سؤالي:ماذا استفدت بعيشك في العراق؟

[ماهر كيزو بوداغ]

ارجو الجواب على سؤالي من كل عضو الي عمره  يتراوح بين ال17 سنه 80  سنه انشاء الله  طولت العمر لكل واحد منكم  

السؤال هو
شنو  شفتو من العراق؟

شنو رايكم انو ابدا  اني

   اني ما شفت ابدا اني انسان   ولا اشعر  يوم من الايام باني حر  ولا  احجي الي اريده دعنى عن المال والجاه وكل شيء  فقط الحريه والانسانيه  انا الان في المانيا اشعر بالحريه والامان الي هو اهم شيء وانا عمر39 سنه ما يوم شفت بيه بالعراق انو اني انسان بمعنى  الكلمه  
الكل هنا يحبنى يشعر بتاريخنا ويعرفون  مسيحين العر اق بكل طوائفهم  ويحترموننا

 ولكن ليس الكلام هذا   هو ماذا استفادينا  من العراق ارجو الجواب  كل من حسب عمر وبصراحه تام

[noni2006]

سوالك حلو يا ماهر و اكيد كل واحد منا سئلة لنفسة يوم من الايام....بس من وجهة نضري الوطن مثل الام  مهما كانت  بشعة وفقيرة ومتقدملنا شي فتبقى امنا والشي الي يئلمها يئلمنا اكيد  ....وهي تبقى يم اسمنا مهما غيرنا الاسم والجنسية...اتمنى العراق يرجع  بخير حتى اهالينا و اولادنا  يعيشون براحة و امان.....والشي المحزن انو احنا انحرمنا من احلى الذكريات...يعني حلو الواحد يمر من  لمستشفى لي نولد بيها...او االمتوسطة الي درس وعاش لحضات المراهقة...او حتى سرة الصمون هههه صح اشياء بسيطة بس قيمتها كبيرة...اسفة طولتها عليكم بس الموضوع يستاهل.

[the_princess]

موضوع حلو آخويه مآهر ,, ورآح آجاوبك ع سؤآلك
آني بالنسبه إلي مآ حسيت بمعنى السعاده والآمان ببلدي  إلي هو العراق
يعني عنجد جنآ محرومين من آبسط حقوقنآ ,, آولهم من جنآ نروح عالكنآئس
جنآ نروح و آيدينآ على كَلوبنآ ,, جنآ نروح ع مدآرسنآ بخوف وبرعب
يعني عنجد مآ شفت الخير ببلدي
وكله كوم وهذا الحرب بكوم ثـآني
يعني والله دائماً ادعي للمسيحيين إلي بالعراق 
آنو الله يحفظهم من آيادي الارهابيين ,, لآن عنجد مابقت عيشه بالعراق
ومآكو بأيدنا شي غير آنو ندعي للعرآق آن يحل السلام و الآمان بيه

..........

ومشكور مره ثانيه ع  طرح موضوعك
,, دُمت بـــ سعاده و ود ,,

[~♥`• KaThy~♥`•]

سؤالك حلو ماهر واني رائي مثل رائي برنس

تحياتي الكم

[عيون العراق]

خوش سؤال.

انا رائي مثل راى الاخوان مشفنا شي من العراق وحاليا الواحد يموت وميكدر يحصل العلاج  شكد مضروف تخوف واحلى ايام الجامعة راحت بالخوف الي جان مسيطر علينا ولحد هسا دانشوف حال الطلبة وبصراحة الانسان ماعندا قيمة بالعراق ولايشعر بان عندا حقوق واجبات
بس مهما نحجي ونكول يبقى العراق امنا وبلدنا ونتمنى من رب العالمين انو يحل السلام ويعوم الامن والاستقرار

[اسعد الزبيدي]

حبيبي يا ابن بلدي الغالي 

                   البلد مثل الام  --  ولا تقاس بنسبة الاستفادة منها 

 يعني  اذا كانت امك  مريضة  وعجوز  ***** او لا سامح الله  مجنونة 

 وانت  لاتستفيد منها  وقلق  على طول اليوم منها ومن تصرفاتها

  هل بمقدورك  يا نور عيوني   ان تذمر منهة***  اكيد لا  تعرف ليش لانك بالفطرة تحبها 
 والعراق يا  صديقي بلدنا   واجدادنا همة الي كانو اسيادة  وهمة مجد حضارتة  وكلنة نعرف

  تاريخ بلدنا  ومهما  تكالبت عليه  من  حكومات  ومرتزقة  ينهبون  خيراته  ويقتلون  ويحرقون
 فاعلم يا اخي الغالي  ***********
   بلادي   وان جارت علية عزيزة  واهلي ان شحو علية كرام

 نحن هاجرنا من شر ما وجدنا من ضلم لنا  من اناس فهمو الحياة بالصورة الغلط
 يسامحهم الرب
 ولكنا  لم نجتث عروقنا من  ارضنا لانها  ستنبت يوما ما

