك مقابلة ويا البروتكشن اوفيسر ومن رحت قريت مكتوب بعد المقابلة الاولى يردولي خبر بالموافقة او الرفض او مقابلة ثانية وخلصت شهرين ولحد الان ماكو اي خبر وعبد السلام كالعادة يكولي انتظر من ورا الاحداث الدول العربية وما عدنه اي نتيجة بخصوص موضوعك؟؟؟ سؤالي هو حاليا شنتظر وليش هل التأخير وشنو اسم المقابلة الجاية والي راحت ... شكرا للجميع مع تحياتي واحترامي للأخوة جميعا 

[سوبرمان بغداد]

uae123 السلام عليكم

انت ويايه بالمقابله مال icmc بعثت ايميل لل icmc  كالوا انت شغلتك نقلناها على الوفد الامريكي uscis و كال انت تتنظر الوفد يجي و بعده ما محدد موعد للجيه للامارات.

[avalon05]

السلام عليكم
تحية طيبة لجميع الاخوان والاخوات في هذا المنتدى الرائع, انا عضو جديد في المنتدى وارجوا ان تقبلوني اخ وصديق لكم .
انوي التقديم على اليوان من الامارات, فارجوا من الاخوة اعطائي العنوان الكامل للمنظمة في ابو ظبي وما هو وقت وايام  الدوام .
خاصة الاخوة المقدمين جديد
 وارجوا التوفيق والقبول لجميع الاخوة.
مع الشكر

[هندي احسن مني]

اهلا وسهلا بيك اخونه العزيز وتشرفنه بمعرفتك وان شاء الله احنه هنا اسرة وحدة
اخوية اتمنى تجيك المواضيع السابقة لان بيها كل تفاصيل عن موقع الامم المتحدة لشؤون الاجئيين وارقام هواتفهم المنطقة صايرة بالبطينة مجاور السفارة دولة البحرين مقابل القصر الرئاسي مع التحية

[سوبرمان بغداد]

شباب اتمنى تتنطون اللينك لكل من تعرفوا قدم على الامم المتحده هنا بابو ظبي و يشاركنا الاخبار و المعلومات
حتى يستفاد الجميع من هذا المنتدى

وشكرا

[avalon05]

شكرا جزيلا الاخ (هندي احسن مني) على جوابك السريع, ان شاء الله اروح يوم الاثنين لاستلام الاستمارة,
واتمنى التوفيق للجميع

[هندي احسن مني]

تدلل اخوية avalon05 على مشاركتك الحلوة وان شاء الله نسمع اخبارك الطيبة وتفرح اخوانك وكلنه احنه هنا ايد وحدة وان شاء الله الكل تتحقق امنياتهم واهلا وسهلا بيك

[هندي احسن مني]

اخوان الاعزاء
اليوم دخلت على موقع كاتبيين بيه الواحد يرجع الى العراق اشرف من اميركا .. ومع الاسف احد الاعضاء الي موجودين كاتب بيها انو الي يقدم على اميركا هو عميل ومتخاذل ويريد يبيع بلده؟؟؟ وليش هو العراق احسن لو امريكا ؟؟؟ فحبيت اكللكم االفروقات اذا احد يسالكم هيجي انه العراق احسن لو امريكا؟؟؟
اولا العراق احسن لو الاردن ؟؟؟؟ الجواب الاردن والسبب مليونيين عراقي حاليا بالاردن كاعدين عطالة بطالة بس من ورا الوضع التعبان الي بالعراق بكافة تفاصيلة والي انتو تعرفوه بس ما راح نشوف اردني يجي يدور شغل بالعراق الحالي؟؟؟
2- الاردن احسن لو دول الخليج؟؟؟ الجواب دول الخليج لان اكيد الاردني المحظوظ يتمنى يلكه عقد عمل بالخليج في حين الخليجي عمره ما فكر يشتغل بالاردن
3- دول الخليج احسن لو اميركا ؟؟؟ الجواب اميركا والدليل اني حاليا اشتغل بالخليج وابجث عن استقرار؟؟؟
اخوان ؟؟؟ حوار عقيم بهذا الموضوع؟؟؟ الجواب الفاشل فاشل لو يسووه رئيس دولة اكيد بس بالعراق الفاشل بصير رئيس دولة.
اما بخصوص الحواسم فافضل دولة لهم هي ( ال.....) لانها الوحيدة الي تلفي ؟؟؟؟ () بس اكيد دول الي بيها قانون ورعاية اجتماعية وتامين صحي وتعليم عالي وتطور الى الامام ما تفيده؟؟
ملخص شوفولكم واحد عايش باميركا صارلة 20 سنة شوفو حالته ووضوعه وراها سالو ترجع لو لا وشوفو شيكوللكم
وشوفو واحد صارلة 20 سنة بالعراق العظيم يشتغل سالوه على وضعه وكولوله تتمى تروح لاميركا وشوفو شيجاوبكم؟؟؟ بس تحت شعار الي ما ينوش العنب يكول عليه حصرم؟؟؟ على اساس هسة هي واكعة بايدنه وده يتوسل اوباما بينه!!! ضحكتوني وذكرتوني بالعراقيين من يرجعوهم على حدود عمان لانهههههههههههههههه عراقي .
وسالني شتقصد بال دولة ال ( ) والحواسم ال ( ) وليش اسمك هندي احسن مني فجاوبته :-
دولة ال( ).. ماكو احد ما يعرفها... الي بيها حكومة تكنوقراط اميين؟؟؟ سياستها الزم الكرسي باسم الدين؟؟؟ دولة تخلي المجرم والحرامي هو المسؤول الامني ؟؟؟ وتخلي الامي والمزور هو المرجع والمقرر ... وتخلي الحاقد والظالم هو السياسي والمفكر... وشعبها الغني والمثقف حولوه الى فقير ومتخلف وامنيته يكون لاجيء ... اكيد صعبة ان نعرف هذا البلد وين يصير ؟؟؟ لان احنه بعيدين كل البعد عن هل الامور ؟؟ الله يحمي حكومتنه الرشيدة وتحت شعار نحن نمضي وهم باقوون؟

اخوية العزيز سالتني عن ليش اسمي هو الهندي احسن مني راح اجاوبك مختصر المطول مع تحياتي وكل الاحترام للجميع
كلمة هندي احسن مني ليش كلتها ؟؟؟ خلي نشوف .. الهندي يقدم فيزا ل اوربا تطلعله بسبوعين؟؟؟؟ بس العراقي هههههههه اكيد اسرع منه؟؟؟ الهندي يقدم على دراسة باميركا تطلعله باقل من 3 اشهر لان جامعهتهم انكليزية... اما العراقي ؟؟؟ 5 دقائق لان شهادته مثل شهادات اهل البرلمان العراقي كلش مضبوطة؟؟؟ الهندي ما يوكف بالطابور ويلزم سرا على الجوازات وبعدين يرجعوه ويكولوه ما تدخل لاي دولة واقرب دولة ليش ندوخ الاردن ... في حين احنه هوايا ايام نحجز طيارة ونوصل لعمان ويرجعونه حشا السامع مثل (؟؟؟؟) ... بس ترى همه يحبونه ويشاقوون ويانا وتحت شعار من حبك لاشاك؟؟؟  الهندي يقدم على شغل بالخليج تطلعله بخمس دقائق موفقة عمل واقامة بينما احنه اووووووووووووف من احنه ؟؟؟؟ يجيك رفض ترس بالوجه وبدون سبب لان احنه (هندي احسن منه)؟؟؟
اخيرا وليس اخرا... تعرف ليش الهندي احسن مني و من؟؟؟ي ؟؟؟؟ لان عنده وطن !!! يروح يفتر يشرق يغرب ويكونله فلوس ويرجع معزز ومكرم؟؟؟ ماكو احد يكوله انت هندوسي لو سيخي لو مسلم لو مسيحي؟؟؟ يكولوله انت هندي وماكو فرق عنك وعن غيرك الا بالعمل والقوانين والالتزامات الاجتماعية؟؟؟ بينما احنه ... تمسي اسمك علوان يكولولك انت طائفي تسميه خربان يكولك انت من حزب النازي تمسيه زربان يكولولك شيصيرلك زربان خضر هادي ولهذا ارفع راسك انت عراقي. حبيبي فهذا السبب اسمي هيجي؟ لان يعكس الواقع العظيم. مع التحية للجميع

[سوبرمان بغداد]

اخوان السلام عليكم
اخيرا انفتحت صفحة 7 و انشا الله تكون صفحة خير و بركه على الكل و اتمنى من الجميع ما يبخل علينا بالمعلومات اللي تفيد الجميع. اني هسه دا انتظر الوفد الامريكي و انشا الله يجون و تنحل مشاكلنا

سلامي للجميع

[سوبرمان بغداد]

السلام عليكم

اريد اسأل اختنا شجرة الدر و اخونا ملك الحيرة اللي راحو لامريكا

بعد هذه المده اللي كضيتوها هناك شلونه الوضع اكو شغل و المعونات جيده؟ و تنصحون بان نذهب و نعوف الخليج؟ و اعرف ان الحياه هناك من الصفر و البدايه صعبه بس اريد اعرف العراقيين اللي راحو قبل سنتين او اربع وضعهم زين لو رجعوا لبلدهم او الخليج و عافوا السالفه؟

سلامي للكل

[هندي احسن مني]

الى الاخ العزيز سوبرمان بغداد تحية طيبة
حبيت اشكرك على تعاونك الي تقدمة من ناحية اجاباتك على الموضوع بس حبيت اشارك بسؤالك الي يخص الوضع في اميركا؟؟؟ انا لدي اخي الاصغر ذهب الي اميركا من خلال منظمة الاجئيين في عمان؟؟؟ حيث كان هنا في دبي فترة لا تقل عن سنة؟؟؟ والسؤال الذي اساله دائما ؟؟ ايهما افضل الاجابة هي:
1- اميركا استقرار عائلي مضمون؟؟؟ اميركا تطور اكثر من ناحية المستقبل؟؟؟ اميركا باسبورت وضمان عائلي دائم حتى عندما تفكر بالرجوع مستقبلا الى الخليج... ولكن
2- الخليج لاكشري او حداثة اكثر... الخليج الرواتب اعلى.... الخليج عملك ضمن اختصاصك بينما اميركا عملك اقل مستوى لان عدم امكانية معادلة الشهادة في بداية الامر

الملخص ... اميركا تتعب بالبداية بس المستقبل افضل
الخليج ... الحياة احلى في البداية ولكن المستقبل مجهول وفي اي لحظة ترجع الى العراق وكل شيء ينتهي
مع الشكر والتقدير وتحياتي لشجرة الدر وملك الحيرة وتمنياتي لهم بالموفقيه لهم ودعواتي ان نكون بنفس المركب الذي وصلو به.

[sparky]

السلام عليكم ورحمة الله وبركاته
الله بعونك يالعراقي اينما تكون
والحمد لله على نعمة الاسلام
العراقيون خسرانين الدنيا من دون اجنى شك لكن لنا الاخره باذن واحد احد
والحمدلله على سلامتكم يالغاليين جميعا
والحمد لله مره ثانيه وثالثه الى ان ينقطع النفس والى ان نقبر تحت التراب
نحمد الله على سلامة الجميع لانكم خرجتم سامين غانمين وبخير من بلدنا الجريح
ونسال الله ان يلطف بحال العراق وبينا احنا المساكين العراقيين

واقول لاخي ( الهندي احسن مني ) ماقلته صح لكن لاتزال افضل من الهندي باذن الله
لانك مسلم باذن الله وتقرا القران بلهجة العرب على سنة رسولنا الكريم صلى الله عليه وسلم
وانت تعرف تعاليم دينك اكثر من غيرك ومن كلماتك نلمس انك رجل غيور وصاحب خلق عالي
ولاقصرن بكل الاخوه العراقيين جميعا
نحن ارض الانبياء وستكون الاخره لنا باذن واحد احد

اللهم ان نسالك الخير والحسنه بالدنيا والاخره والثبات على الدين

اخوكم سباركي - دبي

[sparky]

وقبل النسيان
سامحوا عمرنا الكبير
سلامي الى سوبرمان بغداد الورده

[هندي احسن مني]

شكرا جزيلا اخ سباركي ... هذا من ذوقك واشكر اضافتك القيمة والي حسيته بيها كبر مفهومك وسرعة اختيارك للنقطة الايجابية الي لا شك انو والحمد لله يكفينه نحن مسلمين وغير ذالك هو زائل... ولكن في بعض الاحيان عنما نعاني من قساوة الحياة ونرى عدم المساوات وقياس العدالة الدنيوية ننفعل ونصل الى حد غض البصر عن حقوقنا؟؟؟ بلا شك نحن تركنا بلدنا لان لنا الاسباب التي دعتنا نتركه ليس لانه نحنو حاقدون او ليس لان سلب شييء ملك لنا ولكن وجدنا حياتنا وحياة اسرنا مهددة بالخطر وعدم وجود المكان المناسب والطبيعي للمعيشة , ولهذا نرى كثير من الدول كنا واقفين معها ونحميها وخيراتنا نناصفم بها ولكن نرى بعد الشدة يتخلون عنه ويعتبروننه نكرة بحق الامم والمشكلة العظمى ان اغلب هذه الدول مسلمة وعربية ومع الاسف ولهذا بعض الاحيان نحزن لما نرى هذه الاشياء ولكن يبقى ديننا هو دين الخير والمحبة والاحترام لكل الاديان السماوية مع فائق الشكر والتقدير للاضافة الجميلة

[sparky]

انت تاج راسي وتشرف الجميع بمنطقك واسلوبك ولاشك اخلاقك
اسال الله العلي القدير ان يحفظك وعائلتك وعشيرتك وكل من يمت لحضرتكم بالصله

وهنا ارجع واقول نحن اصحاب التاريخ
والعراق اساس الحضارات كلها ومنطقك 100% نابع من هذه الجذور التي ذكرتها انفا
حيث الخلق والاتزام ورزانة المفردات والمنطق السليم
يسلم لسانك ياتاج الراس ودمتم لاخيكم ولاهلكم والطيبين بالف خير
وتذكر ياغالي ياعزيز
العراق اهل الغنى
العراق اهل العلم
العراق اها الحرب

اخوكم بالله - سباركي الشايب-دبي

[هندي احسن مني]

اشكرك عزيزي خجلتني باخلاقك فعلا ويا رب الله يوفقك ويحققلك كل امنياتك وتطلعاتك ويحمي اهلنه وناسنا الطيبين الي بالعراق الي فعلا ما كان الهم اي دور من هل الحروب والكوارث الا لانهم اصحابين فكر وعقيدة وصاحبين ارض الحضارات والرسالات السماوية وكل الدول العالم طامعة بخيراتنه ولكن مع الاسف هذه هي النقمة الي حلت على رؤوسنا جميعا ... نسال الله ان يحميك ويجعل من امثالك اصحابيين الكلمة الاولى والاخيرة ونتمنى ان يظهر الحق ويحاسب جميع من ارتكبو الاثم والجرم بحق هذا الشعب العظيم مع شكري واسفي للاخوة الاعزاء ان كنت طلت عليهم بالحديث.

[هندي احسن مني]

اخوان ماكو اخبار عن الوفد التركي ... اتمنى اي احد علم بخصوص هل الموضوع ... اي واحد يعرف اي شي بخصوص لجنة ICMC شوكت تجي يا ريت والله صارلي اكثر من شهرين وادخل بال 3 اشهر وماكو لا حس ولا خبر ودا اتصل ب عبد السلام يكولولي مشغول والله دخت بهل السالفة والمصيبة راح تخلص اقامتي ا بقالها شي.

[ملك الحيرة]

اياخوي سوبرمان العزيز
بعد حوالي 5 اشهر اكرر قولي السابق
الحياة هنا ليست كما الامارات ... ولكن الامل والطريق واضح والهدف كذلك .. العمل قليل نسبيا والاغلب في الاعمال البسيطة ولكن في كل الاحوال هناك ضمان صحي مجاني وضمان معيشي من فود ستامب وكاش متى ما كنت بلا عمل فسوف يعاد لك كما كان
الحياة للعوائل اسهل كون المبلغ المخصص كمساعدات يكون اكبر وخصوصا اذا كان هناك اطفال دون سن 5
انا لدي عائلة من 7 افراد
الفود ستامب 1012 دولار
الكاش 820 مع بدل المواصلات
كوبونات لطفل دون 5 بمبلغ 35 دولار

وبالمقابل
المصروفات بالفود كافية جدا
الايجار 700 دولار
الكهرباء وغاز الطبخ بحدود 50 دولار شهريا

الحياة هنا بالنسبة لي لم تبدا بعد ولكني اتبشر خيرا في المستقبل انشاءالله

السلام عليكم

اريد اسأل اختنا شجرة الدر و اخونا ملك الحيرة اللي راحو لامريكا

بعد هذه المده اللي كضيتوها هناك شلونه الوضع اكو شغل و المعونات جيده؟ و تنصحون بان نذهب و نعوف الخليج؟ و اعرف ان الحياه هناك من الصفر و البدايه صعبه بس اريد اعرف العراقيين اللي راحو قبل سنتين او اربع وضعهم زين لو رجعوا لبلدهم او الخليج و عافوا السالفه؟

سلامي للكل

[سوبرمان بغداد]

اهلا اخويه ملك الحيرة و شكرا جزيلا و انطو الصراحه الوجبة اللي راحتتعطونا الامل بالمستقبل انشا الله

اريد اسئل الواحد اذا يريد يشتغل اكو شهادات واحد يكدر ياخذها منا بالامارات و يشتغل بيها هنا لو لازم ادرس من جديد و الجامعات اذا ردنا نكمل دراساتنا هناك اسعار الدراسه جيده مقبوله بحيث واحد يدرس و يحصل شهاده منهم؟

و دراسة الطفل بالمدرسة مجانيه لو لازم ادفع مثل ما هنا مبالغ طائله؟

و الايجار 700 دولار هذه لبيت مكون من كم غرفه و هل النوعيه جيده لان سمعنا الناس تكول يكعدونا ببيوت تعبانه؟

و بالنسبه للحاله مالتي اني خلصت المقابله مع  icmc بشهر 10 2010 و لحد هذه اللحظه انتظر الوفد الامريكي؟ اشو طولت السالفه؟ و اتصلت بالاتراك بالايميل كالوا شغلتك انقلت لل uscis؟ بس المده طولت و الله كريم؟

و اخيرا اشكرك هوايه على تواصلك معنا و انشا الله نسمع منك و من شجرة الدر اخبار سعيده

موفقية

[uae123]

مرحبه  سوبرمان بغداد شنو تقصد بكلمة  uscis ممكن توضحها الي شكرا

[سوبرمان بغداد]

uscis هي لجنة الهجرة الامريكيه و اللي هو نفسه لجنه المحلفين (الوفد الامريكي)

[سوبرمان بغداد]

uae123

حضرتك اتصلت بالامم المتحده ماكو خبر على شغلتنا؟

[uae123]

خابرت الامس وقالولي ماكو لحد هسه اي خبر يمتى يجون

[هندي احسن مني]

اخي العزيز سوبرمان بغداد المحترم
حسب ما عرفت انو انت اكثر من مرة تصير عندك مقابلة مع ICMC يعني حوالي 3 مرات خلال سنتين بس ظروفك ما كانت مناسبة حتى تعمل مقابلة... سؤالي يا ريت اعرف لجنة ICMC كم مرة يجون الى ابو ظبي حتى يسوون مقابلات؟؟؟ لان والله اقامتي بخطر وكلش خايف ان انتظر فترة طوووووووووووووووويلة بدون جواب. مع التحية

[سوبرمان بغداد]

اخي العزيز هندي
همه عادة يجون بالصيف شهر 6 او 7 او 8

بس انت تكدر اذا لا سامح الله خلصت اقامتك تبقه و تسوي بالاخير محكمه
او
تروح لبلد ثاني مثل الاردن و تروح لمدام مي و تخبره ان تنقل فايلك لذاك البلد عادي اوكي ما بيه اشكال


هذه بعض الحلول

موفقية

[هندي احسن مني]

اشكرك اخي على الرد اني اساسا جان ملفي في سوريا ونقلته الى ابو ظبي وهذا الشي صار كلش صعب انه ارجعه وخصوصا عمان ما دخل الا اذا واحد عنده اقامة واني جوازي عند الشركة ومو سهل انه اخذه الا بعد ما يكنسلوه؟ الله يكون بعون الجميع

[هندي احسن مني]

زين اخي ما اكدر اراسلهم او احاول يوجدولي حل معين او يقدمون استثناء ان يجوون باسرع من هل الوقت؟؟ المصيبة على هل الحجي اذا يتاخروون لهل الاشهر شوكت يقابلوني وشوكت يدرسون الملف؟؟ وشوكت يحولوني على المحلفين؟؟؟ وشوكت يقابلوني المحلفين؟ والامنية ؟؟ وال وال وال؟؟ يعني شنو هاي سالفة يرادلها سنين فوك السنين الي راحت؟ والله شكوى لغير الله مذلة .... عذروني اخواني على الاطاله بس مدا اعرف شسوي من ورا هل الروتين القاتل.

[ملك الحيرة]

والله ياخوي اكو منظمات ممكن تساعد في ايجاد عمل قريب من اختصاص الشهادة يعني اذا جبتها وياك ما راح تضر اذا ما نفعت . اما بالنسبة لأسعار الدراسة فما عندي خبرة بيها حاليا لكن في كل الاحوال اي شهادة تقدر تحصلها والحكومة تدفع الرسوم مال الكلية على شكل قرض ميسر ترده من تبدي تشتغل .
اما بالنسبة لدراسة الاطفال فهي مجانية لحد عمر 18 سنة .. واذا كان الطفل عمر 17 فالحكومة تغطيه لمدة 3 سنوات
ايجار البيت 700 مكون من 3 غرف , صالتين , حمام . مطبخ . بيسمنت (قبو) والمنطقة جيدة جدا .. هذا السعر شامل الهيت(التدفئة) لأن هنا التدفئة غاز طبيعي وغالية ممكن شهريا توصل 200 دولار لأن مناطقنا ثلوج .. هسة عدنا توصل 5 تحت الصفر اما بالشتاء توصل مرات 25 تحت الصفر هذا فيما يخص ولاية اوهايو .
انا بالنسبة الي قابلت وياك بنفس الفترة بس كانت مقبلتي للمرة الثانية مع الوفد الامريكي وبين المقابلتين كانت فترة سنة . بس توقعاتي الكم شهر 5 انشاءالله تفرج الامور .. لأن الاستعدادات الكم هنا جارية على قدم وساق.

