رد: لنتعرف على الادارية."sandy 88"

[nuhra]

تحية طيبة لاحلى اعضاء زاوية الشباب


اليوم استقبل ادارية جديدة ومميزة باسلوبها وبطيبتها

وهي الادارية sandy 88

اهلا وسهلااا ساندي انتي مدعوة للمشاركة في الموضوع والاجابة عن اسئلة الموضوع المثبتة والاسئلة التي ستطرح من قبل الاعضاء

ويمكنك عدم الرد عن اي سؤال لا ترغبين بالرد عليه


تمنياتي للجميع بوقت طيب

تحياتي
اختكم نوهرا

[jolyana]

منورة اخت ساندي

[رهام القوشيه]

منوره حبي ساندي
يلا تعالي

[izab25]

ياهلا ومليون مراحب بالإدارية ساندي

سأعود اليكم لاحقاً

[ستيفن الالقوشي]

يا ميلا هلا ساندي يلا شوية وارجع اجييب الاسئلة علما تجين

[sandy 88]

تحية حب معطرة بأريج الورد ابعثها لكم على جناح طيور الحب لتطوف ارجاء الكون وتصل اليكم وهي محملة بما في قلبي من محبة ومودة لكم جميعا .... كيف الحال اخوتي في منتدى الشباب وباقي المنتديات اتمنى ان تكونوا كلكم بخير يارب

بداية احب اشكر الاخت العزيزة والادارية القديرة نوهرا على مجهودها المتواصل من اجل تقديم الافضل والافضل برأيي هذه الفكرة جميلة جدا اذ تجمع بين الاداريين والاعضاء من كل المنتديات والاقسام واتمنى ان لا اكون ثقيلة عليكم 


1 الاسم(مستعار او حقيقي ) - ؟    ساندي

2-المنتديات التي تشرف عليها ؟  منتدى التعارف والترحيب بالاعضاء الجدد_  نادي التعارف والترحيب المخصص لكتابات الاعضاء


3-تاريخ تسجيل الاداري في المنتدى كعضو وتاريخ تعيينه كمشرف؟ اعتقد تاريخ تعيني كمشرف هو نوفمبر 06, 2009 اما بالنسبة لانتسابي للمنتدى  ديسمبر 06, 2008


4-كيف تعرفت على الموقع ؟ بصراحة كنت اتابع الاخبار التي تنشر على هذا الموقع


5-من الذي بلغك بتعينك كاداري في الموقع ؟   واو بصراحة كانت مفاجأة جميلة جدا من الادارة الموقرة اذ علمت من خلال المنتدى بعد تنزيل موضوع  خاص بتهنئتنا


6-ماذا كان شعورك بتعينك اداري في المنتدى؟ شعور جميل ان تشرف على مكان انت اصلا تحبه وكنت تقضي فيه ساعات طويلة دون ان تشعر بالوقت وتساعد فيها اصدقائك


7-المهنة ؟  اداري في منتدى عنكاوا هههههه لا دا اتشاقة وياكم بصراحة في انتظار تعيني بشكل دائم في احدى الشركات في مجال تخصصي طبعا وان شاء الله خير لكن حاليا عندي عملي الخاص ومرتاحة


8-التحصيل الدراسي؟  مجال تخصصي هو البترول ومنظمات المجتمع المدني


9-اين تقيم؟  العراق


معلومات اخرى تحب ان تشاركنا بها ... لا توجد ان سأضع الباب مفتوحا امامكم لاي اسئلة تطرحونها


مارايك بالموضوع؟  سأرجع واقول موضوع جميل جدا


كلمة اخيرة ...اشكر اختي الادارية نهرا على استضافتي قبلاتي اطبعها على خدك  وعلى كل الذين رحبوا بي شكرا لكم احبتي



  اختكم التي تحبكم /ساندي

[izab25]

اهلاَ بالإدارية ساندي من جديد

إذا امكن راح ابدي بالأسئلة

1-شنو تعريفج لمنتدى عينكاوا
2- أتعتقدين أن بامكان المرأة أن تحقق ذاتها في الحياة المهنية ؟
3-هل انت واثقه من نفسك شكد فى %