  لك الود  صديقي

[اياد الساهر]

عمري 33 والحمد الله كلشي حلو مر بحياتي شفته بالعراق عشت عمري بين عائلتي وجيراني واصدقائي وصديقاتي وكملت دراستي واشتغلت وتزوجت كله بفضل العراق ومحد كان سالب حريتي ومخليت دولة مرحتلها سياحه بجوازي العراقي وبفلوسي العراقيه طبعا هذا الكلام كله كان قبل الحرب؟؟؟؟؟؟؟؟؟؟؟؟؟
خلي لاننسى فضل العراق علينه

[الامانـــــي]

اخي الساهر مرحبا ان العراق الذي تتغنى عنه كان قيل 30سنه  عفوا  بعمر 3سنوات لان هذه ال30سنه هي احتكار لصدام وحزبه كفكرة المندوب السامي اللي قرينه عنه قبل فترةال30سنه يعني العراق اللي فضله عليك مثل متكول هو عراق صدام

[englaithm]

بلادي وان جارت علي عزيزة     واهلي وان شحو علي كرام

[زهرة الصبار]

عزيزتي اماني
كل كلامج صحيح وعلى راسي بس يعجبني تكملين الحلقات الجديده من مسلسل العراق الحر حتا نشوف شنو اللي تغير وهل جد جديد عالساحه ام لا وباي يوم وشهر وسنه راح نرجع للبلد الحبيب وتحجيلنا شويه على منجزات الساسه المحنكين اللي جوي حتا يعصرون العراق ويعوفو بثل ويرجع الشعب بعد 20 سنة لما يخلص كلشي وتنشف كاعه يستعملون الدوبة للنقل والحمير للتنقل بالوقت اللي الدول العظمى وعلى راسها امريكا راح تكون الاطباق الفضائية هيه وسيلة النقل والتنقل عدهم
اويلي علينا احنا اللي ماشفنا شي غير الضيم
يالله ننتظر الرد

[batota]

مرحبا اول شي اشكر لاخ ماهر على هذا  الموضوع جدا حلو بلبدايه  العراق بلد عظيم وله تاريخها وتشهد له كل الدنيا العراق عدت عليه هوايه  عهود من هولاكو الدمر كلشي لحد هذا اليوم  ومن سيئ الى اسوء الحريه معدومه بلعراق و ماشفنا الحريه  نهائي  لا حريه الرئي ولا حريه لانسان بكل معنى الكلمه العراق يوم بعد يوم ديرجع 100 سنه ليورا الدنيا دتتقدم واحنا نرجع لزمن الحجري اني موقصدي اهين بلدي لا بس هذا الواقع وين الحريه وين الامان الى هو ابسط حقوق البشريه ولانسانيه شنو كل يوم يروح من كل الطوائف  ي100 او 200 يا بسياره يا عبوه  العراق يااخواني لاعزاء اغنى بلد بالعالم واصبح اليوم بلد  معدوم   من كل النواحي  ومع كل لاسف ولا واحد من كل المسؤلين او الروئساء المرو على العراق اجوي لخدمه شعب العراق الكل اجه حتى يستفاد من خيراته والشعب هو المضرر ولحد الان ماشفنا اي تطور في البلد  اي شي جديد ماكو  اشو من سيئ الى اسوء  الله يكون بعون هذا الشعب الماشاف اي شي بحياته ولا حس بمعنى التطور والحياه الراقيه النشوفه باوربا وامريكا وحتى الدول العربيه بيه تطور الا هل بلد ورغم اعظم بلد وخيراته ماله حدود بس شنكول حسبنا الله ونعمه الوكيل بكل من خرب هل بلد العظيم وارجو من الله عز ه وجل ان يحفظ هل بلد ويبعد عنه هل غيمه السوده  والله يااخوان من اتفرج على التلفزيون واسمع مطالب  الشاب العراقي !! هو الامان والكهرباء اصفن اكول يعني هل المسؤلين معقوله بلد بعظمته ومايكدرون  يوفرون  الامان والكهرباء وهي ابسط حقوق البشريه هذا رئي بكل صراحه تحياتي batota

[nuhra]

شنو استفاديت من العراق؟؟؟؟؟؟؟
كلشي ممستفادة والحمد لله على كلشي

بس رغم ذلك ما اكدر اعوفة احب العراق ويجري بدمي وما الومة لان مو صوج العراق صوج بعض الناس الي مصو دماء العراق والعراقيين وخلو مجروح ينزف ويومية مجددين الجرح بس نظل نصلي ونطلب من الله يشفي الجروح وينشر السلام

[زهرة الصبار]

العراق كان عراقا
اما الان لاعراق
ولكن انشاءالله سيرجع العراق عراقا