تقويم الاسنان في دالاس

[علي رسول]

السلام عليكم اخوتي ردت افرحكم اليوم على تقويم الاسنان الى اولادكم
اليوم خابرت ابن خالتي في دالاس وتدرون رأسن اشلونك حبيبي شخبارك كتله انت بالبيت كال لا يم دكتور الاسنان دا اعمل تقويم اسنان الى بناتي الاثنين كتله اوكي اخذ راحتك وبعدين اخابرك .
خابرته وره اربع ساعات كتله ها خلصت كال اي حطولهم التقويم كتله زين هاي بفلوس لو شنو كال لا على الدوله ما طول عمرهم اقل من 21 سنة .

هاي طبعا في مدينة دالاس واني هذا الكلام متأكد منه 100بالميه وما ادري ابغير ولايات اكو هيج شي لو لا

[عكعك التطوى]

مشكور اخي علي رسول على المعلومه

[ســـرى]

صحيح كلامك اخ علي التقويم للاطفال عالدولة وعدنا هنا بفرجينيا هم هيج واكو برنامج للاطفال اسمه ابتسامة الاطفال يعنى باسنان الاطفال ويعالج مشاكلهم بهالخصوص

[رضا محمد]

اني أخذت ابنتي الى طبيب الأسنان ( في ولاية واشنطن )لعمل التقويم و قال لي الدكتور سوف اهمل لها . من ثم قام بقلع احد اسنانها و من ثم قال اعطانا مو عد جديد ثم عندما ذهبنا له مرة ثانية قال ان التأمين الصحي لا يغطي و لكن .... ان جيراننا العراقيين عملوا تقويم اسنان لأثنين من اطفالهم عند نفس الطبيب و عندما سألناهم كالعادة تهربوا من الجواب كما يفعلون كل مرة . و عندها ذهبت للطبيب مرة اخرى و حاججته فقال ان يجب ات تأتي بموافقة من DSHS . فأعتقد انه يجب اخذ موافقة مسبقة قبل عمل تقويم الأسنان.

[ســـرى]

هي اخوية تختلف من ولاية الى الثانية وكذلك حتى الاطباء بصراحة اكو اطباء متعاونين ويستقبلوك بالابتسامة واكو لا والله ما تكدر تدخللهم مرة ثانية لن تعاملهم كان سئ

وممكن تتصل بالطبيب وتشرحله الحالة قبل ما تروح حتى تعرف يغطي ام لا

[angie-dawood]

اخي العزيز اي نوع من العلاج اذا كان عندك التامين الصحي يقدم الطلب من خلال الطبيب المختص الى دائرة التامين الصحي مع تحويل الحالة مثل تقويم الاسنان او عمل اي عملية جراحية يقدم الطلب وياخذ من الوقت شهر الى ان تتم الموافقة عليها من دائرة التامين الصحي سوى بالموافقة او الرفض

[ابو هبه]

اخواني الاعزاء
طبعا هذا من هوايه مواضيع مقلقه ويراد لها جواب شافي ولكن الجواب دائما يكون (حسب الولايه) واللي ميدري هو وين راح ايروح يظل كلشي مامفتهم !!!!!
لحالتي مثلا لي اثنين من ابنائي يراد عمل تقويم لهم ومرات اكول في نفسي لو اسوي في امريكا اكيد احسن لكن بعدين اكول اخاف ميسووه لان غير مشمول !!!
قصدي اشلون نكدر وبمساعدة الطيبين اللي موجودين بمختلف الولايات ان يفيدونه ومو بس بالاسنان وانما بغير مواضيع ايضا  خلينه انحاول اخوان 000اني ادري اخت ريم عدها جرد باخواننا في الولايات زين اكو طريقه نتصل بيهم؟؟؟وماأعتقد يبخلون علينه بردودهم0000لو شتكولون؟؟؟

ابو هبه

[ســـرى]

اخونا العزيز ابو هبة ممكن تدزلهم رسائل عالخاص بس اختار الاعضاء اللي بعدهم ديشاركون بالمنتدى بين فترة والثانية وهم حتى اذا ما فتحوا صفحة المنتدى راح توصللهم عالياهو ميل