الرجوع الى بغداد اثناء انتظار الموافقة الامنية!

[حمودي ابن زيونه]

السلام عليكم

اكو احد من عائلته رجع لبغداد وهو بانتظار الموافقة الامنية الكشرة يعني مو كل العائلة بس واحد وشنو جان السبب؟

الصراحة صار ظرف ولازم واحد من عدنا يرجع بس مااعرف اذا حيتأثر على ملفي؟

شكراً

[الحمل]

اخي والله اني اعرف شخص راح لبغداد لشغله كلش مهمه وهي وفاه احد والديه انلغى  الملف وضل يتوسل بيهم وكالوله لازم تعيد تقابل المحلف لذلك ابعد عن الشر وغنيله  وابد لا ترحون لبغداد

[ابو ريم]

غير  الجواز وتوكل على الله

[أ.ج.ت]

اخي العزيز 100% ياثر ياريت لو تنتظر ولتستعجل لان حرامات انت واصل مرحلة الامنية اذا رحت لبغداد لازم تبدي من جديد ومصداقيتك اكيد راح تتاثر

[حمودي ابن زيونه]

اخوان صار سنتين انتظار امنيه يعني لعبت نفسنا ... زين مو اني اللي حروح وانما واحد بالملف؟

[حمودي ابن زيونه]

اخويه راسلهم واقنعهم بان السفره شغله حيات او ممات وكلهم راح يجازف بروحته لبغداد وشوفو ردهم شنو وهم انو تو محدثين ملفكم بلكي الله ينطوكم  شي مفرح  مثل الموافقه الامنيه

العراقي

اني حخابرهم والله كريم بس ردت اعرف شنو اللي يقتنعون بيه

[ضـاع الوطن]

انت حاول اتناشدهم او تخابرهم وتقنعهكم بالشغله بس اني حسب معلوماتي وعندي جيرانه سافر هسه بامريكا جان دائما يرجع للعراق لان مو هو صاحب الكيس جانت مرته هيه صاحبة الكيس وهو جان يرجع البغداد يشتغل

وانت هم حاول تستفسر منهم

[مهاجرين بلا حدود]

حمودي شلونك اخوية ...

اذا تذكر جماعتنا قبل من احد ييريد يرجع لبغداد كان يحجز على مطار اربيل ويمشي شغلته من اربيل

لو ناسي ؟؟؟

اهم شي الختم بالجواز على مطار اربيل مو لو مو مو ؟
والله يساعدك وسنتين صارلك تنتظر ...دعائي لك بالصبر ومجي المهجومة

[حمودي ابن زيونه]

السالفه ابغداد ومترهم الا احد يروح من الاهل

[ابو ياسين]

اخي العزيز انته بيادوله انا كنت بسوريا وتاخرت المواغفه الامنيه مالتي سته وشهرين وبهاي الفتره رجعت للعراق ثلاث مرات ومن صار السفر ولاواحد شاف الجواز وسافرت عادي بس ماعرف اذا بغير دوله يطلبون الجواز بالسفر والله الموفق

[حمودي ابن زيونه]

اخي العزيز انته بيادوله انا كنت بسوريا وتاخرت المواغفه الامنيه مالتي سته وشهرين وبهاي الفتره رجعت للعراق ثلاث مرات ومن صار السفر ولاواحد شاف الجواز وسافرت عادي بس ماعرف اذا بغير دوله يطلبون الجواز بالسفر والله الموفق

بالاردن الشقيقه اخويه

[عبسي]

حمودي مثل ما كال ابو محمد اذا كلش الشغلة مابيها مجال خلي اللي يريد يرجع للعراق ياخذ طيارة من عمان لاربيل وبعدين ياخذ طيارة من اربيل لبغداد

عبسي

[عراقي في تركيا]

اخواني تعرفون احنه بتركيا ماى يحقلنه نتنقل بين المحافضات التركيا يعني سجن موقت اضافه الى صعوبه الغه ومستحيل الشغل ابعد شي بتركيه عدنه هوه الشغل يعني ماكو ابد والله كريم اتمنى الجميع الموفقيه

[النسيم المهاجر]

