***((انحلت مشكلة الحرة والحرة عراق وقنوات عربية كثيرة شوفوا الحل))***

[ســـرى]

اخواني واخواتي اليوم راح اكوللكم على رسيفر الاي بي واو IPWOW وهو عبارة عن رسيفر يعمل عالانترنيت يحتاج انترنيت بسرعة عالية (مثلا FIOS من VERISON) وبيه القنوات اللي راح اذكرها ادناه ما يحتاج صحن فقط يربط عالتلفزيون والانترنيت

موقع لشراء رسيفر الIPWOW
http://www.ipwow.org.uk/index.php?p=1_21

القنوات هي
1.   1. 2M maroc
2. Abu Dhabi Sport
3. Abu Dhabi                                 
4. Al Afasy
5. Al anwar
6. Al arabiya
7. Al Baghdadia
8. Al Dannah
9. Al Fajr
10. Al Forat
________________________________________

11. Al Hayat
12. Al Hayat 2
13. Al Hiwar
14. Al Hurra Iraq
15. Al Hurra TV
16. Al Jadeed
17. Al Jazeera
18. Al Jazeera baraem
19. Al Jazeera Children
20. Al Jazeera sport 1
________________________________________

21. Al Jazeera sport 2
22. Al Kass
23. Al Kawthar
24. Al Magribia
25. Al Majd Holy quran
26. Al Majd space channel
27. Al Manar Tv
28. Al Masriyah
29. Al Mustakillah
30. Al Osraa
________________________________________

31. Al Rafidain
32. Al Rasheed
33. Al Rayah
34. Al Resala
35. Al Saeda
36. Al Somaria
37. Al Zahraa
38. Algerie 3
39. Al rai
40. Bagdad TV
________________________________________

41. Bahrain
42. BBC Arabic
43. Beladi
44. CNN Turk
45. Dream
46. Dubai One
47. Dubai sports
48. Dubai TV
49. Eretria
50. Ethiopia
________________________________________

51. ETN TV
52. Euro D
53. Euro Star
54. Flash TV
55. Fox Series
56. Funoon
57. Funoon Plus
58. Future News
59. Future TV
60. Ghinwa
________________________________________

61. Hannibal
62. Hayatouna
63. Hi TV
64. Infinity TV
65. Iqraa
66. Iraqiya TV
67. Jordan
68. Kanal 4
69. KNN TV
70. Korek TV
________________________________________

71. Kurdsat
72. Kuwait sport
73. LBC Europe
74. LBC Sat
75. Libya
76. Mauritania TV
77. Mazzika zoom
78. Mazzika
79. MBC
80. MBC 2
________________________________________

81. MBC 3
82. MBC 4
83. MBC Action
84. MBC Max
85. Mega TV
86. Melody
87. Melody Arabia
88. Melody
89. MTV Arabia
90. MTV Lebanon
________________________________________

91. Music Plus
92. Nessma
93. Newroz TV
94. Nickelodeon Arabia
95. Nojoom 1
96. Noor Dubai
97. Oman
98. OTV Lebanon
99. Payam e afghan TV
100. PSC Al Quds
________________________________________

101. Qatar TV
102. Rotana Clip
103. Rotana Music
104. Rotana Khalijiyah
105. Rotana Zaman
106. RTD Djibouti
107. Salah El din
108. Sama Dubai
109. Sharqiya
110. Space power
111. Space Toon
112. Sudan TV
113. Syria Drama
114. Syria TV
115. Syrian Education
116. Turkmenli
117. Universal TV
118. Zagros TV
119. Zee Aflam
120. Ariana
________________________________________

121. Ariana Afghanistan
122. Kurd 1
123. ICC Classic
124. Iran Beauty
125. Iran TV network
126. MI TV
127. Omid E Iran
128. PDF TV
129. PMC
130. TV Persia
131. FB TV
132, TRT1
133, TRT2
134. TRT Turk
وللاتصال الهاتفي هذا رقم كندا
     0017788696970                 


          وهذا رقم الولايات المتحدة الامريكية
      0016192748458                           

[ابو خالد]

نشكرج اختي سرى على هذا الموضوع المفيد ولكن اعتقد ان هم لازم ندفع اشتراك شهري يختلف عن دفع اجور النت يعني اجور اضافيه ولكن هم تفيد بحالة الي يسكن بمكان يكون بيه ممنوع وجود الصحن

[swan_mo]

طيب اختي ممكن تكولين شلون طريقة تنصيبه يعني نفس الشركة مسؤلة عن التنصيب لو احنا نحتار بيه وشكرا جزيلا على ماتقدميه -- تحياتي

[عسولة2]

اختي الكريم الف شكر على الموضوع لان اني فعلا عندي مشكله مع الدش الخاص بالقنوات العربيه ومحتاجة الي رسيفر بدون دش ..بس اني البارحه اتصلت بفرع الشركة في شيكاغو وبلغوني انهم الى حد الان مفاتحين مكتبهم فهل ممكن اعرف منج اختي الكريمه طريقة الاتصال بيهم وهل فعلا هذي القنوات تستقبل في اميركا لو فقط في اوربا... وياريت اذا اكو احد من الاخوات او الاخوة مستخدميه قبل يفيدنا بالمعلومات الكامله عن القنوات وطريقة النصب ....وللجميع كل الشكر والتقدير

[أ.ج.ت]

عاشت ايدج اختي العزيزة

[Hexo]

اختي سراوي بارك الله بيك و نشكرك على مواضيعك الحلوة بس اني همين عندي كم سؤال وهي

1. كم سعر الجهاز ( مع الشحن او بدونه)
2. هل يوجد اشتؤاك شهري ام مجاني ام يعتمد على اشتراك الانترنيت الطبيعي والذي يمكن الاشتراك به في امريكا.
3. طريقة التنصيب.
4. هل يوجد به قنوات مشفرة ان يعمل بشكل حزمة من القنوات المجانية.
سبب طرحنا للأسئلة هو لمعرفة الجدوى الاقتصادية من شراء مثل هذا الجهاز ( قصدي اخاف تطلع البطانة اغلى من الوجه).

