اخوان شنو الموافقة الامنية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

[القانوني]

اخوان شنو الموافقة الامنية هذه الي تتكلمون عليها وماهي الدول الي فيها هذا النوع من النظام  اقصد نظام الموافقة الامنية والله راح اتخبل يعني احنة وره ميطلعنة اعادة توطين لازم نحصل الموافقة الامنية لو شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الحمل]

اخويه بعد مقابله المحلف واخذ البصمات تبدا جراءات الموافقه الامنيه والتي تسمى سكيورتي كليرنس للتاكد من ان الشخص ليس له اي تاريخ ارهابي وغيرها من الامور كان يكون مسجون سابق او مطلوب للقضاء وتكون هذه لكل شخص بالغ في الكيس وهذه موجوده في كل البلدان لانها من اساسيات تحديد موعد السفر حيث لا يحدد سفر بدون استلام الموافقه الامنيه وهذه تكون من الجانب الامريكي اما المده فهي من 3 اشهر الى سنتين حسب الحاله يعني اذا كان عسكريه ا,شتباه بالاسم ,العمل بدوائر الحكوميه ,كلها اتاثر واتطول المده ولكن التساهيل من رب العالمين  وتكون لكلا الجنسين
 تقبل مروري

[القانوني]

شكرا اخي على التوضيح يبارك بيك اخوي

[طلعت روحي]

اخويه الحمل يعني ممكن الرفض لو لا وهم اسمعت احد انرفض بعد استلام الضرف واني صارلي سنه وعشرة اشهر.زين ليش من انخابر للهجره يكولون مو موافقه امنيه اكو اجراءات على ملفك وملفك ماشي طبيعي بس باقيه كم اجراء على ملفك. والله يسهل للجميع.

اخوك:ابو حنين

[الحمل]

اخي العزيز طبعا هم ما يكلون اكو موافقه امنيه ما جايه لان كنت كلما اخابرهم اكلهم ليش جماعتي سافرو واني لا يكولون لا اجراء طبيعي وما كو شي والامور ما شيه لا يضل بالك الى ان عرفت اكو شي اسمه امنيه من المنتدى وفعلا راسلت ال اي سي ام سي بتركيا لان ملفاتنا الرئيسيه هناك بلغوني انو الامنيه ما طلعه الي والزوجتي وضليت اراسلهم كل 3 اسابيع بعدين كلولي الولايه وبعدين بشروني الامنيه طالعه بعد 9 اشهر انتضار  وهاي اني 3 اسابيع بعد الامنيه لا حس ولا خبر والله المسهل

اخي ابد لا تياس ما يجي رفض انشاء الله
انصح بارسال ايميلات مستمره لانه والله اعلماتوقع لوما الايميلات  المستمره ما جانت اتزحزحت شغلتي

[طلعت روحي]

أخي العزيز الحمل اني اشكرك على جوابك والله يسهل امورك وانشاء الله اتبشرنا بموعد السفر يارب اخي العزيز انت بسوريا واني ماعرف اي اميل اراسل عليه ممكن تتكرم ودزليا واكون ممنون منك وبيالغه اراسلهم. والله يسهل سفر كل اعضاء هذا المنتدى.

اخوك ابو حنين

[الحمل]

لا والله عيني احنا ساكنين دول الخليج ملفاتنا الرئيسيه عند ال اي سي ام سي بتركيا لذلك انراسلهم 
ام بخصوص سوريا فافضل سوي موضوع واسال جماعه سوريا لان لازم لازم اكو ايميل للمراسه وشوف ملفاتكم لرئيسيه وين وبالتوفيق

[القرش]

                               السلام عليكم

اخي العزيز الموافقه الامنيه هي موافقة الولايات المتحده عليك ..ومشكور الاخ الحمل لانه شرح لك كل مايتعلق بالموافقه .. واهم شئ يتأكدون منه هو بصماتك واذا ضهرت بصمات تشبه بصماتك عليه يعاد التدقيق من جديد ويعرض على لجنه ثانيه ...والتأخير طبيعي ممكن شهر وممكن اكثر من سنه ..وان شاء الله قريبآ تفرج عليك وتصلك الموافقه بس اصبر يااخي وكلنا مرينا بهذه الحاله .اتمنالك التوفيق .

ابو انس
شيكاغو

[طلعت روحي]

شكرآ اخويه الحمل والله يوفق الجميع ويسهل امرك.