رد: لنتعرف على الاداري"karam_alqoshy2007"

[nuhra]

تحية طيبة لاحلى اعضاء زاوية الشباب


اليوم نستقبل اداري مميز ليشارك معنا في "لنتعرف على الاداري "

وهو الاداري ..karam_alqoshy2007


اهلا وسهلااا كرم
منور زاوية الشباب  

اتفضل جاوب عن الاسئلة المثبتة بالموضوع وعلى الاسئلة التي سيقوم الاعضاء بطرحها


تمنياتي للجميع بقضاء وقت ممتع


تحياتي
اختكم نوهرا

[izab25]

اهلاَ اخونا كرم الألقوشي خف رجلك وتعالنا بسرعة الكل بإنتضارك

[رهام القوشيه]

هله هله و100 هله عيوني
كروووووووومي

طبعا بس فتت عالزاويه اسمك منوره يلا تعال بسرعه
اساله هوااااااايه اكو

[karam_alqoshy2007]

بالبداية احب اسلم على الجميع ان شاء الله تكونين بصحة جيدة

واشكركم على الاستضافة الحلوووة وسوري على التأخير

راجعلكم بعدين شوية واجاوب على الاسئلة

تحياتي

[karam_alqoshy2007]

1- الاسم (مستعار او حقيقي )
كرم الالقوشي

2-المنتديات التي تشرف عليها ؟
الرسومات واللوحات الفنية
منتدى السينما والتلفزيون

3-تاريخ تسجيل الاداري في المنتدى كعضو وتاريخ تعيينه كمشرف؟
طبعا اني سجلت عام 2006 وجنت ادخل بشكل متقطع لكن في بداية 2007 دخلت بأستمرار وكنت ادخل على استراحة المنتديات اغلب الاحيان في منتصف 2008 اذا ما تخوني الذاكرة تعينت مشرف وبشرتني بوكتها نادية

4-كيف تعرفت على الموقع ؟
عن طريق الادارية نادية وبالبداية جنت ادخل للدردشة وبعدها تركت الدردشة واستمريت على المنتدى

5-من الذي بلغك بتعينك كاداري في الموقع ؟
الادارية نادية

6-ماذا كان شعورك بتعينك اداري في المنتدى؟
بيومها جنت بحفلة مال كرايبنا وكالت عندي بشارة الك حلووة .....اكيد فرحت بيها لكن الكل يعلم ان الادارة مسؤولية اكبر من العضو لذلك يجب ان يكون الاداري على قدر المسؤولية

7-المهنة؟
طالب جامعي .....

8-التحصيل الدراسي؟
كلية تربية اسياسية - مرحلة ثالثة

9-اين تقيم؟
العراق العظيم

معلومات اخرى تحب ان تشاركنا بها ...

طبعا عنكاوا كوم هي انطلاقتي التي بدءت بها في عالم الانترنيت وبفضل الرب استطعت ان استفيد كثير من الاشياء من خلال تصفحي هذا الموقع وهذا البيت الذي اجتمعنا به ولحد الان ....لكن قد تصادفني ضروف لا استطيع ان استمر كثير من تصفحي بسبب اشغالي لكن منتدى عنكاوا كان له الفضل الكبير لي وهذه حقيقة يجب ان لا اخفيها ...والمنتديات بشكل عام رائعة جداً لانها مدرسة كبيرة بمختلف المجالات ونتعلم منها اشياء كثيرة...

مارايك بالموضوع؟
موضوع جميل جداً من خلاله يتعرف الاعضاء على الادرايين اكثر واكثــــر

كلمة اخيرة ...
كل الشكر والتقدير الى مشرفتنا الغالية نوهرا الوردة على ابداعها المستمر والرب يوفقج ويحفظج...ومن هذا المكان احب اسلم على كل اعضاء منتديات خورنة القوش واكللهم مشتاقلكم هواية هواية

وتمنياتي الى زاوية الشباب بالموفقية دوماً

وانـــا بأنتظار اي سؤالــ يطرح هنا

[رهام القوشيه]

هاااااي كرم
شلونك عيني هاي وين هل الغيبه
منوووووورنه عيوني


يلا اني راح ابدي وياك....

شنو معناته اسمك

اكلتك المفضله

شنو الي ده اتسوي هناا

انت حبيت بحياتك

انت شاطر بدراستك هسه لو  لا

شخص لا ترفض له طلبا

باقه ورد المن تهديه

عضو او عضوة حاب تلتقي بيهم


بس هذوله طلعوا ويايه راجعين بعد الفاصل

تحياتووووو

[رهام القوشيه]

لووول كرومي وين اختفيت تعال لتخاف من الاسئله خخخخخ

[karam_alqoshy2007]

هاااااي كرم
شلونك عيني هاي وين هل الغيبه
منوووووورنه عيوني

هلا هلا بيج رهام منور بيكم اي شوية امور الجهال والبيت ههههه من هيج مشغول

يلا اني راح ابدي وياك....

يلة ....

شنو معناته اسمك

كرم من العادات الحسنة اي بمعني كريم يكرم الاخرين

اكلتك المفضله

البطاطا والكبة الجبيرة

شنو الي ده اتسوي هناا
دا ارد على الاسئلة مالتج هع هع

انت حبيت بحياتك
نعم

انت شاطر بدراستك هسه لو  لا ممتعض

يعني نص ونص

شخص لا ترفض له طلبا
اشخاص كثيرين وليس هناك شخص محدد لان كل من يحتاج اليه اقدم له يد العون

باقه ورد المن تهديه
اهديها الى كل انسان يقدر الاخرين ويحترمهم ...والى كل من يتصفح هنا

عضو او عضوة حاب تلتقي بيهم
هههه انتي بس بعيدة علينا لووول
الاخت العزيزة نوهرا وهيوي والقش كيل ووووو هواية

بس هذوله طلعوا ويايه راجعين بعد الفاصل

يلة انتظرج بعد الفاصل بس سوي الفاصل مالتج مثل الــ بي سي طويل هههههه

تحياتووووو
واني هم

[رهام القوشيه]

هاااي كرم شلونك
شلونهم جهال الله يساعدك عليهم خخخ
شكرا الك عالاجابات الحلوة منك

اكول كرم انت منو كلك مخلينك بالتعرف على الاداري

[nuhra]

شكرااا اخي كرم على المشاركة الحلوووة
وشكرا لكل الاعضاء المشاركين منورين الموضوع


الى لقاء اخر نلتقي


تحياتي
اختكم نوهرا