وشكرا جزيلا لمساعدتك

اخوك
هيكسو 45

[ابو الحسن]

عمي عاشت الايادي
والله نتمنى نشوف قنوات الدش وهنا بماليزيا الدش ممنوع بس كيبل وبي قناة اي ار تي بس ماصخة فد نوب بحيث يطلع فلم عربي اتصورا فريد شوقي لاول مرة ومن هالمال حمل جمال
راح اسال اذا مسموح ننصب هذا الجهاز اشوف واحد من حبايبنا بامريكا يخابر عليهم ويحجزنا واحد ويدزه النا
عمي الف شكر وبارك الله بيج
ابو الحسن - ماليزيا

[نهاد احمد]

عاشت ايدج اختي العزيزة
وبارك الله بيج


نهاد ابو علي

[ابو ياسين]

عاشت ايدج وبارك الله بيج على هاي المعلومات

[ســـرى]

آخر الاخبار اتصلنا بالرقم اللي كتبتلكمياه مال امريكا وياللصدفة طلع الولد عراقي واسمه زياد ومقرهم بسان دييغو كاليفورنيا وطلبنا الرسيفر منه كال احنا بالعادي يجون يشترون من عدنا بس ممكن نشحنلكمياه والدفع يكول راح انطيكم رقم حساب تدفعون عليه تروحون للبنك وتودعون بيه الفلوس وتاخذون الايصال (الرسيت) كال توديع وتسووله سكانر وتدزولياه بالايميل واتفقنا وياه والمفروض يوصلنا بعد 3 الى 5 ايام

سعر الرسيفر 400 دولار اول سنة فري يعني ببلاش وبعدين تكومون تدفعون 150 دولار بالسنة فقط. الرسيفر يربط مباشرة عالانتريت من جهة وعالتلفزيون من جهة ثانية ومن تربطوه (حسب كلام الاخ زياد) راح يطلع ابديت update (تحديث) ومن يسوي التحديث راح يسحب هاي القنوات المكتوبة فوك بشكل عادي وواضح

اكو نقطة مهمة انه الانترنيت لازم تكون سرعته عالية كلما يكون الانترنيت مالتكم سريع (مثلا احنا كناله عدنا خدمة فايوس FIOS كال كلش زين) كلما تسحبون قنوات اكثر وتكون الصورة واضحة هو كال اكو عوائل كلوله الانترنيت مالتهم زين بس من رايح لبيتهم لاكي الانترنيت مو ذيج السرعة فالقنوات شوية تتقطع.


س---------------------------رى

[ســـرى]

الاخ العزيز ابو خالد مثل ما وضحتلكم هسه ماكو اشتراك شهري تشترون الرسيفر ب400 دولار اول سنة ببلاش وبعدين من تخلص السنة تدفعون 150 دولار بالسنة يعني 12.5 دولار بالشهر

[ســـرى]

الاخت swan_mo حسب ما افتهمنا منه انه احنا نسويه وكال انه التنصيب مباشر يربط عالانترنيت وعالتلفزيون بس الظاهر انه اذا صارت مشكلة بالتنصيب ممكن تتصلون بيهم وشوفوا شلون يحلوها

[ســـرى]

اختي العزيزة عسولة2 لاشكر على واجب والرقم الموضوع بالاعلى رقم امريكا ومثل ما كتلكم الشخص اسمه زياد ويحجي باللهجة العراقية وممكن تسأليه لان الفرع هذا في سان دييغو/كاليفورنيا والتنصيب وضحته سابقا وتدللين

[ســـرى]

الاخوان الاعزاء

أ.ج.ت

نهاد احمد

ابو ياسين

العفو واني الممنونة

[ســـرى]

الاخ العزيز Hexo ان شاء الله اكون جاوبت عن اسئلتك بالاضافة اعلاه

وبالنسبة للقنوات ماكو اي قناة مشفرة وان شاء الله من يوصلنا الجهاز ونخلي انطيكم feedback عنه

واي سؤال اني حاضرة

[ســـرى]

العم العزيز ابو الحسن ان شاء الله يطلع يشتغل بماليزيا

راح انطيك هذا الرابط لشخص عارض الاي بي واو IPWOW على موقع الe-Bay واحنا دزيناله ايميل البارحة واليوم جاوبنا هو ببريطانيا وعارض الجهاز ب250 جنيه استرليني ما يعادل 375 دولار ومصاريف الشحن هي يمكن فد 15 الى 35 دولار حسب الدولة تكدر تسأله بالايميل والشحن لامريكا يطول اسبوع حسب ما كاتبلنا بالايميل بس ما ادري لماليزيا شكد يطول

بس احنا ما راح نشتري منه لان تطلع تقريبا نفس السعر علينا زائدا الافضل انه ناخذه من شخص بامريكا يعني اسمه موجود بامريكا والشحن يطول اقل يعني الجهاز يتعرض الى (دفرات ههههه) اقل مما لو نجيبه من بريطانيا عبر المحيطات بس انتو عليكم يمكن اقرب


وهذا هو الرابط ممكن تدخل وتدزله ايميل وترة كاتب انه عرض الجهاز للبيع ينتهي في 1 نيسان يعني بعد فد 11 يوم

http://shop.ebay.co.uk/?_from=R40&_trksid=p3907.m38.l1313&_nkw=IPWOW&_sacat=See-All-Categories


س---------------------رى

[Hexo]

عاشت ايدك اختي سراوي والله ماقصرتي ممنونين

اخوك
هيكسو 45

[ســـرى]

العفو اخوية هيكسو ومثل ما كتلكم من يجينا الجهاو راح ابلغكم باخر الاخبار


س-------------------رى

[angie-dawood]

عاشت الايادي حبي دومك مبدعه بكل مواضيعك بارك اللة بك

[ســـرى]

شكرا جزيلا اختي انجي

[vincenzo]

