مرحبا اخوان حبيت ان اشارك بهذا الموضوع اللي يهم الكثير من الاخوه والخوات .بالنسبه للدراسه في ولايتنا اللي هي الباما للراغبين في التقديم للجامعه واللي تجاوزت اعمارهم 23 سنه فهم غير مطالبين بسوى اختبار التوفل وكتابة تعهد بانه اكمل شهادة الاعداديه في البدايه لم يكونو مطالبين حتى بالتوفل بس تروح للجامعه وتكتب التعهد وهاي هيه .والكثير من الاخوه العراقيين الخريجين وغير الخريجين التحقو بالجامعه عدنا ومنهم حتى ميعرف يكتب اسمه بالانكليزي لانه ممكمل ثالث متوسط؟؟؟؟؟؟ بالنسبه للخريجين اللي زي حلاتي نصيحتي يبدي من جديد ميكللهم هو مخلص جامعه لان اذا يكللهم هيج رح ميحصل كرانت يعني منحه يعني يدرس على حساب الدوله بس يجيب لهم توفل واذا مرت عليه سنتين هنا بامريكا ميردون توفل .اما الي يريد ميبدي من جديد يعني يكمل ماجستير فلازم يجيب توفل وgreطبعا الجي ار اي مو سهل ومو مستحيل بنفس الوقت هو اختبار عباره عن رياضيات وانكليزي يردله تقريبا 6 اشهر للتحضير اله ومو صعبه علينا احنا العراقيين والرياضيات اللي يتضمنه الامتحان البيسك مابيه لاتفاضل ولا تكامل بس الصعوبه بالانكليزي يعني اذا واحد يشد حيله يطلع منه وشهادة البكلوريوس مترجمه بالدرجات وعدد الوحدات و3رسائل توصيه من اساتذه من العراق درسوك او تدبرلك 3 عرف يكتبولك كم كلمه حلوه بحقك وبيها ايميلاتهم طبعا رسائل التوصيه بلانكليزي ومحطوطه بضرف مغلق ومختوم,طبعا اكو تخصصين تقبلك للماجستير بغض النضر عن تخصصك بالبكلوريوس واللي هي كمبيوتر ساينس والبزنس مانجمنت.يعني مهما كانت شهادتك بالبكلوريوس تكدر تقدم على واحد منهاي التخصصات بالماجستير .هذا بالاضافه للتسهيلات الماديه تكدرون تقدمون على قرض يغطي مصاريفكم اليوميه .