مع تحياتي
غسان

[مـ ـريـ ـومـ ـة]

اهلا وسهلا بيج حبي سوسو


جبتلج احلى عصير الج علمود تريحين شويه خههه




وراجعتلج بعدين ويا الاسئلة


سيووو

[رهام القوشيه]

هذا عصير طماطه اول مره اشوف هيج عصير مريومه هههه

منوره لبي ساندي وراجعين بعد العصير هههه

[sandy 88]

مرحبا اخي العزيز غسان نورت الصفحة بوجودك وراح اجاوب على اسئلتك


1-شنو تعريفج لمنتدى عينكاوا
ج/ منتدى عينكاوا هو منتدى العائلة العراقية بكل بلدان العالم هذا ما احسسته خلال تواجدي معكم (منتدى لانه يشمل الكثير من المواضيح التي تطرح والتي تواجهنا في الحياة ومن  خلال المناقشات او النصائح نستطيع ان نتعلم شي بسيط عن الحياة , عائلة لانه فعلا يلم شمل العراقيين من خارج البلد وداخله بذلك نتعرف على طبيعة كل بلد وفعلا تتكون علاقات اخوية رائعة ).


2- أتعتقدين أن بامكان المرأة أن تحقق ذاتها في الحياة المهنية ؟
ج/ اكيد ليس فقط اعتقد بل متأكدة من ذلك انا واحدة من النساء اللواتي تشتغل 12 ساعة خارج البيت هذا كله يأتي من طموح الذي في داخلي المرأة تبقى طموحة في الحياة تسعى وتسعى من اجل الافضل من اجل تكوين حياتها المستقبلية كما تحلم هي بها ابسط مثال العراق مر بالكثير من الحروب كان يتحتم على الرجال المشاركة في جبهات القتال من كان برأيك يدير امور العائلة وارجاع الامور والعمل في مختلف قطاعات الدوائر كان المرأة لان الحياة هي مشاركة تعاونية بين الرجل والمراة وبدون هذه الشراكة لا تصل الى ما تبغيه بالحياة ...


3-هل انت واثقه من نفسك شكد فى %؟
ج/ سؤال كلش حلو بصراحة انا عندي ثقة كبيرة جدا بحياتي وما اتخذه من قرارات لكن يبقى هاجس التردد بداخلي دائما اضع لنفسي خط الرجعة دائما عندام انظر الى الامام قبل ان اخطو خطوتي الاولى افكر بها جيدا واحسبلها الف حساب وهذا التردد ما يجعلني اتفقد اراء الناس من حولي لان تعرف كل انسان يغلط فلتجنب الوقوع من الخط يجب ان تحدد اهدافئك ثم تأتي الى تحليل ما قد تواجهه وكيفيه معالجته لا استطيع بصراحة ان اعطي نسبة معينة من ثقتي بنفسي لانها تختلف حسب امور الحياة.

[sandy 88]

حبيبتي مريومة كتكوتة المنتدى شكرا مادام من ايدج الحلوة اكيد راح يكون العصير طيب

[sandy 88]

رهومة منورة لبي

[izab25]

تسلمين ياوردة على الرد واسلوبكِ الرائع الله يوفقج بحياتج اليوميه

[njmat_alba7r]

منورة ساندي الحلوة الموضوع

   سوالي الكي

 شنو احلى ذكرى يمكي

وشنو الشي الي متحبي اذكري ابد ؟؟؟

 وسلامي الكي

[jolyana]

هاي ساندي شلونج انشاءالله بخير

ان سوالين بس عندي


منو اكثر انسان تحسه قريب منج روحيا يعني تحسيه قريب منج حتى لو كان بعيد؟

حاليا تحسين روحج مرتاحة معنويا؟



شكرا تحياتي

[danny alprince]

هاي ساندي شلونج

انتي شكد عمرج؟

ممكن ترتبطين بشاب اصغر منج بسنة او سنتين او اكثر؟

[izab25]