حيل
400 دولار
وفوكاهه ورى سنة 150
عليمن
هي القنواة مو مجانية؟؟؟
يعني مو اكو بث مباشر على مواقعهم بالانترنت
بعد عليمن هالجهاز والاشتراك والصرف الزايد
اني اللي اعرفه انه الحرة مثلا تبث مباشر من يو تيوب وتويتر ومن موقعهم وهية وراديو سوا تنقل كل الاخبار المهمة عن العراق
اما الامور الترفيهية فالقنوات الامريكية (وخصوصا المحلية المجانية) كلش كافية برأيي

اما الام بي سي ومدري شنو فهاي هم يمكن تبث عالنت؟؟؟ اكدولي

[عكعك التطوى]

مشكوره اخت سرى ولو الموضوع طرح من قبل في المنتدى ولكن بالاعاده افاده وقد يكون
بعض الاعضاء لم يطلعو على الموضوع في السابق وهذا رابط لموضوع  الاخ دع شيبك يسفر
وايضا يوجد به تفاصيل ومعلومات للفائده

http://www.ankawa.com/forum/index.php/topic,377976.msg4392257.html#msg43922

وملاحظه مهمه  بعد شراء الجهاز تكون السنه الاولى مجانيه وبعدها يكون هناك اشتراك سنوي
100 او 110  

تحياتي

[عبسي]

عاشت ايدج اختي سرى وننتظر التجربة وتشوفيلنياه شلونة يسوة لو لا واهم شي بالموضوع مدى استمرارية هاي القنوات لان مرات على غفلة بعض القنوات يتوقف البث بيها باجهزة مماثلة
ننتظر تقريرج

عبسي

[ســـرى]

ان شاء الله اخوية العزيز عبسي ونورت الموضوع

[ســـرى]

اخوية عكعك الكلام اللي تفضلت بيه صحيح واشكرك عالتنويه اني من زامن قارية موضوع الاخ دع شيبك يسفر لان اني سمعت عن الاي بي واو من احد المنتديات السعودية ورحت دورت بارشيف المنتدى واذا تلاحظ اكو كم شغلة

اولا: شوف رد الاخ دع شيبك يسفر على الاخ عبسي :

((عليكم السلام اخي عبسي
نعم هو تقنيه جديده مستمده من الانترنيت وتكدر تشتريه اونلاين من هذا الموقع السويدي يمي
واعتقد كلش عادي تنطيهم ال shipping details in USA وهم يوصلوه لك ب3 ايام وبدون اي اشكال

http://elektronikgruvan.se/product_info.php?products_id=1218
الشركه اللي تبيعه اسمها elektronikgruvan اي منجم الالكتروتيات))

والموقع السويدي الموجود ما يفيد اخواننا هم يريدون لو عربي لو انكليزي مو؟ واني الارقام اللي كتبتها لموقع اخر انكليزي وعربي وكذلك موقع الاي بي اللي انطيته لعمنا ابو الحسن

ثانيا: القنوات هنا اكثر 134 بينما هناك 119

ثالثا: شكرا على ذكر السعر والاشتراك واني ذاكرته باجابتي على اسئلة الاخوان

السعر 400 دولار واول سنة ببلاش وبعدين ورة السنة 150 دولار بالسنة

وقبل فترة نزلت سؤال عن الاي بي واو وما لكيت اجابة شافية حتى الاخ عبسي حاول يساعدني بايجاد الاجابة ولم يفلح لذلك من لكيته عالانترنيت كلت خلي افيد اخواني

بالمناسبة اكو رقمين في الاعلى واحد لامريكا وواحد لكندا

ملاحظة: لحد يشتري الجهاز هسه خلي احنا نصير الضحية ههههههه نجربه بالبيت واكوللكم اخر الاخبار مثل ما وعدتكم

س-----------------رى

[ســـرى]

الاخ العزيز فنشنزو صحيح هي هواية بس انت راح تحتاج بالبيت ككل انترنيت سريع وبس وتدفع فلوس الرسيفر لأن انت ممكن تحصل قنوات امريكية محلية رائعة وبنفس الوقت تبقى على تواصل مع اخبار امريكا لان مهمة وعندك الرسيفر للقنوات العراقية والعربية وللي عنده اطفال اكو قنوات ما تطلع ولابيها بث مباشر وبحالة الرسيفر انت ما تحتاج حاسبة راح تستعمل التلفزيون وبس يعني لازم تخلي حاسبة الك وحاسبة للي يريد يتفرج تلفزيون

عالعموم احنا راح نجربه واكوللكم رأينا بيه وان شاء الله يطلع يفيد

تحياتي واسعدني مرورك

[strawberry 81]

مبدعه    مبدعه      مبدعه                 

[ســـرى]

حبيبتي ستروبيري81 الله يحفظكم

[ســـرى]

هاي القنوات اللي طلعت عدنا بالرسيفر هسه والاجور راح تكون اول سنة ببلاش وعلى اساس انه بعدين السنة ب100 دولار (لان قبلها كلونا 150 بس هسه من اتصلنا عرفنا انه 100)

