انتطار ما بعد المقابلة,الاس اي في..سؤال اذا امكن

[Linda1]

الى كل الاخوة والاخوات في المنتدى ..تحية طيبة

لقد راسلت السفارة البارحة لكي اسال عن قضيتي لاني ما زلت بانتطار الفيزا وكانت مقابلتي في السفارة منذ شهر التاسع 2009..

وقد استلمت الرد بان قضيتي ماتزال في الادشنال ادمنستراتف بروسس..بصراحة استغربت كثيرا لانه وكما نشرت ذلك مسبقا في المنتدى وقد تفضل مشكورا الاخ ابو رامي بالرد على سؤالي مسبقا..ان فريق المساعدات من الاي او ام قد اتصلوا بكفيلي الامريكي ليتاكدوا من عنوانه ..وقد توقعت وقتها ان قضيتي قد انتهت واني ساستلم الفيزا قريبا..ولكن خابت كل امالي  البارحةوعدت من جديد الى ما تسموه ببحر الظلمات..

سؤالي هو هل الاتصال بالكفيل  والتاكد من عنوانه هو جزء من الاجراءات قبل الحصول على السيكيورتي كليرنس الخاص بكل المقدمين على فيزا من جماعة الاس اي في؟

وهل تعتبر هذه المرحلة الاخيرة من التجيك الاداري  قبل اصدار الفيزااو لا؟

لاني بصراحة في حيرة شديدة الان ..لان المعروف عليه ان الاتصال بالكفيل تكون من قبل فريق الاي او ام ولكن بعد حصولهم على سكان كوبي من الفيزا التي ترسلها للرابسنت بعد حصولك على الفيزا وليس قبل ذلك..

الشكر مقدما لكل من سيرد على سؤالي..والموفقية للجميع

[ROCK]

اخي العزيز ..
لو شوية متعب نفسك ومدور بالارشيف على المواضيع الخاصة بالمقابة النهائية للـ SIV . جان استنتجت الاتي :

1- كل شخص يدخل Administrative Process ، في احدى هذه الفترات  :

أ - الفترة ما بين استلام ايميل من الـ NVC بان الاوراق كاملة ..........((Administrative Process)) .......... الى حين استلام ايميل موعد المقابلة .

ب- الفترة ما بين اكمال المقابلة ..........((Administrative Process)) .......... الى حين استلام الفيزا .


يعني لو انت ما طولت بالمرحلة الاولى .. يعني اكيد راح تطول بالمرحلة الثانية .. لان بالثانية راح تدخل ادمن بروسس .. وهيه الحالة التي انته تعاني منها حاليا .

الفترة تختلف من شخص الى اخر ، احسن حالاتها هيه اسبوعين ... اتعس حالاتها هيه سنة ونصف ..

النصحيه : استمر بأرسال الايميلات لمركز الفيزا NVC .. تسأل فيها عن اي تحديث للكيس تبعك .
او الاتصال برقم الـ NVC الي اعطوك ايها في اول ايميل ارسلوه الك .. واستفهم عن الكيس مالتك ..

تحياتي وتقبل مروري .. اخوك ROCK

[silver_d]