ارجع وياكم بالرد
تحية طيبة الى جميع الإدرارين اللي بداخل العراق واكول الله يساعدهم مع خطوط النت اللي شالعة كلوبهم خط النت صاير مثل اليانصيب يا يحصل اشارة قوية ويتمتع بمنتديات عنكاوا وغيرها من المواقع اللي يتصفحوها او الشات اللي صاير يمهم باي جنص يا يفتح او ميفتح للتالي ويلحكها الكهرباء اللي صايرة ترفكلايت وياعيني على المولدات اللي شالعة كلبوبهم بنفس الوقت وكل هايه بصفحة ومن تنضرب الحاسبة مالتهم بصفحة ووووووو وطلايب كثيرة ومشاكل اكثر .....
الله يصبركم يا اداريين

وكًل غايب العذر وياه ، وكل هذا احنا بأمس الصبر بإنتضار الأخت الإدارية ساندي علمود نكمل مشوارنا وياها وراح يدك الجرس وتنتهي الإستضافة وراحت عليكم الفرصة يا أحلى اداريين

تحياتي
غسان البازي

[رهام القوشيه]

هاااي ساندي
شلونك لبي
نشاءالله بخير شلونهم الاعضاء وياج كلهم حبابين مو لو مو هههه

يلا اني اجيت وجبت ويايه نسلته وعصير وجبس وبيبسي
هع هع هع


شنو معناته اسمج

باقه  ورد المن تهديه

شنو هدفج بالحياة

انتي حبيبي

شنو لون عيونج

انتي سمره لو بيض

شنو برجج

شنو اكلتج المفضله

كل الاعضاء اتحبيهم ..اغلى عضو او عضوة اتحبي واتعزي

شنو تعنيلج هاي الاسماء

المسيح

مريم اعذراء

الام

الاب

الصديق

الحب

البحر

الشمس


ظلام الليل


عنكاوا


ساندي انتي من وين من يا مله يعني


شنو هوايتج المفضله


 

يابه والله اعرف طولته عليج
وبيبسي وجبس ونسلته جاين بعد الاجابه
ههههههههههههههه

باااي

[sandy 88]

شكرا غسان انت هم منور بأسئلتك الحلوة

[sandy 88]

هسه نجي على الوردة الغالية نجومة شلونج لبي ؟

شنو احلى ذكرى يمكي ؟
ج/ بصراحة اكو هواية ذكريات حلوة بحياتي بس الاحلى هي ذكرى تناولي الاول


وشنو الشي الي متحبي اذكري ابد ؟؟؟
ج/  دائما بالحياة تواجهنا صعاب كلما نكبر نتعلم شي جديد لكن بصورة عامة اكو شيئين ابد ما احب اذكرهم الاولى هي الحرب الاخيرة على العراق اللي مجنت اعرف بيا دقيقة ممكن ان تكون ساعة وداعي لهذه الدنيا والشي
 الثاني هو حادث تعرض له والدي العزيز والحمد الله الرب انقذه

[sandy 88]

يا هلا بحبيبتي جوجو فراشة المنتدى شكرا لبو وهسه راح اجاوب على اسئلتج

منو اكثر انسان تحسيه قريب منج روحيا يعني تحسيه قريب منج حتى لو كان بعيد؟
ج/ اهلي والرب يسوع

حاليا تحسين روحج مرتاحة معنويا؟
ج/ اكيد مرتاحة اذا اهلي والناس اللي احبهم بخير ويارب يحل السلام بالعالم كله

[sandy 88]

اهلا وسهلا داني

انتي شكد عمرج؟
ج/22 سنة

ممكن ترتبطين بشاب اصغر منج بسنة او سنتين او اكثر؟
ج/ في حالة وحدة فقط اذا كان يستحقني

[izab25]

اهلاً برجوعج اداريتنا ساندي

[sandy 88]

مراحب اخي غسان ههههههه هو فعلا بصراحة دنعاني من هالمشكلة

[sandy 88]

اهلا وسهلا بالغالية رهومة زهرة المنتدى ههههههه لا خطية الاعضاء كلش حبابين وشكرا لبي عالنستلة والببسي وهسه راح اجاوب على اسئلتج الحلوة مثلج