اي سؤال اني حاضرة وكتلكم راح اجيبلكم الاخبار اول ما يصير عدنا

1.   2M MAROC
2.   ABU DHABI SPORT
3.   ABU DHABI TV
4.   AL AFASY
5.   AL ANWAR
6.   AL ARABIA
7.   AL BAGHDADIA
8.   AL DANNAH
9.   AL FAJR
10.   AL FORAT
11.   AL HAYAT
12.   AL HAYAT 2
13.   AL HIWAR
14.   AL HURRA IRAQ
15.   AL HURRA TV
16.   AL JADEED
17.   AL JAZEERA
18.   AL JAZEERA BARAEM
19.   AL JAZEERA CHILDREN
20.   AL JAZEERA SPORT 1
21.   AL JAZEERA SPORT 2
22.   AL KASS
23.   AL KAWTHAR
24.   AL LUBNANIA
25.   AL MAGHRIBIA
26.   AL MAJD HOLY QURAN
27.   AL MAJD SPACE CHANNEL
28.   AL MANAR TV
29.   AL MASRIYAH
30.   AL MUSTAQILLAH
31.   AL OSRAA
32.   AL RAFIDAIN
33.   AL RASHEED
34.   AL RAYAH
35.   AL RESALA
36.   AL SAEDA
37.   AL SOMARIA
38.   AL ZAHRAA
39.   ALGERIE 3
40.   ALRAI
41.   ARIANA AFGHANISTAN
42.   ARIANA TV
43.   ATV AVRUPE
44.   B4U MUSIC
45.   BAGHDAD TV
46.   BAHRAIN
47.   BBC ARABIC
48.   BELADI
49.   CNN TURK
50.   DREAM
51.   DUBAI ONE
52.   DUBAI SPORTS
53.   DUBAI TV
54.   ERETRIA
55.   ETHIOPIA
56.   ETNTV
57.   EURO D
58.   EURO STAR
59.   FBTV
60.   FLASH TV ARABIC
61.   FOX SERIES ARABIC
62.   FUNOON
63.   FUNOON PLUS
64.   FUTURE NEWS
65.   FUTURE TV
66.   GHINWA
67.   HANNIBAL TUNISIA
68.   HAYATOUNA
69.   HI TV
70.   ICC CLASSIC
71.   INFINITY TV
72.   IQRAA
73.   IRAN BEAUTY
74.   IRAN MUSIC
75.   IRAN TV NETWORK
76.   IRAQIYA TV
77.   JORDAN
78.   KANAL 4
79.   KNN TV
80.   KOREK TV
81.   KURD 1
82.   KURDISTAN TV
83.   KURDSAT
84.   KUWAIT SPORTS
85.   LBC EUROPE
86.   LBC SAT
87.   LIBYA
88.   MAURITANIA TV
89.   MAZZIKA 1
90.   MAZZIKA ZOOM
91.   MBC
92.   MBC 2
93.   MBC 3
94.   MBC 4
95.   MBC ACTION
96.   MBC MAX
97.   MEGA TV
98.   MELODY
99.   MELODY ARABIA
100.   MELODY HITS
101.   MI-TV
102.   MTV ARABIA
103.   MTV LABANON
104.   MUSIC PLUS
105.   NESSMA
106.   NEWROZ TV
107.   NICKELODEON ARABIA
108.   NOJOOM 1
109.   NOOR DUBAI
110.   OMAN
111.   OMID-E-IRAN
112.   OTV LEBANON
113.   PAYAM
114.   PAYAN-E-AFGHAN TV
115.   PDF TV
116.   PEN TV
117.   PMC
118.   PRIME TV
119.   PSC AL QUDS
120.   PTV GLOBAL
121.   QATAR TV
122.   RAJ
123.   ROTANA CLIP
124.   ROTANA KHALIJIYAH
125.   ROTANA MUSIC CHANNEL
126.   ROTANA ZAMAN
127.   RTD DJIBOUTI
128.   SALAH EL DIN
129.   SAMA DUBAI
130.   SAMANYOLU HABER
131.   SHARQIYA
132.   SKY TURK
133.   SPACE POWER
134.   SPACE TOON
135.   SUDAN TV
136.   SYRIA DRAMA
137.   SYRIA TV
138.   SYRIAN EDUCATION
139.   TRT 1
140.   TRT 2
141.   TRT TURK
142.   TURKMELI
143.   TV8
144.   TV PERSIA
145.   UNIVERSAL TV
146.   VENUS
147.   ZEE AFLAM

[hamada2]

اخ عكعك التطوى معلوماتك كانت صحيحة مئة في المئة من كتبت

(وملاحظه مهمه  بعد شراء الجهاز تكون السنه الاولى مجانيه وبعدها يكون هناك اشتراك سنوي
100 او 110  )

تسلم على معلوماتك الصحيحة وبارك الله فيك

[ســـرى]

 

[hamada2]

 

[سلاما للعراق]

اخيتنا الغاليه سرى

الشكر موصول لك لاني فعلا من نشر الاخ دع شيبك الموضوع عملت الكثير للوصول الى احد يبيع الجهاز او جربه ولم اجد وعدة مرات اتصلت بموقع  الشركه في شيكاغو ولكن دون جواب

ارجو منك اخيتنا الغاليه وكما دائما انت في خدمة اخوتك ان تكتبي كيفية الشراء ونقاء الصوره

سلمت لاخيك سلاما

وووسلاما للعراق

[ســـرى]

اخواني واخواتي تتصلون بالرقم مال امريكا او كندا (احنا اتصلنا برقم امريكا) عادة اكو ولد يجاوب عراقي اسمه زياد واكو واحد ثاني اسمه عماد

تطلبون الجهاز واسمه  اي بي واو وتكولولهم انتو بيا ولاية هم مقرهم بكاليفورنيا وبكندا بس دزولنياه من كندا بالبريد ووصل بحدود كم يوم وحولنالهم الفلوس واخذنا وصل بتحويل الفلوس سويناه سكار ودزيناه الهم بايميل

سعر الجهاز مثل ما اخبرتكم اعلاه بس ورة ما وصلنا شفنا انه ما بيه هذا التوصيل اللي عادة مثل التوصيل مال الرسيفر يكون بيه 3 رؤوس احمر وابيض واصفر فاشترينا واحد ووصلنا والطريقة جدا سهلة جهة بالتلفزيون وجهة بالمزود مال الانترنيت مالتنا والحمد لله طلعت القنوات وهسه عادي وبعد همين اكوللكم انه طلعت مو بس 134 قناة لا طلعت 147 قناة بس من تحولون من قناة الى اخرى شوية ياخذله فد 10 ثوان مو اكثر

الانترنيت اللي عدنا هو خدمة فايوس من شركة فيرايزون بس ارخص عرض اللي هو (تليفون ارضي + تلفزيون+انترنيت) تقريبا 90 دولار بالشهر