تحياتي للجميع واني حضر لأي خدمة اقدر عليها انشاءالله وتمنياتي بالموفقة للكل

اهلا اخويه ملك الحيرة و شكرا جزيلا و انطو الصراحه الوجبة اللي راحتتعطونا الامل بالمستقبل انشا الله

اريد اسئل الواحد اذا يريد يشتغل اكو شهادات واحد يكدر ياخذها منا بالامارات و يشتغل بيها هنا لو لازم ادرس من جديد و الجامعات اذا ردنا نكمل دراساتنا هناك اسعار الدراسه جيده مقبوله بحيث واحد يدرس و يحصل شهاده منهم؟

و دراسة الطفل بالمدرسة مجانيه لو لازم ادفع مثل ما هنا مبالغ طائله؟

و الايجار 700 دولار هذه لبيت مكون من كم غرفه و هل النوعيه جيده لان سمعنا الناس تكول يكعدونا ببيوت تعبانه؟

و بالنسبه للحاله مالتي اني خلصت المقابله مع  icmc بشهر 10 2010 و لحد هذه اللحظه انتظر الوفد الامريكي؟ اشو طولت السالفه؟ و اتصلت بالاتراك بالايميل كالوا شغلتك انقلت لل uscis؟ بس المده طولت و الله كريم؟

و اخيرا اشكرك هوايه على تواصلك معنا و انشا الله نسمع منك و من شجرة الدر اخبار سعيده

موفقية

[سوبرمان بغداد]

اشكرك اخويه ملك الحيره

وفيت وكفيت و انشا الله اموركم طيبة

ادعيلنا نقابل الوقد الامريكي و نخلص من هذا التفكير القاتل بالاستقرار

[سوبرمان بغداد]

http://www.ankawa.com/forum/index.php/topic,270874.0.ht

اخوان اسفادوا من هذا اللينك بخصوص مقابله المحلفين

[sparky]

شكرا جزيلا

[حرامي الورد]

السلام عليكم اخواني الاعزاء لكم مني كل التحية من اول صفحة الى اخر صفحة ومن اول منشأ للبيج الى اخر واحد شارك بيها
هاي الصفحة تقريبا اذا مو اغلبها جمعت العراقيين المقيمين بالخليج وليس فقط الي بالامارات
احب اكلكم اني مقيم بواحدة من دول الخليج ومقدم على الاي او ام وقابلت العام الماضي مقابلة معلومات ى موضوعي وكلما اتصل بيهم يكولولي انك مستوفي للشروط ومحصل صفة اللاجئ وماكو اي شي جديد بشأن قضيتك .. اني بصراحة مكنت فاهم شسوي بصفة اللاجئ زين اذا كلولي خونة تفضل اقامتك تكنسلتواذا بالصدفة ادور بهذا الموقع الراقي واجد واحد من الاخوة كاتب بان الحصول على رقم ملف وصفة اللاجئ يحمي الفرد بمجرد الاتصال بالمنظمة ويبلغهم بحالتة همة يدخلون ويقدمولة المساعدة الي تتطلبها حالتة .. فبرأي الشخصي اشوف ان يحصل الواحد على صفة اللاجئ ورقم ملف ومن ثم ينتظر الوفود لانه وبمجرد حصل صفة اللاجئ هذا راح يخدمة او يحمي على اقل حد

لكم مني كل التحية والاحترام

[vaio]

مرحبا  بك اخي العزيز حرامي الورد  ومرحبا بكل الاخوة والاخوات الجدد

موضوعك الذي  اثرته جدا مهم وياريت كنت حطيت  رابط موضوع الاخ الي يكول ان رقم الملف وصفة اللاجيء يحمي الشخص من حرمانه من الاقامة  او كيف يتم التعامل معه وما نوع هذه المساعدة  من قبل اليو ان .

وياريت  كل الاخوة والاخوات الي يملك معلومة تثبت او تنفي ان يشاركنا بالموضوع للفائدة العامة

وشكرا


اخوكم فايــــــــــــو

[ملك الحيرة]

اخواني الاعزاء

مكاتب مفوضية اللاجئين في دول اغلب دول الخليج هي مكاتب تسيير اعمال وليست رسمية ولها صلاحيات كون اغلب دول الخليج لم توقع على اتفاقية حقوق اللاجئين .. ولا تستطيع عمل شيء بخصوص الغاء اقامتك ... والدليل على ذلك اشتراطهم ان تكون لديك اقامة سارية المفعول ..
بالنسبة لي جبتلهم تاشيرات دخول اقامة اولادي بعد وصولهم ... ما وافقوا على استلامها الا بعد تثبيت الاقامة بالجواز .. لأن مثل ما تعرفون بابو ظبي ما يثبتون الاقامة الا بعد عمل التامين الصحي وانا كان تاميني منتهي وما اقدر اسوي تامين اولادي الصحي الا بعد ان اجدد تاميني ... فاضطرين ان ادفع مبلغ 12 الف درهم حتى اجدد التامين مالتنا كلنا ... حتى طلبت من مكتب اليو ان يساعدوني بالمبلغ كالوا ما نقدر ما عدنا هيج صلاحيات

[vaio]

شكرا اخي ملك الحيرة ان شاء الله تكون بخير وصحة وعافية وسلامة انت والاهل
اخي  ملك الحيرة  نعرف احنا ان تقريبا جميع مكاتب اليو ان ما تقبل  تستلم طلبك اذا مو كنت مقيم في ذلك البلد بما فيها الاردن  مثلا .
بس السؤال اذا كان الواحد مقبول وعنده  رقم فايل  ويتعرض لعدم التجديد  شيسوي ؟

وهل اليو ان تقدر تساعده وكيف ؟

فايــــــــــــو

[ZOZO82]

ارجو من الاخت شجرة الدر او الاخوة والاخوات الاعضاء اعلامي هل يوجد تقديم من الامارات الى كندا ام التقديم فقط الى اميركا

مع شكري ودعائي للجميع بالموفقية

[ملك الحيرة]

الحل الوحيد ان ينقل ملفه الى دولة اخرى مثل سوريا ولو ان هذا الامر من شأنه ان يأخر سفره ولكن يبقى الحل الوحيد اذا لم تستطع تجديد الإقامة هو السفر الى دوله مثل سوريا ونقل ملفك الى هناك

شكرا اخي ملك الحيرة ان شاء الله تكون بخير وصحة وعافية وسلامة انت والاهل
اخي  ملك الحيرة  نعرف احنا ان تقريبا جميع مكاتب اليو ان ما تقبل  تستلم طلبك اذا مو كنت مقيم في ذلك البلد بما فيها الاردن  مثلا .
بس السؤال اذا كان الواحد مقبول وعنده  رقم فايل  ويتعرض لعدم التجديد  شيسوي ؟

وهل اليو ان تقدر تساعده وكيف ؟

فايــــــــــــو

[هندي احسن مني]

اخوان لكيت موقع يخص الحالات الانسانية وشؤون اللاجئيين واسم المنظمة هي OCHA ورقم تلفونهم هو 043681022
في دبي اتمنى ردودكم واستبيان شنو تكدر هاي المنظمة تخدم موضوع اللاجئيين العراقيين في الامارات وهل اكو فائدة منها؟؟؟
اتمنى ان يكون موقع مفيد ويساعدنا بشي...

http://ochaonline.un.org/MediaCentre/tabid/2674/language/en-US/Default.aspx

تحياتي للجيمع

[هندي احسن مني]

السلام عليكم اخوتي الاعزاء... اتمنى المساعدة بخصوص موضوعي والرد من اصحاب الخبرة والمعرفة؟ وارجوا ان لم ارهقكم بالاستفسارات حول اسئلتي,,,, وبارك الله بكم وبمساعيكم الحميدة.
اخوتي الطيبين... لقد مر لي اكثر من 3 اشهر على المقابلة الاولى وانا انتظر بفارغ الصبر ولم اجد من يساعدني لمعرفة نتيجة المقابلة؟ والمصيبة ان في جدارية اليو ان مكتوب خلال شهر سوف يتم اعلامكم بنتيجة المقابلة؟ ولحد الان لم يتصل بي احد بخصوص النتيجة؟؟؟ حيث ان لجنة ICMC لا تعلم شيئا بخصوص الموضوع وليس لديها اي فكرة وعبد السلام ايضا لا يعلم اي شيء بالموضوع. هل من الممكن التاخير يؤدي الى الرفض؟؟؟ هل هنالك جماعة قد تم رفضهم بين فترة المقابلة الاولى ومقابلة ICMC؟؟؟ وهل هناك اناس رفضو بعد مقابلة ICMC ولم يتم قبولهم لدى المحلفين؟؟؟؟ لماذا هذا التاخير كله هل هو بصالحنه ام لا؟
اشكركم شكر الجزيل على القراءة وتمنياتي ان لم ارهقكم بكثرة الاسئلة.. ودعواتي لكم بتحقيق كل الامنيات والسفر القريب.
مع الشكر والتقدير

[lugin]

السلام عليكم اخواني اخوان ممكن سوال والي يكدر ويعرف يرد ونكون ممنونين اله اني سويت مقابلات بالاردن واستلمت نتيجه محلفين شهر 2 سنه 2010 وراها اتصولو بينا وكالوا لازم كل واحد من دوله الاقامه يكمل فحولو ملفي الى الامارات وسوينا فحص با ابوظبي ودوره تثقفيه وكملنا هالكلام من شهر 10 سنه 2010 ولحد الان كلما اخابر يكلي ماواصله امنيه اخر تلفون اتصلنا بيهم بتركيا لان ماعرف غير هالرقم مادري انتو وين تتصلون وطلع واحد يحجي عربي مكسر كال انتو مقبولين على امريكا وكلشي مكملين بس لحد الان ما اجت الموافقه من امريكا زين شنو مقبولين وشنو ماجتي وسوال اخر انتو سامعين العام او هالسنه احد سافر من الامارات ونكون جد شاكرين للي يعرف معلومه ويجاوب مع خالص شركنا وتقدينا للاخوان جميعا .

[كتكوتة الحلوة]

مساء الخير الى كل الاصدقاء بهذا المنتدى الحلو اتمنى ان اكون صديقة الكم جميعا
حبيت اسالكم اني جديدة على هل الموقع وماشاله الكل خبرة بكل المواضيع واني كلشي مدا افتهم من هل المصطلحات العجيبة الغريبة!!! احب اسالكم اني جديدة على الامارات ما صارلي اسبوعين من جيت من بغداد ولحد الان ما طالعتلي اقامة بس وعدني ابو الفندق الي اشتغل بيه اني يمه انه راح يكملي الاقامة خلال هل الفترة الجاية فاريد اعرف شلون اقدم على اليو ان وين اخاف ما انقبل باي مقابلة يرفضوني؟ وشوكت اعرف نفسي انه قبلوني وراح اسافر... وهم اكو دول سهل تقبلني لان اني وحدي وعائلتي كلها بالعراق وما عندي قصة معينة لحد الان. شكرا الكم اصدقائي الحبابيين

العضوة الجديدة
كتكوتة الحلوة

[sparky]

السلام عليكم ياكتكوته
ومليار الهله بيج بهذا المنتدى اللي هو يخص المساكين الساكنين العمارات - يعني الامارات

عجبني النك نيم مالتج كتكوته والله يحفظك متزوجه وجهالك بركه الله يحفظهم الج انشاءالله

انصحك ان تتطلعين وتصرفين شويه وقت ولاتستعجلين على هذا الموضوع لانه انت اختاريتي
التقديم من مكان تعيس وينرادله خلك وصبر طويل فعلى كيفج

احتراماتي وتحياتي
اخوك سباركي - دبي

[sparky]

مرحبه مره ثانيه ياكتكوته ياحلوه

دزيت لك على ايميل الخاص رساله اطلعي عليها بسرعه
واني راح ادزلج كل المعلومات على الخاص مفهوم
راح ادزلج على الايميل الخاص بيج

سباركي-دبي

[sparky]

السلام عليكم اخويه هندي احسن مني

ساتفحص هذه المنظمه واحاول ان اعرف ماذا تستطيع ان تخدمنا باذن الله وسارجع بالاجابه هنا
لمجرد حصلت على كل المعلومات

بس صراحة ولااريد ان اخيب ظنك لكن اتوقع كلشي مايطلع لامن هذا البلد الامارات ولا من اي منظمه موجوده هنا
وكانها لعنه والدليل انظر للمنظمه مال اليو ان شغلهم بايك هوه وماعندهم فكره بالبطيخ والحجه انهم مارسوا عملهم حديثا هنا بالامارات حيث انهم مارسوا عملهم الرسمي بتقبل فايلات اللاجئين منذ الشهر العاشر 2010

تحياتي سباركي-دبي

[sparky]

مرحبه اخ لوجين وكل الهله بيك

انت ماكو داعي لقلقك اطلاقا طالما خلصت مقابلة المحلفين وايضا انت مثلما اخبرتنا انك استلمت النتيجه مال المحلفين
وهي مسالة وقت بسيط انشاءالله ويلفرجها ربي عليك
واحتمال اني وياك مقدمين مباشرة على البرنامج يو اس راب مباشرة على الاي او ام ومن عمان وفايلي يبدا 120
وصدكني حولوا فايلي لهنا منذ سنه ولحد الان انا لم اعمل المقابله مال المحلفين لحد الان فصدك اهنا الشغله بايكه هوه
بس انت لاتقلق لانه انت مخلص

اخوك سباركي - دبي

[lugin]

السلام عليكم مشكورين ايها الاخوه لكل من رد على سوالي وارجوا اي احد منكم يعلم او سمع بسفر احد من الامارات يخبرني وله جزيل الشكر  واخ سباركي انت تخابر هنا لو بتركيا واحنا ملفنا ايضا يبدا برقم 120 وطبعا تعرف انت هنا الوضع صعب للغائله وخاصه الي منتهيه اقاماتهم وماشيه عليهم غرمات بس الظاهر محد مسافر من هنا والله يستر لا نظل ننتظر للسنه الجايه لان الظاهر شغلتهم ميته هنا او ينتظرون يسفرون كل الموجلين وبكل الدول وبعدين اخر دوله يجون الامارات تالي ابو عتابه الله يفرجها على الكل ويسهلها يارب تحياتي للجميع .

[sparky]

عزيزي لوجين
اريد معنوياتك اعلى من هيج وصدقني لااكذب عليك ولاابالغ لكن الامور بما يخص اللجوء والهجره تمشي بمسار صحيح واكو ناس سافرت صدقني وماشيه الامور بس اني خوش انلطعت لطعه لانه من حولوا قضيتنا على الاي سي ام سي مال تركيا اللي هو متكفل كل قضايا اللجوء للعرقيين والايرانيين ويمكن الاثيوبيين وكذلك ماخذي قضايا الناس المتواجده بالامرات والخليج كله واليمن ولبنان
واويلس علينا

بس حالك افضل من هواي حالات وقارنها بيه حتى ارضيك ها زين هدات وضعك الان

واني قلبي مطمئن عليك لانه راح تسافر قريبا وتندعيلي تنفك الجبسه مالتي
خوش اتفاق اتفقنا لو راح تقلب علي ههههههه

اخوك سباركي - دبي

[lugin]

اخوي سباركي مشكور على كل شي والله يسمع من حلكك ويفرجها علينا جميعا لان الواحد مل من الانتظار ومايعرف شنو سبب التاخير كلمن يجي يكتب سبب واحد كال زيدوا اجور الطيران والاخر يكلك البانزين مال طياره ارتفع سعره وراح يغلون التكتات والاخر يكولك امنيه بسبب الظروف وطبعا محد يعرف الصدك وين لان ميكولون المهم النتيجه والمحصله تاخير زايد واحنا مناقصين تاخير واحدنا يريد يرسى على بر -على كل حال اخويه مشكور جدا على ردك وانشالله ربنا يسهلها وتفرج قريبا على الكل تحياتي للكل .

[ملك الحيرة]

اخوي العزيز
انا كنت بابو ظبي وحاليا بولاية اوهايو من 5 شهور تقريب ... اقرا صفحات الجمعية راح تلاحظ الكثير سافروا

السلام عليكم مشكورين ايها الاخوه لكل من رد على سوالي وارجوا اي احد منكم يعلم او سمع بسفر احد من الامارات يخبرني وله جزيل الشكر  واخ سباركي انت تخابر هنا لو بتركيا واحنا ملفنا ايضا يبدا برقم 120 وطبعا تعرف انت هنا الوضع صعب للغائله وخاصه الي منتهيه اقاماتهم وماشيه عليهم غرمات بس الظاهر محد مسافر من هنا والله يستر لا نظل ننتظر للسنه الجايه لان الظاهر شغلتهم ميته هنا او ينتظرون يسفرون كل الموجلين وبكل الدول وبعدين اخر دوله يجون الامارات تالي ابو عتابه الله يفرجها على الكل ويسهلها يارب تحياتي للجميع .

[كتكوتة الحلوة]

شكرا عزيزي على الملاحظة الي بعثتلي اياها على الرسائل واني سويت الي وصيتني عليه شكرا مرة ثانية على التنبيه الرائع

[سوبرمان بغداد]

اخوان السلام عليكم

انا اتصلت باليو ان  الاربعاء و طلعتلي بنيه يمكن كرايب مدام مي تكعد بالاستعلامات كالت مدام مي و عبد السلام مسافرين ما موجودين و الاسبوع هذا ماكو محاضرات من الاسبوع الجاي راح يبدون
و سألتها على الوفد الامريكي كالت بعد ما محددين وقت لحد هذه اللحظه و الله يسهله على الجميع


ننتظر

[sparky]

السلام عليكم جميعا

الاخ العزيز " هندي احسن مني " اني جيكت هذا العنوان مال المنظمه الانسانيه وهذا مو اكثر من منظمه مساعده
لجمع التبرعات وهي عالميه ومنتشره بكل انحاء العالم وهي تعمل تحت منظمة الامم المتحده وهو ماتقدم غير
القضايا الاعلاميه لاسناد الامم المتحده ومهامتها العالميه وهنا يعتبر مركز اقليمي لعمل المنظمه الاعلاميه

يعني الملخص لايقدم ولايؤخر

اخوك سباركي-دبي

[sparky]

السلام عليكم عيني سوبرمان بغداد

سؤال رحمه لوالديك

اني الفايل مالتي متحول من الاردن الاي او ام الى اي سي ام سي - تركيا منذ الشهر الثامن 2010
ومنذ ذاك الوقت ولحد الان لاحس ولاخبر ماتكولي شنو اسوي الله يرضى عليك
اتصلت بااي سي ام سي والظاهر هذوله نايمه عليهم الطابوقه وماعندهم فكره بالبطيخ والركي
ويقولون انتظر    سؤالي هل عندك فكره هيئة المحلفين كم مره يجون للامارات ؟
انت مثلا متى كانت مقابلة المحلفين مالتك ؟ شكد وراها اخذت وقت للموافقه الامنيه ؟
وشوكت وراها الفحص الطبي كملته    الله يرضى عليك ويوفقك برد كلبنا على هذا الموضوع لانه ممكن الواحد يروح لبلد
ثاني فقط علمود يخلص هذا الموضوع وينتهي السقف الزمني اللي غير معروف واللي هو هذا متعب معظم العراقيين
انتظر انتظر ولهذا طلعت روحنا وملينا الانتظار وضيعنا وقتنا بالقال والقلت والسب والشتم على فلان وعلان

انتظر اجابتك ياطيب

اخوك سباركي - دبي
بالمناسبه رقم الكيس مالتي يبتدا 120 مال الاردن ومقدم مباشر الاي او ام برنامج يو اس راب - صحفي

[sparky]

اسف اسف اسف

سؤالي السابق كان معني للاخ " ملك الحيره " وليس للاخ "سوبرمان بغداد" فاسف
وسامحنا


الاخ ملك الحير نحن جميعا بانتظار ردكم الغالي الله يرضى عليك

تحيات سباركي-دبي

[sparky]

اخواني أخواتي
رغم انا وصلنا امريكا لكنني يحزنني ان ارى من اتعبهم طول الانتظار
عندي مبادرة عسى ولعل ان تنفع في لفت الأنظار الى من ينتظر التوطين
ساجمع مشاركاتكم في هذا الرابط وأرسلها الى كافة الجهات الانسانية الحكومية وغير الحكومية هنا في امريكا لعلها تنفع في لفت الأنظار
هذا رابط الموضوع

http://www.ankawa.com/forum/index.php?action=unreadreplies

عزيزي الغالي ياملك الحيره

هذني المنظمات الانسانيه اذا موجوده عند ابعثها لنا وسنقوم بارسالل استغاثتنا لكي نلين كلوبهم علينا
وبلكي نفلح ونجيب نتيجه في ان يبعثوا هيئة المحلفين لهنا واخلص

اخوك سباركي - دبي

[هندي احسن مني]

شكرا اخوبة سباركي على التقصي ... وصدك سالفتنه حيل تعبانة ان شاء الله تفرج علينه وعليكم يارب

[حرامي الورد]

اخواني الاعزاء
لكم كل التحية
بصراحة فاتتني سالفة اللنك واعتذ من الجميع
ولكن بعد اطلاعي على ردودكم سألت شخص موجود يمي ومقدم وما عندة اقامة والفايل باسمة يعني مو باسم احد من افراد عائلتة كال الصراحة من قابلت وسالني كلي عندك اقامة كتلة لا معلق استلم كل الاوراق والمستمسكات والفورم وكل ماله علاقة بالتقديم .. وهذا الشخص قدم صورة عن كل صفحة بالجواز موجود بيها ايام السفر والطلعات والمطارات الي فات بيها ورجع بيها للخليج الي يثبت ما عندة اقامة .. وعذرا اخواني همة موغشمة .. ونفس الشخص تحدث عن قصة شخص تفنش اي انهيت خدماته بصورة مفاجأة دون اي ابلاغ رسمي وقام بتبليغ شؤون اللاجئين الموجودة بالبلد كذا وكذا صار وياية وعند كذا فترة للبقاء بالبلد والهيئة اتخذت الاجراءات وسافر من دون ما حولت ملفة لاي دولة على اعتبار انو كان هالشخص راتبة على قدر العيشة ومعيشتة باي بلد حيشكل صعوبة علي .. ومن الضروري ان مننسى هاي منظمات انسانية
اجمالا ما احب احبطكم بس اني اتصلت على المنظمة وبلغوني انو اعمالها واقفة وماكو اي مواعيد لا سفر ولا مقابلات بسبب اوضاع الوطن العربي
لكم مني كل التحية

[sparky]

السلام عليكم جميعا بدون استثناء ولكن ضروري ان نذكر الناس التي انشات هذه الصفحات الرائعه والتي تجمعنا نحن المساكين العراقيين اللي بالخليج ونها الامارات واخص الاسماء كما مدرج ادناه : يعني خطاب رسمي مال دوائر دوله

الاخت الغاليه تاج راسنا شجرة الدر - شجوره
نائب التحرير للصفحات - الاستاذ ابو الزووز الورده
الاخ ملك الحيره
الاخ ايادكو
الاخ يواي اي123
الاخ المحرر الحريف - فايو
ابو الاساله الحلوه ابو راجو
الفطحل للاي سي ام سي - كريستوفر العراقي
ام البنات الحنينه وحايره ببناتها - الغاليه ام لافيتا
الصحفي العراقي
طبيب مغترب
الكتكوته الحلوه
الوسمي - اسم على مسمى
دودو3
جزر القمر
ارضنا الطيبه
جامبو
سوليتير
سوبرمان بغداد
ابو روز
فريدوم فورافر
تنتون
اريد اروح
ابو فراس
سمنجي
بغداد كوست
امل 2
عمار بطل
رعد متير
نور الموسوي
وتاج راسي اختي الورده اللي ساعدتني كثيرا هي الاخت - ريم عبد
عمر سامي
وخلونا نكتب انجي لاتروح تزعل علينا كلنا وهي تستحق دون شك كل الاحترام والتقدير ولاقصرن بالجميع
فريدوم فورافر
احمد
وحبي الساحه - الخفيف الظل ددوفي


الان بشرفكم ماتحسبون انه هذا المجهود ان يكتب بحقي كلمه حلوه - لا عمي اجري على الله احسن
بس حلو الواحد يقول كلمه طيبه لانه بالكلمة الطيبه صدقه وتؤجر عليها باذن الله الواحد الاحد

وارجع واقول انا بخدمة الجميع
واللي عندي من المعلومات هي بدون شك نتاج اخوه كثيرين وطيبين نوروني بكل المعلومات هذه وجزاهم الله عنا الف خير
وهانحن نعمل نفس الشئ لنخدم الاخرين وتتواصل رسائل الخير والمحبه وروح المساعده