شنو معناته اسمج؟
ج/ ههههه مااعرف بصراحة لان هذا اسمي الثاني

باقه  ورد المن تهديه؟
ج/ اهدي كل ورقة من كل وردة من هذه الباقة لكل انسان عرفته بحياتي ومن ضمنهم انتي يا وردة

شنو هدفج بالحياة؟
ج/ اووووووووووووووووووه هواية اهداف بصراحة متنعد بس احيانا معطيات الحياة تختلف مو مثل ما تريديها واني كل طموحة اي فرصة تجيلي اذا جانت من صالحي وسمحتلي الظروف انتهزها وما افوتها

انتي حبيبي؟
ج/ يمكن قصدج( انت حبيتي؟) بصراحة رهومة حبيبتي ماكو انسان ميحب بس يعجبني الحب الطاهر البريء بس صعب تلكيه لذلك ما احب ادخل بتجربة حب سعيدة الان بحياتي اريد بعد انطي وقت لنفسي لاكتشف ذاتي لاكتشف الرب اكثر لاكتشف الحياة اكثر

شنو لون عيونج ؟
ج/ اطوخ من لون عيون المطربة اليسا بدرجتين     

انتي سمره لو بيض؟
ج/ لا سمرة ولا بيضة بشرتي فاتحة

شنو برجج؟
ج/ برج القوس

شنو اكلتج المفضله؟
ج/ هههه ماما اكلها كلش طيب فمن وراها حبيت كل الاكلات وماعندي مشكلة ويا اكلة معينة اكثر شي النواشف تعجبني 

كل الاعضاء اتحبيهم ..اغلى عضو او عضوة اتحبي واتعزي؟
ج/ بصراحة هذا سؤال صعب الكل احبهم بس اني دائما احب الصراحة وراح اكولج ان هذا الحب يختلف من شخص لاخر بس الكل عندي سواسية لان الكل حبابين ومن ضمنهم انتي يا وردة     

شنو تعنيلج هاي الاسماء؟

المسيح /  واو بصراحة ماكو كلمة توصفه هو ملك الابدية  ومخلص البشرية

مريم العذراء / ام الشعوب
 
الام / جوهرة الحياة 

الاب / النجمة التي تعلو شجرة الكرسمس

الصديق / هو الملجأ الذي تلجأه في وقت الفرح والضيق طبعا دا اتكلم عن الصديق الحقيقي

الحب / بحر وماكو شي يوصفه هو احساس ومو كل شخص يحسه ويعرف قيمته بس اول معاني الحب هو التضحية بدون مقابل   
 
البحر / يتكلم عن الحياة بتقلباتها بهدوئها بهيجانها

الشمس / بصراحة مااعرف شوصف هذا الكوكب اللي يشع الارض بالدفىء خاصة بالشتاء

ظلام الليل / اشبه بقسوة الرجال لكن من جهة اخرى من  حيث الواقع وليس التشبيه كلش احب الليل وخاصة بالصيف بحيث احيانا عندما تقرئين قصة ما تدخلين باعماقها كأنك انتي بطلة القصة او شخصية ما فيها واحلى شي باليل هو السكون اللي يحتاجه الانسان لتصفية ذهنه

عنكاوا / ملجئي اللي التقي من خلاله بأبناء شعبي ابناء الرب
ساندي انتي من وين من يا مله يعني ؟ هههههه اني من العراق من مدينة كركوك


شنو هوايتج المفضله ؟
ج/ الكومبيوتر وسماع الاغاني وكتابة تقارير او مشاريع والتنس وكرة السلة والتسوق

حبيبتي رهومة بالعكس اشكرج على الاسئلة ويارب اكون جاوبت مثل ما انتي تريدين

[nuhra]

شكراااا عزيزتي ساندي على اللقاء الجميل والمشاركة الحلوووة

وشكرا لكل الاعضاء المشاركين منورين الموضوع


الى هنا ينتهي لقائنا مع العزيزة ساندي



الى لقاء اخر
تحياتي
اختكم نوهرا