انتو من تخابروهم لجماعة الاي بي واو راح يسألوكم على سرعة الانترنيت عدهم يمكن لازم يكون فد 5 ميكا عالاقل ما متأكدة بس احنا لأن عدنا فايوس اخذنا الرسيفر بكل ثقة انتو تكدرون تخابرون وتستفسرون منهم قبل ما تشتروه

الصورة جدا واضحة يعني عبالك رسيفر سترونغ بالعراق بس من نحمل عالانترنيت مثلا 3 حاسبات وتلفزيون شوية يتأخر بالنقل بين القنوات بالنسبة النا الحمد لله مرتاحين عليه وانتو بعد ادرى بوضعكم شوفوا شنو اللي يلائمكم

سلامي استاذنا سلاما للعراق نورت الموضوع بمرورك الطيب اشكر كلماتك الرائعة وسلمت لنا

[الفريدو]

عاشت ايدك اختنا سرى

موضوع جدا مفيد وتسلمين خيتي







اخوك : الفريدو

[ســـرى]

الله يخليك اخوية العزيز الفريدو والله نورت الموضوع بمرورك الطيب

[عبسي]

عاشت ايدج اختي سرى على الموضوع المهم مرة ثانية

عندي سوالين
الاول:درجة نقاء الصورة مثل ما الستلايت العادي لو مثل صورة الانترنيت
الثاني:هل انطوج ضمان مكتوب لمدة سنة للجهاز وهل همة دفعو مصاريف الشحن كلها
الثالث:هل مرات تكطع الصورة او توكف غير شغلة التاخير من تبدلين القناة؟
الرابع:مثل ما تعرفين كل اشتراك نت بيه حد اقصى من الداون لود شهريا اذا زاد عنه يبدون يجرجون مبلغ اضافي فشلون شفتي الاستعمال المتوسط للجهاز ياكل من رصيد الداونلود ويخلصه لو مقبول نوع ما

شفتي بس سوالين مو اكثر
وعاشت ايدج اختي العزيزة مرة ثانية


عبسي

[vincenzo]

والله عدكم فلوس هواي
هية الحرة كلهه اخبار وبرامج حوارية و وثائقية
تشوفهه بالانترنت وميرادلهه وضوح
واخذلك حاسبة ديسكتوب نص ستاو اربطهه بالتلفزيون العملاق اللي عندك وفضت راحت
بعد ليش هالصرف
بكيفكم

[عبسي]

حبي فيكنزو
هسة انتة اشجلبتنة بالحرة عراق عمي نشوفها بس نشوف باقي القنوات هم
ادري انتة شايفها شلون زكاكة مال جيب الكومبيوتر ولطشة بالتلفزيون وشكل كيبل الصورة وشكل كيبل الصوت وافتح الوندوز وافتح الويب سايت واشتريلك ماوس وايرلس علمود تتحكم وانتة نايم على القنفة وتاليها جرررررررررررب وتوكف القناة
عمي عدنة فلوس زايدة حايرين وين نوديهن

عبسي

[vincenzo]

عبسي ما طولك هيجي طكوك رحمة لوالديك فد جطل على قاع بحيرة مشيكان حتى اشوف فوكس موفيز  
شبيهه القنوات الامريكية
يعني ام تي في وناشونال جيوكرافك يمكم من الابي وبعدكم تدورون على هالقنوات السعودية والمصرية والسودانية  

انت معليك بية صديقي لان اني حتى الفحص الطبي يمكن راح اوكف المعاملة لانه بفلوس
منين اجيب

اكو اقتراح
اذا فد برنامج مهم بالنسبة الك
فكل ما يطلع اعبر المحيط الاطلسي سباحة لاي دولة بحيث هوت بيرد والنيل موجودة وشوف البرنامج وارجع سباحة
هم رياضة
وهم ببلاش

[Iron_man]

شكرا لك اختنا العزيزة سرى .... you're almost too good to be true

طبعا المسالة مال مشاهدة القنوات العربية في الغرب لابد منها حتى الواحد ليشعر بغربة

اكو بس مداخلة صغيرونه ... وادري صديقي فينشينزو راح يعلق عليها ..    ,,,, شلون لعد ..... مو هذا فنشينزو ... وما ادراك ما فيشينزو ...


المسالة هي .. اذا الواحد ممشترك بانترنت لكن مثلا هو ساحب من خط قريب عليه من اقرب (McDonald او Domenois  ... او غيرها ..)
فشلون بهيجي حالة ؟؟؟؟ راح تطلع القنوات لو لا ؟؟؟؟ هاي وحدة ..

والمسالة الاخرى ..... عندي ولد صديقي في ولاية تكساس ..... قال بانه هناك موقع بيه كل القنوات العربية يسمحلك بمشاهدتها لايف ... يعني مينراد لا ستيلايت ولا تلفزيون حتى ..... بس الصراحة مجنت متهم بالموضوع بوكتها فحتى مسألته على الموقع ... انشاء الله اذا احجي وياه مرة اخرى اكله على هاي الشغلة ....  بس اللي اخشاه انه احتمال الموقع يوكف بعد ميبث لاسيف ... او لسبب اخر يصير unavailable  مثل جماعة الرابيد شير وهالسوالف اللي توكف وتصير broken

او مثل شغلة الدنكل مال جماعتنه اللي يقفل بعدين ...


