روح براحتك

[شقلاويه]

 لتخاف .. اعذرك ماتحاجيني

بس وياك اخذ عيني التهل ادموع


ومن تشتاكلي بس باوع العيني


كلب الحب رسمته بجف يسرتي وهاك


شوف اسمك كتبته بشوكي بيميني


بنص درب العشك شو تيهتني شبيك


تدليني كلت لعد ما تدلّيني


اليذكروني عفتهم لجل شوكي وياك


واني اتذكّرك وانت الي ناسيني


ضحّكتك لمن جار الزمان عليك


حرام عليك تتعمّد تبجيني


بايعني برخص واني بغلاة اشريك


مو انت الكلت بالروح تشريني


صرتلك كلّي شمعه ونوّرتلك دوم


عكب ما خلّصتلك نور عشريني


بعد ما كلت آه ودرت وجهك ليش


لإن طرواك كتلك ضل يداويني


ولإن كتلك ضواي ونور عيني اتصير


تريد اتروح عنّي اتريد تعميني


روح وداعت الله بس اكلك ها


الي رب ٍ كريم الصبر ينطيني


 
 

[همسة حب]

عاشت الايادي ياوردة

[MUNIR_QUTTA54]

           شقلاويه صدك انتي بطعم التين واحنه نطعم جلماتج جنه 00 ولومرينه اعلى حروفه على

          بساتينه جنه حنينه 00 ونغمة روح براحتك مارحنه كبل ماانكول الج بكل ود وحب استقبلتينه

          بسطور حلوه قريتينه 00 وخليت الروح ونفسه تتلذذ بطعمه يبنت شقلاوه لاتصدكين  ننسى

         طعم التين وبساتينه 00 حياج الله ودمتي باشعارج النه يشقلاويه 0


           سلام الرب معك


      منير قطا

[بابا عابـــــد]

     الأخت المبدعــــة [[ شــــقلاوية ]]
       شعر شعبي بديع ورائع .. وأنتم الأروع !
         رعاكم الرب بمحبتـــــه ...

[شقلاويه]

اشكركم على مروركم

[عيسى الجريح]

عاشت ايدج


ابداع



تحياتي


ابو العيس الجريــــ؟؟؟؟ــــح
شاعر الحزن وبالحزن شاعر

[ليث سمر]

     عاشت الانامل يامبدعه  شقلاويه

     تحيتي لكم  ليث سمر

[شقلاويه]

شكرررررررررررررا

[(ROBERT)]

عاشت ايدج على الابداع.

[meron_love]

الله شعر في غاية الروعة عاشت الايادي

[شقلاويه]

اشكركم على مروركم

[ann_alnoury]

رائــــــعة واكثـــر.....

أمنيات بأن لا نحرم واحات الجمال النقية

تقبلي مروري على سطورك الذهبية

لك تحياتي و عبير احتراماتي

[شقلاويه]

ميرسي

[raid_70]

كلمات جميلة ومؤثرة فعلا عاشت الايادي يا مبدعة

[وردة الربيع]

عاشت الايادي كلمات في غاية الروعه

[شقلاويه]

اشكركم على مروركم

[سمث كارلو]

قصيدة مؤثرة وحلوه جدا

[شقلاويه]

تسلموووووووووو