هسه بعد كل هذا الكلام اريد من الاخت انجي ان تنطيني شاره اضافيه يعني احصل نجمه اخرى للتميز واذا ماحصلت من انجي فراح اسرق واحده من النجمات الهوايه لو مال شجوره لان هذه الصفحه مالتها لو من ريم عبد
واخر الكلام ينتهي بالصلاة على رسول الله محمد وعلى اله وصحبه وسلم اجمعين

اخوكم
سباركي

[sparky]

الحاقا بكتابنا المدرج ادناه فنرجو المعذره لاننا نسينا اسمين عزيزين لاخوين هما
حرامي الورد
والاخ الكريم - هندي احسن مني -

فنرجو مسامحتنا

سباركي

[ملك الحيرة]

اخوي العزيز
بالنسبة لهيئة المحلفين تجي للامارات الشهر 8 من كل عام حسب متابعتي من 2008 من اول ما فتح مكتب اللجوء الحالي في منطقة البطين ... ولكن مع ذلك نصيحتي لك ان تتصل وتبعث ايميلات الى تركيا بين فترة واخرى يعني ( اخبصهم) حتى يكون في بالهم انه وضعك محرج للغاية .. وسلامي

السلام عليكم عيني سوبرمان بغداد

سؤال رحمه لوالديك

اني الفايل مالتي متحول من الاردن الاي او ام الى اي سي ام سي - تركيا منذ الشهر الثامن 2010
ومنذ ذاك الوقت ولحد الان لاحس ولاخبر ماتكولي شنو اسوي الله يرضى عليك
اتصلت بااي سي ام سي والظاهر هذوله نايمه عليهم الطابوقه وماعندهم فكره بالبطيخ والركي
ويقولون انتظر    سؤالي هل عندك فكره هيئة المحلفين كم مره يجون للامارات ؟
انت مثلا متى كانت مقابلة المحلفين مالتك ؟ شكد وراها اخذت وقت للموافقه الامنيه ؟
وشوكت وراها الفحص الطبي كملته    الله يرضى عليك ويوفقك برد كلبنا على هذا الموضوع لانه ممكن الواحد يروح لبلد
ثاني فقط علمود يخلص هذا الموضوع وينتهي السقف الزمني اللي غير معروف واللي هو هذا متعب معظم العراقيين
انتظر انتظر ولهذا طلعت روحنا وملينا الانتظار وضيعنا وقتنا بالقال والقلت والسب والشتم على فلان وعلان

انتظر اجابتك ياطيب

اخوك سباركي - دبي
بالمناسبه رقم الكيس مالتي يبتدا 120 مال الاردن ومقدم مباشر الاي او ام برنامج يو اس راب - صحفي

[sparky]

اخي العزيز ملك الحيره

انا ممنون جدا منك وللمعلومه هذه واللي جتني كفخ على راسي
لك عيني دخيلك يعني ممكن اذا اظل انق وابزع روح الخلوفوهم جماعة تركيا فممكن
انجيب نتيجه ويجون فدوه الله يرضه عليك وعلى اهلك ياطيب

اخوك
سباركي

[sparky]

حبيبي ياملك الحيره
ماكو فد ايميل ممكن نبعث فيه شكوانا لله ثم مثلا ايميا مال المحلفين USCIS
ننطيهم بواجي على لطميه بلكي يحنون  شتكول عزيزي؟

[ملك الحيرة]

اخوان
USCIS هو مكتب دائرة الهجرة وهو جهة تنفيذية وليس جهة قرار وهم محددين بجدول زمني للتحرك على الدول التي يوجد فيها اشخاص يشملهم برنامج اعادة التوطين .. يعني مخاطبتهم بكل حال من الأحوال ما بيها فايده الموضوع اذا وصل يم دائرة الهجرة الامريكية دواه الوقت فقط والصبر ...  اسف ولكن هذي هيه الحقيقة المرة

حبيبي ياملك الحيره
ماكو فد ايميل ممكن نبعث فيه شكوانا لله ثم مثلا ايميا مال المحلفين USCIS
ننطيهم بواجي على لطميه بلكي يحنون  شتكول عزيزي؟

[sparky]

فدوه يالطيب اتحمل اسالتي
كم عدد المرات اللي يتواجد فيها هيئة المحلفين لقضايا الناس اللي مقدمين مثل حالتي
على برنامج اليو اس راب - تقديم مباشر اي او ام
كم عدد المرات اللي يتواجدون فيها بالاردن انا متاكد اكثر من مره مو مثل الامارات مره واحده
وشنو رايك بالعراق لو الواحد ممكن ينقل ملفه لهناك علمود فقط يلحق ان يعمل هذه المقابله ويخلص
والف رحمه لوالديك شتكول ولو فكره بيها شويه مبالغه بس رايك الله يرضى عليك

اخوك
سباركي

[ابو فراس]

السلام عليكم شباب بعد التحيه والسلام

قبل اسبوع اجوي الامم المتحده لقطر ودزوا على الي مقابلين اول مره بس اوراقهم مكملانه والي يروح يقابل ويكمل اوراقه راسا ينطوا رقم فايل بس ذوله اجوي من الفرع الرئيسي مال السعوديه UNHCR يعني المسؤل على دول الخليج كلهه يعني بعدهم مناسين دول الخليج الله يسهل على جميع العراقين .
 تمنياتي للجميع بالموفقيه.

اخوكم ابو فراس

[sparky]

الاخ ابو فراس
الله يبشرك بالخير

سباركي
الامارات

[vaio]

يابة شني هاي منين طلعت الشمس اليوم  حبيبي ابو الزوز مشتاقين  وين الغيبة 

مثل ما كلت نخليها على الله  وهو ارحم الراحمين وما اعتقد الالحاح يفيد بشي  لان الي يريده الله يصير شئت ام ابيت .

بس انا مستغرب من شي  ليش انا  انطوني فايل نمبر وانا اصلا ما مسوي مقابلة  صحيح انا مقدم من زمان من 2009

هل هاي الشغلة طبيعية ؟ ما ادري  . هل غيرو البروسيجر مالهم ؟ هم ما ادري .

وتحية لكل الاخوة والاخوات

فايـــــــــو

[هندي احسن مني]

اخي العزيز Zozzz الورد
اشكرك على التحية الحلوة الي قدمتها الى اخوانه واتقدملك بالنيابة عن اخوتي بالشكر والامتنان وفعلا انت تستحق جدير الاحترام والمحبة من الجميع و احيي اصلك الطيب يا الغالي وتمنياتي لنا ولكم وللجميع بتحقيق المبتغى والوصول الى بر الامان.


السلام عليكم
أخويه العزيز سباركي والاخوان جميعا واخويه العزيز ملك الحيرة الوردة الي متاخر عن اي واحد بلرد عله اسالته نكلك رحم الله والديك وفي ميزان حسناتك وبارك الله بيك اخويه يمكن الشخص الوحيد الي بقه يتواصل ويه اخوته الموجودين بلامارات بعد سفره الى الولايات المتحدة اكلك شكرا نيابة عني وعن جميع الاخوه الاعضاء في جمعيتنه ...واخويه العزيز فايو تحيه طيبه ان شاء الله امورك بخير ..واخي العزيز سوبرمان بغداد وصل ردك ورحم الله والديك...
واخويه الي صدك اسمه هندي احسن مني  احب اكلك مو بس انته تنطبق عليك هاي التسميه وانما كل العراقيين المكاريد هذا حالهم وعاشت ايدك عله هذا الكلام الي صدك عبرت بي عما كان يجول بخاطري بس شسوي بل نهايه مابيدنه شي غير نكول الله كريم وان شاء الله تفرج والكل توصل الى بر الامان ....

اخوان اني اسف لعدم مشاركتي واخص بلذكر اخويه فايو (لانه كذا مره سالني وكال اريدك ويانه وكلكم والله اخوان واعزاء) بس اني متابع ووياكم عن كثب بس والله لو عدي اي خبر اكتبه بس ماعدي شي لحد هل لحظه عدي جماعه بوقتها سوو مقابله العام ويه عبدو وانطوهم فايل نمبر والحد الان كلشي ماكو لا خبر ولاجفيه ومنتظرين ال ICMC واني كم مره خابرتهم كالولي احنه نتصل بيك واني هم بزعت بصراحه روحي وخليتها على الله شوف الله شكاتبله للانسان يشوف ...وشكر اخير الى اخويه شيخ الشباب سباركي واحب اكلك يمعود عله كيفك ويايه ويني وين هل المسمى الوظيفي ((نائب تحرير الفحات)) هاي شنو يمعود شنو هل دعايات عمي اني حالي من حالكم واشكركم اخوان واني اي شي يجد راح ابلغكم بي
في امان لله

اخوان الاعزاء
اليوم دخلت على موقع كاتبيين بيه الواحد يرجع الى العراق اشرف من اميركا .. ومع الاسف احد الاعضاء الي موجودين كاتب بيها انو الي يقدم على اميركا هو عميل ومتخاذل ويريد يبيع بلده؟؟؟ وليش هو العراق احسن لو امريكا ؟؟؟ فحبيت اكللكم االفروقات اذا احد يسالكم هيجي انه العراق احسن لو امريكا؟؟؟
اولا العراق احسن لو الاردن ؟؟؟؟ الجواب الاردن والسبب مليونيين عراقي حاليا بالاردن كاعدين عطالة بطالة بس من ورا الوضع التعبان الي بالعراق بكافة تفاصيلة والي انتو تعرفوه بس ما راح نشوف اردني يجي يدور شغل بالعراق الحالي؟؟؟
2- الاردن احسن لو دول الخليج؟؟؟ الجواب دول الخليج لان اكيد الاردني المحظوظ يتمنى يلكه عقد عمل بالخليج في حين الخليجي عمره ما فكر يشتغل بالاردن
3- دول الخليج احسن لو اميركا ؟؟؟ الجواب اميركا والدليل اني حاليا اشتغل بالخليج وابجث عن استقرار؟؟؟
اخوان ؟؟؟ حوار عقيم بهذا الموضوع؟؟؟ الجواب الفاشل فاشل لو يسووه رئيس دولة اكيد بس بالعراق الفاشل بصير رئيس دولة.
اما بخصوص الحواسم فافضل دولة لهم هي ( ال.....) لانها الوحيدة الي تلفي ؟؟؟؟ () بس اكيد دول الي بيها قانون ورعاية اجتماعية وتامين صحي وتعليم عالي وتطور الى الامام ما تفيده؟؟
ملخص شوفولكم واحد عايش باميركا صارلة 20 سنة شوفو حالته ووضوعه وراها سالو ترجع لو لا وشوفو شيكوللكم
وشوفو واحد صارلة 20 سنة بالعراق العظيم يشتغل سالوه على وضعه وكولوله تتمى تروح لاميركا وشوفو شيجاوبكم؟؟؟ بس تحت شعار الي ما ينوش العنب يكول عليه حصرم؟؟؟ على اساس هسة هي واكعة بايدنه وده يتوسل اوباما بينه!!! ضحكتوني وذكرتوني بالعراقيين من يرجعوهم على حدود عمان لانهههههههههههههههه عراقي .
وسالني شتقصد بال دولة ال ( ) والحواسم ال ( ) وليش اسمك هندي احسن مني فجاوبته :-
دولة ال( ).. ماكو احد ما يعرفها... الي بيها حكومة تكنوقراط اميين؟؟؟ سياستها الزم الكرسي باسم الدين؟؟؟ دولة تخلي المجرم والحرامي هو المسؤول الامني ؟؟؟ وتخلي الامي والمزور هو المرجع والمقرر ... وتخلي الحاقد والظالم هو السياسي والمفكر... وشعبها الغني والمثقف حولوه الى فقير ومتخلف وامنيته يكون لاجيء ... اكيد صعبة ان نعرف هذا البلد وين يصير ؟؟؟ لان احنه بعيدين كل البعد عن هل الامور ؟؟ الله يحمي حكومتنه الرشيدة وتحت شعار نحن نمضي وهم باقوون؟

اخوية العزيز سالتني عن ليش اسمي هو الهندي احسن مني راح اجاوبك مختصر المطول مع تحياتي وكل الاحترام للجميع
كلمة هندي احسن مني ليش كلتها ؟؟؟ خلي نشوف .. الهندي يقدم فيزا ل اوربا تطلعله بسبوعين؟؟؟؟ بس العراقي هههههههه اكيد اسرع منه؟؟؟ الهندي يقدم على دراسة باميركا تطلعله باقل من 3 اشهر لان جامعهتهم انكليزية... اما العراقي ؟؟؟ 5 دقائق لان شهادته مثل شهادات اهل البرلمان العراقي كلش مضبوطة؟؟؟ الهندي ما يوكف بالطابور ويلزم سرا على الجوازات وبعدين يرجعوه ويكولوه ما تدخل لاي دولة واقرب دولة ليش ندوخ الاردن ... في حين احنه هوايا ايام نحجز طيارة ونوصل لعمان ويرجعونه حشا السامع مثل (؟؟؟؟) ... بس ترى همه يحبونه ويشاقوون ويانا وتحت شعار من حبك لاشاك؟؟؟  الهندي يقدم على شغل بالخليج تطلعله بخمس دقائق موفقة عمل واقامة بينما احنه اووووووووووووف من احنه ؟؟؟؟ يجيك رفض ترس بالوجه وبدون سبب لان احنه (هندي احسن منه)؟؟؟
اخيرا وليس اخرا... تعرف ليش الهندي احسن مني و من؟؟؟ي ؟؟؟؟ لان عنده وطن !!! يروح يفتر يشرق يغرب ويكونله فلوس ويرجع معزز ومكرم؟؟؟ ماكو احد يكوله انت هندوسي لو سيخي لو مسلم لو مسيحي؟؟؟ يكولوله انت هندي وماكو فرق عنك وعن غيرك الا بالعمل والقوانين والالتزامات الاجتماعية؟؟؟ بينما احنه ... تمسي اسمك علوان يكولولك انت طائفي تسميه خربان يكولك انت من حزب النازي تمسيه زربان يكولولك شيصيرلك زربان خضر هادي ولهذا ارفع راسك انت عراقي. حبيبي فهذا السبب اسمي هيجي؟ لان يعكس الواقع العظيم. مع التحية للجميع

[هندي احسن مني]

تحية طيبة الى اخي فايــــــــــــــــــــــــو

احب اجاوبك على استفسارك مع معذرتي للاخوتي الى عدهم معلومات اكثر مني....
بما يخص موضوع رقم فايل احب اوضحلك انو ماله دخل رقم الفايل باجراءات المعاملة؟؟؟ لان الفايل نمبر عبارة عن حالة مسجلة في مقر الامم المتحدة لشؤون اللاجئيين لكي يتم النظر بها, حيث ان كل مقدم لجوء يجب ان يكون له رقم فايل حتى يكون من ضمن الطالبيين ام الغير مسجل فهو لحد الان لم يعتبر من احد طالبي اللجوء.
ان عدم تسجيل بعض الافراد وعدم اعطائهم ارقام ملفات في يو ان ابو ظبي فقط هي:-
1- تكون حالة طالب اللجوء وطلبه غير متطابقه مع الاسس الموضوعه في قوانين اللاجئيين.
2- كثرة الزخم يهدف الى تاخير تسجيل طلبات اللجوء في ابو ظبي لانه مكتب جديد حيث تدرس وتقيم قبل عملية التسجيل.
3- لا يشترط ان كل من سجل في منظمة الي ان هو لاجيء بل يسمى طالب اللجوء... لان عملية البت في ما يخص انه لاجيء او لا فيقرره المقر الرئيسي في جينيف وهو الذي يحدد ذلك بعد المقابلة الاولى مع ممثل الحماية.

بعد الموافقة على ان تكون لاجيء من حيث الاضرار التي لحقت بك؟ سوف يعطوك رقم ثاني هو يمثل رقمك الحقيقي كلاجيء انساني اما بخصوص الرقم الاولي هو فقط لمعرفة ملفك في مقر ابو ظبي.

 اتمنى من الاخ فايو معرفة هذه المعلومات البسيطة واتمنى ايضا ان تكون هذه المعلومات صحيحة.
مع تمنياتي للجميع بحظ اوفر 

[sparky]

السلام عليكم ورحمة الله وبركاته
هله ومية هله بالغاليين
اليوم جنت معزوم ويه صديق هندي ومؤدب بس نعل بليسه وكلني
غداء حرك معاليكي عبالك ماكل نار خطيه لانه يحترمني فاستحيت اخجله
بس انلاصت عليه ياشباب
نار نار من الكاري

[كتكوتة الحلوة]

شكرا جزيلا الى الصديق سباركي والى جميع الاصداقاء المشاركين بهل منتدى الحلو
اني راح اروح يوم الاثنين لل يو ان واشوف شيكولولي لان مشكلتي اني بابا وماما بالعراق واني هنا وحدي فما اعرف راح يقبلون ياخذون فايل باسمي وحدي بعد ما اعرف هو هسة اروح اشوف وان شاء الله خير بس حبيت اسالكم يعني هسة اني من اروح شودي ويايا وشنو الي راح يصير بالضبط معليه اني ابجي هناك اذا كالولي ليش جاية وحدج وما يصير تقدمين وعمرج 20 سنة بدون كفيل ما اعرف شنو وشطلعج من العراق واهلج ما اجوي وياج غير اذا صدك هيجي يحجون ويايا الا ابسطهم كلهم وارجع

السلام عليكم ياكتكوته
ومليار الهله بيج بهذا المنتدى اللي هو يخص المساكين الساكنين العمارات - يعني الامارات

عجبني النك نيم مالتج كتكوته والله يحفظك متزوجه وجهالك بركه الله يحفظهم الج انشاءالله

انصحك ان تتطلعين وتصرفين شويه وقت ولاتستعجلين على هذا الموضوع لانه انت اختاريتي
التقديم من مكان تعيس وينرادله خلك وصبر طويل فعلى كيفج

احتراماتي وتحياتي
اخوك سباركي - دبي

[ملك الحيرة]

لا عزيزتي كتكوتة
همة يتعاملون وياج على اساس انساني اولا وثانيا انتي ما شال الله جبيرة ما تحتاجين كفيل ثم تقدرين تنطيهم اسم واحد بامريكا على اساس هو ( البوي فريند ) مالتج - عذرا ولكن الغاية تبرر الوسيلة - هذا اذا كان ما عندج قصة سلفا .. تحياتي وتوكلي على الله ما تخسرين

شكرا جزيلا الى الصديق سباركي والى جميع الاصداقاء المشاركين بهل منتدى الحلو
اني راح اروح يوم الاثنين لل يو ان واشوف شيكولولي لان مشكلتي اني بابا وماما بالعراق واني هنا وحدي فما اعرف راح يقبلون ياخذون فايل باسمي وحدي بعد ما اعرف هو هسة اروح اشوف وان شاء الله خير بس حبيت اسالكم يعني هسة اني من اروح شودي ويايا وشنو الي راح يصير بالضبط معليه اني ابجي هناك اذا كالولي ليش جاية وحدج وما يصير تقدمين وعمرج 20 سنة بدون كفيل ما اعرف شنو وشطلعج من العراق واهلج ما اجوي وياج غير اذا صدك هيجي يحجون ويايا الا ابسطهم كلهم وارجع

السلام عليكم ياكتكوته
ومليار الهله بيج بهذا المنتدى اللي هو يخص المساكين الساكنين العمارات - يعني الامارات

عجبني النك نيم مالتج كتكوته والله يحفظك متزوجه وجهالك بركه الله يحفظهم الج انشاءالله

انصحك ان تتطلعين وتصرفين شويه وقت ولاتستعجلين على هذا الموضوع لانه انت اختاريتي
التقديم من مكان تعيس وينرادله خلك وصبر طويل فعلى كيفج

احتراماتي وتحياتي
اخوك سباركي - دبي

[كتكوتة الحلوة]

لا عزيزتي كتكوتة
همة يتعاملون وياج على اساس انساني اولا وثانيا انتي ما شال الله جبيرة ما تحتاجين كفيل ثم تقدرين تنطيهم اسم واحد بامريكا على اساس هو ( البوي فريند ) مالتج - عذرا ولكن الغاية تبرر الوسيلة - هذا اذا كان ما عندج قصة سلفا .. تحياتي وتوكلي على الله ما تخسرين


ثانكيو ملك الحيرة على المساعدة وراح احاول اشوف شنو الحلول الممكنة والله يحلها اذا اراد.
شكرا مرة ثانية على النصيحة واتمنالك حياة سعيدة وبالتوفيق للجميع

مع خالص تحياتي
كتكوتة الحلوة

شكرا جزيلا الى الصديق سباركي والى جميع الاصداقاء المشاركين بهل منتدى الحلو
اني راح اروح يوم الاثنين لل يو ان واشوف شيكولولي لان مشكلتي اني بابا وماما بالعراق واني هنا وحدي فما اعرف راح يقبلون ياخذون فايل باسمي وحدي بعد ما اعرف هو هسة اروح اشوف وان شاء الله خير بس حبيت اسالكم يعني هسة اني من اروح شودي ويايا وشنو الي راح يصير بالضبط معليه اني ابجي هناك اذا كالولي ليش جاية وحدج وما يصير تقدمين وعمرج 20 سنة بدون كفيل ما اعرف شنو وشطلعج من العراق واهلج ما اجوي وياج غير اذا صدك هيجي يحجون ويايا الا ابسطهم كلهم وارجع

السلام عليكم ياكتكوته
ومليار الهله بيج بهذا المنتدى اللي هو يخص المساكين الساكنين العمارات - يعني الامارات

عجبني النك نيم مالتج كتكوته والله يحفظك متزوجه وجهالك بركه الله يحفظهم الج انشاءالله

انصحك ان تتطلعين وتصرفين شويه وقت ولاتستعجلين على هذا الموضوع لانه انت اختاريتي
التقديم من مكان تعيس وينرادله خلك وصبر طويل فعلى كيفج

احتراماتي وتحياتي
اخوك سباركي - دبي

[كتكوتة الحلوة]

شكرا ملك الحيرة وان شاء الله اشوف شنو الطريقة الاحسن ونحاول وشكرا مرة ثانية

لا عزيزتي كتكوتة
همة يتعاملون وياج على اساس انساني اولا وثانيا انتي ما شال الله جبيرة ما تحتاجين كفيل ثم تقدرين تنطيهم اسم واحد بامريكا على اساس هو ( البوي فريند ) مالتج - عذرا ولكن الغاية تبرر الوسيلة - هذا اذا كان ما عندج قصة سلفا .. تحياتي وتوكلي على الله ما تخسرين

شكرا جزيلا الى الصديق سباركي والى جميع الاصداقاء المشاركين بهل منتدى الحلو
اني راح اروح يوم الاثنين لل يو ان واشوف شيكولولي لان مشكلتي اني بابا وماما بالعراق واني هنا وحدي فما اعرف راح يقبلون ياخذون فايل باسمي وحدي بعد ما اعرف هو هسة اروح اشوف وان شاء الله خير بس حبيت اسالكم يعني هسة اني من اروح شودي ويايا وشنو الي راح يصير بالضبط معليه اني ابجي هناك اذا كالولي ليش جاية وحدج وما يصير تقدمين وعمرج 20 سنة بدون كفيل ما اعرف شنو وشطلعج من العراق واهلج ما اجوي وياج غير اذا صدك هيجي يحجون ويايا الا ابسطهم كلهم وارجع

السلام عليكم ياكتكوته
ومليار الهله بيج بهذا المنتدى اللي هو يخص المساكين الساكنين العمارات - يعني الامارات

عجبني النك نيم مالتج كتكوته والله يحفظك متزوجه وجهالك بركه الله يحفظهم الج انشاءالله

انصحك ان تتطلعين وتصرفين شويه وقت ولاتستعجلين على هذا الموضوع لانه انت اختاريتي
التقديم من مكان تعيس وينرادله خلك وصبر طويل فعلى كيفج

احتراماتي وتحياتي
اخوك سباركي - دبي

[هندي احسن مني]

اخوان الله يساعدهم ما كو اخبار جديدة
تحياتي

[freedom4ever]

اي اغاتي اكوا خبر جديد وهو
اتخسى الزمان اذا الهندي احسن مني لكن البنكالي او الباكستاني ممكن
 

[هندي احسن مني]

والله يا اخوية هسة دا ادور جنسية اني احسن منها ... بس الله عليك اذا لكيت نطيني خبر حتى اراوس وياه بلكت يقبل!!!!