لندا
سبق وان ذكرتلج ووضحتلج هوايه اموور عن الشغله هاي
انتي حاليا بالمراجعه الاداريه الي تيجي من بعد المقابله وهالشغله اصلا مو يم السفاره الشغله هاي يم ال الناس المتخصصين بالتجيك الامني الي اتمر بيها قضيتك بعده مراحل ودوائر امنيه امريكيه وبعد ما يتم استلام السكيورتي كليرنس مالتك من قبل السفاره راح يصدرولج الفيزا وهالشي كلش طبيعي مو شغله اتخوف او فد وبالنسبه لل اي او ام من يرحون يتصلون بالكفيل هاي مو معمناها انو التجيك الامني مالتك بالمراحل النهائيه لاء لان منضمه ال اي او ام منضمه منفصله عن هالتعقيدات الي دتحصل من السفاره الامريكيه
واتمنه انو يكون عندج صبر وانتي لازم اتراسلين السفاره الامريكيه بالاسبوع مره او كل 10 ايام مره حته اتعرفين شنو الي ديصير بالقضيه مالتج ووين ياها وبيا مرحله وانشالله يجي يووم وراح تتذكرين كلامي وتكون كلها سوالف ورده ابد لتشغلين بالج
وبالنسبه للمساعدات من الفريق ال اي او ام من يرووح عالكفيل او يتصل بيه هاي مجرد تاكيد المعلومات لا اكثر لان مراح يكدرون يشتغلون بالابروفل مالتك مال بنيتس اله ما بعد استلام الفيزا حيت اتسوين سكانر للفيزا وراح اتدزيها الهم النسخه على المنضمه المضمه المعينه
تحياتي الج والصبر مفتاح الفرج يا ربي

[silver_d]

اخويه العزيز رووك احب اضيف شغله من رخصتك
اول شي بالنسبه لل NVCSIV@sate.gov هذولي بعد ما الهم شغل بالقضيه مالتها لان هيه مسويه مقابله واوراقها انحالت للسفاره الامريكيه الي في بغداد فيكون الاتصال والمراسلات من والى السفاره عن طريق العنوان الاتي
BaghdadSIV@state.gov
تحياتي واسف على المداخله
سلفر

[ROCK]

حبي انته دومك متألق .. وعاشت ايدك على التصحيح ..

[Linda1]

اولا احب اشكرالاخ روك وسلفر للرد على سؤالي..

ثانيا مثل ما اتفضل سلفر وكال اني هسه قضيتي خلصت من NVCSIV لانه دزيتلهم ايميل قبل تقريبا شهرين اسال عن قضيتي وجان ردهم انه قضيتي خلصانه من يمهم وهسه حاليا بالسفارة الامريكية بغداد..

ودابعث بالرسائل للسفارة كل اسبوعين او ثلاثة والبارحة جان اخر ايميل الهم بس حسيت انه انزعجوا هواية فبصراحة قررت انه اتركهم لمدة اقل شي شهر وبعدها اراسلهم مرة ثانية ..الايميل الي استلمته منهم البارحة:

As we have previously informed you, your case is currently undergoing additional administrative processing, which must be concluded before a consular officer can make a determination on your visa application.

 

Please be advised that applying for a visa does not mean that an applicant is automatically eligible to receive it.  Therefore, we appreciate your cooperation while we continue processing your case.

 

We will contact you as soon as this administrative processing stage has been concluded, until then, we appreciate your patience.

 

Sincerely,

 

Immigrant Visa Unit (dc)
U.S. Embassy Baghdad

يعني هسه صار سنة من قدمت على الاس اي في..يعني حسب معلوماتكم ممكن تاخذ وقت بعد؟يعني بعد اشهر؟
الي صدك مضوجني بالموضوع انه اني ما عندي اي شي ..بالعكس هوايه عندي ريكمندشينات ..بس اعتقد هي مسالة حظ وبس..

اسفة اذا دازعجكم باسالتي ..بس الانتظار يخلي الواحد يفكر هوايه بكل الاحتمالات..

شكرا

ليندا

[vincenzo]

حبيبي روك ترة ماكو ولد اسمه لندا 

سلفر منور بالمعلومات

اختي صاحبة الموضوع نرحب بيج وما اعتقد عندج اي مشكلة بهالمرحلة غير التأخير فحاولي تستغلين وقت الانتضار بفد شي مفيد وخصوصا يفيد هناك بامريكا وخصوصا وضع خطة ودراستها للي ناوي الواحد يسوي هناك باستعمال المصادر المتاحة واهمها الانترنت (ومن ضمنه منتدانا ومواضيعة العتيكة والجديدة)

[ســـرى]

اختي العزيزة الصبر ثم الصبر الى ان الله يفرجها عليكم

احنا هم طولنا سنة وشهر من تاريخ تقديمنا عالبرنامج لحين استلامنا الفيزا من الدي اتش ال