[ادير بالك hr]صديقي

لانه راح ينعاد كلشي من جديد ومحلفين من جديد وكلشي يرجع من اول هاي اذا مارفضو



 النسيم الجاثم بسبب الامنيه

[طلعت روحي]

اخويه حمودي اني طبعآ صاحب الملف ومره راجعتهم للهجره علمود زوجتي تريد تروح لبغداد لأمر طارى كلتلي  تروح ومطول اكثر من اسبوع ومن تسافر خابرني وبلغني ومن ترجع هم بلغني وكلتلي انت ممنوع تروح للعراق بس اني الي سمعته اذا رايح وممطول اكثر من اسبوع جدآ عادي.
اخي خابرالهجره واسئلهم وكلهم موضوع جدآ طارى وشوف شي يجاوبوك والله يسهل امرك.


اخوك :ابو حنين

[حمودي ابن زيونه]

اخويه حمودي اني طبعآ صاحب الملف ومره راجعتهم للهجره علمود زوجتي تريد تروح لبغداد لأمر طارى كلتلي  تروح ومطول اكثر من اسبوع ومن تسافر خابرني وبلغني ومن ترجع هم بلغني وكلتلي انت ممنوع تروح للعراق بس اني الي سمعته اذا رايح وممطول اكثر من اسبوع جدآ عادي.
اخي خابرالهجره واسئلهم وكلهم موضوع جدآ طارى وشوف شي يجاوبوك والله يسهل امرك.


اخوك :ابو حنين

اخابر الهجرة لو دير غبار؟

اني ملفي بالاي او عم ؟

[angie-dawood]

اخي الغالي حمودي مااراح اكتب اي شي لان الاخوة ما قصروا بالرد بس راح ادعي الك من ربي ان يسهل كل امورك وربي هو الي يفتحها بوجهك ويارب يوم الي تبشرنا بموعد سفرك اختك تدعيلك بالخير دائما ربي معك

[حمودي ابن زيونه]

اخي الغالي حمودي مااراح اكتب اي شي لان الاخوة ما قصروا بالرد بس راح ادعي الك من ربي ان يسهل كل امورك وربي هو الي يفتحها بوجهك ويارب يوم الي تبشرنا بموعد سفرك اختك تدعيلك بالخير دائما ربي معك

الله يسمع منج انجي الورده ويخليج النا ويحفظج الله

[عراقي صابر]

عزيزي حمودي

الك الله وهو يسهل كل امورك بعونه

والله الموفق

[ابو ريم]

اتوكل على الله ولا تخبرهم صديقي سافرت زوجته الى بغداد مرتان ولا اخبرهم وسافر الى امريكا قبل سنه وشكرا

[حمودي ابن زيونه]

شكرا اخويه عراقي صابر

والله الشغله اتحير انه اتخبرهم لو لا؟

[طلعت روحي]

اخويه حمودي اتريد تتصل بلهجره وتبلغهم او اذا واحد من الملف وشغله مطول فتوكل ولتبلغ يعني اقصه مده اسبوع ميحاسبون عليه حتى اذا شافو الجواز ميحاسبون لان موهوه صاحب القصه اخويه صلي الاستخاره وتوكل والله يسهل امرك.

اخوك:ابو حنين

[حمودي ابن زيونه]

شكرا اخويه والله كريم

[um faisel]

الله يفرجها عليكم اخوية

[عكعك التطوى]

حمودي اعرف كذا حاله رجعوا لبغداد من مصر بعد المحلفين وسافرو لامريكا ومحد كلهم  على عينك
حاجب بس جميعهم تقديم مباشر على IOM ولا اعرف ان كانت الحاله تختلف بالنسبه للمتحولين عن
طريق  اليو ان

[حمودي ابن زيونه]

حمودي اعرف كذا حاله رجعوا لبغداد من مصر بعد المحلفين وسافرو لامريكا ومحد كلهم  على عينك
حاجب بس جميعهم تقديم مباشر على IOM ولا اعرف ان كانت الحاله تختلف بالنسبه للمتحولين عن
طريق  اليو ان

شكرا عكعك ... المشكله اللي حيروح طالعه موافقته وصارت اكسابير بس مو هو ابو الكيس