ابد مو جذاب بس يطير فياله ****

[أحزان بغداد]

بصراحة واني داانزل الموضوع خربانة ضحك وان شاء الله تكونون ضحكتوا مثلي 

أبد مو چذاب
اكو واحد جان يجذب براس صاحبه شفو شديكوله



كلك تعرف الحرب العالميه الثانيه تقريبا بالـ (1935).. آني چان بوكتها عمري 16سنه... المهم



گاعد بالبيت دا العب بلي ستيشن 2.. دگ الموبايل مالتي (اي لا تتعجبون.. اني من ذاك الوكت


عندي موبايل)

اي اكملك.. دگ الموبايل.. جنت حاط نغمة مال هيفاء (بوس الواوا).. شلته.. طلع (رئيس


الجمهوريه مال روسيا).. گلي: وليدي.. آسفين على الازعاج بس الوضعيه حيل عاوية.. والجيش نصه راح بالزلك.. محتاجيك حيل.

آني صفنت.. إتذكرت أيام الطفوله.. مِن چنت ألعب دعابل بروسيا ويه إبن الوزير.
گتله عمو... إبطن عيني


هسه بس أفوّل المولده التايگر للبيت.. وأجيكم
ترست المولدة.. وچيـّـكت الدهن.. وأخذت البايسكل مالتي.. ذبيته (d).. وقبـّـطت سكليتر..


وين؟؟.. على الخط السريع مال (حله- كربلاء).. ومناك گلت آخذ يمنه علىروسيا... نص ساعه اني بنص موسكو.. بس شحچيلكم!!.. باردة ثلج.


شغلت التدفئة مال البايسكل و صعّدت الجامات... گلتلهم وين بيت رئيس الجمهوريه؟؟.. گلولي

بقطـّاع 20 يم مرطبات: وصلت.. دگيت الباب.. طلع أبو مصطفى (إبن الرئيس الروسي إسمه

مصطفى لأن مرته من الديوانيه).. خطيه الرجال حالته جانت زفت.. حضنـّي.. وگلي الله جابك.. گتله

خير عمو؟؟.. گال هيچ وهيچ السالفه.. والالمان طبوا بينه گول.. گتله عمو.. صدگ چذب.. اني موجود وهيچ يصير!!!

اني رايح.. منا ليومين ان شاء الله تسمع خير

طلعت رحت على ولد أعرفه بروسيا اسمه (قاسم) هذا شقاوه مال بغداد چان وصديقي الروح

بالروح.. گتله قسومي هيچ وهيچ الفلم أريد أسلحه.. گلي تدلل شتريد؟؟.. گتله اريد 65 صاروخ

(أرض- أرض)..... و34 صاروخ (أرض- مي) اقصد: و 89بي كي سي..... و فد 6784 رمانه يدويه...... و54564 لغم منوع بين مضاد للبشر ومضاد للدبابات


حطلياهن بعلاگه.. اخذتهن وعدل وگٍبل للجبهه.. وين؟؟.. بالخطوط الأماميه... ما اجذّب عليكم

الوضعيه صدگ چانت داچـّه (يعني تعبانه).. بس اني اخوكم خوما اخاف!!.. لا يابه لا... گلتلهم

للجنود انتوا لمـّوا چوالاتكم ورجعوا للبيوتكم.. مالكم علاقه.. السالفه يمي صارت


باوعت يمنه.. يسره.. شحچيلكم بلـ (564674534جندي ألماني).. وكل واحد راكب دبابة منفيست حديث..

:

بس اني تعرفني سبع.


نصبّت الصواريخ على چتفي وصيـّحت...اني إلكم.. طبا طبا.. طاخ طاخ طاخ.. الزگه.. جيبه.. ودي.. الله.. إصلخه.. ألطمه (هاي موسيقه تصويريه).


صفيتهم بقوا بس 7 جنود ودبابتين واني باقيلي رمانه وعلچ أبو السهم...... شسويت؟.. لزگت العلچ أبو السهم بالرمانه وشمرتها على الدبابة.. لزگت بيها.. وچان تنفجر.


بقت دبابة وحدة.. ركضت عليها وبيدي قلم أبو النبالات (لحد يگولي منين جبته.. هوه إجه)... ووبالقلم گطعت السرفه (التايرات مال الدبابه يعني).. وگفت... گـُمزت عالقمارة.. فتحت الباب.. نزّلتهم



: واخذتهم أسرى.
طبعا وره ما هيچ سويت.. إجه الرئيس الروسي وباسني من راسي وگلي:.. وليدي انته اقوه من گرندايزر


گتله:.. لا عمو ما سويت شي آني.. عادي.. وانطاني هديه سيارة لادا بعدها ما ماشيه بالچيس.. واشترولي بنطرون كتان أصلي من الصين درجة أولى.. وبوتين أديداس أبو العلامة. رجعت للبيت.. وشغلت المولدة.. وگعدت اتفرج (عدنان ولينا)



هههههههههههه

[وردة الربيع]

صدك ديحجي الولد ابد مجذب والله دمعت عيني من الضحك


عاشت الايادي ياوردة

[sozy hanna]

هههههههههههههههههههه
هذا مو بس ديطير فيالة..هذا ديطير ديناصورات
عاشت الايادي عيوني

[أحزان بغداد]

تسلمين حبيبتي وردة الربيع و سوزي حنا والله فرحت لمروركم وان شاء الضحكة بوجوهكم 

[shakar]

لوووول اويلي الله هذا ابد ميعرف يجذب
ويسلمووووو وردة

[السفير80]

hhhhhhhhhhhhhhhhh

[hewy]

خخخخخخخخخ ايباه

[★M a r t i n a★]

ههههههههههههههههه يمعود الفيالة كلها راح تكسر الموقع ترى

والله تفطس ضحك

[the_princess]

هههههه لووووول
كُ.ـلش قويه يسلمو عالموضوع الحلو
ولآ حـرمـنا من روعـة جـديـدك
,, وديــ ,,

[أحزان بغداد]

تسلمون حبايبي نورتوتني ولا يحرمنا ضحكتكم 

[romance777]

ردى هاذا بس ؟؟؟؟؟

http://www.youtube.com/watch?v=2UfMSjfPyfo