عموما شكرا مرة اخرى .... واتمنى التوفيق للجميع

اخوكم

Iron_man 

[ســـرى]

هسه اجاوب اسئلتك اخوية العزيز عبسي (دا احس روحي دا امتحن بكالوريا هههههههههه)
الاول: درجة نقاء الصورة ممتازة مثل الستلايت العادي (مو كاتبتلكم فوق بالضبط رسيفر سترونغ هههههههه) يعني ابدا ما له علاقة بالصورة اللي تشوفها عالبث الماشر من تروح على موقع القناة كلش واضحة.
الثاني: اول ما خابرناهم كالوا اكو ضمان ومن وصل الجهاو شفنا ما بيه ضمان وكالوا بالتليفون من خابرناهم طلع قصدهم انه الضمان هو انه اول سنة ببلاش (ما اعرف ليش يسموه ضمان!!!!) ومصاريف الشحن هم دفعوها.
الثالث: الصورة على طول الخط زينة بس من نشغل 3 حاسبات عالانترنيت شوية تقطع وترجع وراها يعني مو دائما شغلة التكطيع هسه اني دا احجي وياك وابني ديباوع كارتون صار اكثر من ساعتين ولا مرة وكفت الصورة من كلش تكطع راسا يرجعك للقائمة (تشبه القائمة مال الستلايت) اللي بها القنوات روح على غير قناة وارجع ترجع القناة بس هذي الحالة صارت عدنا مرتين فقط خلال هاي الفترة اللي استعملنا الجهاز بيها.
الرابع: هاي شغلة يجرجون بعدني ما اكدر اكوللك بيها لان ما ادري نظام فيرايزون يمشي عليها لو لا بس احنا الخدمة اللي ساحبيها بيها 25 ب 5 ميكا بايت فما اتصور راح نتجاوزها (ال25 لو داونلود وال5 ابلود لو بالعكس ههههههههههه سوري نسيت ارجعلك خبر من اسأل زوجي) بس المهم انا ما متجاوزيها والحمد لله حتى ما مأثر الجهاز على البراوزنغ مال الانترنيت. بالمناسبة انت من تخابرهم راح يسألوك على سرعة الانترنيت يمك ويكولولك يرهملك لو لا او يسألوك عالشركة اللي انت ساحب منها طبعا انت اكيد راح تخابر رقم كندا (هو ترة الجهاز اصلا اجانه من كندا شحن مو من كاليفورنيا وحتى انطونا رقم الشحنة حتى نسويلها تراكنغ) .

احنا همين من ما نريد نشوف قناة عربية يعني نريد نحول عالخدمة مال فيرايزون مال التلفزيون نطفي الرسيفر حتى ما ياخذ من الانترنيت.
بالمناسبة على ذكر الفوكس اكو الفوكس سيريز العربية. وكتبتلكم القنوات اللي طلعت بالرسيفر فوك.

تحياتي اخوية العزيز عبسي واذا عندك اي سؤال اني بالخدمة

تحياتي اخوية فنجنزو بس انت كلش صاير مسرف هالايام هههههههههه يعني ردودك زايدة وهذا كله صرف مو؟؟؟؟ اتشاقه تره

 
 

[ســـرى]

اخوية الرجل الحديدي (والله ذكرتني بالكارتون جنت كلش احبه )

بالنسبة لسؤالك الاول لا ما اعتقد راح تنجح شغلة الرسيفر عندك لان هذا الرسيفر ينردله انترنيت شوية شايل نفسه يعني فد 5 ميكا بايت وهم تكدر تخابرهم وتسألهم هم ترة زينين ويجابون عالتليفون ومستعدين لاي استفسار لان احنا من خابرناه عالجهاز اول شي سألنا عليه هو الانترنيت مالتنا شنو مواصفاته (هم اهل المكتب مايعرفون خدمة فيرايزون بس عدهم حدمة كوكس ويكولون زينة وية الرسيفر).

السؤال الثاني اخاف قصدك عالموقع اللي مذكور في عدة اماكن في المنتدى وهو فومني تي في؟ هذا اللنك مالته

  http://www.watchfomny.com/tv-arabic.php
 

[ســـرى]

بالنسبة للدفع اذا كنتوا تريدون تشتروه راح يتفقون وياكم على ارسال حوالة بالمبلغ الى ولاية كاليفرونيا (بالنسبة للي بامريكا) وبكندا اكو فرع ما ادري جماعة كندا شلون يكون الدفع بالنسبة الهم

 

[ســـرى]

حبيت اكوللكم انه دنستعمل الرسيفر وبنجاح ساحق ومنقطع النظير ههههههههههههه

الحمد لله القنوات طبعا واضحة، مرات او قنوات شوية تكطع بس سووله ريستارت يعني طفوا الرسيفر وعلكوه مرة ثانية وهاي الحالة ممكن تصير مرة كل 5 ايام يعني مو شغلة متكررة وبس لمن يكون الرسيفر مشتغل من الصبح لليل.

[★AbN✰BaGhDaD★]

موضوع رائع ويحتاجه الاجئون كثيرا!!!
شكرا اختي سرى

[ســـرى]

لا اخي ابن بغداد الظاهر ما يحتاجوه اللاجئين .مشكور عالمرور الطيب.

[Seth_Khafaji]

سؤال:
وضوح القنوات مثل التلفزيون العادي؟؟ لو نقلهم مثل الفديوات الي على الانترنت؟؟؟؟

[ســـرى]

مثل التلفزيون العادي وماكو فرق عن التلفزيون ما دم الانترنيت يمك ذو سرعة عالية.

[so2005]

اخواني انا من مدية الكاهون شلون اكدر اشوف جهاز واجربه هل هو شغال جيد ام تكطيع عليه او صوره غير واضحه مثل ستلايت


وشكرا

[ســـرى]

الاخ او الاخت السائل اتصلوا بالرقم اللي موجود اعلاه والشخص اسمه زياد وهو في ولاية كاليفورنيا اصلا وراح يسألكم على نوعية الانترنيت اللي انتو ساحبيه ويكوللكم يرهم او لا.تحياتي.

[so2005]

الاخ او الاخت السائل اتصلوا بالرقم اللي موجود اعلاه والشخص اسمه زياد وهو في ولاية كاليفورنيا اصلا وراح يسألكم على نوعية الانترنيت اللي انتو ساحبيه ويكوللكم يرهم او لا.تحياتي.

