اخوان ممكن ارائكم ومساعداتكم ارغب بتحويل مكان المقابلة من العراق الى السويد

[koka75]

  اخواني واخواتي الاعزاء ارغب بتحويل مكان المقابلة من العراق الى السويد-ستوكهولم هل سيؤثر ذلك على معاملتي ام لا وشنو الي يؤثر عالمعاملة هل ستلغى او ستتاخر الرجاء مساعدتي باي معلومة لديكم
  اخووكم ابو محمود

[rafid82]

أخي الكريم  ممكن توضح أي مقابلة تقصد  وعلى شنو انت مقدم حتى نكدر نساعدك وانت هسة وين يعني بالعراق لو بالسويد ؟

[eboo]

اخويه العزيز السلام عليكم
يعني شنو اريد احول مقابلتي اسف يعني غير اتفهمنه او اتوضح اكثر وانته وين وشجابك للسويد واي مقابله واذا بالسويد انته شسوي بالمقابله يعني لازم اتوضح حتى اي واحد يكدر يجاوبك على الي طلبته وربي يوفقك

[koka75]

شكرا اخي العزيز رافد اني مقدم علبرنامج ال siv وحاليا وصلت الى مرحلة ال nvc حيث اكملت اوراقي وانشالله غدا سارسلها الى ال nvc ولكني اسال هل من الممكن ان اغير مكان مقابلتي بالسفارة الامريكية والي هية اعتقد راح تجي ورة هاي المرحلة يعني من اعبر من هاي راح يحددولي موعد مقابلة بالسفارة الامريكية في العراق بغداد وذلك لاني من دزيت اوراقي الى نبراسكا ذكرتلهم انه اني اريد اقابل بالعراق وهسة احتمال عندي سفرة الى السويد حيث اني عايش حاليا بالعراق وداريد اسال هل استطيع تغير موعد المقابلة الى السويد او بلغاريا لكوني اصلا مقيم في بلغاريا فاستطيع ان اقابل في اي دولة اوربية فلهذا يرجى مساعدتكم باي معلومة ممكنة وشكرا لكم
 اخوكم ابو محمود

[ضوء الشمس]

اخي كوكا75
نعم تستطيع ان تحدد مكان المقابلة الذي انت قادر على الوصول له دون عناء على ان يكون للسفارة الامريكية قنصلية في هذا البلد. توكل على الله وحدد الانسب لك.

[rafid82]

والله أبو محمود كنت اتمنى أساعدك بس اني ماعندي أي فكرة على برنامج siv

بس ان شاء الله اكو خوان هنا راح أفيدوك أكثر

[koka75]

شكرا جزيلا للجميع ولاكن للتاكيد وللاطمئنان هل تاثر تحويل المقابلة علمعاملتي يعني راح يكون بيها تاخير لو لا عادي ماكو اي مشاكل
ابومحمود

[ضوء الشمس]

اعتقد مراح اتأثر، بس بصراحة ما متأكد، بس على الاغلب ما اتأثر لان بعدك ما داز للـNVC الاوراق

[(بغدادي)]

عمي ابو محمود انته صبرت ومشيت هالمشوار كله وما بقه شي فرايي تصبر وتمشي الامور مثل ما هية لان باعتقادي تتاخر معاملتك في حال صار اي تغيير بالمسار واني بوكتهة كتلك ما دامك باوروبا فاصبر وقدم مناك  بس كتلي ظروفي صعبة وهسة راح هم تغير مسار المعاملة واني اخالفك بالتوجه والله اعلم..

بغدادي

[بغدادي76]

والله أخي آني اللي أعرفه انو ممكن تقابل بأي سفارة , لكن لازم همه يعرفون بهذه الطلب .

[koka75]

مشكوور اخوية بغدادي واخوية بغدادي76 واني دزيت رسالة الى ال nvc سالتهم بها هل من الممكن ان اغير مكان المقابلة الى السويد او الى بلغاريا اما عن الاخ بغدادي فاخوية العزيز انت صح نصحتني في وقتها بس اني جانت ضروفي في وقتها بالسويد مثل منكول بالعامية مخربطة جدا وجان عندي بعض الالتزامات في العراق يجب انهائها ومنها العمل واشياء اخرى كثيرة ومنها عائلية فلهذا والحمدالى الله تقريبا انهيت كل التزاماتي في العراق ومابقة عندي شي ابقة بيه بالعراق فانشالله غدا راح اروح احجز وانشالله هم ابلغكم بموعد سفري الى السويد يعني راح اتوكل عالله ونشالله الامور خير شكرا وسلامي للجميع
    اخوووكم ابو محمود

[(بغدادي)]

ما دام ناوي اتوكل على الله وانشاءالله خير وموفق..

