صديقي رجع من امريكا الى العراق

[ابو ريم]

اخواني واخواتي اتصلت بصديقي كان في كاليفورنيا رجع للعراق كال شغل ماكو حتى تنظيف صحون ماكو خلصت افلوسه ورجع حسب ما قال لي اريد تعليقكم انا مجرد ناقل ما قال لي والله يشهد على ما اقول وشكرا

[ســـرى]

اخونا العزيز الذهاب الى امريكا والعيش هناك مثل الدواء اللي يعالج المرض عند شخص ولايعالجه عند شخص اخر

اخوية العزيز كل شخص والظروف اللي توفرتله وظروفه العائلية وقابليته للمقاومة ومحاولة نحت الصخر للعيش بكرامة

ماكو احد يكدر يفيدك بنصيحة مضبوطة لان كل شخص من عدنا عنده ظروفه والحظ مرات يلعب دور في انك تتعرف على ناس يساعدوك للحصول على عمل مثل ما انت بالعراق

هاي نصيحتي اخوية العزيز وان شاء الله يهديك للقرار اللي بيه مصلحتك وتقبل مروري

[*Sandra*]

أخوية العزيز ابو ريم
السفر لأمريكا  ليس بالشيء الهين او السهل  ويأتي عادة السفر بعد صبر طويل وعناء  وعند وصول اللاجيء هناك  اكيد راح يكمل مشواره من الصبر والعناء  ولو بالفترة الاولى من وصوله   الى أن يستقر  وتمشي اموره وعدم وجود  عمل لا يعني ان اللاجيء ينسى كل معاناته وتعبه حتى يوصل ويستقر وبلحظة يرجع ومن اول  تجربة فشل له   وكثير سمعت حالات من الأخوة بالمنتدى انهم سافروا لامريكا ورجعوا ولكنهم بعد مرور فترة  يتمنون يرجعون لامريكا
والرزق هو من عند الله يعني اذا اراد الله ان يرزق بشرا معينا يرزقه حتى لو كان في اي بلد 
 اتمنى للجميع التوفيق
               أختك أمنية

[swan_mo]

اخوتي تقبلو تعليقي--الاخ الي رجع ببساطة حياته مو مهددةاطلاقا والدليل رجوعه وللاسف اخذ فرصة غيره وعطل ناس محتاجين هاي الفرصة اكثر منه ونبقى نتمنى الخير والسلامة لكل اهلنا بالعراق

[عراقي هواي]

السلام عليكم جميعا ياخواني المسأله مو هينه مثل ما البعض يعتقد ولا هي تجربه شخصيه فشلت او نجحت نكول هاهيه القضيه هي بدايه حياة جديدة بعيدة عن الاهل والمعارف والاصدقاء وحتى تختلف عن حياة بلدان الجوار بغض النظر عن عادات الشعوب وتقاليدهم .المساله تحتاج الى صلابه وقوة ارادة والكثير من الصبرومواجهة الصعاب والمحن بدءا من محنة الحنين والشوق   وحساب  كل شي من اتفه الاشياء الى اعظمها حتى لا تكون هناك صدمات واحباط واحد يحسب الكل شي ويدقق كل التفاصيل واذا احد الاخوان فشل لا سامح الله او ظروفه غير شكل لا يعني هذا ان كل شي غير جيد كثير من الذين اعرفهم حصلوا على الهجرة وهم كانوا في العراق امنين مطمأنين ولديهم من المال الكافي والاملاك وحياتهم ليست في خطر وقد اخذوا فرص غيرهم في السفر .الان هم مستقرين هناك والمضحك المبكي يزاحمون اللذين هربوا بجلودهم وعذرا للتعبير يزاحموهم على المساعدات التي تقدم للاجئين والمهاجرين مع العلم ان ان اعمالهم هنا لم تغلق وتدر عليهم الملاين من الدولارات.وشر البليه ما يضحك .تقبلوا مروري .اخوكم عراقي هواي

[strawberry 81]

الاخ ابو ريم :اعتقد انو اللي يريد يحقق طموحه واحلامه لازم يصبر ويكافح من اجل هدفه واللي ماعنده القدره على الصبر اكيد رح يستسلم  واعتقد صديقك اله ضروفه الخاصه وهاي امريكا كثير من الناس بدو من الصفر ووصلو للي يطمحوله .تقبل مروري

[أ.ج.ت]

اخي العزيز باي  بلد تكون جديد رايحلة لازم تتعب بالبداية ولازم تصبر حتى تنول مرادك