الله كريم

[Linda1]

شكرا للاخ فسنزو..الله يبارك بيك..هذا احلى شي بالمنتدى انه كل واحد يحاول يواسي الثاني ويصبره وطبعا هذا فد شي كلش مهم بمرحلة انتظار الفيزا..لانه اشكد متكون مشغول وما عندك وكت تفكر باي شي اني متاكدة انه  راح تفكر بالحصول على الفيزا طول الوقت بين فترة وفترة من الانتظار الطويل تحس انه مليت وتعبت وتريد بس تستلم الفيزا وبعد متكدر تنتظر اكثر بس ترجع بعدين وره فترة مجبور تنتظر..فطبعا من تسمع بعض الكلمات من اعضاء المنتدى تحس انه انت مو وحدك بهالانتظار وانه قضيتك مو الوحيدة بس اكو هوايه ناس دينتظرون وياك..

طبعا الفضل لكل الي شاركوا بتكوين هذا المنتدى ولكل الاخوة والاخوات الاعضاء الي ديقومون بجهد عظيم  من اجل يساعدون الي محتاج اي معلومة او استشارة تخص قضيته..الله انشاء الله يوفقهم..ويبارك بيهم..

وشكرا طبعا لتوضيح انه اني Female and not male

شكرا للاخ رووك مرة ثانية..وانشاء الله الموفقيه للجميع

[Linda1]

شكرا جزيلا للاخت العزيزة سرى,الله يبارك بيج..مشاركاتج دائما رائعة ومفيدة بالمنتدى
كلامج ريحني ..انشاء الله الموفقية لحضرتج ولكل الاخوة والاخوات في المنتدى

[angie-dawood]

انشاءللة ربي يوفقك اختي لندا وانشاءللة السفر القريب والتوفيق بكل مراحل الحياة

[Karadi]

ليندا

ترة الشغل كل مابيها شغلة حظووووظ والله العظيم واني امبين عليج ماشاالله كلش محظوظة..

انشالله ماخذها الفيزة ماخذتها بس بعد اشكد هاي تعتمد على حظج

نصيحة بعد لا دزيلهم اميل  لا يقفلون عليج...واذا طولت بعد اكثر من شهرين دزيلهم اميل بحجة غيرتي تلفونج وبنفس الوكت اسالي على الفيزة مالتج


بالتوفيق


كــــرادي

[Linda1]

شكرا للاخ كرادي ..

طبعا اني ابد ممحظوظة بشغلة المعاملات..ما عندي حظ بيها ابد..بس اكول الله كريم انشاء الله تفرج..
مثل متكول انت حسيت انه كلش ضايجين من سؤالي..واني سابقا قبل كم شهر خليت ناس اعرفهم بالسفارة وبامريكا يسالون عن قضيتي..والقنصل بنفسه انزعج ودزلي رسالة شفهية ويه هذولة الناس تكول بانه اذا دزيت احد يسال عن القضية او لا هذا لا راح يقدم او ياخر بالمعاملة مالتي ..الاجراءات نفسها في كل الاحوال وراح تاخذ نفس الوقت المقرر الها..

وبعد هذا الكلام ظليت اكثر من شهرين مدزيتلهم اي شي بس بعدها رجعت اراسلهم تقريبا كل اسبوعين او ثلاثة..

بس هسة راح اسوي بنصيحتك واتركهم شهرين واشوف وراها شيصير..

شكرا جزيلا اخ كرادي ..


شكرا ايضا للاخت العزيزة انجي ومداخلتج الحلوة ..انشاء الله التوفيق للجميع..

[Linda1]

لكل الاخوة والاخوات الاعزاء في المنتدى..عندي سؤال.

اذا السفارة بغداد استلموا السيكيورتي كليرنس مالتي..يكدرون ياخرون طباعة الفيزا مثلا اكثر من اسبوع لو من ضمن قوانينهم انه لازم الفيزا تنطبع خلال اسبوع؟....