اوكي مشكورر
الرسيفر سعره غالي 400 دولار مقياسا" مع دش نتورك او غير خدمات

[so2005]

الجهاز بعد البحث عن طريق نت سعره 400 دولار وهمين تعال جدد بعد سنه  اشتركك وهي كلها قنوات مفتوحه مو نكول شوتايم وغيرها

انا اشتركت على دش نتورك فيها قنوات عربيه ومن ضمنها قنوات art

وللاخوان للاستفاده اكثر نزلوا هذا برنامج على كمبيوتر  في كثير من قنوات العربيه

اسم برنامج

Readon TV Movie Radio Player

برنامج مجاني ولايحتاج الى اشتراك فقط ابحث بالجوجل ونزل

تحياتي

[azizaliraqi]

سلام عليكم

والله ماطول يطلع قناة غنوه هذا الجهاز توووب هههههه


والله ياعمي جهودكم مشكوره

يعني هسه اني بالعراق واحس بفرحة من اشوفكم واحد يبشر الثاني بهيج امور

ربي يحفظكم ويوفقكم امين يا رب العالمين

تحياتي

[zsn896]

السلام عليكم

احنا اشترينا البارحة نوعية جديدة بيها 200 قناة وهوا شغال مية بل مية صورة وصوت واضح ماشاء الله بس حبيت اكوللكم حتى تعم الفائدة اشترينا من ولد اسما زياد


شكرا

[vincenzo]

الله يساعدهم
لكيتلي سيارة تخبل ب350دولار (اني مخبل ادفع 400 دولار حتى اشوف طويلي العمر  )
ودا اشوف كل القنوات اونلاين
ويا محلى التقشف بعون الله

[** يدكو **]

شكرا على الموضع اخت سرى وعندي سؤال الج والى كل الاخوه الاعضاء بالنسبه لقنوات الجزيره الرياضيه البلص شلون الواحد يكدر يحصل عليهم

الي عنده اياه الرجاء يكتب التفاصيل

تحياتي لك

يدكو

[حمودي ابن زيونه]

نفس سؤال يدكو بخصوص الجزيرة الرياضيه وهل قنوات MBC كلها شغاله؟

هل سعر الجهاز بعده 400 ؟

[PlatinuM]

شكرا على المعلومات القيمة
بارك الله فيك
تحياتي

[zsn896]

السلام عليكم

اخي الكريم الجهاز سعرا 439 دولار بس هوا نافع وشغال مية بل المية وصورتا حلوة ومشاء الله عليه

[ســـرى]

شكرا على الموضع اخت سرى وعندي سؤال الج والى كل الاخوه الاعضاء بالنسبه لقنوات الجزيره الرياضيه البلص شلون الواحد يكدر يحصل عليهم

الي عنده اياه الرجاء يكتب التفاصيل

تحياتي لك

يدكو

موجودة بالجهاز اخي يدكو هاي القنوات

[ســـرى]

نفس سؤال يدكو بخصوص الجزيرة الرياضيه وهل قنوات MBC كلها شغاله؟

هل سعر الجهاز بعده 400 ؟

اي اخوية حمودي القنوات موجودة كلها

بالنسبة لسعر الجهاز الان ما عندي علم احنا اشتريناه قبل اشهر

[ســـرى]

شكرا اخوية ابو يوسف عالمرور الطيب.

[stormes]

اكيد دفعتي 400 سرى لو دزوه ابلاش الك على هاي الدعايه، lol i am Just kidding with ya
سعر الجهاز هسه 450 دولار وبعد مرور سنه تدفع 120 دولار (10 دولارات على كل شهر) وينرادلك انترنيت سرعته لاتقل عن 3ميجا. خمسه ميجا يعني سرعة الدونلوود خمسه ميجه مو اشكد اتنزلون
سرى اني هسه مشترك ويه كوم كاست بسرعه 12 ميجا. اكو كومكاست بفرجينيا
مشكوره سرى على هالموضوع الحلو الي يفيد المغتربين العراقيين والعرب

[ســـرى]

اكيد دفعتي 400 سرى لو دزوه ابلاش الك على هاي الدعايه، lol i am Just kidding with ya
سعر الجهاز هسه 450 دولار وبعد مرور سنه تدفع 120 دولار (10 دولارات على كل شهر) وينرادلك انترنيت سرعته لاتقل عن 3ميجا. خمسه ميجا يعني سرعة الدونلوود خمسه ميجه مو اشكد اتنزلون
سرى اني هسه مشترك ويه كوم كاست بسرعه 12 ميجا. اكو كومكاست بفرجينيا
مشكوره سرى على هالموضوع الحلو الي يفيد المغتربين العراقيين والعرب

ما اعرف اخوية ستورمز واكـــــــــــيد دفعت فلوس

للامانة اني الناس ما اعرفهم كلامي عن تجربتي فقط واعرف انت دتتشاقه تحياتي.

[stormes]

اولي لقتباس واكيــــد، تره والله دا اتشاقه

[ســـرى]

ادري اخوية ستورمز واني ما زعلانة بس للتوضيح كتبت هيج وصدكني مو يمك بس لانه قبل فترة وصلني اتهام على هيج موضوع من ناس ما يخافون الله فلذلك وضحت اعلاه واعرف انت دتتشاقه واخ عزيز ان شاء الله.

[stormes]

ليش تهتمين الهم، نصيحه لاي واحد لايهتم لكلام احد خصوصا اذا ما يعرفه ولا تفكر بيه لانه الناس اجناس بيها الزين وبيها التعبان والزين يهمه الزين. وعليهم
اني اسف ما ادري اكو مثل هاللغط كان ما اتشاقيت

[ســـرى]

ليش تهتمين الهم، نصيحه لاي واحد لايهتم لكلام احد خصوصا اذا ما يعرفه ولا تفكر بيه لانه الناس اجناس بيها الزين وبيها التعبان والزين يهمه الزين. وعليهم
اني اسف ما ادري اكو مثل هاللغط كان ما اتشاقيت

لا اخي ستورمز عادي شفنا هواية هيج نماذج حشاك وحشاالطيبين امثالكم انت هم لاتهتم وتحياتي الك وللعائلة.