[avalon05]

السلام عليكم
أخوان سؤال بخصوص ملئ استمارة اليو ان اذا امكن
في فقرة تفاصيل السفر- سؤال تاريخ المغادرة من العراق
لقد غادرت العراق سنة 2004 ومن سنة 2005 اني مقيم في الامارات
ولكني سافرت الى العراق سنة 2009 لستة ايام فقط لاستخراج هويات لاطفالي
فهل اكتب تاريخ المغادرة 2004 او 2009
مع الشكر الجزيل

 

[~احمد~]

السلام  عليكم

اخي لازم تذكر كل التواريخ
وروحة العراق متاثر باسباب

اني هم رايح للعراق وذكرت التاريخ بالتفصيل

وبالمقابله اخذ الجواز وكلبه وشاف التورايخ والسفرات
اذا انت عندك سفرات  وبالتوفيق ان شاء الله

لان في حال ماذكرتهه يعرفون بيهه

وانصحك اخي تحفظ التواريخ والاحداث زين

حتى تكون اجاباتك متطابقه بالمقابلتين

[كتكوتة الحلوة]

البارحة منو راح الى حفلة حسام الرسام؟؟؟ ترى اني ما عجبتني هوايا تاخر هوايا الى ان اجى

[vaio]

والله اختي احنا اذا اكو حفلة بيها عبد السلام ابو المفوضية نروحله   بس حسام الرسام ما نعرفه وبيا مكتب مفوضية يشتغل ؟ ايضا ما نعرف  لان ما سامعين بيه في عالم الهجرة واللاجئين .

فايـــــــــو

[سوبرمان بغداد]

رجاءا اختي

احنا بهذا المنتدى للاستفادة من معلومات الجميع بما يخص الهجرة و اللجوء

و شكرا

[كتكوتة الحلوة]

اسف اخوان على التعليق بس حبيت اخفف الجو عنكم لان الظاهر احنه ده ننتظر قطاااااااااار فاتنه من زمان لان احنه ده ننتظرا في مكان الغلط والتوقيت الغلط, واحب اوضح انه هذا مو كلامي لالا كلام المدام مي الي قابلتها يوم الاربعاء وكالتلي احنه تتعطل معاملاتنه مو مثل الاردن وسوريا والستاف الي عدنه كلش قل من ورا الاحداث باليمن وليبيا وسوريا وكافة الدول العربية فما انصحج تقدمين هنا حاولي تروحين لعمان احسن فهذا كان ردها وعلما انها هس مسؤولة اليو ان مو عبد السلام حسب ما افتهمت منها. ولهذا حبيت اعلق على حسام الرسام لان حفلته جانت ما حلوة بس اكيد احلى من حفلة مي وعبد السلام لان همه جدااااا مملين بتعاملهم.

[vaio]

الاخت كتكوتة الحلوة  .  لم يقل احد ان السيد عبد السلام هو مدير المكتب  وكلنا نعرف  انه موضف  وان الست مي هي المديرة . اما اخبار المطربين واخبار  الترفيه فمكانها ليس هنا مع الشكر .

الاخ دودو3  من حقك اخي ان تنقل  معاملتك الى عمان  واعتقد انك يجب ان تتصل بهم وتقول لهم لقد استجدت لي ضروف ويجب ان اغادر الى الاردن وارغب في سحب طلبي منكم  او الغائه .
ثم تبداء هناك من جديد
 بالتوفيق

[jacksparrow]

اخواني الاعزاء
ارجو ان تغيرو نضرتكم على المدام مي ترا هيه انسانه كلش مساعده وتهتم بالي يلجءون الها
لكن هي ما تكدر تسرعلكم معاملاتكم هذه مو شغله
بس انا جربته بامر وساعدتني كثيرا
بالامور الي تكدر تساعد بيها ما تقصر ولله الشهادة لله

[~احمد~]

صحيح  كلامك اخ جاك

مدام مي جزاهه الله خير

تعاملها رائع وانسانه طيبه
حسب تعاملنا معها

وهم الله يساعدهم عليهم ضغط وكادر قليل

واحنه نريد اوراقنه تمشي بسرعه من كثر المعاناة

بس هي مره موضفه وموبيدهه غير تقديم المعلومه المتوفره الهم

[هندي احسن مني]

الاخ العزيز دودو 3 ... ما تحتاج تسحب فايلك او تنقله لانه انت لحد هذه اللحظة لا يوجد عندك ملف في آليو ان... سوف يكون لديك ملف حالما يتصلون بك ويسجلونك على اساس شخص طالب اللجوء وبما انه لحد الان ليس لديك رقم تسجيل بإمكانك الذهاب مباشرة وتسجيل اسمك في عمان ويعتبر ملفك في أبوظبي ملغي حالما يتصلون بك على الهاتف وانت خارج الدولة . أتمني لك التوفيق

[سوبرمان بغداد]

السلام عليكم

لحد هذه اللحظه الوفد الامريكي ما اجه شنو القصه؟ ما حد يعرف اخبار جديده؟

[~احمد~]

وعليكم السلام ورحمة الله

هي شو  سنطه هالايام مجاي نسمع جديد

[sparky]

السلام عليكم جميعا

يابسه على تمن ( فاصوليا تنفخ ) يعني كلشي ماكو
لاجديد على الساحه وهذه حاله طبيعيه  سبات    سكون   هدوء
لكن لو اكو اثر لخبر مؤكد صغير لصار الكلام اكبر منه بالحجم ودمتم سالمين

تحياتي وتقبلوا مروري المتواضع

[هندي احسن مني]

ابشركم اليوم خابروني المفوضية وكالولي فايلك عرضو على اللجنة اعادة التوطين والنتيجة جانت مرفوض... يعني والله لو كاتليني احسن . لا اله الا الله
على اساس انه اني ما مستوفي الشروط وما اعرف شنو شروط اللجوء واكص ايدي اكو شرط باللجوء وما صاير عندي؟ وكلتلهم اسوي استئناف كالو ما يفيدك الاستئناف لان اللجنة اصلا ما موافقة. لا حول ولا قوة الا بالله العلي العظيم

[uae123]

الاخ هندي احسن مني انت مقدم مباشرة على اليو ان لو مقدم مباشرة على اي سي ام سي لان احنا كنا مقدمين على الاثنين كنا مقدمين على اليو ان وكنا مقدمين على اي سي ام سي من فتره اجانا الرفض مال اليو ان لان ما كنت موضحين بالوقه ان احنا اتهددنا بس بااي اس ام سي سوينا المقابله ومشت لامور لان وضحنا كلشي عن التهديد وهسه جاي نتظر المحلفين وانا قصدي اذا انت مشتغل ويا الامريكان جرب اتقدم على المنظمه مالتهم دايركت وانشاءالله خير

[هندي احسن مني]

الاخ العزيز UAE123  المحترم
اني نقلت ملفي من اليو ان مال سوريا الى اليو ان مال ابو ظبي ... ورا ما نقلته قابلت وسويت رجستريشن وراها سوولي مقابلة الاولى ورا المقابلة الاولى اتصلو بيه اليوم كالولي انت مرفوض من قبل لجنة اعادة التوطين؟؟؟ وما اعرف ليش مع العلم عندي كل المستمسكات القانوينة بمحاولة خطفي وتهديدي ؟؟ ويكولولي انت مرفوض من قبل لجنة الاميركان لاعادة التوطين على اساس اني ما مستوفي شروط التوطين ؟؟؟ ومدا اعرف شنو هل الشروط؟ وليش؟ فكلتلها اريد استأنف كالتلي ما تفيد لان على اساس انت اساسا اكو شروط ما مستوفيها فما راح تغير شي على الاستئناف... اما بخصوص الاي سي ام سي فاني جنت عل اساس منتظر همه يحولون ملفي الهم بس مع الاسف همه ما قبلو يحولون ملفي الهم لنفس السبب على اساس اني ما عندي شروط اعادة التوطين؟؟؟ والله حاير ومدا اعرف شسوي ؟ والمصيبة مدا اكدر ومدا اعرف شلون اقدم مباشرة على الاي سي ام سي لاني ما مشتغل ويا الاميركان!!!  مع الشكر والتقدير

الاخ هندي احسن مني انت مقدم مباشرة على اليو ان لو مقدم مباشرة على اي سي ام سي لان احنا كنا مقدمين على الاثنين كنا مقدمين على اليو ان وكنا مقدمين على اي سي ام سي من فتره اجانا الرفض مال اليو ان لان ما كنت موضحين بالوقه ان احنا اتهددنا بس بااي اس ام سي سوينا المقابله ومشت لامور لان وضحنا كلشي عن التهديد وهسه جاي نتظر المحلفين وانا قصدي اذا انت مشتغل ويا الامريكان جرب اتقدم على المنظمه مالتهم دايركت وانشاءالله خير

[vaio]

اخونا هندي احسن مني .
 احزنتنا بهذه الاخبار  المؤلمة .وان شاء الله يعوضك خير عنها .
اخي العزيز  مثلما تعرف ان شروط قبول الشخص كلاجي او عدم قبوله  تنحصر عموما في ثلاث اشياء
الاول ان تكون غادرت العراق لاسباب قاهرة خوفا من  تصفية او مضايقة او تهديد .والثاني ان تكون حاليا في غير مكان اقامتك (في غير بلد او في غير مدينتك ) والثالث انك يجب ان تثبت لهم انك غير قادر على العودة وهذا هو الامر الاهم .
وايضا من خلال  التبين من كل تلك الاشياء ياخذون بنظر الاعتبار المصداقية في القصة وسياقها  وعلى هذا كلة يعتمدون في النتيجة . وقد تكون كل الامور في صالحك عدى نقطة بسيطة لا تتخيلها  تكون سبب في رفضك.

نسأل الله العلي القدير ان يوفقك  لما هو احسن من اللجوء وان تتقبل الموضوع برحابة صدر لان الله عز وجل لم يرده لك  ولا شك ان ارادة الله  اصلح لك من ارادتك .

فايـــــــو

[raadmteer]

اخي العزيز هندي

يا اخي عسى ان تكرهو شيئا وهو خير لكم

والله العظيم ما تعرف الخير وين
هسه اني مو هنا بأمريكا والله العظيم اتمنى ارجع ولكن الفاس طاح بالراس بعد ما يفيد الندم ولا ترهم الرجعه
ياأخي التضحيه اللي تقدمهه اكبر من حجم الجواز واذا انته طالع على مود اطفالك فهنا راح يكون الهاجس اللي يحرمك النوم همه اطفالك من كثر التفسخ والانحلال اللي تشوفه حواليك.
وللعلم اني كنت المشجع الاول للناس انه تطلع واني بس بسيارتي يمكن موصل فد عشرين واحد للمفوضيه ولكن الشوف غير السمع.
اتمنالك كل الخير في اي مكان تكون فيه والله يسهل امرك

[sparky]

لاحول ولاقوة الا بالله العلي العظيم
اللهم انا لانسالك رد القضاء انما نسالك اللطف فيه
اللهم قدم الخير للجميع وبالذات خلقك اللي اسمهم انربط ببلد مشحون بالمشاكل والهموم والالام والحروب عبر الاف السنين انهم عبادك الفقراء انهم العراقيين

بدون ادنى شك اننا كعراقيين خسرنا ولانزال نخسر الكثير ونفتقد الكثير في هذه الدنيا
لكننا باذن الله لنا دار القرار ( الاخره ) صبرا جميلا ياعراقيين ماتضيج الا وتفرج

لااملك غير ماكتبته اعلاه واضيف
نسال الله ان يستر على كل العراقيين بدون استثناء وان يلطف بحالنا فنحن عباده
ولاحول والاقوة الا بالله العلي العظيم

[هندي احسن مني]

اشكر جميع الاخوة على الرد وتمنياتي للجميع بالتوفيق بس والله جواب كان منتهى الاجرام والتعسف لاني عمري لا خدمة لا جيش ولا جنت حزبي ومن يوم الي صار بيه ما رجعت للعراق ابد و عندي وثائق رسمية بالحادث الي صارلي والتهديد ومصدقة وقصتي حقيقية بدون ادنى شك وما زيدت كلمة وحدة او نقصتها بس والله حرام ما اعرف ليش كلش متفاجيء ومصدوم والله من الجواب ولحد الان مدا اصدك الي صار عبالك كابوس وما ادري همه اللجنة اعادة التوطين ليش ترفض هسة لو اي سي ام سي هسة لو المحلفين رافضين جنت اكول احتمال لان المحلفين ما عجبتهم القصة يعني اني اصلا ما وصلت مرحلة المحلفين زين ليش ما ادري وال يو ان مدا ينطوني اسباب الرفض يكولولي بس انك على اساس ما مستوفي الشروط. والله تعبنه يا اخوان والله العالم بالحال.

[freedom4ever]

الله يعوضك كل خير اخي

[سوبرمان بغداد]

اخي هندي احسن مني

قل لن يصينا الا ما كتب الله لنا

[هندي احسن مني]

لا حول ولا قوة الا بالله

[uae123]

يعني قصدك ما راح يجون المحلفين بهاي الايام ؟

[سوبرمان بغداد]

السلام عليكم

اخويه العزيز. اني اتصلت بيهم قبل ايام قليله و كالوا يمكن الوفد الامريكي يوصل بشهر 5. و ما كالوا ابد بانه متوقفه الاجراءات. و عندي صديق قدم قبل اسبوعين و هسه اتصلوا بيه كالوا دخلت بالاجراءات و انتظر ندرس حالتك طبعا هو بالبدايه بس ما كالوهه توقفت الاجراءات و انشا الله خير

[sparky]

السلام عليكم جميعا
مكتب اليو ان الموجود باابو ظبي بقياده الهانم مي كادكوي لايحل ولايربط وهم جديدين على هذا الشغل وهذا الزخم الكبير من الطلبات للهجره وبالذات منذ ابتدائهم استلامهم المعاملات رسميا ومنذ الشهر التاسع 2010 حيث استحصلوا الموافقات الرسميه لممارسة اعمال تمشية معاملات المهجرين بصورة رسميه من دولة الامارات . الان اذا تريد تستفسر بخصوص اي شئ فاذا حصلت على معلومه صغيره فهذا جيد لانه اجاباتهم ستنحصر باحد الكلمات او الجمل ادناه
ليس لدينا فكره ونحن لسنا اكثر من ناس تسهل ترتيب الاوراق ليطلع عليها الامريكان وهم الذين يحددون ويبتون في مواضيع الكيسس المقدمه....
نحن لانعرف متى ياتي المحلفين وسنحيطكم علما بذلك عندما يتسنى لنا معرفة هذه الامور...
الكل ياخذ نصيبه من السره وليس هناك واسطات او قفز في تقديم المعاملات....
نحن لم ولن نوقف قبول المعاملات للتهجير وانها مستمره واننا توقفنا قليلا نظرا لتفاجئنا من زخم وعدد المعاملات التي قدمت لنا وبالذات الاخوه العراقيين ...
وعلى هاي الرنه طحينج ناعم

[Zozzz]

اخي العزيز سباركي
شكرا على ردك وكلامك هذا اني اتفق وياك مئة بلمئه وهو الرد الرسمي للمنظمه مع كل اسف والي يعتبر  (الجواب الروتيني لكل متصل عنده اي سؤال او استفسار حول قضيته) ونسال الله انه متتازم الامور الى الاسوء وعله الاقل ان يبقى الحال على ما هوه عليه

[vaio]

السلام عليكم

اهلا اخونا ابو الزوز بهاي الطلة الحلوة   ولك وحشة يمعود .

اخوان هذا المكتب الي ميعجب بعض الاخوان   جاي يقوم بعمله والي يقدر عليه  وباقصى طاقته . وان المكتب ياما طلع ناس وعوائل قبل شهر تسعة من 2010 لان احنا متابعين هذا الموضوع  من زمان  اصلا انا اعرف واحد راح لكندا  من سنة 2007 ومن خلال المكتب  هذا .
صحيح ان الامكانيات  مالتهم كانت متواضعة في ذلك الزمن لكن هم في حالة تطور مستمر وسنة بعد سنة جاي يخلصون معاملات  اكثر من السنة الي قبلها .
اما بالنسبة للتوقف او عدمه . فهذا الشي  يا اخوان غير قابل للنقاش لان مسألة  ايجاد حل لللاجيء هي مسالة دولية وبيد الامم المتحدة  وهاي معاهدة دولية  اتفقت عليها الدول  بعد الحرب العالمية  سنة 1951م  فمو بسهولة تتوقف هاي الاجراءات  خصوصا وان  العالم يوم بعد يوم جاي يتعرض للازمات اكثر واكثر . نعم قد تتوقف بعض المكاتب في بعض الدول ولاسباب مؤقتة  ويعود العمل فيها بزوال السبب  . فلا يضل بالكم  وتفكرون كثير بأن المكتب متوقف او شغال  لان هية بكل الاحوال سواء اشتغل او لا  المسالة مسالة وقت وبالعادة الوقت هذا  يكون طويل واحنا كلنا نعرف هذا الشي من اول يوم فكرنا بالموضوع .

وفقكم الله جميعا  للخير وسهل اموركم  وارجو الدعاء لنا بقضاء الحوائج .

فايــــــــو

[sparky]

وهذا ماقلناه

[lugin]

اخ سباركي مشكور على الرد بس اني عبالي تتصلون هنا بالامارات با ابوظبي تصورت اكو هنا رقم تتصلون بي  لان تكولون تطلع الكم مي لو عبد السلام عندي رقم تركيا مشكور اخوي ماتقصر

[sparky]

نحن بالخدمه
الامراه مديرة اليو ان ابو ظبي اسمها مدام مي كادكوي

[حريه]

اخواني الاعزاااااااءء

اشكلركم جزيل الشكر على الاهتمام بالاخرين

انا عندي مشكله وهم كبير الله يفرجها علي وعلى كل مسلم

ابي اروح لكندا لجوء بس جالولي ان التقديم بالمطار صعب وم في مساعدات لي ابد الا مساعدات بسييطه من الجمعيات

احين انا كيف عيل اقدم ع لجوء هل اروح ع اليو ان اللي فالامارات علما بأني خليجييه

وشو خطواتهم ؟
او اقدم من دول ثانيه وهل فيه تسهيلات للخليجي ولا عندهم كل الجنسيات سيان

ولا في طرق ثانيه تعرفونها جزاكم الله الف خير وسهل الامور ع الكل

[sparky]

السلام عليكم
اخي الطيب انا صراحة لااعرف الكثير عن الهجره لكندا تحديدا لكن هي نفس معاملات الهجره ككل
للاسف انه الاجراءات بالامارات بطيئه

انظر لحالي فانا صارلي سنه كامله انتظر مقابلة المحلفين ولحد الان ماكو خبر هذا اولا
ثانيا وايضا للاسف المعاملات لكندا حسب قرائتي المعلومات من على المنتدى هذا انه ايضا بطيئه لكندا نوعا ما

انا صراحة اسف اقول لك الكلمات هذه وكان بامكاني عدم الرد على سؤالك لكن شعرت بالمؤوليه لكي ابين لك
والفرج من رب العباد وسامحني وانا خادم صغير لكل طيب

[jacksparrow]

اخواني الاعزاء في الامارات ابشركم بلخير
الاي سي ام سي والمحلفين الامريكان موجودين بالامارات من بدايت الشهر الخامس ان شاء الله
اعرف ناس اتصلولهم واعطوهم مقابله ببدايت الشهر الخامس
واحتمال همه من هسه موجودين الله اعلم
حضرو اموراتكم واتذكرو المقابله الاولى مال الامم المتحده والله يوفقكم اجمعين

[jacksparrow]

اخي سباركي حضر اموراتك المحلفين اجوي همه والاي سي ام سي فرجت ان شاء الله

[jacksparrow]

الاخ العزيز الي يسال عن كندا
اني ما انصحك بكندا
اني مقدم هجره ايادي العامله لكندا عن طريق محامي من 2008
الكنديين عدهم خلك اطول من الطوووييييييل واجراءاتهم كلش معقده وصعبه
واي خلل بلفايل مالتك او غلط بسيييييط ممكن ياخر ملفك اكثر من 6 اشهر
لان همه البدوسيجر مالتهم يلزمون الفايل ويشتغلون بي بس يلكون بي غلط يخلو عله صفحه ويدزولك اشعار وينام الملف الى ان يبدون يراجعون الملفات البيه نقص من جديد ويشوفوك دزيتلهم النقص لو لا ومن يلكوك دازلهم هذا الشي هم يضلون يشتغلون وبس يلكون شي لاخ غلط ينعاد الشغل من جديد

احجيلك اني قابلت بلسفاره الكنديه للهجره بشهو ال6 2010 وكلولي انته بلكرسمس تجيك الفيزا وتروح
وبسبب خلل بسيط انو فورم تحديث الحاله الي طلبو مني نام الملف من ذاك اليوم ليهسه

وفوك القهر يطلبون وثائق مستحيله مستحيله
يعني رادو مني شهادت عدم محكوميه من ليبيا
وتعال استلم علما طلعته صرفت فلوس بس الله يعلم شكد وخمسين الف واسطه مناك وسبعين الف واسطه منا يله كوه لكيته


وهاي اني كدامك راح اروح لمريكا وبعده الملف نايم بكندا
ملخص الحجي ولو طولت عليك اذا تختار طريق كندا خلي خلكك اطول من الطويل وحاول اصلن لا تفكر بموضوع الهجره لكندا وانسى الى ان يصير حته لا تمل وتضوج

الكندين اخ منهم قاهريني اني  شكد صرفت فلوس وتعب وجيب محامي ودي محامي وجيب ابو ضبي ودي ابو ضبي وكلشي ماكو

[sparky]

حبيبي جاك سبارو
دخيل الله ودخيلك يمعود ....الله يسمع منك انشاءااله
والله راح ننتظر وبلكي يتصلون بينا ويحددون موعد    اي شئ لانه صار عدنا زهايمر
ممنون الله يبشرك بالخير دنيا واخره ياجاك سبارو الورده مال الله
اسال الله ان يستر عليك وعلى عيالك واهلك وعشيرتك والعراق اللهم امين بجاه رب العالمين

[ملك الحيرة]

اختي العزيزة

اذا كانت جنيستج إماراتية ما تحتاجين فيزا لاي دولة ،، ومن تسافرين تقدرين هناك تخلين محامي وتحصلين الي ابالج انشاءالله

اخواني الاعزاااااااءء

اشكلركم جزيل الشكر على الاهتمام بالاخرين

انا عندي مشكله وهم كبير الله يفرجها علي وعلى كل مسلم

ابي اروح لكندا لجوء بس جالولي ان التقديم بالمطار صعب وم في مساعدات لي ابد الا مساعدات بسييطه من الجمعيات

احين انا كيف عيل اقدم ع لجوء هل اروح ع اليو ان اللي فالامارات علما بأني خليجييه

وشو خطواتهم ؟
او اقدم من دول ثانيه وهل فيه تسهيلات للخليجي ولا عندهم كل الجنسيات سيان

ولا في طرق ثانيه تعرفونها جزاكم الله الف خير وسهل الامور ع الكل

[uae123]