السيكيورتي كليرنس من اي جهة بامريكا يصدر؟

الشكر الجزيل لكل الاخوة والاخوات في المنتدى..

[asmar22]

انشاءللة ربي يوفقك اختي لندا وتسافرين
 اختى انى صارلى اكثر من سنتين من قدمت واكو ويابة جماعة صارلهم اكثر من سنة من راحوا وانى بعدها مغاملتى بالان فى سي والتوفيق من اللة

[vincenzo]

اختي لندا
ها
شكلنه
بدينه بهاي الاسألة اللي ما تجيب ولا تودي
يعني اسبوع لو مو اسبوع ومنين تصدر
وشأسم خالة اللي يوقع عليهه 
هاي السوالف شألج بيهه
طبعا الكليرانس من وزارة الامن القومي DHS
ومن ال NVC مالة الخارجية
بس احنا شعلينه
يجينه الصافي

نصيحة: خلي تفكيرج بالفيزا على انها وسيلة وليست غاية
واشغلي تفكيرج مثل ما كلتلج سابقا بالتخطيط للي راح تسوينه هناك ليكدام
وراهه راح متحسين بالوقت
هاي من مجرب
ولو هو مبدأ معروف

[Linda1]

شكرا جزيلا للاخ اسمر..

طبعا اني صارلي سنة ونص اذا احسب المعاملة الاولى الي قدمتها مال الاس اي في سنة 2008 شهر اكتوبر ولمن ما استلمت شي من عندهم لحد شهر الثالث 2009 قدمت معاملة جديدة باذار 2009 وبعدني لحد الان دانتظر..هسه ميخالف هذا الانتظار بس المهم اكو نتيجة واكو نهايه لهذا الانتظار..

بس اعتقد من خلال الي اسمعه من الناس الي قابلوا وسافروا ومن خلال المنتدى ايضا انه ماكو احد بقى اكثر من 10 اشهر بالانتظار بعد المقابله ..بالادمنستراتف بروسس

بس تفاجات من كلت انه صارلك سنتين وبعدك لحد الان حتى ممقابل..الله كريم ما عندنا غير الصبر
انشاء الله الفرج لكل الي ينتظرون الفيزا..

ليندا..

[ROCK]

اختي لندا ..

اكو ولد صاحبي يشتغل وياية .. كمل مقابلته .. وانتظر الفيزا من السفارة لمدة عشرة اشهر بالتمام والكمال .. يعني من موعد المقابلة لحين استلام الفيزا .. سنة الا شهرين ..

لو تراجعين ردي الاول .. ممكن تخليني بصنف الناس الي داخلين ادمن بروسس بمرحلة ماقبل المقابلة .. صارلي بالضبط ست اشهر من انه اوراقي كاملة .. ولحد هسه ماكو اي تحديد لموعد المقابلة ..

انتي هسه يسموج داخله ببحر الظلمات .. اخاف ما سامعه بيه .. نصيحه الج اقرب جزيرة ارتاحي بيها فد يومين .. وراها توكلي على الله وكملي سبح الى ان تفرج ..

تحياتي .. وعذرا لان عبالي انتي ولد .. تحياتي وتقبلي مروري

ROCK

[ضوء الشمس]