[اهلي ياعراقين]

السلام عليكم ورحمة الله وبركاته

اخواني الاعزاء

هل هناك شحص مستحدم هذا الجهاز في هيوستن تكساس ، علما ان الانترنيت عندي DSL لشركة AT&T
وتقبلو شكري الجزيل

[عاشق تراب العراق]

اصلا اخت سرى انت ذهب و بارك الله بيج على هلاموضوع اني الجهاز شفتة قبل كم يوم و فعلا كلش واضح و ممتاز يعني عبالك دتكلب بالنايل سات و طبعا اخواني اكو فد شغلة انه صح القنوات الامريكية و الكيبل كلش حلو بس المشكلة للي عندة اطفال لان همة ما شاء الله كلش منفتحين يعني اكو هواية شغلات اني عن نفسي افضل انه اطفالي ميشوفوهة اقلها القنوات العربية اللي نعرفهة كلهة الافلام و المسلسلات مفلترة و عليهة رقابة بس اخت سرى اريد اعرف منج انتو جددتو مال اول سنة لو بعدكم و عرفتو شلون راح تسوون التجديد ؟ لان مثل مكالو الاخوان الجهاز سعرة مو رخيص

[ســـرى]

السلام عليكم ورحمة الله وبركاته

اخواني الاعزاء

هل هناك شحص مستحدم هذا الجهاز في هيوستن تكساس ، علما ان الانترنيت عندي DSL لشركة AT&T
وتقبلو شكري الجزيل

ان شاء الله الاخوة في تكساس يجاوبوك اذا احد بيهم مستعمله ولو الموضوع بتلفات الدنيا شلون راح يشوفوه هههههههههههه

اصلا اخت سرى انت ذهب و بارك الله بيج على هلاموضوع اني الجهاز شفتة قبل كم يوم و فعلا كلش واضح و ممتاز يعني عبالك دتكلب بالنايل سات و طبعا اخواني اكو فد شغلة انه صح القنوات الامريكية و الكيبل كلش حلو بس المشكلة للي عندة اطفال لان همة ما شاء الله كلش منفتحين يعني اكو هواية شغلات اني عن نفسي افضل انه اطفالي ميشوفوهة اقلها القنوات العربية اللي نعرفهة كلهة الافلام و المسلسلات مفلترة و عليهة رقابة بس اخت سرى اريد اعرف منج انتو جددتو مال اول سنة لو بعدكم و عرفتو شلون راح تسوون التجديد ؟ لان مثل مكالو الاخوان الجهاز سعرة مو رخيص

والله اخوية العزيز بعد ما كملنا سنة وياهم ان شاء الله اوافيكم بالاخبار عن التجديد

[تكساسي]

الاخ اهلي ياعراقيين والاخ عاشق تراب العراق والاخت سرى العزيزين
الجهاز شغال عندي في هيوستن وهو مفيد جدا وخصوصا للاطفال من حيث التواصل باللغة العربية وخصوصا انه يحتوي اكثر من قناة للاطفال او القنوات العربية الاخبارية وخصوصا بهذه الفترة . والصورة جيدة جدا وواضحة عندي شخصيا
بالنسبة للشركة فاني عندي شركة كومكاست وشغال بافضل حالة وبدون اي توقف
بالنسبة للشركات الاخرى سمعت انه عدهم مشاكل كون السرعة مرات متغيرة مما يؤدي لتوقف الصورة او قد تكون مشاكل اخرى خاصة بالتوصيلات وليس بالنت نفسه
وهاي مثل مكتلك مو قياس وممكن اكو اكثر من راي  وانشاء الله نسمع اكثر من شخص حتى تستطيع الحكم
واي سؤال اخر اني حاضر للرد وانشاء الله اكون مقصرت بالرد

تكساسي

[عاشق تراب العراق]

شكرا اخت سرى و تكساسي الورد هو اني واكف على شعرة وية الجهاز لان كلش عاجبني بس ردت اعرف شغلة التجديد لان بعد محد مجدد و اتصور انت هم ؟؟؟؟لان بصراحة على رمضان كلش مفيد و منا العطلة جاية .

[ســـرى]

الاخ اهلي ياعراقيين والاخ عاشق تراب العراق والاخت سرى العزيزين
الجهاز شغال عندي في هيوستن وهو مفيد جدا وخصوصا للاطفال من حيث التواصل باللغة العربية وخصوصا انه يحتوي اكثر من قناة للاطفال او القنوات العربية الاخبارية وخصوصا بهذه الفترة . والصورة جيدة جدا وواضحة عندي شخصيا
بالنسبة للشركة فاني عندي شركة كومكاست وشغال بافضل حالة وبدون اي توقف
بالنسبة للشركات الاخرى سمعت انه عدهم مشاكل كون السرعة مرات متغيرة مما يؤدي لتوقف الصورة او قد تكون مشاكل اخرى خاصة بالتوصيلات وليس بالنت نفسه
وهاي مثل مكتلك مو قياس وممكن اكو اكثر من راي  وانشاء الله نسمع اكثر من شخص حتى تستطيع الحكم
واي سؤال اخر اني حاضر للرد وانشاء الله اكون مقصرت بالرد

تكساسي

مشكور الف شكر عالرد اخي تكساسي تحياتي

شكرا اخت سرى و تكساسي الورد هو اني واكف على شعرة وية الجهاز لان كلش عاجبني بس ردت اعرف شغلة التجديد لان بعد محد مجدد و اتصور انت هم ؟؟؟؟لان بصراحة على رمضان كلش مفيد و منا العطلة جاية .

ان شاء الله اخي عاشق من نجدد اكوللكم الاخبار

[abuhatem]

انا سحبت برنامج مجاني وفيه الآلاف من القنوات ومنها العربية ويعمل بشكل جيد ، لا شراء ولا سنوية ولا شي
http://www.ahusoft.com/
مع انها النسخة المجانية بس تحوي هواية
للتحميل
http://www.duckload.com/download/kSVu2

[عاشق تراب العراق]

اخت سرى  جددتي لان موضوعج عبر السنة وية الجهاز ,بشري!!!!!!

[lenatelecom]

UP

[WaselTV]

االان متوفر في كندا عبر الرابط
http://wasel.tv