بلكت انشاءالله يجون ونخلص زين اكو احد من مقابله مالت الشهر 10/2011 احد خابروه لان احنا ماكو شي لحد هسه

[uae123]

انا استوني خابرت تركيا اي سي ام سي  وسالتهم قالولي ان مال تركيا موجودين بابوظبي باليو ان وان المحلفين جاين قريبا جدا يعني قلي يا اما هاي الايام او اول الشهر الجاي وانشاءالله خير

[فزعتكم]

ياجماعه اني معاملتي من شهر 7 2009 مقدمها ولحد هسة لاانطوني كيس نمبر ولا شي ولا اتصلو عليه


مع اني مقدم الهم كل الاوراق والادله الي تثبت انو احنا تهددنا ومضطهدين بالعراق


وكل شي ماكو بس لا لغو الملف مالتنا مع انو لما دزينا ابلكيشن والاوراق وكل شي جان مرتب اتصل علينا الموظف وكال استلمت اوراقكم وخلص دخلت بالسيستم وانتظرو التحديثات

[sparky]

عزيزي فزعتكم
السلام عليكم يالطيب
جاوبت سؤالك على الخاص
وانا خادم لكل طيب

[raed1974]

السلام عليكم

اخواني وخواتي اعضاء المنتدى

ارجوا منكم المساعده بنصائحكم وحسب خبرتكم في مسأله اللجوء والتوطين
انا وعائلتي مقيم في الامارات منذ 6 سنوات ولم ازور العراق ابدا
المهم انا قدمت على اليو ان في سوريا قبل 6 اشهر وحصلت على ورقة حماية ورجعت الامارات وكلما ياتي موعد استلام الحصة اذهب واستلم حسب الموعد
وقبل كم يوم اتصلو وخبروني بان في موعد توطين في كفر سوسه وذهبت انا وعائلتي مباشره وقابلت المسؤله في البداية خبرتني انت مقبول توطين في امريكا
هل انت موافق وبعد ذلك تصفحت الجوازات وانتبهت الى اقامة الامارات سارية المفعول وخبرتني بانا مخالف شروط اليو ان في التوطين

وقالت لا استطيع ان اكمل المقابلة وخبرتني بان ارجع ايو ان في الامارات

انا حاليا في سوريا ولا اعرف ماذا افعل

هل اكنسل اقامة الامارات ؟ او اذهب الى الامارات واقدم ورقة الحماية هناك

الرجاء اعلامي ماهي افضل خطوه لي ولعائلتي وماهي الخطوات السليمة في  التوطين في الامارات وهل اليو ان في الامارات سريع ام بطيء
وهل سوف يبدون من البداية من نقطة الصفر او يكملون ملفي من نقطة التوطين وياخذون في نظر الاعتبار ملفي في سوريا

بانتظار ردودكم يا اصحاب الهمة

[ملك الحيرة]

اخي العزيز

باختصار ...  اما تكنسل إقامتك بالامارات  او تنقل ملفك من سوريا للامارات

السلام عليكم

اخواني وخواتي اعضاء المنتدى

ارجوا منكم المساعده بنصائحكم وحسب خبرتكم في مسأله اللجوء والتوطين
انا وعائلتي مقيم في الامارات منذ 6 سنوات ولم ازور العراق ابدا
المهم انا قدمت على اليو ان في سوريا قبل 6 اشهر وحصلت على ورقة حماية ورجعت الامارات وكلما ياتي موعد استلام الحصة اذهب واستلم حسب الموعد
وقبل كم يوم اتصلو وخبروني بان في موعد توطين في كفر سوسه وذهبت انا وعائلتي مباشره وقابلت المسؤله في البداية خبرتني انت مقبول توطين في امريكا
هل انت موافق وبعد ذلك تصفحت الجوازات وانتبهت الى اقامة الامارات سارية المفعول وخبرتني بانا مخالف شروط اليو ان في التوطين

وقالت لا استطيع ان اكمل المقابلة وخبرتني بان ارجع ايو ان في الامارات

انا حاليا في سوريا ولا اعرف ماذا افعل

هل اكنسل اقامة الامارات ؟ او اذهب الى الامارات واقدم ورقة الحماية هناك

الرجاء اعلامي ماهي افضل خطوه لي ولعائلتي وماهي الخطوات السليمة في  التوطين في الامارات وهل اليو ان في الامارات سريع ام بطيء
وهل سوف يبدون من البداية من نقطة الصفر او يكملون ملفي من نقطة التوطين وياخذون في نظر الاعتبار ملفي في سوريا

بانتظار ردودكم يا اصحاب الهمة

[sparky]

الاخوه الطيبين
السلام عليكم ورحمة الله وبركاته

اردت اخباركم ان متاكد من كلامي ومسؤول عنه بان الاخوه جماعة التوطين مال اي سي ام سي - تركيا
بداوا فعلا بالاتصال فعليا في الاخوه الموجودين بالامارات واللي مقدمين على الاي او ام مباشر
وليس الذين مقدمين عن الطريق اليو ان على اساس منتصف الشهر الخامس ستبتدا المقابلات التي هي للناس الذين سيعملون المقابله الاولى والثانيه سوية

نسال الله ان يفرجها على الجميع

وانا خادم صغير لكل من يريد يسال --- لاتقلقوا السؤال ببلاش والاجابه بلاش
حتى شويه نلطف الجو
وحياكم الله

[سوبرمان بغداد]

السلام عليكم
اني اليوم اتصلت باليوان و طلعتلي الموظفه و تكول لحد الان ما اجه الوفد الامريكي و لمن يجون يتصلون بيكم

اريد اخوان جواب منكم اكيد يجي الوفد الامريكي؟

[حريه]

اختي العزيزة

اذا كانت جنيستج إماراتية ما تحتاجين فيزا لاي دولة ،، ومن تسافرين تقدرين هناك تخلين محامي وتحصلين الي ابالج انشاءالله


اخوي ملك الحيره اشكرك ع الرد وان شالله خير

بعد انا بستفسر عن الموضوع اكثر واللي الله مقدره بيصير

تحياتي للجميع

[dynamic]

     اخواتي واخواني الاعزاء

اريد الاستفسار في حالة احول ملفي من الاردن الى الامارات لحصولي على  فرصة عمل في الشارقة ,علما اني قابلت توطين في شهر الواحد من هذه السنة وبامتظار التحويل الى iom فهل احد الاخو في هذا المنتدى عنده خبرة في هذا الموضوع .

سوال اخر un الامارات تشمل كل دول الخليج او فقط المقيمين في الامارات


تحياتي للجميع

[sparky]

الاخ داينمك

السلام عليكم - لنتذكر دوما ان الدين النصيحه
وانا من هذا المنطلق ننقل خبرتنا المتواضعه املين مرضاة الله
الان سؤالك والاجابه عليها
القرار اولا واخرا لك ولو تجرس جري الحوش غير رزقك ماتحوش

انت حر في نقل الملف او تركه لكن لو انتقلت وامتلكت الاقامه هنا طمغت على جوازك فان الاردن هي ستحول ملفك 100% لتركيا التي تهتم بنا نحن اللي ساكنين الامارات المنظمه اسمها اي سي ام سي تركيا

اليو ان بالامارات مسؤوله فقط للناس الموجودين بالامارات
وحياك الله وانا خادم صغير لكل طيب

[dynamic]

     




   جمعة مباركة اخوية العزيز وباقي اعضاء الجمعية

  شكرا على النصيحة القيمة والتوفيق من الله
 علما اني كنت مقيم في مسقط والغيت الاقامة وقدمت من الاردن .

احمد لله

تحياتي للجميع

[sparky]

جمعه مباركه على الجميع ونسال الله بجاه هذا اليوم ان يفرجها على كل العراقيين براحة البال والامن والامان لاهلنا واحبابنا وعراقنا الجريح

[رييموو]

صباح الخير يا اخواني
ارجوا منكم ان تبلغوني ماهو رقم منظمة الاي او ام iom
بدبي ووين صاير مكانه واذا عدهم ايميل واحد يراسلهم
ارجوكم الي يعرف معلومات عنه خلي يكلي
شكرا اختكم ريمو

[زهرة الشمال]

صباح النور اختنا ريموو
ماكو بالامارات اي او ام بس اليو ان الي بابوظبي وهي المنظمة الوحيدة الموجودة في الامارات  الي تكدرين تقدمين لجوء عن طريقها الى امريكا.

[رييموو]

شكرا اختي زهره على ردج الي واني هم هيج اعرف مثل مكلتي ان بس اكو منظمه وحده وهيه اليو ان
بس اكو ناس كالوا اكو اي او ام همين بدبي وهاي تكون للمشتغلين ويه الامريكان
واخونا سباركي هم كتب قبل ايام ان لجنه تركيا راح تجي بشهر ال5 للي مقدين من الاي او ام مباشر مو من الي مقدمين من اليو ان ...... هاي شنو معناها ارجوا منك يا اخونا ان توضحلنا واذا عندك اي وسيلة اتصال بهاي المنظمه مال اي او ام ارجوا ان تكتبه الي......
وع فكره سمعت من احد صديقاتي ان اله صديقه قدمت من الاي او ام بدبي وطلعت عن طريقه؟؟؟؟؟؟
فارجوا منك ياسباركي او اي احد اله معلومه خلي يفيدنه
شكرررررررا

[jacksparrow]

اختي لا يوجد مكتب في الامارات للاي او ام
الي يحتاجون شي من الاي او ام من الامارات يتصلون بالاي او ام سعوديه
واذا تريدين تقدمين للاي او ام لازم تكونين مشتغله ويه الامريكان بلعراق من قبل

[ملك الحيرة]

اختي العزيزة
المكتب الوحيد في الامارات هو في ابوظبي منطقة البطين وهو يستقبل iom & siv

شكرا اختي زهره على ردج الي واني هم هيج اعرف مثل مكلتي ان بس اكو منظمه وحده وهيه اليو ان
بس اكو ناس كالوا اكو اي او ام همين بدبي وهاي تكون للمشتغلين ويه الامريكان
واخونا سباركي هم كتب قبل ايام ان لجنه تركيا راح تجي بشهر ال5 للي مقدين من الاي او ام مباشر مو من الي مقدمين من اليو ان ...... هاي شنو معناها ارجوا منك يا اخونا ان توضحلنا واذا عندك اي وسيلة اتصال بهاي المنظمه مال اي او ام ارجوا ان تكتبه الي......
وع فكره سمعت من احد صديقاتي ان اله صديقه قدمت من الاي او ام بدبي وطلعت عن طريقه؟؟؟؟؟؟
فارجوا منك ياسباركي او اي احد اله معلومه خلي يفيدنه
شكرررررررا

[يوسفي]

[السلام عليكم جميعا ....ارجوا من الله ان يكون الجميع بألف خير وصحة وعافية وصبر ومعنويات عالية... معكم صديقكم الجديد
( يـوسـفـي ) عراقي مقيم في الامارات انا متابع لهذا المنتدى من اسبوعين تقريبا واليوم حبيت اضيف كم معلومه انشاء الله يارب اكدر افيد كم واحد منكم وابرد قلبة وانشاء الله ربي ينطيكم كل الخير ويسهل اموركم....
 اني طبعا مقدم طلب على شؤن اللاجئين في ابو ظبي / منطقة البطين / شارع بينونه رقم 14 / قرب سفارة مملكة البحرين  هذا طبعا العناون بالضبط للي يحب يوصل للمنظمة
 قدمت اول طلب بتارخ 1/3/2007
واتصلوا بيه بتاريخ 15/5/2010
ورجعت قابلت بتاريخ 23/11/2010
واجان كلير الموافقة بتاريخ 9/1/2011
وعندي لجنة محلفين بتاريخ 2/5/2011 يعني باقي اسبوع تقريبا  وطالب دعائكم الي....

هسه احجيلكم التفاصيل اول شيء لحد تحبط معنوياته من يشوف التاريخ وبعد التواريخ عن بعضها لان احنه من قدمنا... طبعا اني وياياه عائلتي .. اي  يعني من قدمت كان ماكو استقبال طلبات لجؤ بابو ظبي فكلولي ابعثنا مشكلتك والظروف الي مرت بيك بالعراق بالفاكس واني هم بعثتها بالفاكس وقتها .. وورة سنتين تقريبا يلا بعثولي استمارة معلومات وعبيتها وبعثتها بللايميل وبعدها بيومين اتصلو بيه ورحنا يم ( عبد السلام ) راجع وياياه كلمعلومات الاستمارة وعباه بالكومبيوتر وصورنا بالكومبيوتر ومثل مكتلكم  اجتي موظفة من الامم المتحدهاسمها ( نسرين ) وانسانه ربي يوفقها متعاونه جدا نفس الشيء بالمقابله سالتنا عن كلشي بحياتنا ( واكدت على التواريخ ها ) هاي لازم تنحفظ جيد جدا  يعني التهديدات التهجير كلشي مر بيكم  تواريخها اقصد وطبعا اتاكد على تواريخ دخول وخروج للعراق بعد ال 2004 وياريت متكون عدكم بقاء كثير بالعراق يعني قترات طويله داخل العراق ...اي المهم يعني اني بس ما اريد احد يظوج من طيلة الانتظار لان هسه مسرعيها مو مثل قبل يعني من احد يروح يقدم اظن على طول ينطوه الاستمارة ويعبها ويجيبها وبكيفه يعبيها ( عربي لو انكليزي ) ميظر  بس اني بوكتها مثل مكلت سنيتين تقريبا يلا انطوني استمارة...وحتى اللجنة الي موجوده بابوظبي كانوا محد معترف بيهم بس هسه من سنة ونص تقريبا حتى جوازات دبلوماسية انطوهم يعني معترف بيهم ...بس هنا مو مثل سوريا والاردن يعني ماكو ورقة حماية ولا مساعدات لان هاي الصلاحيات الدول الي بيها هاي المنظمات هي الي اتحدد صلاحياتها يعني الامارات هي اتحدد مو الامم المتحده اتحدد هاي الصلاحيات.. بعد شحجيلكمممممم.. هنا اكو المدير على هاي المنظمة وحده اسمها ( مدام  مـي ) امراء جدا محترمه وتخاف الله
وهسه اخر لجنه راح توصل بتاريخ 3/4/2011 ويبدون المقابلات بتاريخ 1/5/2011 ومو ياهو الي يجي يقابلوها بس الي همه متصلين بيه ويكلوله تعال عندك مقابله.. ونصيحتي الي يقدم طلب لينسه يكتب ( فد رقمين موبايل وايميل وصندوق بيرد ان وجد ) لان اذا ميحصلوك باي واحد من هاي الاشياء يخبروك بالطريقة الاخرى.. وطبعا الاولوية هنا يكولون  (  للحوامل والارامل والمطلقات والي عدهم حالات عوق لاسامح الله ) بس هذا شيء اني مشفته الي شفته يبدون على الي مقدم قبل وهسه وصلوا لنهاية طلبات  2007 بس اكو حالات اخذها قدموا بعد هذا التاريخ يعني حالت استثنائية يمكن .. وهنا بس لامريكا اللجؤ ماكو غير دولة
 هذا الي حبيت اوضحه واي استفسار او سؤال اني حاضر   وبخدمتكم بس ارجو دعائكم الي ولعائلتي وربي يوفق الجميع ...
 اخــوكــم.. يـــو ســفــي

[ملك الحيرة]

مشكور اخ يوسفي
على اي ولاية العزم انشاءالله ؟؟

[السلام عليكم جميعا ....ارجوا من الله ان يكون الجميع بألف خير وصحة وعافية وصبر ومعنويات عالية... معكم صديقكم الجديد
( يـوسـفـي ) عراقي مقيم في الامارات انا متابع لهذا المنتدى من اسبوعين تقريبا واليوم حبيت اضيف كم معلومه انشاء الله يارب اكدر افيد كم واحد منكم وابرد قلبة وانشاء الله ربي ينطيكم كل الخير ويسهل اموركم....
 اني طبعا مقدم طلب على شؤن اللاجئين في ابو ظبي / منطقة البطين / شارع بينونه رقم 14 / قرب سفارة مملكة البحرين  هذا طبعا العناون بالضبط للي يحب يوصل للمنظمة
 قدمت اول طلب بتارخ 1/3/2007
واتصلوا بيه بتاريخ 15/5/2010
ورجعت قابلت بتاريخ 23/11/2010
واجان كلير الموافقة بتاريخ 9/1/2011
وعندي لجنة محلفين بتاريخ 2/5/2011 يعني باقي اسبوع تقريبا  وطالب دعائكم الي....

هسه احجيلكم التفاصيل اول شيء لحد تحبط معنوياته من يشوف التاريخ وبعد التواريخ عن بعضها لان احنه من قدمنا... طبعا اني وياياه عائلتي .. اي  يعني من قدمت كان ماكو استقبال طلبات لجؤ بابو ظبي فكلولي ابعثنا مشكلتك والظروف الي مرت بيك بالعراق بالفاكس واني هم بعثتها بالفاكس وقتها .. وورة سنتين تقريبا يلا بعثولي استمارة معلومات وعبيتها وبعثتها بللايميل وبعدها بيومين اتصلو بيه ورحنا يم ( عبد السلام ) راجع وياياه كلمعلومات الاستمارة وعباه بالكومبيوتر وصورنا بالكومبيوتر ومثل مكتلكم  اجتي موظفة من الامم المتحدهاسمها ( نسرين ) وانسانه ربي يوفقها متعاونه جدا نفس الشيء بالمقابله سالتنا عن كلشي بحياتنا ( واكدت على التواريخ ها ) هاي لازم تنحفظ جيد جدا  يعني التهديدات التهجير كلشي مر بيكم  تواريخها اقصد وطبعا اتاكد على تواريخ دخول وخروج للعراق بعد ال 2004 وياريت متكون عدكم بقاء كثير بالعراق يعني قترات طويله داخل العراق ...اي المهم يعني اني بس ما اريد احد يظوج من طيلة الانتظار لان هسه مسرعيها مو مثل قبل يعني من احد يروح يقدم اظن على طول ينطوه الاستمارة ويعبها ويجيبها وبكيفه يعبيها ( عربي لو انكليزي ) ميظر  بس اني بوكتها مثل مكلت سنيتين تقريبا يلا انطوني استمارة...وحتى اللجنة الي موجوده بابوظبي كانوا محد معترف بيهم بس هسه من سنة ونص تقريبا حتى جوازات دبلوماسية انطوهم يعني معترف بيهم ...بس هنا مو مثل سوريا والاردن يعني ماكو ورقة حماية ولا مساعدات لان هاي الصلاحيات الدول الي بيها هاي المنظمات هي الي اتحدد صلاحياتها يعني الامارات هي اتحدد مو الامم المتحده اتحدد هاي الصلاحيات.. بعد شحجيلكمممممم.. هنا اكو المدير على هاي المنظمة وحده اسمها ( مدام  مـي ) امراء جدا محترمه وتخاف الله
وهسه اخر لجنه راح توصل بتاريخ 3/4/2011 ويبدون المقابلات بتاريخ 1/5/2011 ومو ياهو الي يجي يقابلوها بس الي همه متصلين بيه ويكلوله تعال عندك مقابله.. ونصيحتي الي يقدم طلب لينسه يكتب ( فد رقمين موبايل وايميل وصندوق بيرد ان وجد ) لان اذا ميحصلوك باي واحد من هاي الاشياء يخبروك بالطريقة الاخرى.. وطبعا الاولوية هنا يكولون  (  للحوامل والارامل والمطلقات والي عدهم حالات عوق لاسامح الله ) بس هذا شيء اني مشفته الي شفته يبدون على الي مقدم قبل وهسه وصلوا لنهاية طلبات  2007 بس اكو حالات اخذها قدموا بعد هذا التاريخ يعني حالت استثنائية يمكن .. وهنا بس لامريكا اللجؤ ماكو غير دولة
 هذا الي حبيت اوضحه واي استفسار او سؤال اني حاضر   وبخدمتكم بس ارجو دعائكم الي ولعائلتي وربي يوفق الجميع ...
 اخــوكــم.. يـــو ســفــي

[vaio]

اخونا يوسفي .  الف هلا ومرحبا  بيك في جمعيتنا . وشكرا على الشرح الوافي والجميل  والحقيقة ما قصرت  كفيت ووفيت وياريت كل مشاركات الاخوان تكون مثل مشاركتك.
واكيد ننتظر المزيد .

الحقيقة كلنا  نحتاج شي واحد ومهم  بس احيانا نفقده  وما نحصلة الا وهو الصــــــبر الجميل وطول البال .

دعائنا لك بالصبر  اولا  وثانيا بتحقيق امنيتك وتيسير وقضاء حوائجك .

اخوك  فايـــــــــــو

[keaghost]

السلام عليكم اخواني اخوان ممكن سوال والي يكدر ويعرف يرد ونكون ممنونين اله اني سويت مقابلات بالاردن واستلمت نتيجه محلفين شهر 2 سنه 2010 وراها اتصولو بينا وكالوا لازم كل واحد من دوله الاقامه يكمل فحولو ملفي الى الامارات وسوينا فحص با ابوظبي ودوره تثقفيه وكملنا هالكلام من شهر 10 سنه 2010 ولحد الان كلما اخابر يكلي ماواصله امنيه اخر تلفون اتصلنا بيهم بتركيا لان ماعرف غير هالرقم مادري انتو وين تتصلون وطلع واحد يحجي عربي مكسر كال انتو مقبولين على امريكا وكلشي مكملين بس لحد الان ما اجت الموافقه من امريكا زين شنو مقبولين وشنو ماجتي وسوال اخر انتو سامعين العام او هالسنه احد سافر من الامارات ونكون جد شاكرين للي يعرف معلومه ويجاوب مع خالص شركنا وتقدينا للاخوان جميعا .

اخونا العزيز انا صديقي قابل وياك بنفس التاريخ و صارلة شهرين من سافر على امريكا

[keaghost]

[السلام عليكم جميعا ....ارجوا من الله ان يكون الجميع بألف خير وصحة وعافية وصبر ومعنويات عالية... معكم صديقكم الجديد
( يـوسـفـي ) عراقي مقيم في الامارات انا متابع لهذا المنتدى من اسبوعين تقريبا واليوم حبيت اضيف كم معلومه انشاء الله يارب اكدر افيد كم واحد منكم وابرد قلبة وانشاء الله ربي ينطيكم كل الخير ويسهل اموركم....
 اني طبعا مقدم طلب على شؤن اللاجئين في ابو ظبي / منطقة البطين / شارع بينونه رقم 14 / قرب سفارة مملكة البحرين  هذا طبعا العناون بالضبط للي يحب يوصل للمنظمة
 قدمت اول طلب بتارخ 1/3/2007
واتصلوا بيه بتاريخ 15/5/2010
ورجعت قابلت بتاريخ 23/11/2010
واجان كلير الموافقة بتاريخ 9/1/2011
وعندي لجنة محلفين بتاريخ 2/5/2011 يعني باقي اسبوع تقريبا  وطالب دعائكم الي....