[worldgold]

اخوكم   WORLDGOLD           

   (  كي تبني عاليا ينبغي ان تحفر عميقا  )

   والحليم تكفية المقولة

تقبلوا مشاركتي

اخوكم

                                                 WORLDGOLD

[ابو ريم]

شكرا على مروركم وتعليقكم اعتقدوا انني مع اللي يبدا خطوه بخطوه واللي يريده يتحقق باذن الله تعالى العراق الان يمر في مراحل للتغير وانشاء الله ان تستلم الايادي الشريفه زمام الامور من اي دين كان او طائفه كانت المهم هو عراقنا جميعا واللي ما يسافر ما يعرف شنو التطور واين وصلت الحظاره من الرقى والازدهار والعمل مو عيب وان كان متواضع المهم الاصرار والتوكل على الله تعالى وان لا يؤثر مثل هيج مقالات هيه مجرد تعليقات لا اكثر والف شكر الى كل العراقين اولادي واخوتي واخواتي وشكرا

[فنار]

اذا يكدر يرجع للعراق ليش سافر اصلا؟؟؟؟

الحزين      هولندا

[BlindSniper]

اخي والله جريمه تدري هذا اخذ مكان غيره

[مازولا]

اخواني الاعزاء ... اخواتي العزيزات ... كل واحد يسوي اللي يصرفله ... و المفروض ما نحكم على اي واحد من نظرتنه احنه للامور لان كل واحد يشوف الامور بشكل و كل واحد و ضروفه اللي ما نعرفهه ... مرة قريت موضوع في المنتدى لاخ اسمه ابو بشات ... ذكر فيه انو مره صار عصبي من ورة زوجته و عائلته و راسا خابر على اهله بالعراق و كلهم اريد ارجع ... و من كالوله ليش تريد ترجع استحى و ما كاللهم على السبب الحقيقي و ظل يكول الوضع و الشغل و من هاي الاشياء ... مثل ما كلت تره كل واحد عنده اسبابه و هاي الاسباب عاده مو هيه اللي يحجي بيهه الواحد و يكولهه للناس ... اللي يريد يرجع الباب مفتوح و اللي يريد يبقى البيت مفتوح ... و اني اتمنه للي يبقه و للي يرجع التوفيق بحياته ...
هاي اولا ...
ثانيا ... بس احب اكول لبعض الاخوة ... ترة ماكو احد اخذ مكان احد ... كل واحد قدم على لجوء او هجرة و تم قبوله ... معناهه انو كل الشروط و الضوابط متحققه بيه ... حاله حال اي واحد ثاني ... و هاي ما الهه علاقه اذا كانت عنده فلوس لو لا لو عايش عيشه زينه لو لا ... اضافه الى انو ماكو في سنه من السنين من تم اعلان برنامج اللجوء الى امريكا ... ماكو سنه وصل رقم اللاجئين الى الحد الاعلى و قبط و كامو ما يقبلون وراهه ...
مع تحياتي و تمنياتي بالتوفيق لاخواننه الطيبين ... اخوكم مازولا

[AboDiana]

لا تعليق ؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!

أخوكم أبو ديانا

[vincenzo]

يابة خاف صديقك اس اي في
وراح رأسا استلم الكرين كارد
ورجع لوضيفته ببغداد اللي راتبهه زين
مثل ما هواي ديسووهه
بس هو يخاف يسولف الصراحة
لان يخاف من خرافات مثل هاي سالفة الحسد ما ادري شنو

[مظلومه سوادي]

كل واحد وتجربته
بس عالعموم
كول اللي راحوا لامريكا اعرفهم مارجع منهم غير عائلتين من اصل 14 عائله
بين اقرباء واصدقاء وجيران

كل واحد وحظه
اللي رب العالمين موفقه بالصومال يلاكي شغل
والمسدوده بوجهه لو حتى يروح لسويسرا تصير سويسرا مديونه
وتعلن افلاسهه

[ذاكر ابو فابيان]

اخي العزيز كل شخص ينضر الى الامور من وجهة نضره يعني مثلا
قد تجد انت وضيفة وتحبها جدا وتمدح بها بينما نفس الوضيفة قد يعتبرها البعض دمار وقهر وانتحار وهكذا

                                                       اخوك ابو فابيان

[الحياوي]

ومن اضطر غير باغ
تقبلو مروري

[Ross son of iraq]