اختي لندا
اختي طبعا هسه فقط قريت موضوعج هذا، واريد اطمانج تره مو بس انت وحدج تنتظرين ما بعد المقابلة، للعلم اني مقابلتي كانت 20/7/2009 انتبهي للتاريخ وطلب مني طلبات كاصدار جواز جي وكذلك تحويل ولادة ابنائي من بغداد الى قطر لانهم ولدوا في قطر واعطينا ورقة تأجيل مؤقت الى حين اتمام الطلبات، يعني اريد اطمنج تره ماكو رفض ولا اي شيء واذا اكو نقص بالمعاملة يعطوج وقت اتكملين وهاي مصار معي او وياي، وقدمت لهم الطلبات يوم 29/12/2009 واتصلو بيه ثاني يوم ابلغوني اني دخلت مراجعة ادارية للمره الثانية واتابع قضيتي عبر موقع السفارة كل يوم والله عسى اشوف رقم الكيس مع من كملو، ولحد الان ماكو..
فيعني اذا نحسب صار سنة ونص واكثر اني وياهم وما افكر بالموضوع هالكد يمكن لان مشغول بالعمل، لكن مع هذا اتمنه يوم اللي استلم بيه الفيزه حقج تتعبين بس تره اذا ما صبرتي وفكرتي بغير شيء اعصابج تنهار، نصيحتي انسي الموضوع على قدر ما تستطيعين، وخلينه اني وياج انشوف منو يستلم قبل الثاني واثنينه متورطين بالمراجعه الادارية.
سلامي لك وتقبلي مني ماكتبت ولك مني السلام ياخيتي

[Linda1]

شكرا للاخ ضوء الشمس...

الله يساعدك ويكون بعونك ويصبرك..بس عفية طمانتني هواية..لانه مرات اتصور انه رفضوا قضيتي بس اكول ليش ميكولون اذا رفض..تعرف القلق شيسوي بالواحد..اني صابرة والله كريم ..بس انت تعرف الانتظار اشكد صعب والمشكلة متكدر تسوي هوايه امور لانه متعرف راح تبقى او تسافر ..يعني حتى متكدر تخطط لاي شي..الله كريم انشاء الله تطلع الفيزا لكل شخص منتظرها..هلكد ما انتظرت ما اتصور راح افرح باستلام الفيزا بعد..

شكرا الك اخي ضوء الشمس وانشاء الله تفرج عليك باقرب وقت...


شكرا لمرورك اللطيف اخ روك..وماكو مشكلة اذا تصورتني ولد ..اعتقد الكل دايخ من وره الفيزا

اني سمعت بحر الظلمات من المنتدى..على حسب حجيك يعني اني صارلي اكثر من سبعة اشهر ببحر الظلمات..بس اشوكت راح اوصل ما اعرف..
اذا انت متاخر قبل المقابلة  يعني همينه ببحر الظلمات فما اتصور راح ياخروك وره المقابلة..يعني متدخل بحر الظلمات يمكن بس بحيرة صغيرة شوية ظلمة مو هوايه..


بس ممكن اعرف صديقك جان عنده شي لو بلا سبب اخروه 10 اشهر؟


شكرا الك اخ روك

ليندا

[asmar22]

اختي لندا
  اللة كريم كلشى يجى انشاء اللة بالصبر
اختي لندا  اريد اكلج على شى احنا اثنين قدمنا  بنص سنة 2008
 وهوة هسة صارلة سنة بامريكا وانى لحد الان ممسوى مقابلة  هية المسئلة يم الموضف الى ايقيم المعاملة والمسئول عنها اكو جماعة ايمشون المعاملات بسرعة واكو ناس مثل السلحفات وانتى وحضج؟
 المهم اللة كريم  بس انشاء اللة كلها تمر وتصير سوالف واتمنىالج كل الموفقية
اخوج الاسمر

[Linda1]

والله صحيح مثل متكول المسالة بس مسالة حظ...لانه اكو ناس قدمول ورايه وباربعة اشهر كملت معاملتهم كلها وسافروا لامريكا..

اني جنت اتصور الي عنده مشكلة حتى ولو بسيطة بمعاملته يتاخر بالحصول على الفيزا بس داشوف هسه هوايه ناس كل شي ما عندهم ززلا مشكلة ولا اي شي بس ديتاخرون سنة واكثر ..الظاهر ماكو مقياس محدد تقيس بيه القضية او شكد تتاخر ..كل قضية شكل والظاهر بس موضوع حظ لا اكثر ولا اقل..

شكرا الك اخ اسمر وانشاء الله تجيك اخبار زينة قريبا ..

ليندا