هسه احجيلكم التفاصيل اول شيء لحد تحبط معنوياته من يشوف التاريخ وبعد التواريخ عن بعضها لان احنه من قدمنا... طبعا اني وياياه عائلتي .. اي  يعني من قدمت كان ماكو استقبال طلبات لجؤ بابو ظبي فكلولي ابعثنا مشكلتك والظروف الي مرت بيك بالعراق بالفاكس واني هم بعثتها بالفاكس وقتها .. وورة سنتين تقريبا يلا بعثولي استمارة معلومات وعبيتها وبعثتها بللايميل وبعدها بيومين اتصلو بيه ورحنا يم ( عبد السلام ) راجع وياياه كلمعلومات الاستمارة وعباه بالكومبيوتر وصورنا بالكومبيوتر ومثل مكتلكم  اجتي موظفة من الامم المتحدهاسمها ( نسرين ) وانسانه ربي يوفقها متعاونه جدا نفس الشيء بالمقابله سالتنا عن كلشي بحياتنا ( واكدت على التواريخ ها ) هاي لازم تنحفظ جيد جدا  يعني التهديدات التهجير كلشي مر بيكم  تواريخها اقصد وطبعا اتاكد على تواريخ دخول وخروج للعراق بعد ال 2004 وياريت متكون عدكم بقاء كثير بالعراق يعني قترات طويله داخل العراق ...اي المهم يعني اني بس ما اريد احد يظوج من طيلة الانتظار لان هسه مسرعيها مو مثل قبل يعني من احد يروح يقدم اظن على طول ينطوه الاستمارة ويعبها ويجيبها وبكيفه يعبيها ( عربي لو انكليزي ) ميظر  بس اني بوكتها مثل مكلت سنيتين تقريبا يلا انطوني استمارة...وحتى اللجنة الي موجوده بابوظبي كانوا محد معترف بيهم بس هسه من سنة ونص تقريبا حتى جوازات دبلوماسية انطوهم يعني معترف بيهم ...بس هنا مو مثل سوريا والاردن يعني ماكو ورقة حماية ولا مساعدات لان هاي الصلاحيات الدول الي بيها هاي المنظمات هي الي اتحدد صلاحياتها يعني الامارات هي اتحدد مو الامم المتحده اتحدد هاي الصلاحيات.. بعد شحجيلكمممممم.. هنا اكو المدير على هاي المنظمة وحده اسمها ( مدام  مـي ) امراء جدا محترمه وتخاف الله
وهسه اخر لجنه راح توصل بتاريخ 3/4/2011 ويبدون المقابلات بتاريخ 1/5/2011 ومو ياهو الي يجي يقابلوها بس الي همه متصلين بيه ويكلوله تعال عندك مقابله.. ونصيحتي الي يقدم طلب لينسه يكتب ( فد رقمين موبايل وايميل وصندوق بيرد ان وجد ) لان اذا ميحصلوك باي واحد من هاي الاشياء يخبروك بالطريقة الاخرى.. وطبعا الاولوية هنا يكولون  (  للحوامل والارامل والمطلقات والي عدهم حالات عوق لاسامح الله ) بس هذا شيء اني مشفته الي شفته يبدون على الي مقدم قبل وهسه وصلوا لنهاية طلبات  2007 بس اكو حالات اخذها قدموا بعد هذا التاريخ يعني حالت استثنائية يمكن .. وهنا بس لامريكا اللجؤ ماكو غير دولة
 هذا الي حبيت اوضحه واي استفسار او سؤال اني حاضر   وبخدمتكم بس ارجو دعائكم الي ولعائلتي وربي يوفق الجميع ...
 اخــوكــم.. يـــو ســفــي

اخوية العزيز حبيب كلبي هاي انت راح تقابل مقابلة مع الاتراك اي مه الاي ام سي  و ليس مع المحلفين فالرجاء لا تشوش على الشباب  و اكون شاكر الك بس حبيت التوضيح

[سوبرمان بغداد]

السلام عليكم

اني لحد الان متشوش اللي افتهمته ان icmc همه هنا بالامارات و راح يقابلون

س الوفد الامريكي شسصار منه؟ اني دزيت ايميل لل icmc و كالوا الوفد الامريكي لحد الان ما اجه و ما اتصلوا باحد لقابله الوفد الامريكي. ممكن تشاركونا بهذه الاخبار شباب

موفقية للجميع

[uae123]

سوبرمان بغداد حتى انا قبل كم يوم خابرت اي سي ام سي مال تركيا وقالولي ان بس الوفد تركي هنا بالامارات بس الوفد الامريكي المحلفين قلي ان قريبا راح يجون الي افتهمت ان شهر 5 وانشاءالله خير

[سوبرمان بغداد]

انشا الله و الله صبرنا هوايه

الله كريم و الحمد لله

[يوسفي]

اخي العزيز keaghost اظن حضرتك الي عقبت على كلامي وكتلي لتشوش ... كلامك صح هي لجنة راح تجي من تركيا بس مو معناها هم اتراك لا هم امريكان واني متاكد لان قبل اسبوع قابلت واني عندي ظرف طارئ وقدمت اوراق وبعثوها  ( لتركيا ) وعملولها
urgent طلب استعجل وكلولي روح  واحنه نتصل بيك واتصلو بيه فعلا باليوم الثاني انوا عندك مقابله ( محلفين ) باول شهر خمسة وكلولي انت اول واحد راح تدخل نظرا لظرفك... ولازم تتواجد ساعه 8 الصبح وحتى خبروني انوا احسب حساب اجيب معي  اكل وشرب لان عندي طفل لان كلولي راح اطول يمنا ... ويارب اكون قد وفيت ومحيت التشويش الي سويته  وسلامي الكم

[uae123]

سوبرمان بغداد وينك اشو ما رديت على اليوسفي يقول ان راح يجون المحلفين شنو رايك انت بالموضوع

[فزعتكم]

حاليا un  عدهم صيانه بالسيستم وماجاي يستقبلون اي معامله ولا اي شي وراح يباشرون بالعمل يوم 15/5

احتمال ورة هلوقت يلا يجون المحلقين هاي اذا همه جايين اصلا وهذا الكلام مو من جيبي جبته

هذا الكلام من الموظف مال يو ان الي يشتغل باابوظبي

وبهلفتره مايجاوبون على اي سؤال لان ماجاي يشتغلون باي معامله بسبب الصيانه

[يوسفي]

[السلام عليكم جميعا... يارب انشاء الكل بخير ومعنويات عالية  والخير جاي انشاء الله... والمثل  العربي يكول  ( ضيكَي يشده حتى تفرجين) وربي يفرج ويسهل كل اموركم .

ممكن سؤال لو سمحتم ... عندي صديق اتصلوا بيه اليوم من تركيا من iI C M C وانطوه موعد مقابلة بتاريخ 5/5 /2011  في ابو ظبي ... ويريد يعرف شنوا هاي المقابلة ؟  وطبيعت اسالتهم ؟  وورا هاي المقابلة شراح يصير ؟

 وياريت احد يجاوبنا بجواب وافي وشافي   وربي يوفق الجميع

[سوبرمان بغداد]

اخوان انطيكم المفيد

الوفد التركي موجود و ديسوي مقابلات من اليوم.

الوفد الامريكي ما راح يجي شهر خمسه فعلى الصيف شغلتنا شباب اللي يريدون الوفد الامريكي

و هذا كلام متأكد منه

[يوسفي]

[الاخ العزيز سوبرمان بغداد ... ممكن اتوضحنا شلون انت متاكد اناو الوفد الامريكي مراح يجي ؟ والله مدا اعرف كلمن يكول كلام شكل بس ياريت نذكر المصدر حتى نتاكد... اني كتبت قبل اني بلنسبة الي قابلت اخر مقابلة 23/11/2010  واتصلوا بيه وبلغوني بقول طلب التوطين بتاريخ 9/1/2011 ونفس الموظفة الي قابلتني بشهر 11/2010 هي نفسها بلغتني بالقبول واسمها نسرين
وربي يوفقها .. واني عندي ظروف خاصة وتطلب مني السفر خارج الامارات لمدة شهرين وارجع وكتلها هذا الشيء وكلتلي ما انصحك لان الامريكان يجون بالسنة مرتين.. ففعلا اساس ديجون باخر شهر ثلاثة بس اتاخرو  وراح يجون على شهر خمسة وكلتلي اذا سافرت راح يأجلوك لشهر 12/2011 وهذا كلامها كلتيلياه بتاريخ 9/1/2011

 ورجعت مدام مي بتاريخ 20/4/2011 كلتلي نفس الكلام وكلتلي ما انصحك اسافر هسه وانطوني موعد مقابلة بتاريخ 2/5/2011 وانشاء الله ربي يسهل امورنا واموركم ويقدم كل ما فيه الخير ... وسلامي الكم

 اخوكم يوسفي

[ملك الحيرة]

عزيزي يوسفي
الوفد الامريكي عادة يجي في شهر 8 مثل ما يعرفون الاخوان القدامى في الامارات

تحياتي

[الاخ العزيز سوبرمان بغداد ... ممكن اتوضحنا شلون انت متاكد اناو الوفد الامريكي مراح يجي ؟ والله مدا اعرف كلمن يكول كلام شكل بس ياريت نذكر المصدر حتى نتاكد... اني كتبت قبل اني بلنسبة الي قابلت اخر مقابلة 23/11/2010  واتصلوا بيه وبلغوني بقول طلب التوطين بتاريخ 9/1/2011 ونفس الموظفة الي قابلتني بشهر 11/2010 هي نفسها بلغتني بالقبول واسمها نسرين
وربي يوفقها .. واني عندي ظروف خاصة وتطلب مني السفر خارج الامارات لمدة شهرين وارجع وكتلها هذا الشيء وكلتلي ما انصحك لان الامريكان يجون بالسنة مرتين.. ففعلا اساس ديجون باخر شهر ثلاثة بس اتاخرو  وراح يجون على شهر خمسة وكلتلي اذا سافرت راح يأجلوك لشهر 12/2011 وهذا كلامها كلتيلياه بتاريخ 9/1/2011

 ورجعت مدام مي بتاريخ 20/4/2011 كلتلي نفس الكلام وكلتلي ما انصحك اسافر هسه وانطوني موعد مقابلة بتاريخ 2/5/2011 وانشاء الله ربي يسهل امورنا واموركم ويقدم كل ما فيه الخير ... وسلامي الكم

 اخوكم يوسفي

[يوسفي]

[مرحبا اخوية ملك الحيرة شكرا الك كثير على توضيحك موضوع جيت  الوفد الامريكان للامارات بس اني والله هم قديم وصارلي7 سنين مقيم هنا وقدمت على لجوؤ بأبو ظبي من 1/3/2007

فما اعرف اني اصنف ويه القدامه لو ويه الجدد ؟؟؟ وياريت اذا اكو احد اقدم مني يكلي اسوة بالمقابلات حتى افهم

 واني جدا شاكر وممنون للجميع.. يـوسـفـي

[ملك الحيرة]

وين قدمت بال 2007

[مرحبا اخوية ملك الحيرة شكرا الك كثير على توضيحك موضوع جيت  الوفد الامريكان للامارات بس اني والله هم قديم وصارلي7 سنين مقيم هنا وقدمت على لجوؤ بأبو ظبي من 1/3/2007

فما اعرف اني اصنف ويه القدامه لو ويه الجدد ؟؟؟ وياريت اذا اكو احد اقدم مني يكلي اسوة بالمقابلات حتى افهم

 واني جدا شاكر وممنون للجميع.. يـوسـفـي

[sparky]

السلام عليكم يالطيبين جميعا وجمعه مباركه عليكم باذن واحد احد

الاخ يوسفي سالتني على الخاص وجاوبتك على الخاص

الاخوه الطيبين نحن متابعين معكم وتمر ونقرا وندعم لنا ولكم الفرج باذن الله سبحانه وتعالى

[sparky]

السلام عليكم جميعا

الخت العزيزه ريموو

بالنسبه لسؤالك يرجى العلم بان المعلومات التي نملكها هي من حصيلة المعرفة من الاخوه الطيبين الذين يتواصلون معنا على هذا المنتدى الرائع فاتوجه شخصيا بالشكر والاحترام والتقدير لكل الذين يتواصلون معنا ليضعونا بالصوره الواضحه والصحيحه لما يدور لموضوع الهجره ومجرياتها ولاداعي لذكر اسماء الاخوه الغالين الطيبين لانهم يرجون من الله ان يكافئهم وان يذكرهم الله بالف خير وذكر الله لهم افضل من ذكرنا نحن لهم فجزى الله الجميع والذين تواصلوا لينيروا لنا الطريق لموضوع الهجره

الان
سؤالك
لاتختلط الصوره عنك لجنة التوطين القادمه من تركيا هي ليست نفسها لجنة المحلفين الامريكان من وزارة الداخليه الامريكيه والذين هم الذين يحددون وبصوره نهائيه المقابله الثالثه والاخيره للموافقه للهجره او عدمه وهؤلاء ياتون الشهر الثامن من كل سنه للامارات

لجنة التوطين مال تركيا واللي راح تجي الشهر الخامس فهي للتقييم لموضوع المقدمين من الاخوه للهجره واللي يرفعون تقاريرهم للجنة المحلفين الاميركان واللي شرحنا عنهم اعلاه

ادامكم الله وحظكم
ونحن بالخدمه وخدام صغار لكل طيب

[سوبرمان بغداد]

بار الله فيك يا اخ سباركي

[يوسفي]

السلام عليكم جميعا وربي يبارك يومك ويجعله خير وبركه ورزق للجميع... الاخ ملك الحيرة جزاك الله خير على السؤال وربي يوفقك ويسهل امرك انا قدمت بسنة 2007 من ابو ظبي  يعني منا من الامارات ومثل مكتبت انوا مكانت اكو مفوضية يعني مو مثل هسه كان بيها بذاك الوقت بس عبد السلام ومدام مي ومكنت اشوف غيرهم هناك.. المهم
يا اخي اني اتعجب على بعض الفقرات بكلامك وكلام بعض الاخوه ومنهم الاخ sparky ومشكورين طبعا للتوضيح ..بس اني ترى والله متابع كل الاخبار وصارلي اربع سنين وشهرين من مقدم على المفوضية وصدكني لجنة المحلفين ( الامريكان )ما عدهم وقت محدد يجون بيه  بس عدهم والاكيد ( يجون مرتين بالسنة ) بس ممعلومه الاشهر الي يجون بيها وصدكني وكونوا على ثقة اني اعرف اكثر من شخص طلعوا من ابو ظبي وعندي اتصال بيهم بامريكا كل واحد قابل بشهر شكل ( وي المحلفين اقصد ) هاي شغله ..

 الشغله الثانية لجنة المحلفين ميجون للامارات  الا اذا يكون عدد الي الي اجاهم ( كلير ) قبول بين ال 25&30 شخص يلا يجون  وهذا كلام اقسملكم بلله اني واثق منه وما اكدر اكول اكثر .. ويارب يوفق الجميع ويسهل كل اموركم ويقدم النا والكم كل مافيه خير وصلاح....
 اخوكم  يـوٍسفـي

[sparky]

الله يحفظ الجميع
ان كان المحلفين يجون مرتين بالسنه فنحن نقول الله يسمع منك وياريت يحصل هذا وندعيلك بالخير دوم

ليكن رجاء بالمعلوم انني صارلي 10 اشهر ولحد اللحظه انتظر عمل مقابلة المحلفين فالسؤال هو ان كانوا المحلفين ياتون مرتين فلماذا لم يحصل اي شئ بشان معاملتي او فايلي وللعلم لو كان فايلي قد رفض مثلا فانه سوف يرفض بعد مقابلة المحلفين لانهم الوحيدين الذين لديهم الصلاحيه المطلقه بتحديد الموافقه والرفض لاي ضية مهاجر وخاصة الذي مقدم بصوره مباشره على الاي او ام

هذا للمعلوميه ويحفظكم رب العزه سيدي

[sparky]

بار الله فيك يا اخ سباركي

سيدي الغالي سوبرمان
انا اللي ممنون منك سيدي واسال الله ان يفتحها بوجهك وبوجه كل طيب وعزيز
وانشاءالله مسهله ممهله بوجه الكل ياغالي

[lugin]

السلام عليكم اخوان انشالله الكل بخير بس حبيت اعرف ختم الملف شكد يطول وهو نفسه اصدار فيزا لو وحد وشنو الاجراءات الي بعده ومره احد الاخوه كال يطول الختم شهرين صحيح هالكلام لو لا مع خالص شكري لكم .

[uae123]

يوسفي اليوم عند مقابله بس لحد هسه ما نعرف بالضبط ويا منو المهم الله يوفقه بس اذا ترجع من يمهم قلنا شنو صار وياك

[alijassim]

السلام عليكم اخواتي ورحمة الله وبركاته اني جديد على هذا الموضوع, الحمد لله اني لكيت ناس مني وبيه يشاركوني هذا الهم , ان شاء الله ينزاح عن الجميع والكل يتوفقون, حصلت على الفورم من قبل احد الاصدقاء وقمت بملأه وارسلته باليد الى اليو ان في ابو ظبي وتم استلام الطلب من قبل المدعو عبد السلام. حيث اخبرني ان الملف سوف يدرس ويتم الاتصال على . بعد حوالي اسبوع اتصل على المدعو عبد السلام وسالني اذا كنت قد قدمت سابقا في اس مكان اخر فاجبته بالنفي . وعند سؤاله عن لسبب قال لي ان هذا الاجراء روتيني  وان ملفي قيد الدراسه , الا اني لم اسمع منهم اس شي لحد الان رغم مرور اكثر من تسعة اشهر . افيدونا الله يوفقكم.

[uae123]

السلام عليكم اخواتي ورحمة الله وبركاته اني جديد على هذا الموضوع, الحمد لله اني لكيت ناس مني وبيه يشاركوني هذا الهم , ان شاء الله ينزاح عن الجميع والكل يتوفقون, حصلت على الفورم من قبل احد الاصدقاء وقمت بملأه وارسلته باليد الى اليو ان في ابو ظبي وتم استلام الطلب من قبل المدعو عبد السلام. حيث اخبرني ان الملف سوف يدرس ويتم الاتصال على . بعد حوالي اسبوع اتصل على المدعو عبد السلام وسالني اذا كنت قد قدمت سابقا في اس مكان اخر فاجبته بالنفي . وعند سؤاله عن لسبب قال لي ان هذا الاجراء روتيني  وان ملفي قيد الدراسه , الا اني لم اسمع منهم اس شي لحد الان رغم مرور اكثر من تسعة اشهر . افيدونا الله يوفقكم.

اخويه يحتاج وقت احنا اخذ منا وقت سنتين يله ردو علينا

[يوسفي]

السلام عليكم جميعا.. وشكرا للجميع وخاصة للي متابعين اخباري.. الاخوة الاعزاء
اليوم رحت والحمد الله قابلت الوفد التركي والحمد لله جدا متعاونيين واسالتهم كانت عادية نفس المقابلة الاولى طبعا انا والعائله يعني ماكو شيء جديد والصراحه وللامانه الكل هناك متعاونيين وخصوصا المدام مي والاخ عبد السلام وربي يوفقهم جميعا..بس يا اخوان والله العظيم من كثرة الطلبات الي عدهم مديلحكون وخاصة احنه العراقيين الح كثير واريد نعرف كلشي منهم.. واني من ظمنكم طبعا وهذا حقنا لان كلمن عنده ظروف اصعب من الثاني

اما الاخ سباركياشنءا الله اتكون بالف خير.. (اليوم نبشتلك) موضوع اللجنه الامريكية نبش وتاكيد لكلامي اللجنه اكثر شيء تجي ورة لجنة الاتراك بوقت قليل يعني بكم يوم مو اشهر.. وعلى اساس كان موعدهم يجون بيوم 5/5 لكن ائجلوها لشهر ستة وما اعرف ليش وسالت عائلتين شفتهم هناك واحد مقابل الامريكان بشهر اربعه قبل سنتين وواحد مقابلهم يشهر الخامس واظن العام الماضي يعني الملخص ما عدهم وقت معين اذا جوي ومثل مكلت سابقا يجون من توصل طلبات ( الكلير ) القبول لعدد معين

بس نصيحة .. نصيحة من اخ قديم على الشغلة اصبروا .. وانشاء الله ربي يفرحكم ويسهل كل امرنا وامركم.... وسلامي للجميع

[سوبرمان بغداد]

lبروك اخي يوسفي على المقابله
و انشا الله امورك تمشي بخير. احنا كلنا كاعدين ننتظر الوفد الامريكي و الله كريم اعتقد شباب الوفد الامريكي يجي شهر 8

[uae123]

الله يوفقك اخويه يوسفي

[keaghost]

السلام عليكم جميعا.. وشكرا للجميع وخاصة للي متابعين اخباري.. الاخوة الاعزاء
اليوم رحت والحمد الله قابلت الوفد التركي والحمد لله جدا متعاونيين واسالتهم كانت عادية نفس المقابلة الاولى طبعا انا والعائله يعني ماكو شيء جديد والصراحه وللامانه الكل هناك متعاونيين وخصوصا المدام مي والاخ عبد السلام وربي يوفقهم جميعا..بس يا اخوان والله العظيم من كثرة الطلبات الي عدهم مديلحكون وخاصة احنه العراقيين الح كثير واريد نعرف كلشي منهم.. واني من ظمنكم طبعا وهذا حقنا لان كلمن عنده ظروف اصعب من الثاني

اما الاخ سباركياشنءا الله اتكون بالف خير.. (اليوم نبشتلك) موضوع اللجنه الامريكية نبش وتاكيد لكلامي اللجنه اكثر شيء تجي ورة لجنة الاتراك بوقت قليل يعني بكم يوم مو اشهر.. وعلى اساس كان موعدهم يجون بيوم 5/5 لكن ائجلوها لشهر ستة وما اعرف ليش وسالت عائلتين شفتهم هناك واحد مقابل الامريكان بشهر اربعه قبل سنتين وواحد مقابلهم يشهر الخامس واظن العام الماضي يعني الملخص ما عدهم وقت معين اذا جوي ومثل مكلت سابقا يجون من توصل طلبات ( الكلير ) القبول لعدد معين

بس نصيحة .. نصيحة من اخ قديم على الشغلة اصبروا .. وانشاء الله ربي يفرحكم ويسهل كل امرنا وامركم.... وسلامي للجميع

اخوية العزيز اول شي مبروك على المقابلة بس اني شكتلك مو كتلك لا تشوش على الاخوان و انت راح تقابل الوفد التركي مو الامريكي و ترجع و تصمم و تكلي بوقتها الامريكي و جاين بس على مودك يا حبيبي الاخبار اني عارفها اول باول يا عمري اخذ مني الحجي و الوفد جاين بشهر 8 و لحد يجذب عليك و يكلك 5\5 و انت تصدك مبين عليك كل شي و تجي تكتب هنا  بس حبيت اصحح معلوماتك و انشاللله الخير و الموفقيه للجميع

[sparky]

الاخوه الحبايب كلهم هنا من الطيبين العراقيين تاج راسي واللي يجمعنا هذا المنتدى وبالذات هذه الجمعيه واصحابها الموقرين
دون الحاجه لذكر الاسماء فاننا نقول لكم جميعا
السلام عليكم ورحمة الله وبركاته جميعا واسال الله العلي القدير ان يفرجها على كل العراقيين وكذلك يفرجها على المساكين الموجودين والصامدين ببلدنا الجريح
لاشك ان العراق بلد الغنى وبلد الخير وانه بلد الحرب والظيم مقسوم لاهله الطيبين لغاية لايعلمها الا الله سبحانه وتعالى وشكلها احنا خسرانين الدنيا وانشاءالله جميعا سوف لن نخسر الاخره اللعم امين بجاه رب العالمين

اشكر الاغ كي كوست على اهتمامه في السؤال عن المحلفين الاميركان واقول لقد مضى الكثير من عمرنا وماعادت تهم سواء ستتم باذن الله المقابله مع هيئة المحلفين في الشهر الخامس او الثامن او ....
لانه صارلي ملطوع سنه الا شويه انتظرهم والخطا الاكبر الذي ارتكبته هو قدومي للعمارات ( الامارات ) اللي ماكان من وراها غير الهم والغم والصرف اللي استنفذ كل ماملكناه والملك مله للواحد الاحد وحتى للمبلغ اللي جمعناه راح وانصرف والشكوى لله ولو ( ولو هي كلمه من الشيطان ) لو ظالين بالاردن هواي احسن فعلى الاقل ماكنا لنصرف ماصرفناه هنا ولكان قضيتنا نتهيه واحنا كان في مثل هيج وقت كاعدين ومنجبين بمكان انسميه شويه امان وشويه راحة بال بدل هل البهذله
الظاهر الكابه صاعده اليوم فنرجو السماح من الجميع

اسال الله ان يحفظكم جميعا واطفالكم وعائلاتكم ياتاج راسي ياعراقيين
والله كريم

[sparky]

قبل ان انسى واكرر اسفي لانني لم اشارك اخوتي في الله قرحتهم بالمقابله فاقول


الف الف الف الف الف الف مبرووووووووووووووووووووووووووووووووووووووووووووك
المقابله
وانشاء الله بــــــــــــــــــــــــــــــــــــــــــــــــــــــــــــــــــــــــــــر الامان لكم وراحة البال
اللهم اميــــــــــــــــــــــــــــــــــــــــــــــــــــــــــــــــــــــــــــــــــــــــــن بجاه رب العالمين

[يوسفي]

السلام عليكم جميعا.. وياربي يحفظكم ويسهل كل امركم الاخ العزيز ( سباركي ) ربي يوفقك ويحفظك وانشاء الله ربي يريح بالك وراح كل العراقيين الصابرين برة العراق وداخله ويفرج عنا وعنهم .. امين يارب العالمين والظاهر مثل مكلت الكئابة الظاهر هواي جانت صاعده عندك انت وتكتب.. بس صدكني النبي محمد صلى الله عليه واله وصحبه وسلم يقول (وطبعا جدا اني اخذ بهذا الحديث ودوم اخذ صبري منه ) يقول ( عجبا لأمر المؤمن إن أمره كله له خير، وليس ذلك لأحد إلا للمؤمن : إن أصابته سراء شكر فكان خيرا له، وإن أصابته ضراء صبر فكان خيرا له))
[فانشاء الله يا اخي صبرنا .. وغربتنا هذي والضيم يلي شفنا الله سبحانه وتعالى ميضيعها.. وربي يفرج هم كل الناس..

