حرصنا في هذا المنتدى على خدمة اخواننا الجدد بالمعلومات التي نراها ضرورية لتسيير حياتنا في المجتمع الامريكي و من هذه المواضيع الكردت كارد
طبعا موضوع الكردت كارد فد موضوع شائك بالنسبة النا لان احنا بالعراق يمكن احسن واحد بينا عندة حساب توفير الا اللي الله ممكنة وتاجر او عندة حساب جاري لاي سبب من الاسباب
اهنا بامريكا اكو فد شي اخر اسمة الكردت كارد اللي هوة خللي نسميه السمعة المالية لهذا الشخص في امريكا (اللي همة راح يعرفوك من السوشيل سكيورتي مالك)
اهنا بامريكا تقريبا كلش قليل اللي يستخدمون الكاش و الاغلبية نشوف عدهم كارتات يستخدموها بالتسوق و بعدة اشياء اخرى مثل دفع الفواتير
شنو هوة الكردت كارد ,مختصر مفيد هوة عبارة عن تفاهم بينك وبين البنك بموجبة البنك يكلك يابة اني انطيك كارت معترف بيه بالعالم كلله تروح تتسوق بكذا مبلغ شهريا و نهاية الشهر ادزلك قائمة التسوق مالك للبيت مو شرط تسددها كلها بس لازم على الاقل تسدد فد نسبة مئوية منها حتة تبقة الثقة بيني وبينك
طبعا انت يفضل تسددها كلها لان الجزء اللي ما راح تسددة منها راح يحسبون عليه فوائد بس اذا سددتها كلها كلشي ما يحسبون عليك .
شغلة حلوة ولطيفة و طبعا همة عدهم فد نظام يحسبون بيه نقاط للشخص كلما زادت نقاطك كلما صرت ثقة اكثر عند البنوك و يكومون ينطوك كردت كارد قيمتة اعلى فبالتالي تاخذ راحتك بالصرف اكثر
طبعا للاسف احنا الواصلين الجدد ما معروفين عند النظام المالي الامريكي يعني ماكو ولا بنك ينطيك كردت كارد فبالتالي ما نكدر نسويه لكن اكو فد شغلة نكدر نسويها لاجل ان نخلي البنوك تثق بينا فبالتالي نكدر نسوي كردت كارد النا مستقبلا و نجمع خوش كمية نقاط فنصير موثوق بينا
هاي الشغلة هية اسمها سكيورد كردت كارد
شنو هذا ,طبعا هذا مو كل البنوك تسويه وهو شنو تروح على البنك تكللهم يابة راح اخلي يمكم مثلا 300دولار مثل تامينات و اريد تنطوني على اساسها كردت كارد ب 300 دولار وارجع و اكللكم هو مو كردت كارد اعتيادي هو سكيورد كردت كارد يعني بداية ثقة طبعا ورة ما تاخذ هذا السكيورد كردت كارد راح تمشي بنفس الطريقة اللي كلناها تسوق وتسدد بالموعد و تنحسبلك نقاط وراح تشوف ورة فترة من الزمن تكبر نقاطك وتكوم تكدر تسوي كردت كارد من النوع الاعتيادي
اخر ملاحظة هي حسب معرفتي انه من اشهر البنوك اللي تسوي هذا هو
bank of america
www.bankofamerica.comطبعا و يفضل تروحون للبنك تتفاهمون وية الموظف و لا تسووها اون لاين
هذا كان الموضوع بشكل مختصر و اللي عندة سؤال اني حاضر اذا اعرف الاجابة