بغدادي

[بغدادي76]

اخوية koka75 بس فد سؤال ولو خارج الموضوع شوية , انت إذا مقيم أبلغارية ليش تريد أمريكا ؟

[koka75]

خوووش سؤال اخي العزيز بغدادي76 ليش اريد مكان ثاني غير بلغاريا اني اكلك
    اولا اللغة في بلغاريا جدا صعبة وانا عشت بيها حوالي سنتين ونص ولحد الان اخووك هبياض
    ثانيا بلغاري بلد فقير وحاليا وبعد الازمة الاقتصادية دخل في مرحلة الافلاس
    ثالثا بلغاريا كانت من الدول الشيوعية سابقا وهم اي الشعب البلغاري يكره المسلمين والاسلام كثيرا حيث ولكون زوجتي محجبة تم مضايقتها ولاكثر من مرة في بلغاريا واقصد مضايقتها مو مثل جماعتنه بالعراق يعني مو يتحارشون بيها لاماكو هيجي شي ولكن اما يستهزئون بالحجاب الي لابستة او يصدرون اصوات مثلا يقومون بالصياح عرب عرب عرب ومن هذه الامور
   رابعا القانون البلغاري يكول بعد خمس سنوات تكدر اتقدم عالجنسية ولكن وانا شخصيا اعرف ناس وعراقيين صارلهم 9 سنوات و12 سنة ولحد الان مموافقيلهم عالجنسية اي مقدمين ومكملين كل اوراقهم وبياناتهم وماكو اي موافقة حيث لكي تحصل على الجنسية يجب ان تدفع رشوة نعم رشوة مثل جماعتنه ويجب ان تلكة واحد ثقة لان في بلغاريا النص والاحتيال ماشي مشي موطبيعي المهم يجب ان تدفع حاليا وبهذا الوقت يعني ماعرف مستقبلا ليوين راح توصل فيجب ان تدفع حوالي 5 الاف يورو مو دولار 5000 يورو
  خامسا  السكن عندهم كلش غالي ويعني غالي اشرحلك وولو لحد الان اكيد انت اياست من بلغاريا بس ميخالف نكمل الحجي لفائدة الجميع يعني انا كنت ماجر شقة مفروشة في بلغاريا بسعر 500 دولار وهاي ايجار الشقة وجنت ادفع تدفئة للشقة ومي بارد وكهرباء ومي حار حيث المي الحار اشرحلك شلون يصير الدفع مالته المي الحار ينقسم الى قسمين اولا تدفع له من كان مي بارد وثانيا تدفع له من حموه الك ودزوه للشقة يعني تدفعه مرتين تدفعه من جان بارد وتدفع من حموه الك  وجنت ادفع تنضيف العمارة لكل شخص شهريا حوالي 3 دولار وجنت ادفع حراسة حوالي 50 دولار بالشهر يعني تصفة علية الشقة بحوالي 1000 دولار بالشهر ونجي للشغلة المهمة جدا العمل في بلغاريا حيث اذا لم تكن معك فلوس وتفتحلك شغلة خاصة لك فيجب ان تعمل باي عمل حيث اذا الله حبك ولكيت شغلة بيها خير وباعلى راتب ستحصل في الشهر على 400 الى 500 دولار ولكوني متزوج وعندي اربع اطفال فماعتقد هذا المبلغ راح يكفيني اعيش واكمل حياتي ها اكملك اخوية العزيز لو هاهية افتهمت شنو الفلم المهم اخر نقطة وهية التامين الصحي حيث التامين الصحي لايغطي كل شي يعني بس الشغلات السهلة والبسيطة اما الشغلات الجبيرة فمن جيبك تدفعها واويلي عالمستشفيات الحكومية البلغارية حيث مانصح احد يدخل لمستشفة منهم  وانت افتهم يعني خصم الحجي متكدر تعيش هناك الى بقية عمرك ومتكدر تفكر بمستقبلك هناك لان ماعتقد اكو مستقبل اهناك المهم الفائدة الوحيدة الي حصلت عليها من بلغاريا هية الجواز المؤقت والي استطيع ان ادخل به اي دولة اوربية بدون اي فيزة ولاتعب ولادوخة راس واذا راح تسالني ماروح اشتغل باي دولة اوربية لو اعيش هناك راح اجاوبك واكلك ماكدر اشتغل ابيض ورسمي باي دولة اوربية الا بعد ان احصل على الجنسية البلغارية اي المواطنة واسف دوختك وياية بس هسة اني راح اسالك هسة انت شتكول ياهو احسن بلغاريا لو امريكا انتضر جوابك اخي العزيز
 ا خوك ابو محمود