ام الاخ العزيز keaghost اني بالبداية اشكرك على التهنئة بالمقابله .. ويوم الالك انشاء الله .. بس حبيت انوهه اني مكلت انوا   (الوفد الامريكي جاين على مودي) كتلك عندي ظرف طارىء وصح جوي لجنه وقابلوني اول مقابله وصح جوي (  اتراك) مو امريكان وصدكني على اساس كانوا ديجون الامريكان بعدهم ب3 ايام  وبتاريخ 5/5 لكن  اتاجلت جيتهم كم اسبوع مو اشهر..وبنفس اليوم الي قابلت بيه اول امس وكتبت اني امس وكلت .. لكيت عائلتين معي واحد منهم مقابل محلفين بشهر  الخامس بالسنه الماضية وديعيد المقابله لان اهله واطفاله كانوا مسافرين.. والثاني اول العام  وترك المعامله وهسه راجع يكمل لان هو كان مسافر لامريكا وخربط كل اموره .. المهم اني ما اكدر اوضح اكثر عن الاخوه الي شفتهم هناك لان احنه كنا كم عائله
وانشاء الله  اقابل بشهر سته او نهاية شهر ستة وابشركم بكل خير بس ادعولي...

وارجع وائكد كل 25 الى 30 شخص يلا تجي لجنة المحلفين  . وربي يوفقكم بس لهنا وما اكدر اكمل  وتحياتي الكم 

 يوسفي

[sparky]

اخي وعزيزي الورده مال الله يوسفي
اكرر احترامي وشكري وتقديري لحضرتكم ولكل غالي عراقي
ممنون وجزاك الله الف خير ويارب يسر امور الجميع

[alzandawi]

اخواني الاعزاء يعني اكو احد بيكم بعد سنتين يلة جاوبوه يعني بيهم امل الجماعة 

[يوسفي]

مرحبا اخي  كيف الحال خلي صبرك طويل شوي وانشاء الله يتصلون بيك.... ولو اني مفهمت قصدك على شنوا يتصلون بيك بعد سنتين او تقصد من تأريخ تقديم الملف لو مقابله لو شنوا ؟؟؟  بس اذا كنت تقصد على تاريخ تقديمك اول مرة فأني من الناس قدمت بدايت 2007 واول اتصال كان الي باخر عام 2009 وربي يوفقك ويسهل كل امورك اخوك ... يـوسـفــي


اخي وعزيزي الورده مال الله يوسفي
اكرر احترامي وشكري وتقديري لحضرتكم ولكل غالي عراقي
ممنون وجزاك الله الف خير ويارب يسر امور الجميع

[/quote]

[يوسفي]

السلام عليكم جميعا ويارب اتكون جمعة مباركه عليكم وعلى عوائلكم جميعا.. وربي يبارك بايامكم ويفرج كل همومك

هذه كلمات كلش عجبتني ولو هي شوية قديمه بس حلوة يارب تعجبكم

[
[بعد ما ريد فيزه ولا لجوء انـسان عمت عين الاقامه الدنست صـيتي
واشكر كل صديق وكل خوي وكل جار قـفل بابه ورفض يـقبل عراقيتي
خلف الله عليكم والوكـت دولاب لا بد يوم يـنزل بيكم ارضيتي
لان اول امس كل البشر خـدام جانوا للـعراق واكلـوا ابيتـي
جان الضيف عندي مكرم ومهـيوب فوگ الراس اشـيله وهاي تربي

[يوسفي]

الاخوه والاخوات المسجلين والزوار في هذا الموقع المحترم.. السلام عليكم ورحمة الله وبركاته
تحية وسلام ودعاء من الياري عز وجل ان تكونوا بالف خير وصحة وعافية وانشاء الله ربي يسهل امرنا وامركم

اخوه الاعزاء ..اريد بس انوه على شيء وهو اني اليوم كنت اقراء بمشاركات الاخوه الي مقدمين على طلبات لجؤ هنا بالامارات او الي محولين ملفاتهم هنا بالامارات من الدول العربية المجاورة او من مصر او الاردن او سوريا  اكو كم اخ او اخوت من الي يشاركون بتجاربهم او بمعلوماتهم ويكلك احنه صار سنتين او سنه  مقابلين اول مقابله ولحد الان متصلو بينا المحلفين او لجنة الامريكان
وبعدين نكتشف من مشاركاتهم القديمة بالمنتدى انهم قابلوا المقابله الاولى او الثانية خارج الامارات وبعدين حولوا ملفهم لهنا ويخلونا انحسب الف حساب  واكو ناس يبدي الشك والخوف يراودهم ويكولون . هذول صارهم سنتين من قابلوا المقابلة الاولى ولحد الان متصلو بيهم المحلفسن لعد احنه شوكت يقابلونا...

فيا اخواني الطيبين الافاضل وربي يوفق الجميع وييسر الكم كل سبل الخير  والراحه والخلاص.. الي يتكرم علينا بفائده او بتجربة او مقابله قابلها مع المحلفين او  ICMC او IOM فياريت يذكر المكان وين ( باي بلد يعني ) والتاريخ اذا امكن . حتى تكَدر قدر المستطاع احنه والاخوه الي مقدمين جديد انوا نفتهم ونستفاد من تجارب السابقين.. وانشاء الله يارب كلامي او اقتراحي يكون بيه فايده للجيميع .. وربي يوفقكم


اخــوكــم  يــو سـفـي

[alzandawi]

السلام عليكم ورحمة الله وبركاته اخ يوسفي اشكرك على اهتمامك عزيزي اي قصدي انه اتصلو بيك بعد سنتين من قدمت الاستمارات لانه اني مقدم صار 10شهور والى هسة كلشي ماكو لاحس ولا نفس يعني مدنعرف الوضع شنو مقبولين لا الموضوع بيه نتيجة لو انتظار على الفارغ ولك مني كل الاحترام والتقدير والشكر

[alwismy]

السلام عليكم جميعا وربي يبارك يومك ويجعله خير وبركه ورزق للجميع... الاخ ملك الحيرة جزاك الله خير على السؤال وربي يوفقك ويسهل امرك انا قدمت بسنة 2007 من ابو ظبي  يعني منا من الامارات ومثل مكتبت انوا مكانت اكو مفوضية يعني مو مثل هسه كان بيها بذاك الوقت بس عبد السلام ومدام مي ومكنت اشوف غيرهم هناك.. المهم
يا اخي اني اتعجب على بعض الفقرات بكلامك وكلام بعض الاخوه ومنهم الاخ sparky ومشكورين طبعا للتوضيح ..بس اني ترى والله متابع كل الاخبار وصارلي اربع سنين وشهرين من مقدم على المفوضية وصدكني لجنة المحلفين ( الامريكان )ما عدهم وقت محدد يجون بيه  بس عدهم والاكيد ( يجون مرتين بالسنة ) بس ممعلومه الاشهر الي يجون بيها وصدكني وكونوا على ثقة اني اعرف اكثر من شخص طلعوا من ابو ظبي وعندي اتصال بيهم بامريكا كل واحد قابل بشهر شكل ( وي المحلفين اقصد ) هاي شغله ..

 الشغله الثانية لجنة المحلفين ميجون للامارات  الا اذا يكون عدد الي الي اجاهم ( كلير ) قبول بين ال 25&30 شخص يلا يجون  وهذا كلام اقسملكم بلله اني واثق منه وما اكدر اكول اكثر .. ويارب يوفق الجميع ويسهل كل اموركم ويقدم النا والكم كل مافيه خير وصلاح....
 اخوكم  يـوٍسفـي

وانت صادق بكلامك ياخوي

تحياتي للجميع

وربي يوفق ويسهل امر الجميع

[omarsami]

بشائر الخير لمنتظري الوفد الامريكي:
البارحة كان عندي مقابلة اضافة طفل مع الاتراك
وبلحرف الواحد سالتهم يمتى يجي الوفد الامريكي
كالولي شهر القادممممممم هاي من حلك لي قابلتني

[أبو هند]

ياجماعة الخير
شلونكم؟
وشلون أوضاعكم؟

أريد أحجي الكم وضعي باختصار

أني بامريكا وخطيبتي بالامارات وراح أكتب عليها بعد فترة ان شاء الله
وأريد أجيبها هنا
واني جنت مفكر أجيبها كطالبة (فيزت طالب)
بس لمن شفت هذا المنتدى وهذا القسم أشو غيرت رايي

وأريد أستفسر منكم
بالعادة اشكد اتطول هالايام اذا قدمت هسا؟ وهل تلحك تقابل مع المحلفين شهر ثمانية؟
وهل اذا كالت زوجي بأمريكا يسرع من المعاملة؟

مع التنبيه انه اني ماعندي جنسية ، بس كرين كارد....

وهاي بوسة على راس اللي يجاوبني - بس شرط ما يكون أصلع 

[vaio]

اخونا العزيز ابو هند الورد
بالنسبة لموضوعك  اذا تكدر تقرا مشاركاتنا   في الصفحات السابقة راح تعرف ان مسالة اللجوء  من الامارات تطول سنوات عديدة وهاي السنوات العديدة  ممكن تتزوج  وتتوفق وتخلف ان شاء الله ومعاملة اللجوء ما خلصانة .
خاصة التقديم الجديد  عليك ان تنتضر سنتين على الاقل قبل ان ينظرون بالمعاملة مالتك  وسنة لحد ما تقابل المقابلة الاولى  وسنة رابعة لحد ما تقابل المنظمة التركية وسنة لحد ما تقابل الوفد الامريكي  وسنتين لحد ما تجيلك الموافقة الامنية ويحددولك موعد السفر. يعني المجموع سبع سنوات . طبعا هذا مو شي ثابت ممكن تخلص الشغلة بأربع سنوات وممكن بأقل وممكن بأكثر من سبعة  والسبب  ان هنا الاجراءات جدا بطيئة .
وقد تكون خطيبتك ما مستوفية للشروط  ويضيع  الانتظار عالخالي بلاش .
نصيحتي لك  بأن تقدم لها فيزة سياحية او دراسية او علاجية  وهناك تدبر امرك .
كل الي تشوفهم هنا بالمنتدى هم مقدمين من سنوات طويلة  وبعدهم ببداية طريقهم.  والي واصلين للمراحل النهائية هم بالحقيقة مقدمين من زمن السومريين . الله يعين الجميع  ويوفقهم  ويقضي حوائجهم  وانت معاهم يارب

                 فايـــــــــــــــــــــــــــــو

[tantonee]

حبايبي الحلوين ،

سلام عراقي اصيل

مرحبا شلونكم  شنو الاخبار مشتاقين،

هسة اني تعبت من العلس مال المنظمة هاي صار اخر مرة خابرو رمضان الي فات و اتاكدو انه استلمو الفورم و الاوراق و ذاك يوم و هذا يوم و من كلت هاي ما يصير لان احنا هسة لا مقدمين و لا ما مقدمين على اي اساس ياخذون اوراقنا و لا ينطونا رقم و لا ورقة و هسة احنا اذا اسمائنا بالكمبيوتر  يعني هاي مشكلة بالمستقبل على اي تقديم الى هجرة او لجؤ او عمل بالخارج و حتى الشنكن فيزا لان الاسم يربط بالانتربول و بكل

زين اريد اروح مباشرة الى تركيا مكنسل من الامارات و جواز "اس" و اريد رد فعل مبشر الله يخليكم

اني بعد ما اتحمل هنا و هذوله بالمنظمة اقل شي اكول عليهم نايمين بالعسل و بعد جم يوم يصير الضغط مال الليبين و السورين و غيرهم و احنا ينسونا ترى هاي اخر سنة يقبلون لجوء للعراقين

[tantonee]

شكرا على كل اجوبتكم و مساعدتكم لاخواننا في المهجر و الوطن.
كنت قد بحثت عن جواب عن جواز فئة الاس و لكن اريد توضيح اكثر اذا امكن.

الان انا عندي جواز فئة اس و هنا في الامارات لا يوجد سوى هذا الجواز حاليا و قد تم الاشارة الى السفارات بان تجدد اي جواز الى ان يتم عودة العمل باصدار جوازات جديدة و قد سمعنا هذا الكلام من اخواننا في عدة دول و منها امريكا.
انا لا يوجد عندي اقامة سارية حاليا و اريد ان اذهب الى الجوازات و اختم خروج بلا عودة من الامارات و لكن و بهذا الجواز اس هل استطيع ان ادخل اسافر الى تركيا و اقدم نفسي الى المفوظية السامية علما اننا قد قدمنا من الامارات و اخذو الاوراق المطلوبة بعد سنتين انتضار و هذا كان رمضان الماضي و لم ياتي منهم اي خبر. او يجب عليه ان اذهب الى اربيل او بغداد و في حال ذهبت الى العراق هل وجب عليه اصدار جواز جديد للسفر الى تركيا او استخدم نفس جواز الاس. و شكرا و اسف للاطاله.

[alzandawi]

اخي العزيز تانتوني اكو شغلة وحده انه تركيا اذا تريد تدخللهة لازم فيزة وانت ماعندك اقامة هنانه يعني السفارة مراح تنطيك فيزة لانه بس للمقيمين متنطي للزائرين واتوقع جواز اس تكدر تدخل بيه تركيا لانه بس عمان متشتغل بلاس فلازم اول شي تطلع جواز aوبعدين تروح لتركيا لكن لبنان تكدر تروح الهة وعادي الاس  ماشي واتوقع متحتاج فيزة لانه الي اعرفة لبنان من المطار تاخذ الفيزة والله يوفقك ويسهل امورك

[يوسفي]

السلام عليكم ورحمة الله وبركاته جميع الاخوه والاخوات المشاركين والزائرين بالمنتدى... انشاء الله يارب اتكونون بالف خير وصحه وعافية ( وصبر ) واهم شيء للاخوه الي مقدمين هنا بالامارات الصبر وطولت البال واني مع الاخ( vaio) بكلامه ولو شوي هواي بس لازم نصبر والخير جاي انشاء الله .. لان صدكون انشاء الله الاشهر الجاية راح يصير بيها كثير تسريع بعون الله لان هي المفوضية كانوا يقابلون ويحركون طلبات الي مقدمين بل 2006 و 2007 وهسه تقريبا خلصوا هاي الطلبات وانشاء الله يسرعون بطلبات السنين الي بعدها وصدكوني ومثل مذكرت بكلامي قبل هنا يمشون بتقديم الطلبات على  ( الاقدم ) يعني مو على الحالات الاكثر ضرر ... ولتنسون انوا عدد الموظفين الي بابو ظبي صاروا من فترى ضعف العدد الي كان موجود قبل يعني كلها بشرى خير انشاء الله.. وياربي انشاء الله يوفق الجميع ووييسر كل اموركم وامو عوائلكم واطفالكم وربي نلتقي بيكم ونسمع اخبار منكم كلها خير وسعاده

اخوكم .. يـو سـفـي

[uae123]

السلام عليكم اخوتي المحترمين
اريد احد منكم يوضحلنا ماهي الاسئله الموجه بالمقابله الاولى من قبل اليوان ...وهل هي موجه لجميع افراد العائله ؟؟؟ وشكوت ينطونه رقم الكيس... وماهو التجيك الامني
ولكم الشكر الجزيل

شنو محد منكم مسوي مقابله اولي يمعودين وينكم ...الله يذكرها بالخير لاختنا شجره واخونا ابو الزوززززز كانوا ابد ميقصرون بالرد

http://www.ankawa.com/forum/index.php?topic=426971.0

[ابو فراس]

السلام عليكم اخوتي

اني اسمعت السفاره العراقيه بدبي دطلع جوازات زين اني مقيم بقطر يصير اطلع جواز لبنتي من دبي واذا تعرفون شكد طول معامله الجواز اكون شاكر جدا اذا كدرتوا تجاوبوني

[sparky]

السلام عليكم
المعلومات التي لدينا انه المفروض دبي تعمل للمقيمين هنا في دبي
واللي بقطر من قطر وهذا العنوان مال السفاره بقطر
والله سبحانه اعلم :-
 Iraqi Embassy in Doha, Qatar

Embassy of The Republic of Iraq in Qatar.

Embassy of the Republic of Iraq,Doha
City: Doha

Phone: (00974) 4672263 / (00974) 4672257

Fax: 00974/4673347

Email: dohemb@iraqmofamail.net

[sparky]

للمقيمين بدبي
الجواز يخلص من 3 اسابيع لشهر ماكسيمام والله سبحانه اعلم
لانه الجماعه لن يتغيروا لقيام الساعه والشغله واسطات ومزاجيات مال الجماعه والفيكات مالتهم اللي مراح تخلص

[uae123]

للمقيمين بدبي
الجواز يخلص من 3 اسابيع لشهر ماكسيمام والله سبحانه اعلم
لانه الجماعه لن يتغيروا لقيام الساعه والشغله واسطات ومزاجيات مال الجماعه والفيكات مالتهم اللي مراح تخلص

بس سباركي انا خابرتهم من قبل كم يوم قالو ان ما تبقى شهر لحد ما تخلص يمكن اطول اسبوعين  وان هما ماسكين مال الخليج كله هذا على كلام السكرتير الي هناك بدبي وهذا رقمهم
043584700

[sparky]

الاخ العزيز يو اي اي
حاولت الاتصال بالرقم واللي هو كالمعتاد ميجاوب او مايربط او لاتسمع له له صوت وكانما دتخابر على المريخ مو القنصليه العلراقيه بدبي


والله يااخي اذا السكرتير قال نتمنى انه فعلا نحن على خطا وانهم يقبلون جميع معاملات الاخوه العراقيين المساكين
ولهذا السبب انا وضعت عنوان وهاتف قطر حتى الاخ السائل يسال من طرفهم بقطر قبل مايوصل لهنا وتطلع الشغله مومضبوطه واحنا نحصل المسبه او على الاقل اننا سنلوم نفسنا على الخطا الجسيم الذي ارتكبناه بحق الاخ السائل وادامكم رب العزه

[uae123]

الاخ العزيز يو اي اي
حاولت الاتصال بالرقم واللي هو كالمعتاد ميجاوب او مايربط او لاتسمع له له صوت وكانما دتخابر على المريخ مو القنصليه العلراقيه بدبي


والله يااخي اذا السكرتير قال نتمنى انه فعلا نحن على خطا وانهم يقبلون جميع معاملات الاخوه العراقيين المساكين
ولهذا السبب انا وضعت عنوان وهاتف قطر حتى الاخ السائل يسال من طرفهم بقطر قبل مايوصل لهنا وتطلع الشغله مومضبوطه واحنا نحصل المسبه او على الاقل اننا سنلوم نفسنا على الخطا الجسيم الذي ارتكبناه بحق الاخ السائل وادامكم رب العزه

ابقى هواي تتصل لحد ما تحصلهم لان هما اصلا غيرو مكانهم صارو بردبي بالمنطقه مالت السفارات

[يوسفي]

السلام عليكم ورحمة الله .. اشلونكم يارب الكل بخير وصحه وعافية وصبر .. الاخ العزيز ( ابو الزوز ) جزاك الله الف خير  على الكلام الي كتبته ..وكفيت ووفيت وكل الاجوبة الي جاوبتها بمشاركتك الاخيرة كلها صح وكلها صارت وياياه..

اما الاخ (dodo3)  اخي العزيز بس لتصير عصبي واتاذي نفسك ترى نوبات شوي نتاخر عليك بالرد لان مشغولين ويمكن منفتح نت المهم..
ربي يوفقك ويسهل كل امورك.. اخي العزيز المقابلة الي اتكول عليها  يمكن يفابلك لو عبد السلام لو  مدام مي ويسالوك اساله عاديه مثل مكال ابو الزوز  اسمك الكامل واسم اخوانك واخواتك  ومواليدهم واسم زوجتك واولادك اذا كنت مزوج وياخذلكم صور  بكاميرة الكومبيوتر الك وللعائله.. وتحصيلك الدراسي ويعني مقابله عادي واين اسف يمكن اكو اساله ما اذكرها لان اني من اربع سنين تقريبا قابلت هاي الماقبله.. بس لازم اكو بعد ورة هاي المقابله 3 مقابلات اذا انت كنت مقدم على ال U N ولازم اتكون كل المعلومات الي تنطيها باول مقابله نفسها الي تنطيها بالمقابلات الباقية لان كلها راح تنحفظ بملفك .. ونصيحه كل مقابله اتقابلها شكو شيء كلته من اتكمل  سجل بورقة واحتفظ بيه خصوصا التواريخ جدا مهمه لان صارت وياياه لان بالمقابله الي وراها  من كثر الكلام الي تسمعه او الي تقراها بالمنتديات الي اتخص طلبات اللجؤ تنخبص واتصير اتحسب الف حساب وتنسه حتى اسمك فسجل اخوية العزيز بورقة احسن..
وهذا الي اذكره وانشاء الله كدرت افيدك بشيء من الي اذكرة ؟؟ وربي يوفقك ويوفق كل عراقي ويريح قلبه
 اخوكم .. يـو سـفـي

[سوبرمان بغداد]

السلام عليكم

شباب ابشركم ان الوفد الامريكي راح يجي شهر 6 و على الاكثر نص السادس.

و اتمنى الموفقية للجميع

[يوسفي]

الشكر لله يا اختنا ام دودو وربي يسهل امرك وامرنا  وربي يفرجها على كل الاخوه الاعضاء والزائرين وانشاء الله ربي يوفقنا ونكدر نقدم اي شيء يفيد الناس وانشاء الله ما تنسونا من دعائكم وربي يحفظلكم عوائلكم...

اخوكم  يـو سـفـي

[uae123]

السلام عليكم

شباب ابشركم ان الوفد الامريكي راح يجي شهر 6 و على الاكثر نص السادس.