يابة خاف صديقك اس اي في
وراح رأسا استلم الكرين كارد
ورجع لوضيفته ببغداد اللي راتبهه زين
مثل ما هواي ديسووهه
بس هو يخاف يسولف الصراحة
لان يخاف من خرافات مثل هاي سالفة الحسد ما ادري شنو

ليش هيج يمعووووووووووووووود
اني اس اي في
راح ايصيرلي ست اشهر هنا بكاليفورنيا
وشغل ماكو صحيح
الموضوع ينرادلة صبر وحظ
او انت عندك عائلة كبيرة وتكعدون اتظربون ويل فير قوي وفود ستامب قوي
بس اذا مثل حالي بس نفرين وتكعد كل شهر اتجمل تلثمية دولار من جيبك عل ايجار
فلازم بس اتخلي عينك ابعين الله وهية تصفة
بالنسبة للفلوس الي جايبهة وياية
بالظبط خلص تلث ارباعهة وبقة اقل من ربع
والشغل مستمر بالبحث وان شاء الله قريبا الكة فد شغلة بحيث يتوقف نزيف الكاش الي اني دا اتعرظلة

وارجع واكول
الشغل هنا حظ اولا وعلاقات ثانيا
تحياتي لجميع الاحباب هنا
وخصوصا اخوية vincenzo

[vincenzo]

حياك الله حبيبي روس
لو مستغل هذا الوقت الفات بدراسة لو معادلة شهادة مو احسنلك؟؟؟
راجع موضوع حيدور مال عندك خطة بامريكا لو على الله

[Ross son of iraq]

اخي وصديقي vincenzo
اشكرك على الاهتمام وانت قبل لا اعرفك امبين عليك صديق واخ حقيقي
من اول يوم اجيت بيه لامريكا واني هذه خطتي الاولى والاخيرة وهي الدراسة ثم الدراسة
ولكن يا اخي كاليفورنيا خرب مذهبهة نهيبة يا اخي ايخلوك ادوخ منين اتجيب واتجمل عل ايجار
والله سبحانه وتعالى واحمده واشكره على اي حال وكعني ابمنظمة ذكرتهة سابقا نزلوني ابفندق واني ادفع من جيبي فلوس الفندق
واني بس وياية زوجتي وما اعرف عراقيين هنا
كول الله ساعدني وعديت المحنة واستقريت
واشكرك مرة ثانية ذكرتني بموضوع الاخ حيدور
ولكن يا اخي ضروري جدا تلكة شغل واقصد اي شغل كان مو لازم شغلة الاحلام
و وراهة الله يفتحهة بوجهك عل دراسة
بالنسبة الي
هسة يلة بدت عندي بوادر الشغل
وان شاء الله ابدي الاسبوع الي جاي
شغلة دخلهة بسيط بس يكفي نفرين
وبديت استعمل الاصدقاء العراقيين الي اتعرفت عليهم هنا والي همة اغلبهم اساتذة بجامعات معروفة عدنة هنا مثل جامعة ستانفورد بديت استعملهم حتة ايساعدوني على موضوع الدراسة
اخوية اني اشكرك جزيل الشكر على اهتمامك
واذا تحتاج شي بلقليل الي عندي فأدلل علية واي سؤال اتحب اني حاظر

[عراقي في تركيا]

اخويه ولو تزعل بس بصراحه صديقك اخذ فرصه غيره وهاي الي نكول عليهه تره الي ما مجبور لا يطلع اخوان الي يطلع الامريكا او غيرهه يصور انو راح يطك بس وينصدم بل واقع ويرجع اما الي مهدد وحياته بخطر وين يرجع وهاي النماذج اثرت على مصداقيه العراقي بل منضمه وتمنى من اخواني ان يكون صريح بقصته ويخليهه على الله اشكركم

[vincenzo]

اشكرك صديقي روس
عندي كم سؤال عالدراسة ماطول هيجي عندك اصدقاء طاكين
بلكي تتصل بية خارج المنتدى حتى نتبادل المعلومات

[ابو ريم]

 
هذا صديقي يمكن ما عجبه الوضع لانه في العراق له بيت واسع بس اعتقد هو قدم من العراق على نظام
 siv وهل هو حصل على الكرين كارت الله اعلم اتمنى الموفقيه للجميع

[vincenzo]

مو كلنه
اكيد استلم كرين كارد حبيبي
وهسه بجيبه مثل هواي من جماعة الاس اي في يستلمون ويرجعون
وبعدين يرجعون لامريكا من يرتبون امورهم بكيفهم