و اتمنى الموفقية للجميع

والله ياريت لا تعبنا من الانتظار شلون اتأكدت من جيتهم ؟

[omarsami]

السلام عليكم

شباب ابشركم ان الوفد الامريكي راح يجي شهر 6 و على الاكثر نص السادس.

و اتمنى الموفقية للجميع

والله ياريت لا تعبنا من الانتظار شلون اتأكدت من جيتهم ؟

بلنسبة الي اني متاكد شهر السادس جاين المحلفين لان قبل اسبوع كان عندي مقابلة مع الاتراك وكالولي بان المحلفين جاين شهر السادس واكدولي ....واخوي كذلك خابرهم اليوم على تركيا وكالولة عندك اعادة مقابلة محلفين شهر الجاي واتمى للكل الموفقية

[يوسفي]

[الحمد لله والشكر يعني هسه  (انفتحت الجبسة ) مال شهر الثامن على اساس كل سنه يجون بيها المحلفين .. لان بعض الاخوه الله يحفظهم  من كتلهم انوا المحلفين مو شرط يجون بشهر ثمانية لاموني وكلولي انت اشوش على الباقين مو بلا ؟؟؟ تذكرون وصدكوني اني كتبت وكلت انوا عندي ناس طلعوا لامريكا من ابو ظبي وقابلوا محلفين كل واحد منهم بشهر شكل

وانشاء الله ربي هلمرة يقابلون كل عراقي بحاجه للطلعه .. وانشاء الله ياربي اتعيشون احلا حياة بظل اولادكم وزوجاتكم  وربي يوفق الجميع...

اخوكم.. يـوسـفــــي]

[dodo3]

صحيح اخوان راح يجون المحلفين بشهر السادس مثل متفضلوا الاخوه ....لان عدنا اصدقاء متصلين عليهم اليوان كايليلهم كونوا متواجدين بالبلد لتطلعون لان المحلفين راح يجون بشهر السادس  ... هاي وحده ..
والنقطه الثانيه الي مقدمين بس فورم مثل حالنا وبعدنا كلشي ممقابلين ولا اي شي صار سنه تقريبا ...انو راح يبلشون بالناس المقدمه الفورم هم بالشهر القادم لان البنيه الي تسوي مقابلات مال اليوان هسه هي في ليبيا وراح تجي نهايه الشهر وهذا الخبر اكيد ميه بالميه ....وانشالله يارب تفرج علينا كلنا هاي السنه حتى لو بس مقابله وحده حتى الواحد شويه ترتاح نفسيته والله كريم
الله يفرجها على كل الاخوه العراقيين والله ليضيع تعبهم وصبرهم يارب

[sparky]

السلام عليكم ورحمة الله وبركاته جميعا
احببنا المرور عندكم لنعرف اخر الاخبار ولانها يابسه على تمن فنحن محتفظين بالصمت
الله يفرجها على الجميع وكل الطيبين اللهم امين بجاه رب العالمين

[tantonee]

شكرا اخوان على الاجابه و اني شكلي اقتنعت برايكم ، و اروح اكنسل اقامة دبي و اقدم من الاردن او تركيا بس السؤال هو:

هل ممكن ان ادخل الاردن مباشرة بكنسلة من الامارات و بجواز اس لو لازم اروح العراق و اطلع جواز "فيثاغورس" و اقدم على فيزا اردن و اطلع لو تركيا.

و هل ممكن يحولون ملفي على عمان او تركيا لو اروح و هم يرتبون التحويل و اذا اروح العراق ما يتعارض مع طلبنا انو احنا مهزومين من العراق ؟؟؟؟؟ شنو هاي صار مو سؤال هذا صار مقرر امتحان هههههههههه

يلة عود عدكم سؤال ترك و سؤال يمكن ان تستعين بصديق.

و شكرا طبعا على كل التعليقات و بالتوفيق للجميع و يخليكم كَلب على كَلب انشاء الله دوم.

[سوبرمان بغداد]

شباب ماكو اخبار من اليو ان بخصوص زيارة الوفد الامريكي

اخوان حاولوا تتصلون بعبد السلام و تفهمون منه

و الله كريم

[sparky]

الاخوه الغاليين   - يوسفي  والاخ سوبرمان بغداد والاخ جاك سبارو والاخ ملك الحيره  والاخ دودو3 والاخ ابو الزوز والاخ فايو والاخ عمرسامي
والكل الطيبين اللي يقراون رسالتي هذه

السلام عليكم ورحمة الله وبركاته

سؤالي
متى جاء المحلفين السنه الماضيه 2010 فهل كانت وبالضبط اذا ممكن الشهر الثامن يعني 2 لو يوم 8 من شهر ثمانيه 2010
وجزاكم الله الف خير

[سوبرمان بغداد]

يوم 2 من شهر 8 2010

[uae123]

سوبر مان وينك السلام عليكم خابرتهم اليوم الظهر على اي سي ام سي الي بتركيا لان انا على اي سي ام سي
قلي رئسا هو ان المحلفين جاين شهر 6 بس ما يعرف يمتى بالظبط

[شجرة الدر]

السلام عليكم جميعا يالغالين مشتاقه للتواصل معكم جميعا
اخوتي واخواتي الكرام متاعب الحياة هنا في امريكا اشغلتنا جميعا وكلها تركض عالعيشه وتعبانه وكلها تريد تعادل الشهادات والوقت هنا محسوب بالثانيه وهسه تجون بأذن الله وتشوفون الحياة هنا وانا حاضره لاي سؤال وانا لولم اكن معكم بتواجدي لكن انا معكم بقلبي وكياني ودعواتي لكم بالخير ان شالله اختكم شجرة الدر

[سوبرمان بغداد]

اول شي ارحب باختنا العزيزه شجرة الدر و اتمنى الها و للعائلة الكريمه الخير و الموفقية و انشا الله تكونين حاضرة معانا دائما

اخي uae123 اني ايضا اتصلت بعبد السلام و اكدي حضورهم يمكن بالاسبوع الثاني من شهر 6.

بس ننتظر احنا بالقائمه لو لا. الله كريم دعائكم شباب معانا


و الموفقية للجميع

[الامل 2]

uae 123   لوسمحت ممكن تعطيني رقم تركيا   والشخص الي يرد يتكلم عربي او تركي

[vaio]

السلام عليكم جميعا
اخواني الاعزاء  خصوصا  الي يسألون  عن موعد وصول الوفد سواء الوفد الامريكي او الوفد التركي .

اخواني اي وفد  اذا يريد يجي بوقت معين  انتم ما ممكن تخلونة يجي قبل بيوم . ولا تكدرون تاخرونه يوم . يعني الوفد  عندة برنامج عمل  وممكن يوصل بالموعد الي بالبرنامج وممكن قبل او بعد حسب ضروف عمله .
والي  عنده مقابلة ومحطوط على جدول المقابلات  حتما راح يقابل  والي مو على الجدول   بالتاكيد ما راح يقابل .

وكثرة تعليق الآمال  على جية الوفد بيها  مردود سلبي على نفسياتكم اذا ما تحققت المقابلة  .
 ونصيحتي لاخواني الاعزاء  ان يتفائلون خير  ويتركون الباقي يم رب العالمين . لان الشغلة تحب صبر وتحب طولة بال . وانا اعرف هاي اثنينهن صعبات  بس الي ما يكدر على الصبر وطول البال خلي يشوف طريق اخر للجوء .
احنا هنا نحب نسمع مشاركات ايجابية  وتستند لمصادر موثوقة .

وايضا   اقول لاختنا شجرة الدر  نورتي منتداكي . بس كلامك عن متاعب الحياة والعيشة والركض  شغلت بالي  احنا نتمنى تكونين بحال افظل مما كنتي عليه بالامارات  وسؤالنا الكبير هل هذا الشي تحقق واصبحتي بحال افظل من حالك لما كنتي بالامارات لو لا .
اما اذا كانت هذه المتاعب والانشغالات في  حدود الطبيعي فماكو خوف ان شاء الله عليج .
وتمنياتنا لك بالموفقية والاستقرار.


اخوكم فايـــــــــــــــو

[Zozzz]

اخويه العزيز فايو
هيه بصراحها هم حقها بس احنه غير نمون عليها ونعتب مو لومومو ....الله يوفق الكل ويسهلها عل جميع ...

السلام عليكم جميعا
اخواني الاعزاء  خصوصا  الي يسألون  عن موعد وصول الوفد سواء الوفد الامريكي او الوفد التركي .

اخواني اي وفد  اذا يريد يجي بوقت معين  انتم ما ممكن تخلونة يجي قبل بيوم . ولا تكدرون تاخرونه يوم . يعني الوفد  عندة برنامج عمل  وممكن يوصل بالموعد الي بالبرنامج وممكن قبل او بعد حسب ضروف عمله .
والي  عنده مقابلة ومحطوط على جدول المقابلات  حتما راح يقابل  والي مو على الجدول   بالتاكيد ما راح يقابل .

وكثرة تعليق الآمال  على جية الوفد بيها  مردود سلبي على نفسياتكم اذا ما تحققت المقابلة  .
 ونصيحتي لاخواني الاعزاء  ان يتفائلون خير  ويتركون الباقي يم رب العالمين . لان الشغلة تحب صبر وتحب طولة بال . وانا اعرف هاي اثنينهن صعبات  بس الي ما يكدر على الصبر وطول البال خلي يشوف طريق اخر للجوء .
احنا هنا نحب نسمع مشاركات ايجابية  وتستند لمصادر موثوقة .

وايضا   اقول لاختنا شجرة الدر  نورتي منتداكي . بس كلامك عن متاعب الحياة والعيشة والركض  شغلت بالي  احنا نتمنى تكونين بحال افظل مما كنتي عليه بالامارات  وسؤالنا الكبير هل هذا الشي تحقق واصبحتي بحال افظل من حالك لما كنتي بالامارات لو لا .
اما اذا كانت هذه المتاعب والانشغالات في  حدود الطبيعي فماكو خوف ان شاء الله عليج .
وتمنياتنا لك بالموفقية والاستقرار.


اخوكم فايـــــــــــــــو

[sparky]

السلام عليكم على اعضاء جمعيتنا الطيبين من الاخوه والاخوات جميعا

الى الاخت امل 2 فان رقم تركيا الاي سي ام سي هو  00902122192055

اختي وتاج راسي شجرة الدر نتمنى ان امورك بخير وان راسج سالم وطيب
ولاننسى اخونا الغالي ابو الزوزز وبقية الاخوه الغالين

ممنون لاخي الغالي سوبرمان بغداد للاجابه

وربنا مايحرمنا منكم ياطيبين وشاكرين لحرص اخونا الغالي فايو ونصائحه الكريمه التي تثبت نبل خلقه
اسال الله سبحانه وتعالى ان يفرجها على الجميع اللهم امين بجاه رب العالمين

[uae123]

uae 123   لوسمحت ممكن تعطيني رقم تركيا   والشخص الي يرد يتكلم عربي او تركي

00908788792055

[sparky]

عزيزي الورده يواي ئي 123  UAE123
حبيت اسلم عليك شلونك شخبارك انشاءالله بخير يالطيب

[uae123]

عزيزي الورده يواي ئي 123  UAE123
حبيت اسلم عليك شلونك شخبارك انشاءالله بخير يالطيب
[/quote
الحمدالله بخير الله يطول عمرك ويخليك

[سوبرمان بغداد]

السلام عليكم

اشا الله كلنا نقابل بالشهر 6 و الله يفرجه علينا و نطير عاد

الله كريم

[uae123]

سوبرمان  كم شهر صارلك من مقابل اخر مقابله وتنتظر هسه المحلف انا صارلي لحد هسه 7 شهور انتظر من المقابله الاتراك

[سوبرمان بغداد]

uae123

اني وياك بنفس اليوم قابلت الاتراك. و لحد هذه اللحظه دا انتظر الامريكان

[uae123]

عزيزي الورده يواي ئي 123  UAE123
حبيت اسلم عليك شلونك شخبارك انشاءالله بخير يالطيب

جكد صارلك من قابلة الاتراك ؟

[sparky]

لم التقي بالاتراك لان فايلي محول من الاردن منذ عشرة شهور وباقي لقاء المحلفين باذن الله
نحن مقدمين مباشر على الاي او ام من عمان وعملنا مع الصحافه الامريكيه
ونسال الله الفرج القريب لنا ولكم اللهم امين بجاه رب العالمين

[يوسفي]

السلام عليكم ورحمة الله وبركاته جميعا..الاخوه والاخوات الطيبين ارجو من الله ان تكونوا بالف خير  وصحة وسلامه وانشاء الله يارب اتكون المعنويات مرتفعه .. شكرا لجميع الاعضاء الي يضيفون ملعومات قيمة وتنفعنا

واشكر الاخ فـايو على نصيحة الطيبة وكلام جدا صحيح... لان كلنا جربنا ونعرف الانتظار شكد ممل ومقلق للانسان وخاصة اذا كنت تنتظر شيء ومتعرف وقته لو تاريخه..ولكن صدكوني واني صارت بيه وعايشها انا يمكن حاليا اقدم واحد هنا بالمنتدى الخاص بطلبات اللجؤ الي اتخص ( الامارات ) وانتظرت اكثير وما زلت انتظر..واجتي اشهر ائيست من موضوع اللجؤ.. لكن والله العظيم من اشوف حال الاهل والاصدقاء وحال اكثر العراقيين الي بالعراق والوضع الي ميخف على اي عراقي اكـــووول الحمد لله والشكر الف مرة على الامان الي دنعيشه احنه وعوائلنا ويكفينا انوا  انام بليل ومئمننين على نفسنا ابيتنا .. ومئمنين على اطفالنا من يروحون للمدارس او من يلعبون مع اصدقائهم بهل البلد هذا .. ودعونا عن الوضع المادي الصعب  وغلاء المعيشه والايجار وتكاليف الاقامه الي اكثرنا يعاني منه هنا . لكن المثل يكول ( الي يشوف مصايب الناس اتهون عليه مصيبته ) فيا اخواني واخواتي خلوو املنا بالله سبحانه وتعالى كبير وكل واحد يمل من الصبر او يمل من الوضع الي هو بيه  خلي يذكر الاعزاء الي فقدهم ابلدنا العراق وخلي يذكر ــكم امراءه اترملت وكم طفل اتيتم بهل السنين الي هو عاشها هنا بالامارات او الاردن اوسوريا بوسط اهله وعائلته.. وخلي نذكر  ( حر الصيف  )الي هسه هجم على العراق ونشوف  اهلنا هناك شلون بدت معاناتهم مع الكهرباء والمولد وخصوصا الي عدهم اطفال ومرضى.. وانشاء الله ربي يفرج علينا وعلى العراقيين جميعا ويلهمنا الصبر ويقوي من معنوياتنا ومنكون يائسين
 وربي يسهل كلامرنا وامركم .. وانشاء الله ماكون ثقلت عليكم .. بس هذا صدكون من حبي لكل عراقي طيب وصبور وربي يووفقكم ...  قال الشاعر....

 إذا ما أتاك الدهر يوما بنكبة

فافرغ لها صبرا ووسع لها صدرا

فإن تصاريف الزمان عجيبة

فيوما ترى يسرا ويوما ترى عسرا


اخـوكــم ... يـوسـفـي

[omarsami]

بشااااائر الخير اجتي يا ولد
خابروني اليوم من تركيا وانطوني موعد مقابلة محلفين
يوم 8 شهر الجاي
اتمنى الموفقة للكل

[يوسفي]

مرحبا اخ  سوبر مان كيف لحال انشاء الله اتكون بالف خير .. ممكن اعرف حضرتك باي تاريخ قابلت لجنة الانراك ؟؟ ووين قابلتهم هنا بالامارات او ابلد ثاني واكون شاكر الك
وربي يوفقك وييسر امورك

اخوك .. يـو سـفـي

[يوسفي]

10000000 مـبـروك اخ  عمر سامي ... وانشاء الله تستلم رسالت القبول وانشاء الله تستلم التذكرة وربي يسهل كل اكوك



 اخوك .. يـوسـفـي

[omarsami]

اشكرك اخ يوسفي هذا من اصلك
اما بلنسبة للاخت لي تسال عن موعد سفر
عندي صديق سافر بداية هذا الشهر الخامس
مع الشكر

[uae123]

اشكرك اخ يوسفي هذا من اصلك
اما بلنسبة للاخت لي تسال عن موعد سفر
عندي صديق سافر بداية هذا الشهر الخامس
مع الشكر

مبروك الف مبروف هاي مقابلتك مع المحلف اتصور تريد اضافة طفل صح لو لا يعني هاي المقابله الثانيه يعني يمتى قابله مقابله الاولى ويا المحلفين ؟ وسؤال ثاني اذا اجو المحلفين جكد يبقون ويرحون ؟

[يوسفي]

اخ عمر سامي انت الطيب وتستاهل كل الخير .. بس دزيتلك رساله خاصه بيها كم سؤال ممكن تفتحها واجاوبني من يصيرلك مجال ... واني ممنون الك


يــوسـفـي

[omarsami]

اشكرك اخ يوسفي هذا من اصلك
اما بلنسبة للاخت لي تسال عن موعد سفر
عندي صديق سافر بداية هذا الشهر الخامس
مع الشكر

مبروك الف مبروف هاي مقابلتك مع المحلف اتصور تريد اضافة طفل صح لو لا يعني هاي المقابله الثانيه يعني يمتى قابله مقابله الاولى ويا المحلفين ؟ وسؤال ثاني اذا اجو المحلفين جكد يبقون ويرحون ؟

اي اخوية هاي مقابلة لاضاقة الطفلة
واللة صراحة ما عندي جواب يمتى يجون او يروحون
وتريد الصراحة ما اذكر يمتى اخر مرة قابلت محلفين لان هاي ثالث مرة راح اقابلهم هههههه وحبل على الجرار

[يوسفي]

اخ عمر  ما اظن هاي مقابلتك على مود اضافة الطفلة لان امور التحديث الي اصير  اظن تكدر اتحدث اي معلومات يم مدام مي او عبد السلام  لان معقولة محلفين يجون بالسنه مرة يقابلون على مود تحديث معلومات ؟ لان اني اكثر من مرة حدثت معلومات انطيها لعبد السلام لو  مدام مي وهمه يخلوها بملفي

والدليل الوالد اتوفى الله يرحمه ويرحم والديكم بس بلغت عبد السلام وانطيته صورة من شهاده الوفاء وخلها بالملف... بس بلكت هاي مقابلتك الاخيرة وتخلص وانشاء الله  خير ياربي

اخوك يوسفي

[vaio]

الف مبروك للاخ عمر سامي  "خطوة اضافية جديدة نحو الامام"  وربنا يسهل امرك  ويسهل امور الاخوان والاخوات جميعا .

الاخ يوسفي شكرا لمشاعرك الطيبة وربنا يكون بعونك ويسر امورك . 

الاخ سباركي شكرا  لتفهمك يا طيب .
 
اخي ابو الزوز حبيبي نورت المنتدى . وما علينا الان الا ان ننتظر الشهر الخامس سنة 2012 بلكي  اختنا العزيزة  شجرة تجاوبك عن تسائلك هههههه والله يا اخي حقها هناك  الوضع مختلف تماما  ربنا يكون بعون الجميع .


                فايــــــــــــــــو

[sparky]

السلام عليكم يالطيبين ياللي بالامارات والجميع اللي بالغربه

بسم الله ولاحول ولاقوة الا بالله العلي العظيم

الله يبشركم بالخير ومبروك للاخ عمر سامي الورده مال الله
وهاي والله خوش اخبار ولهذا علينا ان نسمي ونتوكل على الواحد الاحد حتى بلكي سبحانه وتعالى يفرجها على جميع العراقيين المساكين اللي اكلهم الظيم والالم والحزن والقهر والتفكير والضغط والسكر وتسمعون العافيه اللهم امين

الاخ يوسفي
الله يبارك بيك على الكلمات الراقيه التي \كرتها
الاخت شجرة الدر الاخ ابو الزوزز وفايو  ويو اي اي 123 والجميع وسامحونا اذا نسينا احد نشكركم لعملكم هذه الجمعيه التي منحتني الشرف بل وكل الشرف حقيقة للتعرف على تاج راسي العراقيين الخيرين المتواصلين باسم الاخوه الاعراقيه والشهامه وروح المساعده لوجه الله تعالى ولانه انجمعنا بما يرضي الله فان في قول كل كلمة حق وكلمة تساعد وتخفف الم على اخ محتاجه فان الله سبحانه وتعالى سيؤاجره على عمله هذا ويبارك له باهله واحبابه وكل من يمت له بالصله
فبارك الله فيكم جميعا ونتمنى ان تنفرج الامور بما يرضي الله اولا واخرا وان يمنحنه هو سبحانه لما هو الخير لنا ولافراد عائلاتنا اللي جنينا عليهم لمن كنا السبب في مجيئهم الى دنيا الاختبار واي اختبار  بلد يسرق وناسه يقتلون وجوازه بايك هوه

واخر دعوانا ان الحمد لله رب العالمين والصلاة والسلام على اشرف خلق الله محمد صلى الله عليه وسلم

اخوكم سباركي الامارات

[omarsami]

اخ عمر  ما اظن هاي مقابلتك على مود اضافة الطفلة لان امور التحديث الي اصير  اظن تكدر اتحدث اي معلومات يم مدام مي او عبد السلام  لان معقولة محلفين يجون بالسنه مرة يقابلون على مود تحديث معلومات ؟ لان اني اكثر من مرة حدثت معلومات انطيها لعبد السلام لو  مدام مي وهمه يخلوها بملفي

والدليل الوالد اتوفى الله يرحمه ويرحم والديكم بس بلغت عبد السلام وانطيته صورة من شهاده الوفاء وخلها بالملف... بس بلكت هاي مقابلتك الاخيرة وتخلص وانشاء الله  خير ياربي

اخوك يوسفي
[/quot\
اخ يوسيفي هذا الاجراء المتبع لاضافة اي شخص الى ملفك
1- تبعث ايميل الى الاتراك مع الاوراق المطلوبة للشخص لي تريد ضيفة
2- بعدها فترة يقابلوك الاتراك مع جلب الشخص لي تريد ضيفة ويوقعك على ورقة .
3- مقابلة المحلفين الامريكان

[keaghost]

اخوان ابشركم انطوني موعد مقابلة مع الوفد الامريكي يوم 9\6\2011 و انشالله الموفقية النا و الكم جميعا

[uae123]

سوبرمانننننننننننننن وسباركي انطوني موعد يوم 9/5 عقبالكم الجميع استوهم خابرونا  

[sparky]

حبيبي الورده يو اي اي 123 تقصد الموعد التاسع من الشهر القادم انشاءالله
9/6

الف مليون ترليون ....وبعد مااعرف بعد الرقم شكو من بعد الترليون مبووووووووووووك
الله ييسر اموركم
والله عبالك اني انطوني موعد
والله العظيم فرحان لكم اكثر مما تتصورون اقسم بالله يااخوان
الدمعه على خدي لفرحي لكم بشرفي

[sparky]

اخي الورده كيج هوست
ارجوك سامحني لانني لم اذكر اسمك ارجوك سامحني من الفرحه لسماع الاخبار سقط اسمكم الغالي سهوا
ارجو المسامحه مره ثانيه
وترليون مبروووووووووووووووووووووووووووووووووووووووووووووووووووووووووووووووووووووووووووووووووووووووووووووك
وفلفيون وهلليون    مبروك - طبعا لاتسالوني شنو هذه الكلمات ( فلفيون او كلمة هلليون ) لانه اني مااعرف شنو
بس اتوقع هذه تاتي بعد العد للاعى من المليون والبليون والترليون والفلفيون والهلليون